Vuosttaš boddu.

Manne ii leat áviisa boahtán?
Maid, iigo leat boahtán?
Ii leat boahtán mannan vahkus, iige dánge vahkus.
Na jos dat boasta lea láhppán iige dánge vahkus.
Ii dal láhppán gal leat.
Amma mii eat leat máksán?
De leat máksán.
Mun máksen 100 ruvnno duvle.
Leago duohta?
Duohta!
Maid don doaivvut, mun gielistan?
Manaigo Biret-Elle viežžat boastta?
Na manai.
Bohtetgo ruđat munnje?
De bohte ruđat.
Na attes munnje daid.
Na vuordde.
Dá dat leat, 350 ruvnno.
Dat gal lei beare unnán.
Mun vurden eambbo.
Dá lea reive maid. 
Dat lea Márehis.
Leigo odne áviisa?
Iigo dutnje šat boađe áviisa?
De boahtá.
Áviisahan gal boahtá.
Mun lean duvle máksán 100 ruvnno.
Dá oainnát.
Na muhto don it leat dasa nama čállán!

Mun manan viežžat boastta.
Iŋgá manai oastit láibbi.
Mana ohcat!
Mun áiggun oastit biilla.
Mun láven juhkat gáfe.
Mun lean boahtán.
Mun lean máksán.
Don it leat nama čállán.
Máret manai čázi juhkat.
Mun áiggun reivve sáddet.
Sáhtátgo mu veahkehit.

s. 9.
Leatgo oaidnán Máreha misiid?
Cokka láibbiid sehkkii.
Bijatgo don sohkkara dedjii?
Iŋgá oastá givnniid.
Muittiigo Máhtte váldit nisttiid?
Galgego moai vuolgit Ruŧŧii?
Juvvá manná Supmii.
Mana vissui!


s. 18.

Máret fertii barggu váldit.
Gosbat Máret lea?
Máret lea Kárášjogas.
Iiba leat skuvlii álgán?
Ii heađisge.
Ii dat beassan.
Maid dat Kárášjogas bargá?
Dat lea oahpaheaddjin doppe.
Ja gillii fas dohko mannat.
Dathan gal fertii barggu váldit.
Ja go beasai fas seammá bargui.
Iihan dat liikon Kárášjohkii.
Dat dinii bures doppe.
Ja go vel oaččui buoret orrunsaji.
Maid don áiggut márkanis?
In dal áiggo maidege.
Mun vulgen dušše mielde.
Goasbat Máret fuobmái fas dohko vuolgit?
Na geasset go bođii diehtit ahte ii beasa skuvlii.
Ja munnje ii leat čállán oppa reivvege.
Leago guhkes áigi dassá go Máreha oidnet?
Na lea, hirbmat guhkes áigi.
Leatgo fitnan Kárášjogas?
In lean.
Mot mun beasan dohko?
Munhan lean Lulli-Suomas.
Maid ipmašiid doppe dagat?
Na mun váccán joatkkaskuvlla doppe.

s. 19.
Maid Biret-Elle áigu dahkat?
Maid Biret-Elle áigu dán dálvve dahkat?
Dat áigu leat ruovttus.
Leago barggu ohcan?
Ii leat ohcan.
Ii dál lea álki bargui beassat.
Ja Biret-Elle lea easka skuvllas geargan.
Áigugo fas skuvlii álgit?
In doaivvo.
Munhan maid dárbbašan veahki.
Leago dus nu olu bargu?
Munhan láven duddjot maid.
Mot Ánde liikui Lulli-Supmii?
In mun gillen jearrat.
Ii son liikon dohko.
Na jearaigo Máreha?
De jearai.
In fuobmán dadjat ahte Márehis lea ođđa irgi.
Ale dájo.
Buorre lea go it fuobmán.
Mun lean nu suhttan.
Geasa don čuojahit eske?
Itgo riŋgen Márehii?
In mun gillen.
Soai leaba goappašagat nu jallat.

s. 22.
Mun liikon Kárášjohkii.
Mun beasan dan skuvlii.
Mun álggán skuvlii.
Mun váccán skuvlla.
Mun lean geargan skuvllas.
Mun lean beassan skuvllas.
Mun bessen dan bargui.
Iibat leatge skuvlii álgán?
Gosbat don boađát?

s. 23.
Gos dáppe lea lulli?
Gos dáppe lea máddi?
Mun boađán Lulli-Suomas.
Mun boađán Mátta-Suomas.
Máret fertii váldit barggu.
Son fertii vuolgit.

s. 26.
Leago doppe kafea?
Leago guhkki kafeai?
Leago guhkki eará dáluide?
Man guhkki lea girkui?
Leatgo doppe olu gávppit?
Leago guhkki Suoma geidnui?
Man guhkki lea skuvlii?
Leago guhkki johkagáddái?

s. 27.
Liikotgo don Abbai?
Liikon.
In liiko.
Son ii gillen vuolgit Romsii.
Son ii leat dinen bures.
Son dajai: in mun ipmirdan.
Son lea vuoššan iđitgáfe.


s. 29.
Goalmmát boddu.
Fidnejitgo guliid?
Mus lea miella borrat guoli.
De fidnejin.
Leatgo buorit guolit?
In dieđe man buorit dat leat.
Dat leat galbma guolit.
Muhto dorskit gal leat varrasat.
Dathan gal leat buorit guolit.
Amma duot lei Niillasa guollebiila?
Na lei, dat gal lei.
Ledjego guolit divrasat?
Eaige lean.
Mun diŋgojin vel eambbo guliid.
Doaivvutgo oažžut buriid guliid?
Doaivvun dieđusge.
Na maid don diŋgojit?
Mun diŋgojin báldá.
Báldáhan ferte diŋgot, jos galgá fidnet.

s. 39.
Jogo gikse dat guolit?
Eai dat leat vel giksan.
Sáltejitgo bures?
In mun sálten nu olu.
Mearraguoli galgá bures sáltet.
Gosa don bidjet daid sáiddiid?
Mun heŋgejin daid.
Amma don áiggut guollegáhkuid ráhkadit.
Na áiggun.
Naba daid stuora dorskiid, gosa daid bidjet?
Daid mun sáltejin, ja bures vel sáltejinge.

Dál mii boradit.
Dál lea guolli giksan.
Dál mii boradit.
Na varas guolli dal lea buorre.
Ledjego buorit vuoivasat.
De ledje.
Fertejitgo máksit daid vuoivasiid ovddas?
Daid ovddas gal in máksán maidege.
Mun gal liikon mearraguollái.
Dat leat buorit guolit, nu vielgadat.
Na mun válljejinge buoremus guliid.

s. 31.

Attes munnje vuoivasanai?
Ánne-Sofe buvttii varas biergguid.
Ja nu.
Leatgo sii njuovadan juo?
Eai lean váldán go niestebohcco.
Diŋgojitgo eambbo bierggu?
In diŋgon. 
Itgo don duvle juo diŋgon?
Na mun gal hupmen dan birra.
Muhto in mun vissa diŋgon gal.
Na gal mii geargat ain diŋgot.
Na dát ledje buorit mállásat.
Giittus eatnat.
Na eale dearvan.