Fólkatalið var 51.540 tann 1. mars

Fólkatalið 1. mars var 51.540 persónar. Hetta er 846 fleiri í mun til 1. mars í 2018. Vaksandi gongdin í fólkatalinum hevur verið støðug síðani 2013. Orsøkin til vaksandi fólkatalið er eitt javnt positivt burðaravlop og vaksandi positiv nettoflyting. Burðaravlopi er munurin ímillum fødd og deyð og nettoflytingin er munurin ímillum til- og fráflyting. **Fólkatal, bústaðarøki**   Í mun til sama tíðarskeið í fjør, búgva nú lutfaldssliga fleiri íbúgvar í Vága-, Norðurstreymoyar og Eysturoyarøki. **Fólkatal, kommunur**   Nógv tann stórsta kommunun er Tórshavnar kommuna. Her búgva áleið 21.600 persónar, sum er 42% av samlaða fólkatalinum. Næstu Tórshavnar kommunu eru Klaksvíkar og Runavíkar kommuna, har tað búgva ávíkavist 10% og 8%. Størsti vøksturin í fólkatalinum seinasta ári, hevur verið í Sjóvar kommunum við 4,3% í mun til 1. mars 2018. Í 4 øðrum kommunum var fólkavøksturin omanfyri 3%. Hesar vóru Fámjins, Eiðis, Porkeris og Hov kommunu. Størsta minkingin seinasta ári var í Skúgvoyar kommunu, har fólkatalið fall við áleið 7%. 


Góðir 27.700 løntakarar í juni - støðugt fleiri leggjast afturat

Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali og sterku strikurnar vísa gongdina ella trendin fyri kynini. Í juni vóru um 14.400 menn og 13.300 kvinnur í løntakaraskaranum. Myndin niðanfyri vísir løntakaratalið og gongdina í teimum fýra høvuðsvinnugreinunum. Kámu strikurnar vísa løntakararnar í tali og sterku strikurnar vísa trendin fyri vinnugreinabólkarnar. Dagførdu løntakaratølini við fleiri útgreinaðum tølum finnur tú í hagtalsgrunninum. 


Fyrstu ferð upp um 28.000 løntakarar - fleiri leggjast afturat skaranum

Gongdin, sum er lýst við trendinum, vísir, at fleiri løntakarar framvegis leggjast afturat løntakaraskaranum. Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali og sterku strikurnar vísa gongdina ella trendin fyri kynini. Í juli vóru um 14.650 menn og 13.500 kvinnur í løntakaraskaranum. Myndin niðanfyri vísir løntakaratalið og gongdina í teimum fýra høvuðsvinnugreinunum. Kámu strikurnar vísa løntakararnar í tali og sterku strikurnar vísa trendin fyri vinnugreinabólkarnar. Í vinnugreinabólkinum almenn og onnur tænasta starvast nú gott og væl 10.000 løntakarar, í privatu tænastuvinnum knappliga 9.300, í byggivinnu og aðrari tilvirking 4.500 og í fiskivinnu og aðari tilfeingisvinnu 4.300. Trendurin vísur, at seinasta árið hevur vøkstur verið í nærum øllum vinnugreinabólkunum, hóast ymiskur. Tó hevur lítil og eingin vøkstur verið í bólkinum privatar tænastuvinnur. Løntakaratalið í privatu tænastuvinnunum, hevur funnið eina legu, ið telur um 9.000 løntakarar. Dagførdu løntakaratølini við fleiri útgreinaðum tølum finnur tú í hagtalsgrunninum. 


Størsti fólkavøkstur í Eysturoy, Vágum og Tórshavnarøkinum

## 403 aftrat í høvuðsstaðnum og 275 aftrat í Eysturoy Landafrøðiliga var stórur fólkavøkstur í øllum sýslum uttan Sandoyar. Í tali var størsti vøksturin í Tórshavnarøkinum við 403 fólkum og í Eysturoy við 275. Síðan koma Vágar við 91fólkum, Norðoyggjar við 75, Streymoyarøkið uttan høvuðsstaðin við 55 fólkum og Suðuroy við 47 fólkum. Í Sandoyar sýslu eru 3 fólk komin aftrat. Lutfalsliga var størsti vøksturin í Vágum við 2,5%, Eysturoy við 2,4% og síðani Tórshavnarøkið við 2,1%. So er eitt glopp niður til Norðoyggjar og Streymoyarøkið annars við 1,2% hvør og Suðuroy við 1,0%. Tann sera lítli vøksturin í Sandoyar sýslu svaraði til 0,2%. Frammanundan hevur tað serliga verið Tórshavnarøkið, sum í mun til fólkatalið er farið við størsta partinum av fólkavøkstrinum. So er enn, men hesin parturin er minkaður nakað, meðan Eysturoyggin tekur ein veksandi part av fólkavøkstrinum. Hinvegin fáa Norðoyggjar ein minkandi part av fólkavøkstrinum. Í Eysturoy búgva 11.719 fólk, ið er knappliga 23% av fólkatalinum í Føroyum. Men vøksturin á 275 fólk svarar til 29% av fólkavøkstrinum fyri alt landið. Til samanberingar búgva 20.019 fólk í Tórshavnarøkinum, ið er knappliga 39% av fólkatalinum í Føroyum, og vøksturin her var 403 fólk, svarandi til 43% av øllum fólkavøkstrinum. Í Norðoyggjum búgva 6.204 fólk, ið er 12% av fólkatalinum, men vøksturin her á 74 fólk svarar til 8% av øllum fólkavøkstrinum. Í Vágum búgva 6% av fólkatalinum, men teirra partur av vøkstrinum var 9%. Í Suðuroy búgva 9% av fólkatalinum, og teirra partur av fólkavøkstrinum var 5%. Leggjast kann aftrat, at burðaravlopið var negativt í Sandoyar sýslu, t.v.s. at fleiri doyði enn tað vóru fødd. Í Suðuroy var lítið og onki burðaravlop, og eftir fólkatalinum var burðaravlopið í Norðoyggjum, roknað eftir fólkatalinum, minni enn helvtin av burðaravlopinum í Eysturoy, Vágum og Streymoyarøkinum sum heild. Hesi síðstu seks árini hevur verið stórur árligur fólkavøkstur, sum sæst aftur í flestu høvuðsøkjum. Tó eru tvey teirra, Sandoyar og Suðuroyar sýslur, dragnað afturúr. Tað sæst skilliga, um vit seta fólkatalið 1. jan. 2014 til vísitalið 100: meðan fólkatalið er vaksið 6-11% í øllum hinum høvuðsøkjunum, so hevur verið stillstøða ella minking í Sandoyar og Suðuroyar sýslum. Seinasta ársskeiðið síggja vit tó ein ávísan fólkavøkstur í Suðuroy, men vísandi til ójøvnu gongdina har tey seinastu árini, har tað hevur skift millum vøkstur og minking, uttan at fólkatalið enn er komið upp um tað, sum tað var 1. januar 2014, fara komandi mánaðir at vísa, um framgongdin hetta seinasta ársskeiðið verður meira varandi enn vit higartil hava sæð. ## Kommunurnar: vøksturin lutfalsliga størstur í kommunum í Eysturoy og Vágum Tær størstu kommunurnar veksa mest í tali. Tórshavnar kommuna við 409 fólkum, Runavíkar við 111 og Klaksvíkar við 85. Samantikið er størsti vøksturin í kommununum í miðøkinum, t.v.s. í Eysturoy, Streymoy og í Vágum. Merkisverd er ymiska gongdin í teimum báðum kommununum í Norðoyggjum, har Viðareiði minkar við 21 fólkum, svarandi til 5,8%, meðan Hvannasund veksur við 10, svarandi til 2,5%. Í Eysturoy er størsti lutfalsligi vøksturin í Fuglafjarðar kommunu við 3,4%, Runavíkar kommunu við 2,8%, Eiðis kommunu eisini við 2,8% og Eystur kommunu við 2,1%. Til samanberingar var vøksturin í Tórshavnar kommunu 1,9%. Í Norðstreymi vaks Vestmanna kommuna við 2,4%. Í Vágum veksur Sørvágs kommuna við 3,1%, og í Suðuroy veksur Tvøroyrar kommuna við 2,0%. Merkisverd er ymiska gongdin í teimum báðum kommununum í Norðoyggjum, har Viðareiði minkar við 21 fólkum, svarandi til 5,8%, meðan Hvannasund veksur við 10, svarandi til 2,5%. Samanumtikið er vøkstur í 20 kommunum, óbroytt í trimum og minking í 6. Á myndini niðanfyri eru kommunurnar settar í raðfylgju frá størstu minking til størstan vøkstur í tali. ## Vøkstur í stóru oyggjunum, flestu útoyggjar halda tørn Verður hugt eftir gongdini í einstøku oyggjunum, er munandi fólkavøkstur í øllum teim stóru oyggjunum og ein lítil vøkstur í Sandoy. Í útoyggjum er merkisverdur vøkstur í Svínoy, úr 26 upp í 32 fólk. Hinar halda tørn uttan Skúvoy, ið minkar við 3 og Hestur við 1. Dagførd og útgreinað íbúgvatøl eru at finna í hagtalsgrunninum her. 


Umsetningurin í handilsvinnuni er vaksin mest fyri matvørur

Um hugt verður at árligum broytingum, so vísa dagførdu tølini, at umsetningurin vaks mest fyri vørubólkin matur og alkoholfríar drykkjuvørur. Verður hædd tikin fyri prístbroytingum og umroknað verður til mongdir, so sæst, at sølan av húsbúnaði og húsarhaldsútgerð er vaksin mest frá øðrum ársfjórðingi 2018 til annan ársfjórðing 2019. Trendurin í umsetninginum fyri vørubólkin matur og alkoholfríar drykkjuvørur vísir, at umsetningurin fyri henda vørubólkin var 3,5% hægri í øðrum ársfjórðingi í ár í mun til sama tíðarskeið í fjør. Hetta er sami miðal árligi vøksturin, ið hevur verið síðan byrjanina av 2013. Verður hædd tikin fyri prísbroyting fyri henda vørubólkin, so sæst, at mongdin av hesum vørum er vaksin við tveimum prosentum frá øðrum ársfjórðingi í 2018 til annan ársfjórðing 2019. Fyri vørubólkin klæðir og fótbúnaður hevur umsetningurin og mongdin av seldum vørum verið nærum óbroyttur í 2 til 3 ár. Tað er sermerkt fyri vørubólkin, at miðalprísurin hevur verið sera støðugur seinastu 10 árini, og vísitølini fyri virði av umsetningi og mongd av seldum vørum fylgjast tískil at í tíðarskeiðinum. Fyri vørubólkin húsbúnaður og húsarhaldsútgerð var umsetningurin nærum óbroyttur frá øðrum ársfjórðingi 2018 til annan ársfjórðing 2019. Miðalprísurin í hesum vørubólki er lækkaður umleið 4 prosent hetta tíðarskeiðið. Við umrokning av virði til mongd merkir hetta, at mongdin av seldum innbúgvi og útgerð til húsarhaldið er vaksin við 4 prosentum. Dagførdu tølini fyri smásøluna eru at finna í hagtalsgrunninum. 


Vøruinnflutningur og -úflutningur eru dagførd til august 2019

Útgreinað hagtøl um uttanlandshandilin eru at finna í hagtalsgrunninum her. 


Brúkaraprísirnir eru farnir 0,9 prosent upp seinasta árið

Seinasta árið hevur verið prísvøkstur í flestu høvuðsbólkum. Prísirnir innan hotel og matveiting eru hækkaðir mest, tó hevur hesin vørubólkur lutfalsliga lítla ávirkan á samlaða brúkaraprístalið. Prísir á mati og drekka, ið fyllir lutfalsiga nógv í húsarhaldsnýtsluni, eru hækkaðir 1,7 prosent seinasta árið, harav serliga kjøt og vørur úr breyði eru hækkaði mest. Prísir á býlisútreiðslum eru í miðal hækkaðir 0,4 prosent, harav m.a. rentuútreiðslan er lækkað 6 prosent og prísir á viðlíkahald av bústaði eru hækkaðir 3 prosent. Prísurin á brenniolju, ið eisini fyllir lutfalsliga nógv í húsarhaldsnýsluni, er minkaður 3,5 prosent 3. ársfjórðing í ár í mun til sama ársfjórðing í fjør. Dagførda brúkaraprístalið við fleiri útgreinaðum tølum finnur tú í hagtalsgrunninum. 


Metstórur fólkavøkstur frá 1. sept. í fjør til 1. sept. í ár

Lutfalsliga, t.v.s. í mun til fólkatalið, hevur fólkavøksturin onkuntíð verið størri. Men so skulu vit 44 ár aftur í tíðina, til 1975 tá fólkatalið var 40.400 og fólkavøksturin tað árið var 792, svarandi til 2,0% Tann 1. sept. í ár var fólkatalið 51.969. Tað er eitt sindur minni enn mánaðin frammanundan, men tað er vanligt við eini minking í august, ið jú er tann stóri fráflytimánaðurin hjá ungfólki, ið fara uttanlands í lestrarørindum. Verður gongdin tó nakað sum í fjør, fer fólkatalið skjótt aftur upp um 52-túsund. Uppgerðin av fólkatølunum er nú trendað, so til ber at lýsa gongdina við at reinsa fyri árstíðarfrávik - so sum ymiska gongdin í juli og august - og aðrar tilvildarligar broytingar frá einum mánað til annan. Tað ger, at vit kunnu samanbera fólkatalið mánaðarliga, hóast mánaðirnir eru ymiskir. Við trendinum kunnu vit til dømis samanbera juli og august, hóast juli er stóri tilflytimánaðurin, og august hinvegin er stóri fráflytimánaðurin. ## Trendurin vísir áhaldandi fólkavøkstur Trendurin vísir, at fólkatalið fór at vaksa aftur um ársskiftið 2013/14. Tá vóru vit á umleið 48.300 í tali. Fleiri og fleiri leggjast afturat, og vøksturin í fólkatalinum er spakuliga øktur øll esi árini síðani tá. Á leið 75 fólk leggjast nú afturat mánaðarliga, og tann trendurin við áhaldandi fólkavøkstri tykist at halda fram. ## Nettoflytingin økir um fólkatalið við eini 50 fólkum mánaðarliga Tað eru fýra tættir, sum ávirka gongdina í fólkatalinum. Tað er tilflytingin og fráflytingin, umframt talið av føddum og deyðum. Trendurin vísir, at fráflytingin fór at minka í seinnu hálvu í 2011, men síðani 2015 hevur hon ligið í einari fastari legu um 100 fólk mánaðarliga. Tilflytingin hinvegin er vaksin rættiliga støðugt øll árini síðani 2011 úr góðum 100 fólkum upp í 150 mánaðarliga, og tilflytingin sær út til at halda fram at vaksa. Tilflytingin er soleiðis gingin frá fráflytingini seinnu árini, og ískoytið til fólkavøksturin frá nettoflytingini - tað er gloppið millum tilflyting og fráflyting - er nú á leið 50 fólk mánaðarliga.   Grovaru strikurnar í myndini niðanfyri vísa trendin ella gongdina í tilflytingini og fráflytingini. Kámu strikurnar vísa upptaldu til- og fráflytingina mánað fyri mánað. ## Burðaravlopið økir um fólkatalið við eini 25 fólkum mánaðarliga Trendurin vísir, at talið av føddum børnum hevur ligið støðugt um 50 mánaðarliga nógvu seinastu árini, men at trendurin síðstu tvey árini gevur eina ábending um, at talið av føddum børnum nú spakuliga tykist at økjast upp í eini 60 børn mánaðarliga. Tað svarar til eitt føðital á eini 700 árliga, og so høgt hevur tað ikki verið síðstu 14 árini. Talið av deyðum hevur ligið í fastari legu hesi seinastu árini og telur um stívliga 30 mánaðarliga. Ískoytið til fólkavøksturin frá burðaravlopinum, ið er munurin millum fødd og deyð, telur tí um 20-30 fólk mánaðarliga. Grovaru strikurnar í myndini niðanfyri vísa rákið í føðitalinum og í deyðatalinum. 


Knappar 850 milliónir í september - støðugur vøkstur í lønargjaldingunum

Myndin niðanfyri vísir lønargjaldingarnar fyri bæði kyn. Kámu strikurnar vísa útgoldnu lønirnar og sterku strikurnar vísa gongdina ella trendin fyri bæði kynini. Í september var parturin hjá monnum knappliga 530 milliónir og 320 milliónir hjá kvinnunum. Vøksturin í lønum hevur verið størri hjá monnum enn hja kvinnum seinastu 5 árini. Tilsamans eru lønirnar hjá monnum umleið 200 milliónir størri enn hjá kvinnunum mánaðarliga. Í 2014 var munurin smáar 140 milliónir mánaðarliga. Myndin niðanfyri vísir lønargjaldingarnar í teimum fýra høvuðsvinnugreinunum. Kámu strikurnar vísa lønargjaldingarnar, og sterku strikurnar vísa trendin fyri vinnugreinarnar. Sløk 65% av lønargjaldingunum verða útgoldar í almennu- og privatu tænastuvinnunum, 20% í fiskivinnu og aðari tilfeingisvinnu og 15% í byggivinnu og aðrari tilvirking. Trendurin vísir, at vøkstur er í øllum vinnugreinabólkunum, hóast ymiskur. Dagførdu lønartølini við fleiri útgreinaðum tølum finnur tú í hagtalsgrunninum. 


Arbeiðsloysi 1,3% í juli - liggur í einari legu

Arbeiðsloysi var 1,3% í juli samanborið við 1,7% í juli í fjør. Gongdin í arbeiðsloysinum hevur seinasta hálva árið funnið eina legu, ið liggur um 1,2%. Myndin niðanfyri vísir arbeiðsloysi fyri bæði kyn. Kámu strikurnar vísa arbeiðsloysisprosentið og sterku strikurnar vísa gongdina ella trendin fyri kynini. Í juli var arbeiðsloysið 1% hjá monnunum og 1,5% hjá kvinnunum. Sama mánað í fjør var tað 1,4% hjá monnum og 2,1% hjá kvinnum. Arbeiðsloysið hevur verið støðugt minkandi bæði hjá monnum og kvinnum seinastu árini og munurin millum kynini er minkaður seinastu trý árini. Myndin niðanfyri vísur arbeiðsloysi eftir øki. Lægst er arbeiðsloysið í Norðurstreymi við 0,7%, Eysturoy 0,8% og Norðoyggjum 0,8%. Í øllum aldursbólkum er arbeiðsloysið minkað í mun til í fjør. Í juli var arbeiðsloysi millum 0,9 og 1,3% í flestu aldursbólkum uttan hjá teimum 25-34 ára gomlu. Í hesum aldursbólkinum er arbeiðsloysi 2,1%. Myndin niðanfyri vísir hvussu leingi fólk hava verið arbeiðsleys. Stívliga helvtin av teim arbeiðsleysu hava verið arbeiðsleys styttri enn 3 mánaðir. Dagførdu arbeiðsloysistølini við fleiri útgreinaðum tølum finnur tú í hagtalsgrunninum býtt á øki, aldur, kyn og tíð. 


Avreiðingarnar dagførdar til august 2019




Arbeiðsloysið 1,1% í august - lága arbeiðsloysið stendur við

Myndin niðanfyri vísir arbeiðsloysi fyri bæði kyn. Kámu strikurnar vísa arbeiðsloysisprosentið og sterku strikurnar vísa gongdina ella trendin fyri kynini. Í august var arbeiðsloysið 0,8% hjá monnunum og 1,3% hjá kvinnunum. Sama mánað í fjør var tað 1,3% hjá monnum og 1,9% hjá kvinnum. Arbeiðsloysið hjá bæði monnum og kvinnum hevur seinastu mánaðirnar ligið í einari fastari legu. Myndin niðanfyri vísur arbeiðsloysi eftir øki. Arbeiðsloysið er lægst í Norðoyggjum og Norðurstreymi. Í øllum aldursbólkum er arbeiðsloysið minkað í mun til í fjør. Í august var arbeiðsloysi millum 0,7 og 1,1% í flestu aldursbólkum uttan hjá teimum 25-34 ára gomlu. Í hesum aldursbólkinum er arbeiðsloysi 1,8%. Myndin niðanfyri vísir hvussu leingi fólk hava verið arbeiðsleys. Stívliga helvtin av teim arbeiðsleysu hava verið arbeiðsleys styttri enn 3 mánaðir. Dagførdu arbeiðsloysistølini við fleiri útgreinaðum tølum finnur tú í hagtalsgrunninum býtt á øki, aldur, kyn og tíð. 


Væl meira av toski og hýsu avreidd higartil í ár

Av teimum týdningamestu botnfiskasløgunum er væl meira avreitt av tosk og hýsu \- ávikavist 64 og 71%. Nakað minni er avreitt av upsa, um 18%, og 8% minni av øðrum botnfiski. Av øðrum fiskasløgum er ein fjórðingur minni av svartkalva avreiddur higartil í ár, meðan meira enn tvífalt av havtasku er komin uppá land, samanborið við sama tíðarskeið í fjør. Avreiðingarvirðið er tilsamans fimtingin betri enn í fjør. Tað er toskurin og hýsan saman við havtaskuni, sum draga avreiðingarvirðið upp. Virðið á botnfiskinum er tilsamans vaksið góð 28%, meðan nøgdin er vaksin 16%. Á myndini omanfyri og talvuni niðanfyri er avreiddað nøgdin av botnfiski fyri tríggjar ársfjórðingar í ár samanborin við sama tíðarskeið undanfarin ár. Tað sæst, at botnfiskanøgdin tilsamans enn er lág, einamest tí at upsafiskiskapurin hilnast einki serligt fyri tíðina. Glottarnir eru, at nøgdin av toski og hýsu higartil í ár er tann frægasta í fleiri ár. Í hagtalsgrunninum her,  eru meira útgreinaðir upplýsingar, bæði á fiskaslag, nýttan reiðskap og keyparabólkar. 


Hvussu er fólkatalið broytt millum bygdir og býir síðstu tíggju árini?

Eftir ein javnan lítlan fólkavøkstur árini frammanundan kom ein vend í fólkatalið í Føroyum miðskeiðis í 2009. Hetta var um tað mundi, tá ein altjóða fíggjarkreppa gjørdi um seg og eisini fekk avleiðingar fyri føroyska búskapin. Tilflytingin fór at minka og fráflytingin bara øktist. Hóast talið av eldri fólki vaks javnt og samt, so minkaði fólkatalið í Føroyum, tí enn fleiri av tí unga ættarliðnum fluttu av landinum. Hetta vant uppá seg, so í miðlum og millum fólk fór man at tosa um "Exit Føroyar" ella "Farvæl Føroyar", og ilt var at síggja, hvussu gongdin kundi vendast. Tann stóra skeiklingin millum ung og eldri ættarlið, sum av álvara gjørdi um seg í kreppuni fyrru helvt av 1990-unum, eins og ójavnin í kynslutfallinum í fólkatalinum, tyktist bara at verðsna. Henda gongdin helt fram til einaferð um árskiftið 2013-14. Tá kom vend í. Serliga tí at fráflytingin fór at minka, og síðani fór tilflytingin at vaksa. Longu í 2014 var tilflytingin farin upp um fráflytingina, og fólkatalið fór at vaksa. Nú varð ikki longur tosað um "Exit Føroyar" men "Enter Føroyar" - ikki "Farvæl Føroyar" men "Vælkomin Føroyar". Síðani er fólkatalið bara vaksið við stórari ferð ár eftir ár. Í hesum yvirliti lýsa vit, hvussu hetta 10-ára tíðarskeiðið við so ymiskari gongd, fólkaminkingini 2010-2014 og fólkavøkstrinum 2014-2019, hevur verið úti um landið, í ymisku landspørtunum, kommununum og ikki minst í nógvu bygdunum, teim smáu og teim stóru, teimum í miðøkjunum og teimum í útjaðaranum. Tí eins og afturgongdin var sera ójøvn millum ymisku plássini í Føroyum - flesta staðni var afturgongdin stór, men onkustaðni merkti man onki til tess - so hevur eisini verið ógviliga misjavnt við fólkavøkstrinum: flesta staðni við stórum vøkstri, men aðrastaðni hava bygdir og landspartar onki fingið burtur úr fólkavøkstrinum og eru bara dragnaði afturúr. Tað er hesa ymisku gongd vit vilja lýsa við hesum yvirliti yvir gongdina í bygdum og býum hesum ymisku árini 2010 til 2014 og síðani 2014-2019. Tað kann vera serligur áhugi fyri at lýsa hesa gongdina í nærri lutum enn vit vanliga gera, tá vit mánaðarliga bara lýsa gongdina í sýslum og kommunum. Tí eisini í einstøku kommununum kann gongdin vera ógviliga misjøvn millum bygdirnar í somu kommunu. T.d. í Klaksvíkar kommunu eru 9 bygdir í 3 oyggjum, í Runavíkar kommunu eru 15 bygdir, í Sunda kommunu 12 bygdir og í Tórshavnar kommunu 17 bygdir í 4 oyggjum, o.s.fr.  Alla staðni eru stórir munir í gongdini millum bygdirnar í somu kommunu. Í hesum yvirliti sæst hvussu fólkatalið er broytt í hvørjum høvuðsøki sær, í hvørjari kommunu og í hvørjari bygd, frá 2010 til 2014 og síðani frá 2014 til 2019. Tað verður ov rúgvismikið at gera viðmerkingar til gongdina bygd fyri bygd, so tað verður upp til lesaran sjálvan at kunna seg um ymisku gongdina í talvunum niðanfyri. Hagtølini eru øll at finna í hagtalsgrunninum, men lesarin er eisini vælkomin at venda sær til Hagstovuna við spurningum hesum viðvíkjandi. [Talvur dagførdar 24.09.2019: Ávís skeivleikar vóru í talvunum niðanfyri. Hesir eru nú rættaðir] 


4.500 fleiri gistingar hjá gistingarhúsunum fyrra hálvár 

31% av gistingunum vóru hjá ferðafólki úr Danmark, 21% úr øðrum norðurlondum, 20% úr Føroyum, 19% úr øðrum londum í Europa, og tey síðstu 9% vóru hjá fólki úr londum uttan fyri Europa. Viðmerkjast skal, at í hesi grein umrøða vit bert gistingar í gistingarhúsum, tí at skrásetingarnar í øðrum gistiháttum, so sum ból og biti, hús og íbúð og kamping, ikki eru nóg fullfíggjaðar og tí kunnu geva eina skeiklaða mynd av heildargongdini . Í hagtalsgrunninum eru tó allar skrásettu gistingarnar at finna, útgreinaðar á ymisku gistingarhættirnar. Tað er eisini týdningarmikið at hava í huga, at hendan uppgerðin av gistingarhagtølum fevnir ikki um tann gistingarháttin, ið verður nevndur 'airbnb', tí Hagstovan hevur ikki atgongd til upplýsingar um gistingar av hesum slag. ## Javnur árligur vøkstur Av myndini frammanfyri sæst, at tað er ein javnur árligur vøkstur bæði í gistinætum og í innskrivingum. Myndirnar niðanfyri vísa mánaðarliga mynstrið bæði í gistingum og í innskrivingum. Her er tað ein javnur brattur vøkstur frá ársbyrjan til tað kemur í hæddina í juli, og síðani minkar líðandi aftur móti ársenda. Myndirnar vísa eisini, at fyri hvørt ár síðani 2013, tá farið varð undir hesar skrásetingarnar, liggur mánaðarliga talið av gistingum sum heild oman fyri talið sama mánað árið frammanundan. ## Flestu gistingar hjá fólki úr Danmark Flestu gistingarnar fyrra hálvár 2019, svarandi til 31%, vóru hjá fólki, sum eru búsitandi í Danmark. Síðani vóru tað gistingar hjá ferðafólki úr øðrum norðurlondum við 21% og áleið tað tað sama var talið av gistingum hjá føroyingum sjálvum við 20% og ferðafólki hjá fólki úr øðrum londum í Europa. So er eitt langt lop niður til teirra, ið koma úr londum uttan fyri Europa, t.e. Asia, Amerika, Kyrrahavslond og Afrika við tilsamans 9%. Í talvuni niðanfyri eru gistingar býttar eftir einstøkum londum, har ferðafólkini búgva. Umframt úr Danmark og Føroyum, ið eru langt ovast, koma tey úr nógvum ymiskum londum um okkara leiðir, serliga tgrannalondunum Íslandi og Noregi, men eisini úr Norðuramerika, Bretlandi og Týsklandi. Størsti vøksturin í tali er hjá fólkið, búsitandi í Norðuramerika, svarandi til ein vøkstur á 64% og síðani úr Íslandi, svarandi til ein vøkstur á 34%. Dagførd og útgreinað gistingarhagtøl eru at finna í hagtalsgrunninum her. 


Vøruinnflutningur og -úflutningur eru dagførd til juli 2019




Fólkatalið var 52.122 tann 1. august

Tó er væntandi, at tann stóra fráflytingin, ið vanliga fer fram í august, togar talið nakað niðuraftur. Men tað verður bara tann eina mánaðin, tí eftir tað kemur talið skjótt uppaftur og fara teir næstu mánaðirnar við verandi gongd enn longur upp um 52-túsund. Uppgerðin av fólkatølunum er nú trendað, so til ber at lýsa gongdina við at reinsa fyri árstíðarfrávik - so sum ymiska gongdin í juli og august - og aðrar tilvildarligar broytingar frá einum mánað til annan. Tað ger, at vit kunnu samanbera fólkatalið mánaðarliga, hóast mánaðirnir eru ymiskir. Við trendinum kunnu vit til dømis samanbera juli og august, hóast juli er stóri tilflytimánaðurin, og august hinvegin er stóri fráflytimánaðurin. ## Trendurin vísir áhaldandi fólkavøkstur Trendurin vísir, at fólkatalið fór at vaksa aftur um ársskiftið 2013/14. Tá vóru vit á umleið 48.300 í tali. Fleiri og fleiri leggjast afturat, og vøksturin í fólkatalinum er spakuliga øktur øll hesi árini síðani tá. Á leið 75 fólk leggjast nú afturat mánaðarliga, og tann trendurin við áhaldandi fólkavøkstri tykist at halda fram. ## Nettoflytingin økir um fólkatalið við eini 50 fólkum mánaðarliga Tað eru fýra tættir, sum ávirka gongdina í fólkatalinum. Tað er tilflytingin og fráflytingin, umframt talið av føddum og deyðum. Trendurin vísir, at fráflytingin fór at minka í seinnu hálvu í 2011, men síðani 2015 hevur hon ligið í einari fastari legu um 100 fólk mánaðarliga. Tilflytingin hinvegin er vaksin rættiliga støðugt øll árini síðani 2011 úr góðum 100 fólkum upp í 150 mánaðarliga, og tilflytingin sær út til at halda fram at vaksa. Tilflytingin er soleiðis gingin frá fráflytingini seinnu árini, og ískoytið til fólkavøksturin frá nettoflytingini - tað er gloppið millum tilflyting og fráflyting - er nú á leið 50 fólk mánaðarliga.   Grovaru strikurnar í myndini niðanfyri vísa trendin ella gongdina í tilflytingini og fráflytingini. Kámu strikurnar vísa upptaldu til- og fráflytingina mánað fyri mánað. ## Burðaravlopið økir um fólkatalið við eini 25 fólkum mánaðarliga Trendurin vísir, at talið av føddum børnum hevur ligið støðugt um 50 mánaðarliga nógvu seinastu árini, men at trendurin síðstu tvey árini gevur eina ábending um, at talið av føddum børnum nú spakuliga tykist at økjast upp í góð 60 børn mánaðarliga. Tað svarar til eitt føðital á stívliga 700 árliga, og so høgt hevur tað ikki verið síðstu 14 árini. Talið av deyðum hevur ligið í fastari legu hesi seinastu árini og telur um 30 mánaðarliga. Ískoytið til fólkavøksturin frá burðaravlopinum, ið er munurin millum fødd og deyð, telur tí um 20-30 fólk mánaðarliga. Grovaru strikurnar í myndini niðanfyri vísa rákið í føðitalinum og í deyðatalinum. ##   


Knappliga 27.600 løntakarar í mai - støðugt fleiri leggjast afturat

Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali og sterku strikurnar vísa gongdina ella trendin fyri kynini. Í mai vóru um 14.350 menn og 13.250 kvinnur í løntakaraskaranum. Myndin niðanfyri vísir løntakaratalið og gongdina í teimum fýra høvuðsvinnugreinunum. Kámu strikurnar vísa løntakararnar í tali og sterku strikurnar vísa trendin fyri vinnugreinabólkarnar. Dagførdu løntakaratølini við fleiri útgreinaðum tølum finnur tú í hagtalsgrunninum. ##   


Knappar 890 milliónir í oktober - støðugur vøkstur í lønargjaldingunum

Útoldnu lønirnar og gongdin í lønargjaldingunum eru lýstar á myndini niðanfyri. Myndin niðanfyri vísir lønargjaldingarnar fyri bæði kyn. Kámu strikurnar vísa útgoldnu lønirnar og sterku strikurnar vísa gongdina ella trendin fyri bæði kynini. Í oktober var parturin hjá monnum umleið 560 milliónir og 330 milliónir hjá kvinnunum. Vøksturin í lønum hevur verið størri hjá monnum enn hja kvinnum seinastu 5 árini. Myndin niðanfyri vísir lønargjaldingarnar í teimum fýra høvuðsvinnugreinunum. Kámu strikurnar vísa lønargjaldingarnar, og sterku strikurnar vísa trendin fyri vinnugreinarnar. Sløk 65% av lønargjaldingunum verða útgoldar í almennu- og privatu tænastuvinnunum, 20% í fiskivinnu og aðari tilfeingisvinnu og 15% í byggivinnu og aðrari tilvirking. Trendurin vísir, at vøkstur er í øllum vinnugreinabólkunum, hóast ymiskur. 


Stórur men sera ójavnur fólkavøkstur um landið

## Trendurin vísir áhaldandi fólkavøkstur Trendurin vísir, at síðan fólkatalið fór at vaksa aftur um ársskiftið 2013/14, tá vit vóru umleið 48.300 í tali, eru vit nú vorðin knappliga 52.000. Hesi fimm árini er vøksturin í fólkatalinum spakuliga øktur, soleiðis at nú leggjast útvið 75 fólk afturat mánaðarliga, og trendurin við áhaldandi fólkavøkstri tykist at halda fram. ## Ójavnur vøkstur um landið Landafrøðiliga var fólkavøkstur í øllum sýslum uttan Sandoyar. Stórur munur er millum sýslurnar. Í tali var størsti vøksturin í Tórshavnarøkinum við 381 fólkum og í Eysturoy við 267. Síðan koma Vágar við 81 fólkum, Norðoyggjar við 80, Streymoyarøkið uttan høvuðsstaðin við 40 fólkum og Suðuroy við 32 fólkum. Í Sandoyar sýslu er fólkatalið minkað við 6. Lutfalsliga var størsti vøksturin í Vágum við 2,5%, Eysturoy við 2,3% og síðani Tórshavnarøkið við 1,9%. So er eitt glopp niður til Norðoyggjar við 1,3, Streymoyarøkið annars við 0,8% og Suðuroy við 0,7%. Minkingin í Sandoyar sýslu svarar 0,5%. Frammanundan hevur tað serliga verið Tórshavnarøkið, sum í mun til fólkatalið er farið við størsta partinum av fólkavøkstrinum. So er enn, men hesin parturin er minkaður nakað, meðan Eysturoyggin tekur ein veksandi part av fólkavøkstrinum. Hinvegin fáa Norðoyggjar ein minkandi part av fólkavøkstrinum. Í Eysturoy búgva knappliga 23% av fólkinum í Føroyum. Men vøksturin á 267 fólk svarar til stívliga 30% av fólkavøkstrinum fyri alt landið. Til samanberingar búgva stívliga 38% av fólkinum í Tórshavnarøkinum, og vøksturin her var 403 fólk, svarandi til 44% av øllum fólkavøkstrinum. Í Norðoyggjum búgva 12% av fólkinum, men vøksturin her svarar til 9% av øllum fólkavøkstrinum. Í Vágum búgva stívliga 6% av fólkinum, men teirra partur av vøkstrinum var 9%. Í Suðuroy búgva 9% av fólkinum, men teirra partur av fólkavøkstrinum var 4%. Leggjast kann aftrat, at burðaravlopið var negativt í Sandoyar sýslu, t.v.s. at fleiri doyði enn tað vóru fødd. Í Suðuroy var onki burðaravlop, og eftir fólkatalinum var burðaravlopið í Norðoyggjum, roknað eftir fólkatalinum, útvið helvtin av burðaravlopinum í Eysturoy, Vágum og Streymoyarøkinum sum heild. Hesi síðstu seks árini hevur verið stórur árligur fólkavøkstur, sum sæst aftur í flestu høvuðsøkjum. Tó eru tvey teirra, Sandoyar og Suðuroyar sýslur, dragnað afturúr. Tað sæst skilliga, um vit seta fólkatalið 1. jan. 2014 til vísitalið 100: meðan fólkatalið er vaksið 6-11% í øllum hinum høvuðsøkjunum, so hevur verið stillstøða ella minking í Sandoyar og Suðuroyar sýslum. ## Kommunurnar: vøksturin lutfalsliga størstur í kommunum í Eysturoy og Vágum Tær størstu kommunurnar veksa mest í tali. Tórshavnar kommuna við 390 fólkum, Runavíkar við 104 og Klaksvíkar við 75. Samantikið er størsti vøksturin í kommununum í miðøkinum, t.v.s. í Eysturoy, Streymoy og í Vágum. Lutfalsliga var størsti vøksturin hjá kommunum í Eysturoy og í Vágum. Í Eysturoy er størsti lutfalsligi vøksturin í Fuglafjarðar kommunu við 3,3%, Eiðis kommunu eisini við 2,8%, Runavíkar kommunu við 2,6%, og Eystur kommunu við 2,1%. Til samanberingar var vøksturin í Tórshavnar kommunu 1,8%. Í Norðstreymi vaks Vestmanna kommuna við 2,1% og í Vágum vaks Sørvágs kommuna við 3,0% og Vága kommuna við 2,2%. Samanumtikið er vøkstur í 21 kommunum, óbroytt í einari og minking í 7. Á myndini niðanfyri eru kommunurnar settar í raðfylgju frá størstu minking til størstan vøkstur í tali. ## Vøkstur í stóru oyggjunum, flestu útoyggjar halda tørn Verður hugt eftir gongdini í einstøku oyggjunum, er fólkavøkstur í øllum teim stóru oyggjunum, serliga í Eysturoy,  Vágoy og Streymoy. Eitt sindur minni vøkstur í Borðoy og ein lítil vøkstur í Suðuroy, meðan ein lítil minking er í Sandoy. Av smærri oyggjum er lutfalsliga stórur vøkstur Kunoy meðan tað minkar í Viðoy. Av útoyggjum er lutfalsliga stórur vøkstur í Svínoy, meðan tað minkar í Fugloy, Hestoy, Nólsoy og Skúvoy. Kalsoy, Mykines og Stóra Dímun halda tørn við sama fólkatali. 


Stívliga 28.100 løntakarar í august - vøksturin heldur fram

Gongdin, sum er lýst við trendinum, vísir, at fleiri løntakarar framvegis leggjast afturat løntakaraskaranum. Vøksturin í løntakaratalinum hevur verið rættiliga støðugur síðani 2014. Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali og sterku strikurnar vísa gongdina ella trendin fyri kynini. Í august vóru um 14.600 menn og 13.500 kvinnur í løntakaraskaranum. Myndin niðanfyri vísir løntakaratalið og gongdina í teimum fýra høvuðsvinnugreinunum. Kámu strikurnar vísa løntakararnar í tali og sterku strikurnar vísa trendin fyri vinnugreinabólkarnar. 


Innflutt skip fyri meir enn hálva milliard

Størsti vøksturin er í innflutningi av skipum, har vit hava innflutt fyri næstan 600 mió. kr. seinastu 12 mánaðirnar. Undanfarna ári var tað bert 11 mió. Um vit ikki telja skipini við, var innflutningurin áleið tann sami seinasta árið sum undanfarna ár. Tað er stór minking í innflutninginum av maskinum og amboðum og eisini er nakað minni innflutt av byggitilfari. Hinvegin er meir innflutt av tilfarið til annan ídnað og eisini er innflutningurin av fóðri vaksin. 


Nýggjastu tølini vísa aftur vøkstur í útflutninginum

Samanborið við árið frammanundan er talan um vøkstur á eina mia. kr. Toskaútflutningurin er vaksin góðar 300 mió. kr og útflutningurin av makreli er vaksin 350 mió. Tað er framvegis laksur vit útflyta mest av og har er vøksturin omanfyri hálva mia. kr. Av samlaða fiskavøruútflutninginum er laksur 45%. Samlaða útflutta nøgdin av fiskavørum er minkað eitt sindur og er tað serliga tí minni er útflutt av svartkjafti. Nøgdin av laksi vaks 23% meðan virði vaks 17%. Fyri makrel var vøksturin í nøgd 36% meðan virði vaks 54%. 


Avreiðingarnar dagførdar til oktober 2019

Samanumtikið er nøgdin av botnfiski vaksin stívliga 13% og avreiðingarvirðið góð 27% higartil í ár,  samanborið við sama tíðarskeið í fjør. Tað er toskur og hýsa,  sum draga botnfiskanøgdina upp - ávikavist 62 og 71% fleiri tons í ár. Smá 17% minni av upsa er avreiddur í ár. 


Nýggj hagtalsuppgerð um virksemið í kommunulæknaskipanini

Úr nýggju hagtalsuppgerðini um virksemið í kommunulæknaskipanini kunnu vit m.a. síggja, at   * í 2018 vóru í miðal 3 viðtalur hjá kommunulækna fyri hvønn íbúgva í landinum   * konufólk vitja kommulæknar oftari enn menn   * børn í skúlaaldri vitja kommulæknan minst og fólk yvir 75 ár vitja kommulæknan mest    * í Norðoyggjum og í Suðuroy eru 1-2% av viðtalunum uttan fyri dagtíð, samanborið við 12% í Suðurstreymi   * út við 4% av øllum viðtalum vóru hjá fólki við bústaði uttanlands Viðmerkjast skal, at uppgerðin fevnir ikki um fyribyrgjandi ella sonevndar profylaktiskar viðgerðir og kanningar, so sum koppsetingar, upplýsing um gitnaðarfyribyrging, heilsukanningar av barnakonum og læknakanningar av børnum. Samband við kommunulæknan umvegis telefon ella teldu er heldur ikki roknað við í yvirlitinum. Samlaða talið av viðtalum í 2018 var knappliga 160.000, ið var 9.000 ella 6% fleiri enn árið frammanundan. Av teimum 160.000 vóru útvið 6.000 viðtalur, svarandi til 4%, hjá fólki við bústaði uttanlands. Seta vit talið av viðtalum hjá fólki við bústaði í Føroyum í mun til fólkatalið, svarar tað í 2018 til 3 viðtalur fyri hvønn íbúgva í landinum. Eitt sindur av muni er millum økini í landinum, tá viðtalur verða roknaðar í mun til fólkatalið í økjunum. Lægst er talið í Suðurstreymoyar økinum við 2,8 viðtalum pr. íbúgva, og hægst í Sandoyar økinum við 4,6 viðtalum pr. íbúgva. Tað sæst eisini í talvuni omanfyri, at tað er stórur munur millum bústaðarøkini í broytingini bæði frá 2016 til 2017 og frá 2017 til 2018. T.d. hevur tað stóra ávirkan, at kommunulækni fer úr starvi í einum øki og í staðin koma skiftandi avloysarar, sum m.a. sæst í broytingini frá 2016 til 2017 í Suðuroy. Hinvegin hendir tað øvugta í Norðoyggjum og í Vágum frá 2017 til 2018, tá fastir kommunulæknar koma í starv í staðin fyri skiftandi avloysarar. Hetta er eisini ein høvuðsorsøk til stóra munin í vøkstrinum hesi árini. Nógv tann størsti parturin av øllum viðtalum, svarandi til 93%, fer fram í dagtíð, t.v.s. mánadag til fríggjadag millum kl. 8 og 16. Hálvtfjórða % fara fram í sonevndari A-vakt, sum í høvuðsheitum er um kvøldarnar, og onnur hálvtfjórða % fara fram í sonevndari B-vakt, sum í høvuðsheitum er um næturnar og í vikuskiftinum. Munur er millum høvuðsøkini, tá hugt verður eftir hvussu stórur partur av viðtalunum fer fram í dagtíð og harvið eisini, hvussu stórur partur fer fram uttan fyri dagtíð. Serliga skilir Suðurstreym seg burturúr við 88% av viðtalunum í dagtíð, t.v.s. 12% uttan fyri dagtíð, samanborið við t.d. Norðoyggjar og Suðuroy, har 98-99% eru í dagtíð, t.v.s. bert 1-2% er uttan fyri dagtíð. Hetta kann koma av, at tað hava manglað kommunulæknar í Tórshavn og samstundis hevur atgongdin til kommunulæknavaktina har verið lættari enn aðrastaðni. Verður hugt eftir viðtalum eftir aldri og kyni, síggja vit, at 56% av viðtalunum eru við konufólk og 44% við mannfólk. Upp til 15 ára aldur er javnt býtt millum kynini, men síðan er størri parturin av viðtalunum við konufólk. Verður talið av viðtalum roknað fyri hvønn íbúgva í hvørjum aldursbólki, sæst at fægstu viðtalurnar pr. íbúgva í 2018 eru hjá børnum í skúlaaldri við 1,4 - 1,5, meðan títtleikin so hækkar líðandi og er oman fyri 6 viðtalur pr. íbúgva hjá fólki eldri enn 75 ár. Hagtøl um kommunulæknavirksemi eru at finna í hagtalsgrunninum her. 


Arbeiðsloysið 0,9% í septembur - nú søguliga lágt

Myndin niðanfyri vísir arbeiðsloysið og gongdina í arbeiðsloysinum. Káma strikan vísir arbeiðsloysisprosentið og sterka strikan vísir gongdina ella trendin. Arbeiðsloysið var 0,9% í septembur, samanborið við 1,3% í septembur í fjør. Gongdin vísir, at lága arbeiðsloysið stendur við. Myndin niðanfyri vísir arbeiðsloysi fyri bæði kyn. Kámu strikurnar vísa arbeiðsloysisprosentið og sterku strikurnar vísa gongdina ella trendin fyri kynini. Í septembur var arbeiðsloysið 0,7% hjá monnunum og 1,0% hjá kvinnunum. Sama mánað í fjør var tað 1,3% hjá monnum og 1,6% hjá kvinnum. Seinast tað var so lágt hjá monnunum var í mai 2008, tá tað var 0,8%.Seinast arbeiðsloysið hjá kvinnum var so lágt var í juni 2008, tá tað var 1,5%. Myndin niðanfyri vísur arbeiðsloysi eftir øki. Myndin niðanfyri vísir, hvussu leingi fólk hava verið arbeiðsleys. Stívliga helvtin av teim arbeiðsleysu hava verið arbeiðsleys styttri enn 3 mánaðir. 


Knappar 870 milliónir í november - vøksturin í lønargjaldingunum stendur við

Útgoldnu lønirnar og gongdin í lønargjaldingunum eru lýstar á myndini niðanfyri. Trendurin vísur ein støðugan vøkstur í lønargjaldingunum. Myndin niðanfyri vísir lønargjaldingarnar fyri bæði kyn. Kámu strikurnar vísa útgoldnu lønirnar og sterku strikurnar vísa gongdina ella trendin fyri bæði kynini. Í november var parturin hjá monnunum smá 65% av lønarútgjaldingunum, meðan parturin hjá kvinnunum var 35%. Myndin niðanfyri vísir lønargjaldingarnar í teimum fýra høvuðsvinnugreinunum. Kámu strikurnar vísa lønargjaldingarnar, og sterku strikurnar vísa trendin fyri vinnugreinarnar. Sløk 65% av lønargjaldingunum verða útgoldar í almennu- og privatu tænastuvinnunum, 20% í fiskivinnu og aðari tilfeingisvinnu og 15% í byggivinnu og aðrari tilvirking. Trendurin vísir, at vøkstur er í øllum vinnugreinabólkunum, hóast ymiskur. 


Fólkatalið aftur á 52-túsund

Fólkatalið var 51.999 tann 1. nov. og vaks sostatt við 806 fólkum seinasta 12-mánaðarskeiðið frá 1. nov. 2018 til 1. nov. 2019. Tað svarar til ein vøkstur á 1,6%. Hetta kemur av einum burðaravlopið á 272 og eini nettotilflyting á 534. Landafrøðiliga er fólkavøksturin ójavnur út um landið, í tali størstur í Tórshavnarøkinum, men lutfalsliga størstur í Eysturoy og Vágum, nakað minni í Streymoy og Norðoyggjum, lítil í Suðuroy og ongin í Sandoy. ## Trendurin vísir áhaldandi fólkavøkstur Trendurin vísir, at síðan fólkatalið fór at vaksa aftur um ársskiftið 2013/14, tá vit vóru umleið 48.300 í tali, eru vit nú vorðin um 52.000. Hesi fimm árini er vøksturin í fólkatalinum spakuliga øktur, soleiðis at nú leggjast umleið 70 fólk afturat mánaðarliga, og trendurin við áhaldandi fólkavøkstri tykist at halda fram. ![\(trýst á myndirnar, so tær gerast størri og tú kanst blaða millum ## Nettoflytingin økir um fólkatalið við eini 45 fólkum mánaðarliga Tað eru fýra tættir, sum ávirka gongdina í fólkatalinum. Tað er tilflytingin og fráflytingin, umframt talið av føddum og deyðum. Trendurin vísir, at fráflytingin fór at minka í seinnu hálvu í 2011, men síðani 2015 hevur hon ligið í eini rættiliga fastari legu um 100 fólk mánaðarliga. Tilflytingin hinvegin er vaksin rættiliga støðugt øll árini síðani 2011 úr góðum 100 fólkum upp í eini 140 mánaðarliga. Tilflytingin er soleiðis gingin frá fráflytingini seinnu árini, og ískoytið til fólkavøksturin frá nettoflytingini - tað er gloppið millum tilflyting og fráflyting - er nú á leið 45 fólk mánaðarliga.   Grovaru strikurnar í myndini niðanfyri vísa trendin ella gongdina í tilflytingini og fráflytingini. Kámu strikurnar vísa upptaldu til- og fráflytingina mánað fyri mánað. ![\(trýst á myndirnar, so tær gerast størri og tú kanst blaða millum ## Burðaravlopið økir um fólkatalið við eini 25 fólkum mánaðarliga Trendurin vísir, at talið av føddum børnum hevur ligið støðugt um 50 mánaðarliga nógvu seinastu árini, men at trendurin síðstu tvey árini gevur eina ábending um, at talið av føddum børnum nú spakuliga tykist at økjast upp móti eini 60 børn mánaðarliga. Tað svarar til eitt føðital útvið eini 700 árliga, og so høgt hevur tað ikki verið síðstu 14 árini. Talið av deyðum hevur ligið í fastari legu hesi seinastu árini og telur um stívliga 30 mánaðarliga. Ískoytið til fólkavøksturin frá burðaravlopinum, ið er munurin millum fødd og deyð, telur tí útvið 25 fólk mánaðarliga. Grovaru strikurnar í myndini niðanfyri vísa rákið í føðitalinum og í deyðatalinum. ![\(trýst á myndirnar, so tær gerast størri og tú kanst blaða millum ## Ójavnur vøkstur um landið Landafrøðiliga var fólkavøkstur í øllum sýslum uttan Sandoyar. Stórur munur er millum sýslurnar. Í tali var størsti vøksturin í Tórshavnarøkinum við 321 fólkum og í Eysturoy við 268. Síðan koma, Norðoyggjar við 97 fólkum, Vágar við 79, Streymoyarøkið uttan høvuðsstaðin við 25 fólkum og Suðuroy við 19 fólkum. Í Sandoyar sýslu er fólkatalið minkað við 3. Lutfalsliga var størsti vøksturin í Vágum við 2,4%, Eysturoy við 2,3% og síðani Tórshavnarøkið og Norðoyggjar við 1,6% hvør. So er eitt glopp niður til Streymoyarøkið annars við 0,5% og Suðuroy við 0,4%. Minkingin í Sandoyar sýslu svarar 0,2%. ## Miðøkið - Streymoy, Eysturoy og Vágar - tekur meginpartin av fólkavøkstrinum Frammanundan hevur tað serliga verið Tórshavnarøkið, sum er farið við størsta partinum av fólkavøkstrinum. Men tá vit rokna í mun til fólkatalið, so taka Eysturoyggin og Vágar ein størri lutfalsigan part. Hinvegin fáa Norðoyggjar ein minni part, sum tó er javnt stórur við teirra part av øllum fólkatalinum. Í Eysturoy búgva knappliga 23% av fólkinum í Føroyum. Men vøksturin á 268 fólk svarar til stívliga 33% av fólkavøkstrinum fyri alt landið. Til samanberingar búgva stívliga 38% av fólkinum í Tórshavnarøkinum, og vøksturin her var 321 fólk, svarandi til 40% av øllum fólkavøkstrinum. Í Norðoyggjum búgva 12% av fólkinum, og vøksturin her svarar júst til teirra part av øllum fólkatalinum. Í Vágum búgva stívliga 6% av fólkinum, men teirra partur av vøkstrinum var 10%. Í Suðuroy búgva 9% av fólkinum, men teirra partur av fólkavøkstrinum var bara hálvttriðja %. ## Íkastið frá ávikavist burðaravlopið og nettotilflyting sera ymiskt kring landið Broytingin í fólkatalinum, vøkstur ella minking, kemur lutvíst av burðaravlopinum og lutvíst av nettoflytingini. Av myndini omanfyri sæst, at í Vágum, Eysturoy og Norðoyggjum er tað nettoflytingin, ið hevur mest at siga fyri fólkavøksturin, serliga í Vágum og Eysturoy. Tá tað kemur til íkastið frá burðaravlopinum er tað javnt ovast í Eysturoy og Streymoy, eitt sindur minni í Vágum og Norðoyggjum, meðan tað er beinleiðis negativt bæði í Sandoy og Suðuroy, serliga í Sandoyar sýslu, har negativa burðaravlopið er størri enn nettoflytingin og tí førir til eina minking í fólkatalinum. Hesi síðstu seks árini hevur verið stórur árligur fólkavøkstur, sum sæst aftur í flestu høvuðsøkjum. Tó eru tvey teirra, Sandoyar og Suðuroyar sýslur, dragnað afturúr. Tað sæst skilliga, um vit seta fólkatalið 1. jan. 2014 til vísitalið 100:  meðan fólkatalið er vaksið 6-11% í øllum hinum høvuðsøkjunum, so hevur verið stillstøða ella minking í Sandoyar og Suðuroyar sýslum. ## Kommunurnar: vøksturin lutfalsliga størstur í kommunum í Eysturoy og Vágum Tær størstu kommunurnar veksa mest í tali. Tórshavnar kommuna við 319 fólkum, Runavíkar við 106 og Klaksvíkar við 93. Samantikið er størsti vøksturin í kommununum í miðøkinum, t.v.s. í Eysturoy, Streymoy og í Vágum. Lutfalsliga var størsti vøksturin hjá kommunum í Eysturoy og í Vágum. Í Eysturoy er størsti lutfalsligi vøksturin í Fuglafjarðar kommunu við 4,3%, Eiðis kommunu við 3,2%, Runavíkar kommunu við 2,6% og Eystur kommunu við 2,3%.   Til samanberingar var vøksturin í Tórshavnar kommunu 1,5%. Í Norðstreymi vaks Vestmanna kommuna við 2,0% og í Vágum vaks Sørvágs kommuna við 2,6 % og Vága kommuna við 2,3%. Samanumtikið er vøkstur í 22 kommunum, meðan fólkatalið minkar í 7.   Á myndini niðanfyri eru kommunurnar settar í raðfylgju frá størstu minking til størstan vøkstur í tali. Vøkstur í stóru oyggjunum - av útoyggjum minkar í Skúgvi og í Hesti Verður hugt eftir gongdini í einstøku oyggjunum, er fólkavøkstur í øllum teim stóru oyggjunum, serliga í Eysturoy og Vágoy. Eitt sindur minni vøkstur í Borðoy og Streymoy. Óbroytt í Sandoy. Av smærri oyggjum er lutfalsliga stórur vøkstur í Svínoy og Kunoy, meðan tað minkar í Viðoy, í Hestoy og Skúvoy. Her er Skúvoy nú komin niður á 30 fólk og Hestoy farin niður um 20. Fyri 30 árum síðani búðu 84 fólk í Skúgvi og 57 í Hesti. Hinar útoyggjarnar halda tørn. **Dagførd** **** og útgreinað íbúgvatøl eru at finna í hagtalsgrunninum her.   


Handilsjavnaavlopið 1,2 mia. seinasta árið




Avreiðingarnar dagførdar til november 2019




Arbeiðsloysið 0,8% í oktober - lága arbeiðsloysi stendur við

Myndin niðanfyri vísir arbeiðsloysið og gongdina í arbeiðsloysinum. Káma strikan vísir arbeiðsloysisprosentið og sterka strikan vísir gongdina ella trendin. Arbeiðsloysið var 0,8% í oktober, samanborið við 1,2% í oktober 2018. Tað svarar til knappliga 250 fulltíðararbeiðsleys. Gongdin vísir, at lága arbeiðsloysið stendur við. Myndin niðanfyri vísir arbeiðsloysi fyri bæði kyn. Kámu strikurnar vísa arbeiðsloysisprosentið og sterku strikurnar vísa gongdina ella trendin fyri kynini. Í oktober var arbeiðsloysið 0,8% hjá monnum og 0,9% hjá kvinnum. Arbeiðsloysi er sostatt næstan eins hjá báðum kynum. Sama mánað í fjør var tað 1,0% hjá monnum og 1,4% hjá kvinnum. Myndin niðanfyri vísur arbeiðsloysi eftir øki. Myndin niðanfyri vísir, hvussu leingi fólk hava verið arbeiðsleys. Stívliga helvtin av teim arbeiðsleysu hava verið arbeiðsleys styttri enn 3 mánaðir. 


Umsetningurin fyri matvørur vaksin 5 prosent seinasta árið

Hesir eru matur og alkoholfríar drykkjuvørur, klædnavørur og fótbúnaður og húsbúnaður og húsarhaldsútgerð. Dagførdu tølini vísa, at umsetningurin í 3. ársfjórðingi 2019 samanborin við sama ársfjórðing 2018, vaks mest fyri vørubólkin matur og alkoholfríar drykkjuvørur. Um hædd verður tikin fyri prísbroytingum fæst mát fyri, hvussu stórar mongdir av vørunum eru farin yvir um handilsdiskin. Árliga broytingin er tá millum 3 og 4 prosent vøkstur av mati og klædnavørum, meðan mongdin av húsbúnaði er óbroytt í 3. ársfjórðingi 2019 samanborin við 3. ársfjórðing 2018. Trendurin í umsetninginum fyri vørubólkin matur og alkoholfríar drykkjuvørur vísir, at umsetningurin fyri henda vørubólkin var 5,4 prosent hægri í 3. ársfjórðingi 2019 í mun til 3. ársfjórðing 2018. Taka vit hædd fyri prísbroytingum  fyri somu ársfjórðingar fyri henda vørubólkin, so sæst, at mongdin av hesum vørum er vaksin 3,7 prosent. Fyri vørubólkin klæðir og fótbúnaður vaks umsetningurin og mongdin av seldum vørum 3 prosent frá 3. ársfjórðingi 2018 til 3. ársfjórðing 2019. Fyri henda vørubólkin hevur miðalprísurin verið sera støðugur seinastu 10 árini, og vísitølini fyri virði av umsetningi og mongd av seldum vørum fylgjast tískil at í tíðarskeiðinum. Fyri vørubólkin húsbúnaður og húsarhaldsútgerð var umsetningurin nærum 3 prosent minni í 3. ársfjórðingi 2019 í mun til 3. ársfjórðing 2018. Miðalprísurin í hesum vørubólki er lækkaður nærum 2 prosent hetta tíðarskeiðið, og við umrokning av virði til mongdir sæst, at mongdin av seldum innbúgvi og útgerð er eins stór hesi tíðarskeiðini. 


Góðar 10 mia. útgoldnar í lønum í 2019 - vøksturin er 6,8%

Nú desember-mánaður í 2019 er uppgjørdur eru lønargjaldingarnar gjørdar upp fyri árið. Útgoldnu lønirnar eru lýstar árliga á myndini niðanfyri. Vøkstur í lønargjaldingunum er støðugur. Myndin niðanfyri vísir lønargjaldingarnar fyri bæði kyn. Í 2019 var parturin hjá monnunum 62,8% av lønarútgjaldingunum, meðan parturin hjá kvinnunum var 37,2%. Tað er næstan sama býtið sum árið fyri, tá menninir áttu 62,6% og kvinnurnar 37,4% av lønargjaldingunum. Myndin niðanfyri vísir lønargjaldingarnar í teimum fýra høvuðsvinnugreinunum. 63,7% av lønargjaldingunum vóru í 2019 útgoldar í almennu- og privatu tænastuvinnunum, 20,1% í fiskivinnu og aðari tilfeingisvinnu og 16,2% í byggivinnu og aðrari tilvirking. 


27.900 løntakarar í oktober - javnur vøkstur í løntakaratalinum

Gongdin, sum er lýst við trendinum, vísir, at fleiri løntakarar framvegis leggjast afturat løntakaraskaranum. Vøksturin í løntakaratalinum hevur verið rættiliga støðugur síðani 2014. Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali og sterku strikurnar vísa gongdina ella trendin fyri kynini. Í oktober vóru um 14.500 menn og 13.400 kvinnur í løntakaraskaranum ella 52% menn og 48% kvinnur. Myndin niðanfyri vísir løntakaratalið og gongdina í teimum fýra høvuðsvinnugreinunum. Kámu strikurnar vísa løntakararnar í tali og sterku strikurnar vísa trendin fyri vinnugreinabólkarnar. 


Fólkatalið var 52.067 tann 1. desembur

Tað var longu 1. august, at fólkatalið fóru upp um 52.000, men so var minkingin, tá nógv ungfólk fara av landinum í lestrarørindum. Nú 1. des. eru vit so aftur komin upp um 52-túsund, men enn mangla nøkur fá í, at vit komu upp um talið frá 1. august.   ## Óvissur trendur um tilflyting og føðital Trendurin vísir, at síðan fólkatalið fór at vaksa aftur um ársskiftið 2013/14, tá vit vóru umleið 48.300 í tali, er vøksturin í fólkatalinum spakuliga øktur, soleiðis at nú leggjast útvið 70 fólk afturat mánaðarliga. Hesar síðstu mánaðirnar vísir trendurin í aðru og triðju myndum niðanfyri tó, at tilflytingin ikki er veksandi eins og frammanundan. Nakað tað sama sæst við føðitalinum, men broytingarnar eru so smáar, at ikki ber til at siga, um hesin trendurin heldur fram ella um tað broytist hinvegin aftur við næstu mánaðarligu uppgerð. ## Nettoflytingin økir um fólkatalið við eini 45 fólkum mánaðarliga Tað eru fýra tættir, sum ávirka gongdina í fólkatalinum. Tað er tilflytingin og fráflytingin, umframt talið av føddum og deyðum. Trendurin vísir, at fráflytingin fór at minka í seinnu hálvu í 2011, men síðani 2015 hevur hon ligið í eini rættiliga fastari legu um 95-100 fólk mánaðarliga. Tilflytingin hinvegin er vaksin rættiliga støðugt øll árini síðani 2011 úr góðum 100 fólkum upp í stívliga 140 mánaðarliga. Tilflytingin er soleiðis gingin frá fráflytingini seinnu árini, og ískoytið til fólkavøksturin frá nettoflytingini - tað er gloppið millum tilflyting og fráflyting - er nú á leið 45 fólk mánaðarliga.   Grovaru strikurnar í myndini niðanfyri vísa trendin ella gongdina í tilflytingini og fráflytingini. Kámu strikurnar vísa upptaldu til- og fráflytingina mánað fyri mánað. ## Burðaravlopið økir um fólkatalið við 20-25 fólkum mánaðarliga Trendurin vísir, at talið av føddum børnum hevur ligið støðugt um 50 mánaðarliga nógvu seinastu árini. Trendurin síðstu tvey árini gevur eina ábending um, at talið av føddum børnum nú liggur millum 55-60 børn mánaðarliga. Tað svarar til eitt føðital, ið er útvið 680 árliga - nakað tað sama sum í 2018, og so høgt hevur tað ikki verið síðani 2005. Talið av deyðum hevur ligið í fastari legu hesi seinastu árini og telur um stívliga 30-35 mánaðarliga. Ískoytið til fólkavøksturin frá burðaravlopinum, ið er munurin millum fødd og deyð, telur tí útvið 25 fólk mánaðarliga. Grovaru strikurnar í myndini niðanfyri vísa rákið í føðitalinum og í deyðatalinum. ##   **Ójavnur vøkstur um landið** Landafrøðiliga var fólkavøkstur í øllum økjum uttan Sandoyar. Stórur munur er millum økini. Í tali var størsti vøksturin í Tórshavnarøkinum við 335 fólkum og í Eysturoy við 283. Síðan koma, Norðoyggjar við 89 fólkum, Vágaøkið við 81, Streymoyarøkið annars við 20 fólkum og Suðuroy við 3 fólkum. Í Sandoyarøkinum er fólkatalið minkað við 4. Lutfalsliga var størsti vøksturin í Eysturoyar og Vágaøkinum við 2,5% hvør. So er eitt lop niður til Tórshavnarøkið við 1,7% og Norðoyggjar við 1,5% hvør. So er aftur eitt størri glopp niður til Streymoyarøkið annars við 0,4% og Suðuroy við 0,1%. Minkingin í Sandoyarøkinum svarar 0,3%. Verður hugt eftir einstøku kommunum er størsti vøkstur í tali í Tórshavnar og Runavíkur kommunum. Men lutfalsliga er stórur munur teirra millum, har Runavíkar kommuna veksur við 3,1% og Tórshavnar við 1,5%. Sum heild er vøksturin stórur í Eysturoyar kommunum, umframt í Runavíkar, so í Fuglafjarðar kommunu við 3,4%, Eystur kommunu við 2,0%, Sjóvar kommunu við 2,3% og Eiðis kommunu við 4,4%. Hinvegin var vøksturin bara 0,5% í Nes kommunu. Í Norðoyggjum svarar vøksturin í Klaksvíkar kommunu til miðaltalið fyri alt landið við 1,6%. Stórur vøkstur var í Kunoyar kommunu við 6,8% og minking í Viðareiðis kommunu við 3,6%. Í Vágaøkinum var vøskturin eins stórur í Vága og Sørvágs kommunu við 2,5%. Í Sandoyarøkinum var stór minking í Skopunar og í Skúvoyar kommunu við ávikavist 3,7% og 7%. Í Suðuroy er ein lítil vøkstur í Hvalbiar, Tvøroyrar, Fámjins og Vágs kommunu og minking í hinum trimun kommununum. 


Brúkaraprísirnir eru í miðal øktir 1,3 prosent í 2019

Miðal árligi vøksturin verður gjørdur upp við at rokna miðal av fýra ársfjórðingum og samanborið við miðal av somu ársfjórðingum árið undan. Um hugt verður eftir miðal árligu broytingini fyri hvørja uppgerð, so sæst, at árliga broytingin hevur ligið millum 1 og 1,5 prosent seinastu tvey árini. ![200115 Brúkaraprístalið, árlig miðal Samanbering av brúkaraprísum fyri 4. ársfjórðing 2019 í mun til sama ársfjórðing í 2018 vísir millum annað, at prísir á klæðum og fótbúnaði eru øktir mest við 5,6 prosentum og prísir fyri mat- og drykkjuvørur, ið er størsti vørubólkurin í vektargrundarlagnum, eru øktir 2,3 prosent. Vørubólkurin "Býli" er næstur "Matur og drekka" í stødd í vektargrundarlagnum, og eru miðalprísirnir í hesum vørubólki óbroyttir seinasta árið. Í hesum vørubólki er tó ymiskt, hvussu gongdin hevur verið, m.a. eru rentuútreiðslur til sethús minkaðar við 4,6 prosentum og prísurin á húsaleigu er øktur 5,9 prosent. images/200115_CPI_2019Q4_T1.png) Dagførda brúkaraprístalið við fleiri útgreinaðum tølum finnur tú í hagtalsgrunninum. 


Útflyta fyri 9,4 mia

Toskaútflutningurin er vaksin 270 mió. kr og útflutningurin av makreli og sild er vaksin um 300 mió. hvørt Tað er framvegis laksur vit útflyta mest av og har er vøksturin omanfyri 700 mió. kr. Samlaða útflutta nøgdin av fiskavørum er vaksin 7%. 


Innflutt fyri oman fyri 8 mia. kr.

Tað er ein vøkstur á 333 mió. kr. ella 4 %, samanborði við undanfarnu 12 mánaðir. Um vit ikki telja skipini við, var innflutningurin áleið tann sami seinasta 12-mánaðarskeið sum undanfarna ár. 


Nógv meira av toski og hýsu avreidd í 2019 

Avreiðingar kalla vit alt tað, sum verður skrásett um avreiðingarskipanina. Í avreiðingunum er allur fiskiskapur hjá føroyskum skipum og bátum á føroyskum sjóøki, føroyska veiðan í íslendskum sjóøki og fiskiskapurin á Flemish Cap. Uppsjóvarfiskur og fiskiskapurin í Barentshavinum, er ikki við í hesi uppgerð. ## Avreiðingarvirðið aftur oman fyri milliardina Gongdin í avreiðingarvirðinum fylgir ikki altíð gongdini í avreiðingarnøgdunum neyvt, sum sæst á myndini omanfyri. Fyri virðið eru fiskaprísirnir eisini avgerandi. Avreitt varð fyri um 1,2 milliardir kr. í miðal árini 2000-07. Seinastu fimm árini hevur miðal avreiðingarvirðið verið um 800 millliónir kr. Í fjør var avreiðingarvirðið ein góð milliard kr., sum er um 133 milliónir kr. meira enn í 2018, ella 14%. Tað er virðið á toskinum, 158 milliónir kr. fleiri enn í 2018, sum togar avreiðingarvirðið upp í 2019. Í talvuni niðanfyri síggjast avreiðingarnar í nøgd og virði fyri úrvald fiskasløg í 2018 og 2019. ## Toska-, hýsu- og upsaveiðan seinastu árini Nógv fleiri tons av toski vórðu avreidd í 2019 - góð 25 túsund tons, sum er 45% meira enn í 2018. Eisini virðið á toskinum vaks nógv - úr 345 upp í 503 milliónir kr. - eitt meirvirði á 158 milliónir kr., sum er 46% vøkstur. Nøgdin av toski hevur verið støðugt lág seinastu nógvu árini - í miðal um góð 11 túsund tons seinastu 10 árini (2009-2018). Tey góðu 25.000 tonsini, sum vórðu avreidd í fjør, er nógv frægari enn seinastu nógvu árini, og á hædd við nøgdirnar fyrst í øldini. Hýsunøgdin er eisini vaksin nógv í 2019 í mun til 2018 - 2.700 tons og virðið góðar 27 milliónir. Hýsunøgdin er framhaldandi lág, sjálvt um hon í 2019 er tann besta í 12 ár. Í fjør vórðu avreidd 8.500 tons, samanborið við um 20.000 tons í miðal árini 2001-2007. Meðan toska- og hýsunøgdin í miðal hevur verið lág seinastu nógvu árini, hevur upsafiskiskapurin roynst nakað støðugari. Men seinastu árini hevur nøgdin av upsa eisini verið nógv fallandi, einans góð 18 túsund tons í fjør, eitt fall í mun til í 2018 á góð 3 túsund tons. Til samanberingar vórðu í miðal árini 2005-2010 avreidd góð 53 túsund tons av upsa. Dagførd hagtøl av avreiðingunum til og við 2019 eru tøk í hagtalsgrunninum. Har eru meira útgreinaðar upplýsingar, bæði á fiskaslag, nýttan reiðskap og keyparabólkar. 


Arbeiðsloysið 0,9% í november

Myndin niðanfyri vísir arbeiðsloysið og gongdina í arbeiðsloysinum. Káma strikan vísir arbeiðsloysisprosentið og sterka strikan vísir gongdina ella trendin. Arbeiðsloysið var 0,9% í november, samanborið við 1,2% í november 2018. Tað svarar til góð 250 fulltíðararbeiðsleys. Gongdin vísir, at lága arbeiðsloysið stendur við. Myndin niðanfyri vísir arbeiðsloysi fyri bæði kyn. Kámu strikurnar vísa arbeiðsloysisprosentið og sterku strikurnar vísa gongdina ella trendin fyri kynini. Í november var arbeiðsloysið 0,8% hjá monnum og 1,0% hjá kvinnum. Sama mánað í 2018 var tað 1,0% hjá monnum og 1,4% hjá kvinnum. Myndin niðanfyri vísur arbeiðsloysi eftir øki. Myndin niðanfyri vísir, hvussu leingi fólk hava verið arbeiðsleys. Stívliga helvtin av teim arbeiðsleysu hava verið arbeiðsleys styttri enn 3 mánaðir. 


Yvirskotið á rakstrarviðskiftinum við umheimin metstórt í 2016 og 2017

Rakstraravlopið fyri 2016 og 2017 er hækkað upp í góðar 3 mia. kr. í mun til umleið hálva aðru milliard krónur árini 2014 og 2015. Stóra avlopið stavar serstakliga frá nógva vøruútflutninginum í 2016 og 2017. Orsøkin er aldur laksur og pelagiskur fiskur, sum eru við til at vaksa um virðið av útflutninginum av vørum og harvið økja um ognina av fremmandum gjaldoyra. Eitt nú var útflutningsvirði av laksi umleið eina milliard krónur størri í 2017 enn í 2015. Men størri inntøkur frá sølu av tænastum til umheimin, eitt nú innan ferðavinnu og flutning, hava gjørt, at hallið á tænastujavnanum er minkað. Ein fittur partur av vøkstrinum frá 2016 til 2017 stavar frá hækkandi rakstrarflytingum, so sum tryggingarendurgjøldum úr útlandinum. Tænastuhandilin við umheimin er grundaður á spurnabløð, ið Hagstovan sendir út til ávísar fyritøkur. Av tí sama er ein ávís óvissa um hesi tølini. Í uppgerðini av rakstrarviðskiftum gjaldsjavnans fyri 2016 og 2017 liggur hallið á tænastujavnanum ávikavist 289 og 384 mió. kr. Sostatt er hallið á tænastujavnanum nakað lægri í 2016 og 2017 samanborið við árini frammanundan. Útflutningurin av tænastum er vaksandi meðan innflutningurin sær út til at standa í stað. Um hugt verður eftir útgreiningini av tænastuhandlinum sæst, at útflutningurin av ferðavinnutænastum hevur havt ein áhaldandi vøkstur seinastu árini. 


Nettoognin uttanlands er nógv vaksin

Tað almenna, fíggjarfyritøkurnar og húsarhaldini hava økt um nettoognina við sløkum 10 mia. kr. tíðarskeiðið 2013 til 2017, meðan vinnufyritøkur hava hækkað sína nettoskuld við sløkum 4 mia. kr. Størsta broytingin sæst í ognini hjá fíggjarfyritøkunum uttanlands, ið vaks við góðum 5 mia. kr. hetta tíðarskeiðið.   Meira enn helvtin av ogn føroyinga uttanlands er í lánsbrøvum. Lánsbrævaognin er vaksin knappar 4,4 mia. kr. síðani 2013. Eisini eru íløgurnar í útlendsk partabrøv hækkaðar 4 mia. kr. úr 2,6 mia. kr. upp í 6,6 mia. kr. Sløk helvtin av skuldini stavar frá íløgum hjá útlendingum í føroysk partabrøv, og er henda skuldin vaksin við góðum 5 mia. kr. frá 2013 til 2017. Lániskuldin til umheimin er lækkað við góðum 2 mia. kr. í tíðarskeiðnum. Annars kann sigast at uttanlandaskuldin fyri øll fíggjarsløg hevur ligið á nøkulunda sama støði árini 2015 til 2017. 


Konjunkturbarometrið gongur upp í mun til seinastu 5 kanningarnar

Treystitalið er tað samanvigaða vísitalið frá 5 spurnakanningum, sum verða gjørdar í januar og juni hvørt ár. Treystitalið hevur ligið millum 21 og 26 síðan á sumri 2017, men er hesaferð frá kanningini í januar komið upp á 32. Í januar 2017 var talið 31 annars skulu vit heilt aftur til juli 2014 fyri at finna eitt tal sum er hægri, tá var tað 37. Tað er ymiskt, hvønn veg gongdin vendir viðvíkjandi metingum um støðu og útlit í ymsu kanningunum. Úrslit frá øllum 5 kanningum eru at finna í talvum í hagtalsgrunninum. 


Rakstrarúrslitið fyri allar vinnur er hækkað við yvir 1 milliard krónum frá 2015 til 2017

Samlaða úrslitið í tilfeingisvinnunum vaks við 1 mia. kr. frá 2015 til 2016. Framleiðsluvinnurnar hava samlað sæð flestu árini síðani 2010 kunnað víst á úrslit oman fyri 200 mió. árliga, og í 2017 vísti samlaða úrslitið fyri framleiðsluvinnur 671 mió. kr. Tænastuvinnurnar hava eisini samanlagt víst positiv úrslit seinastu árini, og síðani 2010 hevur úrslitið flutt seg úr 194 mió. kr. til 859 mió. kr. í 2017. Stórur partur av samlaða úrslitinum hjá vinnunum er lopið í tilfeingisvinnunum. Úrslitið í tilfeingisvinnunum fer frá 334 mió. í 2015 til stívliga 1,4 mia. í 2016, ið tó fánar við 223 mió. niður á 1,2 mia. í 2017. Meginparturin av samlaða úrslitinum í tilfeingisvinnunum stavar frá alivinnuni, ið frá 2010 til 2017 hevði eitt økt úrslit á slakar 600 mió. kr. frá stórum 400 mió. kr í 2010 til útvið 1 mia. kr. í 2017. Aðrir høvuðsbólkar, ið hava havt munandi økt úrslit í 2017 í mun til 2010 eru m.a. innan framleiðsluvinnur, har samlaða úrslitið fyri eitt nú byggivinnu er farið frá -61 mió. kr. í 2010 til 137 mió. kr. í 2017. Innan tænastuvinnur hava fleiri høvuðsbólkar eisini havt munandi betri úrslit síðani 2010, heruppií bólkurin heil- og smásøla og umvæling av akførum, ið hevur økt úrslitið frá 131 mió. kr. í 2010 til 423 mió. kr. í 2017. Útgreinaði tøl eru at finn í hagtalsgrunninum 


Fólkatalið vaks við 822 fólkum í 2019

## Trendurin vísir framhaldandi vøkstur í fólkatalinum Trendurin vísir, at síðan fólkatalið fór at vaksa aftur um ársskiftið 2013/14, tá vit vóru umleið 48.300 í tali, er vøksturin í fólkatalinum spakuliga øktur, soleiðis at nú leggjast útvið 70 fólk afturat mánaðarliga. Hesin trendurin sæst í myndini niðanfyri, har vøksturin í fólkatalinum ikki sær út til at vikna. Hetta kemur serliga av, at síðstu árini hevur verið ein veksandi tilflyting og minkandi fráflyting - hóast trendurin teir síðstu mánaðirnar vísir eina lítla minking í tilflytingini og lítlan vøkstur í fráflytingini. Hinvegin vísir trendurin ikki serligar broytingar í føðitalinum og deyðatalinum. ## Nettoflytingin økir um fólkatalið við eini 45 fólkum mánaðarliga Tað eru fýra tættir, sum ávirka gongdina í fólkatalinum. Tað er tilflytingin og fráflytingin, umframt talið av føddum og deyðum. Trendurin vísir, at fráflytingin fór at minka í seinnu hálvu í 2011, men síðani 2015 hevur hon ligið í eini rættiliga fastari legu um 95-100 fólk mánaðarliga. Tilflytingin hinvegin er vaksin rættiliga støðugt øll árini síðani 2011 úr góðum 100 fólkum upp í stívliga 140 mánaðarliga. Tilflytingin er soleiðis gingin frá fráflytingini seinnu árini, og ískoytið til fólkavøksturin frá nettoflytingini - tað er gloppið millum tilflyting og fráflyting - er nú á leið 45 fólk mánaðarliga.   Grovaru strikurnar í myndini niðanfyri vísa trendin ella gongdina í tilflytingini og fráflytingini. Kámu strikurnar vísa upptaldu til- og fráflytingina mánað fyri mánað. ## Burðaravlopið økir um fólkatalið við 20-25 fólkum mánaðarliga Trendurin vísir, at talið av føddum børnum hevur ligið støðugt um 50 mánaðarliga nógvu seinastu árini, men síðstu tvey árini gevur hann eina ábending um eitt barnatal millum 55- 60 børn mánaðarliga. Tað svarar til eitt føðital, ið er útvið 680 árliga - nakað tað sama sum í 2018, og so høgt hevur tað ikki verið síðani 2005. Talið av deyðum hevur ligið í fastari legu hesi seinastu árini og er um 30-35 mánaðarliga. Ískoytið til fólkavøksturin frá burðaravlopinum, ið er munurin millum fødd og deyð, telur tí útvið 25 fólk mánaðarliga. Grovaru strikurnar í myndini niðanfyri vísa rákið í føðitalinum og í deyðatalinum. ## Ójavnur vøkstur um landið - størstur í miðøkinum Landafrøðiliga var fólkavøkstur í øllum sýslum uttan Sandoyar. Stórur munur er millum sýslurnar. Í tali var størsti vøksturin í Tórshavnarøkinum við 350 fólkum og í Eysturoy við 283. Síðan koma Vágar við 78 fólkum og Norðoyggjar við 72 fólkum, Streymoyarøkið uttan høvuðsstaðin við 33 fólkum og Suðuroy við 7 fólkum. Í Sandoyar sýslu er fólkatalið minkað við 1. Lutfalsliga var størsti vøksturin í Eysturoy við 2,5% og Vágum við 2,4%. So er eitt lop niður til Tórshavnarøkið við 1,8% og Norðoyggjar við 1,2%. So er aftur eitt glopp niður til Streymoyarøkið annars við 0,7% og Suðuroy við 0,2%. Minkingin í Sandoyar sýslu svarar 0,1%. Í myndini niðanfyri er fólkatalið í øllum høvuðsøkjum í landinum sett til 100 í 1. jan. 2014, so vit kunnu síggja prosentvísu gongdina frá hesum degi fram til 1. jan. 2020. Hesi seks árini hevur størsti vøksturin verið í Eysturoy, Tórshavnarøkinum og Vágum við 10-12%, síðani í Norðoyggjum og Streymoyarøkinum annars við 6-7%, meðan ongin vøkstur hevur verið sunnanfjørðs í Sandoyar og Suðuroyar sýslum. **Dagførd og útgreinað íbúgvatøl eru at finna í hagtalsgrunninum her.** **Fólkatølini eru ein mánað afturút**   Orsøkin til, at fólkatølini eru ein mánað afturút, er at seinkingar eru í skrásetingunum, serliga flytingar, har fleiri verða skrásettar eftir at uppgjørdi mánaðurin er liðugur. Fyri fáa tær flestu rættingarnar við verður bíðað ein mánað, so at uppgerðin verður so rættvísandi sum gjørligt. **Stutt um fólkatølini**   Fólkatalið er øll fólk, sum eru skrásett at búgva í Føroyum sambært Landsfólkaskránni.   Hagtøl um fólkatalið fevna um øll, sum eru skrásett at búgva í Føroyum, har tey eru lýst við føðidegi, kyni, føðistaði, ríksborgaraskapi, borgarastøðu, upplýsingum um møguliga tilflyting og fráflyting, innlendis eins og millum Føroyar og útlond. **Stutt um trendin**   Trendurin lýsir rákið í fólkatalinum við at reinsa fyri árstíðarfrávik og aðrar tilvildarligar broytingar í fólkatalinum. 


Útflyta laks fyri meir enn 4 mia. kr.

Toskaútflutningurin er vaksin næstan 300 mió. kr. og er nú omanfyri eina mia. fyri fyrstu ferð síðan 2002. Útflutningurin av makreli og sild vaks eisini nógv í fjør, ávikavist 43% og 54% samanborið við 2018 Tað er framvegis laksur, vit útflyta mest av, og har er vøksturin 700 mió. kr. Útflutningurin av laksi fór í fjør upp um 4 mia. kr., og tað er ikki hent fyrr. ## Eisini í nøgd er talan um metútflutning Bæði samlaða nøgdin og fyri fleiri av fiskasløgunum er talan um, at í 2019 útfluttu vit meir enn nakað ár frammanundan. Samlað útfluttu vit 512 tús. tons av fiskavørum, og bert einaferð fyrr, í 2017, hava vit útflutt meir enn 500 tús. tons. Laksaútflutningurin var 69 tús. ton, og tað eru góð tvey túsund tons meir enn í 2014, sum var tað árið, vit higartil høvdu útflutt mest av laksi. Eisini útflutningurin av sild setti met í fjør. 122 tús. tons vórðu útflutt fyri 745 mió. kr. 


Innflutningurin tvífaldaður síðan 2009

Í 2009 innfluttu vit fyri 4,2 mia. kr., so hesi tíggju árini er innflutningurin næstan tvífaldaður. Tó var 2009 eitt ár, har innflutningurin minkaði nógv vegna fíggjarkreppuna. Tað er minni innflutt av maskinum og amboðum, og vit hava eisini keypt brennievni fyri 150 mió. kr. minni enn í 2018. Í hinum vørubólkunum er vøkstur í innflutninginum. Størsti vøksturin er í tilfari til annan ídnað. 


Stórur vøkstur hjá gistingarhúsunum í fjør 

## Serliga stórur vøkstur í 2019 Á myndini niðanfyri sæst, at tað hevur verið ein javnur árligur vøkstur bæði í gistinætum og í innskrivingum, síðan byrjað varð við skrásetingini av gistingarhagtølum í 2013. Men her sæst eisini, at vøksturin í 2019 var munandi størri enn árligi vøksturin árini frammanundan. Undir myndini er lýst, hvat er ein gistinátt og hvat er ein innskriving. Viðmerkjast skal eisini, at her umrøða vit bert gistingar í gistingarhúsum, tí at skrásetingarnar í øðrum gistiháttum, so sum ból og biti, hús og íbúð og kamping, ikki eru nóg fullfíggjaðar og tí kunnu geva eina skeiklaða mynd av heildargongdini. Í hagtalsgrunninum eru tó allar skrásettu gistingarnar at finna, útgreinaðar á ymisku gistingarhættirnar. Tað er eisini týdningarmikið at hava í huga, at hendan uppgerðin av gistingarhagtølum fevnir ikki um tann gistingarháttin, ið verður nevndur 'airbnb', tí Hagstovan hevur ikki atgongd til upplýsingar um gistingar av hesum slag. ## Í 2019 var stórur vøkstur tíðliga á sumri og seint á heysti Myndirnar niðanfyri vísa mánaðarliga mynstrið bæði í gistingum og í innskrivingum. Her er tað ein javnur brattur vøkstur frá ársbyrjan til tað kemur í hæddina í juli, og síðani minkar líðandi aftur móti ársenda. Tó er merkisvert, at vøksturin nú er stórur longu í apríl, mai og juni, og sama er um heystið, har tað er serliga stórur vøkstur í oktobur og novembur. Myndirnar vísa eisini, at fyri hvørt ár síðani farið varð undir hesar skrásetingarnar, liggur mánaðarliga talið av gistingum sum heild oman fyri talið sama mánað árið frammanundan. ## Sum árini frammanundan vóru flestu gistingar hjá fólki úr Danmark Flestu gistingarnar í 2019 vóru hjá fólki, sum eru búsitandi í Danmark, svarandi til 30%. Soleiðis er á hvørjum ári. Síðani vóru næstflestu gistingarnar hjá føroyingum sjálvum við 18%, sum eisini er vanligt á hvørjum ári. Tá londini verða tikin saman í størri bólkum, koma onnur evropeisk lond uttan fyri Norðurlond við 23% og Norðurlond uttan Føroyar við 19%. So er eitt lop niður til teirra, ið koma úr londum uttan fyri Europa, t.e. Amerika, Asia, Kyrrahavslond og Afrika við tilsamans 10%. Í talvuni niðanfyri eru gistingar býttar eftir einstøkum londum, har ferðafólkini búgva. Umframt úr Danmark og Føroyum, ið eru langt ovast og úr Noregi á triðja plássi, koma tey úr nógvum ymiskum londum um okkara leiðir men eisini úr meira fjarstøddum londum. Merkisvert er, at eftir Danmark, Føroyar og Noreg kemur Norðuramerika, áðrenn Bretland, Ísland, Svøríki og Týskland. Størsti vøksturin í tali er hjá fólkið, búsitandi í Norðuramerika við 3.700, svarandi til ein vøkstur á 61% og síðani úr Danmark við 3.600, svarandi til ein vøkstur á 8%. Lutfalsliga er eisini sera stórur vøkstur úr Spania við 65%, Fraklandi við 46% og Bretlandi við 37%. Merkisvert er eisini, at størsta minkingin í gistinætum er hjá føroyingum sjálvum við næstan 2.000, svarandi til eina minking á 6%. ## Í miðal gista ferðafólk úr útlondum góða hálvatriðju nátt, føroyingar hálvaaðru Út frá upplýsingum um tal av gistingarnætrum og innskrivingum ber til at rokna eitt miðaltal fyri, hvussu nógvar nætur hvør persónur gistir. Hetta sæst í talvuni niðanfyri, har gistingarlongdin hjá føroyingum sjálvum og hjá útlendingum er gjørd upp hvør fyri seg (føroyingur er her ein, sum er búsitandi í Føroyum, og útlendingur, ein sum er búsitandi uttanlands).   Stórur munur er her millum miðal gistingarlongd hjá føroyingum og hjá útlendingum. Hjá útlendingum er gistingarlongdin góðar hálvatriðju nátt og hjá føroyingum góða hálvaaðru nátt. Her verður roknað við gistingarlongd á sama gistingarstað og ikki roknað við, at somu persónar kunnu gista á ymiskum gistingarplássum á somu ferð. ## Góð 40% eru í starvsørindum - lítil munur millum føroyingar og útlendingar   Í hagtølunum sæst eisini, hvussu innskrivingar hjá fólki á gistingarhúsum eru býttar eftir endamáli við ferðini. Her er endamálið býtt í tvey, frítíðar- ella starvsferð. Tølini vísa at bæði í 2018 og 2019 er mynstrið tað sama: 42% av gestunum eru í starvsørindum og 58% á frítíðarferð. Men býta vit sundur millum føroyingar og útlendingar er ein lítil munur: hjá útlendingum er lutfallið millum frítíðar- og starvsferðir ávikavist 58% og 42%, og hjá føroyingum ávikavist 60% og 40%. Ein munur er eisini her í broytingini frá 2018 til 2019: hjá føroyingum økjast tey við starvsferðarørindum úr 37 upp í 40%, meðan tey hjá útlendingum minka úr 44 til 42%. So býtið millum frítíðar- og starvsferðir hjá gistingarhúsgestum er nakað tað sama hjá føroyingum og útlendingum. 


Føroyska arbeiðsfjøldin er framvegis tann virknasta í Europa

Vinnutíttleikin, ið er arbeiðsfjøldin í % av fólkatalinum, er sostatt er 85,4%, roknaður fyri bæði kyn. Hjá monnum er vinnutíttleikin 87% og hjá kvinnum nærum eins stórur við 84%. Samanborið við onnur lond er vinnutíttleikin í Føroyum tann størsti í Europa, við Íslandi næst aftanfyri. Síðstu 5 árini er arbeiðsfjøldin vaksin við stívliga 2.000 fólkum. Vøksturin er javntbýttur millum kynini við umleið 1.000 fólkum hjá hvørjum.   Hetta er eitt av høvuðsúrslitunum av arbeiðsfjøldarteljingini, sum Hagstovan gjørdi í november í fjør. Nógv fleiri og útgreinað úrslit eru at finna í hagtalsgrunninum. Aftast í hesi grein er stutt frágreiðing um arbeiðsfjøldarteljingina. Í arbeiðsfjøldini eru øll vinnuliga virkin, so sum løntakarar, sjálvstøðugt vinnurekandi og arbeiðsgevarar, arbeiðsleys, ið eru tøk at átaka sær arbeiði, og fólk, sum ólønt hjálpa til í familjufyritøku. Uttan fyri vinnu eru m.a. ungfólk, ið eru undir útbúgving burturav, fólk sum av sjúku, skerdum førleika ella øðrum ikki eru á arbeiðsmarknaðinum, ella fólk, ið eru farin av arbeiðsmarknaðinum, m.a. av aldri ella øðrum. Í talvuni niðanfyri sæst arbeiðsfjøldin og vinnutíttleikin í høvuðsøkjum kring landið. Í tali er arbeiðsfjøldin av góðum grundum størst í Suðurstreymi, har mesta fólkið býr. Men í mun til fólkatalið er hon størst í Eysturoy við knappliga 88%, síðani í Suðurstreym við stívliga 86%, í Norðoyggjum við knappliga 86%, síðani í Norðstreymi við stívliga 84% og í Vágum við stívliga 82%. Minstur er vinnutíttleikin í Sandoyar og Suðuroyar økjum við stívliga 79%. Eftir kyni er vinnutíttleikin hjá monnum størstur í Eysturoy við 90% og minstur í Sandoy og Suðuroy við 80-81%. Hjá kvinnum er hann størstur í Norðoyggjum, í Suðurstreymi og í Eysturoy við 85-86% og minstur í Sandoyar øki við 77%. ##   Føroyski vinnutíttleikin størstur í Europa Vit hava sæð tað eisini í undanfarnu kanningum, at í mun til fólkatalið er føroyska arbeiðsfjøldin tann størsta í Europa. Einans í Íslandi er hon næstan líka stór. Tað verður eisini váttað við uppgerðini hesaferð. Á myndini niðanfyri eru Føroyar samanbornar við 35 onnur lond í Europa, sambært hagtalsgrunninum hjá Eurostat. Tá vit samanbera úrslitini fyri bæði kyn tilsamans, eru Føroyar fremst við einum vinnutíttleika á 85% og síðani Ísland við 81%. Síðan er eitt glopp niður til Sveits við 76% og Svøríki við 74. Estland, Niðurlond, Noreg, Týskland, Danmark, Bretland og Litava liggja um 70-72%. Miðaltalið fyri tey 28 ES-limalondini (Bretland íroknað) er 65%.   Lægstur er vinnutíttleikin í Turkalandi og Italia við 56-57%. **Hjá monnum** eru Føroyar á odda við 87% og síðani Ísland við 84%. Í Danmark er talið 74%. ES-miðaltalið er 71%. Lægstur er vinnutíttleikin hjá monnum í Kroatia, Belgia, Fraklandi og Italia við 63-66%. **Hjá kvinnum** er vinnutíttleikin nógv størstur í Føroyum við 84%, síðani í Íslandi við 77%. Í Danmark er hann 66%, og ES-miðaltalið er 60. Lægsti vinnutíttleikin hjá kvinnum er í Turkalandi við 37% og Italia við 48%.   Samanumtikið sæst, at í øllum øðrum londum enn í Føroyum er vinnutíttleikin hjá kvinnum munandi lægri enn hjá monnum. Í Føroyum eru bara 3%-stig á muni, 7% í Íslandi, í Danmark 8% og í miðal fyri tey 28 ES-londini er munurin 11%-stig. Nógv størsti kynsmunurin er í Turkalandi við 76% hjá monnum men bert 37% hjá kvinnum. ## Vinnutíttleikin stórur frá teim yngstu til tey elstu Bæði hjá monnum og kvinnum er ein tann størsti munurin millum Føroyar og Ísland og hini londini, at tey ungu í hesum báðum londum eru nógv meira vinnuliga virkin enn aðrastaðni, og at tey eldru eru nógv longri vinnuliga virkin enn aðrastaðni. Bæði í Føroyum og Íslandi eru tey ungu longu áðrenn 20-ára aldur uppi á umleið 75% í vinnutíttleika, samanborið við 50% í Danmark og um 20% í ES-londunum sum heild. Enn størri er munurin hjá teimum eldru. Og tá tað snýr seg um tey elstu 65-74 ára gomlu eru Føroyar í serstøðu við einum vinnutíttleika á 50%, í Íslandi út við 35% meðan hann er niðri á 10%-15% í Danmark og ES-londunum sum heild. Eisini skilja føroysku kvinnurnar seg burturúr, har tær í aldursbólkunum frá 35 árum og allan vegin fram eru langt oman fyri kvinnurnar í hinum londunum í vinnutíttleika, t.d. við meir enn 95% í aldursbólkinum 45-55 ár, og við 45% í aldursbólkinum 65-74 ár, samanborið við eini 10% hjá kvinnum í Danmark og í miðal fyri ES-londini.   


Arbeiðsloysið 1,1% í januar

Myndin niðanfyri vísir arbeiðsloysið og gongdina í arbeiðsloysinum. Káma strikan vísir arbeiðsloysisprosentið og sterka strikan vísir gongdina ella trendin. Arbeiðsloysið var 1,1% í januar, samanborið við 1,3% í januar 2019. Tað svarar til 315 fulltíðararbeiðsleys. Myndin niðanfyri vísir arbeiðsloysið fyri bæði kyn. Kámu strikurnar vísa arbeiðsloysisprosentið og sterku strikurnar vísa gongdina ella trendin fyri kynini. Í januar var arbeiðsloysið 1,0% hjá monnum og 1,2% hjá kvinnum. Sama mánað í 2019 var tað 1,2% hjá monnum og 1,6% hjá kvinnum. Myndin niðanfyri vísur arbeiðsloysi eftir øki. Myndin niðanfyri vísir, hvussu leingi fólk hava verið arbeiðsleys. Í januar høvdu góð 60% av teim arbeiðsleysu verið arbeiðsleys styttri enn 3 mánaðir og 40% longri enn tríggjar mánaðir. 


Fosturtøkurnar ein fjórðingur av tí sum var fyri tríati árum síðani

Hóast tølini eru smá og tí kunnu sveiggja nógv frá einum ári til annað, er gongdin greið, har tølini hava verið alsamt minkandi, eisini tá talið av fosturtøkum verður roknað í mun til talið av livandi føddum.   * Í seinni helvt av 1980-unum var talið av fosturtøkum av tí mesta, um 80-85 árliga   * Fyrru helvt av 1990-unum minkaði tað niður móti 60   * Seinni helvt av 90-unum niður um 50   * Eftir aldarskiftið í nullunum niður móti 40   * Í fyrru helvt av 2010'unum niður móti 30.   * Nú í seinni helvt av 2010'unum niður móti 20 Nú er talið av kvinnum í burðarførum aldri nógv broytt hesi árini, eins og føðitalið. Men eisini tá vit rokna í mun til føðitalið, er gongdin tann sama, eins og myndin niðanfyri vísir. ## Serlig minking í teim yngru og teim eldru aldursbólkunum Samanbera vit aldursbýtið í fosturtøkutíttleikanum - roknaður eftir talinum av kvinnum í hvørjum aldursbólki - so er mynstrið tað sama sum í 1990-unum og fyrstu 2000-unum, bara á einum nógv lægri stigi í øllum aldursbólkum: Lægsti títtleikin er hjá teim yngstu kvinnunum. So veksur tað til tað mesta í aldursbólkinum 25-29 ár, og minkar síðani stútt niður í lítið og onki hjá teim elstu 40 ára gomlu og eldru. ## Fosturtøkutíttleikin í Føroyum nógv lægstur í Europa. Sambært upplýsingum frá WHO, heimsheilsustovninum hjá ST, kunnu vit eisini samanbera fosturtøkur í Føroyum við tað sama í 45 øðrum europeiskum londum, roknað sum tal av fosturtøkum pr. 1.000 livandi fødd. Her er lægsti títtleikin at finna í Føroyum, meðan hann er 8 ferðir hægri í ES sum heild, umleið 12 ferðir hægri í Íslandi og Danmark og 17 ferðir hægri í Russlandi.   Dagførdu hagtølini úr Føroyum eru at finna í hagtalsgrunninum her. 


Fólkavøksturin viknar ikki - 835 aftrat síðstu 12 mánaðirnar

## Trendurin vísir framhaldandi vøkstur í fólkatalinum Trendurin vísir, at síðan fólkatalið fór at vaksa aftur um ársskiftið 2013/14, tá vit vóru umleið 48.300 í tali, er vøksturin í fólkatalinum spakuliga øktur, soleiðis at nú framhaldandi leggjast útvið 70 fólk afturat mánaðarliga. Hesin trendurin sæst í myndini niðanfyri, har vøksturin í fólkatalinum ikki sær út til at vikna. Hetta kemur serliga av, at síðstu árini hevur verið ein munandi størri tilflyting enn fráflyting. Eins og burðaravlopið hevur verið heldur veksandi enn minkandi. ## Nettoflytingin økir um fólkatalið við gott 45 fólkum mánaðarliga Tað eru fýra tættir, sum ávirka gongdina í fólkatalinum. Tað er tilflytingin og fráflytingin, umframt talið av føddum og deyðum. Trendurin vísir, at fráflytingin fór at minka í seinnu hálvu í 2011, men síðani 2015 hevur hon ligið í eini rættiliga fastari legu um 95-100 fólk mánaðarliga. Tilflytingin hinvegin er vaksin rættiliga støðugt øll árini síðani 2011 úr góðum 100 fólkum upp móti 145 mánaðarliga. Tilflytingin er soleiðis gingin frá fráflytingini seinnu árini, og ískoytið til fólkavøksturin frá nettoflytingini - tað er gloppið millum tilflyting og fráflyting - er nú gott 45 fólk mánaðarliga.   Grovaru strikurnar í myndini niðanfyri vísa trendin ella gongdina í tilflytingini og fráflytingini. Kámu strikurnar vísa upptaldu til- og fráflytingina mánað fyri mánað. ## Burðaravlopið økir um fólkatalið við 20-25 fólkum mánaðarliga Trendurin vísir, at talið av føddum børnum hevur ligið støðugt um 50 mánaðarliga nógvu seinastu árini, men síðstu tvey árini gevur hann eina ábending um eitt barnatal oman fyri 55 børn mánaðarliga. Tað svarar til eitt føðital, ið er útvið 670-680 árliga - nakað tað sama sum í 2018, og so høgt hevur tað ikki verið síðani 2005. Talið av deyðum hevur ligið í fastari legu hesi seinastu árini og er um 30-35 mánaðarliga. Ískoytið til fólkavøksturin frá burðaravlopinum, ið er munurin millum fødd og deyð, telur tí knappliga 25 fólk mánaðarliga. Grovaru strikurnar í myndini niðanfyri vísa rákið í føðitalinum og í deyðatalinum. ## **Vøkstur í øllum høvuðsøkjum, men størstur í miðøkinum** Landafrøðiliga var fólkavøkstur í øllum sýslum. Men stórur munur er millum sýslurnar. Í tali var størsti vøksturin í Tórshavnarøkinum við 366 fólkum og í Eysturoy við 263. Síðan koma Vágar við 74 fólkum og Norðoyggjar við 67 fólkum, Streymoyarøkið uttan høvuðsstaðin við 39 fólkum, Suðuroy við 22 fólkum, og minsti vøksturin var í Sandoyar sýslu við 4 fólkum. Lutfalsliga var størsti vøksturin í miðøkinum: í Eysturoy við 2,3%, í Vágum við 2,2% og Tórshavnarøkinum við 1,9%. So er eitt lop niður til Norðoyggjar við 1,1%. So er aftur eitt glopp niður til Streymoyarøkið annars við 0,8%, Suðuroy við 0,5% og Sandoyar sýslu við 0,3%. Í myndini niðanfyri er fólkatalið í øllum høvuðsøkjum í landinum sett til 100 í 1. jan. 2014, so vit kunnu síggja prosentvísu gongdina frá hesum degi fram til 1. jan. 2020. Hesi seks árini hevur størsti vøksturin verið í Eysturoy, Tórshavnarøkinum og Vágum við 10-12%, síðani í Norðoyggjum og Streymoyarøkinum annars við 6-7%, meðan ongin vøkstur hevur verið sunnanfjørðs í Sandoyar og Suðuroyar sýslum, tá hesi 6 árini vera tikin í einum. ## Miðøkið tekur meginpartin av fólkavøkstrinum Frammanundan hevur tað serliga verið Tórshavnarøkið, sum er farið við størsta partinum av fólkavøkstrinum. Men tá vit rokna í mun til fólkatalið, so taka Eysturoyggin og Vágar ein størri lutfalsigan part. Hinvegin fáa Norðoyggjar ein minni part, sum eisini er nakað minni enn teirra partur av øllum fólkatalinum. Í Eysturoy búgva knappliga 23% av fólkinum í Føroyum. Men vøksturin á 263 fólk svarar til knappliga 32% av fólkavøkstrinum fyri alt landið. Til samanberingar búgva út við 38% av fólkinum í Tórshavnarøkinum, og vøksturin her var 366 fólk, svarandi til næstan 44% av øllum fólkavøkstrinum. Í Norðoyggjum búgva 12% av fólkinum, men vøksturin her svarar bara til 8% av øllum fólkavøkstrinum. Í Vágum búgva knappliga 7% av fólkinum, men teirra partur av vøkstrinum var 9%. Í Suðuroy búgva 9% av fólkinum, men teirra partur av fólkavøkstrinum var bara hálvttriðja %. ## Kommunurnar Verður hugt eftir einstøku kommunum er nógv størsti vøkstur í tali í Tórshavnar og Runavíkur kommunum. Men lutfalsliga er stórur munur teirra millum, har Runavíkar kommuna veksur við 3,4% og Tórshavnar við 1,7%. Sum heild er vøksturin stórur í Eysturoyar kommunum, umframt í Runavík, so í Eiðis kommunu við 2,9%, Sjóvar kommunu við 2,4% og Fuglafjarðar kommunu við 2,0%.  Nakað minni vøkstur var í Eystur kommunu við 1,4% og 1,1% í Nes kommunu. Í Norðoyggjum er vøksturin í Klaksvíkar kommunu nakað niðan fyri miðaltalið fyri alt landið við 1,2%,. Stórur vøkstur var í Kunoyar kommunu við 5,4% og minking í Viðareiðis kommunu við 3,3%. Í Vágum var vøksturin 3,4% í Sørvágs kommunu og 1,6% í Vága kommunu. Í Sandoyar sýslu minkar Skopunar kommuna við 3,5%, meðan vøkstur er í hinum. Í Suðuroy er ein lítil vøkstur í teim størri kommununum, Tvøroyri, Hvalba og Vági, og í minsti kommununi Famjin, meðan tað minkar í Hovs og Porkeris kommunum. Samanumtikið er vøkstur í 23 kommunum, meðan fólkatalið stendur í stað í tveimum og minkar í 4.   Á myndini niðanfyri eru kommunurnar settar í raðfylgju frá størstu minking til størstan vøkstur í tali.   ## Oyggjarnar: minkar bara í Viðoy og í Hesti Verður hugt eftir gongdini í einstøku oyggjunum, er fólkavøkstur í øllum teim stóru oyggjunum, serliga í Eysturoy og Vágoy. Eitt sindur minni vøkstur í Streymoy og Borðoy og tað minkar í Viðoy. Av smæstu oyggjunum er lutfalsliga stórur vøkstur í Svínoy, Kunoy og Nólsoy. Lítil vøkstur er í Mykinesi, Skúvoy og Stóra Dímun halda tørn, meðan tað minkar í Hestoy. Her er Skúvoy nú á 30 fólkum og Hestoy farin niður um 20. Fyri 30 árum síðani búðu 84 fólk í Skúgvi og 57 í Hesti. 


28.060 løntakarar í desember - løntakaratalið veksur spakuligari

Í desember vóru góðir 28.060 løntakarar. Tað eru 600 fleiri enn fyri ári síðani. Gongdin, sum er lýst við trendinum, vísir, at fleiri løntakarar framvegis leggjast afturat løntakaraskaranum, men at løntakaratalið veksur spakuligari enn tað hevur gjørt. Serliga hetta seinasta árið hevur ferðin ikki verið tann sama. Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali og sterku strikurnar vísa gongdina ella trendin fyri kynini. Í desember vóru um 14.600 menn og 13.450 kvinnur í løntakaraskaranum ella 52% menn og 48% kvinnur. Bæði hjá monnum og kvinnum er vøksturin í løntakaratalinum ikki eins stórur, sum hann hevur verið. Myndirnar niðanfyri vísa løntakaratalið og gongdina í teimum fýra høvuðsvinnugreinunum. Kámu strikurnar vísa løntakararnar í tali og sterku strikurnar vísa trendin fyri vinnugreinabólkarnar. Seinasta árið hevur lítil og eingin vøkstur verið í løntakaratalinum í privatu tænastuvinnunum. Tað eru góð tvey ár síðani, at ferðin í vøkstrinum fór at minka í privatu tænastuvinnunum. Vøkstur er framvegis í hinum høvuðsvinnugreinabólkunum, tó ferðin í vøkstrinum er ymisk. 


Góðar 890 milliónir í lønum februar - vøksturin stendur við

Útgoldnu lønirnar og gongdin í lønargjaldingunum eru lýstar á myndini niðanfyri. Trendurin vísur ein støðugan vøkstur í lønargjaldingunum. Vøksturin í lønargjaldingunum heldur fram við somu ferð, hóast vøksturin í løntakaratalinum gongur seinni enn hann hevur gjørt. Myndin niðanfyri vísir lønargjaldingarnar fyri bæði kyn. Kámu strikurnar vísa útgoldnu lønirnar og sterku strikurnar vísa gongdina ella trendin fyri bæði kynini. Í februar var parturin hjá monnunum um 65% av lønarútgjaldingunum, meðan parturin hjá kvinnunum var 35%. Munurin millum kynini økist framvegis. Myndin niðanfyri vísir lønargjaldingarnar í teimum fýra høvuðsvinnugreinunum. Kámu strikurnar vísa lønargjaldingarnar, og sterku strikurnar vísa trendin fyri vinnugreinarnar. Sløk 65% av lønargjaldingunum verða útgoldar í almennu- og privatu tænastuvinnunum, 20% í fiskivinnu og aðari tilfeingisvinnu og 15% í byggivinnu og aðrari tilvirking. Trendurin vísir, at vøkstur er í øllum vinnugreinabólkunum, hóast ymiskur. 


Innfluttu fyri 8,4 mia. kr.

Uttan skip og flogfør var vøksturin góðar 100 mió. kr. ella 2% 


Útfluttu fyri 9,8 mia. kr.

Samlaða útflutta nøgdin av fiskavørum er vaksin 6% 


Stórar broytingar í vinnugreinunum á arbeiðsmarknaðinum síðstu fimm árini

Síðstu fimm árini vórðu 3.700 fleiri løntakarar:   * Av teimum 2.000 mannfólk og 1.700 konufólk.    * Eftir tjóðskapi høvdu 670 av teimum annan ríkisborgaraskap enn okkara.    * Størsti vøksturin var í byggivinnu við 847 og hjá kommunum við 678. Í hinum endanum komu 27 aftrat í landsfyrisiting og 11 aftrat í fiskivinnu.   * Av teim 22 vinnugreinunum starvast flest í kommununum - fleiri enn í heilsu- og almannaverkinum   * Eftir aldri var størsti vøkstur hjá teim 25-40 ára gomlu, men eisini stórur vøkstur hjá teim eldru yvir pensjónsaldur. ## Nógv størsti vøkstur í byggivinnu og hjá kommununum Í vøkstrinum frá 2014 til 2019 eru tvær vinnugreinar, ið skilja seg klárt burturúr: tað er byggivinnan og kommunurnar. Saman við kommununum eru ríkisstovnar bólkaðir, men tey eru lutfalsliga fá og tað er ikki har at vøksturin liggur. Síðan er eitt langt lop niður til fimm aðrar vinnugreinar, ið hava ein vøkstur, ið er umleið ein triðingur av vøkstrinum hjá byggivinnu og kommunum - tað eru handil og umvæling, vinnuligar tænastur, skipasmiðjur o.a. smiðjur, ali- og kryvjivirki og heilsu- og almannaverk. Tað er merkisvert, at vøksturin á kommunuøkinum er júst tríggjar ferðir so stórur sum á almanna- og heilsuøkinum. Eisini vert at leggja til merkis er, at vøksturin í gistingar- og matstovuvinnuni er eins stórur og á undirvísingarøkinum. Í hinum endanum er lítil og ongin vøkstur í landsfyrisiting og fiskivinnu, har vøksturin øll hesi 5 árini einans er ávikavist 27 og 11 løntakarar. ## Mest fjølmenta vinnugrein er kommunurnar og almanna- og heilsuverkið Av teim 22 vinnugreinunum eru tey mest fjølment á tí kommunala økinum saman við ríkisstovnum (har tey flestu starvast í løgregluni) og í almanna- og heilsuverkinum, hvør við ávikavist 3.800 og 3.700 løntakarum. Byggivinnan er vaksin við yvir 50% hesi árini og er nú 4. størsta einstaka vinnugrein við 2.500 løntakarum. Men taka vit tær tríggjar tilfeingisvinnurnar, fiskiskap á 6. plássi, fiskavirking á 7. plássi og ali- og kryvjivirki á 7. plássi, so hava tær tilsamans góðar 4.100 løntakarar. Gistihús- og matstovuvinna er nú vorðin ein miðalstór vinna við næstan líka nógvum løntakarum sum sjóflutningur, annar flutningur, skipasmiðjur o.a. smiðjur, og annar ídnaður enn fiskavirki. ## Alsamt meira kynsbýttur arbeiðsmarknaður At størsti vøksturin hjá mannfólki er í byggivinnu, skipasmiðjum og smiðjum, handli og umvælingarverkstøðum, vinnuligum tænastum og alivinnu, meðan hinvegin størsti vøksturin hjá konufólki er á kommunalum stovnum, heilsu- og almannaverki og í undirvísing, ger at føroyski arbeiðsmarknaðurin er blivin enn meira kynsbýttur hesi seinastu 5 árini, sum eisini er skilligt av myndini niðanfyri. Her sæst t.d., at á almanna- og heilsuøkinum eru 83% av løntakarunum konufólk, meðan í byggivinnuni eru 92% mannfólk. ## Fimti hvør av nýggju løntakarunum hevur annan ríkisborgaraskap enn okkara Seinastu fimm árini hevur verið stórur fólkavøkstur, ikki minst av stórari tilflyting úr øðrum londum. Hetta sæst eisini aftur í vøkstrinum av løntakarum hesi árini, har ein knappligur fimtingur av vøkstrinum av løntakarum kemur úr londum við øðrum ríkisborgaraskapi enn okkara. Tað eru 670 av 3.700. Hóast vøksturin seinastu fimm árini av løntakarum úr øðrum londum, so eru enn 86% av øllum løntakarum í Føroyum í dag fødd í Føroyum. Rokna vit eftir ríkisborgaraskapi, so eru tað 95%, ið hava danskan/føroyskan ríkisborgaraskap. ## Nýggju løntakararnir uttanífrá arbeiða mest í byggivinnu og privatum tænastum Verður hugt eftir hvar teir nýggju løntakararnir arbeiða, sum ikki eru føddir í Føroyum, sæst at tað fram um alt er í byggivinnuni og síðani í privatum tænastuvinnum. Serliga sjónskt er býtið millum tey í bólkinum "aðrir evropeiskir ríkisborgarar", har 277 av 420 arbeiða í byggivinnuni. ## Størsti vøksturin av løntakarum í ungum árum - men eisini stórur vøkstur millum tey elstu Nógv tey flestu av løntakarunum, sum eru komin aftrat hesi 5 árini, eru í ungum árum 25-39 ár. Hetta er eisini galdandi, tá vit rokna vøksturin í mun til fólkatalið í teim einstøku aldursbólkunum. Tá síggja vit eisini tað merkisverda, at lutfalsligi vøksturin hjá teim eldru fólkunum, ið eru farin upp um pensjónsaldur, er størri enn hjá teim 20-24 ára gomlu, størri enn hjá teim 40-54 ára gomlu og eisini størri enn hjá teim 55-66 ára gomlu. 


Grindirnar verða líðandi færri og smærri

Síðstu fimm árini hava verið í miðal eini 10 grindir um árið. Eftir einstøkum hvalvágum hava flestu grindirnar hesi árini verið í Hvannasundi við 11 grindum og 7 í Tórshavn. Í Havn var eisini størsta grindin í fjør við 145 hvalum. Tríggjar vóru við umleið 100 hvalum, í Sandavági, Vestmanna og Trongisvági. Allar hinar sjey grindirnar vóru langt niðan fyri 100 hvalir. ## Flestu grindir seinastu árini í Norðoyggjum Tað er sera skiftandi frá einum ári til annað, men taka vit saman um, hvussu úrslitið hevur verið seinastu 5 árini 2015-2019 og samanbera við fimmáraskeiðið frammanundan, so vóru flestu grindirnar í Norðoyggjum seinastu 5 árini. Hesi síðstu 10 árini hava verið 21 grindir í Norðoyggjum, 18 í Norðstreymi, 16 í Vágum, 15 í Suðuroy, 12 í Eysturoy, 10 í Suðurstreymi (Tórshavn) og 8 í Sandoy. Myndin er nakað tað sama, tá hugt verður eftir tali av hvalum, flestir í Norðoyggjum og í Vágum, og síðani í Suðurstreymi. Í Sandoynni vóru bert tvær heilt smáar grindir hesi 5 árini við tilsamans 23 hvalum. ## Hvalir í mun til fólkatalið Nú er stórur munur á ymisku økjunum í fólkatali. Samanbera vit tal av hvalum í mun til fólkatalið í hvørjum øki, so sæst á myndini niðanfyri, at hetta hilnast best í Vágum, í Norðstreymi og Norðoyggjum, eitt sindur minni í Suðuroy, enn minni í Eysturoy og minst í Suðuroy. Í Sandoy loypir ógvisligt millum hesi bæði tíðarskeiðini - fyrra av hesum skeiðunum fingu tey mest eftir fólkatalinum men minst í tí seinna. ## Líðandi færri grindir síðstu sjeyti árini Verður hugt eftir gongdini í einum longri áramáli, so er myndin greið, at grindirnar eru vorðnar líðandi færri, serliga síðstu 50 árini, frá eini 13 um árið niður í 8 so sum trendurin vísir á myndini niðanfyri. Enn greiðari er myndin, tá vit hyggja eftir tali av hvalum hesi sjeyti árini. Tað er minkað javnt og samt fyri hvørt ár, frá eini 1600-1800 í 1950-unum til nú tað í miðal árliga er farið niður móti 500 síðst fimm árini. ## Nógv færri hvalir í hvørjari grind Talið av grindum er fækkað men talið av hvalum enn meira. Orsøkin er, at grindirnar eru blivnar smærri - talið av hvalum í hvørjari grind er minkað javnt og samt øll hesi síðstu sjeyti árini, sum sæst av myndini niðanfyri. Frá einum miðaltalið á 150-175 fyrst í 1950-unum til eini 60-70 hesi seinastu árini. ## 201 tons av tvøsti og 180 tons av spiki í fjør Verður roknað við almenna mátinum um vektina av tvøsti og spiki fyri hvørt skinn - ið er ávikavist 38 kg av tvøsti og 34 av spiki - so góvu tey 5.294 skinnini av grind okkum 201 tons av tvøsti og 180 tons av spiki í fjør. Dagførd og útgreinað hagtøl um gindaveiðuna eru at finna í hagtalsgrunninum her. 


Innan smásølu er umsetningurin av matvørum vaksin mest

Trendurin í umsetninginum fyri vørubólkin matur og alkoholfríar drykkjuvørur vísir, at umsetningurin fyri henda vørubólkin var 6,5 prosent hægri í 4. ársfjórðingi 2019 í mun til 4. ársfjórðing 2018. Fyri klædnavørur og fótbúnað vaks trendurin fyri umsetningin 4,1 prosent frá 4. ársfjórðingi 2018 til 4. ársfjórðing 2019. Eftir støðugan miðalprís seinastu 10 árini, er miðalprísurin seinasta árið øktur nakað, og verður hædd tikin fyri hesum prísvøkstri, er tekin um, at nærum somu mongdir eru seldar av klæðum og fótbúnaði í nevndu ársfjórðingum. Fyri vørubólkin húsbúnaður og húsarhaldsútgerð vísir trendurin fyri umsetningin eina minking á 5 prosent frá 4. ársfjórðingi 2018 til 4. ársfjórðing 2019. Dagførdu tølini fyri smásøluna eru at finna í hagtalsgrunninum. 


Landbúnaðarframleiðslan á leið tann sama síðstu 10 árini

Hetta yvirlitið fevnir bert um tann skrásetta partin av vinnuliga landbúnaðinum, ið fevnir um framleiðsluna av mjólk og neytakjøti. Talið av mjólkkúm gjørdi eitt lop frá knappliga 920 í 2010 til eini 200 aftrat tey næstu tvey árini og hevur ligið um gott og væl 1.120 seinastu árini. Nøgdin av innvigaðari mjólk er ikki broytt tað stóra hesi árini - frá 7,1 mió. litrum í 2010 til 7,4 mió. l. í 2019. Rokna vit nøgdina av innvigaðari mjólk fyri hvørja kúgv var hon 7.700 litrar í 2010 og 6.600 litrar í 2019. Framleiðslan av neytakjøti er eisini áleið tann sama nú, sum hon var fyri 10 árum síðani. Í 2010 var úrtøkan 49 tons av 172 slaktaðum neytum, og í 2019 var hon 50 tons av 193 neytum. Tað kann verða áhugavert at samanbera skrásettu framleiðsluna í landbúnaðarvinnuni við gongdina í fólkatalinum hesi tíggju árini. Tá sæst, at mjólkarframleiðslan og framleiðslan av neytakjøti fylgir so nøkulunda við vøkstrinum í fólkatalinum. Hesi tíggju árini er mjólkarframleiðslan vaksin við 4% og kjøtframleiðslan er 2% størri, meðan fólkatalið hesi árini er vaksið við Landafrøðiliga hava verið stórar broytingar hesi 10 árini, sum sæst í talvuni niðanfyri. Garðarnir eru fækkaðir úr 30 niður í 23. Í flestu sýslum er talið av gørðum farið niður í eina helvt, uttan í Suðurstreymoyar og Sandoyar sýslum. Kortini er talið av mjólkkúm vaksið við einum fimtingi, úr 919 til 1116. Garðarnir eru sostatt blivnir munandi størri, serliga í Norðoyggjum, Streymoy og Suðuroy. Men gongdin er ymisk: Bæði í Vágum og í Suðuroy eru garðarnir fækkaðir úr tveimum niður í ein, men meðan talið av mjólkkúm er minkað meir enn eina helvt í Vágum, er tað blivið meir enn tvífalt so stórt í Suðuroy. Tó, tá tað kemur til produktivitetin, roknað sum nøgdina av innvigaðari mjólk fyri hvørja kúgv, er minkingin tann sama í øllum sýslum við umleið 1.000 litrum árliga fyri hvørja kúgv - frá størstu minking í Norðoyggjum frá 8,2 tús l. til 6,4 tús. l., til óbroytta støðu í Sandoy við knappliga 8 tús l. 


Flestu sethúsasølurnar á bygd, men meir enn dupultur prísur í høvuðsstaðnum

314 sethús vórðu seld í fjør, og tað var á sama støði sum tey tvey árini frammanundan. Hetta er tó munandi lægri enn metárið 2015, tá sølan var 398 sethús. Síðani tá hevur størsta minkingin verið í Tórshavn, soleiðis at í fjør vóru flestu sølurnar í stórum bygdum og býum við 123 í tali, samanborið við 96 í smáum bygdum og 95 í Tórshavn. Miðalprísurin er tó nógv meir enn tað dupulta í Havn, samanborið við tað eini sethús kosta í stórum og smáum bygdum í Føroyum. Í Havn var miðalprísurin fyri eini sethús 3,1 mió. kr., samanborið við 1,4 mió. kr. í stórum bygdum og býum og 1,2 mió. kr. í smábygdum. ## Týdningarmikið fyrivarni Aftast í hesi grein eru upplýsingar um keldu og avmarkingar í upplýsingunum hjá Hagstovuni. Her skal havast í huga, at hetta yvirlitið fevnir einans um sølu av sethúsum og ikki av íbúðarbústøðum. Eitt yvirlit yvir sethúsasølu kann tí ikki geva eitt nøktandi yvirlit yvir sølu av býlum ella bústøðum. Serliga við tí í huga, at stórt tal av íbúðum er bygt, serliga í høvuðsstaðnum umframt nakrar í Norðoyggjum o. a., og hetta hevur sjávsagt eisini ávirkan á søluna av sethúsum. Aðrar avmarkingar eru um stødd á grundøkjum o.a., sum er upplýst aftast í hesi grein. Síðani kreppuárini í fyrru helvt av 1990-unum vaks sølan av sethúsum spakuliga og kom fyribils í hæddina í 2007, beint áðrenn fíggjarkreppuna, við 300. So var eitt stórt niður móti helvtini í 2009-10. Síðani er sølan vaksin javnt og samt øll árini fram til 2015, ið er metár við 398 sethúsasølum. Eftir hetta er sølan minkað niður í 314 sethús í fjør. ## Sethúsaprísurin í høvuðsstaðnum rennur undan Beint áðrenn fíggjarkreppuna fyri 10-11 árum síðani var miðalprísurin fyri eini sethús í høvuðsstaðnum 2,3 mió. kr. Í fjør var hann 3,1 mió. kr. - ein vøkstur á 35%. Samstundis vaks miðalprísurin á sethúsum í stórum bygdum og býum úr 1,2 mió. kr. til 1,4 mió. kr. - ein vøkstur á 15%, og í smáum bygdum vaks miðalprísurin úr stívliga 1 mió. kr. til 1,2 mió. kr. - ein vøkstur á 16%. 


12.700 tinglýsingarskjøl í fjør - 9.000 um fastogn og 3.700 um akfør o.a. leysafæ 

Áðrenn fíggjarkreppuna var talið av tinglýsingum um 20-túsund árliga, men minkaði niður í helvt árini 2009-14. Síðani hevur talið verið millum 12- og 14-túsund. Tinglýsing er almenna skrásetingin hjá avvarðandi landsmyndugleika av rættindum yvir fastari ogn, so sum húsum o.ø. bústøðum, grundstykkjum og jørð, servituttum, akførum og ymiskum leysafæ. Tinglýstu skjølini kunnu vera skeyti o.o. ognarheimildarskjøl, lániskjøl, hjúnarsáttmálar, skjøl um avmarkingar í rættindum (servituttir), skjøl um leysafæ o.a. Nógv flestu tinglýstu skjølini eru viðvíkjandi fastognum, so sum skeytum o.ø. ognarheimildarskjølum, lániskjølum o.ø. viðv. fastogn. Hesi eru 71% av øllum. Lániskjøl o.a.. viðv. akførum eru 26%, og síðstu 3% eru viðvíkjandi leysafæ.   


Føroya Rættur, Fútarætturin og Skiftirætturin síðstu 20 árini

Í Føroya Rætti eru nógv tey flestu málini - um 1.350 í fjør - borgarlig mál. Síðan aldarskiftið øktust tey nógv í tali, frá eini 1.100 til tað mesta í 2008 við 2.000 málum. Siðani er tað minkað líðandi aftur niður um 1.400. Revsimálini øktust eisini líðandi frá eini 300 um aldarskiftið til tað mesta í 2008 við stívliga 800 málum. Síðani er tað minkað nakað aftur til stívliga 600 í fjør. Um borgarlig mál og revsimál ber til at lesa í upplýsingartilfari hjá Føroya Rætti. Virksemið í Fútarættinum hevur verið skiftandi frá einum ári til annað, men tó hevur trendurin verið spakuliga fallandi. Einstøk ár stinga seg burturúr, serliga 2009. Frá at vera millum 3.000 og 3.500 í nullunum eru málini fækkaði nakað til eini 2.500 í fjør. Nógv tey flestu og ein veksandi partur av málunum í Fútarættinum, serliga tey síðsu árini, hava verið áheitanir um panting. Ein partur av virkseminum í Fútarættinum eru uppboðssølur viðvíkjandi fastogn og viðvíkjandi skipum. Flestu uppboðssølurnar eru av fastogn, men tølini eru smá við eini 10 framdum uppboðssølum í miðal tey síðstu 5 árini, meðan framdu uppboðssølurnar av skipum eru millum eina og onga hesi síðstu 5 árini. Her hava tó árini 2008 til 2015 verið heilt serstøk, har bæði talið av áheitanum um uppboðssølur og talið av framdum uppboðssølum vaks sera nógv frá 2008 til tað mesta 2010-2013 og síðani er minkað aftur til nakað tað sama sum undan fíggjarkreppuni. Í Skiftirættinum hevur talið av málum verið spakuliga veksandi hesi 20 árini. Serliga stórur var vøksturin árini 2009-10. Bert fá mál í Skiftirættinum snúgva seg um trotabúgv, í fjør einans 25 av teimum 550 tilsamans. Í Yvirfriðarnevndini hevur talið av málið verið javnt spakuliga veksandi hesi 20 árini, frá eini 50 upp í eini 80. Dagførd og útgreinað hagtøl um rættarmál eru at finna í hagtalsgrunninum her. 


Stór minking í flestu revsimálum - uttan í siðamisbrotum

Tann stóra minkingin í revsilógarbrotum sæst serliga aftur í málum um herverk, ið eru fækkaði úr 400 árliga niður móti 100, og viðvíkjandi innbrots- o.ø. stuldri, ið eru fækkað úr eini 475 árliga niður í 150. Málini um harðskap eru ikki blivin færri í sama mun - vóru um 80-90 árliga fyrst í hesi øldini og eru nú um 70-80.   Hinvegin sæst ongin minking í talinum av revsimálum um siðamisbrot. Tey vóru annars spakuliga minkandi í 00-unum, men eru sjónliga vaksin aftur seinastu árini, hóast tølini eru smá og loypa nógv upp og niður. Ein ábending um gongdina er, at tey vóru 21 í 2017 og 33 í 2019. Eitt annað revsilógarøkið við fáum fráboðanum er ónáðan og ærumeiðing, sum øll hesi 20 árini hevur sveiggjað um 30 - 60 mál árliga. Dagførd og útgreinað hagtøl um løgregluvirksemi eru at finna í hagtalsgrunninum her. 


Vit vóru 52.337 tann 1. mars - og vøksturin heldur fram

## Trendurin vísir framhaldandi vøkstur í fólkatalinum Nú hava vit í seks ár havt ein støðugan vøkstur í fólkatalinum, soleiðis at tað framhaldandi leggjast eini 70 fólk afturat mánaðarliga. Og enn  sæst ongin ábending um nakra broyting í hesi gongdini, sum sæst av myndini niðanfyri. Nettoflytingin økir um fólkatalið við gott 45 fólkum mánaðarliga. Tað eru fýra tættir, sum ávirka gongdina í fólkatalinum. Tað er tilflytingin og fráflytingin, umframt talið av føddum og deyðum. Trendurin vísir, at fráflytingin fór at minka í seinnu hálvu í 2011, men síðani 2015 hevur hon ligið í eini rættiliga fastari legu um 95-100 fólk mánaðarliga. Tilflytingin hinvegin er vaksin rættiliga støðugt øll árini síðani 2011 úr eini 100 fólkum upp móti 145 mánaðarliga. Tilflytingin er soleiðis gingin frá fráflytingini seinnu árini, og ískoytið til fólkavøksturin frá nettoflytingini - tað er gloppið millum tilflyting og fráflyting - er nú gott 45 fólk mánaðarliga.   Grovaru strikurnar í myndini niðanfyri vísa trendin ella gongdina í tilflytingini og fráflytingini. Kámu strikurnar vísa upptaldu til- og fráflytingina mánað fyri mánað. ## Burðaravlopið økir um fólkatalið við 20-25 fólkum mánaðarliga Trendurin vísir, at talið av føddum børnum hevur ligið støðugt um 50 mánaðarliga nógvu seinastu árini, men síðstu tvey árini gevur hann eina ábending um eitt barnatal um 55 børn mánaðarliga. Tað svarar til eitt føðital, ið er útvið 670 árliga. Talið av deyðum hevur ligið í fastari legu hesi seinastu árini og er um 30-35 mánaðarliga. Ískoytið til fólkavøksturin frá burðaravlopinum (tað er munurin millum fødd og deyð), telur tí 20-25 fólk mánaðarliga. Grovaru strikurnar í myndini niðanfyri vísa rákið í føðitalinum og í deyðatalinum. ## Vøkstur í øllum høvuðsøkjum, men størstur í miðøkinum Landafrøðiliga var fólkavøkstur í øllum høvuðsøkjum. Men stórur munur er millum økini. Í tali var størsti vøksturin í Tórshavnarøkinum við 409 fólkum og í Eysturoy við 229. Síðan koma Norðoyggjar við 82 fólkum, Vágar við 63, Streymoyarøkið uttan høvuðsstaðin við 34, og nú er eisini vaksið í Suðuroy við 19 fólkum og í Sandoyar økinum við 5 fólkum. Lutfalsliga var størsti vøksturin í miðøkinum: í Tórshavnarøkinum við 2,1%, í Eysturoy við 2,0% og í Vágum við 1,9%. So er eitt glopp niður til Norðoyggjar við 1,3%, aftur eitt glopp niður til Streymoyarøkið annars við 0,7% og Suðuroy og Sandoyar økinum við 0,4% hvør. Í myndini niðanfyri er fólkatalið í øllum høvuðsøkjum í landinum sett til 100 í 1. jan. 2014, so vit kunnu síggja prosentvísu gongdina frá hesum degi fram til 1. mars 2020. Hesi seks árini hevur størsti vøksturin verið í Eysturoy, Tórshavnarøkinum og Vágum við 10-12%, síðani í Norðoyggjum og Streymoyarøkinum annars við 6-7%, meðan ongin vøkstur hevur verið sunnanfjørðs í Sandoyar og Suðuroyar økinum, tá hesi 6 árini vera tikin í einum. ## Miðøkið tekur meginpartin av fólkavøkstrinum Tað eru serliga Tórshavnarøkið, Eysturoy og Vágar, sum fara við størsta partinum av fólkavøkstrinum, eisini tá vit rokna í mun til fólkatalið í ymisku økjunum í landinum. Hinvegin fáa Norðoyggjar ein minni part, sum eisini er nakað minni enn teirra partur av øllum fólkatalinum. Men minsta partin av fólkavøkstrinum fáa Sandoyar og Suðuroyar sýslur. Tað búgva 39% av øllum fólkinum í Føroyum í Tórshavnarøkinum, men vøksturin her var 409 fólk, svarandi til næstan 49% av  fólkavøkstrinum fyri alt landið. Í Eysturoy búgva knappliga 23% av fólkinum í Føroyum. Vøksturin har á 229 fólk svarar til 27% av fólkavøkstrinum fyri alt landið. Í Norðoyggjum búgva 12% av fólkinum - teirra partur av fólkavøkstrinum er nakað minni og svarar til 10%. Í Vágum búgva stívliga 6% av fólkinum og teirra partur av vøkstrinum var góð 8%. Í Suðuroy búgva 9% av fólkinum, men teirra partur av fólkavøkstrinum var bara góð 2%. ## Ymiska íkastið til fólkavøksturin frá tilflyting og burðaravlopi Tveir tættir gera av, hvussu gongdin er í fólkatalinum. Tað eru burðaravlopið (munurin millum fødd og deyð) og nettoflytingin (munurin millum tilflyting og fráflyting).  Á myndini niðanfyri sæst, at tað er nettoflytingin, sum ger størstan mun í fólkavøkstrinum í øllum sýslum í landinum. Men her sæst eisini týðiliga, at bæði í Sandoyar og Suðuroyar sýslum er tað ikki nettoflytingin sum er trupulleikin, men at her er onki ískoyti frá burðaravlopinum, tí her eru tað fleiri sum eru deyð, enn børn ið verða fødd.   ## Kommunurnar Verður hugt eftir einstøku kommunum er nógv størsti vøkstur í tali í Tórshavnar og Runavíkur kommunum. Men lutfalsliga er tann størri vøksturin í Runavíkar kommunu, sum veksur við 2,5% og Tórshavnar við 1,9%. Sum heild er vøksturin stórur í Eysturoyar kommunum - umframt í Runavík, so í Eiðis kommunu við 2,7%, Fuglafjarðar kommunu við 1,9% og Eystur kommunu við 1,7%. Í Norðoyggjum er vøksturin í Klaksvíkar kommunu júst tann sami sum miðaltalið fyri alt landið 1,6%,. Stórur vøkstur var í Kunoyar kommunu við 5,4% og minking í Viðareiðis kommunu við 3,6%. Í Vágum var vøksturin 3,3% í Sørvágs kommunu og 1,1% í Vága kommunu. Í Sandoyar sýslu minkar Skopunar kommuna við 12 fólkum, ið er 2,7%, meðan vøkstur er í hinum. Í Suðuroy er ein lítil vøkstur í teim størri kommununum, Tvøroyri, Hvalba og Vági, meðan tað minkar í Hovs, Porkeris og Sumbiar kommunum. Samanumtikið er vøkstur í 23 kommunum, meðan fólkatalið stendur í stað í einari og minkar í 5.   Á myndini niðanfyri eru kommunurnar settar í raðfylgju frá størstu minking til størstan vøkstur í tali. ## Av útoyggjum veksur í Svínoy, hinar halda tørn - men nú er avfólkað í Koltri Verður hugt eftir gongdini í einstøku oyggjunum, er fólkavøkstur í øllum teim stóru oyggjunum, serliga í Streymoy, Eysturoy og Vágoy. Eitt sindur minni vøkstur í Borðoy, og tað minkar í Viðoy. Av smæstu oyggjunum er lutfalsliga stórur vøkstur í Svínoy, Kunoy og Nólsoy. Lítil vøkstur er í Mykinesi. Skúvoy og Stóra Dímun halda tørn, meðan tað spakuliga minkar burturav í Hestoy. Her er Skúvoy nú á 30 fólkum og Hestoy á 18 fólkum. Fyri 30 árum síðani búðu 84 fólk í Skúgvi og 57 í Hesti. 


Knappar 880 milliónir í lønum í mars - 8% vøkstur í mun til í fjør

Uppgerðin fevnir um løn. Arbeiðsloysisstuðul og lønarískoyti frá arbeiðsloysisskipanum telja soleiðis ikki við í uppgerðini. Les meira um uppgerðina í kunningarkassanum undir greinini Samlaðu útgoldnu lønirnar og gongdin í lønargjaldingunum, sum er lýst við trendinum, síggjast á myndini niðanfyri. Í mars vórðu knappliga 880 milliónir útgoldnar í lønum. Tað eru góðar 60 milliónir meira ella ein vøkstur upp á 7,9% í mun til sama mánað í fjør. Myndin niðanfyri vísir lønargjaldingarnar fyri bæði kyn. Kámu strikurnar vísa útgoldnu lønirnar og sterku strikurnar vísa gongdina ella trendin fyri bæði kynini. Í mars fingu menninir útgoldið góðar 570 milliónir í løn og kvinnurnar 300 milliónir. Samanborið við sama mánað í fjør fingu menninir 10,1% meira í sín part og kvinnurnar 2,8%. Marsmánaður í ár er nakað lakari hjá kvinnum í mun til ta gongd, sum hevur verið í lønargjaldingunum hjá kvinnunum annars. Myndirnar niðanfyri vísa lønargjaldingarnar í teimum fýra vinnugreinabólkunum, almennar tænastuvinnur, privatar tænastuvinnur, fiskivinna o.a. tilfeingisvinnur og bygging o.o. tilvirking. Kámu strikurnar vísa lønargjaldingarnar, og sterku strikurnar vísa trendin fyri vinnugreinabólkarnar. Myndin niðanfyri tekur fram lønargjaldingarnar og gongdina í privatu tænastuvinnunum. Í privatu tænastuvinnunum er marsmánaður í ár heldur lakari í mun til gongdina í vinnugreinabólkinum annars. Privatar tænastuvinnur fevna um handil og umvæling, gistihús og matstovuvirki, sjóflutning, flutning annars, post og fjarskifti, fígging og trygging, vinnuligar tænastur, húshaldstænastur og felagsskapir, mentan o.a. Av privatu tænastuvinnunum er tað serliga í vinnugreinini 'handil og umvæling' og innan 'gistihús og matstovuvirki', at niðurgongdin sæst best. images/M4_Gistih%C3%BAs.png) 


Ferðsluóhappini fækkað niður um helvt síðstu 20 árini 

Fyrst í hesari øldini var talið av ferðsluóhappum eini 1.200-1.300 árliga, men tey eru síðani fækkað støðugt niður í 485 í 2019. Hetta vísa yvirlit hjá løgregluni. Eisini talið av fólkaskaðum í ferðsluni er minkað nógv. Tað lá millum 60 og 80 árliga í 00-unum fram til 2008, men so kom eitt stórt fall niður móti eini 30 í 2010 og nú í fjør niður í tað lægsta við 24 fólkum, sum vórðu skadd í ferðsluni. Meðan eitt fólk doyði av ferðsluskaða í fjør, var tað eingin sum doyði av hesi atvold í 2018 - og tað var fyrstu ferð í meira enn hálva øld (kelda: Ráðið fyri ferðslutrygd). Seinastu 5 árini eru 7 fólk deyð í ferðsluni. Hetta er nakað minni enn 10-ára skeiðið frammanundan, har tað vóru næstan 4 í miðal árliga, sum lótu lív í ferðsluni. Somuleiðis er talið av teimum, sum eru ákærd fyri rúsdekkakoyring, minkað munandi. Átta tey fyrstu árini í nullunum lá talið av ákærdum fyri rúsdrekkakoyring millum 150 og 200 árliga. Men í 2009 varð markið fyri rúsdrekkakoyring sett niður úr 0,5 til 0,2 promillu. Hetta sæst aftur í tølunum, tí talið av ákærdum minkaði niður í eini 100 um árið. Eftir metlág tøl í 2017 og 18 hækkað talið eitt sindur aftur í 2019 til 120. Dagførd og útgreinað hagtøl um ferðslu o.a. løgregluvirksemi eru at finna í hagtalsgrunninum her. 


Færri fongslað, men fleiri brot á rúsevnis-, arbeiðsverndar- og vápnalóg 

Fýra tey fyrstu árini eftir aldarskifti vaks talið av fongslaðum og varðhaldsfongslaðum úr 100 upp í 150 árliga, men er síðani minkað støðugt og var 60 í 2019. Hinvegin eru brotini á rúsevnislógina, ið vóru stívliga 50 fyri 20 árum síðani, vaksin munandi, serliga síðani 2012, so tey nú vóru 119 í 2019. Brotini á arbeiðsverndarlógina vísa eina misjavna gongd, á 36 bæði í 2001 og 2002, fyri síðani at fækka nógv niður í umleið 10 fyri árini 2004-2012, fyri síðani aftur at hækkað nakað tey síðstu árini til umleið 15 árliga. Brotini á vápnalógina vóru minkandi heildi fram til bert eitt í 2010, men eru síðani vaksin sera nógv heilt upp í 45 í 2019. Dagførd og útgreinað hagtøl um hesi og onnur løgreglumál eru at finna í hagtalsgrunninum her. 


Innflutt fyri 8,4 mia. kr.

Uttan skip og flogfør var vøksturin góðar 250 mió. ella 3%. 


Útflyta fyri 9,7 mia. kr.

Samanborið við árið frammanundan er talan um vøkstur á 1,2 mia. kr. ella 14%. Samlaða útflutta nøgdin av fiskavørum er vaksin 4 %. 


Brúkaraprísirnir eru í miðal hækkaðir 1,1 prosent seinasta árið

Brúkaraprístalið, ið vísir miðal prísbroytingar fyri vørur og tænastur, ið eru partur av nýtsluni hjá føroyskum húsarhaldum, verður framleitt hvønn ársfjórðing. Ein vøkstur í brúkaraprístalinum er eitt tað mest vanliga máti fyri inflatión, og skal ein samlað árlig prísbroyting gerast upp, verður miðal av brúkaraprístalinum fýra samanhangandi ársfjórðingar sett í mun til miðal frá somu ársfjórðingum árið undan. Í januar í ár vísti uppgerðin ein ársmiðal prísvøkstur á 1,3% í 2019 í mun til 2018. Árligi vøksturin er hesaferð 1,1%, nú prístalið fyri 1. ársfjórðing í ár er gjørt upp. Árligi prísvøksturin hevur seinastu 3 árini verið millum 1% og 1,5%. Í mun til 1. ársfjórðing í fjør er brúkaraprístalið økt 1,6%. Fyri vøru- og tænastubólkarnar er tó ymiskt, hvussu prísir broytast. Millum annað eru prísir á mati og drekkivørum í miðal øktir 2,7%, klædnavørum og fótbúnaði 3,2% og flutningi 2,5%. Prísir í bólkunum heilsa og samskifti eru hinvegin í miðal lækkaðir ávikavist 0,8% og 5,1%. Dagførda brúkaraprístalið við fleiri útgreiningum er í hagtalsgrunninum. 


845 milliónir í lønum í apríl - vøksturin steðgar upp

Uppgerðin fevnir um løn - arbeiðsloysisstuðul og lønarískoyti frá arbeiðsloysisskipanum telja soleiðis ikki við í uppgerðini. Les meira um uppgerðina í kunningarkassanum undir greinini Samlaðu útgoldnu lønirnar og gongdin í lønargjaldingunum síggjast á myndini niðanfyri. Í apríl vórðu 845 milliónir útgoldnar í lønum. Tað eru góðar 4 milliónir ella 0,5% meira enn sama mánað í fjør. Gongdin, sum er lýst við trendinum vísir, at vøksturin sum hevur verið í lønargjaldingunum seinnu árini fjarar burtur. Niðanfyri síggjast lønargjaldingarnar fyri bæði kyn. Kámu strikurnar vísa útgoldnu lønirnar og sterku strikurnar vísa gongdina ella trendin fyri bæði kynini. Í apríl fingu menn útgoldið knappliga 520 milliónir í løn og kvinnur góðar 325 milliónir. Samanborið við sama mánað í fjør fingu menn góðar 10 milliónir ella 2,1% meira í sín part, meðan kvinnur hinvegin fingu 6 milliónir ella 1,9% minni í sín part. Trendurin vísir framvegis ein lítlan vøkstur í lønargjaldingunum hjá monnum, men tann vøksturin viknar. Hjá kvinnum vísir trendurin ongan vøkstur í lønargjaldingunum og ábendingar eru heldur um, at tær minka. Tær fýra myndirnar niðanfyri vísa lønargjaldingarnar í teimum fýra vinnugreinabólkunum, 'almennar tænastuvinnur', 'privatar tænastuvinnur', 'fiskivinna o.a. tilfeingisvinnur' og 'bygging o.o. tilvirking'. Bláa linjan í myndini vísir útgoldnu lønirnar seinastu tvey árini. Bláu prikkarnir vísa útgoldnu lønirnar í mars og apríl mánaði í ár. Myndin vísir eisini framrokning av, hvussu mars- og aprílmánaður kundi væntast at sæð út undan koronafarsóttini, um gongdin í lønargjaldingunum var óbroytt. Reyðu prikkarnir vísa framroknaðu metingina (punktestimatið) fyri mars og apríl. Gráa økið vísir óvissuna (80% og 95% sannlíki). Ein samanbering millum útgoldnu lønirnar og framrokningina í mars og apríl vísir, at tað eru privatu tænastuvinnurnar, sum bróta frá væntaðu gongdini. Í privatu tænastuvinnunum vórðu úgoldnar 234 milliónir í lønum í apríl. Framrokningin vísti 271 milliónir í apríl. Tað er ein munur á 37 milliónir ella 14% samanborið við metingina. Hinir vinnugreinabólkarnir fylgja væntaðu gongdini. ## Fall í vinnugreinum í privatu tænastuvinnunum Av privatu tænastuvinnunum er tað í vinnugreinunum 'gistihús og matstovuvirki', 'handil og umvæling', 'flutningur annars' og 'húsarhaldstænastur', at niðurgongdin sæst best. Í vinnugreinini 'Gistihús og matstovuvirki' vóru útgoldnar 4 milliónir í løn. Framrokninga metingin, sum tekur støði í gongdini í lønargjaldingunum undan koronafarsóttini, er fyri apríl mánað 13 milliónir. Tað er eitt fall á næstan 9 milliónir ella 70% í mun til framroknaðu metingina. Innan 'Handil og umvæling' vórðu útgoldnar 68 milliónir í løn. Metingin vísir 76 milliónir. Tað er ein munur upp á 8 milliónir ella 10% í mun til metingina. Í 'Húshaldstænastum', ið m.a. fevnir um reingerð, ruskinnsavnan, hárfríðkan, vakurleikarøkt og venjingarmiðstøðir, vórðu útgoldnar knappar 7 milliónir í apríl. Metingin er knappar 9 milliónir. Tað er ein munur á 2 milliónir ella 21%. images/Forecast_h%C3%BAshaldst%C3%A6nastur_x.png) Innan 'Flutning annars', ið fevnir m.a. um farmabilflutning, bussleiðir, rutuferðsla, hýrukoyring og  annan ferðafólkaflutning eftir landi, vóru útgoldnar 22 millónir í apríl. Metingin var 31 milliónir. Tað er ein munur á 9 milliónir ella 29%. 


Fyrsti koronumánaðurin broytti ikki góðu gongdina í fólkatalinum

## Trendurin vísir framhaldandi vøkstur í fólkatalinum Tann 1. apríl í ár var fólkatalið 52.428 og vaks sostatt við 856 fólkum í 12-mánaðar skeiðinum 1. apríl 2019 - 1. apríl 2020. Tað svarar til ein vøkstur á 1,7%. Hetta kemur av einum burðaravlopið á 272, ið gevur ein triðing av fólkavøkstrinum, og eini nettotilflyting á 584, ið gevur tveir triðingar av fólkavøkstrinum. Nú hava vit í seks ár havt ein støðugan vøkstur í fólkatalinum, soleiðis at tað leggjast eini 70 fólk afturat í miðal mánaðarliga. Og nú mars er taldur við, er enn  ongin ábending um nakrað broyting í hesi gongdini, sum eisini sæst av myndini niðanfyri. ## Nettoflytingin økir um fólkatalið við næstan 50 fólkum mánaðarliga Tað eru fýra tættir, sum ávirka gongdina í fólkatalinum. Tað er tilflytingin og fráflytingin, umframt talið av føddum og deyðum. Trendurin vísir, at fráflytingin fór at minka í seinnu hálvu í 2011, men síðani 2015 hevur hon ligið í eini rættiliga fastari legu um 95-100 fólk mánaðarliga.  Síðsta árið er fráflytingin minkað uppaftur meir. Tilflytingin hinvegin er vaksin rættiliga støðugt øll árini síðani 2011 úr eini 100 fólkum upp til eini 150 mánaðarliga. Tilflytingin er soleiðis gingin frá fráflytingini seinnu árini, og ískoytið til fólkavøksturin frá nettoflytingini - tað er gloppið millum tilflyting og fráflyting - er nú gott 45-50 fólk mánaðarliga.   Grovaru strikurnar í myndini niðanfyri vísa trendin ella gongdina í tilflytingini og fráflytingini. Kámu strikurnar vísa upptaldu til- og fráflytingina mánað fyri mánað. ## Burðaravlopið økir um fólkatalið við 20-25 fólkum mánaðarliga Trendurin vísir, at talið av føddum børnum hevur ligið støðugt um 50 mánaðarliga nógvu seinastu árini, men síðstu tvey árini gevur hann eina ábending um eitt barnatal um 55 børn mánaðarliga. Tað svarar til eitt føðital, ið er um 660 árliga. Talið av deyðum hevur ligið í fastari legu hesi seinastu árini og er um 30-35 mánaðarliga. Ískoytið til fólkavøksturin frá burðaravlopinum (tað er munurin millum fødd og deyð), telur tí 20-25 fólk mánaðarliga. Grovaru strikurnar í myndini niðanfyri vísa rákið í føðitalinum og í deyðatalinum. ## Vøkstur í øllum høvuðsøkjum - men størstur í miðøkinum Landafrøðiliga var fólkavøkstur í øllum høvuðsøkjum. Men stórur munur er teirra millum. Í tali var størsti vøksturin í Tórshavnarøkinum við 435 fólkum og í Eysturoy við 209. Síðan koma Norðoyggjar við 87 fólkum, Vágar við 70, Streymoyarøkið uttan høvuðsstaðin við 41. Og nú er eisini ein lítil vøkstur í Suðuroy við 11 fólkum og í Sandoyar sýslu við 3 fólkum. Lutfalsliga var størsti vøksturin í miðøkinum: í Tórshavnarøkinum við 2,2%, Í Vágum við 2,1% og í Eysturoy við 1,8%. So er eitt glopp niður til Norðoyggjar við 1,4%, aftur eitt glopp niður til Streymoyarøkið annars við 0,9% og Suðuroy og Sandoyar sýslur við 0,2% hvør.   ## Tórshavnarøkið tekur helvtina av øllum fólkavøkstrinum Tað eru serliga Tórshavnarøkið, Eysturoy og Vágar, sum fara við størsta partinum av fólkavøkstrinum, eisini tá vit rokna í mun til fólkatalið í ymisku økjunum í landinum. Hinvegin fáa Norðoyggjar ein minni part, sum eisini er nakað minni enn teirra partur av øllum fólkatalinum. Men minsta partin av fólkavøkstrinum fáa Sandoyar og Suðuroyar sýslur. Tað búgva 39% av øllum fólkinum í Føroyum í Tórshavnarøkinum, men vøksturin her var 435 fólk, svarandi til 51% av øllum fólkavøkstrinum í landinum Í Eysturoy búgva 23% av fólkinum í Føroyum. Vøksturin har á 209 fólk svarar til 24% av fólkavøkstrinum fyri alt landið. Í Norðoyggjum búgva 12% av fólkinum - teirra partur av fólkavøkstrinum er nakað minni og svarar til 10%. Í Vágum búgva stívliga 6% av fólkinum, men teirra partur av vøkstrinum var gott 8%. Í Suðuroy búgva 9% av fólkinum - teirra partur av fólkavøkstrinum var bara gott 1%. ## Ymiska íkastið til fólkavøksturin frá tilflyting og burðaravlopi Tveir tættir gera av, hvussu gongdin er í fólkatalinum. Tað eru burðaravlopið (munurin millum fødd og deyð) og nettoflytingin (munurin millum tilflyting og fráflyting).  Á myndini niðanfyri sæst, at tað er nettoflytingin, sum ger størstan mun í fólkavøkstrinum í øllum økjum í landinum (undantikið Streymoyðarøkið uttan høvuðsstaðin). Men her sæst eisini týðiliga, at bæði í Sandoyar og Suðuroyar sýslum er tað ikki flytingin, sum er trupulleikin, men at her er onki ískoyti frá burðaravlopinum, tí her eru tað fleiri sum eru deyð, enn børn ið verða fødd. ## Kommunurnar Verður hugt eftir einstøku kommununum, er nógv størsti vøkstur í tali í Tórshavnar og Runavíkur kommunum. Tórshavnar kommuna veksur við 459 fólkum, svarandi til 2,1%, og Runavíkar kommuna við 98 fólkum, svarandi til 2,4%. Vøksturin er væl minni í Klaksvíkar kommunu við 84 fólkum, svarandi til 1,6%. Av miðalstóru kommununum er størsti vøkstur í Sørvágs kommuni við 45 fólkum, svarandi til 3,8%. Og nú er fólkatalið har nærum eins stórt sum í Vestmanna kommunu. Lutfalsliga størsti vøksturin í Eysturoy er í Eiðis kommunu við 3,2%. Hóast vøksturin er væl minni í Fuglafjarðar kommunu við 1,1%, so er hon tó nú um at fara upp um 1600 fólk Í Norðoyggjum er størsti lutfalsligi vøksturin í Kunoyar kommunu við 5,4%, og hinvegin minkar í Viðareiðis kommunu við 3,1%. Í Sandoyar sýslu minkar Skopunar kommuna við 10 fólkum, ið er -2,2%, meðan vøkstur er í hinum. Í Suðuroy er vøkstur í Tvøroyrar kommunu. Hovs kommuna er nú aftur farin niður um 100 í fólkatali. Fyri 30 árum síðani búðu har 165 fólk. ## Oyggjarnar Útoyggjarnar halda tørn uttan Hestoy, ið nú er minkað niður í 18 fólk, og Koltur, har eingin býr longur sambært landsfólkaskránni. 3 eru komin aftrat í Svínoy og Nólsoy, 2 í Mykinesi og 1 í Fugloy, Kalsoy og Skúvoy. Av stóru oyggjunum er størsti vøksturin í Streymoy og Eysturoy, men lutfalsliga er vøksturin størri í Vágum. Dagførd og útgreinað íbúgvatøl eru at finna í hagtalsgrunninum  her. 


Stórt fall í løntakaratalinum í apríl

**Nýggjur uppgerðarháttur**   Verksetanin av nýggjum uppgerðarhátti fyri løntakarar er framskundað, orsakað av eftirspurninginum eftir nýggjari tølum fyri at síggja avleiðingar av koronufarsóttini. Eftir gamla uppgerðarháttinum vóru tølini tríggjar mánaðir afturút. Við nýggja uppgerðarháttinum verða tølini meira aktuell, soleiðis at til dømis tølini fyri apríl verða longu kunngjørd nú í mai. Nýggi uppgerðarhátturin ávirkar løntakaratølini aftureftir í tíð. Les meira um broytingina niðast í greinini. **Løntakarar og lønarískoyti**   Løntakarar eru tey, sum í einum mánaði fáa eina lønarupphædd útgoldnað frá einum arbeiðsgevara, sum í minsta lagi er ájavnt eina dagløn hjá ófaklærdum arbeiðsfólki. Tað merkir, at eisini persónar, sum fáa løn frá arbeiðsgevara og lønarískoyti frá lønarískoytisskipanum, telja við í uppgerðini. Hinvegin telja persónar ikki við, sum einans fáa stuðul ella lønarískoyti frá arbeiðsloysisskipanum. Av teimum á leið 5.000, sum fingu arbeiðsloysisstuðul og lønarískoyti frá ALS í apríl, fingu um 3.000 av hesum løn frá einum ella fleiri arbeiðsgevarum. Gongdin, sum er lýst við trendinum, vísir, at løntakaratalið nú fellur eftir seks ár við vøkstri. Samanborið við apríl síðsta ár eru 1.250 færri løntakarar. ## Undan og eftir korona Myndin niðanfyri vísir eina framrokning av, hvussu mars og apríl mánaðir kundu væntast at sæð út undan koronufarsóttini, um gongdin í løntakaratalinum annars var óbroytt. Bláu prikkarnir vísa úrslitið av teljingini í mars og apríl mánaðum í ár, meðan reyðu prikkarnir vísa framroknaðu metingina (punktestimatið) fyri hesar báðar mánaðirnar. Sostatt vísir munurin millum bláu og reyðu prikkarnar eina ábending um ta ávirkan, sum koronufarsóttin hevur á løntakaratalið. Gráa økið vísir óvissuna í framrokningini (80% og 95% sannlíki). Løntakaratalið var um 25.300 í apríl. Framrokningin vísir knappliga 27.250 løntakarar í apríl. Tað er ein munur upp á 1.950 løntakarar ella góð 7% samanborið við metingina. ## Fellur bæði hjá monnum og kvinnum Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali, og tjúkku strikurnar vísa gongdina ella trendin fyri kynini. Í apríl vóru á leið 13.150 menn og 12.100 kvinnur í løntakaraskaranum. Tað eru um 700 færri kvinnur og 550 færri menn í mun til apríl í fjør. ## Fallið er størst í privatu tænastuvinnunum Tær fýra myndirnar niðanfyri vísa løntakaratalið í teimum fýra vinnugreinabólkunum, 'almennar tænastuvinnur', 'privatar tænastuvinnur', 'fiskivinna o.a. tilfeingisvinnur' og 'bygging o.o. tilvirking' seinastu tvey árini. Eins og á myndini omanfyri vísir bláa linjan í myndini løntakaratalið, og bláu prikkarnir vísa løntakararnar í mars og apríl mánaðum í ár, meðan reyðu prikkarnir vísa framroknaðu metingina, sum kundi væntast, um gongdin í løntakaratalinum var óbroytt. Gráa økið vísir óvissuna (80% og 95% sannlíki). Ein samanbering millum løntakaratalið, so sum tað er gjørt upp og so sum tað er framroknað í mars og apríl, vísir, at tað serliga eru privatu tænastuvinnurnar, sum bróta frá væntaðu gongdini og eiga størsta partin av fallinum. Í privatu tænastuvinnunum vóru um 7.500 løntakarar í apríl. Framrokningin vísti 8.700 í apríl. Tað er ein munur á 1.200 løntakarar ella 14% samanborið við metingina. Hinir vinnugreinabólkarnir fylgja í størri mun væntaðu gongdini. Munurin millum uppgerðina av lønakaratalinum og framroknaðu metingina er minstur innan almenna o.a. tænastu. ## Vinnugreinar í privatu tænastuvinnunum Av privatu tænastuvinnunum er tað í vinnugreinunum 'gistihús og matstovuvirki' (har løntakaratalið fer niður í helvt), 'handil og umvæling', 'flutningur annars' og 'húsarhaldstænastur', at niðurgongdin sæst best. Fleiri útgreinaði tøl á aldur, ríkisborgaraskap, kyn og vinnugrein eru í hagtalsgrunninum. ## Uppgerðarhátturin fyri løntakarar broyttur Verksetanin av nýggja uppgerðarháttinum er framskundað, orsakað av eftirspurninginum eftir dagførdum løntakaratølum vegna avleiðingar av koronufarsóttini. Við nýggja leistinum kann løntakaratalið gerast upp beint eftir eitt mánaðarskifti, meðan løntakarauppgerðin eftir gamla háttinum var tveir mánaðir forskotin. Tað merkir, at nú tíðliga í mai kann løntakaratalið longu gerast upp fyri apríl. Eftir gamla leistinum kundi løntakaratalið nú gerast upp fyri februar og ikki longur fram. Munurin í løntakaratalinum við nýggja og gamla uppgerðarháttin er umleið 1.000 løntakarar mánaðarliga. Tað vil siga, at um løntakartalið vísti 28.000 eftir gamla háttinum, vísir tað umleið 27.000 eftir nýggja háttinum. Meir um hetta niðanfyri. Sjálv gongdin í løntakaratalinum, tað vil siga broytingin frá einum mánaði til ein annan, er ikki nógv ávirkað av broytta uppgerðarháttinum. ## Munurin í uppgerðarhættunum Við nýggja uppgerðarháttinum eru teir persónar løntakarar, sum fáa løn tann mánaðin, ið verður gjørdur upp. Soleiðis er eisini í gamla uppgerðarháttinum, men har eru eisini persónar, sum ikki fáa løn í ein ella tveir samanhangandi mánaðir, taldir við sum løntakarar. Tað merkir, at um ein persónur fekk løn í januar og apríl, men onga løn í februar og mars, varð viðkomandi álíkavæl taldur við sum løntakari eisini í februar og mars. Henda regla er kallað 'glopp-reglan'. Grundin til glopp-regluna í gamla uppgerðarháttinum var, at hjá summum starvsbólkum, serliga sjófólki, hevur lønarútgjaldingin verið meira óreglulig enn hjá øðrum. Í dag eru fleiri sjófólk, ið fáa løn mánaðarliga, so henda reglan er ikki eins viðkomandi longur, sum hon hevur verið. Vansin við gamla uppgerðarháttinum hevur verið, at fleiri persónar av órøttum eru taldir við sum løntakarar í upptalda mánaðinum. Til dømis eru ung lesandi, sum arbeiða sum tænarar á matstovu annan hvønn mánað, tald við sum løntakarar teir mánaðir, ið tey ikki eru til arbeiðis. Tað ger, at løntakaratalið nú er mett at vera neyvari enn eftir gomlu uppgerðini. ## Munir í tølunum Sum sæst á myndini niðanfyri er munurin í løntakaratalinum eftir nýggja og gamla uppgerðarháttinum umleið 1.000 løntakarar mánaðarliga. Sjálv gongdin í løntakaratalinum, ið er lýst við trendinum, er tó ikki nógv ávirkað av broytingini. Sum sæst á myndini eru mánaðarligu sveiggini (kámu strikurnar) eitt sindur størri í løntakaratalinum við nýggja uppgerðarháttinum. Hetta er grundað á sokallaðu 'glopp-regluna', sum er greitt frá omanfyri. Broytingin í løntakaratalinum er førd aftur til fyrsta uppgerðarár. Gamla løntakarauppgerðin er endað og er í hagtalsgrunninum, so til ber at samanbera tølini í nýggju og gomlu uppgerðini. 


Innflutt fyri 719 mió. kr. í mars

Innflutningurin í mars mánaði er nú gjørdur upp og vísir ein vøkstur á 9% samanborið við mars í fjør. Tað er vøkstur í flestu vørubólkum, tó minking er í bólkinum maskinur og onnur útgerð og eisini í brennievni. Prísurin á brennievni er fallin seinastu tíðina og er tað tað sum sæst aftur. Hetta er fyrsti mánaðurin, síðan Føroyar av álvara vóru raktar av koronufarsóttini og hóast innflutningurin veksur í mars samanborið við mars í fjør, skal man vera varin at gera niðurstøður, tá ið bert verður hugt at einum mánaði. Innflutningurin sveiggjar vanliga frá mánaði til mánað, og tað er ov tíðliga at meta um, hvussu korona fer at ávirka innflutningin. Innflutningurin í 12-mánaðarskeiðnum frá apríl 2019 til mars 2020 var 8,5 mia. kr. Tað eru 700 mió. kr. fleiri enn undanfarna skeið. Verða skip og flogfør ikki tikin við, var vøksturin 279 mió. kr ella 4% 


Útflutningurin til Kina nógv minkaður 1. ársfj.

Um korona er atvoldin til minkingina er torført at meta um enn, tí helst skulu vit hava tøl fyri apríl eisini, áðrenn vit síggja hvussu umfatandi ávirkanin av stongslinum í nærum øllum heiminum hevur verið. Kina merkti avleiðingarnar av korona fyrst, og har vórðu tiltøk sett í verk tíðliga í ár. Hyggja vit at útflutninginum fyri 1. ársfjórðing eftir nýtslulandi, er týðiligt at útflutningurin til Kina er minkaður munandi hetta tíðarskeiðið. Vit hava útflutt fyri 65% minni til Kina 1. ársfjórðing samanborið við í fjør. Útflutningurin til USA og Bretland er áleið tann sami hetta tíðarskeiðið. Í Evropa vórðu tiltøk ikki sett í verk fyrr enn í mars mánaði, og tí kann roknast við, at tá tølini fyri apríl koma, sæst betur, hvør avleiðingiin hevur verið. Frakland og Italia hava verið millum tey harðast raktu londini, og her síggja vit at útflutningurin er minkaður, meðan vit ikki enn síggja tað sama fyri Spania, sum eisini hevur verið hart rakt. 


Inntøkuhagtøl dagførd

Mátini geva eina mynd av nýtslumøguleikunum hjá húskjum og einstaka føroyinginum. Eitt nú verður sett tal á, hvussu nógvir persónar eru undir ávísum inntøkumarki. Eisini siga mátini okkum, hvussu javnt ella ójavnt býtið í nýtslumøguleikunum er millum fólkið í landinum. Talva er eisini, sum vísir talið á persónum í inntøkubólkum.   Sí fleiri grafar o.a. um inntøkubýti her Sí fleiri grafar o.a. um fátækraváða her 


10,1% í fátækraváða í 2018

Fátrækraváðin, á enskum "at-risk-of-poverty", er eitt altjóða mát, ið lýsir borgararnar í samfelagnum við lutfalsligu fækst nýtslumøguleikum. Grundarlagið undir hagtølunum er javnvirðisinntøkan, sum er ein roknað inntøka hjá hvørjum borgara eitt heilt ár.   Mátið er 60% undir mið-javnvirðisinntøkuni (medianini) fyri allar borgarar í landinum.   Gott 5.000 føroyingar høvdu eina javnvirðisinntøku, ið var so lág, at tey vóru undir hesum marki í 2018. Hetta svarar til 10,1% av øllum. Fyrsta uppgerðarárið var í 2009 og tá vóru 8,9% undir markinum. Parturin er vaksin síðan 2010. Tó eitt lítið fall á 0,8 prosent stig frá 2014 til 2016 og nú eitt fall á 0,4 prosent stig frá 2017 til 2018. Í aldursbólkinum 67 ár og eldri eru flest undir markinum. Her eru 27,4% í fátækraváða.   Í sunnara partinum av landinum er fátækraváðin størri enn í hinum økjunum. ## Fátækraváðagloppið Fátækragloppið ella "Poverty gap" er eitt mát at lýsa tey sum liggja undir markinum fyri fátækraváða.   Tað er gloppið frá markinum fyri fátækraváða niður til miðinntøkuna hjá øllum teimum, sum liggja undir fátækramarkinum. Jú størri hetta gloppið er, jú fleiri liggja langt undir markinum fyri fátækraváða.   Í Føroyum var fátækragloppið 12,5% í 2018. Tað vil siga, at miðinntøkan hjá borgarum í fátækraváða lá 12,5% undir fátækraváðamarkinum. 


Inntøkubýtið óbroytt í Føroyum

Ginitalið og fimtingslutfallið eru tvey av mátum, sum kunnu lýsa, hvussu javnt ella ójavnt inntøkurnar eru býttar í einum landi (Onnur mát eru at finna í hagtalsgrunninum). ## Gini-vísitalið framvegis 22,7 Gini-talið lýsir ójavnan í inntøkubýtinum. Um øll hava somu inntøku, er talið 0, og hevur eitt húski alla inntøkuna í samfelagnum, er talið 100. Ginitalið vísir 22,7 fyri 2018, sum er tað sama sum árið fyri. Til samanberingar var gini-talið í Danmark 27,8, í Íslandi 23,4, í Noregi 24,8, í Svøríki 27,0 og í Finnlandi 25,9 hetta árið. ## Fimtingslutfallið enn 3,1 Her verða borgararnir býttir í 5 eins stórar partar eftir javnvirðisinntøku. Síðani verður roknað, hvussu stóran part av javnvirðisinntøkuni ríkasti fimitparturin ræður yvir samanborðið við tann fátækasta fimtapartin. Í 2018 var ríkasti fimtiparturin í Føroyum 3,1 ferðir ríkari enn fátækasti fimtiparturin. Sum grafurin og talvan niðanfyri vísa, hevur hetta mát verið støðugt seinastu árini. Í 2009 var ríkasti fimtiparturin 2,7 ríkari ferðir enn fátækasti fimtiparturin. 


Yvirlit yvir inntøkubólkarnar í 2018

Inntøka er allur tann peningur, sum er fingin til vega í gjøgnum árið, sum persónurin hevur møguleika at gera nýtslu av. Inntøkan hjá einum persóni kann koma frá ymiskum keldum:   * Løn fyri arbeiði og yvirskot frá egnum virki.   * Veitingar frá tí almenna, so sum pensjón, dagpeningur, rentustuðul og lestrarstudningur.   * Ognarinntøka, so sum rentuinntøkur, virðisbrævavinningur o.a. kapitalinntøkur.  ## Samlað inntøka hjá einstaklingum Samlað inntøka er øll inntøka tilsamans áðrenn skatt. Ein lítil helvt 48% av persónunum liggja millum 0 og 250 tús. í inntøku í 2018. Ein góður triðingur 34% liggur millum 200-400 túsund. Ein fjórðingur 25% liggja millum 400 tús. og 1 millión, og um 2%, ella 832 persónar, høvdu eina inntøku yvir milliónina í 2018. ## Tøk inntøka hjá einstaklingum Tøk inntøka er inntøkan eftir skatt. Eftir at allur skattur og gjøld eru drigin frá, er talið av persónum í teimum ymsu inntøkubólkunum nakað broytt. Eftir samlaðari inntøku - áðrenn skatt - vóru yvir 15.000 føroyingar í teimum niðastu bólkunum - millum 0 og 200.000 kr. Eftir tøkari inntøku - eftir skatt - eru yvir 22.000 í somu bólkum. Hetta svarar til, at 56% hava eina tøka inntøku millum 0 og 200.000 kr., um 40% hava tøka inntøku millum 200.000 og 500.000 kr. og restin - um 4% - liggja omanfyri 500.000 kr. í tøkari inntøku. 255 persónar - 0,6% - høvdu í 2018 yvir eina millión eftir at brúka, tá skatturin var goldin. Á síðuni um inntøkubýtið og í hagtalsgrunninum eru meira útgreinaðir upplýsingar, bæði á aldur, øki og kyn. 


800 milliónir í lønum í mai - stígur komin í

Uppgerðin fevnir um løn - arbeiðsloysisstuðul og lønarískoyti frá arbeiðsloysisskipanum telja tí ikki við í uppgerðini. Les meira um uppgerðina í kunningarkassanum undir greinini Samlaðu útgoldnu lønirnar og gongdin í lønargjaldingunum síggjast á myndini niðanfyri. Í mai vórðu góðar 800 milliónir útgoldnar í lønum. Tað eru knappar 25 milliónir ella 2,9% minni enn sama mánað í fjør. Gongdin, sum er lýst við trendinum vísir, at stígur er komin í vøksturin, sum hevur verið í lønargjaldingunum seinnu árini. Í myndini niðanfyri er framroknað, hvussu mars-, apríl- og maimánaður kundu væntast at sæð út undan koronufarsóttini, um gongdin í lønargjaldingunum var óbroytt. Reyðu prikkarnir vísa framroknaðu metingina (punktestimatið) fyri mars, apríl og mai. Gráa økið vísir óvissuna (80% og 95% sannlíki). Bláa linjan í myndini vísir útgoldnu lønirnar seinastu tvey árini. Bláu prikkarnir vísa útgoldnu lønirnar í mars-, apríl- og maimánaði í ár. Av teimum trimum mánaðunum, sum farnir eru, síðani landið fór niður í ferð, er tað maimánaður sum brýtur mest frá væntaðu gongdini undan koronu. Í mars vóru útgoldnu lønirnar og framoknaða metingin nærum tann sama. ## Gongdin í vinnugreinunum Tær fýra myndirnar niðanfyri vísa lønargjaldingar og framrokningar fyri teir fýra vinnugreinabólkarnar, 'almennar tænastuvinnur', 'privatar tænastuvinnur', 'fiskivinna o.a. tilfeingisvinnur' og 'bygging o.o. tilvirking'. Ein samanbering millum útgoldnu lønirnar og framrokningina í mars, apríl og mai vísir, at tað serliga eru privatu tænastuvinnurnar, sum bróta frá væntaðu gongdini. Í privatu tænastuvinnunum vórðu úgoldnar 236 milliónir í lønum í mai. Framrokningin vísir 274 milliónir sama mánað. Munurin er 38 milliónir ella 14% samanborið við metingina. Hinir vinnugreinabólkarnir fylgja í størri mun væntaðu gongdini. ## Vinnugreinar í privatu tænastuvinnunum Av privatu tænastuvinnunum er tað í vinnugreinunum 'gistihús og matstovuvirki', 'handil og umvæling', 'flutningur annars' og 'húsarhaldstænastur', at niðurgongdin er størst. Í vinnugreinini 'gistihús og matstovuvirki' vóru útgoldnar góðar 6 milliónir í lønum í mai. Framroknaða metingin vísir 14 milliónir fyri maimánað. Fallið er næstan 8 milliónir ella 56%. Innan 'handil og umvæling' vórðu útgoldnar góðar 71 milliónir í lønum. Metingin vísir knappar 77 milliónir. Munurin er 6 milliónir ella 7,6%. Hóast maimánaður soleiðis liggur væl lægri enn framrokningin, so hilnaðist hann nakað betur enn aprílmánaður. Í vinnugreinini 'húshaldstænastur', ið m.a. fevnir um hárfríðkan, vakurleikarøkt, venjingarmiðstøðir, reingerð og ruskinnsavnan, vórðu útgoldnar góðar 8 milliónir í mai. Metingin er knappar 9 milliónir. Burtursæð frá apríl hava lønargjaldingarnar innan húshaldstænastur so at siga fylgt væntaðu gongdini undan koronu. Innan vinnugreinini 'flutningur annars', ið fevnir millum annað um flogferðslu, farmaflutning, bussleiðir, rutuferðslu, hýruvognskoyring og annan ferðafólkaflutning á landi, vórðu útgoldnar 23 millónir í apríl. Metingin var 32 milliónir. Munurin er 9 milliónir ella 30%. 


Færri doyggja av hjarta- og æðrasjúkum - við krabbameini er óbroytt

Síðstu tjúgu árini eru hendar stórar broytingar í deyðleikanum hjá kvinnum og monnum. Eitt er, at livialdurin framhaldandi økist. Í 1998 var væntaði miðal livialdurin hjá nýføddum drongjabarni 75,1 ár og gentubarni 81,4 ár. Nú er hann 80,4 hjá drongjabarni og 85,3 ár hjá gentubarni. Í hesum stutta tíðarskeiði er væntaði livialdurin sostatt øktur við góðum 5 árum hjá mannfólki og 4 árum hjá konufólki. Broytingar eru eisini hendar í teim orsøkum, vit doyggja av. Nógv færri doyggja nú av tí nógv mest vanligu høvuðsatvoldini, hjarta- og æðrasjúkum, meðan tað ikki er nøkur serlig broyting við hinari stóru høvuðsatvoldini, krabbameini. Hinvegin eru tað fleiri aðrar ymiskar deyðaorsøkir, ið nú gera seg meira galdandi. Nú nýggjastu tølini verða kunngjørd fyri 2018, sæst stórur munur millum kynini. Munandi fleiri mannfólk enn konufólk doyggja av krabbameini og av hjarta- og æðrasjúkum. Av øðrum deyðaorsøkum er javnari millum kynini. Hyggja vit at gongdini síðstu tjúgu árini, sæst bæði hjá monnum og kvinnum, at størsta broytingin nógv færri doyggja av hjarta og æðrasjúkum. Fyri 15-20 árum síðani var talið um 80-90 árliga og er nú komið niður á 50-60 árliga. Hinvegin tykist ikki talið at minka av teimum, sum doyggja av krabbameini, men heldur kvinka eitt lítið vet uppeftir. Havast skal tó í huga, at í hesum tíðarskeiði er fólkatalið vaksið munandi og harvið eisini talið av eldri og gomlum fólki. Spjaðingin av deyðaorsøkum er vorðin nógv størri, við at tær nógvu ymisku deyðaorsøkirnar, ið eru savnaður undir felagsheitinum "annað", nú tilsamans koma næstan líka so ofta fyri sum tær báðar høvuðsdeyðaorsøkirnar, hjarta- og æðrasjúkur og krabbamein. Hjá konufólki eru deyðaorsøkirnar undir felagsheitinum "annað" enntá farnar upp um hinar báðar stóru høvuðsdeyðaorsøkirnar. Undir "annað" eru tað ikki nakrar serstakar sjúkur, ið serliga gera meira um seg. Deyðaorsøkirnar eru bara meira ymiskar, enn tær hava verið. Í myndunum niðanfyri sæst gongdin ár fyri ár frá 1998 til 2018. Í Hagtalsgrunninum eru talvur við nógv meira útgreinaðum deyðaorsøkum, eisini eftir aldri hjá fólki. 


Fólkatalið nærkast 52.500

## Trendurin vísir framhaldandi vøkstur í fólkatalinum Nú hava vit í seks ár havt ein støðugan vøkstur í fólkatalinum, tað leggjast eini 70 fólk afturat í miðal mánaðarliga. Nú bæði mars og apríl eru taldir við, er enn  ongin ábending um nakra broyting í hesi gongdini, sum eisini sæst av myndini niðanfyri. ## Nettoflytingin økir um fólkatalið við næstan 50 fólkum mánaðarliga Tað eru fýra tættir, sum ávirka gongdina í fólkatalinum. Tað er tilflytingin og fráflytingin, umframt talið av føddum og deyðum. Trendurin vísir, at fráflytingin fór at minka í seinnu hálvu í 2011, men síðani 2015 hevur hon ligið um 100 fólk mánaðarliga. Tilflytingin hinvegin er vaksin rættiliga støðugt síðani 2011 úr eini 100 fólkum upp til eini 145 mánaðarliga. Síðani 2018 hevur hon ligið um 150. Tilflytingin er soleiðis gingin frá fráflytingini seinnu árini, og ískoytið til fólkavøksturin frá nettoflytingini - tað er gloppið millum tilflyting og fráflyting - er nú gott 45-50 fólk mánaðarliga.   Grovaru strikurnar í myndini niðanfyri vísa trendin ella gongdina í tilflytingini og fráflytingini. Kámu strikurnar vísa upptaldu til- og fráflytingina mánað fyri mánað. ## Burðaravlopið økir um fólkatalið við 20-25 fólkum mánaðarliga Trendurin vísir, at talið av føddum børnum hevur ligið støðugt um 50 mánaðarliga nógvu seinastu árini, men síðstu fimm árini gevur hann eina ábending um eitt barnatal um 55 børn mánaðarliga. Tað svarar til eitt føðital, ið er um 660 árliga. Talið av deyðum hevur ligið í fastari legu hesi seinastu árini og er um 30-35 mánaðarliga. Ískoytið til fólkavøksturin frá burðaravlopinum (tað er munurin millum fødd og deyð), telur tí 20-25 fólk mánaðarliga. Grovaru strikurnar í myndini niðanfyri vísa rákið í føðitalinum og í deyðatalinum. ## Vøkstur í øllum høvuðsøkjum uttan í Suðuroy Landafrøðiliga var fólkavøkstur í øllum høvuðsøkjum uttan í Suðuroy. Nógv størsti vøksturin var í Tórshavnarøkinum við 449 fólkum og síðani í Eysturoy við 178 fólkum. Eisini lutfalsliga var størsti vøksturin í Tórshavnarøkinum við 2,3%. Av høvuðsøkjum er tað einans tað Suðuroy, ið ikki hevur nakran vøkstur og tí framhaldandi dragnar longur afturúr í mun til hini økini í landinum. Restin av økjunum liggja millum 1,1% og 1,6%. ## Tórshavnarøkið tekur meir enn helvtina av øllum fólkavøkstrinum Tað búgva 39% av øllum fólkinum í Føroyum í Tórshavnarøkinum, men vøksturin her var 449 fólk, svarandi til 54% av øllum fólkavøkstrinum í landinum Í Eysturoy búgva 23% av fólkinum í Føroyum. Vøksturin har á 178 fólk svarar til 21% av fólkavøkstrinum fyri alt landið. Í Norðoyggjum búgva 12% av fólkinum - teirra partur av fólkavøkstrinum er nakað minni og svarar til 10%. Í Streymoyarøkinum annars búgva 9% av fólkinum, og teirra partur av fólkavøkstrinum er 6-7%. Í Vágum búgva stívliga 6% av fólkinum, og teirra partur av vøkstrinum var neyvt tann sami. Í Sandoy búgva stívliga 2% av fólkinum, og teirra partur av fólkvøkstrinum var nakað tað sama. Í Suðuroy býr ein minkandi partur av fólkinum, nú beint undir um 9%, og henda gongdin tykist bara at halda fram. ## Ymiska íkastið til fólkavøksturin frá tilflyting og burðaravlopi Tveir tættir gera av, hvussu gongdin er í fólkatalinum. Tað eru burðaravlopið (munurin millum fødd og deyð)og nettoflytingin (munurin millum tilflyting og fráflyting).  Á myndini niðanfyri sæst, at tað er nettoflytingin, sum ger størstan mun í fólkavøkstrinum í øllum økjum í landinum. Men her sæst eisini týðiliga, at í Sandoyar sýslu er tað ikki flytingin, sum er trupulleikin, men manglandi burðaravlop, t.v.s. at tað eru fleiri sum doyggja, enn børn ið verða fødd. Í Suðuroy er tilflytingin so lítil, at hon vigar ikki upp ímóti manglandi burðaravlopinum. ## Kommunurnar Verður hugt eftir einstøku kommunum er nógv størsti vøkstur í Tórshavnar kommunu við 463 fólkum, svarandi til 2,1%. Síðani í Klaksvíkar og Runavíkar kommunum við ávikavist 87 fólkum (1,7%) og 75 fólkum (1,8%). Av miðalstóru kommununum er størsti vøkstur í Sørvágs kommunu við 47 fólkum, svarandi til 3,9%. Og nú er fólkatalið har nærum eins stórt sum í Vestmanna kommunu. Lutfalsliga størsti vøksturin í Eysturoy er í Eiðis kommunu við 3,8%. Síðani 1. januar 2014 er fólkatalið í Eiðis kommunu vaksið úr 678 upp í 768. Í Sandoyar sýslu veksur Sands kommuna við 10 fólkum, ið er 1,9%. Eisini er vøkstur í Húsavík og Skálavík, meðan Skopunar kommuna minkar. Í Suðuroy minkar sum heild, men tó er ein lítil vøkstur í Vágs kommunu. ## Oyggjarnar Útoyggjarnar halda tørn, uttan Hestoy, ið nú er minkað niður í 18 fólk, og Koltur, har eingin býr longur sambært landsfólkaskránni. 8 eru komin aftrat í Nólsoy, 4 í Svínoy, 3 í Fugloy, 2 í Mykinesi og í Skúvoy og 1 í Kalsoy. **Dagførd** **** og útgreinað íbúgvatøl eru at finna í hagtalsgrunninum  her. **Fólkatølini eru ein mánað afturút**   Orsøkin til, at fólkatølini eru ein mánað afturút, er at seinkingar eru í skrásetingunum, serliga flytingar, har fleiri verða skrásettar eftir at uppgjørdi mánaðurin er liðugur. Fyri fáa tær flestu rættingarnar við verður bíðað ein mánað, so at uppgerðin verður so rættvísandi sum gjørligt. **Stutt um fólkatølini**   Fólkatalið er øll fólk, sum eru skrásett at búgva í Føroyum sambært Landsfólkaskránni.   Hagtøl um fólkatalið fevna um øll, sum eru skrásett at búgva í Føroyum, har tey eru lýst við føðidegi, kyni, føðistaði, ríksborgaraskapi, borgarastøðu, upplýsingum um møguliga tilflyting og fráflyting, innlendis eins og millum Føroyar og útlond. **Stutt um trendin**   Trendurin lýsir rákið í fólkatalinum við at reinsa fyri árstíðarfrávik og aðrar tilvildarligar broytingar í fólkatalinum. 


Triðing minni útflutt í apríl

Um vit bert hyggja at fiskavøruútflutninginum, er minkingin 30%. Tað eru serliga útflutt minni av laksi, makreli og sild. Útflutningurin sveiggjar sera nógv frá mánað til mánað, og tí skulu tølini takast við fyrivarni, tá mann samanber ein einkultan mánað. Tað er tó ongin ivi um, at øll tiltøkini sum eru sett í verk kring allan heimin at steðga covid -19 smittuspjaðingini, hava ávirkan á møguleikarnar hjá okkum at selja fiskavørur sum vit plaga. 


Innflutningurin minkaði í apríl

Innflutningurin í apríl mánað var 493 mió. kr. Tað er 143 mió. kr. minni enn sama mánað í fjør. Stórur partur av hesari minking er tí vit innfluttu olju fyri 69 mió. kr. minni enn í fjør. Um vit ikki telja skip og brennievni við, er minkingin 13%. 


25.700 løntakarar í mai - framvegis langt frá støðinum undan koronu

**Løntakarar og lønarískoyti**   Løntakarar eru tey, sum í einum mánaði fáa løn útgoldnað frá einum arbeiðsgevara, sum í minsta lagi er ájavnt eina dagløn hjá ófaklærdum arbeiðsfólki. Tað merkir, at eisini persónar, sum bæði fáa løn frá arbeiðsgevara og lønarískoyti frá lønarískoytisskipanum, telja við í uppgerðini. Hinvegin telja persónar ikki við, sum einans fáa stuðul ella lønarískoyti frá arbeiðsloysisskipanum. Myndin niðanfyri vísir eina framrokning av, hvussu mars, apríl og mai kundu væntast at sæð út undan koronufarsóttini, um gongdin í løntakaratalinum annars var óbroytt. Reyðu prikkarnir vísa framroknaðu metingina (punktestimatið) fyri hesar mánaðirnar. Gráa økið vísir óvissuna í framrokningini (80% og 95% sannlíki). Bláu prikkarnir vísa úrslitið av teljingini í mars, apríl og mai í ár. Sostatt vísir munurin millum bláu og reyðu prikkarnar eina ábending um ta ávirkan, sum farsóttin hevur á løntakaratalið. Løntakaratalið var um 25.700 í mai. Framrokningin vísir góðar 27.400 løntakarar fyri hendan mánaðin. Munurin er umleið 1.700 løntakarar ella góð 6% samanborið við metingina. Sostatt er framvegis langt upp til støðið undan koronu, men hóast tað eru løntakaratølini í mai nakað frægari enn í apríl. ## Fallið er størst í privatu tænastuvinnunum Tær fýra myndirnar niðanfyri vísa løntakaratalið seinastu tvey árini í teimum fýra vinnugreinabólkunum, 'almennar tænastuvinnur', 'privatar tænastuvinnur', 'fiskivinna o.a. tilfeingisvinnur' og 'bygging o.o. tilvirking'. Eins og á myndini omanfyri vísir bláa linjan løntakaratalið, og bláu prikkarnir vísa løntakararnar í mars, apríl og mai í ár, meðan reyðu prikkarnir vísa framroknaðu metingina, sum kundi væntast, um gongdin í løntakaratalinum var óbroytt. Ein samanbering millum løntakaratalið, so sum tað er gjørt upp og so sum tað er framroknað í mars, apríl og mai, vísir, at tað serliga eru privatu tænastuvinnurnar, sum bróta frá væntaðu gongdini og eiga størsta partin av fallinum. Í privatu tænastuvinnunum vóru um 8.000 løntakarar í mai. Framrokningin vísir slakar 8.900. Tað er ein munur á 900 løntakarar ella sløk 10%. Í apríl var munurin 14% samanborið við metingina. Støðan innan privatu tænastuvinnurnar er tí batnað nakað í mai borið saman við apríl. Hinir vinnugreinabólkarnir fylgja í størri mun væntaðu gongdini. ## Vinnugreinar í privatu tænastuvinnunum Í apríl sást niðurgongdin innan privatu tænastuvinnurnar best í vinnugreinunum 'gistihús og matstovuvirki', 'handil og umvæling', 'flutningur annars' og 'húsarhaldstænastur'. Myndirnar niðanfyri vísir støðuna í hesum vinnugreinum nú ein mánað seinni. Løntakaratalið innan 'gistihús og matstovuvirksemi' fór niður í helvt í apríl, men í mai eru nú fleiri løntakarar aftur í vinnugreinini. Eftir stóra minking í apríl fylgir løntakaratalið í vinnugreinunum 'handil og umvæling' og 'húshaldstænastur' (m.a. hárfríðkan, vakurleikarøkt, venjingarmiðstøðir, reingerð og ruskinnsavnan) nú í stóran mun tí væntaðu gongdini undan koronu. Innan 'flutning annars', ið fevnir millum annað um flogferðslu, farmaflutning, bussleiðir, rutuferðslu, hýruvognskoyring og annan ferðafólkaflutning á landi, er støðan ikki stórliga broytt í mun til undanfarna mánað. Fleiri útgreinað tøl á aldur, ríkisborgaraskap, kyn og vinnugrein eru í hagtalsgrunninum. 


Hvør føroyingur vitjar kommunulæknan í miðal tríggjar ferðir um árið 

Virksemið í kommunulæknaskipanini í 2019:   * Í miðal vóru 3 viðtalur fyri hvønn íbúgva í landinum   * Konufólk vitja oftari enn menn   * Børn í skúlaaldri vitja minst   * Í Norðoyggjum og í Suðuroy eru 1-2% av viðtalunum uttan fyri dagtíð, í Suðurstreymi 12%   * Flestu viðtalur pr. íbúgva eru í Sandoyarøkinum og fægstu í Suðurstreymi Upplýsingarnar, ið Hagstovan hevur frá Heilsutrygd, fevna um virksemið árini 2016 - 2019 og lýsa býtið av viðtalum í kommunulæknaskipanini eftir bústaðarøki, vakttíð, aldri og kyni. Seta vit talið av viðtalum hjá fólki við bústaði í Føroyum í mun til fólkatalið, svarar tað í 2019 til 3,1 viðtalur fyri hvønn íbúgva í landinum. Lægst er talið í Suðurstreymoyar økinum við 2,9 viðtalum pr. íbúgva, og hægst í Sandoyar økinum við 4,5 og Vágaøkinum við 4,0 viðtalum pr. íbúgva. Tað sæst eisini í talvuni omanfyri, at tað er stórur munur millum bústaðarøkini í broytingini frá 2018 til 2019. T.d. kann tað stóra ávirkan, at kommunulækni fer úr starvi í einum øki og í staðin koma skiftandi avloysarar, eins og tað øvugta, tá fastir kommunulæknar koma í starv. Nógv tann størsti parturin av øllum viðtalum, svarandi til 93%, fer fram í dagtíð, t.v.s. mánadag til fríggjadag millum kl. 8 og 16. Restin er býtt millum A-vakt, sum í høvuðsheitum er um kvøldarnar og B-vakt, sum í høvuðsheitum er um næturnar og í vikuskiftinum. Munur er millum høvuðsøkini, tá hugt verður at hvussu stórur partur av viðtalunum fara fram í dagtíð. Harvið eisini, hvussu stórur partur fer fram uttan fyri dagtíð. Serliga skilir Suðurstreymoy seg burturúr við 88% av viðtalunum í dagtíð, samanborið við t.d. Norðoyggjar og Suðuroy, har 98-99% vóru í dagtíð. Tað merkir, at 12% av læknaviðtalunum í Suðurstreymoy vóru uttanfyri dagtíð, meðan einans 1-2% av viðtalunum í Norðoyggjum og Suðuroy vóru uttan fyri dagtíð. Verður hugt at viðtalum eftir aldri og kyni, eru 18-túsund fleiri viðtalur við konufólk enn við mannfólk. Býtið er 55% av viðtalunum við konufólk og 44% við mannfólk. Upp til 15 ára aldur er javnt býtt millum kynini. Verður talið av viðtalum roknað fyri hvønn íbúgva í hvørjum aldursbólki, sæst at fægstu viðtalurnar í 2019 eru hjá børnum í skúlaaldri við 1,5 - 1,7 pr. íbúgva, meðan títtleikin so hækkar líðandi og er størstur við umleið 6 viðtalur pr. íbúgva hjá fólki í aldrinum 76-85 ár. 


Sølan av klæðum og fótbúnaði minkað nærum 10 prosent

Ymsu tiltøkini, sum byrjaðu um hálvan mars í ár við endamálinum at basa útbreiðslu av korona-smittu, hava ivaleyst ávirkað samfelagið á ymsan hátt, og ein viðkomandi spurningur at seta sær í hesum tíðum vil vera, um keypshugur og nýtslumynstur hjá húsarhaldunum broytist. Seinast dagførdu hagtølini um smásølu fevna tó um tríggjar teir fyrstu mánaðirnar í ár, har tiltøk til tess at basa korona-smittu vóru galdandi í minni parti av tíðarskeiðinum. At millum annað ávísir handlar valdu at steingja frá hálvum mars, sæst uttan iva aftur í hesum tølunum. Serliga merkisvert í hesum hagtølunum er, at umsetningurin av klædnavørum og fótbúnaði var nærum 10 prosent minni 1. ársfjórðing í ár í mun til sama ársfjórðing í fjør. Eftir støðugan miðalprís seinastu 10 árini, er miðalprísurin seinasta árið øktur nakað, og verður hædd tikin fyri hesum prísvøkstri, er mongdin av seldum vørum í hesum vørubólki 12 prosent minni 1. ársfjórðing í ár samanborið við 1. ársfjórðing í fjør. Umsetningurin fyri vørubólkin matur og alkoholfríar drykkjuvørur vísir hinvegin ein vøkstur á 12 prosent frá 1. ársfjórðingi 2019 til 1. ársfjórðing í ár. Prísir á hesum vørum eru øktir í miðal 2,6 prosent og umroknað til mongdir hevur vøksturin verið 9 prosent. Vøksturin í sølu av húsbúnaði og húsarhaldsútgerð hevur seinastu umleið 10 árini verið størri enn sølan av klædna- og matvørum. Fyri henda vørubólkin eru prísirnir seinastu 10 árini í miðal eisini minkaðir, so umroknað til mongdir, er munandi meira selt at hesum vørum í mun til aðrar smásøluvørur. Fyri húsbúnað og húsarhaldsútgerð vísa seinastu tølini, eins og við mati og drykkjuvørum, lutfalsligan stóran árligan vøkstur á 7 prosent í søluni frá 1. ársfjórðingi 2019 til 1. ársfjórðing 2020. Dagførdu tølini fyri smásøluna eru at finna í hagtalsgrunninum. 


Konjunkturbarometrið fellur

Treystitalið er tað samanvigaða vísitalið frá fimm spurnakanningum, sum verða gjørdar í januar og juni hvørt ár. Treystitalið hevur ligið í støðugari legu seinastu trý til fýra árini, men er fallið frá 32 í januar til -16 í juni. Talan er um størsta fallið frá einari kanning til aðra hesi 14 árini, images/200703%20M1%20Konjunkturbarometri%C3%B0%2C%20jul-20.png) Talvan niðanfyri vísir vísitølini fyri hvørja kanning sær, og til hvørja av hesum fimm kanningunum ber til at finna fram nettotølini í hagtalsgrunninum fyri hvønn einstakan spurning í ymsu kanningunum. Samanumtikið eru øll fimm vísitølini fallin í mun til kanningina í januar. images/200703%20T1%20Konjunkturbarometri%C3%B0%2C%20jul-20.png) **Húsarhaldini eru varin**   Vísitalið í brúkarakanningini, ið er miðal svarbýtið frá 4 út av 15 spurningum í brúkarakanningini, er fallið frá 5 í januar til 0 frá júst gjørdu kanningini. Øll fýra undirliggjandi nettotølini eru fallin og harvið viðvirkandi til fallið í samlaða vísitalinum images/200703%20M2%20Konjunkturbarometri%C3%B0%2C%20jul-20.png) Svarini til einstøku spurningarnar vísa, at húsarhaldini í miðal meta sína egnu fíggjarstøðu í løtuni at vera nakað verri sammett fyri hálvum ári síðan, eins og metingin um samlaðu búskaparstøðuna í landinum samstundis eisini er verri. Til spurningin, hvussu fíggjarliga støðan hjá húsarhaldinum væntast at broytast komandi árið, so er svarbýtið nærum óbroytt í mun til fyri hálvum ári síðan og innan koronu-farsóttin byrjaði. Til spurningin, hvussu gongdin í føroyska búskapinum væntandi verður komandi árið, so meta lutfalsliga fleiri hesaferð sammett fyri hálvum ári síðan, at gongdin verður verri. Hetta bendir á, at húsarhald kenna seg trygg við sína egnu fíggjarstøðu, meðan verri verður við búskapinum annars. Til spurningin um tað verður mett at verða rætta løtan at gera størri keyp, so eru lutfalsliga færri hesaferð í mun til kanningina í januar, ið meta tað vera røttu løtuna. images/200703%20M3%20Konjunkturbarometri%C3%B0%2C%20jul-20.png) Til spurningar um væntað verður, at størri keyp av t.d. møblum og elektroniskum lutum verða gjørd, at bilur verður keyptur og størri upphæddir verða brúktar til bústaðarábøtur næsta árið í mun til undanfarna árið, so svara hinvegin lutfalsliga fleiri hesaferð í mun til seinast, at so verður. At húsarhald soleiðis í minni mun meta tað vera røttu løtuna at gera størri keyp, men samstundis í størri mun rokna við størri keypi næstu 12 mánaðirnar sammett við seinastu kanningina frá januar, bendir á, at hildið verður aftur við nýtsluni nú koronu-farsóttin leikar á, og nýtslan harvið er útsett nakað. **Minni útlendskur eftirspurningur eftir vørum frá tilfeingisvinnu og øðrum ídnaði**   Treystið í tilfeingisvinnuni og øðrum ídnaði er fallið frá 35 til -28, og metingin um støðuna í løtuni og útlitini næstu 12 mánaðirnar eru tætt við eins døpur sum við seinastu fíggjarkreppu fyri umleið 12 árum síðan. images/200703%20M4%20Konjunkturbarometri%C3%B0%2C%20jul-20.png) Framleiðslan hjá hesum vinnubólkinum er í stóran mun bundin at útlendskum eftirspurningi og til spurningin um, hvussu stórar bíleggingarnar úr útlandinum eru í mun til vanliga stødd, so hevur alsamt størri partur av fyritøkunum seinastu 2 árini mett seg hava fleiri bíleggingar úr útlandinum í mun til vanliga, men til hesa kanningina sigur størri partur av fyritøkunum seg hava væl færri bíleggingar enn vanliga. images/200703%20M5%20Konjunkturbarometri%C3%B0%2C%20jul-20.png) **Ávísin hjá byggivinnuni er fallin javnt seinastu tvey árini**   Ávísin í byggivinnuna er fallin fyri hvørja kanning seinastu tvey árini, og nú er breið semja í byggivinnuni um, at tørvurin á arbeiðsmegi fer at minka komandi árið. images/200703%20M6%20Konjunkturbarometri%C3%B0%2C%20jul-20.png) Til kanningina fyri hálvumøðrum ári síðan segði byggivinnan seg í miðal at hava tryggjað arbeiði í 18 mánaðir, og til hesa kanningina er talið í miðal 9 mánaðir. **Ávísin hjá tænastuvinnuni tætt við søguliga lágur**   Tænastuvinnan er ivaleyst vinnubólkurin, ið hevur merkt avleiðingarnar frá almennu koronu-tiltøkunum um frástøðu og ferðastongsli harðast. Treystið hevur verið støðugt høgt seinastu umleið 3 árini, men er við einum brádligum falli farið nærum niður á lægsta støði í tíðini, hesar kanningarnar hava verið gjørdar. images/200703%20M7%20Konjunkturbarometri%C3%B0%2C%20jul-20.png) Í undanfarnu kanningunum hevur meirilutin av tænastufyritøkunum mett, at tørvurin á arbeiðsmegi verður størri næsta árið. Til hesa kanningina metir ein meiriluti av fyritøkunum, at tørvurin á arbeiðsmegi verður minni komandi árið. images/200703%20M8%20Konjunkturbarometri%C3%B0%2C%20jul-20.png) **Treystið í handilsvinnu og smásølu lutfalsliga lítið broytt**   Hesin vinnubólkurin er í stóran mun veitari av vørum til innlendska marknaðin og húsarhaldsnýtslu, og samanborið við aðrar vinnubólkar í kanningini, so er treystið fyri henda vinnubólkin ikki minkað í sama mun. images/200703%20M9%20Konjunkturbarometri%C3%B0%2C%20jul-20.png) Til spurningin um, hvussu mett verður um søluna næsta árið, so metir framvegis ein meiriluti av handilsfyritøkunum, hóast hesin er eitt sindur minni enn kanningarnar seinastu sjey árini, at sølan verður vaksandi komandi 12 mánaðirnar. 


Avreiðingar eftir nýggjum leisti - alt við

Hagstova Føroya hevur øll árini almannakunngjørt avreiðingar av fiski. Tað er avreiðingarskipanin, sum Vørn í dag umsitur, ið er keldan til hagtølini. Í hesi skipan verða allar avreiðingar skrásettar í landaðari vekt. Hagtølini um avreiðingar, sum Hagstova Føroya higartil hevur almannakunngjørt, hava upplýst tað, sum á mannamunni verður nevnt feskfiskaveiðan. Hetta er frá tíðini, tá roynt varð at máta hvussu stór ísað fiskanøgd kundi fara til virkingar á landi. Uppsjóvarfiskur og fiskur, sum var veiddur av flakatrolarum, varð tí ikki tikin við eftir gamla uppgerðarháttinum. Seinastu árini eru fleiri broytingar hendar í veiðiliðnum. Fleiri fiskifør eru farin at virka fisk umborð. Á summum skipum verður fiskurin frystur og á øðrum skipum verður flak skorið í minni mongdum. Avgerð er tí tikin um, at allar avreiðingar nú verða tiknar við, uttan mun til, hvussu fiskurin er viðgjørdur. Hesar broytingar í viðgerðini umborð skulu tí eisini havast í huga, tá mongd og virðir verða samanborin yvir tíð. Í nýggju uppgerðini ber eisini til at velja veiðiøki. Veiðiøkini eru fiskimørkini og altjóða samstarvsøkir, sum eru NEAFC og NAFO. Seinni í ár verður eisini møguligt at velja skipabólk. Av tí at veiðiøki, reiðskap og skjótt eisini skipabólkar verða upplýst, er møguligt at fáa góða ábending um, hvat avreitt er - t.d. um talan er um ísaðan fisk, frystan fisk ella flak. Hetta er fyrsta uppgerð eftir nýggja leistinum. Øll tøl eru dagførd aftur í tíð. Tað kunnu tí vera einstakir munir millum gomlu uppgerðina og nýggju uppgerðina. Arbeitt verður framvegis við at menna uppgerðina. Fyribils gongur nýggja uppgerðin aftur frá 2015, men í næstu uppgerðum verður hon víðkað við fleiri árum. Aðrar nýggjar talvur eru eisini ávegis, sum fara at gera tað lættari at fylgja gongdini innan avreiðingarnar. Niðanfyri er dømi frá nýggju talvunum í hagtalsgrunninum. Fyrsta talvan vísur úrvald fiskasløg, uttan uppsjóvarfisk, veidd á Føroyskum øki. Samanburður er gjørdur fyri nøgd og virði fyri fimm teir fyrstu mánaðirnar í ár sammett við í fjør. Eitt nú sæst, at væl minni er avreitt av toski og hýsu fiskað á føroyskum øki í ár, meðan nakað væl meira er fiskað av upsa samanborið við í fjør. Seinna talvan vísur avreiðingar av uppsjóvarfiski - fiskað á øllum leiðum, fyri fimm teir fyrstu mánaðirnar í ár sammett við í fjør. Nýggju talvurnar eru: VV01514 Avreiðingar í nøgd og virði, skift á slag, reiðskap, veiðiøki og mánaðir (2015-2020) VV01515 Avreiðingar í nøgd og virði, skift á slag, reiðskap og veiðiøki (2015M01-2020M05) VV01516 Avreiðingar í nøgd og virði, skift á slag, reiðskap, stødd og mánaðir (2015-2020) VV01517 Avreiðingar í nøgd og virði, skift á slag, reiðskap og stødd (2015M01-2020M05) VV01518 Avreiðingar í nøgd og virði, skift á slag, stødd, veiðiøki og mánaðir (2015-2020) VV01519 Avreiðingar í nøgd og virði, skift á slag, stødd og veiðiøki (2015M01-2020M05) Gamla uppgerðin er framvegis til taks í hagtalsgrunninum. 


Fólkatalið 1. juni var 52.562

## Eingin broyting í áhaldandi fólkavøkstrinum Nú hava vit á sjeynda ári havt ein støðugan vøkstur í fólkatalinum, har tað leggjast eini 70 fólk afturat í miðal mánaðarliga. Og nú tríggir mánaðir eru taldir við síðani fyrstu koronutilburðirnar her á landi, er enn ongin ábending um nakra broyting í hesi gongdini við áhaldandi fólkavøkstri, sum eisini sæst av myndini niðanfyri. ## Nettoflytingin økir um fólkatalið við næstan 50 fólkum mánaðarliga Tað eru fýra tættir, sum ávirka gongdina í fólkatalinum. Tað eru tilflytingin og fráflytingin, umframt talið av føddum og deyðum. Trendurin vísir, at fráflytingin fór at minka í seinnu hálvu í 2011, men síðani 2015 hevur hon ligið um sløk 100 fólk mánaðarliga. Tilflytingin hinvegin er vaksin rættiliga støðugt øll árini síðani 2011 úr eini 100 fólkum upp til eini 145 mánaðarliga. Tilflytingin er soleiðis gingin frá fráflytingini seinnu árini, og ískoytið til fólkavøksturin frá nettoflytingini - tað er gloppið millum tilflyting og fráflyting - er nú eini 45-50 fólk mánaðarliga.   Grovaru strikurnar í myndini niðanfyri vísa trendin ella gongdina í tilflytingini og fráflytingini. Kámu strikurnar vísa upptaldu til- og fráflytingina mánað fyri mánað. ## Burðaravlopið økir um fólkatalið við 20-25 fólkum mánaðarliga Trendurin vísir, at talið av føddum børnum hevur ligið støðugt um 50 mánaðarliga nógvu seinastu árini, men síðstu fimm árini gevur hann eina ábending um eitt barnatal umleið 54 børn mánaðarliga. Tað svarar til eitt føðital, ið er umleið 650 árliga. Talið av deyðum hevur ligið í fastari legu hesi seinastu árini og er um 30-35 mánaðarliga. Ískoytið til fólkavøksturin frá burðaravlopinum (tað er munurin millum fødd og deyð), telur tí 20-25 fólk mánaðarliga. Grovaru strikurnar í myndini niðanfyri vísa rákið í føðitalinum og í deyðatalinum. ## Vøkstur í øllum høvuðsøkjum uttan í Suðuroy Landafrøðiliga var fólkavøkstur í øllum høvuðsøkjum uttan í Suðuroy. Nógv størsti vøksturin var í Tórshavnarøkinum við 463 fólkum og síðani í Eysturoy við 194 fólkum. Eisini lutfalsliga var størsti vøksturin í Tórshavnarøkinum við 2,3%. Av høvuðsøkjum er tað einans Suðuroy, ið ikki hevur nakran vøkstur og tí framhaldandi dragnar longur afturúr í mun til hini økini í landinum. Restin av økjunum liggja millum 0,9% (Sandoyar økið) og 1,7% (Eysturoyar øki). ## Tórshavnarøkið tekur 56% av øllum fólkavøkstrinum Tað búgva 39% av øllum fólkinum í Føroyum í Tórshavnarøkinum, men vøksturin har var 463 fólk, svarandi til 56% av øllum fólkavøkstrinum í landinum Í Eysturoy búgva sløk 23% av fólkinum í Føroyum. Og vøksturin har á 194 fólk svarar til stívliga 23% av fólkavøkstrinum fyri alt landið. Í Norðoyggjum búgva 12% av fólkinum, og teirra partur av fólkavøkstrinum svarar til sløk 11%. Í Streymoyarøkinum annars búgva 9% av fólkinum, og teirra partur av fólkavøkstrinum er gott 4%. Í Vágum búgva stívliga 6% av fólkinum, og teirra partur av vøkstrinum var neyvt tann sami. Í Sandoy búgva stívliga 2% av fólkinum, og teirra partur av fólkvøkstrinum var stívliga 1%. Í Suðuroy býr ein minkandi partur av fólkatalinum, nú beint niðan fyri 9%, og henda gongdin tykist bara at halda fram. ## Ymiska íkastið til fólkavøksturin frá tilflyting og burðaravlopi Avgerandi fyri gongdina í fólkatalinum eru burðaravlopið (munurin millum fødd og deyð) og nettoflytingin (munurin millum tilflyting og fráflyting).  Á myndini niðanfyri sæst, at tað er nettoflytingin, sum ger størstan mun í fólkavøkstrinum í øllum økjum í landinum. Men her sæst eisini týðiliga, at í Sandoyar sýslu er tað ikki flytingin, sum er trupulleikin, men manglandi burðaravlop, t.v.s. at tað eru fleiri sum doyggja, enn børn ið verða fødd. Í Suðuroy eru bæði nettoflyting og burðaravlop negativ. ## Kommunurnar Verður hugt at einstøku kommunum er nógv størsti vøkstur í Tórshavnar kommunu við 472 fólkum, svarandi til 2,2%. Síðani í Klaksvíkar og Runavíkur kommunum við ávikavist 86 fólkum (1,7%) og 79 fólkum (1,9%). Av miðalstóru kommununum er størsti vøkstur í Sunda, Sørvágs, Vága, Eiðis, Fuglafjarðar og Nes kommunum. Lutfalsliga størsti vøksturin í Eysturoy er í Eiðis kommunu við 3,4%. Síðani 1. Jan. 2014 er fólkatalið í Eiðis kommunu vaksið úr 678 upp í 768. Í Suðuroy minkar sum heild, men tó er ein lítil vøkstur í Vágs kommunu. ## Oyggjarnar Útoyggjarnar halda tørn, uttan Hestoy, ið nú er minkað niður í 18 fólk, og Koltur, har eingin býr longur sambært landsfólkaskránni. 10 eru komin aftrat í Nólsoy, 3 í Svínoy, 3 í Fugloy, 2 í Kalsoy, 2 í Skúvoy og 1 fólk í Mykinesi. **Dagførd  **og útgreinað íbúgvatøl eru at finna í hagtalsgrunninum  her. 


26.500 løntakarar í juni - veksur aftur eftir fallið í apríl

**Løntakarar og lønarískoyti**   Løntakarar eru tey, sum í einum mánaði fáa løn útgoldnað frá einum arbeiðsgevara, sum í minsta lagi er ájavnt eina dagløn hjá ófaklærdum arbeiðsfólki. Tað merkir, at eisini persónar, sum bæði fáa løn frá arbeiðsgevara og lønarískoyti frá lønarískoytisskipanum, telja við í uppgerðini. Hinvegin telja persónar ikki við, sum einans fáa stuðul ella lønarískoyti frá arbeiðsloysisskipanum. Av teimum á leið 3.300, sum fingu arbeiðsloysisstuðul og lønarískoyti frá ALS í juni, fingu um 2.200 av hesum løn frá einum ella fleiri arbeiðsgevarum. Myndin niðanfyri vísir eina framrokning av, hvussu mars, apríl, mai og juni kundu væntast at sæð út undan koronufarsóttini, um gongdin í løntakaratalinum annars var óbroytt. Reyðu prikkarnir vísa framroknaðu metingina (punktestimatið) fyri hesar mánaðirnar. Gráa økið vísir óvissuna í framrokningini (80% og 95% sannlíki). Bláu prikkarnir vísa úrslitið av teljingini í mars, apríl, mai og juni í ár. Sostatt gevur munurin millum bláu og reyðu prikkarnar eina ábending um ta ávirkan, sum farsóttin hevur á løntakaratalið. Løntakaratalið var um 26.500 í juni. Um gongdin í løntakaratalinum annars var óbroytt kundi væntast at verið knappir 27.200 løntakarar í juni. Tað er ein munur á 4,1% í mun til væntaðu gongdina. Sostatt er framvegis nakað upp til støðið undan koronu, men hóast tað eru løntakaratølini í juni væl frægari enn í apríl og mai. ## Privatu tænastuvinnurnar fóta sær aftur Tær fýra myndirnar niðanfyri vísa løntakaratalið seinastu tvey árini í teimum fýra vinnugreinabólkunum, 'almennar tænastuvinnur', 'privatar tænastuvinnur', 'fiskivinna o.a. tilfeingisvinnur' og 'bygging o.o. tilvirking'. Eins og á myndini omanfyri vísir bláa linjan løntakaratalið, og bláu prikkarnir vísa løntakararnar í mars, apríl, mai og juni í ár, meðan reyðu prikkarnir vísa framroknaðu metingina, sum kundi væntast, um gongdin í løntakaratalinum var óbroytt. Ein samanbering millum løntakaratalið, so sum tað er gjørt upp og so, sum tað er framroknað, vísir, at tað serliga eru privatu tænastuvinnurnar, sum bróta frá væntaðu gongdini og eiga størsta partin av fallinum. Privatu tænastuvinnurnar (Sí lýsing av vinnugreinabólkinum niðast í greinini) eru tó við at fóta sær aftur. Í privatu tænastuvinnunum vóru um 8.400 løntakarar í juni. Framrokningin vísir góðar 8.900. Tað er ein munur á 500 løntakarar ella góð 6%. Í mai var munurin 11% og í apríl 16% samanborið við metingina. Støðan innan privatu tænastuvinnurnar er tí batnað nakað í juni sammett við apríl og mai. Hinir vinnugreinabólkarnir fylgja í størri mun væntaðu gongdini. ## Sandoyggin minni rakt enn hini økini Á myndunum niðanfyri eru løntakaratalið og ein framroknað meting fyri einstøku økini í landinum, um gongdin í løntakaratalinum annars var óbroytt. Í Norðoya økinum vóru góðir 3.200 løntakarar í juni. Metingin var um 3.300, sum er ein munur á 3%. Í Eysturoyar økinum vóru góð 6.250 í løntakaraskaranum. Metingin var 6.450. Tað er ein munur á 2,9% í mun til metingina. Munurin millum løntakaratalið í Norðurstreymoyarøkinum eru góðir 80 løntakarar. Tað er 4,3% í mun til metingina. Í Suðurstreymoyar øki vóru góðir 10.800 løntakarar í juni. Metta talið var um 11.400. Munurin er 4,9% samanborið við metingina. Í apríl var munurin 9,1%. Í Vága økinum var munurin millum løntakaratalið og framroknaðu metingina góðir 100 løntakarar í juni. Munurin er 6,7%. Í Sandoynni er lítil munur millum løntakaratalið og metingina fyri juni. Munurin er 1,6%. Í Suðuroyar økinum vóru góðir 2.030 løntakarar í juni og framrokningin vísir 2.130. Munurin er 4,7% samanborið við metingina. Fleiri útgreinað tøl á aldur, ríkisborgaraskap, kyn, vinnugrein og nú eisini øki eru í hagtalsgrunninum. 


Góðar 840 milliónir í lønum juni

Uppgerðin fevnir um løn - arbeiðsloysisstuðul og lønarískoyti frá arbeiðsloysisskipanum telja tí ikki við í uppgerðini. Les meira um uppgerðina í kunningarkassanum undir greinini Í juni vórðu góðar 840 milliónir útgoldnar í lønum. Tað eru 13 milliónir ella 1,5% meira enn sama mánað í fjør. Á myndini niðanfyri sæst ein av framrokning av, hvussu mars, apríl, mai og juni kundu væntast at sæð út undan koronufarsóttini, um gongdin í lønargjaldingunum var óbroytt. Reyðu prikkarnir vísa framroknaðu metingina (punktestimatið) fyri mars, apríl, mai og juni. Gráa økið vísir óvissuna (80% og 95% sannlíki). Bláu prikkarnir vísa útgoldnu lønirnar. Av teimum fýra mánaðunum, sum farnir eru, síðani landið fór niður í ferð, er tað maimánaður sum brýtur mest frá væntaðu gongdini undan koronu. Í mars vóru útgoldnu lønirnar og framoknaða metingin nærum tann sama. Um gongdin í lønargjaldingunum annars var óbroytt, kundu væntast at verið knappar 890 milliónir útgoldnar í juni. Tað er ein munur á 5,3% sammett við væntaðu gongdina. Í mai var munurin 9,1%. Junimánaður hilnaðist sostatt betur enn mai, um lønargjaldingarnar í hesum báðum mánaðunum verða samanbornar við væntaðu gongdina undan koronu. ## Gongdin í vinnugreinunum Tær fýra myndirnar niðanfyri vísa lønargjaldingar og framrokningar fyri teir fýra vinnugreinabólkarnar 'almennar tænastuvinnur', 'privatar tænastuvinnur', 'fiskivinna o.a. tilfeingisvinnur' og 'bygging o.o. tilvirking'. Ein samanbering millum útgoldnu lønirnar og framrokningina vísir, at tað serliga eru privatu tænastuvinnurnar, sum bróta frá væntaðu gongdini. Í privatu tænastuvinnunum vórðu úgoldnar 253 milliónir í lønum í juni. Framrokningin vísir 276 milliónir sama mánað. Munurin er 23 milliónir ella 9,1% samanborið við metingina. Í mai var munurin 16%. Hinir vinnugreinabólkarnir fylgja í størri mun væntaðu gongdini. 


Lægri prísur á brenniolju størstu ávirkan á brúkaraprístalið

Yvirskipað verða brúkaraprísir býttir í 12 vøru- og tænastubólkar, og tað er ymiskt, hvussu prísirnir í miðal innan hesar bólkarnar broytast, umframt hvussu nógv hesar vørurnar og tænasturnar viga í vektargrundarlagnum og harvið ávirka tað samlaða brúkaraprístalið. Á hesum yvirskipaða listanum av 12 vørum og tænastum, eru prísir innan býlisútreiðslur, samskifti, flutning og heilsu lækkaðir hetta seinasta árið, meðan innan aðrar vøru- og tænastubólkar, eru prísirnir øktir. Við uppgerðina fyri fyrsta ársfjórðing í ár vóru prísir innan flestu av høvuðsbólkunum eftir einum ári øktir, tó undantiknir prísir fyri høvuðsbólkarnar samskifti og heilsu. Samlaða prístalið vísti tá ein árligan vøkstur á 1,6 prosent. Myndin niðanfyri vísir, at brádliga lækkingin í árligum vøkstri eisini er galdandi fyri brúkaraprísir í londum kring okkum. Myndin niðanfyri vísir harumframt, at prísgongdin í Føroyum seinastu 10 árini í stóran mun fylgir prísgongd annars í Evropa. Høvuðsorsøkin til hesa samlaðu broytingina er at finna í príslækking á brennievni, ið er lutfalsliga stórur partur av samlaðu nýtsluútreiðslunum til upphiting av bústøðum og sum brennievni í flutningi. Myndin niðanfyri vísir prísgongdina seinastu 10 árini fyri brenniolju til upphiting av bústøðum úr brúkaraprístalinum í Føroyum samanborin við prísgongdina í ES og Danmark. Sambært brúkaraprístalinum eru prísirnir á brenniolju, ið fer til upphiting av bústøðum í Føroyum, lækkaðir heili 31 prosent frá mai 2019 til mai 2020. Lutfalsliga stóra og brádliga príslækkingin fyri hesa vøruna sæst eisini í londunum kring okkum. Myndin niðanfyri vísir, hvussu stóra ávirkan prísbroytingar innan ymsu vøru- og tænastubólkarnar hava á samlaða brúkaraprístalið, tá hædd verður tikin fyri, hvussu nógv vit keypa av ymsu vørunum og tænastunum. Uppgerðin fyri fyrsta ársfjórðing vísti árligan vøkstur í samlaða brúkaraprístalinum á 1,6 prosent, men er tað serliga lutfalsliga stóra príslækkingin á brennievni frá fyrsta ársfjórðingi til annan ársfjórðing, samanhildið við vektini av nýtsluni av øllum vørum og tænastum, ið er orsøk til, at árliga broytingin í brúkaraprístalinum í løtuni er minus 0,1 prosent. Dagførda brúkaraprístalið við fleiri útgreinaðum tølum finnur tú í hagtalsgrunninum. 


Munandi minni brúkt uppá brennievni

Samlað minkaði innflutningurin við 100 milliónum krónum ella 5% hesar mánaðirnar samanborið við somu mánaðir í fjør. Tað er serliga lægri prísurin á brennievni sum er orsøkin. Innflutta nøgdin av brennievni er minkað 30% meðan virði er minkað 60% Um vit ikki telja innflutningin av brennievni við, er hinvegin talan um vøkstur í innflutninginum hesar mánaðirnar. Færri bilar eru innfluttir hesar mánaðirnar. Innflutningsvirði í bólkinum bilar o.o. flutningsfør er minkað 17%. Tað, sum verður roknað sum beinleiðis nýtsla hjá húsarhaldunum, vaks 5%. Her er meira innflutt í flestu vørubólkum, tó er innflutningurin av klædnavørum og fótbúnaði minkaður 18%. 


Útflutningurin er minkaður

Vit hava útflutt minni av flest øllum fiskasløgum, tó er útflutningurin av svartkjafti vaksin bæði í nøgd og virði, meðan útflutningurin av laksi er minkaður í virði, men vaksin í nøgd. 


27.300 løntakarar í juli - bendir á V-gongd heldur enn U-gongd

**Løntakarar og lønarískoyti**   Løntakarar eru tey, sum í einum mánaði fáa løn útgoldnað frá einum arbeiðsgevara, sum í minsta lagi er ájavnt eina dagløn hjá ófaklærdum arbeiðsfólki. Tað merkir, at eisini persónar, sum bæði fáa løn frá arbeiðsgevara og lønarískoyti frá lønarískoytisskipanum, telja við í uppgerðini. Hinvegin telja persónar ikki við, sum einans fáa stuðul ella lønarískoyti frá arbeiðsloysisskipanum. Myndin niðanfyri vísir eina framrokning av, hvussu mars, apríl, mai, juni og juli kundu væntast at sæð út undan koronufarsóttini, um gongdin í løntakaratalinum annars var óbroytt. Reyðu prikkarnir vísa framroknaðu metingina (punktestimatið) fyri hesar mánaðirnar. Gráa økið vísir óvissuna í framrokningini (80% og 95% sannlíki). Bláa linjan vísir løntakaratalið, og bláu prikkarnir vísa úrslitið av teljingini í mars, apríl, mai, juni og juli í ár. Sostatt gevur munurin millum bláu og reyðu prikkarnar eina ábending um ta ávirkan, sum farsóttin hevur á løntakaratalið. Løntakaratalið var um 27.300 í juli ella um 50 fleiri enn í juli í fjør. Um gongdin í løntakaratalinum annars var óbroytt, kundi tó væntast at verið um 28.100 løntakarar í juli. Tað er ein munur á 2,9% í mun til væntaðu gongdina. ## Privatu tænastuvinnurnar fóta sær aftur Tær fýra myndirnar niðanfyri vísa løntakaratalið seinastu tvey árini í teimum fýra vinnugreinabólkunum, 'almennar tænastuvinnur', 'privatar tænastuvinnur', 'fiskivinna o.a. tilfeingisvinnur' og 'bygging o.o. tilvirking'. Eins og á myndini omanfyri vísir bláa linjan løntakaratalið, og bláu prikkarnir vísa løntakararnar í mars, apríl, mai, juni og juli í ár, meðan reyðu prikkarnir vísa framroknaðu metingina, sum kundi væntast, um gongdin í løntakaratalinum var óbroytt. Ein samanbering millum løntakaratalið, so sum tað er gjørt upp og so, sum tað er framroknað, vísir, at tað serliga eru privatu tænastuvinnurnar, sum bróta frá væntaðu gongdini og eiga størsta partin av fallinum. Privatu tænastuvinnurnar (Sí lýsing av vinnugreinabólkinum niðast í greinini) eru tó við at fóta sær aftur. Í privatu tænastuvinnunum vóru góðir 8.600 løntakarar í juli. Framrokningin vísir góðar 9.000. Tað er ein munur á 400 løntakarar ella 4,6%. Í mai var munurin 11% og í apríl 16% samanborið við metingina. Hinir vinnugreinabólkarnir fylgja í størri mun væntaðu gongdini. Fleiri útgreinað tøl á aldur, ríkisborgaraskap, kyn, vinnugrein og nú eisini øki eru í hagtalsgrunninum. 


Ferðin í fólkavøkstrinum minkað eitt vet

Fyrra hálvár í ár vaks fólkatalið við 511 ella 1,0%, samanborið við 553 ella 1,1% fyrra hálvár í fjør. Munurin á 42 fólk kemur av, at burðaravlopið var 6 færri og nettotilflytingin var 36 færri. Í burðaravlopinum var føðitalið 38 færri, samstundis sum deyðatalið minkaði við 32. Í nettoflytingini var tilflytingin 58 færri og fráflytingin 22 færri. ## Broytingin so lítil, at hon valla sæst aftur í trendinum Nú hava vit á sjeynda ári havt ein støðugan vøkstur í fólkatalinum, har tað leggjast eini 65-70 fólk afturat í miðal mánaðarliga. Hesir síðstu mánaðirnir hava tó verið serstakir síðani fyrstu koronutilburðirnar her á landi, og nógvar umstøður hava verið munandi broyttar. Møguliga sæst hetta aftur í, at ein lítil munur er at síggja í gongdini í fólkatalinum fyrra hálvár í ár, samanborið við  sama tíðarskeið í fjør. Kortini er munurin so lítil, at broytingin valla sæst í trendinum, sum vísir langtíðargongdina í rákinum, sambært myndini niðanfyri. ## Tórshavnarøkið tekur 56% av øllum fólkavøkstrinum Tað búgva 39% av øllum fólkinum í Føroyum í Tórshavnarøkinum, men vøksturin har var 458 fólk, svarandi til 56% av øllum fólkavøkstrinum í landinum Í Eysturoy búgva sløk 23% av fólkinum í Føroyum. Og vøksturin har á 206 fólk svarar til 25% av fólkavøkstrinum fyri alt landið. Í Norðoyggjum búgva 12% av fólkinum, men teirra partur av fólkavøkstrinum svarar til 8%. Í Streymoyarøkinum annars búgva 9% av fólkinum, og teirra partur av fólkavøkstrinum er gott 6%. Í Vágum búgva stívliga 6% av fólkinum, og teirra partur av vøkstrinum var út við tann sami. Í Sandoy búgva 2,5% av fólkinum, og teirra partur av fólkavøkstrinum var júst tann sami. Suðuroy fær onki av fólkavøkstrinum. Har býr tí ein støðugt minkandi partur av fólkatalinum, nú beint niðanfyri 9%. ## Ymiska íkastið til fólkavøksturin frá tilflyting og burðaravlopi Avgerandi fyri gongdina í fólkatalinum eru burðaravlopið (munurin millum fødd og deyð) og nettoflytingin (munurin millum tilflyting og fráflyting).  Á myndini niðanfyri sæst, at tað er nettoflytingin, sum ger størstan mun í fólkavøkstrinum í øllum økjum í landinum. Men her sæst eisini týðiliga, at í Sandoyar sýslu er tað ikki flytingin, sum er trupulleikin, tí roknað eftir íbúgvatalinum er tilflytingin her størri enn í hinum høvuðsøkjunum í landinum. Hinvegin er eitt manglandi burðaravlop, t.v.s. at tað eru fleiri sum doyggja, enn børn ið verða fødd. Í Suðuroy eru bæði nettoflyting og burðaravlop negativ.   ## Kommunurnar Verður hugt eftir einstøku kommununum, er nógv størsti vøkstur í Tórshavnar kommunu við 472 fólkum, svarandi til 2,2%. Síðani í Runavíkar og Klaksvíkar kommunum við ávikavist 95 fólkum (2,3%) og 59 fólkum (1,1%). Lutfalsliga er sostatt vøksturin í Tórshavnar og Runavíkar kommunum dupult so stórur sum í Klaksvíkar kommunu. Av miðalstóru kommununum er størsti vøkstur í Sjóvar, Nes, Sørvágs, Sunda og Eiðis kommunum. Lutfalsliga er størsti vøksturin í Eysturoy í Sjóvar kommunu við 3,2%. Síðani 1. Jan. 2014 er fólkatalið í Sjóvar kommunu vaksið úr 921 upp í 1.107. Í Vágum er størsti vøkstur í Sørvágs kommunu við 29 fólkum ella 2,4%, og í Sandoy er sera stórur vøkstur í Skopunar kommunu við 18 fólkum, svarandi til Í Suðuroy minkar ella stendur í stað í øllum kommunum. ## Oyggjarnar Eisini útoyggjar fáa ein part av fólkavøkstrinum - uttan Hestoy, ið er minkað niður í 18 fólk, og Koltur, har eingin býr longur sambært landsfólkaskránni. 8 eru komin aftrat í Nólsoy, 4 í Fugloy, 3 í Svínoy, 3 í Kalsoy, 2 í Skúvoy og 1 fólk í Mykinesi. Óbroytt er í Stóru Dímun við 10 fólkum. 


875 milliónir í lønum í juli - skjót uppgongd eftir fallið í apríl og mai

Uppgerðin fevnir um løn - arbeiðsloysisstuðul og lønarískoyti frá arbeiðsloysisskipanum telja tí ikki við í uppgerðini. Les meira um uppgerðina í kunningarkassanum undir greinini Á myndini niðanfyri sæst ein framrokning av, hvussu mars, apríl, mai, juni og juli kundu væntast at sæð út undan koronufarsóttini, um gongdin í lønargjaldingunum var óbroytt. Reyðu prikkarnir vísa framroknaðu metingina (punktestimatið) fyri mars, apríl, mai, juni og juli. Gráa økið vísir óvissuna (80% og 95% sannlíki). Bláa linjan vísir lønargjaldingarnar, og bláu prikkarnir vísa úrslitið av teljingini í mars, apríl, mai, juni og juli í ár. Munurin millum bláu og reyðu prikkarnar gevur eina ábending um ta ávirkan, sum farsóttin hevur á lønargjaldingarnar. Knappar 875 milliónir vórðu útgoldnar í lønum í juli, sum eru góðar 25 milliónir ella 3% meira enn sama mánað í fjør. Um gongdin í lønargjaldingunum annars var óbroytt, kundu væntast at góðar 900 milliónir høvdu verið útgoldnar í lønum í juli. ## Gongdin í vinnugreinunum Tær fýra myndirnar niðanfyri vísa lønargjaldingar og framrokningar fyri teir fýra vinnugreinabólkarnar 'almennar tænastuvinnur', 'privatar tænastuvinnur', 'bygging o.o. tilvirking' og 'fiskivinna o.a. tilfeingisvinnur'. Ein samanbering millum útgoldnu lønirnar og framrokningina vísir, at tað serliga eru privatu tænastuvinnurnar, sum bróta frá væntaðu gongdini. Í privatu tænastuvinnunum vórðu úgoldnar 269 milliónir í lønum í juli. Framrokningin vísir 281 milliónir sama mánað. Munurin er 12 milliónir ella 4,5% samanborið við metingina. Í mai var munurin 16%. Hinir vinnugreinabólkarnir leggja seg meira upp at væntaðu gongdini. ![Byggivinna o.o. tilvirking til og við juli ![Fiskivinna o.o. tilfeingisvinna til og við juli 


Útflutningurin fyrra hálvár var 10% minni enn í fjør

Tað er lítið at ivast í, at koronufarsóttin hevur ávirkað heimshandilin og at føroyski útflutningurin eisini er ávirkaður. Tað er tó ikki óvanligt, at stór sveiggj eru í útflutninginum. Hyggja vit at útflutninginum fyrra hálvár nøkur ár aftur í tíðina, síggja  vit bæði vøkstur og minking, ið eru størri enn tað, sum vit síggja nú. Fyrra hálvár í ár hava vit útflutt minni av flest øllum fiskasløgum í mun til í fjør - bæði í nøgd og virði. Útflutningurin av toski er minkaður 146 mió. kr. ella 23%. Í nøgd er minkingin 27%. Eisini er minni útflutt av makreli og laksi. Minkingin er 62 mió. kr og 105 mió. kr. Hinvegin er útflutningurin av svartkjafti vaksin meir enn 3 tús. tons ella 13%. Virðið er tó tað sama sum í fjør. 


Nøgdin av spritti vaksin 1.400%

Koronufarstóttin ávirkar eisini, hvat vit innflyta. Nøgdin av nýtsluspritti vaks 1.400% frá mars til juni í ár í mun til sama tíðarskeið í fjør og innflutningsvirðið vaks 1.700%. Nøgdin av máling vaks 20% hetta sama tíðarskeiðið. Fyrra hálvár vaks innflutningurin annars 6% samanborið við sama tíðarskeið í fjør. Um skip og flogfør ikki verða tald við, so er talan um vøkstur uppá 1%. Munandi meira varð innflutt av rávøru til fiskavirking fyrra hálvár í ár í mun til í fjør - góðar 230 mió. kr. í ár móti 100 mió. kr. í fjør. Innflutningurin av tilfari til aðra framleiðslu er eisini vaksin í ár. Vøksturin er 127 mió. kr. ella 15%. Oljuinnflutningurin er hinvegin minkaður bæði í nøgd og virði. Nøgdin er minkað 20% og virðið er minkað góð 40% Tað, sum verður roknað sum beinleiðis nýtsla hjá húsarhaldunum, vaks 6%. Her er meira innflutt í flestu vørubólkum, tó er innflutningurin av klædnavørum og fótbúnaði minkaður 9%. Størsti vøksturin er í innflutningi av drúgvum nýtsluvørum. Har er innflutt fyri 23% meira í ár. Tað er serliga møblar, sum vit hava keypt meiri av. 


Enn eru Maria og Anna ovast hjá konufólki og Jákup og Jógvan hjá mannfólki - hóast stórar broytingar í fólkanøvnunum

Aftaná Mariu og Onnu hjá konufólkunum koma væl kend nøvn sum Annika, Marjun, Beinta og Katrin. Raðfylgjan fyri hesi 7 konufólkanøvnini var júst tann sama í 2001 sum í 2019. Men samanbera vit við navnalistan fyri 18 árum síðani, so eru nøkur nøvn, ið gera stór lop uppeftir á listanum. T.d. Lea, ið vóru 18 tá og nú eru 81. Eva, ið vóru 37 tá og nú eru 112. Sára, ið vóru 66 tá og 134 nú. Onnur konufólkanøvn, ið eru nógv fleiri nú, eru t.d. Ronja, Lív, Emma, Silja og Rebekka. Hjá mannfólki togast Jákup og Jógvan um fyrstaplássið. Langt eftir teimum koma Rúni, Bárður, Høgni, Martin og Magnus. Men eisini hjá mannfólkunum eru tað nøkur nøvn, ið gera long lop uppeftir á listanum. Størsta skarvslopið ger Jónas, ið vóru 27 í 2001 og nú eru 152. Aðrir eru Rókur, ið vóru 18, og nú eru 93. Benjamin, ið vóru 44 og nú 115, Dávid, ið vóru 36 og nú 110. Onnur mannfólkanøvn, ið eru nógv fleiri nú, eru t.d. Aron, Brandur, Fríði og Pætur. Merkisvert bæði hjá konufólki og mannfólki, er at dupultnøvnini, so sum t.d. Anna Maria og Jákup Martin, eru langt niðri á listanum og als ikki við í "topp 50". Fremsta dupultnavnið hjá konufólki er Anna Maria sum nr. 30 í raðfylgjuni. Og hjá mannfólki er Hans Jacob fremsta dupultnavnið á 76. plássið. 


Jónas og Óðin hjá dreingjum og Lea og Vón hjá gentum vóru best umtóktu nøvnini hjá føddum í 2019

Best umtóktu gentunøvnini til tær, ið vóru føddar í 2019, vóru Lea og Vón. Beint í hølunum á teimum komu Maria, Mia, Eva, Liva og Olivia. Millum 25 tey mest nýttu gentunøvnini vóru eisini Alda og Aura, Bára og Bjørk, Petra, Ró, Sofía og Tóra. Hóast nógvu nýggju nøvnini er eisini tað mest vanliga konufólkanavnið av øllum, Maria, heilt uppi í toppinum. Samanborið við nøvnini, sum gentubørnini fingu fyri átjan árum síðani, eru hesi øll nýggj nøvn, Lea, Vón, Mia, Eva, Liva, Olivia, Aura og Ró. Best umtóktu dreingjanøvnini til teirra, ið vóru føddir í 2019, vóru Jónas og Óðin. Í aðru røð vóru tað Baldur, Benjamin, Jósef, Magnus og Rókur. Síðani nøvn sum Ari, Boas, Bragi, Markus og Milan. Millum 25 tey mest nýttu dreingjanøvnini vóru eisini nøvn sum Elian, Mika og Nóa. Fyri átjan árum síðani var Jónas eisini eitt vælumtókt navn, men ongin varð tá nevndur Óðin, Baldur, Jósef, Bragi, Milan, Elian, Mika ella Nóa. Umframt hesi 102 dreingjabørnini, sum víst eru í talvuni, har tað vóru 3 ella fleiri, ið fingu sama navn í 2019, vóru tað 64, har tað vóru 2 við sama navni og 173, ið vóru einnevnd. Umframt hesi 79 gentubørnini, sum víst eru í talvuni, har tað vóru 3 ella fleiri, ið fingu sama navn í 2019, vóru tað 33, har tað vóru 2 við sama navni og 198, ið vóru einnevnd. 


Gistingarhúsini á veg uppaftur í juli eftir stóra fallið í vár

Nógv størsta minkingin í gistingunum í ár hevur verið uttan fyri Tórshavnarøki, har gistingarnar hesar sjey mánaðirnar eru minkaðar niður í ein fjórðing, meðan tær eru minkaðar við knappliga helvtini í Tórshavnarøkinum. Verður hugt at, hvaðani tey vitjandi á gistingarhúsunum koma, vóru tey úr Danmark, svarandi til 43% av øllum gistingunum. Undir myndunum og talvunum er lýst, hvat er ein gisting og hvat er ein innskriving. Viðmerkjast skal eisini, at her umrøða vit bert gistingar í gistingarhúsum, tí at skrásetingarnar í øðrum gistiháttum, so sum ból og biti, hús, íbúð og kamping, ikki eru nóg fullfíggjaðar og tí kunnu skeikla myndina av heildargongdini. Í hagtalsgrunninum eru tó allar skrásettu gistingarnar, útgreinaðar á ymisku gistingarhættirnar. Tað er eisini týdningarmikið at hava í huga, at hendan uppgerðin av gistingarhagtølum fevnir ikki um tann gistingarháttin, ið verður nevndur 'airbnb', tí Hagstova Føroya hevur ikki atgongd til upplýsingar um gistingar av hesum slag. ## Í mars bóltaðu gistingarnar niðureftir, men í juli fór aftur at líkjast Myndirnar niðanfyri vísa mánaðarliga gongdina bæði í gistingum og í innskrivingum. Her er sera sjónligt, hvussu stórt fallið er serliga í apríl, mai og juni. Men í juli er talið av gistingum eins og av innskrivingum komið væl uppaftur og er á sama støði sum sama mánað fyri 4-5 árum síðani. ## Nógv flestu gistingar hjá fólki úr Danmark Fólk sum eru búsitandi í Danmark eiga nógv størsta partin av gistingunum hesar sjey mánaðirnar í ár, heili 43%. Í fjør var teirra partur 30%. Á øðrum plássi eru føroyingar sjálvir við 32%, meðan teirra partur í fjør var 18%. Hinvegin er teirra partur, ið koma úr øllum øðrum londum nú bert 25%, meðan hann var 46% sama tíðarskeið í fjør. Hetta sæst eisini týðiliga í talvuni niðanfyri, har gistingarnar eru býttar eftir einstøkum londum, har ferðafólkini búgva. Meðan gistingarnar sum heild eru minkaðar við 54%, er minkingin væl minni hjá fólki úr Føroyum og Danmark, ávikavist 21% og 38%. Fyri Noreg, sum var á triðja plássi í fjør, er talið minkað 75%, og fyri Norðuramerika, ið var á fjórða plássi, er talið minkað 81%. ## Í juli í ár gistu fleiri enn í fjør á gistingarhúsunum í høvuðsstaðnum Samanbera vit gongdina í høvuðsstaðarøkinum við Føroyar annars hesar sjey mánaðirnar tilsamans, er afturgongdin munandi størri hjá gistingarhúsunum uttan fyri høvuðsstaðin. Har minkaði gistingartalið niður í ein fjórðing meðan tað í høvuðsstaðnum minkaði niður í eina góða helvt. Hesin munurin gerst nógv størri og merkisverdur, um vit bara samanbera juli í ár og í fjør. Tí nú sæst, at gistingarnar í høvuðsstaðnum vóru fleiri í juli í ár enn í fjør. Hinvegin vóru gistingarnar uttan fyri høvuðsstaðin meir enn helvtina minni í ár enn í fjør. Her til skal nevnast, at í juli lat nýtt og stórt gistingarhús upp í Havn. 


Framvegis fólkavøkstur, men við minni ferð

Hetta er nakað minni enn í undanfarna 12-mánaðarskeiði 2018/19, tá fólkatalið vaks við 848, svarandi til 1,7%. Munurin stendst av, at bæði burðaravlopið og nettoflytingin eru nakað minni. Burðaravlopið er 25 færri, serliga tí at føðitalið er minkað, og nettoflytingin er 90 færri, serliga tí at tilflytingin er minkað. Nú hava vit á sjeynda ári havt ein støðugan vøkstur í fólkatalinum, har tað leggjast eini 60-70 fólk afturat í miðal hvønn mánað. Hesir síðstu mánaðirnir hava tó verið serstakir, og nógvar umstøður eru munandi broyttar, síðani fyrstu koronutilburðirnar her á landi. Møguliga er tað hetta sum ger, at ein lítil munur er í gongdini í fólkatalinum í ár, samanborið við í fjør. Í myndini niðanfyri sæst, at hóast munurin ikki er stórur, so ávirkar hann trendin, sum vísir langtíðargongdina í rákinum. Tann mest avgerandi tátturin í gongdini í føroyska fólkatalinum er flytingin millum Føroyar og útlond. Síðstu 6-8 árini hava vit sæð, at støðugt fleiri flyta til Føroya og færri flyta úr Føroyum. Hetta hevur givið eitt stórt og veksandi íkast til fólkavøksturin. Hendan gongdin er tó nakað broytt síðsta árið, tí nú minka bæði tilflyting og og fráflyting. Síðsta 12-mánaðarskeiðið er tilflytingin minkað við 240 fólkum (sí talvuna frammanfyri) og fráflytingin við 150. Íkastið til fólkavøksturin er tí minkað nakað.   Í mun til 2019 hevur føðitalið verið nakað minni í ár. Samanbera vit síðsta 12-mánaðarskeiðið við tað undanfarna, sæst at føðitalið er minkað úr 695 niður í 639. Tað eru 56 børn færri. Hinvegin bøtir tað nakað um burðaravlopið, at talið av deyðum eisini er minkað við 31, so burðaravlopið hóast alt bara minkar við 25. Tilsamans gera hesar broytingar í nettoflyting og burðaravlopi, at síðsta 12-mánaðarskeiðið vaks fólkatalið við 733, samanborið við 848 í undanfarna 12-mánaðarskeiðinum. ## Størsti fólkavøksturin er framvegis í miðøkinum Verður hugt at fólkavøkstrinum úti um landið, er mynstrið óbroytt: nógv størsti fólkavøksturin er í miðøkinum, tað er í Eysturoy, Tórshavnarøkinum og í Vágum. Merkisvert er tó, at Sandoyarøkið nú er komið við í hendan bólkin, har lutfalsligi vøksturin nú er tann sami sum í Eysturoy. Í Norðoyggjum og Streymoyarøkinum uttan høvuðsstaðin er fólkavøksturin minni, men tó framvegis hampiliga stórur. Tað er bara í Suðuroy, at tað enn gongur skeivan. Tað dragnar alt meir millum Suðuroy og restina av landinum. Í myndini niðanfyri sæst gongdin týðiliga síðstu 6-7 árini: tað er í miðøkinum Eysturoy, Tórshavnarøkið og Vágar, har fólkatalið veksur skjótast. Síðani koma Streymoyarøkið annars og Norðoyggjar. Og aftast koma Sandoyarøkið og Suðuroy. Sum nevnt frammanfyri tykist tó at venda í Sandoyarøkinum seinastu mánaðirnar. ## Tórshavnarøkið tekur 53% av øllum fólkavøkstrinum Tað búgva 39% av øllum fólkinum í Føroyum í Tórshavnarøkinum, men vøksturin her var 386 fólk, svarandi til 53% av øllum fólkavøkstrinum í landinum. Í Eysturoy búgva sløk 23% av fólkinum í Føroyum. Vøksturin har á 188 fólk svarar til 26% av fólkavøkstrinum fyri alt landið. ## Ymiska íkastið til fólkavøksturin frá tilflyting og burðaravlopi Avgerandi fyri gongdina í fólkatalinum eru burðaravlopið (munurin millum fødd og deyð) og nettoflytingin (munurin millum tilflyting og fráflyting). Á myndini niðanfyri sæst, at í øllum økjunum í landinum er tað nettoflytingin, sum ger størstan mun í fólkavøkstrinum. Men her sæst eisini týðiliga, at serliga í Sandoyar sýslu er tað nettoflytingin, sum gevur alt íkastið. Roknað eftir íbúgvatalinum er tilflytingin her størri enn í øllum hinum høvuðsøkjunum í landinum. Hinvegin er eitt manglandi burðaravlop, t.v.s. at tað eru fleiri sum doyggja, enn børn ið verða fødd. Í Suðuroy er lítil og ongin tilflyting og negativt burðaravlop. ## Kommunurnar Verður hugt at einstøku kommununum er nógv størsti vøkstur í tali í Tórshavnar kommunu við 399 fólkum, svarandi til 1,8%. Síðani í Runavíkar og Klaksvíkar kommunum við ávikavist 82 fólkum (2,0%) og 46 fólkum (0,9%). Í tali er fólkavøksturin umleið eins stórur í Vága og Eystur kommunum sum í Klaksvíkar kommunu, ið annars er meir enn dupult so stór, sum hinar báðar. ## Oyggjarnar Eisini útoyggjar fáa ein part av fólkavøkstrinum uttan Hestoy, ið er minkað niður í 18 fólk, og Koltur, har eingin býr longur sambært landsfólkaskránni. 8 eru komin aftrat í Nólsoy, 1 í Fugloy, 1  í Svínoy,  2 í Kalsoy, 2 í Skúvoy og 1 fólk í Mykinesi. Óbroytt er í Stóru Dímun við 10 fólkum. 


Bruttotjóðarúrtøkan í ársins prísum vaks 2,6 prosent í 2018

Havast skal í huga, at talan er um tjóðarroknskaparuppgerð í ársins prísum, og er talan ikki um mát fyri realar broytingar í ymsum støddum, men ein lýsing av ymsum mátum, ið er samansett av prísum og mongdum, eitt uppgerðarár. images/200914%20Tj%C3%B3%C3%B0arroknskapur%202018%20T1_1.png) Bruttotjóðarúrtøkan í marknaðarprísum verður gjørd upp sum virðisøkingin í øllum vinnugreinum samanlagt og við at leggja meirvirðisgjald og aðrar vøruskattir afturat hesum. Talvan niðanfyri vísir virðisøkingina í ársins prísum, skift á vinnugreinabólkar árini 2015 til 2018. images/200914%20Tj%C3%B3%C3%B0arroknskapur%202018%20T2.png) Millum annað sæst fyri fiskaaling, at virðisøkingin meira enn tvífaldaðist úr 803 mió. kr. í 2015 til 1.691 mió. kr. í 2016. Í 2017 minkaði virðisøkingin nakað og lutfalsliga stór minking sæst í 2018 á 301 mió. kr. og 19 prosent. Ein høvuðsorsøk til vøksturin í 2016 var stóri prísvøksturin á laksi á sølumarknaðum, meðan ein høvuðsorsøk til minkingina í 2018 var ein samanseting av lægri prísi og nøgd av útfluttum laksi, umframt øktar útreiðslur í samband við støðugt vaksandi lúsatrupulleikan í 2017 og 2018. Matvøruvirking, sum í stóran mun fevnir um virking av vørum úr fiski til útlendskar marknaðir, hevði eisini eina lutfalsliga stóra minking í virðisøking á góð 8 prosent í 2018 í mun til 2017. Flestu aðrar vinnur hava hinvegin havt størri virðisøking í 2018 í mun til 2017. Av hesum er tað  serliga byggivinnan, sum bæði í 2017 og 2018 tilsamans átti meira enn helmingin av vøkstrinum í samlaðu virðisøkingini hesi bæði árini, ið stendur fyri lutfalsliga størsta vøkstrinum í 2018. Felags fyri hesar vinnur er, at tær í størstan mun framleiða vørur og tænastur til innlendska nýtslu og íløgur. Myndin niðanfyri vísir vakstrarískoytið fyri hesar yvirskipaðu vinnubólkarnar árini 2011 til 2018. images/200914%20Tj%C3%B3%C3%B0arroknskapur%202018%20M1.png) Myndin niðanfyri vísir broytingar í býtinum av samlaðu virðisøkingini í fýra yvirskipaðum vinnubólkum árini 1998 til 2018. Síðan umleið 2012 hevur lutfalsliga íkastið frá tilfeingisvinnum og ídnaði, orku og byggivinnu verið vaksandi, meðan virðisøkingin í almennu og privatu tænastuvinnunum er vorðin lutfalsliga minni í samlaðu myndini. Árini 1998 til 2002 var íkastið frá tilfeingisvinnum umleið 20 prosent. Í 2003 minkaði hesin partur niður á støði á umleið 15 prosent, og aftur í 2008 minkaði parturin niður á sløk 12 prosent. Stóri vøksturin í uppsjóvarveiðu og fiskaaling hevur síðan viðført, at lutfalsliga íkastið frá tilfeingisvinnunum árini 2016 til 2018 er á sama støði sum í 1998 . Lutfalsligi parturin hjá ídnaði, orku og byggivinnu minkaði úr góðum 20 prosentum árini 1998 til 2008 niður í 17 prosent árini eftir fíggjarkrepppuna, men er síðan vaksin aftur upp á 20 prosent í 2018. Lutfalsliga íkastið frá almennari fyrisiting og tænastu vaks úr umleið 20 prosentum árini undan 2003 upp á  24 prosent í 2005, og upp á 26 prosent í 2009, men er síðan støðugt minkað aftur niður á 21 prosent í 2018. Síðan 2003 hevur íkastið frá øðrum tænastuvinnum ligið oman fyri 40 prosent og rakk í 2012 upp á 45 prosent, men er síðan minkað aftur niður á sløk 39 prosent í 2018. images/200914%20Tj%C3%B3%C3%B0arroknskapur%202018%20M2.png) Harvið er býtið av samlaðu virðisøkingini á hesar yvirskipaðu vinnubólkarnar hesi 20 árini aftur tað sama í 2018 sum í 1998. 


Innflutningurin vaksin 5% í ár

Í flestu vørubólkum eru ikki so stórar broytingar. Størsta minkingin er í bólkinum brennievni, har vit hava keypt fyri ein fjórðing minni enn í fjør. Eisini eru nakað færri av bilum fluttir inn. Størsta vøksturin síggja vit í bólkinum rávøra til fiskavirking. Har er innflutningurin meir enn tvífaldaður. Tað, sum verður roknað sum beinleiðis nýtsla hjá húsarhaldunum, vaks 6%. 


Útflutningurin er minkaður 10 % higartil í ár

Størsta minkingin er í útflutningi av toski og laksi. Har er útflutt fyri 180 mió. kr, sum er 143 mió. kr. minni enn í fjør. Tað er 25% minni av toski og 7% minni av laksi. Útflutta nøgdin er eisini minkað hesar 7 mánaðirnar. Samlað eru 14% færri tons útflutt. Nøgdin av toski er minkað 29% og av laksi 8%. 


Meginøkið veksur

Fyri landið alt vaks fólkatalið 3.660 frá 1. januar 2010 til 1. januar 2020\. Men gongdin hevur verið ymisk í kommunum kring landið, eins og millum bygdirnar í hvørjari kommunu sær. Í yvirlitinum niðast í hesi grein sæst broytingin tíggjuáraskeiðið 2010-2020 í fólkatalinum eins og kyns- og aldursbýtið 1. janunar 2020 í teimum 117 bygdunum og 29 kommununum. Samanlagt er fólkatalið hesi árini vaksið 3.660 ella 7,5%. Í 15 kommunum er fólkatalið vaksið, í einari er óbroytt og í 13 er fólkatalið minkað. Størsti vøksturin hevur verið í teimum trimum størstu kommununum, Tórshavnar við 2.168 fólkum (11%), Klaksvíkar við 382 fólkum (8%) og Runavíkar við 364 fólkum (10%) Næstar eru tær tríggjar stóru kommunurnar við umleið 2.000 íbúgvum, Vága við 195 fólkum (10%), Eystur við 193 fólkum (10%) og Sunda við 160 fólkum (eisini 10%). Síðani koma nakrar miðalstórar kommunur, við fólkatali millum 1.000 og 1.500 fólk. Har er vøksturin størstur í Sørvágs, Sjóvar, Nes og Vestmanna kommunu og nakað minni í Fuglafjarðar kommunu. Men tað er ein av teimum smáu kommununum í Norðureysturoy, sum yvirhálar miðalstóru kommunurnar við 98 nýggjum íbúgvum (15%) og tað er Eiðis kommuna. Hetta er samstundis tann størsti lutfalsligi vøksturin av øllum kommunum í landinum. Sunnanfyri Skopunarfjørð er tað bara Vágs kommuna, sum ikki er minkað, men her er fólkatalið bara vaksið við einum persóni. Í tali er minkað mest í Hvalbiar kommunu og í Skopunar Kommunu við ávíkavist 43 og 41 fólkum.   Av kommununum norðanfyri Skopunarfjørð eru tað bara Hvannasunds og Viðareiðis kommuna, har fólkatalið er minkað. ## Aldursbýtið í kommununum Lutfalsliga eru fægst undir 16 ár og flest yvir 66 ár í teimum minstu kommununum. Undantøk eru tó millum tær smærru kommunurnar, eitt nú í Kunoyar og Eiðis kommunu, har tað eru lutfalsliga nógv ung og fá eldri. Samstundis eru stórar kommunur sum Tvøroyrar og Vágs við lutfalsliga færri av teimum yngstu og fleiri av teimum elstu. Eisini næststørsta kommunan í landinum hevur nakað færri av teim yngstu og nakað fleiri av teim elstu enn miðal fyri landið. ## Kynsbýtið í kommununum Miðalbýtið millum mannfólk og konufólk fyri alt landið er 51,7% mannfólk og 48,3% konufólk. Kommunur, ið hava eitt javnari kynsbýti, eru serliga Tórshavnar og Sørvágs, men eisini smáar kommunur sum Húsavíkar og Sands. Av teimum stóru kommunum, ið hava eitt ójavnari kynsbýti enn miðalbýtið fyri landið, eru m.a. stórar kommunur, sum Runavíkar, Fuglafjarðar, Sunda og Eystur kommuna. Hetta er eisini galdandi í Eiðis kommunu, sum er millum minnu kommunurnar. Mest ójavna kynsbýtið er í útoyggjakommununum Skúgvoyar og Fugloyar kommunu. Í kommununum er heildarmyndin, at stóru bygdirnar vaksa og tær smáu minka. 


Gott 7.000 færri gistinætur í august í ár

Ferðavinnan hevur verið nógv ávirkað av koronu í ár. Tað hava verið gott 7.000 færri gistinætur á gistingarhúsunum í august í ár í mun til sama mánað í fjør. Sum tað sæst á myndini niðanfyri, so er tað serliga uttanfyri Tórshavnarøki, at talið av gistináttum hevur verið minni. 


Borgarar í høvuðsstaðarkommununi havt hægstu inntøkuna seinastu 10 árini

Nú kommunuvalið nærkast setur Hagstova Føroya sjóneykuna á kommunurnar. Hesa ferð á tøku inntøkuna hjá borgarum í kommununum - tann inntøkan, sum borgarin hevur eftir skattir og gjøld. Vit samanbera tøku inntøkuna hjá borgarunum í kommununum við at brúka miðinntøkuna. Miðinntøka merkir, at inntøkurnar hjá borgarunum í kommununi verða skipaðar frá teimum lægstu til tær hægstu og síðan verður mittasta inntøkan brúkt. Miðinntøkan verður mett at vera betri mát enn miðalinntøkan, tá inntøkustøðan hjá vanliga borgaranum í kommununi skal samanberast. Miðalinntøkan kann ávirkast nógv av inntøkuni hjá fáum einstaklingum, serliga í smáum kommunum. Miðalinntøkan gevur tí ikki altíð eina rættvísandi mynd fyri vanliga borgaran í kommununi. Fyri lesbari verður tøka miðinntøkan í greinini nevnd inntøkan. Talvan niðanfyri vísir inntøkuna í kommununum frá 2009 til 2018 við tríára millumbilum. Í 2018 var tann hægsta inntøkan hjá borgarum í Tórshavnar kommunu, sum var 199.000 kr. Á øðrum plássi er Kunoyar kommuna við 193 tús. kr. Merkisvert er, at Kunoyar Kommuna í 2009 lá á 17. plássi, men síðani 2012 hevur inntøkan hjá kunoyingum verið millum tær hægstu í landinum. Í teimum fýra stóru kommununum Fuglafjarðar, Klaksvíkar, Tvøroyrar og Runavíkar kommunu var inntøkan júst tann sama - 174.000 kr. Lægsta inntøkan í 2018 á 135 tús. kr. var í Húsavíkar kommunu. Næstniðast og triðniðast vóru Hovs og Sumbiar kommuna. Myndin niðanfyri vísir inntøkuna í kommunum í 2009 og 2018, har tær eru í raðfylgju eftir inntøkustødd í 2018. 


Kommunal fíggjarviðurskifti fyri hvønn íbúgva í 2019

## Útreiðslur og inntøkur hjá kommununum Á myndini niðanfyri eru kommunurnar settar í raðfylgju, eftir hvussu stórar útreiðslur tær høvdu fyri hvønn íbúgva í 2019. Myndin vísir, at tað sum heild eru tær størstu kommunurnar, ið bera tær størstu útreiðslurnar, roknað pr. íbúgva. Og hinvegin, at tær smáu kommunurnar sum heild bera minstu útreiðslurnar pr. íbúgva. Verður hugt eftir inntøkunum er heildarmyndin tann, at størsti munurin millum inntøkur og útreiðslur pr. íbúgva er í smáu kommunum. Mest víðgongdu dømini í hesum sambandi eru Hvannasunds, Kunoyar og Viðareiðis kommunur. Øvugt eru útreiðslurnar pr. íbúgva størri enn inntøkurnar í flestu stóru og einstøkum smærri kommunum, so sum Fuglafjarðar, Tvøroyrar og Sjóvar kommunum. Taka vit tríggjar tær størstu kommunurnar, so eru útreiðslurnar væl størri enn inntøkurnar í Tórshavnar og Klaksvíkar kommunum, men í Runavíkar kommunu eru inntøkurnar tó størri enn útreiðslurnar. Fuglafjarðar kommuna skilir seg burturúr millum tær stóru kommunurnar, bæði við nógv størstu útreiðslum men eisini við størstu inntøkunum fyri hvønn íbúgva. ## Nettoskuldin hjá kommununum Verður hugt eftir nettoskuldini pr. íbúgva í kommununum, er myndin tann, at her hava vit nakrar av stóru kommununum við størstu nettoskuldini, so sum Vágs, Runavíkar, Tvøroyrar og Klaksvíkar kommunur. 10 av kommununum hava ikki nettoskuld men netto ogn - tað eru aftur tær minst kommunurnar. Størsta kommuna í landinum, Tórshavnar kommuna, hevur eisini eina lítla netto ogn. 


Smásølan vaksin undir koronu

Serligu umstøðurnar, ið samfelagið hevur virkað undir síðan korona-smittan rakti um miðjan mars, hava ivaleyst ávirkað húsarhald og vinnulív á ymsan hátt, og ein viðkomandi spurningur í hesum tíðum er, í hvønn mun óvanligu umstøðurnar hava ávirkað søluna av vanligu gerandisvørunum. Tiltøk vórðu sett í verk um hálvan mars, t.v.s. meginpartin av fyrsta ársfjórðingi virkaði samfelagið undir vanligum umstøðum uttan tiltøk, men hóast hetta, so var umsetningurin av klædnavørum og fótbúnaði í 1. ársfjórðingi 8,5 prosent minni í mun til 1. ársfjórðing í fjør. Nýggjastu tølini fyri 2. ársfjórðing vísa nú ein vøkstur á 6,9 prosent í mun til sama ársfjórðing í fjør. Umsetningurin er samansettur av prísi og seldum mongdum av vøruni, og verður hædd tikin fyri prísbroyting, fæst mát fyri broyting í mongd. Prísir á klædnavørum og fótbúnaði eru í miðal øktir 3,3 prosent frá 2. ársfjórðingi í fjør til 2. ársfjórðing í ár, og verður hædd tikin fyri hesum, er mongdin av seldum klædnavørum og fótbúnaði vaksin 3,4 prosent. Til uppgerðina fyri 1. ársfjórðing frá juni var trendurin í vísitalinum fallandi. Nú nýggj umsetningstøl fyri 2. ársfjórðing eru tøk, er trendurin vaksandi. Fyri vørubólkin mat og alkoholfríar drykkjuvørur hevur vøksturin í umsetningi verið óvanliga stórur fyrru hálvu av 2020 samanborið við fyrru hálvu av 2019. Umsetningurin 1. ársfjórðing og 2. ársfjórðing í ár var ávikavist 12,1 og 14,2 prosent størri í mun til somu ársfjórðingar í fjør. Í 2007 og stutt undan fíggjarkreppan rakti, sást slíkur vøkstur sum hesin. Vøksturin hesaferð kemst helst av, at húsarhald í størri mun enn áður hava matgjørt við hús vegna afturlating av almennum stovnum, skúlum og matstovum. Prísir á mati og alkoholfríum drykkjuvørum eru í miðal øktir 1,7 prosent frá 2. ársfjórðingi í fjør til 2. ársfjórðing í ár, og verður hædd tikin fyri hesum, er mongdin av hesum vørum vaksin 12,5 prosent. Seinastu tølini vísa eisini vaksandi trend. Fyri vørubólkin húsbúnað og húsarhaldsútgerð var umsetningurin 1. og 2. ársfjórðing í ár ávikavist 6,7 og 14 prosent størri í mun til somu ársfjórðingar í fjør. Prísurin fyri henda vørubólkin hevur seinastu 10 árini í miðal verið lækkandi, og frá 2. ársfjórðingi í fjør til 2. ársfjórðing í ár eru prísirnir tó í miðal hækkaðir nakað, og verður hædd tikin fyri hesum, er mongdin av hesum vørum vaksin 13,3 prosent. Seinastu tølini vísa eisini vaksandi trend. 


Størsti fólkavøkstur báðumegin komandi undirsjóvartunnilin

Ein fólkavøkstur á 768 ella 1,5% er framvegis ein stórur vøkstur, hóast tað er nakað minni enn í undanfarna 12-mánaðarskeiði 2018/19, tá fólkatalið vaks við 919, svarandi til 1,8%. Munurin stendst serliga av, at nettotilflytingin eru nakað minni, sum sæst av talvuni niðanfyri. Hesir síðstu mánaðirnar hava tó verið serstakir, og nógvar umstøður eru munandi broyttar síðani fyrstu koronutilburðirnar her á landi. Tað er ilt at siga, um tað m.a. er hetta sum ger, at ein munur er í gongdini í fólkatalinum í ár, samanborið við í fjør. Í myndini niðanfyri sæst tó, at munurin ikki er so stórur, at tað sæst aftur í trendinum, sum vísir langtíðargongdina í rákinum. ## Flytingin millum Føroyar og útlond Tann mest avgerandi tátturin í gongdini í føroyska fólkatalinum er flytingin millum Føroyar og útlond. Síðstu 6-7 árini hava vit sæð, at støðugt fleiri flyta til Føroya og færri flyta úr Føroyum. Hetta hevur givið eitt stórt og veksandi íkast til fólkavøksturin. Hendan gongdin er tó nakað broytt síðsta árið, tí nú er tilflytingin minkað nakað og fráflytingin vaksin eitt sindur. Síðsta 12-mánaðarskeið er tilflytingin minkað við 120 fólkum (sí talvuna frammanfyri) og fráflytingin vaksin við 23. Íkastið til fólkavøksturin frá nettoflytingini er tí minkað úr 629 fólkum til 486. ## Fødd, deyð og burðaravlop Í mun til 2019 hevur føðitalið verið nakað minni í ár. Samanbera vit síðsta 12-mánaðarskeiðið við tað undanfarna, sæst at føðitalið er minkað úr 696 í 654. Tað eru 42 børn færri. Hinvegin bøtir tað nakað um burðaravlopið, at talið av deyðum eisini er minkað við 34, so burðaravlopið bara minkar við 8. ## Størsti fólkavøkstur er í Eysturoy og Tórshavnarøkinum Verður hugt at fólkavøkstrinum úti um landið, er hann nógv størstur í Eysturoy við 1,9% og í Tórshavnarøkinum við 1,8%. Í Vágum, Streymoyarøkinum uttan fyri høvuðsstaðin og nú eisini í Sandoyarøkinum er ein javnt stórur vøkstur á 1,4%. Í Norðoyggjum er fólkavøksturin 0,7%, ið er knappliga helvtin av miðalvøkstrinum fyri alt landið. Eisini í Suðuroy er ein lítil vøkstur í fólkatalinum við 11 fólkum, svarandi til 0,2%. Í myndini niðanfyri sæst gongdin týðiliga síðstu 7 árini: tað er í miðøkinum - Eysturoy, Tórshavnarøkið og Vágar - har fólkatalið er vaksið skjótast hetta tíðarskeiðið. Síðani koma Streymoyarøkið annars og Norðoyggjar. Sandoyarøkið og Suðuroy hava onki fingið burturav fólkavøkstrinum hesi árini. Seinastu mánaðirnar tykist tó at venda í Sandoyarøkinum til ein munagóðan vøkstur. ## Eysturoy og Tórshavnarøkið taka 76% av øllum fólkavøkstrinum Tað búgva 39% av øllum fólkinum í Føroyum í Tórshavnarøkinum, men vøksturin her var 358 fólk, svarandi til 47% av øllum fólkavøkstrinum í landinum. Í Eysturoy búgva sløk 23% av fólkinum, men vøksturin har á 223 fólk svarar til 29% av fólkavøkstrinum fyri alt landið. Í Norðoyggjum búgva 12% av fólkinum, men teirra partur av fólkavøkstrinum var 6%. ## Ymiska íkastið til fólkavøksturin frá tilflyting og burðaravlopi Avgerandi fyri gongdina í fólkatalinum eru burðaravlopið (munurin millum fødd og deyð) og nettoflytingin (munurin millum tilflyting og fráflyting). Á myndini niðanfyri sæst, at í øllum økjunum í landinum er tað nettoflytingin, sum ger størstan mun í fólkavøkstrinum. Í Sandoyarøkinum er tað nettoflytingin, sum gevur alt íkastið. Roknað eftir íbúgvatalinum er tilflytingin her størri enn í øllum hinum høvuðsøkjunum í landinum. Hinvegin er eitt negativt burðaravlop í Sandoyarøkinum, sum merkir, at tað eru fleiri sum doyggja enn børn ið verða fødd. Í Suðuroy munar tilflytingin nakað, men negativa burðaravlopið ger, at tað er sera lítil fólkavøkstur. ## Kommunurnar Verður hugt at einstøku kommununum er nógv størsti vøkstur í tali í Tórshavnar kommunu við 378 fólkum, svarandi til 1,7%, í Runavíkar kommunu við 87 fólkum (2,1%) og í Klaksvíkar kommunu við 47 fólkum (0,9%). Fólkavøksturin er nógv størri í Eystur kommunu enn í Klaksvíkar, 59 fólk samanborið við 47 og í prosentum er hann tríggjar ferðir størri. Eisini Vága kommuna, ið hevur væl minni fólkatal enn helvtin av Klaksvíkar, og Nes kommuna við einum fjórðingi av fólkatalinum í Klaksvíkar, er fólkavøksturin í tali áleið tann sami men í prosentum 2-3 ferðir so stórur. Av miðalstóru kommununum er stórur vøkstur í Sjóvar kommunu, eitt sindur minni í Vágs og Sunda kommunum.   Av smærri kommunum er stórur vøkstur í Eiðis (við 3,2%) og Kvívíkar (við 4,9%).   Av minstu kommununum er vøkstur í Viðareiðis, Skopunar, Sands, Skálavíkar og Fámjins. Hinvegin so minkar í Hvannasunds, Kunoyar, Fuglafjarðar, Vestmanna, Hvalbiar, Porkeris og Sumbiar kommunum. ## Oyggjarnar Eisini útoyggjar fáa ein part av fólkavøkstrinum uttan Hestoy, ið er minkað niður í 18 fólk, og Koltur, har eingin býr longur sambært landsfólkaskránni. 13 eru komin aftrat í Nólsoy, 1 í Fugloy, 2 í Skúvoy og 1 fólk í Mykinesi. Óbroytt er í Stóru Dímun við 10 fólkum. 


26.900 løntakarar í september - 1% fleiri enn í fjør

Í september vóru knappliga 26.900 løntakarar í Føroyum. Tað eru góðir 250 fleiri enn fyri einum ári síðani ella ein vøkstur á 1%. Gongdin, sum er lýst við trendinum, vísir, at hóast tað enn leggjast løntakarar afturat løntakaraskaranum, so veksur løntakaratalið munandi spakuligari enn tað hevur gjørt. Serliga hetta seinasta árið hevur ferðin ikki verið tann sama. Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali og sterku strikurnar vísa gongdina ella trendin fyri kynini. Í september vóru um 13.850 menn og 13.050 kvinnur í løntakaraskaranum. Hjá monnum vaks løntakaratalið 1,3% og hjá kvinnum 0,6% í mun til septembermánað í fjør. Hóast vøkstur, so er løntakaratalið hjá bæði monnum og kvinnum ikki vaksið við somu ferð \- serliga hjá monnum hevur vøksturin verið avtakandi seinastu mánaðirnar. Myndirnar niðanfyri vísa løntakaratalið og gongdina í teimum fýra høvuðsvinnugreinunum. Kámu strikurnar vísa løntakararnar í tali og sterku strikurnar vísa trendin fyri vinnugreinabólkarnar. Samanborið við septembermánað í fjør er løntakaratalið vaksið 1,9% í "almennari o.a. tænastu" og 3,5% i "fiskivinnu o.a. tilfeingisvinnu", meðan løntakaratalið er minkað 0,1% í "byggivinnu o.a. tilvirking" og 0,7% í "privatu tænastuvinnum". Seinasta árið hevur lítil og eingin vøkstur verið í løntakaratalinum í privatu tænastuvinnunum. Tað eru góð tvey ár síðani, at ferðin í vøkstrinum fór at minka í privatu tænastuvinnunum. 


Prísurin á brenniolju veksur og bíligari er at gista

 Brúkaraprístalið er sett saman av 12 vøru- og tænastubólkum. Tað er ymiskt hvussu stóra ávirkan vørurnar og tænasturnar hava á brúkaraprístalið. Býtið av nýtsluni hjá brúkaranum er avgerandi fyri hvussu nógv vørurnar og tænasturnar ávirka prístalið. Av hesum 12 vøru og tænastubólkunum, eru prísir innan býli, samskifti, hotel og matveitarar og heilsu minkaðir hetta seinasta árið, meðan millum annað prísir á klæðum og fótbúnaði eru øktir. Í uppgerðini fyri annan ársfjórðing sást týðiliga ávirkanin, ið stóra minkingin í altjóða oljuprísinum hevði á prísin á brenniolju til húsarhald. Brenniolja er lutfalsliga stórur partur av samlaðu nýtsluni hjá einum miðal føroyskum húsarhaldi og hevur tí eisini lutfalsliga stóra ávirkan á brúkaraprístalið. Lutfalsliga stóra prísfallið førdi við sær, at árliga broytingin í samlaða brúkaraprístalinum var í minus í Føroyum eins og aðrastaðni. Nú triði ársfjórðingur er gjørdur upp sæst, at prísurin á brenniolju til húsarhald aftur er øktur, men er framvegis væl lægri í mun til fyri einum ári síðan. Hesin prísvøksturin á brenniolju til húsarhald er samstundis høvuðsorsøkin til, at árliga broytingin í samlaða brúkaraprístalinum er vend til vøkstur. Korona-farsóttin hevur havt stóra neiliga ávirkan á ferðavinnuna í heiminum og uppgerðin fyri triðja ársfjórðing vísir millum annað, at prísir á gisting eru lækkaðar munandi. Í Føroyum er prísurin á gisting í miðal minkaður við 35 prosentum eftir einum ári, meðan minkingin er 14 og 22 prosent ávikavist í Íslandi og Danmark. Av tí at gisting á gistingarhúsum er lutfalsliga lítil partur av húsarhaldsnýtsluni, so hevur henda prísminkingin tó minni týdning í samlaða brúkaraprístalinum enn til dømis brennioljan hevur. Myndin niðanfyri vísir, hvussu stóra ávirkan prísbroytingar innan ymsu vøru- og tænastubólkarnar hava á samlaða brúkaraprístalið, tá hædd verður tikin fyri, hvussu nógv vit keypa av ymsu vørunum og tænastunum. Uppgerðin fyri annan ársfjórðing vísti árliga minking í samlaða brúkaraprístalinum á 0,1 prosent og til uppgerðina fyri triðja ársfjórðing er árliga broytingin í samlaða prístalinum vaksið 0,2 prosent. Til hesa uppgerðina er tað eins og seinast serliga tann lági oljuprísurin, ið dregur árligu broytingina í brúkaraprístalinum niður, meðan príshækkingar eru á øðrum gerandisvørum, til dømis á mati og klædnavørum. 


Innflutt fyri 5,2 mia. higartil í ár

Innflutningurin av brennievni er minkaður 200 mió. kr. Hetta kemst av minking í oljuprísinum, tí nøgdin er vaksin eitt sindur. Tað, sum verður innflutt til beinleiðis húsarhaldsnýtslu, er vaksið útvið 100 mió. kr. Her er tað serliga drúgvar og hálvdrúgvar nýtsluvørur so sum innbúgv, hvítvørur o.l., sum meiri er innflutt av. Eisini er meira keypt av rávøru til fiskavirking. 280 mió. kr. í ár í mun til 140 mió. kr. í fjør. 


Útflutningurin minkaður 7 % higartil í ár

Útflutningurin minkaði næstan 400 mió. kr. fyrstu 8 mánaðirnar í ár samanborið við somu tíð í fjør. Hetta er ein minking á 7%. Laksur og toskur fylla mest í útflutninginum og tað er eisini har størsta minkingin er. Tað er útflutt fyri 200 mió. kr. minni av laksi, ein minking á 9% og fyri 150 mió. kr. minni av toski. Har er minkingin 19%. Í nøgd er eisini minking í útflutninginum av toski og laksi, men samlaði útflutningurin er vaksin í nøgd. Tað er meiri útflutt av uppsjóvarsløgunum, makreli, sild og svartkjafti. Her er vøksturin 6-7% tilsamans. Í virði er eisini meira útflutt av makreli og sild, meðan virðið av svartkjaftinum er minni enn í fjør. Vegna seinkingar í skrásetingunum av útflutningi, serliga í samband við at føroysk skip landa uttanlands, so eru rættingar gjørdar aftur til mars-mánað, so útflutningurin er nakað hægri nú samanborið við tølini, sum áður eru kunngjørd. Helst koma nakrar skrásetingar aftrat, áðrenn tølini verða endaliga uppgjørd. 


Arbeiðsloysið 1,5% í august

Myndin niðanfyri vísir arbeiðsloysið og gongdina í arbeiðsloysinum. Káma strikan vísir arbeiðsloysisprosentið og sterka strikan vísir gongdina ella trendin. Arbeiðsloysið var 1,5% í august, sum svarar til 454 fulltíðararbeiðsleys. Arbeiðsloysið var til samanberingar 1,1% í august í fjør. Myndin niðanfyri vísir arbeiðsloysið fyri bæði kyn. Kámu strikurnar vísa arbeiðsloysisprosentið og sterku strikurnar vísa gongdina ella trendin fyri kynini. Í august var arbeiðsloysið 1,3% hjá monnum og 1,9% hjá kvinnum. Sama mánað í 2019 var tað 1,1% hjá monnum og 1,4% hjá kvinnum. Myndin niðanfyri vísir arbeiðsloysi eftir øki. Í flestu økjum er arbeiðsloysið millum 1-2%, men í Suðuroy eitt sindur hægri. Í Suðuroy er arbeiðsloysið minkað munandi frá juli til august, úr 6,4% niður í 3,4%. Myndin niðanfyri vísir, hvussu leingi fólk hava verið arbeiðsleys. Í august hevði góður helmingur av teim arbeiðsleysu verið arbeiðsleys styttri enn 3 mánaðir. Knøpp 10% høvdu verið langtíðararbeiðsleys, tað vil siga meira enn 1 


Gistingarhúsini mistu 11% frá føroyingum, 22% frá dønum og 75% frá øðrum útlendingum

Eftir bústaðarlandi var minsta minkingin hjá fólki, búsitandi í Føroyum, við 11%. Síðani vóru gistingarnar hjá fólki, búsitandi í Danmark, 22% færri enn sama tíðarskeið í fjør. Størsta minkingin var hjá fólka, búsitandi í øðrum londum. Aftast í hesi grein er lýst, hvat er ein gistinátt og hvat er ein innskriving. Viðmerkjast skal eisini, at her umrøða vit bert gistingar í gistingarhúsum, tí at skrásetingarnar í øðrum gistiháttum, so sum ból og biti, hús, íbúð og kamping, ikki eru nóg fullfíggjaðar og tí kunnu geva eina skeiklaða mynd av heildargongdini. Í hagtalsgrunninum eru tó allar skrásettu gistingarnar at finna, útgreinaðar á ymisku gistingarhættirnar. Tað er eisini týdningarmikið at hava í huga, at hendan uppgerðin av gistingarhagtølum fevnir ikki um 'airbnb', tí Hagstovan hevur ikki atgongd til upplýsingar um gistingar av hesum slag. Verður hugt eftir býtinum millum og útlendingar, so fækka gistingarnar hjá útlendingum úr sløkum 117-túsund til stívliga 51-túsund - ein minking á 55%. Hjá føroyingum fækka gistingarnar úr sløkum 23-túsund til góðar 20-túsund. ## Í vár bóltaðu gistingarnar niðureftir, men eru batnaðar síðani juli Myndirnar niðanfyri vísa mánaðarliga mynstrið bæði í gistingum og í innskrivingum. Her er sera sjónligt, hvussu stórt fallið var serliga í apríl, mai og juni. Men í juli er talið av gistingum eins og av innskrivingum komið nakað uppaftur og er á áleið sama støði sum fyri 5-6 árum síðani.> ## Nógv flestu gistingar hjá fólki úr Danmark Fólk, sum eru búsitandi í Danmark, eiga nógv størsta partin av gistingunum hesar níggju mánaðirnar í ár, heili 46%. Í fjør var teirra partur 31%. Síðani vóru næstflestu gistingarnar hjá føroyingum sjálvum við 28%, meðan teirra partur í fjør var 16%. Hinvegin er parturin hjá teimum, ið koma úr øðrum londum nú bert 26%, meðan hann var 53% sama tíðarskeið í fjør. ## Serliga stór minking úr Noregi, Bretlandi, Norðuramerika og Svøríki Hetta sæst eisini týðiliga í talvuni niðanfyri, har gistingarnar eru býttar eftir einstøkum londum, har ferðafólkini búgva. Meðan gistingarnar sum heild eru fækkaðar við 48%, er minkingin væl minni hjá fólki úr Føroyum við 11% og úr Danmark við 22%. Verða øll onnur lond tikin saman, var minkingin 75%. Serliga stór var minkingin hjá fólki úr Noregi við 79%, Bretlandi við 78%, Svøríki við 84% og Norðuramerika við 85%. ## Í miðal gista ferðafólk úr útlondum tríggjar nætur, føroyingar gott hálvaaðru Út frá upplýsingum um tal av gistingarnáttum og innskrivingum ber til at rokna eitt miðaltal fyri, hvussu nógvar nætur hvør persónur gistir. Hetta sæst í myndini niðanfyri, har gistingarlongdin hjá føroyingum og hjá útlendingum er gjørd upp hvør fyri seg (føroyingur er ein, sum er búsitandi í Føroyum, og útlendingur ein, sum er búsitandi uttanlands). Her verður roknað við gistingarlongd á sama gistingarstað og ikki roknað við, at somu persónar kunnu gista á ymiskum gistingarplássum á somu ferð. 


Fólkavøksturin kemur ikki bara teim stóru men eisini teim smáu kommununum til góðar

Ein fólkavøkstur á 827 ella 1,6% er bara eitt vet minni minni enn í undanfarna 12-mánaðarskeiðinum 2018/19, tá fólkatalið vaks við 860, svarandi til 1,7%. Munurin stendst av, at nettotilflytingin er nakað minni, sum sæst av talvuni niðanfyri. Hetta árið hevur verið serstakt, og nógvar umstøður eru munandi broyttar, síðani fyrstu koronutilburðirnar her á landi í vár. Tó er ilt at siga, um tað er nøkur avgerandi broyting í gongdini í fólkatalinum. Hóast nettotilflytingin er minkað nakað, er munurin tó ikki so stórur, at tað sæst aftur í trendinum, sum vísir langtíðargongdina í rákinum. ## Flytingin millum Føroyar og útlond Tann mest avgerandi tátturin í gongdini í føroyska fólkatalinum er flytingin millum Føroyar og útlond. Síðstu 6-7 árini hava vit sæð, at støðugt fleiri flyta til Føroya og færri flyta úr Føroyum. Hetta hevur givið eitt stórt og vaksandi íkast til fólkavøksturin. Hendan gongdin er broytt nakað síðsta árið. Tilflytingin er framvegis stór, men økist ikki longur, heldur minkar eitt lítið sindur. Fráflytingin heldur tó enn fram við at minka sum árini frammanundan. ## Framhaldandi stórt burðaravlop Í mun til 2019 hevur føðitalið verið nakað tað sama í ár. Samanbera vit síðsta 12-mánaðarskeiðið við tað undanfarna, sæst at føðitalið er minkað nakað úr 683 í 664. Tað eru 19 børn færri. Hinvegin minkar talið av deyðum við 31, so úrslitið av hesum, burðaravlopið, veksur úr 282 upp í 294. Tá burðaravlopið var upp á tað minsta fyri 8-9 árum síðani, var tað umleið 200 og er vaksið spakuliga síðani. ## Størsti fólkavøkstur í Eysturoy, Streymoyar- og Sandoyarøkinum Verður hugt at fólkavøkstrinum úti um landið, er hann størstur í Eysturoy og Tórshavnarøkinum við 2% hvør, í Streymoyarøkinum uttan fyri høvuðsstaðin við 1,8 og í Sandoyarøkinum við 1,7%. Hinvegin er vøksturin í Norðoyggjum 0,8% ella hálvt so stórur sum miðal fyri alt landið. Í Vágaøkinum og í Suðuroy er vøksturin ávikavist 0,4 og 0,3%. Í myndini niðanfyri sæst gongdin týðiliga síðstu 7 árini: tað er í miðøkinum - Eysturoy, Tórshavnarøkið og Vágar - har fólkatalið er vaksið skjótast hetta tíðarskeiðið, hóast ferðin er minkað í Vágum seinastu mánaðirnar. Síðani koma Streymoyarøkið annars og Norðoyggjar. Sandoyarøkið og Suðuroy hava onki fingið burtur úr fólkavøkstrinum hesi árini, men tó tykist nú at venda til ein stóran vøkstur í Sandoyarøkinum, og eisini er nú ein lítil vøkstur í Suðuroy. ## Eysturoy og Tórshavnarøkið taka 77% av øllum fólkavøkstrinum Tað búgva 39% av øllum fólkinum í Føroyum í Tórshavnarøkinum, men vøksturin her var 403 fólk, svarandi til 49% av øllum fólkavøkstrinum í landinum. Í Eysturoy búgva sløk 23% av fólkinum í Føroyum, men vøksturin har á 237 fólk svarar til 29% av fólkavøkstrinum fyri alt landið. Í Norðoyggjum búgva 12% av fólkinum, men teirra partur av fólkavøkstrinum var gott 6%. ## Ymiska íkastið til fólkavøksturin frá tilflyting og burðaravlopi Avgerandi fyri gongdina í fólkatalinum eru burðaravlopið (munurin millum fødd og deyð) og nettoflytingin (munurin millum tilflyting og fráflyting). Á myndini niðanfyri sæst, at í øllum økjunum í landinum uttan í Vágum er tað nettoflytingin, sum ger størstan mun í fólkavøkstrinum. Men her sæst eisini týðiliga, at í Sandoyar og serliga í Suðuroy sýslu er tað eitt negativt burðaravlop, ið minkar um fólkavøksturin. ## Kommunurnar: vøkstur í bæði teim stóru og teim smáu Verður hugt at einstøku kommununum er nógv størsti vøkstur í tali í teim størstu kommununum:   * Tórshavnar kommuna vaks við 425 fólkum, svarandi til 1,9%,    * Runavíkar kommuna vaks við 82 fólkum, svarandi til 2,0%,    * Eystur kommuna vaks við 64 fólkum, svarandi til 3,0%,   * Klaksvíkar kommuna vaks við 60 fólkum, svarandi til 1,1%. Av miðalstóru kommununum er stórur vøkstur í Nes (3,4%), Sjóvar (2,2%) og Vágs kommunu (1,7%). Ein minni vøkstur er í Sunda, Vestmanna og Fuglafjarðar kommunum, meðan tað minkar í Sørvágs kommunu. Av smærri kommunum er stórur vøkstur í Kvívíkar (5,6%), Eiðis (3,6%), Skopunar (2,7%) og Sands kommunum (1,9%) . Meðan tað minkar í Hvannasunds, Hvalbiar, Porkeris og Sumbiar kommunum.   Av minstu kommununum er vøkstur í Fámjins, Skúvoyar og Fugloyar kommunum, men tað minkar í Skálavíkar, Húsavíkar og Hovs kommunum. ## Oyggjarnar: eisini vøkstur í nøkrum útoyggjum Eisini útoyggjar fáa ein part av fólkavøkstrinum uttan Hestoy, ið er minkað niður í 18 fólk, Svínoy minkar við einum, og í Koltri býr ongin longur. Hinvegin eru 13 komin aftrat í Nólsoy, 3 í Skúvoy, 2 í Fugloy og 1 í Mykinesi. Óbroytt er í Stóru Dímun við 10 fólkum. 


27.200 løntakarar í oktober - 0,3% fleiri enn í fjør

Gongdin, sum er lýst við trendinum, vísir, at hóast tað enn leggjast løntakarar afturat løntakaraskaranum, so veksur løntakaratalið munandi spakuligari enn tað hevur gjørt. Serliga hetta seinasta árið hevur ferðin ikki verið tann sama. Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali og sterku strikurnar vísa gongdina ella trendin fyri kynini. Í oktober vóru 14.030 menn í løntakaraskaranum og tað eru 22 færri enn sama mánað í fjør. Kvinnurnar vóru 13.154 í tali, ella góðar 100 fleiri enn í fjør. Hóast vøkstur, so er løntakaratalið hjá bæði monnum og kvinnum ikki vaksið við somu ferð \- serliga hjá monnum hevur vøksturin verið avtakandi seinastu mánaðirnar. Myndirnar niðanfyri vísa løntakaratalið og gongdina í teimum fýra høvuðsvinnugreinunum. Kámu strikurnar vísa løntakararnar í tali og sterku strikurnar vísa trendin fyri vinnugreinabólkarnar. Samanborið við oktobermánað í fjør er løntakaratalið vaksið 1,2% í "almennari o.a. tænastu" og 1,5% i "fiskivinnu o.a. tilfeingisvinnu", meðan løntakaratalið er minkað 0,9% í "byggivinnu o.a. tilvirking" og 0,7% í "privatum tænastuvinnum". Seinasta árið hevur lítil og eingin vøkstur verið í løntakaratalinum í privatu tænastuvinnunum. Tað eru góð tvey ár síðani, at ferðin í vøkstrinum fór at minka í privatu tænastuvinnunum. 


865 milliónir í lønum í oktober - stígur komin í

Útgoldnu lønirnar og gongdin í lønargjaldingunum eru lýstar á myndini niðanfyri. Trendurin vísir, at vøksturin í lønargjaldingunum er steðgaður upp. Myndin niðanfyri vísir lønargjaldingarnar fyri bæði kyn. Kámu strikurnar vísa útgoldnu lønirnar og sterku strikurnar vísa gongdina ella trendin fyri bæði kynini. Hjá bæði kvinnum og monnum vaksa lønarútgjaldingarnar ikki longur . Myndin niðanfyri vísir lønargjaldingarnar í teimum fýra høvuðsvinnugreinunum. Kámu strikurnar vísa lønargjaldingarnar, og sterku strikurnar vísa trendin fyri vinnugreinarnar. Meðan lítil vøkstur framvegis hómast í 'almennari o.a. tænastu' og 'privatu tænastuvinnum', er vøksturin steðgaður upp í 'byggivinnu og aðrari tilvirking' og 'fiskivinnu o.a. tilvirking'. 


Meira útflutt av makreli

Útflutningurin av laksi er minkaður 11% i nøgd og 10% í virði og av toski er nøgdin minkað 25% og virði 22% Fyri makrel síggja vit vøkstur í útflutninginum, 26% í nøgd og 16% í virði. 


Innflutt fyri 200 mió. kr. minni í brennievni

Innflutningurin av brennievni er minkaður 200 mió. kr. Hetta kemst av minking í oljuprísinum, tí nøgdin er vaksin eitt sindur. Vit hava eisini brúkt 93 mió. kr. minni upp á skip higartil í ár. Tað er meira innflutt av rávøru til fiskavirking og eisini av vørum, sum fara til beinleiðis húsarhaldsnýtslu. 


Er føroyska arbeiðsfjøldin enn millum tær størstu í Evropa?

Í 2019 vóru 31.667 fólk í føroysku arbeiðsfjøldini ella 85,4% av øllum búsitandi í Føroyum, sum vóru millum 15 og 74 ár. Tølini fyri 2019 vísa, at vinnutíttleikin í Føroyum er tann størsti í Evropa, við Íslandi næst aftanfyri. Arbeiðsfjøldin telur, hvussu nógv fólk kunnu veita arbeiðsmegi av teimum, ið eru millum 15-74 ár og búsitandi í Føroyum. Ein partur av grundarlagnum undir hagtølunum eru viðtalskanningar umvegis telefon, og á hvørjum ári verða á leið 1.200 fólk uppringd, ung sum eldri. Gallup Føroyar ger viðtalurnar fyri Hagstovu Føroya. Arbeiðsfjøldarhagtølini eru gjørd í samsvari við ásetingum frá altjóða arbeiðsstovninum ILO undir ST. Hetta tryggjar, at føroysku hagtølini kunnu samanberast beinleiðis við samsvarandi hagtøl úr øðrum londum. Tú kanst lesa meira um kanningina her. 


Næstan 5.000 færri gistingar í oktober, men føroyingar gista meira

Koronufarsóttin ávirkar framvegis føroysku gistingarhúsini. Gott 4.800 færri gistinætur vóru á gistingarhúsunum í oktober í ár í mun til sama mánað í fjør. Sum tað sæst á myndini niðanfyri, er tað uttan fyri Tórshavnarøkið, at talið av gistináttum er minkað lutfalsliga . Talið av gistináttum hjá dønum er minkað 10% og hjá fólkum úr øðrum londum eru tær minkaðar tríggjar fjórðingar. Gistinæturnar hjá føroyingum eru hinvegin vaksnar ein góðan fjórðing. Innskrivingarnar vísa talið av ferðafólkum á gistingarhúsunum, óansæð hvussu leingi tey gista. Tó at donsku ferðafólkini eru færri í tali (-19%), gistu tey í miðal longri á gistingarhúsunum. Í oktober í fjør vóru danir 2,7 dagar í miðal á gistingarhúsunum, meðan í oktober í ár vóru teir í miðal 3 dagar. Føroysku ferðafólkini eru hinvegin fleiri í tali (40%) enn sama mánað í fjør, men í miðal vóru tey styttri tíðarskeið á gistingarhúsinum. Í oktober í fjør gistu tey 1,7 dagar í miðal, meðan í ár vóru tey 1,6 dag. 


Væl minni av toski avreiddur í ár

Nøgdin er fallin úr 17 túsund tonsum niður í 8,5 túsund tons, sum er ein minking á 50%. Hýsan er minkað ein fimting, meðan um 18%  meira av upsa er avreiddur í ár. Avreiðingarnøgdin tilsamans er minkað nakað í ár í mun til í fjør. Avreiðingarvirðið er minkað ein fimting. Fyri tosk er virðið fallið yvir helvtina og fyri hýsu ein góðan fjórðing í mun til sama tíðarskeið í fjør.   Avreiðingarnøgdin av uppsjóvarfiski veiddur á øllum økjum er tilsamans nakað tann sama sum í fjør. Av svartkjafti er minkingin áleið 9%. Nøgdin av sild er áleið tann sama sum í fjør. Væl meira av makreli er avreiddur higartil í ár í mun til í fjør, smá 17 túsund tons svarandi til ein góðan triðing. Skipini hava higartil í ár fingið áleið tað sama fyri uppsjóvarfiskin í ár í mun til sama tíðarskeið í fjør - avreiðingarvirðið er økt góð 2%. 


Arbeiðsloysið 1,4% í september

Myndin niðanfyri vísir arbeiðsloysið og gongdina í arbeiðsloysinum. Káma strikan vísir arbeiðsloysisprosentið og sterka strikan vísir gongdina ella trendin í arbeiðsloysinum. Arbeiðsloysið var 1,4% í september. Tað svarar til 403 fulltíðararbeiðsleys. Arbeiðsloysið var til samanberingar 0,9% í september í fjør. Í september var arbeiðsloysið 1,2% hjá monnum og 1,6% hjá kvinnum. Sama mánað í 2019 var tað 0,7% hjá monnum og 1,1% hjá kvinnum. Landakortið vísir arbeiðsloysið eftir øki. Í Suðuroy er arbeiðsloysið minkað munandi síðani mai, tá arbeiðsloysið var 6,4%. Í september var arbeiðloysið í Suðuroy í 2,1%. Myndin niðanfyri vísir, hvussu leingi fólk hava verið arbeiðsleys. Í september hevði góður helmingur av teim arbeiðsleysu verið arbeiðsleys styttri enn 3 mánaðir. Góð 10% høvdu verið langtíðararbeiðsleys, tað vil siga meira enn 1 


Fleiri ársverk í sjúkrahúsverkinum

Tað eru 78 fleiri enn fimm ár frammanundan. Á Landssjúkrahúsinum vóru tey 56 fleiri, svarandi til 7%, á Klaksvíkar sjúkrahúsi 9 fleiri, svarandi til 8% og á Suðuroyar sjúkrahúsi 14 fleiri, svarandi til 13%. Hetta vísir nýggja uppgerðin yvir starvsfólkini í sjúkrahúsverkinum. 77% av ársverkunum eru á Landssjúkrahúsinum, 12% á Klaksvíkar sjúkrahúsi og 11% á Suðuroyar sjúkrahúsi. Hetta er sama býti sum fimm ár frammanundan. Verða starvsfólk bólkað í einans fýra høvuðsbólkar, eru nógv tey flestu sjúkrarøktarfrøðingar (íroknað radiografar) við 38%, læknarnir eru 11%, onnur heilsustarvsfólk eru 16% og síðani onnur ikki-heilsufaklig starvsfólk 36%. Býtið millum ymisku starvsfólkabólkarnar er útgreinað í 15 bólkar og sæst á myndini niðanfyri. Her sæst aftur, at sáttmálaøkið hjá Sjúkrarøktarfrøðingafelagnum er nógv tað størsta. Eisini sæst, at meðan vøkstur er í flestøllum sáttmálaøkjum, so er lítil minking hjá arbeiðara- og arbeiðskvinnufeløgunum, og ein stór minking hjá Almanna- og Heilsurøktarafelagnum og Psykiatrifelagnum. Viðvíkjandi flestu sáttmálaøkjum skilst beinleiðis hvat starvsøkini fevna um, uttan hjá nøkrum fáum.   M.a. eru tey flestu á sáttmálaøkinum hjá Starvsmannafelagnum læknaskrivarar, móttøka, skrivstovufólk og KT-fólk, umframt tey í sjúkraflutningstænastuni.   Tey í arbeiðskvinnu- og arbeiðarafeløgunum starvast við reingerð, vaskarí umframt nakrar arbeiðsmenn.   Tey í akademikara-, búskapar- og løgfrøðinga- og tænastumannafeløgunum eru leiðarar, fulltrúar og sálarfrøðingar. Sum talvan vísir, er størsti vøksturin í starvsfólkum, roknað í ársverkum, hjá læknum við 13%.  Á Landssjúkrahúsinum er størsti vøkstur hjá læknum og sjúkrarøktarfrøðingum og radiografum. Á Klaksvíkar sjúkrahúsi er størsti vøksturin í bólkinum "onnur heilsustarvsfólk". Størsti prosentvøksturin er á Suðuroyar sjúkrahúsi við 13,2%. Stórur vøkstur er bæði í bólkinum 'sjúkrarøktarfrøðingar og radiografar' og 'onnur heilsustarvsfólk'. 


860 milliónir í november - stígur í lønargjaldingunum

Útgoldnu lønirnar og gongdin í lønargjaldingunum eru lýstar á myndini niðanfyri. Trendurin vísir, at vøksturin í lønargjaldingunum er steðgaður upp. Myndin niðanfyri vísir lønargjaldingarnar fyri bæði kyn. Kámu strikurnar vísa útgoldnu lønirnar, og sterku strikurnar vísa gongdina ella trendin fyri bæði kynini. Hjá bæði kvinnum og monnum vaksa lønarútgjaldingarnar ikki longur. Myndin niðanfyri vísir lønargjaldingarnar í teimum fýra høvuðsvinnugreinunum. Kámu strikurnar vísa lønargjaldingarnar, og sterku strikurnar vísa trendin fyri vinnugreinarnar. Meðan vøkstur framvegis hómast í 'almennari o.a. tænastu' og 'privatu tænastuvinnunum', er vøksturin steðgaður upp í 'byggivinnu og aðrari tilvirking' og 'fiskivinnu o.a. tilvirking'. Í talvuni niðanfyri eru lønargjaldingarnar frá januar til november í ár taldar saman og samanbornar við sama tíðarskeið í fjør. Hóast trendurin vísir, at vøksturin nú er steðgaður upp, eru lønargjaldingarnar vaksnar 1,8% hetta tíðarskeiðið. Í 'fiskivinnu o.a. tilfeingisvinnu' eru lønargjaldingarnar hinvegin minkaðar 1,8%. Í 'byggivinnu o.a. tilvirking' er vøksturin 5,9%. Í 'privatu tænastuvinnunum' eru lønargjaldingarnar minkaðar 0,6%, meðan í 'almennari o.a. tænastu' eru lønargjaldingarnar vaksnar 4,3%. 


Innflutningur til beinleiðis húsarhaldsnýtslu er vaksin 8%

Tað er serliga innflutningurin av brennievni, sum ávirkar. Vit hava innflutt fyri 300 mió. kr. minni í ár. Hetta kemst av minking í oljuprísinum, tí innflutta nøgdin er vaksin. Tað, sum vit rokna sum innflutt til beinleiðis húsarhaldsnýtslu, er vaksið 8% í ár. Tað eru drúgvar og hálvdrúgvar nýtsluvørur, sum hava størsta vøksturin, meðan tað er ein lítil minking í innflutninginum av klædnavørum og fótbúnaði. 


Útflutningurin minkaður 850 mió. kr.

Laksaútflutningurin er minkaður útvið hálva mia. kr. og útflutningurin av toski er minkaður kvarta mia. Vit hava útflutt meiri av makreli og svartkjafti. Í nøgd er vøksturin 18 og 15%, meðan virðið er vaksið 7% og 1%. 


Arbeiðsloysið 1,3% í oktober

Myndin niðanfyri vísir arbeiðsloysið og gongdina í arbeiðsloysinum. Káma strikan vísir arbeiðsloysisprosentið og sterka strikan vísir gongdina ella trendin í arbeiðsloysinum. Arbeiðsloysið var 1,3% í oktober. Tað svarar til 393 fulltíðararbeiðsleys. Arbeiðsloysið var til samanberingar 0,9% sama mánað í fjør. Í oktober var arbeiðsloysið 1,2% hjá monnum og 1,5% hjá kvinnum. Sama mánað í 2019 var tað 0,8% hjá monnum og 0,9% hjá kvinnum. Landakortið vísir arbeiðsloysið eftir øki. Í oktober var arbeiðsloysi hægst í Vágum við 2,1% og lægst í Norðoyggjum við 0,7%. Myndin niðanfyri vísir, hvussu leingi fólk hava verið arbeiðsleys. Í oktober vóru 12,5% langtíðararbeiðsleys, tað vil siga tey høvdu verið arbeiðeiðsleys í meira enn 1 ár. Sama mánað í fjør vóru 15,9% langtíðararbeiðsleys. 


Sølan av mati og húsbúnaði vaksin 15 prosent

Føroysku húsarhaldini hava keypt munandi meiri av vanligum gerandisvørum í øðrum og triðja ársfjórðingi í fjør, samanborið við somu ársfjórðingarnar í 2019. Tekin eru harvið um, at nýtslumøguleikin og keypihugurin ikki hava latið seg ávirka neiliga í tíðini við koronu - heldur hinvegin hava handlar innan smásølu havt úr at gera. images/210106%20Sm%C3%A1s%C3%B8luv%C3%ADsitali%C3%B0%20-%20M1.png) Fyri vørubólkin 'mat og alkoholfríar drykkjuvørur' hevur vøksturin í umsetningi verið óvanliga stórur tríggjar teir fyrstu ársfjórðingarnar í fjør, samanborið við somu ársfjórðingar árið fyri. Prísir á mati og alkoholfríum drykkjuvørum eru í miðal øktir 1,6% frá 3. ársfjórðingi í 2019 til 3. ársfjórðing í fjør. Verður hædd tikin fyri hesum, er mongdin av seldum mati og drykkjuvørum økt 13%. images/210106%20Sm%C3%A1s%C3%B8luv%C3%ADsitali%C3%B0%20-%20M2.png) Samanborin við 'mat og drykkjuvørur', hevur vøksturin í sølu av 'klædnavørum og fótbúnaði' ikki verið eins stórur í tíðini við koronu. Fyri hendan vørubólkin var umsetningurin í 3. ársfjórðingi í fjør 6% størri í mun 3. ársfjórðing í 2019. Prísurin á 'klæðum og fótbúnaði' vaks 5% frá 3. ársfjórðingi í 2019 til 3. ársfjórðing í fjør. Um hædd verður tikin fyri hesum prísvøkstri, var mongdin av seldum 'klæðum og fótbúnaði' nærum tann sama í árligu samanberingini. images/210106%20Sm%C3%A1s%C3%B8luv%C3%ADsitali%C3%B0%20-%20M3.png) Fyri vørubólkin 'húsbúnað og húsarhaldsútgerð' var umsetningurin í 3. ársfjórðingi í fjør so nógv sum 15% størri í mun til 3. ársfjórðing í 2019. Allur hesin vøksturin stendst av vøkstri í seldum mongdum, tí prísurin á hesum vørum var mest sum óbroyttur hetta tíðarskeiðið. 


Fólkatalið farið at økjast í Sandoy - og í Suðuroy

Fólkavøksturin er ikki viknaður síðsta árið. Ein fólkavøkstur á 847 ella góð 1,6% er á leið tað sama og enn tá eitt vet størri enn í undanfarna 12-mánaðarskeiðinum 2018/19, tá fólkatalið vaks við 816, svarandi til knappliga 1,6%. Munurin stendst serliga av, at burðaravlopið er nakað størri, sum sæst av talvuni niðanfyri. Tíðin hevur verið serstøk og nógvar umstøður eru munandi broyttar, síðani fyrstu koronutilburðirnar her á landi síðsta vár. Tó er ilt at siga, um tað er nøkur broyting í gongdini í fólkatalinum. Hóast nettotilflytingin er minkað eitt vet, er munurin ikki er so stórur, at tað sæst aftur í trendinum, sum vísir rákið ella langtíðargongdina í fólkavøkstrinum. ## Flytingin millum Føroyar og útlond Tann mest avgerandi tátturin í gongdini í føroyska fólkatalinum er flytingin millum Føroyar og útlond. Síðstu 7 árini hava vit sæð, at støðugt fleiri flyta til Føroya og færri flyta úr Føroyum. Hetta hevur givið eitt stórt og veksandi íkast til fólkavøksturin. Hendan gongdin er broytt nakað síðsta árið. Tilflytingin er framvegis stór men økist ikki longur, heldur minkar eitt lítið sindur. Fráflytingin heldur tó enn fram við at minka sum árini frammanundan. ## Stórt burðaravlop - serliga tí deyðatalið er minkað Í mun til 2019 hevur føðitalið verið nakað tað sama í ár. Samanbera vit síðsta 12-mánaðarskeiðið við tað undanfarna, sæst at føðitalið er vaksið við 2 til 679. Hinvegin minkar talið av deyðum við 33, so úrslitið av hesum, burðaravlopið, veksur við 35 upp í 307. Tá burðaravlopið var upp á tað minsta fyri 9 árum síðani, var tað knappliga 200 og er vaksið spakuliga síðani. Vit skulu aftur til 2004 fyri at finna eitt burðaravlop oman fyri 300. ## Størsti fólkavøkstur í Eysturoy, Tórshavnar- og Sandoyarøkinum Verður hugt at fólkavøkstrinum úti um landið (sí talvuna niðanfyri), er hann í tali størstur í Eysturoy og Tórshavnarøkinum. Men lutfalsliga er hann størstur í Sandoyarøkinum við 2,8%, samanborið við 2,0% í Eysturoy og 1,8% í Tórshavnarøkinum. Tað sum ger stóru broytingina fyri Sandoyarøkið, er serliga ein stór innlendis tilflyting á netto 25 fólk og haraftrat 9 netto úr útlondum. Í Norðoyggjum er vøksturin 1,4% - og tað er hann eisini í Suðuroy, hóast Norðoyggjar hava eitt burðaravlop á +38 og Suðuroy á -8. Tað sum ger stóra munin, er ein stór nettotilflyting til Suðuroyar á 72 fólk, samanborið við 46 til Norðoyggjar. Serliga stór er tilflytingin til Suðuroyar úr útlondum. Í Vágum er fólkavøksturin uppstøðgaður, og er tað serliga tí at innlendis flytingin er blivin negativ. Í myndini niðanfyri sæst gongdin týðiliga síðstu 7 árini: tað er í miðøkinum - Eysturoy, Tórshavnarøkið og Vágar - har fólkatalið er vaksið skjótast hetta tíðarskeiðið, hóast ferðin er minkað ella uppstøðgað í Vágum seinastu mánaðirnar. Síðani koma Streymoyarøkið annars og Norðoyggjar. Sandoyarøkið og Suðuroy fingu onki burturúr fólkavøkstrinum hesi árini, tó so at nú tykist at venda til ein stóran vøkstur í Sandoyarøkinum, og eisini er nú ein munandi vøkstur í Suðuroy. ## Eysturoy og Tórshavnarøkið taka 70% av øllum fólkavøkstrinum Tað búgva 39% av øllum fólkinum í Føroyum í Tórshavnarøkinum, men vøksturin har var 43% av øllum fólkavøkstrinum í landinum. Í Eysturoy búgva 23% av fólkinum í Føroyum, men vøksturin har var 27% av fólkavøkstrinum fyri alt landið. Í Norðoyggjum búgva 12% av fólkinum, og teirra partur av fólkavøkstrinum var 10%. ## Ymiska íkastið til fólkavøksturin frá tilflyting og burðaravlopi Avgerandi fyri gongdina í fólkatalinum eru burðaravlopið (munurin millum fødd og deyð) og nettoflytingin (munurin millum tilflyting og fráflyting). Á myndini niðanfyri sæst, at í øllum økjunum í landinum uttan í Vágaøkinum er tað nettoflytingin, sum ger størstan mun í fólkavøkstrinum. Men her sæst eisini týðiliga, at í Sandoyar og Suðuroyar sýslum kemur allur vøksturin frá tilflytingini, tí at í Sandoyar sýslu er lítið og onki íkast frá burðaravlopinum og í Suðuroyar sýslu er tað eitt negativt burðaravlop, ið beinleiðis minkar um fólkavøksturin. ## Kommunurnar Verður hugt at einstøku kommununum er nógv størsti vøkstur í tali í teim størstu kommununum:   * Tórshavnar kommunu við 378 fólkum, svarandi til 1,7%,    * Runavíkar kommunu við 73 fólkum, svarandi til 1,8%,    * Klaksvíkar kommunu við 87 fólkum, svarandi til 1,7%.   * Eystur kommunu við 68 fólkum, svarandi til 3,2%, og   * Nes kommunu við 54 fólkum, svarandi til 4,1% Av øðrum stórum og miðalstórum kommunum er stórur vøkstur í Vágs kommunu (2,7%), Sjóvar kommunu (2,4%), Tvøroyrar kommunu (2,2%). Ein minni vøkstur er í Vestmanna, Vága og Sunda kommunum, meðan tað minkar í Sørvágs og Fuglafjarðar kommunum. Av smærri kommunum er stórur vøkstur í Kvívíkar (5,2%), Skopunar (3,4%), Sands (2,7%), Eiðis (2,4%), Porkeris (1,3%) og Viðareiðis (1,1%) kommunum. Í Hvannasunds stendur í stað, meðan tað minkar í Hvalbiar, Sumbiar og Kunoyar kommunum.   Av minstu kommununum er vøkstur í Fámjins, Skálavíkar, Skúvoyar og Fugloyar kommunum, men tað minkar í Húsavíkar og Hovs kommunum. ## Oyggjarnar: eisini vøkstur í fleiri útoyggjum Eisini útoyggjar fáa ein part av fólkavøkstrinum uttan Svínoy, ið minkar við tveimum, og í Koltri býr ongin longur. Hinvegin eru 12 komin aftrat í Nólsoy, 3 í Skúvoy, 3 í Fugloy og 1 í Mykinesi. Óbroytt er í Stóru Dímun við 10 fólkum. 


30% færri gistingar í november í mun til árið fyri

Koronufarsóttin ávirkar framvegis føroysku gistingarhúsini. Tað vóru 3.323 færri gistinætur á gistingarhúsunum í november í 2020 samanborið við sama mánað árið fyri. Sum tað sæst á myndini niðanfyri, er tað uttan fyri Tórshavnarøkið, at talið av gistináttum er minkað lutfalsliga. Talið av gistináttum hjá dønum eru minkaðar 33%. Hjá fólkum úr øðrum londum eru tær minkaðar tríggjar fjórðingar. Gistinæturnar hjá føroyingum eru hinvegin vaksnar ein fjórðing. Innskrivingarnar vísa talið av ferðafólkum á gistingarhúsunum, óansæð hvussu leingi tey gista. Tó at donsku ferðafólkini eru færri í tali (-40%), gistu tey í miðal longri á gistingarhúsunum. Í november í 2019 vóru danir 2,7 dagar í miðal á gistingarhúsunum, meðan í november í 2020 vóru teir í miðal 3 dagar. Hóast talið av ferðafólki úr øðrum londum enn Danmark og Føroyum er minkað nógv (-89%), so gista tey meira enn tvífalt so leingi. Í november í 2019 gistu tey 2,6 dagar í miðal, meðan í 2020 vóru tey 5,6 dagar. 


27.700 løntakarar í desember - 1,2% fleiri enn sama mánað árið fyri

Gongdin, sum er lýst við trendinum, vísir, at hóast tað enn leggjast løntakarar afturat løntakaraskaranum, so veksur løntakaratalið munandi spakuligari enn tað hevur gjørt. Serliga hetta seinasta árið hevur ferðin ikki verið tann sama. Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali og sterku strikurnar vísa gongdina ella trendin fyri kynini. Í desember vóru um 14.350 menn í løntakaraskaranum og tað eru 130 fleiri enn sama mánað í fjør. Kvinnurnar vóru um 13.350 í tali, ella knappliga 200 fleiri enn í fjør. Myndirnar niðanfyri vísa løntakaratalið og gongdina í teimum fýra høvuðsvinnugreinunum. Samanborið við desembermánað í 2019 vaks løntakaratalið 2,6% í "almennari o.a. tænastu" og 2,1% i "fiskivinnu o.a. tilfeingisvinnu", meðan løntakaratalið minkaði 0,5% í "byggivinnu o.a. tilvirking". Í "privatum tænastuvinnum" er eingin vøkstur. Seinasta árið hevur lítil og eingin vøkstur verið í løntakaratalinum í privatu tænastuvinnunum. Tað eru góð tvey ár síðani, at ferðin í vøkstrinum fór at minka í privatu tænastuvinnunum. 


Hagfrøðingur til Hagstovu Føroya

Vit leggja okkum áhaldandi eftir at víðka um verandi hagtalsframleiðslur og menna nýggjar, og nú leita vit eftir nærløgdum starvsfelaga at framleiða og menna hagtøl innan sosial- og demografihagtalsøkið. Sosial- og demografiøkið fevnir millum annað um fólk og flytingar, arbeiðsmarknað, útbúgving, bústaðarviðurskifti og heilsu. ## Um teg Tú hevur longri útbúgving innan hagfrøði ella samfelagsfrøðiliga útbúgving, har tú kanst vísa á, at tú í útbúgvingini hevur lagt dent á hagfrøði. Tað er ein fyrimunur, um tú hevur royndir við hagtalsframleiðslu og kennir til hagtalsframleiðsluviðgerð, umframt royndir í forritan, t.d. í R ella líknandi forritanarmálum. Hevur tú royndir við amboðum, so sum Power BI og kunnleika til SQL og dátugrunnar, er hetta eisini ein fyrimunur. Hagtølini á Hagstovuni byggja á altjóða ásetingar, so tølini eru sambærlig við onnur lond. Starvið krevur, at tú megnar at seta seg inn í neyðugar allýsingar, hugtøk, flokkingar og hagfrøðilig háttaløg. Vit vænta ikki, at tú hevur innlit í sosial- og demografihagtalsøkini, men vil læra teg tey. Hagtøl, serliga innan sosial- og demografiøkið, hava stóran fólksligan áhuga. Tað er tí neyðugt, at tú dugir væl at samskifta, bæði skrivliga og munnliga. Ein partur av arbeiðinum er eisini at samskifta og gera samrøður við fjølmiðlar. Tað er tí væntað, at tú ert sinnað/ur at menna tínar samskiftis- og miðlaførleikar. Tað hevur týdning, at tú ert ein pragmatiskur liðspælari og trívist væl at arbeiða í einum tvørfakligum umhvørvi. Vit vænta, at tú dugir at fara niður í smálutir, men samstundis hevur yvirskipaðu heildina í huga. Tú ert fyrikomandi, forvitin, spyrt tá tú ikki veitst, dámar væl fakligar avbjóðingar og ert opin fyri áhaldandi førleikamenning. ## Setanar- og lønartreytir Starvið verður sett eftir sáttmála millum Fíggjarmálaráðið og avvarðandi yrkisfelag. ## Umsókn Send umsókn við prógvum, lívsrensli og øðrum viðkomandi skjølum til starv@hagstova.fo og skriva "Hagfrøðingur" sum evni. Fleiri upplýsingar fært tú við at venda tær til Kára Holm Johannesen, deildarleiðara á Hagdeildini, á 352809 ella á khj@hagstova.fo. Umsóknarfreistin er týsdagin 26. januar 2021 á midnátt. 


Góðar 10 mia. útgoldnar í lønum í 2020 - vøksturin er 2,1% 

Tekin eru um, at korona hevur havt sína ávirkan á lønarútgjaldingarnar í 2020. Nú desember-mánaður í 2020 er upptaldur, eru lønargjaldingarnar gjørdar upp fyri alt árið. Útgoldnu lønirnar eru lýstar árliga á myndini niðanfyri, sum vísir, at vøksturin í lønargjaldingunum er stagneraður. Myndin niðanfyri vísir lønargjaldingarnar fyri bæði kyn. Í 2020 var parturin hjá monnunum 62,5% av lønarútgjaldingunum, meðan parturin hjá kvinnunum var 37,5%. Tað er næstan sama býtið sum árið fyri. Tá áttu menninir 62,8% og kvinnurnar 37,2% av lønargjaldingunum. Myndin niðanfyri vísir lønargjaldingarnar í teimum fýra vinnugreinabólkunum. 64,0% av lønargjaldingunum vórðu í 2020 útgoldar í almennu- og privatu tænastuvinnunum, 19,2% í fiskivinnu og aðari tilfeingisvinnu og 16,7% í byggivinnu og aðrari tilvirking. Almenn o.o. tænasta hava havt ein vøkstur upp á 4,7%. Undanfarnu tvey árini hevur vøksturin annars verið 5%. Privatu tænastuvinnurnar hava ongan vøkstur havt í 2020. Undanfarnu tvey árini hevur vøksturin ligið um 5%. Byggivinna og onnur tilvirking hava havt ein vøkstur upp á 5,4% í 2020. Undanfarnu trý árini hevur vøksturin verið um 12 til 15%. Lønargjaldingarnar í fiskivinnu og aðrari tilfeingisvinnu minkaðu 1,8% í 2020. Lønargjaldingarnar í hesari vinnuni sveiggja meira enn í øðrum vinnum. Í 2019 var vøksturin 8,6%, meðan í 2018 minkaðu lønargjaldingarnar 0,2%. 


Brúkaraprísirnir eru í miðal øktir 0,3 prosent í 2020

Brúkaraprístalið fyri 4. ársfjórðing í fjør er 121,6, sum er 0,4% hægri enn brúkaraprístalið fyri 3. ársfjórðing í fjør og 0,4% lægri í mun til 4. ársfjórðing 2019. Tá uppgerðirnar fyri allar ársfjórðingarnar í einum ári eru tøkar, verður vanliga hugt at miðalprísbroytingini fyri árið og samanborið við undanfarin ár. Til slíka árliga samanbering verður miðalbrúkaraprístalið yvir 4 ársfjórðingar roknað - hetta fyri at javna út prísbroytingar í einstøkum ársfjórðingum. Um hugt verður eftir miðal árligu broytingini á henda hátt, so sæst, at árligi vøksturin árini 2017 til 2019 var beint omanfyri 1%, men er í fjør minkaður og nærum eingin, sum merkir, at í miðal vóru prísirnir á vørum og tænastum til húsarhaldsnýtslu nærum teir somu í fjør í mun til 2019. Um hugt verður nærri at miðal prísbroytingum innan ymsu vørurnar og tænasturnar, so er ymiskt, hvussu prísirnir eru broyttir seinasta árið í mun til 2019. Fimtingurin av nýtsluni hjá føroysku húsarhaldunum fer til mat og drekka og innan henda høvuðsbólkin eru prísirnir í miðal øktir 1,7% í fjør í mun til árið fyri. Samanborið við mat og drekka, so brúka føroysku húsarhaldini í miðal nærum líka nógv til býlisútreiðslur, og innan hendan høvuðsbólkin eru prísirnir hinvegin í miðal minkaðir 4,2%. Hetta er serliga orsakað av miðal príslækking á 20% fyri brenniolju. Prísgongdin á olju er í stóran mun ávirkað av koronu-farsóttini, eins og myndin niðanfyri vísir. Lutfalsliga stórur partur av nýtsluni fer harumframt eisini til flutningsútreiðslur. Prísurin á brennievni til akfør er í miðal í fjør minkaður 16% í mun til 2019, meðan prísurin á akførum hinvegin er øktur 3,2%. Í miðal vóru prísirnir á vørum og tænastum innan henda høvuðsbólkin harvið nærum teir somu sum í 2019. Útboðið av gisting øktist samstundis sum útlendski eftirspurningurin minkaði vegna stóra fallið av vitjandi ferðafólkum. Hetta hevði við sær stórt prísfall á gisting her á landi eins og í grannalondum okkara. Í brúkaraprístalinum vigar gisting sum nýtsla hjá føroyskum húsarhaldum tó lutfalsliga lítið. 


Útflutningurin av fiskavørum minkaður 11% í virði, meðan nøgdin er vaksin 4% 

Hinvegin hevur nøgdin av útfluttum fiskavørum ongantíð verið størri, 4% størri enn í 2019 og 14% størri enn í 2018. Størsta minkingin er í útflutningi av laksi. Her eru bæði virði og nøgd minkað 16%. Tað eru 600 mió. kr. og 10 tús. tons. 


Innflutningur av olju fyllir minni og húsarhaldsnýtslan fyllir meira

Vit hava innflutt fyri góðar 300 mió. kr. minni av olju í 2020 samanborið við 2019. Hetta kemst av minking í oljuprísinum, tí innflutta nøgdin er vaksin. Tað, sum vit rokna sum innflutt til beinleiðis húsarhaldsnýtslu, er vaksið 11% í ár. Tað er serliga innflutningurin av drúgvum og hálvdrúgvum nýtsluvørurum, so sum innbúgv og hvítvørur, sum er vaksin. 


Væl minni av toski varð avreiddur í 2020

Nøgdin av hýsu lækkaði ein lítlan fjóðring, meðan eitt vet meira av upsa varð avreiddur í fjør ímun til 2019. Av øðrum botnfiski, sum meira varð avreitt av í fjør, kunnu nevnast eitt nú longa og brosma við ávikavist 21% og 36% meira enn í 2019 Avreiðingarvirðið tilsamans minkaði 228 milliónir svarandi til ein fjóðring. Fyri tosk minkaði virðið yvir helvtina, sum varð omanfyri 200 milliónir kr. og fyri hýsu ein lítlan fjórðing ímun til í 2019.   ## Nøgdin og virðið á uppsjóvarfiskinum áleið tann sama, sum í 2019 Avreiðingarnøgdin av uppsjóvarfiski veiddur á øllum økjum varð áleið tann sama í fjør sum í 2019. Eins og avreiðingarvirðið eisini varð tað sama. Nøgdin av svartkjafti og makreli varð nakað hægri við ávikavist 2 og 11%. Tað fekst eitt sindur meira fyri svarkjaftin og eitt sindur minni fyri makrelin. Bæði nøgd og virði á sild minkaðu um 9%. 


Væl minni av toski varð avreiddur í 2020

Nøgdin av hýsu lækkaði ein lítlan fjórðing, meðan eitt vet meira av upsa varð avreiddur í fjør í mun til 2019. Av øðrum botnfiski, sum meira varð avreitt av í fjør, kunnu nevnast eitt nú longa og brosma við ávikavist 21% og 36% meira enn í 2019. Avreiðingarvirðið tilsamans minkaði 228 milliónir svarandi til ein fjórðing. Fyri tosk minkaði virðið yvir helvtina, sum var omanfyri 200 milliónir kr. og fyri hýsu ein lítlan fjórðing í mun til í 2019.   ## Nøgdin og virðið á uppsjóvarfiskinum áleið tann sama, sum í 2019 Avreiðingarnøgdin av uppsjóvarfiski veiddur á øllum økjum varð áleið tann sama í fjør sum í 2019. Eins og avreiðingarvirðið eisini varð tað sama. Nøgdin av svartkjafti og makreli varð nakað hægri við ávikavist 2 og 11%. Tað fekst eitt sindur meira fyri svarkjaftin og eitt sindur minni fyri makrelin. Bæði nøgd og virði á sild minkaðu um 9%. 


Arbeiðsloysið 1,4% í november

Myndin niðanfyri vísir arbeiðsloysið og gongdina í arbeiðsloysinum. Káma strikan vísir arbeiðsloysisprosentið og sterka strikan vísir gongdina ella trendin í arbeiðsloysinum.   Arbeiðsloysið var 1,4% í november. Tað svarar til 405 fulltíðararbeiðsleys. Arbeiðsloysið var til samanberingar 0,9% sama mánað árið fyri. Trendurin vísir, at stillstøða er í arbeiðsloysinum, ið merkir at tað hvørki hækkar ella lækkar. Í november var arbeiðsloysið 1,2% hjá monnum og 1,5% hjá kvinnum. Sama mánað í 2019 var tað 0,8% hjá monnum og 1,0% hjá kvinnum. Landkortið vísir arbeiðsloysið eftir øki. Í november var arbeiðsloysið hægst í Vágum og í Suðuroy við 2,3%. Arbeiðsloysið var lægst í Norðoyggjum við 0,8%. Myndin niðanfyri vísir, hvussu leingi fólk hava verið arbeiðsleys. Í november vóru 12,5% langtíðararbeiðsleys av teimum arbeiðsleysu, tað vil siga tey høvdu verið arbeiðeiðsleys í meira enn 1 ár. Sama mánað árið fyri vóru 15,9% langtíðararbeiðsleys. 


Konjunkturbarometrið hækkar aftur

Í mun til tíðina síðan koronu-farsóttin byrjaði sína innrás, eru tríggjar tær seinastu kanningarnar áhugaverdar. Kanningin frá januar í fjør varð gjørd stutt undan korona kom til landið, kanningin í juni varð gjørd beint innan onnur koronu-bylgjan herjaði, meðan henda seinasta kanningin er gjørd samstundis sum tilgongdin við koppseting er í síni byrjan. Hesar spurnakanningarnar eru gjørdar tvær ferðir um árið síðan 2006 og stutt undan altjóða fíggjarkreppan gjørdi um seg í 2007 og 2008. Kanningarnar vísa, at undir fíggjarkreppuni fall barometrið í fýra fylgjandi kanningum og yvir tey tvey árini, altjóða fíggjarkreppan vardi. Áleikandi altjóða heilsukreppan hevur nú vart í skjótt eitt ár, og viðkomandi spurningur kann í hesum tíðum vera, hvussu húsarhald og vinnulív meta um støðuna og útlitini í nærmastu framtíð. images/210204%20M1%20Konjunkturbarometri%C3%B0%2C%20jan-21_1.png) Í umleið 3 ár undan koronu lá treystitalið í støðugari legu, men fór síðan frá 32 í januar í fjør líka niður í -16 í juni í fjør. Til hesa kanningina er treystitalið hækkað aftur við 7 stigum síðan seinastu kanning. Afturímóti metingunum um støðu og útlit undir fíggjarkreppuni, ið vardi í gott og væl tvey ár, so rokna bæði húsarhald og vinnulív nú við betri fíggjarstøðu hjá einum sjálvum og búskaparstøðu í síni heild hetta komandi árið í mun til verandi støðu. images/210204%20T1%20Konjunkturbarometri%C3%B0%2C%20jan-21.png) Talvan omanfyri vísir ávísar fyri hvørja kanning sær, og til hvørja av hesum 5 kanningunum ber til at finna fram nettotølini í hagtalsgrunninum fyri hvønn einstakan spurning í ymsu kanningunum. Samanumtikið eru ávísar fyri húsarhaldini og 3 vinnubólkar hækkaðir, meðan ávísin fyri handilsvinnuna, sum lækkaði lutfalsliga minst undir koronu, er tætt við tann sami hesaferð í mun til juni í fjør. 


Eisini í fjør skapti stórt føðital, lágt deyðatal, stór tilflyting og minni fráflyting ein stóran fólkavøkstur

Fólkavøksturin er ikki viknaður síðsta árið. Ein fólkavøkstur á 848 ella góð 1,6% er tað sama sum í undanfarna 12-mánaðarskeiðinum, tá ið fólkatalið vaks við 837. Munurin stendst av, at hóast nettotilflytingin var 30 fólk færri, so var burðaravlopið 41 fólk fleiri - sum sæst í talvuni niðanfyri. Nógvar umstøður eru munandi broyttar síðani fyrstu koronutilburðirnar her á landi í fjør vár. Tó tykist hetta ikki at hava elvt til nakra broyting í gongdini í fólkatalinum. Hóast nettotilflytingin er minkað eitt vet, er burðaravlopið vaksið, og tí vísir trendurin sama rákið í fólkatalinum nú sum tey síðstu sjey árini. ## Framvegis stór nettotilflyting til Føroya Tann mest avgerandi tátturin í gongdini í føroyska fólkatalinum er flytingin millum Føroyar og útlond. Síðstu sjey árini hava vit sæð, at fleiri flyta til Føroya og færri flyta úr Føroyum. Hetta hevur givið eitt stórt og vaksandi íkast til fólkavøksturin. Hendan gongdin er broytt nakað síðsta árið. Tilflytingin er framvegis stór, men økist ikki longur, heldur minkar hon eitt lítið sindur. Fráflytingin heldur tó enn fram við at minka sum árini frammanundan. Samanlagt er úrslitið, at nettoflytingin til Føroya framvegis er serstakliga stór. ## Stórt burðaravlop - serliga tí deyðatalið er minkað Í mun til 2019 var burðartalið nakað tað sama í fjør. Samanbera vit bæði árini, sæst at føðitalið er 678, sum eru fimm færri enn árið fyri. Hinvegin doyðu 46 færri, so úrslitið av hesum - burðaravlopið - veksur við 41 upp í 313. Tá ið burðaravlopið var upp á tað minsta fyri níggju árum síðani, var tað knappliga 200 og er vaksið spakuliga síðani. Vit skulu aftur til 2004 fyri at finna eitt burðaravlop oman fyri 300. ## Fólkavøksturin í Suðuroy tann størsti í tvey áratíggju Verður hugt at fólkavøkstrinum úti um landið (sí talvuna niðanfyri), er hann í tali nógv størstur í Tórshavnarøkinum og Eysturoy. Lutfalsliga er hann tó líka stórur í Sandoyarøkinum við 1,9%, samanborið við 1,8% í Eysturoy og 1,9% í Tórshavnarøkinum. Tað sum ger stóru broytingina fyri Sandoyarøkið, er stór tilflyting aðrastaðni úr Føroyum og eisini úr útlondum. Hinvegin er onki íkast av burðaravlopinum. Í Norðoyggjum er vøksturin 1,6% - tað sama sum í miðal fyri alt landið. Suðuroy fær heldur onki íkast av burðaravlopinum, ið tvørturímóti er negativt. Hinvegin er tað ein stór nettotilflyting sum ger, at fólkavøksturin í Suðuroy í fjør var tann størsti í tvey áratíggju. Í Vágum er fólkavøksturin uppsteðgaður, og er tað serliga tí at innlendis flytingin er blivin negativ. ## Eysturoy og Tórshavnarøkið 71% av øllum fólkavøkstrinum Tað búgva 39% av øllum fólkinum í Føroyum í Tórshavnarøkinum, men vøksturin har var 46% av øllum fólkavøkstrinum í landinum. Í Eysturoy búgva 23% av fólkinum í Føroyum, og vøksturin har var 25% av fólkavøkstrinum fyri alt landið. Í Norðoyggjum búgva 12% av fólkinum, og teirra partur av fólkavøkstrinum var nakað tað sama. ## Ymiska íkastið til fólkavøksturin frá tilflyting og burðaravlopi Avgerandi fyri gongdina í fólkatalinum eru burðaravlopið (munurin millum fødd og deyð) og nettoflytingin (munurin millum tilflyting og fráflyting). Á myndini niðanfyri sæst, at í øllum økjum í landinum - uttan í Vágaøkinum - er tað nettoflytingin, sum gevur størsta íkastið til fólkavøksturin. Men her sæst eisini týðiliga, at í Sandoyar og Suðuroyar sýslum kemur allur vøksturin frá tilflytingini, tí at í Sandoyar sýslu er lítið og onki íkast frá burðaravlopinum og í Suðuroyar sýslu er tað eitt negativt burðaravlop, ið beinleiðis minkar um fólkavøksturin. ## Kommunurnar Verður hugt at einstøku kommununum, er nógv størsti vøkstur í tali í teim størstu kommununum:   * Tórshavnar kommunu við 413 fólkum, svarandi til 1,9%   * Klaksvíkar kommunu við 99 fólkum, svarandi til 1,9%   * Runavíkar kommunu við 76 fólkum, svarandi til 1,8%   * Eysturkommunu við 63 fólkum, svarandi til 2,9%   * Nes kommunu við 62 fólkum, svarandi til 4,6% Av øðrum stórum og miðalstórum kommunum er stórur vøkstur í Vágs kommunu við 3,0%, Tvøroyrar kommunu við 2,2% og Sjóvar kommunu við 2,1%. Hinvegin minkar í Sørvágs kommunu við 1,2% og Fuglafjarðar kommunu við 0,9% Ein minni vøkstur er í Vestmanna, Vága og Sunda kommunum. Av smærri kommunum er stórur vøkstur í Kvívíkar (5,0%), Skopunar (3,9%), Viðareiðis (2,3%), Sands (1,3%) og Eiðis (1,0%). Í Hvannasunds kommunu stendur í stað, meðan tað minkar í Hvalbiar, Sumbiar og Kunoyar kommunum.   Av minstu kommununum er vøkstur í Fámjins, Skúvoyar, Fugloyar kommunum, meðan tað stendur í stað í Skálavíkar og minkar í Húsavíkar og Hovs kommunum. ## Oyggjarnar: eisini vøkstur í flestu útoyggjum Eisini útoyggjar fáa ein part av fólkavøkstrinum. 10 fólk eru komin aftrat í Nólsoy, 3 í Skúvoy og 3 í Fugloy. Óbroytt er í Svínoy, Mykinesi og Stóru Dímun. Í Koltri býr ongin longur. 


Innfluttu fyri 8,1 mia. í 2020. Tað sama sum árið fyri.

Tað, sum vit rokna sum innflutt til beinleiðis húsarhaldsnýtslu, er vaksið 11% í ár. Tað er serliga innflutningurin av drúgvum og hálvdrúgvum nýtsluvørum, so sum innbúgvi og hvítvørum, sum er vaksin. Tað er eisini innflutt meiri av rávøru til fiskavirking, vørum til byggivinnuna og aðra framleiðslu. Samlaða innflutta nøgdin av brennievni er vaksin 10% í fjør, samanborið við árið fyri. Samstundis er virðið minkað yvir 300 mió. kr. ella 25%. Innflutningurin av skipum minkaði 18% og av maskinum og aðrari útgerð var minkingin 6%. 


Útflutningurin av fiskavørum minkaður 1,2 mia. kr.

Tað er minking í flest øllum vørubólkum og í virði er tað serliga minkingin av útfluttum laksi sum ger mun. Har er minkingin yvir 700 mió. kr. Útflutningurin av toski er minkaður góðar 300 mió. kr. og av sild er minkingin 120 mió. kr. Vit útfluttu makrel fyri næstan eina mia. kr. Í virði vaks útflutningurin 2% og í nøgd var vøksturin 12%. 


20% vøkstur í gistingunum fyrsta mánað í ár

Í januar vóru tilsamans gott 5.500 gistinætur á gistingarhúsunum. Tað eru næstan 900 fleiri gistinætur samanborið við sama mánað í fjør. Gistinætur telja, hvussu nógvir og hvussu leingi persónar gista á gistingarhúsum. Tað eru gistingarhúsini í Tórshavnarøkinum, sum eiga lutfalsliga størsta partin av gistináttunum. Talið av gistináttum hjá dønum eru minkaðar 45%. Hjá fólkum úr øðrum londum eru tær minkaðar knapt tveir triðingar. Gistinæturnar hjá føroyingum eru hinvegin meir enn tvífaldaðar. Innskrivingarnar vísa talið av ferðafólkum á gistingarhúsunum, óansæð hvussu leingi tey gista. Tølini vísa, at føroyingar vitja meira á gistihúsunum. Í mun til januar í fjør gistu knappliga 1.600 fleiri føroyingar. Tað svarar til ein vøkstur á 145%. 


Gistingarnar minkaðu góð 40% í 2020

Koronafarsóttin ávirkaði gistingarnar í fjør. Nú 2020 er farið afturum kann staðfestast, at gistingar á føroysku gistingarhúsunum minkaðu góð 40% ella við 70.000 gistináttum. Gistinætur telja, hvussu nógvir og hvussu leingi persónar gista. Síðan koronufarsóttin rakti í mars hevur talið av gistináttum verið lægri allar mánaðir, ið restaðu av árinum samanborið við árið fyri, tó uttan í desember. Størsta lutfalsliga minkingin var í apríl, tá talið av gistináttum minkaði 90%. Í desember vaks talið av gistináttum hinvegin sløk 25%. Góðar 80.000 gistingar vóru á gistingarhúsunum í Tórshavnarøkinum í 2020. Tað er ein minking á sløk 45.000 ella 35%. Uttan fyri Tórshavnarøkið vóru knappliga 13.000 gistinætur, sum er ein minking á slakar 28.000 gistinætur ella um 70%. Talið av útlendskum ferðafólkum, sum gistu á gistingarhúsunum, minkaði 55% í fjør í mun til í 2019. Næturnar hjá teimum vóru góðar 60.000 í tali. Tað minkaði við 75.000 ella 55% samanborið við árið fyri. Til samanberingar var minkingin um 75% bæði í Danmark og Íslandi. Føroyingar vitjaðu hinvegin gistingarhúsini meira í fjør enn árið fyri. Næturnar vóru góðar 33.000 í tali, ið svarar til ein vøkstur á knøpp 10%. Í Íslandi vitjaðu íslendingar eisini gistingarhúsini meira í fjør enn fyrraárið. Gistinæturnar hjá íslendingum vuksu góð 20%. Í Danmark gistu danir hinvegin minni. Gistinæturnar hjá dønum minkaði 30% í Danmark. Tú finnur tøl um gistinætur á íslendsku gistingarhúsunum her. Gistinætur á donsku gistingarhúsunum finnast her. 


Bruttotjóðarúrtøkan í ársins prísum vaks 8,2 prosent í 2019

Bruttotjóðarúrtøkan í marknaðarprísum verður gjørd upp sum virðisøkingin í øllum vinnugreinum samanlagt og við at leggja meirvirðisgjald og aðrar vøruskattir afturat hesum. Talvan niðanfyri vísir virðisøkingina í ársins prísum, skift á vinnugreinabólkar árini 2016 til 2019. images/210224%20Tj%C3%B3%C3%B0arroknskapur%202019%20T1.png) Meira enn helmingurin av vøkstrinum í virðisøkingini í 2019 stavar frá tilfeingisvinnum og virking av vørum úr hesum vinnum. Fyri hesar vinnur var virðisøkingin í 2019 tilsamans 5,1 mia. kr., sum er umleið 28% av samlaðu virðisøkingini. Sæð í mun til 2018 var talan um vøkstur á 799 mió. kr. Fyri hesar vinnur var tó 2018 eitt serligt ár, tá virðisøkingin var nærum hálva milliard minni í mun til 2017. Ein høvuðsorsøkin til minkingina í 2018 var ein samanseting av lægri prísi og nøgdum av útfluttum laksi, umframt øktar útreiðslur í samband við støðugt vaksandi lúsatrupulleikan í 2017 og 2018. images/210224%20Tj%C3%B3%C3%B0arroknskapur%202019%20T2.png) Í vinnugreinini annar ídnaður, ið m.a. fevnir um skipasmíð og framleiðslu av metalvørum, pakningi og aðrari útgerð til m.a. fiskiveiðu og alivinnu, er virðisøkingin eisini vaksin lutfalsliga nógv seinastu árini. Í 2019 var vøksturin í hesum vinnugreinabólkinum 110 mió. kr. og 17% í mun til 2018. Í byggivinnuni var vøksturin í 2019 5,3%, sum er væl minni enn miðalvøksturin fyri árini 2013 til 2018 á umleið 14%. Í 2019 var vøksturin í virðisøking í almennari fyrisiting og tænastu 222 mió. kr. og 6,1%, ið er størsti árligi vøkstur síðan fíggjarkreppuna. Í øðrum tænastuvinnum vaks virðisøkingin 3,2% í 2019. Her stavar vøksturin serliga frá smá- og heilsølu, gistihús og matstovum, umframt flutningi og goymsluvirksemi. Myndin niðanfyri vísir vakstrarískoytið fyri hesar yvirskipaðu vinnubólkarnar árini 2012 til 2019. Myndin vísir, hvussu stóra ávirkan ymsu broytingarnar í serliga tilfeingisvinnunum hava á samlaðu árligu broytingina í virðisøking. images/210224%20Tj%C3%B3%C3%B0arroknskapur%202019%20M1_0.png) 


Arbeiðsloysið 1,3% í desember

Myndin niðanfyri vísir arbeiðsloysið og gongdina í arbeiðsloysinum. Káma strikan vísir arbeiðsloysisprosentið og sterka strikan vísir gongdina ella trendin í arbeiðsloysinum.   Arbeiðsloysið var 1,3% í desember, ið svarar til 400 fulltíðararbeiðsleys. Arbeiðsloysið var til samanberingar 0,9% sama mánað árið fyri. Tilsamans eru 476 persónar raktir av arbeiðsloysi. Trendurin vísir, at stillstøða er í arbeiðsloysinum, ið merkir at tað hvørki hækkar ella lækkar. Í desember var arbeiðsloysið 1,3% hjá monnum og 1,4% hjá kvinnum. Sama mánað í 2019 var tað 0,9% hjá monnum og 1,0% hjá kvinnum. Landkortið vísir arbeiðsloysið eftir øki. Í desember var arbeiðsloysið hægst í Suðuroy við 2,2% og Vágum við 1,9%. Arbeiðsloysið var lægst í Norðoyggjum við 0,8% og Eysturoy við 0,9%. Myndin niðanfyri vísir, hvussu leingi fólk hava verið arbeiðsleys. Í desember vóru 11,3% langtíðararbeiðsleys av teimum arbeiðsleysu, tað vil siga tey høvdu verið arbeiðeiðsleys í meira enn 1 ár. Sama mánað árið fyri vóru 13,0% langtíðararbeiðsleys. 


Føroyska arbeiðsfjøldin tann virknasta í Europa, fyri kvinnur og menn, ung og eldri

Arbeiðsfjøld er eitt altjóða mát, sum telur partin av fólkinum millum 15-74 ár, ið kann veita arbeiðsmegi. Vinnutíttleikin, ið er arbeiðsfjøldin í % av fólkatalinum, er 84,3%, roknaður fyri bæði kyn. Hjá monnum er vinnutíttleikin 86,1% og hjá kvinnum við 82,4%. Samanborið við onnur lond er vinnutíttleikin í Føroyum tann størsti í Europa, bæði hjá kvinnum og monnum, við Íslandi næst aftanfyri. Síðstu 5 árini er arbeiðsfjøldin vaksin við stívliga 2.000 fólkum. Vøksturin hesi árini er javntbýttur millum kynini við umleið 1.000 fólkum hjá hvørjum. Eisini í koronu-árinum 2020 var ein lítil vøkstur.   Hetta er eitt av høvuðsúrslitunum av arbeiðsfjøldarteljingini, sum Hagstova Føroya gjørdi í november í fjør. Nógv fleiri og útgreinað úrslit eru at finna í hagtalsgrunninum. Aftast í hesi grein er stutt frágreiðing um arbeiðsfjøldarteljingina og um rætting í hagtølum av teimum arbeiðsleysu í arbeiðsfjøldini 2016-2019. Í arbeiðsfjøldini eru øll vinnuliga virkin, so sum løntakarar, sjálvstøðugt vinnurekandi og arbeiðsgevarar, arbeiðsleys, ið eru tøk at átaka sær arbeiði, og fólk, sum ólønt hjálpa til í familjufyritøku. Uttan fyri vinnu eru m.a. ungfólk, ið eru undir útbúgving, fólk sum av sjúku, skerdum førleika ella øðrum ikki eru á arbeiðsmarknaðinum, ella fólk, ið eru farin av arbeiðsmarknaðinum, m.a. av aldri ella øðrum. Í talvuni niðanfyri sæst arbeiðsfjøldin og vinnutíttleikin í høvuðsøkjum kring landið. Sum heild er vinnutíttleikin javnt stórur um alt landið. Í tali er arbeiðsfjøldin av góðum grundum størst í Suðurstreymi, har mesta fólkið býr. Í mun til fólkatalið er hon javnt størst í Norðstreymi og í Suðurstreymi við 84%, í Norðoyggjum við 83% og í Eysturoy við 81%. Síðani í Suðuroy við 80%, Vágum  við 79%, og Sandoyarøkinum við 78%. Til altjóða samanberingar er vinnutíttleikin í øllum økjum í Føroyum væl omanfyri títtleikan í Europa annars. Eftir kyni er vinnutíttleikin hjá monnum størstur í Vágum við 89% og minstur í Sandoy 75%. Hjá kvinnum er hann størstur í Suður- og Norðstreymi við 84% og minstur í Sandoyar øki við 78%. Til samanberingar er vinnutíttleikin í Danmark og í Bretlandi um 70%. ## Føroyski vinnutíttleikin framvegis størstur í Europa Vit hava sæð tað eisini í undanfarnu kanningum, at í mun til fólkatalið er føroyska arbeiðsfjøldin tann størsta í Europa. Einans í Íslandi er hon næstan líka stór. Tað verður eisini váttað við uppgerðini hesaferð. Á myndini niðanfyri eru Føroyar samanbornar við 35 onnur lond í Europa, sambært hagtalsgrunninum hjá Eurostat. Tá vit samanbera úrslitini fyri bæði kyn tilsamans, eru Føroyar fremst við einum vinnutíttleika á 84% og síðani Ísland við 81%. Síðan er eitt glopp niður til Sveis við 76% og Svøríki við 74. Miðaltalið fyri tey 27 ES-limalondini (Bretland frároknað) er 64%. Lægstur er vinnutíttleikin í Turkalandi og Italia við 53-56%. Hjá monnum eru Føroyar á odda við 86% og síðani Ísland við 85%. Í Danmark er talið 74%. ES-miðaltalið er 70%. Lægstur er vinnutíttleikin hjá monnum í Kroatia, Belgia, Fraklandi og Italia við 64-66%. Hjá kvinnum er vinnutíttleikin nógv størstur í Føroyum við 82%, síðani í Íslandi við 77%. Í Danmark er hann 66%, og ES-miðaltalið er 58. Lægsti vinnutíttleikin hjá kvinnum er í Turkalandi við 34% og Italia við 47%.   Samanumtikið sæst, at í øllum øðrum londum enn í Føroyum er vinnutíttleikin hjá kvinnum munandi lægri enn hjá monnum. Í Føroyum eru bara 4%-stig á muni, 8% í Íslandi eins og í Danmark 8% og í miðal fyri tey 27 ES-londini er munurin 12%-stig. Nógv størsti kynsmunurin er í Turkalandi við 72% hjá monnum men bert 34% hjá kvinnum. ## Vinnutíttleikin stórur frá teim yngstu til tey elstu Bæði hjá monnum og kvinnum er ein tann størsti munurin millum Føroyar og Ísland og hini londini, at tey ungu í hesum báðum londum eru nógv meira vinnuliga virkin enn aðrastaðni, og at tey eldru eru nógv longri vinnuliga virkin enn aðrastaðni. Bæði í Føroyum og Íslandi eru tey ungu longu áðrenn 20-ára aldur uppi á umleið 70-75% í vinnutíttleika, samanborið við 50% í Danmark og um 20% í ES-londunum sum heild. Enn størri er munurin hjá teimum eldru. Tá tað snýr seg um tey elstu 65-74 ára gomlu eru Føroyar í serstøðu við einum vinnutíttleika á 50%, í Íslandi út við 35% meðan hann er niðri á 10%-15% í Danmark og ES-londunum sum heild. Eisini skilja føroysku kvinnurnar seg burturúr, har tær í aldursbólkunum frá 35 árum og allan vegin fram eru langt oman fyri kvinnurnar í hinum londunum í vinnutíttleika, t.d. við meir enn 95% í aldursbólkinum 45-55 ár. Haraftrat við 45% í aldursbólkinum 65-74 ár, samanborið við eini 10% hjá kvinnum í Danmark og í miðal fyri ES-londini.   


Fosturtøkurnar ein triðingur av tí sum var fyri tríati árum síðani

**Kunning um rætting í talvum um fosturtøku (21. september 2021)** Ein skeivleiki er staðfestur í aldursbólkabýtinum í talvunum 'HM01080' um fosturtøkur og 'HM01081' um fosturtøkurtøkutíttleika fyri 2020. Samlaða talið av fosturtøkum er tó óbroytt. Rættingarnar eru litaðar við grønum: Orsøkin til rættingina er, at tølini ikki vórðu sett beint inn í talvuna. Sum sæst eru tølini í teigunum flutt ein aldursbólk upp fyri yngru aldursbólkarnar. Av tí at samlaða talið er óbroytt er ongin broyting gjørd í niðurstøðunum í hesi tíðindagrein, ið er grundað á miðaltøl fyri 5-ára skeið. Hetta er gjørt tí at tølini eru smá og tí kunnu sveiggja nógv frá einum ári til annað. Gongdin er tó greið, har tølini hava verið alsamt minkandi, eisini tá talið av fosturtøkum verður roknað í mun til talið av livandi føddum.   * Í seinni helvt av 1980-unum var talið av fosturtøkum av tí mesta, um 80-85 árliga.    * Fyrru helvt av 1990-unum minkaði tað niður móti 60.   * Seinni helvt av 90-unum niður um 50.   * Eftir aldarskiftið í nullunum niður móti 40.    * Í fyrru helvt av 10'unum niður móti 30.    * Nú í seinni helvt av 10'unum niður um 30 og í miðal 24.   Nú er talið av kvinnum í burðarførum aldri nógv broytt hesi árini, eins og føðitalið. Men eisini tá vit rokna í mun til føðitalið, er gongdin tann sama, eins og myndin niðanfyri vísir. ## Serlig minking í teim yngru og teim eldru aldursbólkunum Samanbera vit aldursbýtið í fosturtøkutíttleikanum - roknaður eftir talinum av kvinnum í hvørjum aldursbólki - so er mynstrið broytt í mun til árini frammanundan, soleiðis at tað nú er nógv lægri í aldursbólkunum yngri enn 25 ár og eldri enn 29 ár. ## Einans í Póllandi at fosturtøkutíttleikin er minni enn í Føroyum Sambært upplýsingum frá WHO, heimsheilsustovninum hjá ST, kunnu vit  samanbera fosturtøkur í Føroyum við 45 øðrum europeisk lond, roknað sum tal av fosturtøkum pr. 1.000 livandi fødd. Her er lægsti títtleikin at finna í Póllandi (har fosturtøka er bannað undir øllum umstøðum) og síðani í Føroyum. Títtleikin er eini 8 ferðir hægri í hinum Norðurlondunum enn í Føroyum og um 10 ferðir hægri í Eystureuropa og Russlandi. 


Fólkatalið er farið upp um 53 túsund

Fólkavøksturin er viknaður eitt lítið vet síðsta árið. Hann var síðsta 12-mánaðarskeiðið 798 fólk, samanborið við 877 undanfarna 12-mánaðarskeiðið. Munurin stendst av, at nettotilflytingin var 131 fólk færri, men hinvegin var burðaravlopið 52 fólk fleiri. Hetta sæst í talvuni niðanfyri. Nógvar umstøður eru munandi broyttar síðani fyrstu koronutilburðirnar her á landi í fjør vár. Tó er óvist, um hetta hevur havt nakra ávirkan á gongdina í fólkatalinum. Tað eru helst aðrar orsøkir til, at nettotilflytingin er minkað nakað. Hinvegin vigar ein vøkstur í burðaravlopinum nakað upp ímóti hesum, so samanumtikið vísir trendurin nøkulunda sama góða rákið í fólkavøkstrinum sum tey síðstu 7 árini. ## Stóra tilflytingin minkar nakað - men eisini fráflytingin Tann mest avgerandi tátturin í gongdini í føroyska fólkatalinum er flytingin millum Føroyar og útlond. Síðstu 7 árini hava vit sæð, at fleiri flyta til Føroya og færri flyta úr Føroyum. Hetta hevur givið eitt stórt og vaksandi íkast til fólkavøksturin. Hendan gongdin er broytt nakað síðsta árið. Stóra tilflytingin økist ikki longur, men er heldur minkandi. Fráflytingin heldur tó enn fram við at minka nakað, sum árini frammanundan. Samanlagt er úrslitið, at hóast nettoflytingin til Føroya nú tykist at minka nakað, er hon tó enn søguliga stór. ## Burðaravlopið tað størsta í 16 ár - tí føðitalið er vaksandi og deyðatalið er minkað nakað Í mun til undanfarna 12-mánaðarskeiðið var føðitalið hesar 12 mánaðirnar 1. feb. 2020 - 1. feb. 2021 eitt sindur størri og er nú tætt við 700 árliga. Tað hevur verið spakuliga vaksandi og er nú størsta talið síðstu 15-16 árini. Úrslitið av hesum - burðaravlopið, ið er munurin millum fødd og deyð - veksur við 52 í mun til undanfarna 12-mánaðarskeið upp í 325. Tá burðaravlopið var upp á tað minsta fyri 9 árum síðani, var tað knappliga 200 og er vaksið spakuliga síðani. Vit skulu aftur til 2004 fyri at finna eitt burðaravlop oman fyri 300. ## Eisini fólkavøkstur í Sandoy og Suðuroy men uppstøðgað í Vágum Verður hugt at fólkavøkstrinum úti um landið (sí talvuna niðanfyri), er hann í tali nógv størstur í Tórshavnarøkinum og Eysturoy. Lutfalsliga (prosentvíst) er vøksturin tó javnt stórur í Tórshavnarøkinum, Eysturoy og Norðuroyggjum við 1,7 - 1,8%. Merkisvert er tó, at í tí nógv minna Sandoyarøkinum er lutfalsligi vøksturin tann størst við 2,1%. Tað, sum ger stóru broytingina fyri Sandoyarøkið, er bæði ein tilflyting aðrastaðni úr Føroyum og úr útlondum. Hinvegin er onki íkast av burðaravlopinum. Suðuroy fær heldur onki íkast av burðaravlopinum, ið tvørturímóti er negativt. Hinvegin er tað ein stór nettotilflyting úr útlondum til Suðuroy, sum ger, at fólkavøksturin í Suðuroy í fjør var tann størsti í eini tvey áratíggjur. Í Vágum er fólkavøksturin uppstøðgaður, serliga av tí at innlendis nettoflytingin er blivin negativ. Á myndini niðanfyri er fólkatalið í økjum sett til 100 pr. 1.1. 2014 fyri at vísa tann lutfalsliga vøksturin í økjunum hesi sjey árini. Her hevur størsti vøksturin verið í sonevnda miðøkinum, Tórshavnarøkinum, Eysturoy og Vágum við 10-13% - hóast fyribils er støðgað upp í Vágum. Í næsta bólki koma Streymoyðarøkið (uttan høvuðsstaðin) og Norðoyggjar, har vøksturin hetta tíðarskeiðið hevur verið 8%. Triði bólkurin er Sandoyarøkið og Suðuroy, sum onki hava fingið av fólkavøkstrinum hesi sjey árini - hóast tølini tað síðsta árið vísa ein ávísan vøkstur, serliga í Sandoyarøkinum. ## Ymiska íkastið til fólkavøksturin frá tilflyting og burðaravlopi Avgerandi fyri gongdina í fólkatalinum eru burðaravlopið (munurin millum fødd og deyð) og nettoflytingin (munurin millum tilflyting og fráflyting). Á myndini niðanfyri sæst, at í øllum økjunum í landinum - uttan í Vágaøkinum - er tað nettoflytingin, sum ger størstan mun í fólkavøkstrinum. Men her sæst eisini týðiliga, at í Sandoyar og Suðuroyar sýslum kemur allur vøksturin frá tilflytingini, tí at í Sandoyar sýslu er onki íkast frá burðaravlopinum og í Suðuroyar sýslu er tað eitt negativt burðaravlop, ið beinleiðis minkar um tann fólkavøksturin, sum tilflytingin gevur. ## Kommunurnar Verður hugt at einstøku kommununum er nógv størsti vøkstur í tali í teim størstu kommununum:   * Tórshavnar kommunu við 365 fólkum, svarandi til 1,7%   * Klaksvíkar kommunu við 107 fólkum, svarandi til 2,0%   * Runavíkar kommunu við 80 fólkum, svarandi til 1,9%   * Eysturkommunu við 63 fólkum, svarandi til 2,9%   * Nes kommunu við 53 fólkum, svarandi til 3,9% Av øðrum stórum og miðalstórum kommunum er stórur vøkstur í Tvøroyrar og Vágs kommunum hvør við 2,2%, og Sjóvar kommunu við 1,6%. Ein minni vøkstur er í Vága og Sunda kommunum. Hinvegin minkar í Sørvágs kommunu við 1,1%, Fuglafjarðar kommunu við 0,9% og Vestmanna kommunu við 0,5%. Av smærri kommunum er stórur vøkstur í Skopunar kommunu (4,8%), Kvívíkar kommunu (4,0%), Eiðis kommunu (3,0%) og Viðareiðis (2,3%), og ein minni vøkstur í Sands kommunu (1,1%). Hinvegin minkar í Sumbiar, Kunoyar og Hvalbiar kommunum.   ## Oyggjarnar: vøkstur í flestu útoyggjum Eisini útoyggjar fáa ein part av fólkavøkstrinum: 7 fólk eru komin aftrat í Nólsoy, 4 í Kalsoy, 2 í Fugloy og 1 í Skúvoy. Óbroytt er í Svínoy, Mykinesi og Stóru Dímun. Í Koltri býr ongin longur. 


Útflutningurin minkaður nógv seinasta árið

Útflutningurin í januar er nú uppgjørdur, og í talvuni niðanfyri ber til at síggja útflutningin seinasta 12-mánaðarskeið samanborið við undanfarna skeið. Tað er minni útflutt í flestøllum vørubólkum. Minkingin av útfluttum laksi er yvir 700 mió. kr. Tað er ein minking á 18%. Nøgdin minkaði góð 8%. Útflutningurin av toski er minkaður næstan 400 mió. kr. 


26.800 løntakarar í februar - nærum tað sama sum fyri ári síðani

Gongdin, sum er lýst við trendinum, vísir, at hóast tað enn leggjast løntakarar afturat løntakaraskaranum, so veksur talið munandi spakuligari, enn tað hevur gjørt. Serliga hetta seinasta árið hevur ferðin ikki verið tann sama. Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali og sterku strikurnar vísa gongdina ella trendin. Í februar vóru um 13.750 menn í løntakaraskaranum, og tað eru næstan 150 færri enn sama mánað í fjør. Kvinnurnar vóru um 13.100 í tali, ella um 160 fleiri enn í fjør. Trendurin vísur, at meðan vøksturin í talinum av mannligum løntakarum er steðgaður upp, leggjast kvinnurnar enn afturat løntakaraskaranum. Samanborið við februarmánað í 2020 vaks løntakaratalið 2,8% í "almennari o.a. tænastu" og 1,8% i "fiskivinnu o.a. tilfeingisvinnu", meðan løntakaratalið minkaði 4% í "byggivinnu o.a. tilvirking" og 1,8% í "privatum tænastuvinnum". Myndirnar niðanfyri vísa løntakaratalið og gongdina í teimum fýra høvuðsvinnugreinunum mánaðarliga. Lítil og eingin vøkstur er í løntakaratalinum í privatu tænastuvinnunum, og trendurin gevur heldur ábending um minking í hesum vinnugreinabólkinum. Í byggivinnuni er løntakaratalið farið at minka eftir at hava verið støðugt vaksandi síðani 2014. 


875 milliónir í lønum í februar - vøksturin nærum steðgaður upp

Útgoldnu lønirnar og gongdin í lønargjaldingunum eru lýstar á myndini niðanfyri. Trendurin vísir, at vøksturin í lønargjaldingunum er nærum steðgaður. Myndin niðanfyri vísir lønargjaldingarnar fyri kynini. Kámu strikurnar vísa útgoldnu lønirnar, og sterku strikurnar vísa gongdina ella trendin. Í februar áttu menninir 548 milliónir av lønargjaldingunum. Tað er 35 milliónir færri enn sama mánað í fjør. Kvinnurnar áttu 327 milliónir, sum eru 18 milliónir meira enn sama mánað í fjør. Myndin niðanfyri vísir lønargjaldingarnar í teimum fýra høvuðsvinnugreinunum. Kámu strikurnar vísa lønargjaldingarnar, og sterku strikurnar vísa trendin. Meðan vøkstur framvegis hómast í 'almennari o.a. tænastu' og 'privatu tænastuvinnunum', er vøksturin steðgaður upp í 'byggivinnu o.a. tilvirking' og 'fiskivinnu o.a. tilvirking'. Í talvuni niðanfyri eru lønargjaldingarnar seinasta árið taldar saman og samanbornar við sama tíðarskeið árið fyri. 


Innfluttu fyri 8 mia. krónur

Innflutningurin í januar er nú uppgjørdur, og í talvuni niðanfyri ber til at síggja innflutningin seinasta 12-mánaðarskeið samanborið við undanfarna skeið. Innflutningurin av skipum er minkaður 400 mió. kr., og vit hava eisini brúkt útvið 400 mió. kr. minni upp á brennievni, serliga vegna lægri prís á brennievni. Fyri flestu av hinum vørubólkunum er innflutningurin vaksin ella stendur í stað. 


14% fleiri gistinætur í februar

Í februar vóru tilsamans gott 7.400 gistinætur á gistingarhúsunum. Tað eru næstan 900 fleiri gistinætur samanborið við sama mánað í fjør. Gistinætur telja, hvussu nógvir og hvussu leingi persónar gista á gistingarhúsum. Tað eru gistingarhúsini í Tórshavnarøkinum, sum eiga lutfalsliga størsta partin av gistináttunum. Í februar minkaði talið av gistináttum hjá dønum við 39% í mun til í fjør. Hjá fólkum úr øðrum londum minkaði niður í helvt, meðan gistinæturnar hjá føroyingum tvífaldaðust. Innskrivingarnar vísa talið av ferðafólkum á gistingarhúsunum, sama hvussu leingi tey gista. Tølini vísa, at føroyingar vitja meira á gistingarhúsunum. Í mun til februar í fjør gistu gott 1.800 fleiri føroyingar í februar í ár, tað er tvífalt so nógv. Í 2020 fingu vit tvey nýggj gistingarhús, umframt at onnur vórðu útbygd. Nýtslustigið vísir, hvussu stórur partur av tøku kømrunum verður brúktur. Hóast vøkstur er í gistináttum og innskrivingum, so er nýtslustigið væl lægri í februar í ár við einans 23,5% í mun til 35,1% í februar í fjør 


Sølan av klædnavørum og fótbúnaði vaksin 20%

Keypihugurin hjá føroyingum er ikki neiliga ávirkaður av koronu - heldur hinvegin benda tølini á, at handlar innan smásølu hava havt úr at gera. Umsetningurin í virði og umroknað til mongdir fyri smásølu av trimum vørubólkum er gjørdur upp fyri 4. ársfjórðing í 2020. Tølini eru býtt í vørubólkarnar 'matur og alkoholfríar drykkjuvørur', 'klædnavørur og fótbúnaður' og 'húsbúnaður og húsarhaldsútgerð'. Nýggjastu hagtølini fyri smásølu vísa, at føroysku húsarhaldini hava økt munandi um keypið av vanligu gerandisvørunum í 2., 3. og 4. ársfjórðingi í fjør samanborið við somu ársfjórðingarnar í 2019. Greið tekin eru harvið um, at nýtslumøguleikin og keypihugurin ikki hava latið seg ávirka neiliga í tíðini við koronu. Fyri 'matvørur og alkoholfríar drykkjuvørur' var umsetningurin 11% hægri í 4. ársfjórðingi 2020 í mun til sama tíðarskeið í 2019. Fyri alt 2020 hevur vøksturin í umsetningi fyri hendan vørubólkin verið óvanliga stórur - í miðal hevur vøksturin verið knøpp 14% fyri alt 2020 samanborið við 2019. Prísir á 'mati og alkoholfríum drykkjuvørum' eru í miðal øktir 0,7% frá 4. ársfjórðingi í 2019 til sama tíðarskeið í fjør. ![Smásøluvísutalið - Matur og alkoholfríar Økta sølan samanborið við undanfarna ár heldur eisini fram fyri húsbúnað og húsarhaldsútgerð. Í 4. ársfjórðingi 2020 var umsetningurin 15% hægri samanborið við sama tíðarskeið árið fyri. Fyri 2. og 3. ársfjórðing 2020 var umsetningurin ávikavist 11% og 16% hægri enn somu tíðarskeið árið fyri. Prísir á húsbúnaði og húsarhaldsútgerð eru at kalla óbroyttir frá 2019 til 2020, ið merkir at mongdin ev hesum vørum er samsvarandi økt. ![Smásøluvísitalið - Húsbúnaður og Størsti vøkstur var tó fyri klædnavørur og fótbúnað, har var umsetningurin heili 20% hægri 4. ársfjórðing 2020 í mun til sama tíðarskeið árið fyri. Um føroyingar keyptu sær meira jólastás til jóla 2020 enn til jóla 2019, siga tølini onki um, men korona hevur millum annað havt við sær, at møguleikar at keypa jólagávur uttanlands hava verið munandi skerdir í 2020 í mun til undanfarin ár. Hetta er ivaleyst ein orsøkin til , at innanlands sølan í mun til sama tíðarskeið í 2019 er økt so mikið. images/KL%C3%A6%C3%B0ir%20og%20sk%C3%B3gvar%202_0.png) Samlað sæð er innanlands eftirspurningurin eftir mati og alkoholfríum drykkivørum, klædnavørum og fótbúnaði, og húsbúnaði og húsarhaldsútgerð í miðal vaksin stívliga 10% frá 2019 til 2020. Frá 2010 til 2019 er umsetningurin í miðal øktur við 3% um árið fyri allar vørubólkarnar. Vøksturin á smásølu er tískil meira enn trífaldaður frá 2019 til 2020 í mun miðalvøkstur árini undan. 


13.200 tinglýsingarskjøl - 9.900 um fastogn og 3.300 um akfør o.a. leysafæ 

Áðrenn fíggjarkreppuna var talið av tinglýsingum støðugt vaksandi til tað mesta í 2008 við 22 túsund. Men so fór tað næstan niður í helvt árið eftir og minkaði áhaldandi niður 9.500 í 2012. Vaks síðani spakuliga aftur, og síðstu 5 árini hevur talið av tinglýsingum verið millum 12 og 14 túsund. Tinglýsing er almenna skrásetingin hjá avvarðandi landsmyndugleika av rættindum yvir fastari ogn, so sum húsum o.ø. bústøðum, grundstykkjum og jørð, servituttum, akførum og ymiskum leysafæ. Tinglýstu skjølini kunnu vera skeyti o.o. ognarheimildarskjøl, lániskjøl, hjúnasáttmálar, skjøl um avmarkingar í rættindum (servituttir), skjøl um leysafæ o.a. Tinglýsingin varð fyrisitin av danska Domstolsstyrelsen fram til 2006. 1. februar 2006 kom tinglýsingin undir Innlendismálaráðið, fyri síðani 1. juni 2007 at gerast ein partur av Umhvørvisstovuni. Nógv flestu tinglýstu skjølini eru viðvíkjandi fastognum so sum skeytum o.ø. ognarheimildarskjølum, lániskjølum o.ø. viðv. fastogn. Hesi eru 75% av øllum. Lániskjøl o.a. viðv. akførum eru 23%, og síðstu 2% eru viðvíkjandi leysafæ. 


Burðaravlopið gevur vaksandi íkast til fólkatalið

Tann stóri fólkavøksturin seinastu sjey árini er í størstan mun komin av eini stórari nettotilflyting, ið er munurin millum tilflyting og fráflyting, og í minni mun frá burðaravlopinum, ið er munurin millum fødd og deyð. Hetta er nú broytt nakað, tí at burðaravlopið gevur eitt munandi størri íkast til fólkavøksturin hetta 12-mánaðarskeiðið enn undanfarnu árini. T.d. er burðaravlopið 66 størri hetta12-mánaðarskeiðið enn undanfarna 12-mánaðarskeiðið, meðan nettotilflytingin er 80 minni. Nógvar umstøður eru munandi broyttar síðani fyrstu koronutilburðirnar her á landi í fjør vár. Tó er óvist, um hetta hevur havt nakra ávirkan á gongdina í fólkatalinum. Tað eru helst aðrar orsøkir til, at nettotilflytingin er minkað nakað. Hinvegin vigar ein vøkstur í burðaravlopinum upp ímóti hesum, so samanumtikið vísir trendurin nøkulunda sama góða rákið í fólkavøkstrinum sum tey síðstu 7 árini. Grafurin omanfyri er livandi. Nú er møguligt at flætta (en. embed) livandi grafar sum hendan á tykkara heimasíðu, eitt nú í tíðindagreinar. Tað gevur brúkarunum á tykkara heimasíðu somu livandi grafar, sum á hagstova.fo. Við livandi grafum er tað møguligt at halda músina yvir eina linju á grafinum, og soleiðis síggja t.d. fólkatalið ein ávísan mánað. Eisini er møguligt at hála í tíðarlinjuna og leingja vísta tíðarskeiðið á grafinum, t.d. aftur til 1985 í fólkatølunum. Soleiðis flætta tit grafin á tykkara síðu: Trýst á burgaramenuina (knøtturin við trimum strikum) ovast í høgra horni. Vel síðani "Flætta graf í síðu". Trýst á knøttin "Avrita kotu" og set inn kotustubban á heimasíðu tykkara. ## Stóra tilflytingin minkar nakað - men eisini fráflytingin Tann mest avgerandi tátturin í gongdini í føroyska fólkatalinum hevur verið flytingin millum Føroyar og útlond. Síðstu 7 árini hava vit sæð, at fleiri flyta til Føroya og færri flyta úr Føroyum. Hetta hevur givið eitt stórt og vaksandi íkast til fólkavøksturin. Hendan gongdin er broytt nakað síðsta árið. Stóra tilflytingin økist ikki longur, men er heldur minkandi. Fráflytingin heldur tó enn fram við at minka nakað, sum árini frammanundan. Samanlagt er úrslitið, at hóast nettoflytingin til Føroya nú tykist at minka nakað, er hon tó enn søguliga stór. ## Burðaravlopið tað størsta í 2 áratíggjur - tí føðitalið er vaksandi og deyðatalið er minkað nakað Í mun til undanfarna 12-mánaðarskeiðið var føðitalið hesar 12 mánaðirnar 1. mars 2020 - 1. mars 2021 gott hálvthundrað størri og er nú við 722 tað størsta talið síðani mitt í 1990-unum. Hetta er helst eitt úrslit av minni fráflyting og stórari tilflyting av ungum ættarliðum tey síðstu 7 árini. Samstundis er deyðatalið minkað eitt sindur seinasta árið. Úrslitið av hesum - burðaravlopið, ið er munurin millum fødd og deyð - er vaksið við 66 í mun til undanfarna 12-mánaðarskeið, so tað nú er 338. Tá burðaravlopið var upp á tað minsta fyri 9 árum síðani, var tað knappliga 200 og er vaksið spakuliga síðani. Vit skulu aftur til ár 2000 fyri at finna líka stórt burðaravlop. Men fólkatalið er eisini vaksið nógv hesi árini. Rokna vit føðital, deyðatal og burðaravlop í mun til fólkatalið, so er føðitalið tað størsta síðani 2008, deyðatalið tað minsta síðani 2010 og burðaravlopið tað størsta síðani 2004. ## Eisini fólkavøkstur í Sandoy og Suðuroy Verður hugt at fólkavøkstrinum úti um landið (sí talvuna niðanfyri), er hann í tali nógv størstur í Tórshavnarøkinum og Eysturoy. Lutfalsliga (prosentvíst) er vøksturin tó javntstórur í Tórshavnarøkinum, Eysturoy og Norðuroyggjum við 1,7 - 1,8%. Merkisvert er tó, at í tí nógv minna Sandoyarøkinum er lutfalsligi vøksturin tann størsti við 2,4%. Tað, sum ger stóru broytingina fyri Sandoyarøkið, er bæði ein tilflyting aðrastaðni úr Føroyum og úr útlondum. Hinvegin er onki íkast av burðarlopinum. Suðuroy fær heldur onki íkast av burðaravlopinum, ið tvørturímóti er negativt. Hinvegin er tað ein stór nettotilflyting úr útlondum til Suðuroy, sum ger, at fólkavøksturin í Suðuroy í fjør var tann størsti í eini tvey áratíggjur. Í Vágum var fólkavøksturin líka stórur sum í Tórshavnarøkinum og Eysturoy, men síðsta árið er vøksturin uppstøðgaður, og er nú tann minsti av høvuðsøkjunum. Ein orsøkin er, at innlendis flytingin er blivin negativ. Á myndini niðanfyri er fólkatalið í økjunum sett til 100 pr. 1.1. 2014, og vísir hon sostatt tann lutfalsliga vøksturin í økjunum hesi sjey árini. Her hevur størsti vøksturin verið í sonevnda miðøkinum, Tórshavnarøkinum, Eysturoy og Vágum við 10-13% - hóast Vágar eru dragnaðar nakað tað síðsta árið. Í næsta bólki koma Streymoyarøkið (uttan høvuðsstaðin) og Norðoyggjar, har vøksturin hetta tíðarskeiðið hevur verið 8%. Triði bólkurin er Sandoyarøkið og Suðuroy, sum onki hava fingið av fólkavøkstrinum tað mesta av hesum sjey árunum - hóast tølini tað síðsta árið vísa ein ávísan vøkstur, serliga í Sandoyarøkinum. ## Ymiska íkastið til fólkavøksturin frá tilflyting og burðaravlopi Avgerandi fyri gongdina í fólkatalinum eru burðaravlopið (munurin millum fødd og deyð) og nettoflytingin (munurin millum tilflyting og fráflyting). Á myndini niðanfyri sæst, at í øllum økjunum í landinum - uttan í Vágaøkinum - er tað nettoflytingin, sum ger størstan mun í fólkavøkstrinum. Men her sæst eisini týðiliga, at í Sandoyar og Suðuroyar sýslum kemur allur vøksturin frá tilflytingini, tí at í Sandoyar sýslu er onki íkast frá burðaravlopinum og í Suðuroyar sýslu er tað eitt negativt burðaravlop, ið beinleiðis minkar um tann fólkavøksturin, sum tilflytingin gevur. ## Kommunurnar Verður hugt at einstøku kommununum, er nógv størsti vøkstur í tali í teim størstu kommununum:   * Tórshavnar kommunu við 377 fólkum, svarandi til 1,7%    * Runavíkar kommunu við 102 fólkum, svarandi til 2,5%   * Klaksvíkar kommunu við 102 fólkum, svarandi til 1,9%    * Eystur kommunu við 58 fólkum, svarandi til 2,7%   * Nes kommunu við 46 fólkum, svarandi til 3,4% Av øðrum stórum og miðalstórum kommunum er stórur vøkstur í Vágs kommu við 2,4% og Sjóvar kommunu við 2,0%. Ein minni vøkstur er í Tvøroyrar og Vága kommunum. Í Vestmanna kommunu er ongin vøkstur. Hinvegin minkar í Fuglafjarðar kommunu við 0,9% og Sørvágs kommunu við 0,8%. Av smærri kommunum er stórur vøkstur í Skopunar kommunu við 5,1%, Viðareiðis kommunu við 2,9%, Sands kommunu við 2,8% og Kvívíkar kommunu við 2,6%. Ein minni vøkstur var í Eiðis kommunu (1,2%) og í Hvannasunds kommunu (1,0%). Hinvegin minkar í Kunoyar, Sumbiar og Hvalbiar kommunum.   ## Vøkstur í flestu útoyggjum Eisini útoyggjar fáa ein part av fólkavøkstrinum: 5 eru komin aftrat í Kalsoy, 4 fólk í Nólsoy, 2 í Fugloy og 1 í Skúvoy. Óbroytt er í Svínoy, Mykinesi og Stóru Dímun. Í Koltri býr ongin longur. 


Innflutningurin, uttan skip og brennievni, vaksin

Innflutningurin í februar er nú uppgjørdur, og í talvuni niðanfyri ber til at síggja innflutningin seinasta 12-mánaðarskeið samanborið við undanfarna skeið. Innflutningurin av skipum er minkaður 400 mió. kr., og vit hava eisini brúkt 300 mió. kr. minni upp á brennievni, serliga vegna lægri prís á brennievni. Fyri flestu av hinum vørubólkunum er innflutningurin vaksin ella stendur í stað. 


Útflutningurin beint undir 8 mia.

Útflutningurin í februar er nú gjørdur upp, og í talvuni niðanfyri ber til at síggja útflutningin seinasta 12-mánaðarskeið samanborið við undanfarna skeið. Tað er minni útflutt í flestøllum vørubólkum. Minkingin av útfluttum laksi er 663 mió. kr. Tað er ein minking á 17%. Nøgdin minkaði góð 4%. Útflutningurin av toski er minkaður næstan 350 mió. kr, sum svarar til eina minking á 31%. Minkingin er eisini 31% í nøgd fyri tosk. Eisini er minni útflutt av makreli. Har er minkingin 239 mió. kr. sum er 24%. Í nøgd er minkingin 13%. 


27.400 løntakarar í mars 

Trendurin, sum lýsir rákið í løntakaratalinum, vísir at hóast tað enn leggjast løntakarar afturat løntakaraskaranum, so veksur talið munandi spakuligari, enn tað hevur gjørt. Vøksturin seinastu mánaðirnar er nærum stegaður upp. Grafurin omanfyri er livandi. Nú er møguligt at flætta (en. embed) livandi grafar sum hendan á tykkara heimasíðu, eitt nú í tíðindagreinar. Tað gevur brúkarunum á tykkara heimasíðu somu livandi grafar, sum á hagstova.fo. Við livandi grafum er tað møguligt at halda músina yvir eina linju á grafinum, og soleiðis síggja t.d. løntakaratalið ein ávísan mánað. Eisini er møguligt at hála í tíðarlinjuna og leingja vísta tíðarskeiðið á grafinum, t.d. aftur til 1985 í løntakaratølunum. Soleiðis flætta tit grafin á tykkara síðu: Trýstið á burgaramenuina (knøtturin við trimum strikum) ovast í høgra horni. Veljið síðani "Flætta graf í síðu". Trýstið á knøttin "Avrita kotu" og setið inn kotustubban á heimasíðu tykkara. ## Fleiri kvinnur leggjast afturat Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali og sterku strikurnar vísa gongdina ella trendin. Í mars vóru um 14.100 menn í løntakaraskaranum, og tað eru 140 fleiri  enn sama mánað í fjør. Kvinnurnar vóru um 13.300 í tali, ella 380 fleiri enn í fjør. Trendurin vísir, at meðan vøksturin í talinum av mannligum løntakarum er steðgaður upp, leggjast kvinnur framvegis afturat løntakaraskaranum. Tær báðar myndirnar niðanfyri vísa løntakaratalið og gongdina í teimum fýra høvuðsvinnugreinunum mánaðarliga. Í 'almennari o.a. tænastu' og 'fiskivinnu o.a. tilfeingisvinnu' veksur lønartakaratalið. Lítil og eingin vøkstur er hinvegin í løntakaratalinum í privatu tænastuvinnunum, og trendurin gevur ábending um minking í hesum vinnugreinabólkinum. Í byggivinnuni er løntakaratalið farið at minka eftir at hava verið støðugt vaksandi síðani 2014. Samanborið við marsmánað í 2020 vaks løntakaratalið 3,0% í 'almennari o.a. tænastu' og 3,6% i 'fiskivinnu o.a. tilfeingisvinnu' og 1,6% í 'privatum tænastuvinnum', meðan løntakaratalið minkaði 1,3% í 'byggivinnu o.a. tilvirking'. 


925 milliónir í lønum í mars - vøksturin nærum steðgaður upp

Útgoldnu lønirnar og gongdin í lønargjaldingunum eru lýstar á myndini niðanfyri. Trendurin vísir, at vøksturin í lønargjaldingunum er nærum steðgaður. Grafurin omanfyri er livandi. Nú er møguligt at flætta (en. embed) livandi grafar sum hendan á tykkara heimasíðu, eitt nú í tíðindagreinar. Tað gevur brúkarunum á tykkara heimasíðu somu livandi grafar, sum á hagstova.fo. Við livandi grafum er tað møguligt at halda músina yvir eina linju á grafinum, og soleiðis síggja t.d. lønargjaldingarnar ein ávísan mánað. Eisini er møguligt at hála í tíðarlinjuna og leingja vísta tíðarskeiðið á grafinum, t.d. aftur til 1985 í lønargjaldingunum. Soleiðis flætta tit grafin á tykkara síðu: Trýstið á burgaramenuina (knøtturin við trimum strikum) ovast í høgra horni. Veljið síðani "Flætta graf í síðu". Trýstið á knøttin "Avrita kotu" og setið inn kotustubban á heimasíðu tykkara. Myndin niðanfyri vísir lønargjaldingarnar fyri kynini bæði. Kámu strikurnar vísa útgoldnu lønirnar, og sterku strikurnar vísa gongdina ella trendin. Í mars áttu menninir 585 milliónir av lønargjaldingunum. Tað eru 13 milliónir fleiri enn sama mánað í fjør. Kvinnurnar áttu 340 milliónir, sum eru 37 milliónir meira enn sama mánað í fjør. Meðan vøkstur er í lønargjaldingunum í 'almennari o.a. tænastu' og 'privatu tænastuvinnunum', er vøksturin steðgaður upp í 'byggivinnu o.a. tilvirking' og 'fiskivinnu o.a. tilvirking'. Í talvuni niðanfyri eru lønargjaldingarnar seinasta árið taldar saman og samanbornar við sama tíðarskeið árið fyri. 


Brúkaraprísirnir í miðal øktir 1,1 prosent seinasta árið

Brúkaraprístalið er yvirskipað sett saman av 12 vøru- og tænastubólkum. Tað er ymiskt, hvussu stóra ávirkan vørurnar og tænasturnar hava á brúkaraprístalið. Býtið av nýtsluni hjá brúkaranum er avgerandi fyri, hvussu nógv vørurnar og tænasturnar ávirka prístalið. Av hesum 12 vøru- og tænastubólkunum, eru prísir innan býli, gistingarhús og matveitarar og útbúgving minkaðir hetta seinasta árið, meðan millum annað prísir á klæðum og akførum eru øktir. Brúkaraprístalið fyri 1. ársfjórðing í ár er 123,2, sum er 1,3% hægri enn brúkaraprístalið fyri 4. ársfjórðing í fjør og 1,1% hægri í mun til 1. ársfjórðing 2020. Kvartárliga uppgerðin av brúkaraprístalinum tekur støði í prísum fyri miðjan ársfjóðringin, t.v.s. seinasta uppgerðin vísir prísir mitt í februar, og nú korona hevur leikað á í meira enn eitt ár, eru fýra kvartárligar prístalsuppgerðir tøkar í korunu-tíðini. Í umleið 3 ár innan korana rakti allan heimin lá árliga broytingin í samlaða prístalinum í Føroyum og aðrastaðni í Evropa millum umleið 1 til 2 prosent. Í tíðini við korona er árliga broytingin í samlaða brúkaraprístalinum minkað lutfalsliga nógv, men nú útlit eru til, at endin á farsóttinini er í nánd, er samlaða brúkaraprístalið farið upp og árliga broytingin liggur oman fyri 1 prosent aftur. Høvuðsorsøkin til minni vøkstur í samlaða brúkaraprístalinum í tíðini við koronu í mun til 2-3 ár innan korona, hevur verið fallið í altjóða oljuprísinum. Í fýra teimum seinastu uppgerðunum sæst týðiliga ávirkanin, ið stóra minkingin í altjóða oljuprísinum hevur havt á prísin á brenniolju til húsarhald. Brenniolja er lutfalsliga stórur partur av samlaðu nýtsluni hjá einum miðal føroyskum húsarhaldi og hevur tí eisini lutfalsliga stóra ávirkan á brúkaraprístalið. Myndin niðanfyri vísir, hvussu stóra ávirkan prísbroytingar innan ymsu vøru- og tænastubólkarnar hava á samlaða brúkaraprístalið, tá lagt verður upp fyri, hvussu nógv vit keypa av ymsu vørunum og tænastunum. Myndin vísir, at vørur og tænastur innan bólkarnar býli og hotel og matveitarar framvegis eru lægri í mun til fyri einum ári síðan, meðan prísir á vørum og tænastum innan allar aðrar vøru- og tænastubólkar í miðal eru hægri og geva harvið positivt vaksrarískoyti á samlaða prístalið. So hóast prísir á brenniolju til húsarhald, ið er partur av býlisútreiðlsum, framvegis er lægri enn fyri einum ári síðan, so eru príshækkingar á flestu øðrum vørubólkum viðvirkandi til, at samlaða prístalið er farið 1,1% upp eftir einum ári. Av einstøku útgreinaðu vørunum í prístalinum er talan serliga um príshækking av akførum, sum partur av vørubólkinum 'Flutningur'. 


Nógv færri mál í Føroya Rætti, Fútarættinum og Skiftirættinum í 2020

Hetta er tó ein stór minking í mun til fyrra árið. Heili 700 færri avgreidd mál í Føroya Rætti, 350 færri mál í Fútarættinum og knappliga 100 færri í Skiftirætinum. Í Yvirfriðingarnevndini er talið óbroytt. Í Føroya Rætti eru nógv tey flestu málini - um 980 í fjør - borgarlig mál. Síðan aldarskiftið øktust tey nógv í tali, frá umleið 1.100 til tað mesta í 2008 við 2.000 málum. Siðani er tað minkað líðandi aftur og er nú komið niður um túsund, tað lægsta í hesi øldini. Revsimálini øktust eisini líðandi frá umleið 300 um aldarskiftið til tað mesta í 2013 við stívliga 800 málum. Síðani er tað minkað aftur, niður um 300, somuleiðis tað lægsta í hesi øldini. Um borgarlig mál og revsimál ber til at lesa í upplýsingartilfari hjá Føroya Rætti. Stutt kann sigast, at borgarlig mál eru mál, har ein borgari leggur sak móti øðrum borgara, fyritøku ella myndugleika. Revsimál eru sakarmál viðv. lógarbrotum, ið kunnu viðføra revsing við bót, hefti ella fongsli. Virksemið í Fútarættinum hevur verið skiftandi frá einum ári til annað, men hevur verið spakuliga fallandi. Einstøk ár stinga seg burturúr, serliga 2009. Frá at vera millum 3.000 og 3.500 í nullunum eru málini fækkað nakað til gott 2.000 í fjør. Nógv tey flestu málini í Fútarættinum hava verið áheitanir um panting. Ein partur av virkseminum í Fútarættinum eru uppboðssølur viðvíkjandi fastogn og skipum. Flestu uppboðssølurnar eru av fastogn, men tølini eru smá við eini 8 framdum uppboðssølum í miðal tey síðstu 5 árini, meðan framdu uppboðssølurnar av skipum eru millum eina og onga hesi síðstu 5 árini. Fyri uppboðsølu av fastogn hava tó árini 2009 til 2014 verið heilt serstøk, har bæði talið av áheitanum um uppboðssølur og talið av framdum uppboðssølum vaks sera nógv frá 2008 til tað mesta 2011-2013 og síðani er minkað aftur til nakað tað sama sum undan fíggjarkreppuni. Í 2020 var aftur stór minking, har talið av framdum uppboðssølum viðv. fastogn fór heilt niður í eina úr 9. Onki mál var viðv. skipum. Í Skiftirættinum hevur talið av málum verið spakuliga vaksandi síðstu 20 árini. Serliga stórur var vøksturin árini 2009-10. Bert fá mál í Skiftirættinum snúgva seg um trotabúgv, í fjør einans 13 av teimum  tilsamans. Í Yvirfriðarnevndini hevur talið av málið verið javnt spakuliga veksandi hesi 20 árini, frá eini 50 upp í eini 80. 


Færri fongslað, men fleiri brot á rúsevnis- og vápnalóg 

Fýra tey fyrstu árini eftir aldarskiftið vaks talið av fongslaðum og varðhaldsfongslaðum úr 100 upp í umleið 150 árliga, men er síðani minkað støðugt og var komið niður í 40 í 2020. Tó sæst, at talið av fongsulsdøgum ikki er minkað samsvarandi og serliga hesi síðstu fýra árini vísir gongdin ein uppgangandi trend í tali av fongslaðum persónum. Brotini á rúsevnislógina, ið vóru gott 50 fyri 20 árum síðani, eru vaksin munandi, serliga síðani 2012, so nú eru meira enn tvífaldað. Brotini á arbeiðsverndarlógina vísa eina misjavna gongd. Tey vóru 36 bæði í 2001 og 2002, men hava síðani lagt seg á eitt støði millum 10 og 15 brot um árið. Brotini á vápnalógina lógu eini 10 um árið fram til 2010, men eru síðani vaksin líka upp í 46 í 2020 og eru harvið fimmfaldað seinastu 10 árini. 


Stór minking í flestu revsimálum - uttan í siðamisbrotum

Tann stóra minkingin í revsilógarbrotum sæst serliga aftur í málum um herverk, ið eru fækkað úr 400 árliga niður móti 100, og viðvíkjandi innbrots- o.ø. stuldri, ið eru fækkað úr 473 í 2001 niður í 133 í fjør. Málini um harðskap hava sveiggjað nógv - úr 116 í 2006 niður í 25 í 2011 - men samlaða gongdin síðani 2000 vísir tó hóast hetta eina lítla minking. Hinvegin sæst ongin minking í talinum av revsimálum um siðamisbrot. Tvørturímóti. Tey vóru annars spakuliga minkandi í 00-unum, men eru sjónliga vaksin aftur seinastu árini. Hóast tølini eru smá og leypa nógv upp og niður, er ein greið ábending um gongdina, at tey vóru 21 í 2017 og 33 í 2019. Eitt annað revsilógarøki við fáum fráboðanum er ónáðan og ærumeiðing, sum øll hesi 20 árini hevur sveiggjað um 30-60 mál árliga, men tó við einum lítlum vaksandi trendi hesi seinastu árini. 


Um 9.500 gistingar í mars - 3,7% minni enn fyri tveimum árum síðani

Í mars vóru tilsamans gott 9.500 gistinætur á gistingarhúsunum. Tað eru gott 5.000 fleiri gistinætur samanborið við sama mánað í fjør. Gistinætur telja, hvussu nógvir og hvussu leingi persónar gista á gistingarhúsum. Tað eru gistingarhúsini í Tórshavnarøkinum, sum eiga lutfalsliga størsta partin av gistináttunum. Í mun til í fjør var vøksturin her 124%, meðan hann var 31% uttan fyri Tórshavnarøkið. Stóri vøksturin í gistináttum sæst aftur við, at parturin hjá føroyingum er trífaldaður í mun til í fjør og tvífaldaður í mun til 2019. Talið av gistináttum hjá dønum vaks við góð 50% í mun til í fjør. Hjá fólkum úr øðrum londum var talið av gistináttum so at siga óbroytt. ## Innskrivingar Innskrivingarnar vísa talið av ferðafólkum á gistingarhúsunum, sama hvussu leingi tey gista. Nógv fleiri føroyingar vitja á gistingarhúsunum. Í mun til mars í fjør vaks talið av føroyingum við meira enn 600% og tvífalt so nógv sum í 2019. ## Nýtslustig Nýtslustigið vísir, hvussu stórur partur av tøku kømrunum verður brúktur. Nýtslustigið var 28,5% í mars, sum er nakað hægri enn í fjør, tá nýtslustigið var 24,4%. Í 2019 var nýtslustigið væl hægri við 44,1%. 


Ársuppgerðirnar um íbúgvaviðurskifti eru dagførdar

Tað snýr seg m.a. um:   o    Fólkið í Føroyum skift á aldur og kyn, føðiland og ríkisborgaraskap   o    Fólkið í Føroyum skift á aldur og kyn, bygd, kommunu, øki, sýslu og oyggj   o    Lívsævi ella væntaðan miðal livialdur   o    Deyðatíttleika, t.v.s. talið av deyðum í hvørjum einstøkum aldursbólki í mun til fólkatalið í aldursbólkinum   o    Føðitíttleika, t.v.s. talið av føddum, skift eftir aldurin hjá mammuni og roknað í mun til, hvussu nógvar kvinnur eru í aldurbólkinum   o    Fólkaflyting, innanlands millum bygdir og øki í Føroyum og millum Føroyar og útlond. Uttanlandsflytingin er skift á aldur og kyn, tilflytiland og fráflytiland, hjúnastøðu, føðiland og ríkisborgaraskap   o    Hjúnastøðu, t.v.s. fólkið skift á aldur og kyn, ógift, gift og sundurlisin, fráskild, einkjur og einkjumenn Umframt talvurnar í Hagtalsgrunninum eru øll hesi evni um íbúgvaviðurskifti umrødd og lýst á temasíðum her á heimasíðuni. 


Avlopið á gjaldsjavnanum er enn stórt

Stór avlop hava verið á rakstrarviðskiftum gjaldsjavnans síðani 2013. Rakstraravlopið fyri 2018 og 2019 er nakað lægri enn árini 2016 og 2017. Lægra avlopið í 2018 stavar í høvuðsheitum frá minni útflutningi av frystum laksi og sild. Størri inntøkur frá sølu av tænastum til umheimin, eitt nú innan ferðavinnu og flutning, hava gjørt, at hallið á tænastujavnanum hevur verið lítið seinastu árini. Somuleiðis hava nettorakstrarflytingarnar í privata geiranum, so sum pensións- og tryggingargjøld, verið lutfalsliga høgar seinastu trý árini. Tænastuhandilin við umheimin er grundaður á spurnabløð, ið Hagstovan sendir út til ávísar fyritøkur. Av tí sama er ein ávís óvissa um hesi tølini. Í uppgerðini av rakstrarviðskiftum gjaldsjavnans fyri 2018 og 2019 er hallið á tænastujavnanum ávikavist 244 og 405 mió. kr. Hetta er á sama støði sum í 2016 og 2017, men minni hall enn árini frammanundan. Rákið í løtuni er, at útflutningurin av tænastum veksur skjótari enn innflutningurin av tænastum. 


Nettoognin uttanlands heldur seg á sama støði

Nettoogn føroyinga uttanlands var 5,4 mia. kr. í 2018 og 4,1 mia. kr. í 2019. Hetta er nakað lægri enn nettoognin á 5,7 mia. kr. í 2017. Bæði ogn og skuld er vaksið nógv seinastu árini. Ein ávísur partur av vøkstrinum stavar frá hækkandi virði av føroyskum partabrøvum og fleiri føroyskum íløgum uttanlands. Hóast stór avlop hava verið á rakstrarviðskiftum gjaldsjavnans, er nettoognin ikki vaksin samsvarandi. Hetta er fyri ein stóran mun orsakað av, at ein fittur partur av hækkingini í uttanlandsskuldini stavar frá virðisbroytingum Tað almenna, fíggjarfyritøkurnar og húsarhaldini hava økt um nettoognina við 11,3 mia. kr. tíðarskeiðið 2012 til 2019, meðan vinnufyritøkur hava hækkað sína nettoskuld við sløkum 8,7 mia. kr. Meira enn helvtin av ogn føroyinga uttanlands er í lánsbrøvum. Lánsbrævaognin er vaksin 2,6 mia. kr. síðani 2017. Tó stavar størsta hækkingin í ognunum frá hækkandi føroyskum íløgum uttanlands. Sløk helvtin av skuldini stavar frá íløgum hjá útlendingum í føroysk partabrøv, og henda skuldin er vaksin nógv seinastu árini. Tó skal sigast, at vøksturin í høvuðsheitum stavar frá virðisbroytingum og ikki fleiri útlendskum íløgum í Føroyum. Lániskuldin til umheimin hevur verið lækkandi seinastu árini, men hækkaði við 2,6 mia. kr. frá 2018 til 2019. Allir geirar, uttan tað almenna, hava hækkað lániskuldina frá 2018 til 2019. 


Arbeiðsloysið 1,6% í februar

Myndin niðanfyri vísir arbeiðsloysið og gongdina í arbeiðsloysinum. Káma strikan vísir arbeiðsloysisprosentið og sterka strikan vísir gongdina ella trendin í arbeiðsloysinum.   Arbeiðsloysið var 1,6% í februar, ið svarar til 470 fulltíðararbeiðsleys. Tilsamans vóru um 570 persónar raktir av arbeiðsloysi. Arbeiðsloysið var til samanberingar 1,3% sama mánað árið fyri. Trendurin vísir, at stillstøða er í arbeiðsloysinum, ið merkir at tað hvørki hækkar ella lækkar. Í februar var arbeiðsloysið 1,6% hjá monnum og 1,5% hjá kvinnum. Sama mánað í 2019 var tað 1,1% hjá monnum og 1,4% hjá kvinnum. Landkortið vísir arbeiðsloysið eftir øki. Í februar var arbeiðsloysið hægst í Suðuroy við 2,6% og lægst í Norðoyggjum við 1,0% og Eysturoy við 1,1%. Myndin niðanfyri vísir, hvussu leingi fólk hava verið arbeiðsleys. Í februar vóru 10,2% langtíðararbeiðsleys av teimum arbeiðsleysu, tað vil siga tey høvdu verið arbeiðeiðsleys í meira enn 1 ár. Sama mánað árið fyri vóru 10,3% langtíðararbeiðsleys. 


Akførini eru meir enn dupult so nógv sum við aldarskiftið, men ferðsluóhappini eru fækkað niður í ein triðing

## 19-túsund akfør vóru ár 2000 - nú er tey stívliga 40-túsund Frá 1. jan. 2000 til 1. jan. 2021 er talið av skrásettum motorakførum vaksið úr sløkum 19-túsund upp um 40-túsund. Tað eru stívliga 21-túsund fleiri. Av hesum er talið av persónbilum vaksið við sløkum 13-túsund. Sjálvt um fólkatalið eisini er vaksið munandi, so er vøksturin í talið av akførum tó enn størri, tí í 2000 vóru tað yvir trý fólk uppá hvønn persónbil, meðan tað nú í 2021 vóru tvey fólk uppá bilin. Roknað vit bara fólk frá 18 árum og eldri, vóru tað 2,3 uppá bilin í 2000, samanboðið við 1,5 í 2021. ## Ferðuóhappini fækkað niður í ein triðing Fyrst í hesari øldini var talið av ferðsluóhappum eini 1200 -1300 árliga, men tey eru síðani fækkað støðugt niður í 410 í 2020. Hetta vísa yvirlit hjá løgregluni. Fólkaskaðar í ferðsluni eru eisini fækkaðir nógv og somuleiðis talið av ákærdum fyri rúsdrekkakoyring. Talið av fólkaskaðum í ferðsluni lá millum 60 og 70 árliga mitt í 00-unum fram til 2008, men so kom eitt stórt fall niður móti eini 30 í 2010 og hevur síðani tá verið millum 25 og 30. Ongin lat lív í ferðsluvanlukku í 2020, í 2019 var tað ein persónur. Í 2018 var tað heldur ongin, og var tað tá fleiri enn 50 ár síðani, at hetta hendi. Seinastu 5 árini (2016-2020) eru 6 fólk deyð í ferðsluni í Føroyum. Tey 5 árini frammanundan (2011-15) vóru tað 15 fólk, sum lótu lív í ferðsluni. Talið av teimum, sum eru ákærd fyri rúsdekkakoyring, er eisini minkað. Átta tey fyrstu árini í nullunum lá talið av ákærdum fyri rúsdrekkakoyring millum 150 og 200 árliga. Men í 2009 varð markið fyri rúsdrekkakoyring sett niður úr 0,5 til 0,2 promillu. Hetta sæst aftur í tølunum, tí talið av ákærdum minkaði niður í eini 100 um árið. Eftir metlág tøl í 2017 og 18 hækkað talið nakað aftur í 2019 og upp í 134 í 2020. ## Talið av motorakførum vaksið við 1.000 hvørt ár síðani 2000 Líka síðan aldarskiftið er talið av skrásettum motorakførum vaksið við eini túsund árliga. Eitt lítið fall var undir fíggjarkreppuni 2009-11, men er síðan aftur vaksið við somu ferð. Í 2000 vóru tað 3,2 fólk fyri hvønn persónbilin. Í 2021 er bilatalið økt so nógv, at nú eru tað 2 fólk fyri hvønn bilin. Rokna vit bert við teimum, sum er 18 ár og eldri, so var talið 2,3 í ár 2000 og nú 1,5 í ár 2021. Í talvuni niðanfyri sæst, at hesin vøkstur er í øllum sløgum av akførum - uttan einum: í 2000 vóru 92 hýruvognar, í 2018 vóru teir 109, men síðani er stór minking, til 69 í 2020 og heilt niður í 43 í 2021. Tað vísa tøl frá Akstovuni. Útgreinað hagtøl eru í Hagtalsgrunninum. Um ferðsluna o.a. er meir at lesa á heimasíðuni hjá Løgregluni og Ráðnum fyri ferðslutrygd. Um talið av akførum, greinað sundur á slag av akførum v.m. er meir at lesa á heimasíðuni hjá Akstovuni. 


Vøksturin í uppihalds- og arbeiðsloyvum støðgaður á

Fyrstu fjúrtan árini í hesi øldini var talið av uppihalds- og arbeiðsloyvum til útlendingar í Føroyum millum eini 400 og 700. Men við tí stóra vøkstrinum í virkseminum í Føroyum fór talið at vaksa av álvara eftir 2014 og serliga stórur var vøksturin frá 2016 til 2019.  T.d. var talið av arbeiðs- og uppihaldsloyvum 422 í 2013 og vaks upp um 2.000 í 2019. Í 2020 var talið tað sama. Viðvíkjandi talinum av brotum á útlendingalógina var tað heldur fallandi heilt fram til 2017, og fór so at vaksa stórliga, úr 13 í 2017 upp í 72 í 2019 og enn meir upp í 92 í 2020. 


Fólkatalið var 53.223 tann 1. apríl

Vaksandi gongdin í fólkatalinum hevur verið støðug síðani 2013. Gongdin í fólkatalinum verður ávirkað av, hvussu nógv flyta til og frá Føroyum, og hvussu nógv doyggja og verða fødd. Seinasta árið tykist nettoflytingin at vera minkað nakað, meðan burðaravlopið heldur fram við at vaksa.   ## Flytingar Seinastu árini hevur gongdin verið, at fleiri flyta til Føroya og færri flyta úr Føroyum. Hetta hevur givið eitt vaksandi íkast til fólkavøksturin. Seinasta árið er hendan gongdin broytt nakað. Tilflytingin er minkað, meðan fráflytingin ikki er minkað eins nógv. Nettoflytingin, sum er munurin millum tilflyting og fráflyting, er sostatt nakað minni enn hon hevur verið.   Grovaru strikurnar í myndini niðanfyri vísa gongdina í tilflytingini og fráflytingini. ## Burðaravlop Burðaravlopið, ið er munurin millum fødd og deyð, hevur verið javnt vaksandi seinastu árini. Hóast fólkatalið síðan 2014 er vaksið við umleið 5.000 fólkum, so er miðal talið av deyðum um mánaðin ikki broytt og liggur framvegis um 30 fólk í miðal um mánaðin. Harafturímóti er talið av føddum børnum seinastu árini vaksið munandi, og nú verða millum 55 og 60 børn fødd í miðal um mánaðin. Burðaravlopið gevur tí framvegis eitt vaksandi íkast til fólkavøksturin. Grovaru strikurnar í myndini niðanfyri vísa gongdina í føðitalinum og í deyðatalinum. ## Kommunurnar Gongdin í fólkatalinum er framvegis ymisk frá kommunu til kommunu.  Størsti vøksturin í tali er í teimum størstu kommunum, har Tórshavnar-, Klaksvíkar-, Runavíkar-, Eystur- og Nes kommuna standa fyri 79% av vøkstrinum. Lutfalsliga stórur fólkavøkstur er í Sands og Skopunar kommunu, har fólkatalið er vaksið við yvir 4% í báðum kommunum, svarandi til ávikavist 21 og 23 fólk samanborið við somu tíð í fjør. Eisini í Suðuroynni heldur fólkatalið fram við at vaksa. Vøksturin sæst serliga í Tvøroyra og Vágs kommunu, har 59 fólk eru komin afturat síðani somu tíð í fjør.   Fimm kommunur høvdu afturgongd í fólkatalinum. Størsta afturgongdin í tali var í Fuglafjarðar kommunu, har fólkatalið minkaði við 15 persónum. Tað svarar til eina minking á 0,9 prosent samanborið við somu tíð í fjør. Talvan niðanfyri vísir fólkatalið í kommununum fyri apríl 2020 og apríl 2021. 


27.300 løntakarar í apríl - 2.000 fleiri enn í fjør

Trendurin, sum lýsir rákið í løntakaratalinum, vísir, at hóast tað framvegis leggjast løntakarar afturat løntakaraskaranum, so veksur talið munandi spakuligari, enn tað hevur gjørt. Vøksturin seinastu mánaðirnar er nærum stegaður upp. Grafurin omanfyri er livandi. Nú er møguligt at flætta (en. embed) livandi grafar sum hendan í tykkara heimasíðu, eitt nú í tíðindagreinar. Tað gevur brúkarunum á tykkara heimasíðu somu livandi grafar, sum á hagstova.fo. Við livandi grafum er tað møguligt at halda músina yvir eina linju á grafinum, og soleiðis síggja t.d. løntakaratalið ein ávísan mánað. Eisini er møguligt at hála í tíðarlinjuna og leingja vísta tíðarskeiðið á grafinum, t.d. aftur til 1985 í løntakaratølunum. Soleiðis flætta tit grafin í tykkara síðu: Trýstið á burgaramenuina (knøtturin við trimum strikum) ovast í høgra horni. Veljið síðani "Flætta graf í síðu". Trýstið á knøttin "Avrita kotu" og setið inn kotustubban á heimasíðu tykkara. ## Munurin millum menn og kvinnur tódnar Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali og sterku strikurnar vísa gongdina ella trendin. Í apríl vóru um 13.900 menn og 13.350 kvinnur í løntakaraskaranum. Trendurin vísir, at meðan vøksturin í talinum av mannligum løntakarum minkar spakuliga, leggjast kvinnur framvegis afturat løntakaraskaranum. Munurin millum talið av monnum og kvinnum í løntakaraskaranum, ið hevur verið vaksandi í nøkur ár, minkar tí nú aftur. ## Vinnugreinar Tær báðar myndirnar niðanfyri vísa løntakaratalið og gongdina í teimum fýra høvuðsvinnugreinunum mánaðarliga. Í 'almennari o.a. tænastu' hevur løntakaratalið verið støðugt vaksandi og vøksturin hevur seinasta árið verið tiltakandi. Lítil minking er hinvegin í løntakaratalinum í privatu tænastuvinnunum. Í byggivinnuni er løntakaratalið farið at minka eftir at hava verið støðugt vaksandi síðani 2014. 


Úrslitið fyri allar vinnur lækkaði við 14% í 2018, men hækkaði við 15% í 2019

Samlaða úrslitið í tilfeingisvinnum vaks frá 2018 til 2019 aftan á eina støðuga afturgongd síðani 2016. Hyggja vit longur aftur í tíð, so er úrslitið fyri allar tilfeingisvinnur hækkað nógv seinastu 10 árini - frá 2010 til 2019 er úrslitið hækkað frá 466 mió. kr. í 2010 til knappar 1,2 mia. kr. Afturgongdin frá 2016 til 2018 er serliga innan alivinnuna, har úrslitið lækkaði við 33% frá nærum 1,08 mia. kr. í 2016 til 726 mió. kr. í 2018. Tó er úrslitið fyri alivinnuna hækkað aftur við 17% til 846 mió. kr. í 2019. Innan framleiðsluvinnur er samlaða úrslitið eisini vaksið nógv seinastu árini. Í 2010 var samlaða úrslitið 225,6 mió. kr. og tað er vaksið við 500 mió. kr. til 725,2 mió. kr. í 2019. Størstu framgongdina innan framleiðsluvinnur seinastu 10 árini eigur byggivinnan. Í 2010 var samlaða úrslitið fyri byggivinnuna 61 mió. kr., meðan tað í 2019 var 190 mió. kr. Seinastu árini er úrslitið í byggivinnuni eisini vaksið nógv. Frá 2017 til 2018 er tað vaksið við nærum 50% við 137 mió. kr. í 2017 til 205 mió. kr. í 2018, ið tó er fallið við 7,3% í 2019 til 190 mió. kr. Vøksturin seinastu 10 árini er eisini at síggja innan tænastuvinnur. Í 2010 var samlaða úrslitið fyri tænastuvinnur beint yvir 100 mió. kr, meðan tað í 2019 var knappar 842 mió. kr. Eisini her var ein lítil afturgongd frá 2017 til 2018, har úrslitið lækkaði við 8,8% frá 859 mió. kr. í 2017 til 783 mió. kr. Millum 2018 og 2019 hækkaði úrslitið fyri allar tænastuvinnur tó við 7,5% til 842 mió. kr. í 2019. 


900 milliónir í lønum í apríl - vaksa nú aftur

Trendurin, sum lýsir rákið í lønargjaldingunum við at reinsa fyri árstíðarfrávik og aðrar tilvildarligar broytingar, vísir, at eftir eitt lítið ár við lítlum og ongum vøkstri, eru lønargjaldingarnar nú aftur farnar at vaksa. Grafurin omanfyri er livandi. Nú er møguligt at flætta (en. embed) livandi grafar sum hendan á tykkara heimasíðu, eitt nú í tíðindagreinar. Tað gevur brúkarunum á tykkara heimasíðu somu livandi grafar, sum á hagstova.fo. Við livandi grafum er tað møguligt at halda músina yvir eina linju á grafinum, og soleiðis síggja t.d. lønargjaldingarnar ein ávísan mánað. Eisini er møguligt at hála í tíðarlinjuna og leingja vísta tíðarskeiðið á grafinum, t.d. aftur til 1985 í lønargjaldingunum. Soleiðis flætta tit grafin í tykkara síðu: Trýstið á burgaramenuina (knøtturin við trimum strikum) ovast í høgra horni. Veljið síðani "Flætta graf í síðu". Trýstið á knøttin "Avrita kotu" og setið inn kotustubban á heimasíðu tykkara. ## Menn og kvinnur Myndin niðanfyri vísir lønargjaldingarnar fyri kynini bæði. Kámu strikurnar vísa útgoldnu lønirnar, og sterku strikurnar vísa gongdina ella trendin. Í apríl áttu menninir 535 milliónir av lønargjaldingunum, ið svarar til 60% av útgoldnu lønunum. Tað eru 17 milliónir fleiri enn sama mánað í fjør. Kvinnurnar áttu 362 milliónir, sum eru 36 milliónir meira enn sama mánað í fjør. Trendurin vísur, at hjá kvinnum heldur vøksturin fram. Hjá monnunum eru lønargjaldingarnar nú aftur farnar at vaksa, tó ikki við somu ferð, sum undan koronufarstórrini. ## Vinnugreinar Trendurin vísir, at vøkstur framvegis er í lønargjaldingunum í 'almennari o.a. tænastu',  meðan í 'privatu tænastuvinnunum' er vøksturin avtakandi. Í 'byggivinnu o.a. tilvirking' er lønargjaldingar steðgaðar upp. Í talvuni niðanfyri eru lønargjaldingarnar seinasta árið taldar saman og samanbornar við sama tíðarskeið árið fyri. 


Innflutningurin minkaður hálva mia.

Innflutningurin í mars er nú uppgjørdur, og í talvuni niðanfyri ber til at síggja innflutningin seinasta 12-mánaðarskeið samanborið við undanfarna skeið. Skipainnflutningurin er minkaður 450 mió. kr., og vit hava eisini brúkt 338 mió. kr. minni upp á brennievni, serliga vegna lægri prís á brennievni. Tað sum er innflutt til beinleiðis húsarhaldsnýtslu er vaksið 200 mió. ella 12%. Innflutningurin av maskinum, útgerð og tilfari til vinnuna er vaksin, tó er minni innflutt av byggitilfari hetta tíðarskeiði. 


Útflutt fyri hálva aðru mia. minni

Útflutningurin í mars er nú gjørdur upp, og í talvuni niðanfyri ber til at síggja útflutningin seinasta 12-mánaðarskeið samanborið við undanfarna skeið. Tað er minni útflutt í flestøllum vørubólkum. Minkingin av útfluttum laksi er oman fyri hálva mia. kr. Tað er ein minking á 13%. Nøgdin var áleið tann sama. Útflutningurin av toski er minkaður næstan 400 mió. kr., sum svarar til eina minking á 33%. Minkingin er 34% í nøgd fyri tosk. Eisini er minni útflutt av makreli. Har er minkingin 272 mió. kr. sum er 28%. Í nøgd er minkingin 15%. 


Færri doyggja av hjarta- og æðrasjúkum - við krabbameini er óbroytt

Eitt er, at livialdurin framhaldandi økist. Í 1999 var væntaði miðal livialdurin hjá nýføddum dreingjabarni 76,0 ár og gentubarni 80,0 ár. Nú er hann 80,6 hjá dreingjabarni og 85,8 ár hjá gentubarni. Í hesum stutta tíðarskeiði er væntaði livialdurin sostatt øktur við næstan 5 árum hjá mannfólki og umleið 6 árum hjá konufólki. Broytingar eru eisini hendar í teim orsøkum, vit doyggja av. Nógv færri doyggja nú av tí, sum var nógv mest vanliga høvuðsatvoldin, hjarta- og æðrasjúkur, meðan tað ikki er nøkur serlig broyting við hinari stóru høvuðsatvoldini, krabbameini. Hinvegin eru tað fleiri aðrar ymiskar deyðaorsakir, ið nú gera seg meira galdandi. Nú nýggjastu tølini verða kunngjørd fyri 2019, sæst stórur munur millum kynini. Munandi fleiri mannfólk enn konufólk doyggja av krabbameini og av hjarta- og æðrasjúkum. Av øðrum deyðaorsøkum er meira javnt millum kynini. Hyggja vit at gongdini síðstu tjúgu árini, sæst bæði hjá monnum og kvinnum, at størsta broytingin er stór minking í talinum av teimum, sum doyggja av hjarta- og æðrasjúkum. Fyri 15-20 árum síðani var talið hjá mannfólki um 80-90 árliga og er nú komið niður á stívliga 50 árliga. Hjá konufólki var talið millum 70-85 árliga og er nú komið niður um 40. Hinvegin tykist ikki talið at minka av teimum, sum doyggja av krabbameini, men heldur kvinka eitt lítið vet uppeftir, serliga hjá mannfólki. Havast skal tó í huga, at í hesum tíðarskeiði er fólkatalið vaksið munandi og harvið eisini talið av eldri og gomlum fólki. Spjaðingin av deyðaorsøkum er vorðin nógv størri, við at tær deyðaorsakirnar, ið eru savnaðar undir felagsheitinum "annað", nú koma næstan líka so ofta fyri sum tær báðar høvuðsdeyðaorsakirnar, hjarta- og æðrasjúkur og krabbamein. Hjá konufólki eru deyðaorsakirnar undir felagsheitinum "annað" enntá farnar upp um hinar báðar stóru høvuðsdeyðaorsakirnar. Undir "annað" eru tað ikki nakrar serstakar sjúkur, ið serliga gera meira um seg. Deyðaorsakirnar eru bara meira ymiskar, enn tær hava verið. Í myndunum niðanfyri sæst gongdin ár fyri ár frá 1999 til 2019. 


Búskaparfrøðingur til Hagstovuna

Vit leggja okkum áhaldandi eftir at víðka um verandi hagtalsframleiðslur og menna nýggjar. Vit leita tí eftir nærløgdum starvsfelaga at framleiða og menna hagtøl innan búskaparhagtalsøkið. Búskaparhagtalsøkið fevnir millum annað um tjóðarroknskap, vinnubúskaparhagtøl og hagtøl um prísir. ## Um teg Tú hevur hægri útbúgving innan búskaparfrøði ella samfelagsfrøði, har tú kanst vísa á, at tú í útbúgvingini hevur lagt dent á hagfrøði. Tað er ein fyrimunur, hevur tú royndir við hagtalsframleiðslu og kennir til at viðgera hagtøl. Hevur tú royndir við amboðum, so sum Power BI og kunnleika til R, SQL og dátugrunnar, er hetta eisini ein fyrimunur. Hagtølini á Hagstovuni byggja á altjóða ásetingar, so tølini eru sambærlig við onnur lond. Starvið krevur, at tú ert før/ur fyri at seta teg inn í neyðugar allýsingar, hugtøk, flokkingar og hagfrøðilig háttaløg. Hagtøl um búskaparlig viðurskifti fevna vítt og týdningurin av búskaparhagtølum er stórur hjá breiðum skara av brúkarum. Tað er neyðugt, at tú dugir væl at samskifta, bæði skrivliga og munnliga. Ein partur av arbeiðinum er eisini at samskifta og gera samrøður við fjølmiðlar. Tú ert tí sinnað/ur at menna tínar samskiftis- og miðlaførleikar. Tað hevur týdning, at tú ert pragmatiskur liðspælari og trívist væl at arbeiða í einum tvørfakligum umhvørvi. Vit vænta, at tú dugir at fara niður í smálutir, men samstundis hevur yvirskipaðu heildina í huga. Tú ert fyrikomandi, forvitin, spyrt tá ið tú ikki veitst, dámar væl fakligar avbjóðingar og ert opin fyri áhaldandi at førleikamenna teg. ## Setanar- og lønartreytir Starvið verður sett eftir sáttmála millum Fíggjarmálaráðið og avvarðandi yrkisfelag. ## Umsókn Send umsókn við prógvum, lívsrensli og øðrum viðkomandi skjølum til starv@hagstova.fo og skriva "Búskaparfrøðingur" sum evni. Fleiri upplýsingar fáast við at venda sær til Kára Holm Johannesen, deildarleiðara á Hagdeildini, á 352809 ella á khj@hagstova.fo. Umsóknarfreistin er sunnudagin 13. juni 2021 á midnátt. ## Stutt um Hagstovuna _Hagstovan tekur pulsin á føroyska samfelagnum og hevur hagfrøðiligu vitanina um fólk, samfelag, vinnu, búskap og umhvørvi í Føroyum. Hagtøl geva innlit og vitan at taka avgerðir, granska og kjakast, og eru týðandi lutur í einum framkomnum fólkaræði._ _Persónlig og faklig menning eru fyritreyt fyri ein vælvirkandi stovn, og tí leggja vit stóran dent á at menna førleikarnar hjá leiðarum og starvsfólkunum. Vit stimbra eina mentan, har dentur verður lagdur á dygd, samstarv og álit._ _Á Hagstovuni eru í løtuni 19 fólk í starvi._ 


KT-leiðari til Føroya mest fjølbroytta dátuhús

Vilt tú vera við til at menna og leiða Føroya mest fjølbroytta dátuhús? Hagstovan framleiðir hagtøl, sum taka pulsin á føroyska samfelagnum. Vit leggja okkum áhaldandi eftir at víðka um verandi hagtalsframleiðslur og menna nýggjar. Hagtøl, sum lýsa samfelagið, krevja, at dáturnar til hagtølini eru væl skipaðar. Ein týðandi brikkur til at røkka hesum máli, er at menna hagtalsskipanir og skipa dátur í eitt dátuvøruhús eftir altjóða hagtalsleisti. Grundarsteinarnir til nýggja dátuvøruhúsið eru lagdir, og fyrstu framleiðslurnar eru farnar at virka í nýggja umhvørvinum. Tú kemur at leiða og arbeiða við at víðarimenna dátuvøruhúsið í einum toymi saman við KT-frøðingum og hagfrøðingum. Dátugrundarlagið undir hagtølunum verður ment bæði inni á Hagstovuni og uttan fyri stovnin. Tað krevur tætt samstarv millum starvsfólk ini og við onnur uttanhýsis, ið veita skráir og dátur. Ein týðandi uppgáva á KT-deildini er at umsita og menna samstørv og ikki minst at seta í verk ymiskar skipanir. KT-deildin á Hagstovu ni mennir hagtalsskipanir og hevur ábyrgd av tøkniliga grundarlagnum undir hagtalsframleiðsluni. Deildin hevur ábyrgd av undirstøðukervinum á Hagstovuni, sum verður rikið saman við undirveitarum. Tín ábyrgd fevnir tí eisini um at gera leiðreglur fyri KT-arkitektur og trygd. Sum leiðari á KT-deildini verður tín ábyrgd at:   * Leggja ætlanir fyri at víðarimenna dátuvøruhúsið   * Seta í verk og menna neyðug tøknilig amboð í hagtalsframleiðsluni   * Leggja ætlanir fyri og skipa tøkniliga infrakervið fyri Hagstovuna   * Í leiðslutoyminum leggja og raðfesta arbeiðsætlanir fyri hagtalsframleiðslu við atliti at tørvi og møguleikum Leiðslutoymið á Hagstovuni eru stjórin og leiðararnir fyri KT-deildina og hagdeildina. ## Um teg Tú hevur miðallanga ella langa útbúgving og/ella drúgvar royndir innan økið. Tað er fyrimunur, um tú hevur royndir við at sniðgeva og byggja skipanir til at flyta, móttaka og goyma dátur, og hevur arbeitt við at skipa dátur í dátuvøruhúsum. Innlit í hagtalsframleiðslu og samfelagsviðurskifti er eisini ein fyrimunur. Tú ert forvitin av lyndi, arbeiðir sjálvstøðugt, dugir væl at samstarva og hevur eitt skipað arbeiðslag. ## Setanar- og lønartreytir Starvið verður sett eftir sáttmála millum Fíggjarmálaráðið og avvarðandi yrkisfelag. ## Umsókn Send umsókn við prógvum, lívsrensli og øðrum viðkomandi skjølum til starv@hagstova.fo og skriva "KT-leiðari" sum evni. Fleiri upplýsingar fáast við at venda sær til Gilla Wardum, stjóri, á 352850 ella á gilli@hagstova.fo. Umsóknarfreistin er sunnudagin 13. juni 2021 á midnátt. ## Stutt um Hagstovuna _Hagstovan tekur pulsin á føroyska samfelagnum og hevur hagfrøðiligu vitanina um fólk, samfelag, vinnu, búskap og umhvørvi í Føroyum. Hagtøl geva innlit og vitan at taka avgerðir, granska og kjakast, og eru týðandi lutur í einum framkomnum fólkaræði._ _Persónlig og faklig menning eru fyritreyt fyri ein vælvirkandi stovn, og tí leggja vit stóran dent á at menna førleikarnar hjá leiðarum og starvsfólkunum. Vit stimbra eina mentan, har dentur verður lagdur á dygd, samstarv og álit._ _Á Hagstovuni eru í løtuni 19 fólk í starvi._ 


Fólkatalið heldur fram við at vaksa

Gongdin í fólkatalinum verður ávirkað av nettoflyting (munurin millum tilflyting og fráflyting) og burðaravlopi (munurin millum fødd og deyð). Síðan ársskiftið er fólkatalið vaksið við 380 fólkum. Vøksturin stavar frá eini nettoflyting á 275 fólk og einum burðaravlopi á 105 børn. Í apríl-mánaði í ár fluttu 111 fólk til Føroya og 57 fluttu úr Føroyum. Hetta gav eina nettoflyting á 54 fólk, sum er 23 fleiri enn í apríl í fjør. Tá fluttu 80 til Føroya og 49 úr Føroyum. Apríl-mánaður í ár gav eitt burðaravlop á 17 børn. Tað er minkað við 11 samanborið við apríl í fjør, tá burðartalið var 11 hægri, meðan deyðatalið var tað sama. Grovaru strikurnar í myndini niðanfyri vísa gongdina í tilflytingini og fráflytingini. Grovaru strikurnar í myndini niðanfyri vísa gongdina í føðitalinum og í deyðatalinum. Talvan niðanfyri vísir fólkatalið í kommununum fyri mai 2020 og mai 2021. Størsti vøksturin í tali er í teimum størstu kommununum, har Tórshavnar-, Klaksvíkar-, Runavíkar-, Eystur- og Nes kommuna standa fyri 79% av vøkstrinum. 


Innflutningurin 8,2 mia. seinasta árið

Innflutningurin í apríl er nú uppgjørdur, og í talvuni niðanfyri ber til at síggja innflutningin seinasta 12-mánaðarskeið samanborið við undanfarna skeið. Skipainnflutningurin er minkaður 450 mió. kr. Tað, sum er innflutt til beinleiðis húsarhaldsnýtslu, er vaksið 250 mió. ella 15%. Innflutningurin av maskinum, útgerð og tilfari til vinnuna er vaksin. 


Útfluttu fyri 8,1 mia. kr. seinasta árið

Útflutningurin í apríl er nú gjørdur upp, og í talvuni niðanfyri ber til at síggja útflutningin seinasta 12-mánaðarskeið samanborið við undanfarna skeið. Tað er minni útflutt í flestøllum vørubólkum. Laksaútflutningurin minkaði 360 mió. kr. sum er 9%, hóast nøgdin vaks 3%. Útflutningurin av toski er minkaður 31% bæði í nøgd og virði. 


Knappliga 10.500 gistingar í mai - 40% minni enn fyri tveimum árum síðani

Í mai vóru tilsamans knappliga 10.500 gistinætur á gistingarhúsunum. Tað eru nærum 7.600 fleiri gistinætur, samanborið við sama mánað í fjør. Gistinætur telja, hvussu nógvir og hvussu leingi persónar gista á gistingarhúsum. Talið av gistináttum hjá dønum vaks í mai við sløkum 500% í mun til sama mánað í fjør. Talið av gistináttum hjá fólkum úr øðrum londum enn Føroyum og Danmark trífaldaðist. Føroyingar áttu helmingin av gistinætrunum í mai. Seinasta árið hevur talið hjá føroyingum annars ligið um 60-70%. ## Innskrivingar Innskrivingarnar vísa talið av ferðafólkum á gistingarhúsunum, sama hvussu leingi tey gista. ## Nýtslustig Nýtslustigið vísir, hvussu stórur partur av tøku kømrunum verður brúktur. Ein lítil triðingur av kømrunum vóru brúkt í mai. Tað er nærum tvífalt av nýtslustignum í fjør, tá tað var 16,7%. Sama mánað í 2019 var nýtslustigið heilt uppi á 74,6%. Í mun til í fjør er talið av kømrum vaksið, tí tvey nýggj gistingarhús eru latin upp. 


Smásølan fyrstu mánaðirnar í ár væl størri í mun til sama tíðarskeið í fjør

Umsetningurin í virði og umroknað til mongdir fyri smásølu av trimum vørubólkum er gjørdur upp fyri 1. ársfjórðing í ár. Tølini eru býtt í vørubólkarnar 'matur og alkoholfríar drykkjuvørur', 'klædnavørur og fótbúnaður' og 'húsbúnaður og húsarhaldsútgerð'. Fyri 'matvørur og alkoholfríar drykkjuvørur' var umsetningurin 6% hægri 1\. ársfjórðing í ár í mun til sama tíðarskeið í fjør. Prísir á 'mati og alkoholfríum drykkjuvørum' eru hækkaðir 0,4% frá 1. ársjórðingi í fjør til 1. ársfjórðing í ár. Økta sølan samanborin við undanfarna ár heldur eisini fram fyri húsbúnað og húsarhaldsútgerð. Í 1. ársfjórðingi í ár var umsetningurin 21% hægri í mun til sama tíðarskeið í fjør. Prísir á 'húsbúnaði og húsarhaldsútgerð' eru hækkaðir 1% frá 1. ársfjórðingi í fjør til 1. ársfjórðing í ár. Størsti vøkstur var tó fyri 'klædnavørur og fótbúnað', har var umsetningurin heili 59% hægri 1. ársfjórðing í ár í mun til sama tíðarskeið í fjør. Sama tíðarskeið hækkaðu prísirnir 3%. 


Konjunkturbarometrið hækkar enn

Í longri tíð og innan korunufarsóttin byrjaði, lá treystitalið í nøkulunda støðugari legu, men fall síðan lutfalsliga nógv fyri einum ári síðan, eftir at farsóttin hevði gjørt um seg í nakrar mánaðir. Í januar í fjør var treystitalið 32, lækkaði síðan til -16 fyri einum ári síðan og hækkaði til 9 í januar í ár. Til júst gjørdu kanningina er treystitalið gjørt upp til 11 og liggur tætt við langtíðarmiðal á 17. images/210702%20M1%20Konjunkturbarometri%C3%B0%2C%20jun-21_0.png) Vinnubólkarnir "Tilfeingisvinnan og annar ídnaður" og "Tænastuvinnan" hava størst ávirkan á treystitalið, og tað er eisini í hesum vinnubólkum, at størstu broytingarnar í viðkomandi ávísum í tíðini við koronu síggjast. images/210702%20T1%20Konjunkturbarometri%C3%B0%2C%20jun-21.png) Í vinnubólkinum "Tilfeingisvinnur og annar ídnaður" eru fyritøkur, ið framleiða fiskavørur til útlendskar marknaðir, væl umboðaðar. Koronutiltøk raktu útlendskar marknaðir av fiskavørum meint, sum førdi við sær lutfalsliga stóra minking í útflutningi av fiskavørum og vaksandi goymslum. Í mun til undanfarnu tvær kanningarnar metir vinnubólkurin nú m.a., at bíleggingar úr útlandinum eru fleiri, og roknað verður við størri framleiðslu næsta árið. images/210702%20M2%20Konjunkturbarometri%C3%B0%2C%20jun-21_0.png) Í vinnubólkinum "Tænastuvinnur" eru m.a. matstovur, gistingarhús og flutningsfyritøkur umboðaðar. Koronufarsóttin hevur eyðsæð rakt henda vinnubólkin meint. Í mun til undanfarnu tvær kanningarnar meta fyritøkur í hesum vinnubólki hesaferð m.a., at starvsfólkatørvurin verður størri komandi 12 mánaðirnar. images/210702%20M3%20Konjunkturbarometri%C3%B0%2C%20jun-21_0.png) Í mun til tilfeingisvinnur, annan ídnað og tænastuvinnur, hevur korona neyvan havt somu neiligu ávirkan á byggigivinnuna, sum hevur havt minkandi ávísa í kanningum longu innan koronu-farsóttin gjørdi um seg. Í báðum seinastu kanningunum er ávísin tó aftur vaksandi, sum kemst av, at byggivinnan roknar við størri tørvi á starvsfólkum komandi 12 mánaðirnar í mun til undanfarnu tvær kanningarnar. images/210702%20M4%20Konjunkturbarometri%C3%B0%2C%20jun-21_0.png) Ávísin fyri vinnubólkin "Handilsvinna/smásøla" er einasti av 5 ávísum sum hesaferð er minni í mun til undanfarnu tvær kanngingarnar. Hetta kemst einamest av, at størri partur av umboðum fyri henda vinnubólkin í trimum seinastu kanningunum hava mett virksemið farnu 12 mánaðirnar at hava verið verri. Til einstakar spurningar um útlitini fyri sølu og starvfólkatørvi komandi 12 mánaðirnar, so verður mett, at søla og starvsfólkatørvur verður størri. images/210702%20M5%20Konjunkturbarometri%C3%B0%2C%20jun-21_0.png) Brúkarakanningin vísir, at føroyski brúkarin ikki hevur latið seg stórvegis ávirka av koronu. Ávísin úr hesi kanningini fall frá 19 til 5 í seinastu kanningini innan korona rakti, fór niður á 0 fyri einum ári síðan, men er síðan komin upp á 10 til hesa kanningina. Í høvuðsheitum meta húsarhaldini, at samlaða búskaparstøðan er betri í dag enn fyri einum ári síðan og eitt størri bjartskygni er um búskaparútlitini næstu 12 mánaðirnar í mun til tríggjar undanfarnu kanningarnar. images/210702%20M6%20Konjunkturbarometri%C3%B0%2C%20jun-21_0.png) 


Fólkatalið 1. juni 2021

Gongdin í fólkatalinum verður ávirkað av nettoflyting (munurin millum tilflyting og fráflyting) og burðaravlopi (munurin millum fødd og deyð). Vøksturin í fólkatalinum seinasta árið stavar frá eini nettoflyting á 495 fólk og einum burðaravlopi á 339 børn. Seinastu tvey árini er nettoflytingin minkað nakað, samstundis sum burðaravlopið er vaksið nakað, so samlaða ískoyti til fólkavøksturin heldur framvegis sama javna støði á umleið 1,6% fyri hvørt 12-mánaðarskeið. Grovaru strikurnar í myndini niðanfyri vísa gongdina í tilflytingini og fráflytingini. Grovaru strikurnar í myndini niðanfyri vísa gongdina í føðitalinum og í deyðatalinum. Talvan niðanfyri vísir fólkatalið í hvørjari kommunu fyri juni 2020 og juni 2021. Eins og í juni í fjør eru fólkaríkastu kommunurnar í landinum Tórshavnar, Runavíkar og Klaksvíkar kommunur, og minstu kommunurnar eru Fugloyar, Skúgvoyar og Fámjins kommunur. Síðsta árið vaks fólkatalið mest í Tórshavnar kommunu við 390 fólkum, meðan størsta afturgongdin var í Sumbiar kommunu, har 8 fólk fluttu úr kommununi. Í prosentum var størsti vøkstur í Hovs kommunu, har fólkatalið vaks við 6,2 prosentum, tað er seks fólk. Síðani kemur Sands kommuna, har fólkavøksturin var 4,1 prosent, 22 fólk. Størsta minking í prosentum var í Fugloyar, Kunoyar og Húsavíkar kommunum, 2,6 prosent, tað er ávikavist fýra, trý og eitt fólk. 


27.500 løntakarar í juni - 1.000 fleiri enn fyri ári síðani

Trendurin, sum lýsir rákið í løntakaratalinum, vísir, at hóast tað framvegis leggjast løntakarar afturat løntakaraskaranum, so veksur talið munandi spakuligari, enn tað hevur gjørt. Vøksturin seinastu mánaðirnar er nærum stegaður upp. Grafurin omanfyri er livandi. Nú er møguligt at flætta (en. embed) livandi grafar sum hendan í tykkara heimasíðu, eitt nú í tíðindagreinar. Tað gevur brúkarunum á tykkara heimasíðu somu livandi grafar, sum á hagstova.fo. Við livandi grafum er tað møguligt at halda músina yvir eina linju á grafinum, og soleiðis síggja t.d. løntakaratalið ein ávísan mánað. Eisini er møguligt at hála í tíðarlinjuna og leingja vísta tíðarskeiðið á grafinum, t.d. aftur til 1985 í løntakaratølunum. Soleiðis flætta tit grafin í tykkara síðu: Trýstið á burgaramenuina (knøtturin við trimum strikum) ovast í høgra horni. Veljið síðani "Flætta graf í síðu". Trýstið á knøttin "Avrita kotu" og setið inn kotustubban á heimasíðu tykkara. ## Munurin millum menn og kvinnur tódnar Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali og sterku strikurnar vísa gongdina ella trendin. Í juni vóru um 14.100 menn og 13.400 kvinnur í løntakaraskaranum. Trendurin vísir, at meðan vøksturin í talinum av mannligum løntakarum minkar spakuliga, leggjast kvinnur framvegis afturat løntakaraskaranum. Munurin millum talið av monnum og kvinnum í løntakaraskaranum, ið hevur verið vaksandi í nøkur ár, minkar tí nú aftur. ## Vinnugreinar Tær báðar myndirnar niðanfyri vísa løntakaratalið og gongdina í teimum fýra høvuðsvinnugreinunum mánaðarliga. Trendurin vísir, at í 'almennari o.a. tænastu' hevur løntakaratalið verið støðugt vaksandi og vøksturin hevur seinasta árið verið tiltakandi. Lítil minking er hinvegin í løntakaratalinum í privatu tænastuvinnunum. Í byggivinnuni er løntakaratalið farið at minka eftir at hava verið støðugt vaksandi síðani 2014. 


5,2 milliardir í lønum fyrra hálvár - 2,8% meira enn í fjør

Eftir eitt lítið ár við lítlum og ongum vøkstri, eru samlaðu lønargjaldingarnar aftur farnar at vaksa. Tað sæst á trendinum, sum reinsar lønargjaldingarnar fyri árstíðarfrávik og aðrar tilvildarligar broytingar. Grafurin omanfyri er livandi. Nú ber til at flætta (en. embed) livandi grafar sum hendan á tykkara heimasíðu, eitt nú í tíðindagreinar. Tað gevur brúkarunum á tykkara heimasíðu somu livandi grafar, sum á hagstova.fo. Við livandi grafum er tað møguligt at halda músina yvir eina linju á grafinum, og soleiðis síggja t.d. lønargjaldingarnar ein ávísan mánað. Eisini er møguligt at hála í tíðarlinjuna og leingja vísta tíðarskeiðið á grafinum, t.d. aftur til 1985 í lønargjaldingunum. Soleiðis flætta tit grafin í tykkara síðu: Trýstið á burgaramenuina (knøtturin við trimum strikum) ovast í høgra horni. Veljið síðani "Flætta graf í síðu". Trýstið á knøttin "Avrita kotu" og setið inn kotustubban á heimasíðu tykkara. ## Vøkstur hjá kvinnum og lítil minking hjá monnum Av lønargjaldingunum áttu menninir knappar 3,2 milliardir krónur og kvinnurnar 2 milliardir krónur fyrra hálvár í ár. Tað er ein vøkstur uppá 9,3% hjá kvinnum og ein minking uppá 0,9% hjá monnunum samanborið við fyrra hálvár í fjør. Myndin niðanfyri vísir rákið mánaðarliga í lønargjaldingunum fyri kynini. Kámu strikurnar vísa útgoldnu lønirnar, og sterku strikurnar vísa gongdina ella trendin. Trendurin vísir, at vøksturin heldur fram hjá kvinnunum, meðan hjá monnunum hevur lítil og eingin vøkstur verið seinasta hálvtannað árið. ## Vøkstur í tænastuvinnum, minking í byggivinnu og fiskivinnu Borið saman við fyrra hálvár í fjør, vuksu lønargjaldingarnar innan 'almenna o.a. tænastu' við 7,8% og innan 'privatar tænastuvinnur' við 8,5%. Hinvegin minkaðu lønirnar í 'byggivinnu o.a. tilvirking' við 3,5% og í 'fiskivinnu o.a. tilfeingisvinnum' við 8,4%. Um hugt verður at rákinum mánaðarliga í lønargjaldingunum, sæst, at vøkstur framvegis er í lønargjaldingunum í 'almennari o.a. tænastu',  meðan vøksturin er steðgaður upp í 'privatu tænastuvinnunum' og 'byggivinnu o.a. tilvirking'. 


Brúkaraprísirnir í miðal øktir 3,1 prosent seinasta árið

Brúkaraprístalið er yvirskipað sett saman av 12 vøru- og tænastubólkum. Tað er ymiskt, hvussu stóra ávirkan vørurnar og tænasturnar hava á brúkaraprístalið. Býtið av nýtsluni hjá brúkaranum er avgerandi fyri, hvussu nógv vørurnar og tænasturnar ávirka prístalið. Í mun til árligu broytingina í umleið 3 ár innan korona rakti, hevur árliga broytingin í brúkaraprístalinum í Føroyum og aðrastaðni í Evropa hesa fyrstu tíðina við koronu ligið á lægri stigi, men seinastu tvær uppgerðirnnar vísa nú aftur lutfalsliga stóran samlaðan prísvøkstur. Hetta seinasta árið eru prísir innan vøru- og tænastubólkarnar 'Hotel og matveitarar' og 'Útbúgving' minkaðir og prísir á bólkinum 'Klædnavørur og fótbúnaður' eru nærum óbroyttir. Innan aðrar høvuðsbólkar av vørum og tænastum eru prísirnir øktir hetta seinasta árið, harav prísir innan 'Býli' og 'Flutningur' eru øktir mest. Brúkaraprístalið fyri 2. ársfjórðing í ár er 124,6, sum er 1,1% hægri enn brúkaraprístalið fyri 1. ársfjórðing í ár og 3,1% hægri í mun til 2. ársfjórðing 2020. Brenniolja til upphiting av býlum og brennievni til akfør eru lutfalsliga stórur partur av samlaðu nýtsluni hjá einum miðal føroyskum húsarhaldi og hevur tí eisini lutfalsliga stóra ávirkan á brúkaraprístalið. Høvuðsorsøkin til minni vøkstur í samlaða brúkaraprístalinum fyrstu tíðina eftir at korona gjørdi um seg, var lutfalsliga stóra fallið í altjóða oljuprísinum. Samstundis er lutfalsliga stóri prísvøksturin á brenniolju frá seinastu uppgerðini ein av høvuðsorsøkunum til tann samlaða vøksturin í prístalinum. Ein onnur høvuðsorsøk til samlaða prísvøksturin er lutfalsliga stórur vøkstur í prísi á bilum, sum í miðal eru øktir 12% seinasta árið. Myndin niðanfyri vísir, hvussu stórt ískoyti frá prísbroytingum innan ymsu vøru- og tænastubólkarnar til samlaða prístalið er, tá hædd verður tikin fyri, hvussu nógv vit keypa av ymsu vørunum og tænastunum. Bilar og brennievni til akfør eru partur av vørubólkinum 'Flutningur' og brenniolja til upphiting av býli er partur av vørubólkinum 'Býli'. Myndin vísir, at vakstrarískoytið frá hesum høvuðsbólkum er størst og samanlagt 2 prosentstig av samlaða árliga vøkstrinum á 3,1%. 


Innflutningurin 8,3 milliardir seinasta árið - vøksturin er 1%

Innflutningurin í mai er nú gjørdur upp, og í talvuni niðanfyri sæst innflutningurin seinasta 12-mánaðarskeiðið samanborið við undanfarna skeið. Um vit hyggja at innflutninginum uttan skip og flogfør, so hava vit innflutt fyri góðar 370 milliónir krónur meira seinasta 12-mánaðarskeiðið frá juni í 2020 til mai í 2021 samanborið við undanfarna skeið. Innflutningurin til beinleiðis húsarhaldsnýtslu er vaksin nógv, góðar 240 milliónir krónur ella 14%. Innflutningurin av maskinum, útgerð og tilfari til vinnuna er vaksin 90 milliónir krónur ella 11%. Innflutningurin av skipum og flogførum er minkaður 450 miliónir krónur ella 66%. 


Útfluttu fyri 8,2 milliardir krónur seinasta árið - virðið minkað 13%

Útflutningurin í mai er nú gjørdur upp. Í talvuni niðanfyri sæst útflutningurin seinasta 12-mánaðarskeið samanborið við undanfarna skeið. Tað er minni útflutt í flestøllum vørubólkum. Laksaútflutningurin minkaði 350 milliónur krónur, sum er 9%. Hetta hóast nøgdin var næstan tann sama, ella 1% størri. Útflutningurin av toski er minkaður 25% í virði og nøgdin er minkað 27%. Útflutningurin av slógvi og fiskaúrdráttum er minkaður nógv. Virðið er minkað niður í helvt og nøgdin er minkað 73%. 


Búplássini í eldrarøktini einki broytt seinastu 5 árini

Í sama tíðarskeiði er talið av fólki 67 ár og eldri vaksið við 1.097 fólkum, og talið av fólki 80 ár og eldri er vaksið við 105. Í yvirlitinum sæst, at í ymisku samstarvsøkjunum eru nøkur búpláss færri enn fyri 5 árum síðani, í øðrum nøkur fá fleiri, í øðrum aftur er talið óbroytt. Tilsamans fyri alt landið er talið av búplássum broytt eitt vet, eins og talið av búfólkum. Avleiðingin av at fólkatalið veksur, meðan talið av búplássum er bert er lítið broytt, sæst í myndini niðanfyri, tá vit rokna búplássini í mun til fólkatalið. Í 2015 vóru 8,9 búpláss fyri hvørji 100 fólk, 67 ár og eldri. Í 2020 var hetta talið minkað til 7,8. Stórur munur er eisini á ymisku samstarvsøkjunum, hvussu nógv búplássini eru fyri hvørji 100 fólk sum eru 67 ár og eldri. Í 2020 var hetta talið hægst við umleið 10 í Sandoyarøkinum, VEKS-økinum (Vestm., Eiðis, Kvív. og Sunda k.) og Roðanum (Skálafjarðarøkinum), gott 8 í Norðoyggjum, umleið 7 í Suðuroy, Tórshavn og Nánd-økinum (Fuglafj. og Eystur k.) og í Vágum. ## Knappliga tveir triðingar av búfólkunum eru 85 ár og eldri, og tveir triðingar eru konufólk Tá hugt verður eftir aldurs- og kynsbýtinum hjá búfólkunum sæst, at nógv tey flestu, 61%, eru 85 ár og eldri. Hinvegin eru bert 8% yngri enn 75 ár. Kynsbýtið er nøkulunda javnt heilt upp til 80 ára aldur. Men í aldursbólkinum 85 ár og eldri er sera stór yvirvág av konufólki við 275 mótvegis 105 mannfólkum. Verður hugt eftir, hvussu stórur partur av hvørjum aldursbólki er á ellis- og røktarheimi ella sambýli, eru tað 11% av av teimum 80-84 ára gomlu og 31% av teimum 85 ára gomlu og eldru.   **Samstarvsøkini eru:** Norðoyggjar: Norðoya bú- og heimatænasta   Nánd: Fuglafjarðar og Eystur kommunur   Roðin: Nes, Runavíkar og Sjóvar kommunur   Tórshavn: Heilsu- og umsorganartænastan í Tórshavnar kommunu   VEKS: Vestmanna, Eiðis, Kvívikar og Sunda kommunur   Vágar: Vesturvón, heimatænastan í Vágum   Sandoy: Økistænastan í Sandoyar sýslu   Suðuroy: Bú- og Heimatænastan í Suðuroy 


Støðuga gongdin í fólkatalinum heldur fram

Myndin niðanfyri vísir gongdina í fólkatalinum frá 1985 og fram til nú. Gongdin í fólkatalinum verður ávirkað av nettoflyting (munurin millum tilflyting og fráflyting) og burðaravlopi (munurin millum fødd og deyð). Vøksturin í fólkatalinum seinasta árið kemur av einum burðaravlopi á 333 og nettoflyting á 453. Samanborið við undanfarna 12-mánaðarskeiðið er nettoflytingin 209 minni, meðan burðaravlopið er 38 størri. Seinastu tvey árini er nettoflytingin minkað nakað, samstundis sum burðaravlopið er vaksið nakað. Samlaða ískoytið til fólkavøksturin er tí framvegis javnt vaksandi. Grovaru strikurnar í myndini niðanfyri vísa gongdina í tilflytingini og fráflytingini. Grovaru strikurnar í myndini niðanfyri vísa gongdina í føðitalinum og í deyðatalinum. Talvan niðanfyri vísir fólkatalið í hvørjari kommunu 1. juli 2020 og 1. juli 2021. Eins og í fjør eru fólkaríkastu kommunurnar í landinum Tórshavnar, Klaksvíkar og Runavíkar kommunur, og minstu kommunurnar eru Fugloyar, Skúgvoyar og Fámjins kommunur. Síðsta árið vaks fólkatalið mest í Tórshavnar kommunu við 397 fólkum, meðan størsta afturgongdin var í Eiðis og Vestmanna kommunum, har 7 fólk fluttu úr kommununum. Í prosentum var størsti vøkstur í Hovs kommunu, har fólkatalið vaks við 6,2 prosentum, tað er seks fólk. Síðani kemur Sands kommuna, har fólkavøksturin var 3,6 prosent, 19 fólk. Størsta minking í prosentum var í Fugloyar kommunu, 2,6 prosent, tað er eitt fólk. 


27.800 løntakarar í juli - stendur í stað

Hóast vøkstur í mun til sama mánað í fjør, vísir trendurin, sum lýsir rákið í løntakaratalinum, at seinastu mánaðirnar hevur løntakaratalið staðið í stað og vøksturin er steðgaður upp. Grafurin omanfyri er livandi. Nú er møguligt at flætta (en. embed) livandi grafar sum hendan í tykkara heimasíðu, eitt nú í tíðindagreinar. Tað gevur brúkarunum á tykkara heimasíðu somu livandi grafar, sum á hagstova.fo. Við livandi grafum er tað møguligt at halda músina yvir eina linju á grafinum, og soleiðis síggja t.d. løntakaratalið ein ávísan mánað. Eisini er møguligt at hála í tíðarlinjuna og leingja vísta tíðarskeiðið á grafinum, t.d. aftur til 1985 í løntakaratølunum. Soleiðis flætta tit grafin í tykkara síðu: Trýstið á burgaramenuina (knøtturin við trimum strikum) ovast í høgra horni. Veljið síðani "Flætta graf í síðu". Trýstið á knøttin "Avrita kotu" og setið inn kotustubban á heimasíðu tykkara. ## Munurin minkar millum menn og kvinnur Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali og sterku strikurnar vísa gongdina ella trendin. Í juli vóru um 14.300 menn og 13.500 kvinnur í løntakaraskaranum. Trendurin vísir, at meðan vøksturin í talinum av mannligum løntakarum er steðgaður upp, leggjast kvinnur framvegis afturat løntakaraskaranum. Munurin millum talið av monnum og kvinnum í løntakaraskaranum, ið hevur verið vaksandi í nøkur ár, er tí minkaður nakað aftur. ## Rákið ymiskt innan vinnugreinabólkarnar Tær báðar myndirnar niðanfyri vísa løntakaratalið og gongdina í teimum fýra høvuðsvinnugreinunum mánaðarliga. Trendurin vísir, at í 'almennari o.a. tænastu' hevur løntakaratalið verið støðugt vaksandi og vøksturin hevur seinasta árið verið tiltakandi. Ein lítil minking er hinvegin í løntakaratalinum í privatu tænastuvinnunum. Í byggivinnuni er løntakaratalið eisini farið at minka eftir at hava verið støðugt vaksandi síðani 2014. Innan 'fiskivinnu o.a. tilfeingisvinnu' sveiggjar løntakaratalið meira enn í hinum vinnugreinabólkunum, men á trendinum sæst, at hóast sveiggj, er løntakaratalið vaksið munandi seinastu árini. Løntakaratalið innan 'fiskivinnu o.a. tilfeingisvinnu' hevur ikki verið hægri síðan 2008. ## Gongdin í Norðurlondum undan og eftir koronu Á myndini niðanfyri er gongdin í løntakaratalinum í ávísum Norðurlondum víst í einum indeksi (árstíðarjavnað). Myndin samanber gongdina frá januar í 2020 til mai í 2021, tá løntakaratølini í Noregi og Danmark seinast vórðu gjørd upp. Seinastu uppgjørdu tølini í Íslandi eru í juni og í Føroyum í juli, men av samanberingarorsøkum verða hesi ikki víst á myndini . Myndin vísir, at gongdin í løntakaratalinum hevur verið ymisk í Norðurlondunum síðani koronufarsóttina. Løntakaratalið í Føroyum og í Danmark eru nú á sama stigi ella hægri sum undan koronufarsóttini. Bæði í Føroyum og í Íslandi var eitt lutfalsliga størri fall í apríl í 2020 enn í Danmark og í Noregi, men løntakaratalið í Føroyum kom lutfalsliga skjótt upp á sama stig sum undan koronu. Í Danmark er tað serligu seinastu mánaðirnar, at vøksturin hevur tikið dik á seg og løntakaratalið hevur rokkið stignum undan koronu. Í Íslandi og Noregi eru tey enn undir stignum undan koronu. Hóast sveiggj benda seinastu mánaðirnir tó á, at tey í Íslandi nærkast løntakaratalinum sum undan koronu. Tað vísir eisini seinast uppgjørdi mánaðurin í Íslandi, sum er juni. Keldur: Danmarks Statistik: LBESK03, Hagstofa Íslands: VIN00002, SSB: 13126 


Innflutt fyri 4,2 milliardir krónur fyrra hálvár

Innflutningurin fyrra hálvár er nú gjørdur upp og innflutt varð fyri 4,2 milliardir krónur. Hetta er ein vøkstur á 7,6% í mun til í fjør. Um skip og flogfør ikki verða tikin við, er vøksturin næstan 11%. Innflutningurin av vørum til byggivirksemi er minkaður, men í flestu av hinum vørubólkunum er vøkstur. Størsti vøksturin er í bólkinum maskinur og onnur útgerð til vinnuna. Har er innflutt fyri 150 milliónir krónur meira, sum er ein vøkstur á 44%. Tað er eisini stórur vøkstur í innflutninginum av vørum til húsarhaldsnýtslu. 12% meira er innflutt av hesum vørum. Vit hava eisini brúkt meira uppá innflutning av brennievni. Prísirnir hava verið lágir í eina tíð, og eru nú hækkaðir aftur. Tað sæst aftur í innflutningstølunum fyri brennievni. Nøgdin er minkað umleið 11%, meðan virðið er vaksið 17%. 


Útflutningurin av fiskavørum á sama stigi sum í fjør

Útflutningurin fyrra hálvár er gjørdur upp, og samlað er útflutt fyri 4,1 milliardir krónur. Hetta er 140 milliónir krónur minni enn fyrra hálvár í fjør. Verður bara hugt at fiskavøruútflutninginum, er hann áleið tann sami sum í fjør. Tað er minni útflutt av makreli. 10 túsund tons í ár móti 36 túsund tonsum í fjør. Útflutningsvirðið er 100 milliónir borið saman við 420 milliónir í fjør. Hendan myndin broytist helst, tá ið komið verður longur út á árið, tí at makrelkvotan verður fiska seinni í ár enn í fjør. Laksaútflutningurin er vaksin aftur og har er útflutt fyri 2 milliardir krónur fyrra hálvár. Nøgdin er 38 túsund tons og tað er tað mesta nakrantíð eitt hálvár. Útflutningurin av botnfiskasløgunum toski, upsa og hýsu er minkaður. Mest fyri toskin, 12%, og minst fyri hýsu, har minkingin er 1%. Í nøgd er útflutningurin av hýsu tó vaksin. 


Knappliga 31.300 gistingar í juli - besti mánaður nakrantíð

Í juli í ár vóru knappliga 31.300 gistingar á føroysku gistingarhúsunum. Tað eru góðar 10.200 fleiri gistinætur samanborið við sama mánað í fjør. Gistinætur telja, hvussu nógvir og hvussu leingi persónar gista á gistingarhúsum. Talið av gistináttum hjá dønum vaks í juli við sløkum 36% í mun til sama mánað í fjør. Talið av gistináttum hjá fólkum úr øðrum londum enn Føroyum og Danmark meira enn tvífaldaðist. Føroyingar áttu stóran fjórðing av gistináttunum í juli. Seinasta árið hevur talið hjá føroyingum annars ligið um 60-70%. ## Innskrivingar Innskrivingarnar vísa talið av ferðafólkum á gistingarhúsunum, sama hvussu leingi tey gista. Innskrivingarnar vóru um 10.800 í tali í juli, sum er 35% meira í mun til í fjør. Vøksturin er 4% meira enn sama mánað í 2019. Talið av innskrivingum er sostatt ikki økt eins nógv og talið av gistináttum, sum merkir, at tey vitjandi hava gist fleiri nætur. ## Nýtslustig Nýtslustigið vísir, hvussu stórur partur av tøku kømrunum verður brúktur. Um 75% av kømrunum vórðu brúkt í juli, samanborið við 63,5% í fjør. Í 2019 var nýtslustigið 90%, sum er tað hægsta, ið hevur verið. Í fjør vaks talið av kømrum munandi, tí tvey størri gistingarhús eru latin upp og onnur útbygd, og tí er rúm er fyri fleiri vitjandi. Nýtslustigið er tí lægri enn í 2019, hóast gistingarnar vóru fleiri. 


Arbeiðsloysið 1,2% í juni

Arbeiðsleys eru tey, sum eru skrásettir hjá ALS og Almannaverkinum, ið ikki at hava arbeiði, eru fult tøk at arbeiða og eru virkin arbeiðssøkjandi. Myndin niðanfyri vísir arbeiðsloysið og gongdina í arbeiðsloysinum. Káma strikan vísir arbeiðsloysisprosentið og sterka strikan vísir gongdina ella trendin í arbeiðsloysinum.   Arbeiðsloysið var 1,2% í juni, ið svarar til knappliga 350 fulltíðararbeiðsleys. Tilsamans vóru 430 persónar raktir av arbeiðsloysi. Arbeiðsloysið var til samanberingar 1,8% sama mánað í fjør. Trendurin vísir, at arbeiðsloysið er støðugt minkað seinasta árið. Í juni var arbeiðsloysið 1,2% bæði hjá monnum og hjá kvinnum. Sama mánað í fjør var tað 1,8% hjá monnum og 1,5% hjá kvinnum. Landkortið vísir arbeiðsloysið eftir øki. Arbeiðsloysið var lægst í Norðoyggjum við 0,6% og í Eysturoy við 0,8%. Myndin niðanfyri vísir, hvussu leingi fólk hava verið arbeiðsleys. Í juni vóru 12,3% av teimum arbeiðsleysu langtíðararbeiðsleys. Tað vil siga, at tey høvdu verið arbeiðsleys meira enn eitt ár. Sama mánað í fjør vóru 7,3% langtíðararbeiðsleys. 


Elias og Vár vóru best umtóktu nøvnini til børn fødd í 2020

 **Her kanst tú leita eftir nøvnum** Best umtókta navnið til gentur, føddar í 2020, var Vár. Í aðru røð vóru tað Aria, Eir, Emma, Hanna, Lilja, Lív og Tóra. Samanborið við 2001, sum er byrjanarárið fyri navnauppgerðina, eru fleiri av hesum nøvnunum nýggj. Tó var Vár best umtókta navnið bæði í 2001 og 2020. Onnur vælumtókt gentunøvn í 2020 vóru Barba, Lóa, Nora, Olivia og Ranja. Best umtókta dreingjanavnið í 2020 var Elias. Síðani komu nøvnini Benjamin, Levi, Lukas, Brandur, Hákun og Mattias. Onnur vælumtókt dreingjanøvn í 2020 vóru Filip, Bartal, Liam og Silas. Millum tey sum búðu í Føroyum 1. januar í ár vóru Maria, Anna og Annika tey vanligastu konufólkanøvnini. Síðani koma vælkend nøvn sum Marjun, Katrin, Beinta og Rannvá.   Hjá mannfólki hava nøvnini Jákup og Jógvan ligið sum nummar eitt og tvey síðani 2001. Somuleiðis hava Rúni, Bárður, Martin, Høgni og Magnus verið vanlig mannfólkanøvn í nógv ár. Nøvn, sum eru løgd afturat síðan 2001 og eru nógv brúkt í dag, eru til dømis Nóa, Liam, Bragi og Mika hjá mannfólki og Ranja, Brá, Vón og Ria hjá konufólki. Dupultnøvnini eru ikki líka vanlig, sum tey hava verið. Millum 100 tey mest vanligu konufólkanøvnini í 2020 vóru einans tvey dupultnøvn, Anna Maria og Anna Sofía, og millum mannfólkanøvnini var bert eitt dupultnavn, Hans Jacob. 


Vitja kommunulæknan hálvafjórðu ferð um árið

Viðtalurnar í kommunulæknaskipanini í 2020 vóru stívliga 11% fleiri enn árið fyri og 46% fleiri enn  fýra ár frammanundan:   * Í miðal vóru 3,5 viðtalur hjá kommunulækna fyri hvønn íbúgva í landinum   * Konufólk vitja kommulæknar oftari enn menn   * Børn í skúlaaldri vitja kommulæknan minst   * Fólk yvir 70 ár vitja kommulæknan mest, roknað eftir fólkatalinum    * Flestu viðtalur í dagtíð vóru í Norðoyggjum og Suðuroy    * Nógv flestu viðtalur pr. íbúgva vóru í Sandoyarøkinum og fægstu í Suðuroy Uppgerðin fevnir ikki um fyribyrgjandi ella sonevndar profylaktiskar viðgerðir, so sum koppsetingar, upplýsing um gitnaðarfyribyrging, heilsukanningar av barnakonum og læknakanningar av børnum. Upplýsingarnar, ið Hagstova Føroya hevur frá Heilsutrygd, fevna um virksemið árini 2016 - 2020 og lýsa býtið av viðtalum í kommunulæknaskipanini eftir bústaðarøki, vakttíð, aldri og kyni. Samband við kommunulæknan umvegis telefon ella teldu er heldur ikki roknað við í yvirlitinum. Seta vit talið av viðtalum hjá fólki við bústaði í Føroyum í mun til fólkatalið, svarar tað í 2020 til 3,5 viðtalur fyri hvønn íbúgva í landinum. Í 2019 vóru tær 3,1 fyri hvønn íbúgva. Munur er millum økini í landinum, tá viðtalur verða roknaðar í mun til fólkatalið. Lægst er talið í Suðuroy við 2,9 viðtalum fyri hønn íbúgva, og hægst í Sandoyar økinum við 6,0.   Tað sæst eisini í talvuni omanfyri, at tað er stórur munur millum bústaðarøkini í broytingini frá 2019 til 2020. Í Sandoyarøkinum vóru viðtalurnar 30% fleiri, og 16% fleiri í Norðoyggjum og 15% í Suðurstreymi. Hinvegin var ein minking í Suðuroy við 2%. Her skal viðmerkjast, at tað hevur stóra ávirkan, at kommunulækni fer úr starvi í einum øki og í staðin koma skiftandi avloysarar, eins og tað øvugta, tá fastir kommunulæknar koma í starv. Nógv tann størsti parturin av øllum viðtalum, svarandi til 95%, fer fram í dagtíð, sum er mánadag til fríggjadag millum kl. 8 og 16. Restin er javnt býtt millum A-vakt, sum í høvuðsheitum er um kvøldarnar, og B-vakt, sum í høvuðsheitum er um næturnar og í vikuskiftinum. Munur er millum høvuðsøkini, tá hugt verður eftir hvussu stórur partur av viðtalunum fer fram í dagtíð og harvið eisini, hvussu stórur partur fer fram uttan fyri dagtíð. Serliga skilja Norðoyggjar og Suðuroy seg burturúr við 99% av viðtalunum í dagtíð, samanborið við t.d. Suðurstreym, har 92% vóru í dagtíð ella umleið 8% uttan fyri dagtíð. Verður hugt eftir viðtalum eftir aldri og kyni, sæst, at 24-túsund fleiri viðtalur eru við konufólk enn við mannfólk. Býtið er 56% av viðtalunum við konufólk og 44% við mannfólk. Upp til 15 ára aldur er javnt býtt millum kynini, men síðan er størri parturin av viðtalunum við konufólk. Verður talið av viðtalum roknað fyri hvønn íbúgva í hvørjum aldursbólki, sæst at fægstu viðtalurnar í 2020 eru hjá børnum í skúlaaldri við 1,6 til 1,7 pr. íbúgva, meðan títtleikin so hækkar líðandi og er størstur við 5,5 til 6,6 viðtalum pr. íbúgva hjá fólki eldri enn 75 ár. 


Fólkatalið farið upp um 53.500

1\. august búðu 53.567 fólk í Føroyum. Tað eru 790 fleiri enn somu tíð í fjør, og tað er ein vøkstur á 1,5%. Myndin niðanfyri vísir gongdina í fólkatalinum. Gongdin í fólkatalinum verður ávirkað av nettoflyting (munurin millum tilflyting og fráflyting) og burðaravlopi (munurin millum fødd og deyð). Ískoytið til fólkatalið síðsta árið stavar frá eini nettoflyting á 476 og einum burðaravlopi á 314. Tilflytingin er minkað nakað seinastu trý árini, og tað sæst aftur í juli mánað í ár. Juli er vanliga mánaðurin, har tilflytingin er størst, men í ár er tilflytingin í juli tann lægsta síðan 2013. Fráflytingin minkaði nakað í fjør, og er nú byrjað at vaksa aftur. Hetta hevur við sær, at nettoflytingin er minkað nakað og nú er á sama støði sum í 2017. Vøksturin í fólkatalinum heldur tó fram, tí vaksandi burðaravlopið vigar upp ímóti minkandi nettoflytingini. Burðaravlopið síðsta árið var 314, og so høgt hevur tað ikki verið fyri hetta tíðarskeiðið síðan 2003. Hesin vøkstur stavar mest frá føðitalinum, sum er vaksið spakuliga seinastu árini, meðan deyðatalið ikki er broytt tað stóra. Grovaru strikurnar í myndini niðanfyri vísa gongdina í tilflytingini og fráflytingini. Grovaru strikurnar í myndini niðanfyri vísa gongdina í føðitalinum og í deyðatalinum. Talvan niðanfyri vísir fólkatalið í hvørjari kommunu 1. august 2020 og 1. august 2021. Síðsta árið vaks fólkatalið mest í Tórshavnar kommunu við 390 fólkum, meðan størsta afturgongdin var í Vestmanna kommunu, har 11 fólk fluttu úr kommununi. Í prosentum var størsti vøkstur í Hovs kommunu, har fólkatalið vaks við 5,2 prosentum, tað er fimm fólk. Síðani kemur Nes kommuna, har fólkavøksturin var 3,7 prosent, 50 fólk. Størsta minking í prosentum var í Fugloyar kommunu, 2,6 prosent, tað er eitt fólk. 


27.300 løntakarar í august - stendur í stað

Trendurin, sum lýsir rákið í løntakaratalinum, vísir, at seinastu mánaðirnar er vøksturin í løntakaratalinum nærum steðgaður upp. Grafurin omanfyri er livandi. Nú er møguligt at flætta (en. embed) livandi grafar sum hendan í tykkara heimasíðu, eitt nú í tíðindagreinar. Tað gevur brúkarunum á tykkara heimasíðu somu livandi grafar, sum á hagstova.fo. Við livandi grafum er tað møguligt at halda músina yvir eina linju á grafinum, og soleiðis síggja t.d. løntakaratalið ein ávísan mánað. Eisini er møguligt at hála í tíðarlinjuna og leingja vísta tíðarskeiðið á grafinum, t.d. aftur til 1985 í løntakaratølunum. Soleiðis flætta tit grafin í tykkara síðu: Trýstið á burgaramenuina (knøtturin við trimum strikum) ovast í høgra horni. Veljið síðani "Flætta graf í síðu". Trýstið á knøttin "Avrita kotu" og setið inn kotustubban á heimasíðu tykkara. ## Menn og kvinnur Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali og sterku strikurnar vísa gongdina ella trendin. Í august vóru um 13.900 menn og 13.400 kvinnur í løntakaraskaranum. Meðan vøksturin í talinum av mannligum løntakarum nærum er steðgaður upp, leggjast kvinnur framvegis afturat løntakaraskaranum, og tí minkar munurin millum kynini. ## Vinnugreinabólkar Tær báðar myndirnar niðanfyri vísa løntakaratalið og gongdina í teimum fýra høvuðsvinnugreinunum mánaðarliga. Trendurin vísir, at í 'privatu tænastuvinnunum' hómast ein lítil vøkstur, meðan vøksturin sum hevur verið í 'almennari o.a. tænastu' nú er avtakandi. Í byggivinnuni er løntakaratalið eisini farið at minka eftir at hava verið støðugt vaksandi síðani 2014. 


Innflutningur vaksin 7% higartil í ár

Innflutningurin til og við juli er nú gjørdur upp, og innflutt varð fyri 4,9 milliardir krónur. Hetta er ein vøkstur á 7% í mun til í fjør. Um skip og flogfør ikki verða tikin við, er vøksturin næstan 10%. Innflutningurin av vørum til byggivirksemi er minkaður, men í flestu av hinum vørubólkunum er vøkstur. Størsti vøksturin er í bólkinum maskinur og onnur útgerð til vinnuna. Har er innflutt fyri 158 milliónir krónur meira, sum er ein vøkstur á 37%. Tað er eisini stórur vøkstur í innflutninginum av vørum til húsarhaldsnýtslu. 10% meira er innflutt av hesum vørum. 


Útflutningurin av fiskavørum 4,6 mia. kr. fyrstu 7 mánaðirnar

Samlaði útflutningurin var 4,9 mia. kr. fyrstu 7 mánaðirnar í ár. Somu mánaðir í fjør var útflutningurin 4,8 mia. kr. Higartil hava vit útflutt makrel fyri helvtina av virðinum í fjør. 229 mió. kr. í ár móti 465 mió. kr. í fjør. Laksaútflutningurin er vaksin 18% og var 2,3 mia. kr. fyrstu 7 mánaðirnar. Útflutningurin av toski minkaði 5% í virði og 7% í nøgd. Nøgdin av upsa minkaði eisini 7%, meðan nøgdin av hýsu vaks 8%. Í virði var tó áleið tað sama útflutt fyri hesi fiskasløgini sum í fjør. 


Vøksturin í sølu av mati og alkoholfríum drykkjuvørum stendur ikki við

Umsetningurin í virði og umsetningurin umroknaður til mongdir fyri smásølu av trimum vørubólkum er gjørdur upp fyri annan ársfjórðing. Tølini eru býtt í vørubólkarnar 'matur og alkoholfríar drykkjuvørur', 'klædnavørur og fótbúnaður' og 'húsbúnaður og húsarhaldsútgerð'. Umsetningurin av mati og drykkjuvørum er vaksin 3% frá 1. ársfjórðingi í ár til 2. ársfjórðing í ár. Í 2019 og 2020 var vøksturin millum somu ársfjórðingar ávikavist 13% og 11%. Fyri mat og alkoholfríar drykkjuvørur vísir uppgerðin hesaferð, at umsetningurin 2. ársfjórðing 2021 í mun til 2. ársfjórðing 2020 er lækkaður 1,4%. Lækkingin skal síggjast í mun til, at vøksturin 2. ársfjórðing 2019 til 2. ársfjórðing 2020 var heili 14,5 % fyri henda vørubólkin. Tíðin við koronu, tá føroyingar vóru meira heima við hús enn vanligt, hevði við sær, at sølan av mati og alkoholfríum drykkjuvørum vaks lutfalsliga nógv. Prísir á mati og alkoholfríum drykkjuvørum eru í miðal øktir 0,5% frá 2. ársfjórðingi í fjør til 2. ársfjórðing í ár, og verður lagt upp fyri hesum, er mongdin av seldum mati og alkohofríum drykkivørum lækkað við 1,9%. Vøksturin í umsetningi fyri klædnavørur og húsbúnað er 12% frá 1. ársfjórðingi til 2. ársfjórðing í ár. Í mun til 2. ársfjórðing í fjør er hækkingin fyri hendan vørubólkin 21%. Prísir á klædnavørum og húsbúnaði eru í miðal øktir 2,5% frá 2. ársfjórðingi í fjør til 2. ársfjórðing í ár, og verður lagt upp tikin fyri hesum, er mongdin av seldum klædnavørum og fótbúnaði vaksin 18,1%. Fyri vørubólkin húsbúnað og húsarhaldsútgerð var umsetningurin 2. ársfjórðing í ár 12,7% lægri í mun til sama ársfjórðing í fjør. Seinastu 10 árini hava prísirnir fyri hendan vørubólkin í miðal verið lækkandi, men frá 2. ársfjórðingi í fjør til 2. ársfjórðing í ár er prísurin fyri húsbúnað og húsarhaldsútgerð í miðal øktur 1,3%. Verður hædd tikið fyri hesari prísgongd, er mongdin av seldum húsbúnaði og húsarhaldsvørum lækkað 13,8% millum hesar somu  ársfjórðingarnar. Miðalvøksturin í mongd av seldum húsbúnaði hevur annars verið 9,7% seinastu 5 árini og 4,3% seinastu 10 árini. 


Gongd komin aftur á gistingarnar - stívliga 27.100 gistingar í august

Í august í ár vóru 27.147 gistingar á føroysku gistingarhúsunum. Tað eru góðar 10.400 fleiri gistinætur samanborið við sama mánað í fjør. Gistinætur telja, hvussu nógvir og hvussu leingi persónar gista á gistingarhúsum. Talið av gistináttum hjá dønum vaks í august við 56% í mun til sama mánað í fjør, meðan talið av gistináttum hjá fólkum úr øðrum londum enn Føroyum og Danmark meira enn tvífaldaðist. Síðan korona rakti, hava føroyingar átt bróðurpartin av gistingunum, men í august áttu føroyingar einans 11% av gistináttunum. Tað er umleið á sama stigi, sum tað var í august 2019. ## Innskrivingar Innskrivingarnar vísa talið av ferðafólkum á gistingarhúsunum, sama hvussu leingi tey gista. Innskrivingarnar vóru gott 9.400 í tali í august, sum er 84% fleiri enn í fjør. Vøksturin er 4% meira enn sama mánað í 2019. ## Nýtslustig Nýtslustigið vísir, hvussu stórur partur av tøku kømrunum verður brúktur. Um 70% av kømrunum vórðu brúkt í august, samanborið við 52% í fjør. Í 2019 var nýtslustigið 89%. Í fjør vaks talið av kømrum munandi, tí tvey størri gistingarhús eru latin upp og onnur útbygd, og tí er rúm er fyri fleiri vitjandi. Nýtslustigið er tí lægri enn í 2019, hóast gistingarnar vóru fleiri. ## Gistingar og innskrivingar higartil í ár Verður hugt at tølunum higartil, sæst at bæði gistingarnar og innskrivingarnar eru nærum tvífaldaðar í mun til í fjør. 


KT-mennari til Hagstovu Føroya

C#, Python, R og SQL Server er kjarnan í okkara KT-skipanum. Harumframt brúka vit React.js til at menna okkara brúkaraflatur við. Felags fyri okkara KT- skipanir er innheintan av dátum, dátuviðgerð, samanseting í talvur og útrokningar til hagtalsútgávu. Tín leiklutur verður millum annað at forrita transformatión av rádátum til struktureraðar hagfrøðiligar dátur. Harumframt verður ein av uppgávunum at forrita góðskumetingarskipanir av dátum. Vit brúka altjóða leist at menna okkara hagstalsskipanir eftir, har starvsfólkini á Hagdeildini hava hagfrøðiligu ábyrgdina og eru oftast product owners. Samstundis brúka vit ein agilan arbeiðsleist í mun til uppgávustýring. ## **Um teg  ** Vit ímynda okkum, at tú hevur útbúgving innan KT, t.d. verkfrøði, cand.merc.it ella datalogi. Nýútbúgvin eru eisini vælkomin at søkja. Tað er ein fyrimunur, um tú hevur royndir við at forrita í C#, Python, R, SQL ella líknandi forritanarmálum. Tað er somuleiðis ynskiligt, at tú kennir til git versiónstýring. Tað hevur týdning, at tú ert ein pragmatiskur liðspælari og trívist væl at arbeiða í einum tvørfakligum umhvørvi. Vit vænta, at tú dugir at fara niður í smálutir, men samstundis hevur yvirskipaðu heildina í huga. Tú ert fyrikomandi, forvitin, spyrt tá tú ikki veitst, dámar væl fakligar avbjóðingar og ert opin fyri áhaldandi førleikamenning. ## **Vit bjóða  ** Vit leggja dent á góðar arbeiðsumstøður, soleiðis at tú fært hugsavna teg um at menna - uttan óneyðugt órógv. Nýumvældu og opnu hølini hjá Hagstovuni við tvímans-skrivstovum eru sniðgivin til endamálið. Vit hava felags matstovu saman við hinum fakstovnunum í bygninginum. Vit bjóða eitt starv, har tú fært møguleika at menna KT-skipanir, sum taka pulsin á føroyska samfelagnum. Tú fært góðar møguleikar fyri fakligari og persónligari menning. Tú verður partur av einum royndum og dugnaligum toymi á KT-deildini, sum hevur ábyrgdina at menna KT-skipanir til hagtalsframleiðslur. Starvið gevur harumframt eitt altjóða útsýni við tætta samstarvinum, sum vit hava við hagstovurnar í londum kring okkum. Lønin er sambært galdandi sáttmála millum Fíggjarmálaráðið og avvarðandi yrkisfelag. Hevur tú spurningar um starvið, løn ella onnur viðurskifti, kanst tú venda tær til Egil Hofgaard, leiðara á KT-deildini, á 352807 ella egil@hagstova.fo. Umsóknin skal vera Hagstovuni í hendi í seinasta lagi sunnudagin 17. oktobur 2021. Umsóknin skal sendast til starv@hagstova.fo. ## **Stutt um Hagstovuna** _Hagstovan tekur pulsin á føroyska samfelagnum og hevur hagfrøðiligu vitanina um fólk, samfelag, vinnu, búskap og umhvørvi í Føroyum. Hagtøl geva innlit og vitan at taka avgerðir, granska og kjakast, og er ein týðandi grundarsteinur í einum framkomnum fólkaræði._ _Persónlig og faklig menning eru fyritreyt fyri ein vælvirkandi stovn, og tí leggja vit stóran dent á at menna førleikarnar hjá starvsfólkunum og leiðarunum. Vit stimbra eina mentan, har dentur verður lagdur á dygd, samstarv og álit._ _Á Hagstovuni starvast 20 fólk, seks teirra starvast á KT-deildini._ 


Færri skúlabørn í ár enn fyri fimtan árum síðani

Í 2005 var næmingatalið í fólkaskúlanum knappliga 7.600. Tíggju ár seinni var tað minkað niður í 7.200. Frá 2015 til í ár hevur verið stórur fólkavøkstur. Men næmingatalið í fólkaskúlanum vaks einans við 100 í hesum tíðarskeiðinum. 2005-2015:   Frá 1. 7. 2005 til 1. 7. 2015 vaks samlaða fólkatalið í Føroyum við 540 fólkum. Kortini minkaði næmingatalið í fólkaskúlanum í sama tíðarskeiðið við 361 børnum. Nógv størsta minkingin var í framhaldsskúlunum við 415. Og í barnaskúlanum 1. - 7. flokk minkaði talið við 73 børnum. Tilsamans ein minking við 488 børnum. Móti hesum var ein vøkstur í forskúlaflokkum við 117 børnum. 2015-2021:   Tey næstu seks árini (1.7. 2015 - 1.7. 2021) vaks samlaða fólkatalið við 4.500 fólkum. Kortini vaks næmingatalið í fólkaskúlanum bert við 100 børnum. Allur vøksturin kom frá øktum næmingatali í serflokkum og forskúlaflokkum við 270 næmingum, meðan tað minkaði í barnaskúlanum 1. - 7. flokk við 128 og framhaldsskúlanum við 41. ## Broytingin í næmingatali í landspørtunum   2005-2015:   Verður hugt eftir landspartabýtinum í hesum 10-ára skeiðinum, er nógv tann størsta minkingin í næmingatalinum í Suðuroy við 355. Haraftrat minkar í Megineysturoy, Sundalagnum og Sandoyarøkinum við 138. Ein samlað minking í hesum økjum er 493 skúlanæmingar. Upp móti hesum er bara ein lítil vøkstur í Tórshavnar- og Vesturøkinum. 2015-2021:   Í hesum tíðarskeiði, har næmingatalið tilsamans bert veksur við 101, er myndin sera fjølbroytt: ein vøkstur í Eysturoy við 107 og í Suðuroy við 96. Í Tórshavnar kommunu veksur næmingatalið bert við 40. Hinvegin minkar í Norðoyggjum við 73 og í Sundalagnum, Vesturøkinum og Sandoyarøkinum tilsamans við 69. ## Kynsbýtið í fólkaskúlanum Heilt fram til sjeynda flokk er ein lítil yvirvág av dreingjanæmingum. Tað skiftir í 8. og 9. flokki við meiriluta av gentum. Men tá tað so kemur kemur til 10. flokk og serflokkar, er stór yvirvág av dreingjum. ## Hvussu eru útlitini tey komandi árini? Sum nevnt frammanfyri, so er næmingatalið í fólkaskúlanum ikki økt, heldur minkað eitt sindur tey síðstu fimtan árini, hóast tað er nakað ymiskt, hvussu gongdin hevur verið í ymsu økjunum í landinum. Í framrokningini hjá Hagstovuni av fólkatalinum sæst, at í aldursbólkinum 5-15 ár er ein lítil vøkstur tey næstu 10 árini við umleið 430. Ein triðingur av vøkstrinum verður í Tórshavnar kommunu, og tveir triðingar í øðrum kommunum í landinum. Hyggja vit 20 ár longur fram í tíðina, vísir framrokningin eina lítla minking í hesum aldursbólkinum. Tað er Tórshavnarøkið, ið hevur eina lítla minking og ein lítil vøkstur uttan fyri Havnina. 


Fólkatalið  vaks við 854 síðsta árið

Hetta er ein størri vøkstur enn undanfarna tíðarskeið, tá fólkatalið vaks við 731 fólkum ella 1,4%. Myndin niðanfyri vísir gongdina í fólkatalinum. Fólkatalið verður ávirkað av nettoflyting (munurin millum tilflyting og fráflyting) og burðaravlopi (munurin millum fødd og deyð). Vøksturin síðsta árið kemur av eini nettoflyting á 551 og einum burðaravlopi á 303. Bæði nettoflyting og burðaravlop eru størri nú í mun til undanfarna tíðarskeið. Tað kemur serliga av, at føðitalið var størri og fráflytingin var minni síðsta árið enn undanfarna tíðarskeið. Grovaru strikurnar í myndini niðanfyri vísa gongdina í tilflytingini og fráflytingini. Grovaru strikurnar í myndini niðanfyri vísa gongdina í føðitalinum og í deyðatalinum. Talvan niðanfyri vísir fólkatalið í hvørjari kommunu 1. september 2020 og 2021. Av teimum 854 fólkunum, sum løgdust afturat hetta tíðarskeiðið, vóru meira enn helvtin úr Tórshavnar kommunu. Lutfalsliga vaks fólkatalið mest í Nes kommunu, 3,7%, tað er 51 fólk. Størsta afturgongd var í Kvívíkar kommunu, har fólkatalið minkaði við 16 fólkum ella 2,6%. 


27.400 løntakarar í september - vøksturin er avtakandi

Trendurin, sum lýsir rákið í løntakaratalinum, vísir, at seinastu mánaðirnar hevur vøksturin í løntakaratalinum verið avtakandi. Grafurin omanfyri er livandi. Nú er møguligt at flætta (en. embed) livandi grafar sum hendan í tykkara heimasíðu, eitt nú í tíðindagreinar. Tað gevur brúkarunum á tykkara heimasíðu somu livandi grafar, sum á hagstova.fo. Við livandi grafum er tað møguligt at halda músina yvir eina linju á grafinum, og soleiðis síggja t.d. løntakaratalið ein ávísan mánað. Eisini er møguligt at hála í tíðarlinjuna og leingja vísta tíðarskeiðið á grafinum, t.d. aftur til 1985 í løntakaratølunum. Soleiðis flætta tit grafin í tykkara síðu: Trýstið á burgaramenuina (knøtturin við trimum strikum) ovast í høgra horni. Veljið síðani "Flætta graf í síðu". Trýstið á knøttin "Avrita kotu" og setið inn kotustubban á heimasíðu tykkara. ## Menn og kvinnur Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali og sterku strikurnar vísa gongdina ella trendin. Í september vóru um 14.000 menn og 13.400 kvinnur í løntakaraskaranum. Tað eru 150 fleiri menn og stívliga 350 fleiri kvinnur enn sama mánað í fjør. ## Vinnugreinabólkar Tær báðar myndirnar niðanfyri vísa løntakaratalið og gongdina í teimum fýra høvuðsvinnugreinunum mánaðarliga. Trendurin vísir, at vøkstur er í 'privatu tænastuvinnunum', meðan vøksturin sum hevur verið í 'almennari o.a. tænastu' er steðgaður upp. Í byggivinnuni er løntakaratalið farið at minka eftir at hava verið støðugt vaksandi síðani 2014. 


910 milliónir í lønum í september - støðugur vøkstur

Trendurin, sum lýsir rákið í lønargjaldingunum við at reinsa fyri árstíðarfrávik og aðrar tilvildarligar broytingar, vísir, at eftir eitt lítið ár við lítlum og ongum vøkstri, vaksa lønargjaldingarnar nú aftur. Grafurin omanfyri er livandi. Nú er møguligt at flætta (en. embed) livandi grafar sum hendan á tykkara heimasíðu, eitt nú í tíðindagreinar. Tað gevur brúkarunum á tykkara heimasíðu somu livandi grafar, sum á hagstova.fo. Við livandi grafum er tað møguligt at halda músina yvir eina linju á grafinum, og soleiðis síggja t.d. lønargjaldingarnar ein ávísan mánað. Eisini er møguligt at hála í tíðarlinjuna og leingja vísta tíðarskeiðið á grafinum, t.d. aftur til 1985 í lønargjaldingunum. Soleiðis flætta tit grafin í tykkara síðu: Trýstið á burgaramenuina (knøtturin við trimum strikum) ovast í høgra horni. Veljið síðani "Flætta graf í síðu". Trýstið á knøttin "Avrita kotu" og setið inn kotustubban á heimasíðu tykkara. ## Menn og kvinnur Myndin niðanfyri vísir lønargjaldingarnar fyri kynini bæði. Kámu strikurnar vísa útgoldnu lønirnar, og sterku strikurnar vísa gongdina ella trendin. Í september áttu menninir um 560 milliónir av lønargjaldingunum, ið svarar til góð 60% av útgoldnu lønunum. Tað eru 16 milliónir fleiri enn sama mánað í fjør. Kvinnurnar áttu 350 milliónir, sum eru 15 milliónir meira enn sama mánað í fjør. Trendurin vísir, at hjá kvinnum heldur vøksturin fram og hjá monnunum vaksa lønargjaldingarnar aftur eftir eitt ár í stillstøðu. ## Vinnugreinar Trendurin vísir, at vøkstur framvegis er í lønargjaldingunum í 'almennari o.a. tænastu'. Í 'privatu tænastuvinnunum' vaksa lønirnar nú aftur, meðan í 'byggivinnu o.a. tilvirking' minka lønargjaldingar. Í talvuni niðanfyri eru lønargjaldingarnar seinasta árið taldar saman og samanbornar við sama tíðarskeið árið fyri. 


Brúkaraprísirnir í miðal øktir 3,1 prosent seinasta árið

Brúkaraprístalið er yvirskipað sett saman av 12 vøru- og tænastubólkum. Tað er ymiskt, hvussu stóra ávirkan vørurnar og tænasturnar hava á brúkaraprístalið. Býtið av nýtsluni hjá brúkaranum er avgerandi fyri, hvussu nógv vørurnar og tænasturnar ávirka prístalið. Fyri einum ári síðan var samlaða prístalið 121,2, í øðrum ársfjórðingi í ár 124,6 og í seinastu uppgerðini fyri triðja ársfjórðing 124,9. Hetta merkir, at prístalið í dag er 3,1 prosent hægri í mun til fyri einum ári síðan og 0,3 prosent hægri í mun til annan ársfjórðing í ár. Eftir einum ári eru prísir í 10 av 12 vøru- og tænastubólkum øktir, meðan prísir á mati, drekka og útbúgving eru eitt vet minni. Av hesum 12 vøru- og tænastubólkunum eru prísir í bólkunum 'Býli', 'Flutningur' og 'Hotel og matveitarar' øktir mest. Í bólkunum 'Býli' og 'Flutningur' hevur prísvøkstur á brennievni størst ávirkan og innan "Hotel og matveitarar' hevur prísvøkstur á gisting størst ávirkan.   Í umleið 4 ár undan koronufarsóttina lá árliga broytingin í samlaða brúkaraprístalinum í Føroyum - eins og í miðal í Evropa - millum 1 og 2 prosent, men nærkaðist óbroyttari árligari prísgongd meginpartin av 2020, tá koronufarsóttin leikaði harðast á. Uppgerðirnar av brúkaraprístalinum í Føroyum eins og aðrastaðni í Evropa vísa nú aftur ein lutfalsligan stóran vøkstur, og vit skulu leita aftur til tíðina beint undan fíggjarkreppuna fyri umleið 13 árum síðan fyri at síggja líknandi stóran árligan vøkstur í brúkaraprístalinum.   Brenniolja til upphiting av býlum og brennievni til akfør eru lutfalsliga stórur partur av samlaðu nýtsluni hjá einum miðal føroyskum húsarhaldi og hevur tí eisini lutfalsliga stóra ávirkan á brúkaraprístalið. Høvuðsorsøkin til minni vøkstur í samlaða brúkaraprístalinum fyrstu tíðina eftir, at korona gjørdi um seg, var lutfalsliga stóra fallið í altjóða oljuprísinum. Samstundis er lutfalsliga stóri prísvøksturin á brenniolju frá seinastu trimum uppgerðunum ein av høvuðsorsøkunum til tann samlaða vøksturin í prístalinum.   Myndin niðanfyri vísir, hvussu stórt ískoytið frá prísbroytingum innan ymsu vøru- og tænastubólkarnar til samlaða prístalið er, tá lagt verður upp fyri, hvussu nógv verður keypt av ymsu vørunum og tænastunum. Brennievni til hiting av býlum og til flutning eru partur av vørubólkinum 'Býli' og 'Flutningur'. Myndin vísir, at fyri báðar seinastu uppgerðirnar er vakstrarískoytið frá hesum høvuðsbólkum størst og samanlagt 2 prosentstig av samlaða árliga vøkstrinum á 3,1 prosent.   


Innflutningurin methøgur

Innflutningurin til og við august er nú gjørdur upp, og innflutt varð fyri 5,7 milliardir krónur. Hetta er ein vøkstur á 8,4% í mun til í fjør. Um skip og flogfør ikki verða tikin við, er vøksturin 11%. Oljuprísurin er hækkaður nógv seinastu tíðina, og hetta sæst eisini aftur í innflutninginum. Hóast eitt sindur minni er innflutt, so hava vit brúkt 30% meiri upp á brennievni higartil í ár samanborið við í fjør. Størsti vøksturin er í bólkinum maskinur og onnur útgerð til vinnuna. Har er innflutt fyri 194 milliónir krónur meira, sum er ein vøkstur á 39%. Tað er eisini stórur vøkstur í innflutninginum av vørum til húsarhaldsnýtslu. 8% meira er innflutt av hesum vørum. 


Útflutningurin  fyrstu 8 mánaðirnar

Samlaði útflutningurin var 5,7 mia. kr. fyrstu 8 mánaðirnar í ár. Somu mánaðir í fjør var útflutningurin 5,5 mia. kr. Í 2019, sum er tað árið vit higartil hava havt mestan útflutning, varð eisini útflutt fyri 5,7 mia. fyrstu 8 mánaðirnar. Fyrstu mánaðirnar í ár var útflutningurin væl minni enn í 2019, men hesar seinastu mánaðirnar er meiri útflutt, so útflutningurin nú er ájavnt við 2019. Útflutningurin av makreli er á sama støði sum í fjør í nøgd, meðan virðið er 20% lægri enn í fjør. Útflutningurin av sild og svartkjafti er hægri, bæði í nøgd og virði. Laksaútflutningurin er vaksin 17% og var 2,6 mia. kr. fyrstu 8 mánaðirnar. Útflutningurin av toski minkaði 14% í virði og 17% í nøgd. Nøgdin av upsa minkaði 6%, meðan nøgdin av hýsu vaks 7%. Í virði var tó áleið tað sama útflutt fyri hesi fiskasløgini sum í fjør. 


Tvífalt so nógvar gistingar í september

Í september í ár vóru 20.604 gistingar á føroysku gistingarhúsunum. Tað eru knapt 10.000 fleiri gistinætur samanborið við sama mánað í fjør. Gistinætur telja, hvussu nógvir og hvussu leingi persónar gista á gistingarhúsum. Talið av gistináttum hjá dønum vaks í september við 79% í mun til sama mánað í fjør, meðan talið av gistináttum hjá fólkum úr øðrum londum enn Føroyum og Danmark meira enn tvífaldaðist. ## Innskrivingar Innskrivingarnar vísa talið av ferðafólkum á gistingarhúsunum, sama hvussu leingi tey gista. Innskrivingarnar vóru góðar 7.900 í tali í september, sum er 87% fleiri enn í fjør. Vøksturin er 15% meira enn sama mánað í 2019. ## Nýtslustig Nýtslustigið vísir, hvussu stórur partur av tøku kømrunum verður brúktur. Góð 63% av kømrunum vórðu brúkt í september, samanborið við 40% í fjør. Í 2019 var nýtslustigið 75%. Í fjør vaks talið av kømrum munandi, tí tvey størri gistingarhús eru latin upp og onnur útbygd, og tí er rúm er fyri fleiri vitjandi. Nýtslustigið er tí lægri enn í 2019, hóast gistingarnar vóru fleiri. ## Gistingar og innskrivingar higartil í ár Verður hugt at tølunum higartil, sæst at bæði gistingarnar og innskrivingarnar eru nærum tvífaldaðar í mun til í fjør. 


102 fleiri ársverk í sjúkrahúsverkinum seinastu tíggju árini

Nógv tey flestu ársverkini eiga sjúkrarøktarfrøðingar, sum eru 413 ella 38% av øllum ársverkunum. Læknaársverkini eru 118 ella 11%, onnur heilsustarvsfólk 248 ella 23% og síðani eru øll onnur starvsfólk 309 ársverk ella 28%. Býtið er broytt nakað frá 2010 til 2020, soleiðis at lutfalsliga eru fleiri læknar og sjúkrarøktarfrøðingar. Hesi tíggju árini er størsti vøksturin í tali hjá sjúkrarøktarfrøðingum við 59 ársverkum. Men lutfalsliga er størsti vøksturin hjá læknum, har tey 32 ársverkini svara til ein vøkstur á 37%. Hinvegin er ein lítil minking hjá øðrum heilsustarvsfólkum. Býtið av ársverkum er útgreinað á 15 sáttmálaøki á myndini niðanfyri. Her sæst, at sáttmálaøkið hjá Sjúkrarøktarfrøðingafelagnum er nógv tað størsta. Eisini sæst, at meðan vøkstur er í flestøllum sáttmálaøkjum, so er ein merkisverd stór minking hjá heilsurøktarunum. Heitini á flestu sáttmálaøkini siga, hvørji starvsøkini fevna um, tó uttan hjá nøkrum fáum.   Hjá Starvsfelagnum fevnir sáttmálaøkið um læknaskrivarar, móttøku, skrivstovufólk og KT-fólk, umframt tey í sjúkraflutningstænastuni.   Tey í arbeiðarafeløgunum starvast við reingerð, vaskarí umframt nøkur arbeiðsfólk.   Tey í akademikara-, búskapar- og løgfrøðinga- og tænastumannafeløgunum eru leiðarar, fulltrúar og sálarfrøðingar. Í talvuni niðanfyri sæst, at tann stóri vøksturin í ársverkum er í seinnu helvt av tíggjuáraskeiðinum: meðan ársverkini fækkaðu við 11 frá 2010 til 2015, so øktust tey í tali við 113 frá 2015 til 2020. Nærum allur vøksturin hjá Sjúkrarøktarfrøðingafelagnum er í seinnu helvt av tíðarskeiðinum. Hinvegin er minkingin hjá Heilsurøktarafelagnum nærum eins stór bæði frá 2010 til 2015 og frá 2015 til 2020. Hjá serlæknum er vøksturin javnt stórur alt tíðarskeiðið. Her sæst eisini, at umleið fimta hvørt ársverk hjá serlæknunum er serlæknakonsulentur, og hetta er galdandi í 2010, 2015 og 2020. Serlæknakonsulentar koma úr útlondum og starvast í styttri tíðarskeið í ómannaðum serlæknastørvum ella loysa serlæknauppgávur, sum fólk ikki eru til í føroyska sjúkrahúsverkinum, ella sum avloysarar.   Av teimum 1.087 ársverkunum í sjúkrahúsverkinum eru nógv tey flestu, 840 ella 77%, á Landssjúkrahúsinum, 131 ella 12% eru á Klaksvíkar sjúkrahúsi og 115 ella knappliga 11% á Suðuroyar sjúkrahúsi. Av broytingini frá 2010 til 2020 er størsti vøksturin á Landssjúkrahúsinum við 87 ársverkum, har tað er serliga stórur vøkstur av sjúkrarøktarfrøðingum og læknum. Lutfalsliga er vøksturin líka stórur á Suðuroyar sjúkrahúsi, meðan lítil og ongin vøkstur er á Klaksvíkar sjúkrahúsi, har m.a. talið av ársverkum hjá læknum er minkað við einum. Viðmerking til strikumyndina omanfyri: Í 2010 varð uppgerðarhátturin broyttur. Frammanundan vóru tað sjúkrahúsini, ið bólkaðu starvsfólkini eftir starvsøki. Frá 2010 er uppgerðin grundað á upplýsingar úr Lønarskipan landsins og starvsfólkini eru bólkað eftir sáttmálaøkið. Samstundis eru broytingar gjørdar, so at t.d. sjúkraflutningsfólk og tey í Kost- og føðslufelagnum eru bólkað sum "onnur heilsustarvsfólk", og radiografar í sáttmálaøkinum hjá Sjúkrarøktarfrøðingafelagnum. Sí annars viðmerkingar til talvuna í hagtalsgrunninum. 


Seinasta árið løgdust 805 fólk afturat í Føroyum

Lutfalsligi vøksturin í fólkatalinum er tann sami sum í undanfarna tíðarskeiði, tá fólkatalið eisini vaks við 1,5%. Sostatt hevur lutfalsligi fólkavøksturin ligið millum 1,5% og 1,8% fyri hvørt 12-mánaðarskeið í út við fýra ár. Myndin niðanfyri vísir gongdina í fólkatalinum. Fólkatalið verður ávirkað av nettoflyting (munurin millum tilflyting og fráflyting) og burðaravlopi (munurin millum fødd og deyð). Vøksturin síðsta árið kemur av eini nettoflyting á 517 og einum burðaravlopi á 288, og tað er tætt við tað sama sum í undanfarna tíðarskeiði.   Grovaru strikurnar í myndini niðanfyri vísa gongdina í tilflytingini og fráflytingini. Grovaru strikurnar í myndini niðanfyri vísa gongdina í føðitalinum og í deyðatalinum. Talvan niðanfyri vísir fólkatalið skift á øki fyri 1. oktober 2020 og 2021. Størsti parturin av teimum, sum løgdust afturat fólkatalinum seinasta árið, búgva í Suðurstreymoyar og Eysturoyar økjum. Soleiðis var eisini í undanfarna tíðarskeiði. Men í hinum fimm økjunum var seinasta árið annarleiðis enn undanfarna tíðarskeið. Í Norðoya, Vága og Suðuroyar økjum vaks fólkatalið seinasta árið uppaftur meira, meðan Norðurstreymoyar og Sandoyar øki fóru frá einum vøkstri í fólkatalinum undanfarna skeið til eina minking hetta seinasta árið. 


Javnari inntøkubýti og færri undir fátækaváðamarkinum í 2019

Talvurnar við hagtølum og hagtalsmátum um inntøkuviðurskifti hjá føroyingum eru dagførdar í hagtalsgrunninum til og við 2019. Mátini geva eina mynd av  nýtslumøguleikunum hjá húskjum og einstaka føroyinginum. Eitt nú verður sett tal á, hvussu nógvir persónar eru undir ávísum inntøkumarki. Eisini siga mátini okkum, hvussu javnt ella ójavnt býtið í nýtslumøguleikunum er millum fólkið í landinum. Talvur eru eisini, sum vísa talið á persónum í inntøkubólkum og inntøkurúmum. ## Lutfalsliga færri undir fátækaváðamarkinum Fátækaváðin, á enskum "at-risk-of-poverty", er eitt altjóða mát, ið lýsir borgararnar í samfelagnum við lutfalsliga fækstu nýtslumøguleikum. Grundarlagið undir hagtølunum er javnvirðisinntøkan, sum er ein roknað inntøka hjá hvørjum borgara eitt heilt ár. Sí meira um  _javnvirðisinntøku_  (video). Fátækaváðin sigur, hvussu stórur partur av borgarunum í samfelagnum hava eina javnvirðisinntøku, sum er lægri enn 60% av miðjavnvirðisinntøkuni í samfelagnum. Sum sæst í talvuni omanfyri, so er eitt fall frá 2018 til 2019 á 2,2 prosentstig. Atvoldin til hetta er einamest, at aldursbólkurin 67+, sum í stóran mun hevur verið undir hesum marki - við nærum 30% okkurt árið, er fyri ein part farin upp um markið í 2019. Sigast skal, at 67+ aldurbólkurin yvirhøvur hevur ligið tætt um markið øll árini, uppgerðin hevur verið gjørd. Tað eru 9,4 prosentstig færri í aldursbólkinum 67+ undir markinum í 2019 samanborið við árið fyri. Í hagtølunum sæst eisini, at tað eru tey ið eru fleiri í húski, sum eru farin uppum, meðan fyri tey støku ið eru 67+ er støðan áleið tann sama sum undanfarin ár. Væl meira enn helvtin av teimum 67+ støku eru undir fátækraváðamarkinum. Talvan omanfyri vísir samlaða talið av persónum undir fátækaváðamarkinum fyri alt landið, men støðan og gongdin hjá ymsu bólkunum í samfelagnum er ólík. Fleiri útgreinað tøl um persónar undir fátækaváðamarkinum býtt á aldur, kyn, húskisslag eru at finna í hagtalsgrunninum. Sí fleiri grafar o.a. á síðuni um fátækaváða, har greitt eisini er nærri frá allýsingini av hugtakinum í einum video. ## Gini-talið og fimtingslutallið: Javnari inntøkubýti Tvey mát, sum kunnu brúkast at lýsa inntøkubýti í einum landi, eru gini-talið og fimtingslutfallið. Gini-talið lýsir ójavnan í inntøkubýtinum í javnvirðisinntøku. Um øll hava somu inntøku, er talið 0, og hevur eitt húski alla inntøkuna í samfelagnum, er talið 100. Í 2019 var gini-talið 22,0 í mun til 22,7 árið fyri. Fimtingslutfallið ella 80/20-mátið vísir hvussu stóran part av javnvirðisinntøkuni ríkasti fimitparturin ræður yvir samanborðið við tann fátækasta fimtapartin. Í 2019 átti ríkasti fimtiparturin tríggjar ferðir so nógv sum fátækasti fimtiparturin. Í 2018 var talið 3,1. Talvurnar omanfyri vísa gini-talið og fimtingslutfallið fyri alt landið. Gini- talið, fimtingslutfallið og onnur javnbýtismát finnast í hagtalsgrunninum býtt á aldur, húskisslag og øki. Sí fleiri grafar o.a. á síðuni um _inntøkubýti_ , har greitt eisini er nærri frá allýsingini av fimtingslutfallinum í einum video _._ 


Innflutningurin sett met annan mánaðin á rað

Innflutningurin til og við september er nú gjørdur upp, og innflutt varð fyri 6,5 milliardir krónur. Hetta er ein vøkstur á 8,9% í mun til í fjør. Um skip og flogfør ikki verða tikin við, er vøksturin 11,6%. Oljuprísurin er hækkaður nógv seinastu tíðina, og hetta sæst eisini aftur í innflutninginum. Hóast eitt sindur minni er innflutt, so hava vit brúkt 35% meiri upp á brennievni higartil í ár samanborið við í fjør. Størsti vøksturin er í bólkinum maskinur og onnur útgerð til vinnuna. Har er innflutt fyri 207 milliónir krónur meira, sum er ein vøkstur á 38%. 


Útflutningurin  fyrstu 9 mánaðirnar

Samlaði útflutningurin var 6,8 milliardir krónur fyrstu 9 mánaðirnar í ár. Somu mánaðir í fjør var útflutningurin 6,4 milliardir krónur. Í 2019, sum er tað árið vit higartil hava havt mestan útflutning, varð útflutt fyri 6,7 mia. fyrstu 9 mánaðirnar. Sostatt sær út til at 2021 verður eitt metár. Laksaútflutningurin er vaksin 22% og var 3 mia. kr. fyrstu 9 mánaðirnar. 


Kanning: Er føroyska arbeiðsfjøldin enn millum tær størstu í Evropa?

Í 2020 vóru 31.793 fólk í føroysku arbeiðsfjøldini ella 84,3% av øllum búsitandi í Føroyum, sum vóru millum 15 og 74 ár. Tølini fyri 2020 vísa, at vinnutíttleikin í Føroyum er tann størsti í Evropa, við Íslandi næst aftanfyri. Arbeiðsfjøldin telur, hvussu nógv fólk kunnu veita arbeiðsmegi av teimum, ið eru millum 15-74 ár og búsitandi í Føroyum. Ein partur av grundarlagnum undir hagtølunum eru viðtalskanningar umvegis telefon, og á hvørjum ári verða á leið 1.000 fólk uppringd, ung sum eldri. Gallup Føroyar ger viðtalurnar fyri Hagstovu Føroya. Arbeiðsfjøldarhagtølini eru gjørd í samsvari við ásetingum frá altjóða arbeiðsstovninum ILO undir ST. Hetta tryggjar, at føroysku hagtølini kunnu samanberast beinleiðis við samsvarandi hagtøl úr øðrum londum. Tú kanst lesa meira um kanningina her. 


Tvífalt so nógvar gistingar í oktober

Í oktober í ár vóru 16.433 gistingar á føroysku gistingarhúsunum. Tað eru knappliga 7.700 fleiri gistinætur samanborið við sama mánað í fjør. Gistinætur telja, hvussu nógvir og hvussu leingi persónar gista á gistingarhúsum. Talið av gistináttum hjá dønum tvífaldaðist í mun til sama mánað í fjør, meðan talið av gistináttum hjá fólkum úr øðrum londum enn Føroyum og Danmark meira enn trífaldaðist. ## Innskrivingar Innskrivingarnar vísa talið av ferðafólkum á gistingarhúsunum, sama hvussu leingi tey gista. Innskrivingarnar vóru góðar 6.500 í tali í oktober, sum er 65% fleiri enn í fjør. Vøksturin er 23% meira enn sama mánað í 2019. ## Nýtslustig Nýtslustigið vísir, hvussu stórur partur av tøku kømrunum verður brúktur. Góð 48% av kømrunum vórðu brúkt í oktober, samanborið við 33% í fjør. Í 2019 var nýtslustigið 62%. Í fjør vaks talið av kømrum munandi, tí tvey størri gistingarhús eru latin upp og onnur útbygd, og tí er rúm er fyri fleiri vitjandi. Nýtslustigið er tí lægri enn í 2019, hóast gistingarnar vóru fleiri. ## Gistingar og innskrivingar higartil í ár Verður hugt at mánaðunum í ár samanlagt, sæst at bæði gistingarnar og innskrivingarnar eru nærum tvífaldaðar í mun til í fjør. 


Arbeiðsloysið 0,9% í september

Arbeiðsleys eru tey, sum eru skrásett hjá ALS og Almannaverkinum, ið ikki at hava arbeiði, eru fult tøk at arbeiða og eru virkin arbeiðssøkjandi. Myndin niðanfyri vísir arbeiðsloysið og gongdina í arbeiðsloysinum. Káma strikan vísir arbeiðsloysisprosentið og sterka strikan vísir gongdina ella trendin í arbeiðsloysinum.   Arbeiðsloysið var 0,9% í september, ið svarar til knappliga 265 fulltíðararbeiðsleys. Tilsamans vóru 327 persónar raktir av arbeiðsloysi. Arbeiðsloysið var til samanberingar 1,4% sama mánað í fjør. Trendurin vísir, at arbeiðsloysið er støðugt minkað seinasta árið. Í september var arbeiðsloysið 0,9% bæði hjá monnum og hjá kvinnum. Sama mánað í fjør var tað 1,2% hjá monnum og 1,6% hjá kvinnum. Landkortið vísir arbeiðsloysið eftir øki. Arbeiðsloysið er lægst í Norðoyggjum, Eysturoy og Norðurstreymoy við 0,5% og 0,6% í Vágum. Í Suðurstreymoy er arbeiðsloysi 1,1%, í Sandoy 1,2% og í Suðuroy 1,8%. Myndin niðanfyri vísir, hvussu leingi fólk hava verið arbeiðsleys. Í september vóru 15,6% av teimum arbeiðsleysu langtíðararbeiðsleys. Tað vil siga, at tey høvdu verið arbeiðsleys meira enn eitt ár. Sama mánað í fjør vóru 9,9% langtíðararbeiðsleys. 


53.613 fólk búðu í Føroyum 1. november í ár

Gongdin í fólkatalinum seinastu árini sæst í myndini niðanfyri. Fólkatalið verður ávirkað av nettoflyting (munurin millum tilflyting og fráflyting) og burðaravlopi (munurin millum fødd og deyð). Ein triðingur av vøkstrinum seinasta árið kemur av einum burðaravlopi á 268, og tveir triðingar koma av eini nettoflyting á 542. Grovaru strikurnar í myndini niðanfyri vísa gongdina í tilflytingini og fráflytingini. Grovaru strikurnar í myndini niðanfyri vísa gongdina í føðitalinum og í deyðatalinum. Talvan niðanfyri vísir fólkatalið í oyggjunum 1. nov í 2020 og 2021.   Fólkatalið vaks mest í Streymoynni og Eysturoynni við ávikavist 1,8% og 1,9%. Samanlagt svarar tað til 84% av samlaða fólkavøkstrinum seinasta árið. Fólkatalið í hesum báðum oyggjum er samstundis tað hægsta, tað nakrantíð hevur verið. Afturgongdin í fólkatalinum var størst í Sandoynni, har fólkatalið minkaði við 22 fólkum ella 1,8% seinasta árið. 


27.500 løntakarar í november - lítil og eingin vøkstur

Trendurin, sum lýsir rákið í løntakaratalinum, vísir, at seinastu mánaðirnar hevur lítil og eingin vøkstur verið í løntakaratalinum. Fallið, sum sæst í grafinum, er í aprílmánaði í 2020, tá landið var farið niður í ferð. Grafurin omanfyri er livandi. Nú er møguligt at flætta (en. embed) livandi grafar sum hendan í tykkara heimasíðu, eitt nú í tíðindagreinar. Tað gevur brúkarunum á tykkara heimasíðu somu livandi grafar, sum á hagstova.fo. Við livandi grafum er tað møguligt at halda músina yvir eina linju á grafinum, og soleiðis síggja t.d. løntakaratalið ein ávísan mánað. Eisini er møguligt at hála í tíðarlinjuna og leingja vísta tíðarskeiðið á grafinum, t.d. aftur til 1985 í løntakaratølunum. Soleiðis flætta tit grafin í tykkara síðu: Trýstið á burgaramenuina (knøtturin við trimum strikum) ovast í høgra horni. Veljið síðani "Flætta graf í síðu". Trýstið á knøttin "Avrita kotu" og setið inn kotustubban á heimasíðu tykkara. ## Menn og kvinnur Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali og sterku strikurnar vísa gongdina ella trendin. Í november vóru um 14.150 menn og 13.350 kvinnur í løntakaraskaranum. Tað er nærum 150 fleiri menn og knappliga 200 fleiri kvinnur enn sama mánað í fjør. ## Vinnugreinabólkar Tær báðar myndirnar niðanfyri vísa løntakaratalið og gongdina í teimum fýra høvuðsvinnugreinunum mánaðarliga. Trendurin vísir, at vøkstur er í 'privatu tænastuvinnunum'. Løntakarararnir í 'privatu tænastuvinnunum' eru nú fleiri, enn teir vóru áðrenn koronufarsóttin rakti. Hinvegin er vøksturin er í 'almennari o.a. tænastu' steðgaður upp. Í byggivinnuni minkar løntakaratalið. 


910 milliónir í lønum í november

Trendurin, sum lýsir rákið í lønargjaldingunum við at reinsa fyri árstíðarfrávik og aðrar tilvildarligar broytingar, vísir, at eftir eitt lítið ár við lítlum og ongum vøkstri, vaksa lønargjaldingarnar aftur. Seinastu mánaðirnar hevur hesin vøksturin tó verið avtakandi. Grafurin omanfyri er livandi. Nú er møguligt at flætta (en. embed) livandi grafar sum hendan á tykkara heimasíðu, eitt nú í tíðindagreinar. Tað gevur brúkarunum á tykkara heimasíðu somu livandi grafar, sum á hagstova.fo. Við livandi grafum er tað møguligt at halda músina yvir eina linju á grafinum, og soleiðis síggja t.d. lønargjaldingarnar ein ávísan mánað. Eisini er møguligt at hála í tíðarlinjuna og leingja vísta tíðarskeiðið á grafinum, t.d. aftur til 1985 í lønargjaldingunum. Soleiðis flætta tit grafin í tykkara síðu: Trýstið á burgaramenuina (knøtturin við trimum strikum) ovast í høgra horni. Veljið síðani "Flætta graf í síðu". Trýstið á knøttin "Avrita kotu" og setið inn kotustubban á heimasíðu tykkara. ## Menn og kvinnur Myndin niðanfyri vísir lønargjaldingarnar fyri kynini bæði. Kámu strikurnar vísa útgoldnu lønirnar, og sterku strikurnar vísa gongdina ella trendin. Í november áttu menninir um 560 milliónir av lønargjaldingunum, ið svarar til góð 60% av útgoldnu lønunum. Tað eru um 35 milliónir fleiri enn sama mánað í fjør. Kvinnurnar áttu 350 milliónir, sum eru um 15 milliónir meira enn sama mánað í fjør. Hjá monnunum vaksa lønargjaldingarnar nú aftur eftir eitt ár í stillstøðu. Trendurin vísir, at hjá kvinnum heldur vøksturin fram, tó ikki við somu ferð sum áður. ## Vinnugreinabólkar Trendurin vísir, at lønargjaldingarnar í 'almennari o.a. tænastu' nú ikki vaksa við somu ferð. Í 'privatu tænastuvinnunum' vaksa lønargjaldingarnar nú skjótari enn áður, meðan í 'byggivinnu o.a. tilvirking' minka lønargjaldingar. Í talvuni niðanfyri eru lønargjaldingarnar seinasta árið taldar saman og samanbornar við sama tíðarskeið árið fyri. 


Stórur vøkstur í innflutninginum

Innflutningurin til og við oktober er nú gjørdur upp, og innflutt varð fyri 7,6 milliardir krónur. Hetta er ein vøkstur á 14,4% í mun til í fjør. Um skip og flogfør ikki verða tikin við, er vøksturin 15,9%. Oljuprísurin er hækkaður nógv seinastu tíðina, og hetta sæst eisini aftur í innflutninginum. Hóast eitt sindur minni er innflutt, so hava vit brúkt 43% meiri upp á brennievni higartil í ár samanborið við í fjør. Somuleiðis er stórur vøkstur í bólkunum 'maskinur og onnur útgerð' til vinnuna og 'rávøra til fiskavirking' har vøksturin er ávikavist 40% og 42%. 


Útflutningurin  fyrstu 10 mánaðirnar

Samlaði útflutningurin var 7,9 milliardir krónur fyrstu 10 mánaðirnar í ár. Somu mánaðir í fjør var útflutningurin 7,2 milliardir krónur. Í 2019, sum er tað árið vit higartil hava havt mestan útflutning, varð somuleiðis útflutt fyri 7,9 milliardir fyrstu 10 mánaðirnar. Laksaútflutningurin er vaksin 26,4% og var 3,5 milliardir krónur fyrstu 10 mánaðirnar. 


Í fjórða hvørjum húski býr eitt fólk - hesi eru 9% av fólkatalinum

Hinvegin eru tað knappliga 6.500 húski ella 36% við børnum. Av hesum eru tað eini 630 húski ella 3,5%, har tað er ein vaksin við børnum. Telja vit hinvegin fólk í ymisku húskjunum, so búgva knappliga 28.800 fólk ella 56% av øllum í húskjum við børnum. Í húskjum við einum vaksnum við børnum (einum ella fleiri) búgva 1.680 fólk ella 3% av fólkinum. Húskini við tveimum vaksnum við børnum telja 14.700 fólk ella 29% av fólkinum, og húskini við trimum ella fleiri vaksnum við børnum telja 12.400 fólk ella 24% av fólkinum. Tey, sum eru 18 ár og eldri, telja sum vaksin. Millum teirra eru fleiri, sum búgva heima hjá foreldrunum. Í húskjum við trimum ella fleiri vaksnum við børnum kunnu tað t.d. vera tvey foreldur, nøkur børn sum eru yngri enn 18 ár og nøkur sum eru eldri enn 18 ár, sum telja sum vaksin. Uppgerðin er fyri 2019. Aftast í hesi grein er ein nágreiniligari lýsing av hugtakinum húski og fólkatali. ## Í 64% av húskjunum eru eingi børn - men húskini við børnum telja 56% av fólkatalinum Myndin omanfyri vísir stóra munin á, tá ið vit telja húski og fólk í ymiskum húskissløgum. Telja vit húski, so eru eingi børn í umleið 64% av teimum. Telja vit fólk, so búgva 56% av fólkinum í húskjum við børnum. Í myndunum niðanfyri greina vit støðuna í 2009 og 2019, og hyggja síðan at hvussu samansetingin var í 2019 eftir aldri og kyni í ymiskum húskisbólkum. ## Aldursbýtið millum støk Í flestu grannalondum okkara er stórur áhugi fyri serliga einum húskisbólki: tað er hvussu ein alsamt veksandi partur av fólkinum býr einsamallur. Men okkara tøl fyri gongdina frá 2009 til 2019 víkir frá gongdini aðrastaðni, tí tey ungu (18-24 ár), ið búgva einsamøll, eru fækkað. Tað skal tó sigast, at teirra partur av fólkatalinum er eisini minkaður eitt vet. Í øllum hinum bólkunum er ein vøkstur og tað fylgir nøkulunda vøkstrinum í fólkatalinum. Størsti vøksturin av fólki, ið búgva einasamøll, eru tey, ið eru 67 ár og eldri. ## Tríggjar ferðir so nógv støk mannfólk í ungum og miðjum árum sum konufólk Munurin í kynsbýtinum teirra millum, ið búgva einsamøll, er ógvisligur í ymisku aldursbólkunum. Millum tey sera fáu yngstu støku er ongin munur, men í aldursbólkinum 25-54 ár er ein ógvislig yvirvág av mannfólki. Tað eru 1.051 mannfólk borið saman við 358 konufólk. Men tað er vent í holini í aldursbólkinum 67 ár og eldri, har tað eru 757 mannfólk og 1.199 konufólk. Samantikið eru mannfólk á yngru og í miðárum tann alstóri meirilutin av teimum, ið búgva einsamøll. Millum tey eldru er stóri meirilutin konufólk.   ## Ein vaksin við børnum Myndin niðanfyri vísir støðuna í 2009 og 2019 í talinum av sonevndum støkum forsyrgjarum, tvs. húski við einum vaksnum og einum ella fleiri børnum. Tað vísir ikki stórvegis aðra broyting, enn gongdin í fólkatalinum hesi árini.   Hinvegin er ógvisligur munur í kynsbýtinum. Av góðum grundum er tó nøkulunda javnbýtt millum tey, sum eru yngri enn 18 ár, sum eru børnini í hesum húskjunum. Sera fá í aldrinum 18-24 ár eru støk við børnum, og tey eru øll konufólk. Hinvegin so at siga øll í aldrinum 25-54 ár. Her er kynsbýti 90% konufólk og 10% mannfólk. ## Tvey ella fleiri vaksin við børnum Í einum triðingi av øllum húskjum búgva tvey ella fleiri vaksin við børnum. Telja vit fólk er hetta stívliga helvtin av øllum fólkinum (53%). Í húskjum við tveimum vaksnum við børnum (myndin vinstrumegin omanfyri) eru tey so at siga øll í aldrinum 25-54 ár (størstiparturin foreldur) og yngri enn 18 ár (tað eru børnini) og . Bara umleið 250 búgva í hesum húskisslagnum í aldursbólkinum 18-24 ár og somuleiðis í eldra aldursbólkinum 55 ár og eldri. Húskini eru nakað færri í tali, tá tað snýr seg um 3 ella fleiri vaksin við børnum. Aldursbýtið í hesum húskjum er eisini nógv øðrvísi enn í húskjum við tveimum vaksnum við børnum. Í hesum húskisslagi eru børnini eisini munandi færri enn talið av vaksnum. Tað eru nógv fleiri í tí unga aldursbólkinum 18-24 ár, sum eru út við 2.000. Tað kann hugsast, at av hesum vaksnu eru heimabúgvandi børn, sum eru farin upp um 18 ár og tí ikki telja sum børn. ## Tvey ella fleiri vaksin við ongum børnum Húskini við tveimum ella fleiri vaksnum við ongum børnum eru nógv í tali - 39% av øllum, og av fólkatalinum búgva 33% í hesum húskisslagnum. Her er aftur stórur munur á aldursbýtinum, antin tað eru tvey vaksin (myndin vinstrumegin niðanfyri) ella tað eru trý ella fleiri vaksin (myndin høgrumegin). Tað er eisini stórur kynsmunur í seinna førinum. Tá ið tað eru tvey vaksin, eru tey stigvíst veksandi í tali frá teim yngstu til tey elstu. Myndin sær heilt øðrvísi út, tá ið tað snýr seg um trý ella fleiri vaksin, bæði í aldurs- og kynsbýti. Tey eru nógv fleiri í tí yngsta aldursbólkinum 18-24 ár. Nógv flest eru í aldursbólkinum 25-54 ár. Síðani eru tey færri og fækkandi í teimum eldru aldursbólkunum. Merkisverdur er her tann stóri kynsmunurin á aldrinum 25-54 ár, har tað eru meir enn 2.200 mannfólk samanborið við stívliga 1.300 konufólk. Tað kann hugsast, at nógv í hesum aldursbólkinum eru heimabúgvandi børn, sum eru farin upp um 18 ára aldur, og tí telja sum vaksin, og er sjónligt, at hesi serliga eru mannfólk. ## Hvussu nógv fólk búgva í miðal í hvørjum húski? Tá vit samanbera talið av húskjum í hvørjum húskisbólki við talið av fólki í somu bólkum fá vit eina miðalstødd, tað vil siga eitt miðaltal av fólki í hvørjum húskisbólki sær. Sumt er sjálvsagt, at tað eru eitt og tvey fólk í húsi í bólkunum ein vaksin uttan børn og tvey vaksin uttan børn.   Annars er merkisvert, at í bólkinum ein vaksin við børnum er miðaltalið 2,7 fólk. Tað vil siga, at hesir støku forsyrgjararnir í miðal hvør hava 1,7 børn ella nærri tveimum børnum hvør. Í bólkinum tvey vaksin við børnum eru 4,2 fólk, tað vil siga gott og væl tvey børn í hvørjum húski. Í bólkinum trý ella fleiri vaksin uttan børn eru 3,4 fólk. Í miðal eru flest fólk í bólkinum trý ella fleiri vaksin við børnum, nevnliga 5,3 fólk. Vert er at viðmerkja, at umleið ein fjórðingur av øllum fólkinum býr í hesum húskisslagnum. 


Fleiri fólk í hvørjum húski í Føroyum enn í Danmark

Samanbera vit húskini í Føroyum og Danmark, so eru í miðal 2,85 fólk í hvørjum húski í Føroyum og 2,1 fólk í Danmark. Um hugt verður at býtinum millum húskisstøddir í Føroyum og í Danmark, eru stórir munir. Húski við einum vaksnum og ongum børnum eru 25% av øllum húskjum í Føroyum, meðan í Danmark eru tey 38%. Húski við einum vaksnum við børnum telja 4% í Føroyum og 6% í Danmark. Ein stórur munur millum londini bæði er at finna í teimum stóru húskjunum. Húski við trimum ella fleiri vaksnum við ongum børnum eru 15% í Føroyum og 6% í Danmark. Eisini er stórur munur í húskjum við trimum ella fleiri vaksnum við børnum, 13% í Føroyum og einans 2% í Danmark. ## Húskini í høvuðsøkjunum Um hugt verður at landafrøðiliga býtinum av húskjum eftir húskisslagi í Føroyum, so líkist mynstrið rættiliga nógv í teim ymisku høvuðsøkjunum, tó við onkrum undantøkum. Ovara helvt av talvuni niðanfyri vísir býtið av húskjum eftir húskisslagi í ymsu økjunum. Í Eysturoy er tað serliga húski við einum vaksnum við ongum børnum, ið er munandi minni enn landsmiðal. Í Suðurstreymoy eru húski við einum vaksnum við børnum størri enn í hinum økjunum - meir enn dupult so stórt sum í Eysturoy og Sandoy. Í Vága øki eru húski við tveimum vaksnum við ongum børnum nakað hægri enn landsmiðal, meðan trý vaksin við ongum børnum er nakað lægri enn landsmiðal. Sandoyar øki víkir mest frá landsmiðal. Her eru húski við einum vaksnum við ongum børnum lutfalsliga fleiri samanborið við hini økini. Hinvegin eru húski við tveimum vaksnum við børnum nógv færri enn í hinum økjunum. Í Suðuroy víkir mynstrið eisini nakað frá landsmiðal. Tað eru serliga húski við einum vaksnum við ongum børnum og tveimum vaksnum við ongum børnum, sum eru nakað fleiri enn í hinum økjunum í landinum. Harumframt eru húski við trimum ella fleiri vaksnum við børnum nógv fæst her. Niðara helvt av talvuni vísir býtið av fólki í teim ymisku húskjunum. Hetta býtið er nakað tað sama sum býtið av húskjum. Eisini sæst aftur her, at serliga í Sandoyarøkinum og í Suðuroy víkir mynstrið munandi frá landsmiðalbýtinum. Millum annað eru munandi fleiri fólk í húskjum við einum ella tveimum vaksnum við ongum børnum. 


Sølan av klæðum og fótbúnaði hækkað 11%

Umsetningurin í virði og umsetningurin umroknaður til mongdir fyri smásølu av trimum vørubólkum er gjørdur upp fyri triðja ársfjórðing. Tølini eru býtt í vørubólkarnar 'matur og alkoholfríar drykkjuvørur', 'klædnavørur og fótbúnaður' og 'húsbúnaður og húsarhaldsútgerð'. Umsetningurin fyri mat og drykkivørur er óbroyttur frá 2. ársfjórðingi til 3. ársfjórðing 2021. Frá 3. ársfjórðingi 2020 til 3. ársfjórðing 2021 er tó ein lækking á 2% í umsetninginum. Prísir á mati og drykkivørum eru í miðal ikki broyttir frá 2. ársfjórðingi til 3. ársfjórðing í fjør. Umsetningurin fyri klæðir og fótbúnað er hækkaður eitt vet við 1% og prísirnir eru hækkaðir 2% frá 2. ársfjórðingi til 3. ársfjórðing 2021. Tó er umsetningurin frá 3. ársfjórðingi 2020 til 3. ársfjórðing 2021 hækkaður 11% fyri klæðir og fótbúnað. Árið undan hesum tíðarskeiði, t.v.s. frá 3. ársfjórðingi 2019 til 3. ársfjórðing 2020, hækkaði umsetingurin fyri hendan vørubólkin 10%. Í somu tíðarskeiðum frá 2014 til 2019 var í miðal ongin vøkstur í hesum vørubólkinum. Fyri vørubólkin húsbúnaður og húsarhaldsútgerð var umsetninguin 3. ársfjórðing í fjør 6% lægri enn 3. ársfjórðing 2020. Príshækkingin hetta tíðarskeiðið hevur verið 2%. 


Gistingarnar í november settu met

Í november í 2021 vóru 10.352 gistingar á føroysku gistingarhúsunum. Tað eru stívliga 1.900 fleiri gistinætur samanborið við sama mánað í 2020. Gistinætur telja, hvussu nógvir og hvussu leingi persónar gista á gistingarhúsum. Føroyingar og danir høvdu næstan javnt nógvar gistinætur á gistingarhúsunum í november - um 4.000 gistinætur. Talið av gistináttum hjá fólkum úr øðrum londum enn Føroyum og Danmark veksur nú aftur. Tað er meira enn tvífaldað í mun til november í 2020. Hóast tað manglar enn eitt sindur í at koma upp á sama stig sum í 2019. Talið av gistnáttum hjá føroyingum minkaði hinvegin ein fjórðing av tí, sum tað var í november í 2020. Tó er talið nakað hægri enn í 2019. ## Innskrivingar Innskrivingarnar vísa talið av ferðafólkum á gistingarhúsunum, sama hvussu leingi tey gista. Innskrivingarnar vóru slakar 4.500 í tali í november 2021, hetta er eitt vet minni enn í 2020. Nú er talið av fólkum úr øðrum londum enn Føroyum og Danmark farið at vaksa aftur, og tað er meira enn trífaldað síðan november í 2020, hóast tað enn manglar eitt vet at koma upp á sama stig sum í 2019. Talið av føroyingum, ið gista á gistinarhusum, er fallið ein góðan fjórðing í mun til november í 2020, men tað er enn nakað hægri enn í 2019. ## Nýtslustig Nýtslustigið vísir, hvussu stórur partur av tøku kømrunum verður brúktur. Góð 35% av kømrunum vórðu brúkt í november, samanborið við 26% í fjør. Í 2019 var nýtslustigið 46%. Í 2020 vaks talið av kømrum munandi, tí tvey størri gistingarhús lótu upp og onnur útbygd, og tí var rúm fyri fleiri vitjandi. Nýtslustigið er tí lægri enn í 2019, hóast gistingarnar vóru fleiri. ## Gistingar og innskrivingar higartil fyri 2021 Verður hugt at mánaðunum í ár samanlagt, sæst at bæði gistingarnar og innskrivingarnar eru nærum tvífaldaðar í mun til í november í 2020. 


816 fólk løgdust afturat síðsta árið 

Myndin niðanfyri vísir gongdina í fólkatalinum frá 1985 og fram til nú. Fólkatalið verður ávirkað av nettoflyting (munurin millum tilflyting og fráflyting) og burðaravlopi (munurin millum fødd og deyð). Vøksturin seinasta árið kemur av einum burðaravlopi á 287 fólk og eini nettoflyting á 529 fólk. Í mun til undanfarna tíðarskeið er burðaravlopið lægri og nettoflytingin hægri, meðan samlaði vøksturin í tali er tann sami. Grovaru strikurnar í myndini niðanfyri vísa gongdina í tilflytingini og fráflytingini. Kámu strikurnar vísa upptaldu til- og fráflytingina mánað fyri mánað. Grovaru strikurnar í myndini niðanfyri vísa gongdina í føðitalinum og í deyðatalinum. Talvan niðanfyri vísir fólkatalið í hvørjari kommunu 1. desember 2020 og 2021. Størsti vøkstur hetta tíðarskeiðið var í Tórshavnar og Klaksvíkar kommunum. Sum nakað nýtt var triðstørsti vøkstur í Nes kommunu, har fólkatalið vaks við 66 fólkum ella 4,8%. Sostatt løgdust fleiri fólk afturat í Nes kommunu enn í Runavíkar kommunu hetta tíðarskeiðið, hóast fólkatalið í Nes kommunu bert telur ein triðing av fólkatalinum í Runavíkar kommunu. Størsta afturgongd í fólkatalinum var í Kvívíkar, Sands og Skálavíkar kommunum. Minkingin kemur serliga av innanlands flytingum úr kommununum. 


Metnógvir løntakarar í desember

Tað eru 330 fleiri løntakarar samanborið við desember í 2020, ið svarar til ein vøkstur upp á 1,2%. Hóast ein vøkstur í mun til desember í 2020 vísir trendurin, sum lýsir rákið í løntakaratalinum, at lítil og eingin vøkstur hevur verið seinastu mánaðirnar. Fallið, sum sæst í grafinum, er í aprílmánaði í 2020, tá landið var farið niður í ferð. Grafurin omanfyri er livandi. Nú er møguligt at flætta (en. embed) livandi grafar sum hendan í tykkara heimasíðu, eitt nú í tíðindagreinar. Tað gevur brúkarunum á tykkara heimasíðu somu livandi grafar, sum á hagstova.fo. Við livandi grafum er tað møguligt at halda músina yvir eina linju á grafinum, og soleiðis síggja t.d. løntakaratalið ein ávísan mánað. Eisini er møguligt at hála í tíðarlinjuna og leingja vísta tíðarskeiðið á grafinum, t.d. aftur til 1985 í løntakaratølunum. Soleiðis flætta tit grafin í tykkara síðu: Trýstið á burgaramenuina (knøtturin við trimum strikum) ovast í høgra horni. Veljið síðani "Flætta graf í síðu". Trýstið á knøttin "Avrita kotu" og setið inn kotustubban á heimasíðu tykkara. ## Menn og kvinnur Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali og sterku strikurnar vísa gongdina ella trendin. Í desember vóru 14.475 menn og 13.581 kvinnur í løntakaraskaranum. Tað er um 100 fleiri menn og fleiri enn 200 kvinnur enn sama mánað árið fyri. ## Vinnugreinabólkar Tær báðar myndirnar niðanfyri vísa løntakaratalið og gongdina í teimum fýra høvuðsvinnugreinunum mánaðarliga. Trendurin vísir ein javnan vøkstur í 'privatu tænastuvinnunum'. Løntakarararnir í 'privatu tænastuvinnunum' eru nú fleiri, enn teir vóru áðrenn koronufarsóttin rakti. Hinvegin er vøksturin í 'almennari o.a. tænastu' minni enn hann hevur verið. Í byggivinnuni minkar løntakaratalið. 


10,6 milliardir útgoldnar í lønum í 2021 - vøksturin er 3,6% 

Útgoldnu lønirnar eru lýstar árliga á myndini niðanfyri, sum vísir, at vøksturin í lønargjaldingunum í fjør er nakað størri enn í 2020. Vøksturin í 2021 var 3,6% í mun til árið fyri. Í 2020 var vøksturin 2,1% samanborið við 2019. Myndin niðanfyri vísir lønargjaldingarnar fyri bæði kyn. Í 2021 var parturin hjá monnunum 61,3% av lønarútgjaldingunum, meðan parturin hjá kvinnunum var 38,7%. Í 2020 áttu menninir 62,5% og kvinnurnar 37,5% av lønargjaldingunum. Myndin niðanfyri vísir lønargjaldingarnar í teimum fýra vinnugreinabólkunum. Almennar o.a. tænastur áttu 34,4% av samlaðu lønargjaldinunum í mun til 32,5% árið fyri. Parturin hjá privatu tænastuvinnunum av lønargjaldingunum vaks úr 29,3% í 2020 upp í 31,4% 2021. Parturin hjá byggivinnu o.a. tilvirking minkaði hinvegin í 2021 úr 16,2 niður í 15,%. Í fiskivinnu o.a. tilfeingisvinnu var parturin 18,6%, sum er nærum tað sama sum árið fyri. Lønargjaldingarnar vuksu mest í privatu tænastuvinnunum og almennari o.a. tænastu. Vøksturin í privatu tænastuvinnunum var 7,4%. Í almennari o.a. tænastu var vøksturin 5,8%. Hinvegin minkaðu lønargjaldingarnar í byggivinnu o.a. tilvirking 3,9% í mun til 2020. Í fiskivinnu o.a. tilfeingisvinnu var vøksturin 0,5%. 


Útflutningurin  fyrstu 11 mánaðirnar

Samlaði útflutningurin var 8,9 milliardir krónur fyrstu 11 mánaðirnar í 2021. Somu mánaðir í 2020 var útflutningurin 7,8 milliardir krónur. Í 2019, sum er tað árið vit higartil hava havt mestan útflutning, varð útflutt fyri 8,7 milliardir fyrstu 11 mánaðirnar. Laksaútflutningurin er vaksin 31,3% og var 4 milliardir krónur fyrstu 11 mánaðirnar í 2021. 


Innflutningurin fyrstu 11 mánaðirnar

Innflutningurin til og við november 2021 er nú gjørdur upp, og innflutt varð fyri 8,4 milliardir krónur. Hetta er ein vøkstur á 12,3% í mun til sama tíðarskeið í 2020. Um skip og flogfør ikki verða tikin við, er vøksturin 14%. Oljuprísurin er hækkaður nógv seinastu tíðina, og hetta sæst eisini aftur í innflutninginum. Hóast umleið sama nøgd er innflutt, so hava vit brúkt 43% meiri upp á brennievni higartil í 2021 samanborið við 2020. Somuleiðis er stórur vøkstur í bólkinum 'rávøra til fiskavirking' har vøksturin er 49,2%. 


Brúkaraprísirnir øktir 3,4 prosent seinasta árið

Prísvøkstur á brennievni til upphiting av býlum og til flutning er høvuðsorsøkin til samlaðu broytingina í prístalinum hesaferð, eins og við seinastu uppgerðini undan hesari. Tá var árliga broytingin í brúkaraprístalinum 3,1 prosent. Brúkaraprístalið er yvirskipað sett saman av 12 vøru- og tænastubólkum. Tað er ymiskt, hvussu stóra ávirkan vørurnar og tænasturnar hava á brúkaraprístalið. Býtið av nýtsluni hjá brúkaranum er avgerandi fyri, hvussu nógv vørurnar og tænasturnar ávirka prístalið. Fjórða ársfjórðing í 2020 var samlaða prístalið 121,6 og í seinastu uppgerðini fyri fjórða ársfjórðing í fjør var samlaða brúkaraprístalið 125,8. Hetta merkir, at prístalið er økt 3,4 prosent eftir einum ári. Triðja ársfjórðing var samlaða prístalið 124,9. Vøksturin frá triðja ársfjórðingi til fjórða ársfjórðing er 0,7 prosent. Prísirnir eru øktir í tíggju av teimum tilsamans tólv yvirskipaðu vøru- og tænastubólkunum eftir einum ári. Tað eru serliga prísir á vørum og tænastum innan býli, flutning og hotel/matveiting, sum eru øktir mest við ávikavist 11,9, 4,9 og 4,1 prosentum. Prísir á klæðum og fótbúnaði eru í miðal eitt vet lægri í fjórða ársfjórðingi í fjør í mun til árið fyri og prísir á útbúgving eru lækkaðir 1 prosent eftir einum ári. Brenniolja til upphiting av býlum og brennievni til akfør eru lutfalsliga stórur partur av samlaðu nýtsluni hjá einum miðal føroyskum húsarhaldi og hava tí eisini lutfalsliga stóra ávirkan á brúkaraprístalið. Hjá okkum eins og aðrastaðni er høvuðsorsøkin til prísvøksturin seinasta árið tann lutfalsligi stóri vøksturin í prísi á brennievni til upphiting av býlum og til flutning. Eftir at prísir á hesum vørum minkaðu lutfalsliga nógv fyrsta árið við korunu, eru hesir prísir øktir áhaldandi seinasta árið. Prísurin á brenniolju til føroysk húsarhald er seinasta árið øktur heili 41%. Uppgerðin av somu vøru fyri 27 ES-lond vísir miðal árligan vøkstur á 57%. Árligi prísvøksturin á brenni- og smyrjievni til akfør er nærum eins stórur og á 30%, ið er áleið sami miðalvøkstur sum í ES-londunum. Tá korona rakti fyri skjótt tveimum árum síðan, sást minni vøkstur í brúkaraprísum, men meginpartin av 2021 vuksu brúkaraprísirnir aftur í flestum londum. Uppgerðirnar av brúkaraprístalinum í Føroyum eins og aðrastaðni í Evropa vísa nú ein lutfalsligan stóran vøkstur, og vit skulu leita aftur til tíðina beint undan fíggjarkreppuna fyri umleið 14 árum síðan fyri at síggja líknandi stóran árligan vøkstur í brúkaraprístalinum. Í mun til onnur lond, ið vit vanliga samanbera okkum við, so er seinasta uppgjørda árliga broytingin í brúkaraprístalinum á 3,4% áleið á sama støði sum onnur norðurlond. Í Finnlandi, Svøríki, Danmark og Íslandi liggur árliga broytingin í brúkaraprístalinum millum 3,5 og 3,9%, meðan árliga broytingin í Noreg er nakað hægri á 5,8%. 


2021 gjørdist eitt gott ár hjá gistingarhúsunum

Koronufarsóttin ávirkaði gistingarnar nógv í 2020. Gistingarnar á føroysku gistingarhúsunum høvdu ongantíð verið so fáar í tali, síðan Hagstova Føroya fór undir skráseta gistingar í 2013. Nú 2021 er farið afturum, kann staðfestast at stór vend kom í, tí árið gjørdist metár. Øll gistingarmát, tvs. persónsgistinætur, kamarsnætur og innskrivingar, settu met. Gistinætur telja, hvussu nógvir og hvussu leingi persónar gista. ## Misjavnt í og uttanfyri Tórshavnarøki Knappliga 158.000 gistingar vóru á gistingarhúsunum í Tórshavnarøkinum í 2021. Tað er nærum ein tvífalding samanborið við 2020. Bjarta gongdin sæst tó ikki aftur á gistingarhúsunum uttan fyri Tórshavnarøkið. Uttan fyri Tórshavnarøkið vóru knappliga 17.000 gistinætur. Tað er eitt vet hægri enn í 2020, men langt frá stignum undan koronufarsóttini. ## Ferðafólk úr øðrum londum enn Føroyum og Danmark vaks lutfalsliga nógv Talið av ferðafólkum úr øðrum londum enn Føroyum og Danmark, sum gistu á gistingarhúsunum, meira enn tvífaldaðist í fjør í mun til í 2020. Gistingarnar hjá hesum ferðafólkum eru tó framvegis nærum helvtina færri í tali samanborið við í 2019. Næturnar hjá ferðafólki úr øðrum londum enn Føroyum og Danmark vóru í fjør góðar 46.500 í tali samanborið við knapt 85.500 í 2019. Danir gistu eisini meira á føroysku gistingarhúsunum í fjør. Gistinæturnar hjá dønum vóru góðar 70.000 í fjør og tað er met. Tað svarar til ein vøkstur á knøpp 80% í mun til árið fyri. Føroyingar vitjaðu gistingarhúsini eisini meira í fjør enn nakrantíð. Næturnar vóru góðar 57.500 í tali. Tað svarar til ein vøkstur á góð 80% samanborið við 2020. ## Gista serliga í samband við frítíðarferðir Um hugt verður at býtinum av innskrivingum millum frítíðarferðir og starvsferðir, sæst at tað eru serliga fólk, sum eru á frítíðarferð, sum vitja gistingarhúsini. Í fjør vóru innskrivingarnar í sambandi við frítíðarferðir fleiri enn 50.000 í tali. Hetta er eisini met. Hetta er meira enn ein tvífalding í mun til 2020 og næstan 5.000 fleiri enn í 2017, tá tað var hægst. Talið av starvsferðum vaks eitt sindur aftur í 2021. Men enn resta gott 8.000 í at koma á stigið í 2019, tá tað var hægst við gott 30.100. 


Føroyska arbeiðsfjøldin, bæði menn og kvinnur,  er tann virknasta í Evropa 

Vinnutíttleikin, ið er arbeiðsfjøldin í % av fólkatalinum, er 83,6%, roknaður fyri bæði kyn. Hjá monnum er vinnutíttleikin 85% og hjá kvinnum eitt vet minni 82%. Samanborið við onnur lond er vinnutíttleikin í Føroyum nógv tann størsti í Evropa. Síðstu 5 árini er arbeiðsfjøldin vaksin við stívliga 2.000 fólkum. Vøksturin er nakað ójavnt býttur millum kynini við umleið 1.200 mannfólkum og 800 konufólkum. Hetta er eitt av høvuðsúrslitunum av arbeiðsfjøldarteljingini, sum Hagstovan gjørdi í november í fjør. Nógv fleiri og útgreinað úrslit eru at finna í hagtalsgrunninum. Niðast í hesi grein er stutt frágreiðing um arbeiðsfjøldarteljingina. Í arbeiðsfjøldini eru øll vinnuliga virkin, so sum løntakarar, sjálvstøðugt vinnurekandi og arbeiðsgevarar, arbeiðsleys, ið eru tøk at átaka sær arbeiði, og fólk, sum ólønt hjálpa til í familjufyritøku. Uttan fyri vinnu eru m.a. ungfólk, ið eru undir útbúgving burturav, fólk sum av sjúku, skerdum førleika ella øðrum ikki eru á arbeiðsmarknaðinum, ella fólk, ið eru farin av arbeiðsmarknaðinum, m.a. av aldri ella øðrum. ## Onga aðrastaðni er so lítil munur á vinnutíttleikanum hjá monnum og kvinnum Vit hava sæð tað eisini í undanfarnu kanningum, at í mun til fólkatalið er føroyska arbeiðsfjøldin tann størsta í Evropa. Árini frammanundan hevur verið tætt millum Føroyar og Ísland, men nú er munurin øktur munandi hjá monnum, men serliga hjá kvinnum, har vinnutíttleikin hjá føroyskum kvinnum nú er 82% og 75% hjá íslendskum kvinnum. Á myndini niðanfyri eru Føroyar samanbornar við 35 onnur lond í Evropa, sambært hagtalsgrunninum hjá Eurostat.   1. Hjá mannfólki: Tá vit samanbera úrslitini fyri mannfólk eru Føroyar fremst við einum vinnutíttleika á 85% og síðani Ísland við 83%. So er eitt glopp niður til Sveits við 80% og Svøríki við 76. Miðaltalið fyri tey 27 ES-limalondini er 69%. Av ES-limalondum hevur Kroatia lægsta vinnutíttleika hjá mannfólki á 63%. Belgia og Frakland hava nærum eins lágan vinnutíttleika.   2. Hjá konufólki er vinnutíttleikin nógv størstur í Føroyum við 82%, síðani er eitt lop niður til Ísland við 75%. Í Danmark er vinnutíttleikin 66%, og ES-miðaltalið er 58. Lægsti vinnutíttleikin hjá kvinnum er í Turkalandi við 33% og Italia við 48%.   Samanumtikið sæst, at í øllum øðrum londum enn í Føroyum er vinnutíttleikin hjá kvinnum munandi lægri enn hjá monnum. Í Føroyum eru bara 3%-stig á muni, 8%-stig í Íslandi, í Danmark 7%-stig og í miðal fyri tey 28 ES-londini er munurin 9%-stig. Nógv størsti kynsmunurin er í Turkalandi við vinnutíttleika á 71% hjá monnum og 33% hjá kvinnum. ##   


Føroyingar byrja fyrr og gevast seinni at arbeiða

Vinnutíttleikin telur partin av fólkinum millum 15 og 74 ár, sum arbeiðir ella kann veita arbeiðsmegi. Vinnutíttleikin er serstakliga stórur í Føroyum samanborið við onnur lond. Vinnutíttleikin í Føroyum er 83,6% og er hægstur í Evropa. Um hugt verður nærri at vinnutíttleikanum í Føroyum, sæst at longu um 15-19 ára aldur er vinnutíttleikin bæði hjá mannfólki og konufólki um 70%. Í Íslandi er vinnutíttleikin hjá hesum aldursbólkinum 60%, meðan í Danmark er hann knappliga 50% og um 20% í ES sum heild. Nærum eins stórur er munurin millum tey eldru. Fyri tey 65-69 ára gomlu eru Føroyar í serstøðu við einum vinnutíttleika á stívliga 70% hjá mannfólki og eini 60% hjá konufólki. Sama er við teim elstu, ið eru 70-74 ára gomul, har vinnutíttleikin hjá báðum kynum í Føroyum er um 30%, samanborið við 5-15% aðrastaðni. ## Føroysku kvinnurnar skilja seg burturúr Vinnutíttleikin hjá føroysku monnunum er á næstan sama stigi sum í øðrum londum frá 25 ára aldri til langt upp í 50-ini. Munurin gerst tó serliga sjónskur í teimum heilt ungu og teim eldru aldursbólkunum. Føroysku konufólkini skilja seg burturúr. Frá ungum árum og fram til eldru árini eru tær oman fyri hini londini í vinnutíttleika. Tað er einans í aldrinum 25-29 ár, at íslendsku konufólkini eru lutfalsliga eitt sindur fleiri. ## Stórir munir í vinnutíttleika millum økini í Føroyum Í tali er arbeiðsfjøldin av góðum grundum størst í Suðurstreymi, har mesta fólkið býr. Men í mun til fólkatalið er myndin munandi meira fjølbroytt. Størsti vinnutíttleikin er í Norðstreymoyar og Suðurstreymoyar økjunum við 85%. Eitt vet aftanfyri er Eysturoy við gott 84%. Aftur eitt vet aftanfyri eru Norðoyggjar og Vágar við knappliga 83%. Men so er eitt glopp til sunnaru økini. Umleið 79% í Suðuroy og 76% í Sandoyarøkinum. Minsti munurin millum kynini er í Suðurstreymi við tveimum prosentstigum, samanborið við umleið fýra prosentstig í hinum økjunum í landinum. Hetta er sjónligt á myndini niðanfyri, har bæði teir reyðu og bláu stabbarnir fyri mannfólk og konufólk eru størstir í Streymoyarøkjunum, og serliga minka suðureftir. 


Konjunkturbarometrið aftur á sama stigi sum undan koronu

Hagstova Føroya hevur júst gjørt tær fimm spurnakanningarnar, ið hava verið gjørdar tvær ferð hvørt ár síðan 2006, sum eru grundarlagið at gera upp konjunkturbarometrið. Hesar fimm kanningarnar geva ábendingar um støðu og væntanir til spurningar um m.a. fíggjarlig viðurskifti hjá húsarhaldum og fýra vinnubólkum umframt metingar um búskaparlig viðurskifti næsta árið. Samanumtikið geva hesar fimm kanningarnar eitt samanvigað treystital, ið eisini verður nevnt konjunkturbarometrið. images/220204%20M1%20Konjunkturbarometri%C3%B0%2C%20jan-22.png) Í tíðini áðrenn koronufarsóttin rakti fyri tveimum árum síðan, lá treystitalið í støðugari legu, men fall síðan frá 32 til -16 í kanningini á sumri í 2020, ið er størsta fall í barometrinum síðan 2006, tá ið fyrstu kanningarnar av hesum slag vórðu gjørdar. Síðan er treystitalið aftur hækkað fyri hvørja kanning og er nú á 29, ið er nøkulunda á sama stigi sum áðrenn koronufarsóttin rakti. images/220204%20T1%20Konjunkturbarometri%C3%B0%2C%20jan-22.png) Treystitalið er eitt roknað tal við støði í vektaðum ávísum frá ymsu spurnakanningunum. Til kanningarnar hesaferð hækka ávísarnir mest í privatum tænastuvinnum og byggivinnuni, meðan ávísarnir í vinnubólkunum 'Tilfeingisvinnan og annar ídnaður' og 'Handilvinnan/smásøla' ikki hækka líka nógv. Ávísin hjá húsarhaldum er hesaferð 5 í mun til 10 á sumri í fjør. ## **Tænastuvinnan** Í vinnubólkinum "Tænastuvinnan" eru m.a. matstovur, gistingarhús og flutningsfyritøkur umboðaðar. Koronufarsóttin hevur eyðsæð rakt henda vinnubólkin meint. images/220204%20M3%20Konjunkturbarometri%C3%B0%2C%20jan-22.png) Tá ið koronufarsóttin rakti fyri tveimum árum síðan lækkaði ávísin heili 66 stig, ið er størsta lækking síðan 2006 frá einari kanning til næstu. Eftir stóru lækkingina fyrra hálvár í 2020 hækkaði ávísin nakað næstu tvær kanningarnar og er til hesa seinastu kanningina 57 í mun til 9 á sumri í fjør. Kanningin hesaferð vísir m.a., at fyritøkur í hesum vinnubólki í miðal lata væl betur at gongdini undanfarna árið í mun til tær tríggjar kanningarnar undan hesari. Til spurningin um væntanir til starvsfólkatørv komandi árið, meta alsamt fleiri av fyritøkunum hesaferð, at starvsfólkatørvurin verður størri. Sí meira undir temasíðuni. ## **Tilfeingisvinnan og annar ídnaður** Í vinnubólkinum "Tilfeingisvinnur og annar ídnaður" eru fyritøkur, ið framleiða fiskavørur til útlendskar marknaðir, væl umboðaðar. images/220204%20M2%20Konjunkturbarometri%C3%B0%2C%20jan-22.png) Koronutiltøk raktu útlendskar marknaðir av fiskavørum meint, sum førdi við sær at lutfalsliga minkaði útflutningurin av fiskavørum nógv og goymslurnar av lidnum fiskavørum vuksu. Eins og fyri privatar tænastuvinnur lækkaði ávísin tað mesta síðan 2006, men er síðan hækkaður og komin á nøkulunda sama stig sum undan koronu og liggur omanfyri langtíðarmiðal. Ein lítil meiriluti av fyritøkunum metir til hesa kanningina, eins og til kanningina á sumri í fjør, at bíleggingar úr útlandinum í løtuni eru fleiri enn vanliga. Harumframt metir ein enn størri meiriluti til hesa kanningina í mun til kanningina undan hesari, at goymslan av lidnum vørum er ov lítil. Fyri komandi árið svarar ein rímiliga stórur meiriluti av fyritøkunum, at bíleggingarnar eru størri enn vanliga. Til spurningin um, hvussu nógv tryggjað arbeiði er í tal av mánaðum er talan um seks mánaðir, ið er tætt við langtíðarmiðal hjá hesum vinnubólkinum. Sí meira undir temasíðuni. ## **Byggivinnan** Árini frá 2014 til 2017 var ávísin fyri byggivinnuna støðugur og lutfalsliga høgur, men lækkaði síðan frá 2018 til á sumri í 2020. images/220204%20M4%20Konjunkturbarometri%C3%B0%2C%20jan-22.png) Í mun til tilfeingisvinnur, annan ídnað og tænastuvinnur, sæst minkingin henda nakað fyrr og áðrenn koronufarstóttin gjørdi um seg. Í trimum teimum seinastu kanningunum er ávísin tó aftur hækkandi. Ein alsamt størri partur av byggifyritøkunum roknar við, at starvsfólkatørvurin komandi árið verður vaksandi. Byggifyritøkur hava í miðal svarað, at tær hava tryggjað arbeiði næstu 13 mánaðirnar, ið eru tveir mánaðir fleiri enn í tveimum teimum seinastu kanningunum undan hesari. Sí meira undir temasíðuni. ## **Handilsvinna/smásøla** Um hugt verður yvir longri tíð, so sæst ávísin fyri handilsvinnuna lækka so líðandi frá 2016, og hevur seinastu fýra kanningarnar ligið eitt vet undir miðal fyri árini síðan 2006. images/220204%20M5%20Konjunkturbarometri%C3%B0%2C%20jan-22.png) Í tíðini við koronu er hesin ávísin tó ikki lækkaður eins nógv og ávísarnir fyri hinar tríggjar vinnubólkarnar. Til spurningin um vørugoymslan er nøktandi hava flestu fyritøkur síðan 2006 mett støddina á vørugoymslu verið nøktandi ella ov stóra og í minni mun ov lítla. Til hesa kanningina svara 16% av spurdu handilsfyritøkunum, at vørugoymslan í løtuni er ov lítil, ið er tað mesta síðan 2006. Til spurningin um, hvørjar væntanir eru um sølu komandi árið, gevur svarbýtið nettotalið 19, ið er beint undir miðal fyri øll árini síðan 2006. Til spurningin um starvsfólkatørvin komandi árið, metir eingin handilsfyritøka, at tørvurin minkar - nettotalið er 32, ið er nærum óbroytt í mun til kanningina á sumri í fjør og nakað omanfyri langtíðarmiðal. Sí meira undir temasíðuni. ## **Húsarhaldini** Ávísin fyri húsarhaldini var í fjør summar 10 og í hesi kanningini 5, t.v.s. ein minking á 5 stig, men framvegis omanfyri langtíðarmiðal eins og í báðum kanningunum undan hesari. images/220204%20M6%20Konjunkturbarometri%C3%B0%2C%20jan-22_0.png) Tá ið húsarhaldini skoða aftureftir og meta um fíggjarligu støðuna seinasta árið, so hevur gongdin í nettotalinum til henda spurningin víst eina líðandi minking síðan á sumri í 2019. Til spurningin um fíggjarligu útlitini hjá húsarhaldinum, er nettotalið nærum óbroytt og tætt við langtíðarmiðal. Í mun til spurningin um útlitini fyri búskapin sum heild komandi árið, verður í miðal mett, at búskaparstøðan um eitt ár er óbroytt í mun til støðuna í dag. Á sumri í fjør var nettotalið til henda spurningin 8 og harvið nakað jaligari í mun til kanningina hesaferð. Í seinastu seks kanningunum hevur ein alsamt størri partur av húsarhaldunum svarað, at tey hava ætlanir um at fremja ábøtur á bústaðin komandi árið. Nettotalið til henda spurningin er nú 19, ið er tað mesta síðan 2006. Sí meira undir temasíðuni. 


Búskaparfrøðingur til Hagstovuna

Vit leggja okkum áhaldandi eftir at víðka um verandi hagtalsframleiðslur og menna nýggjar. Vit leita tí eftir nærløgdum starvsfelaga at framleiða og menna hagtøl innan búskaparhagtalsøkið. Búskaparhagtalsøkið fevnir millum annað um tjóðarroknskap, vinnubúskaparhagtøl og hagtøl um prísir. ## Um teg Tú hevur hægri útbúgving innan búskaparfrøði ella samfelagsfrøði, har tú kanst vísa á, at tú í útbúgvingini hevur lagt dent á hagfrøði. Tað er ein fyrimunur, hevur tú royndir við hagtalsframleiðslu og kennir til at viðgera hagtøl. Hevur tú royndir við amboðum, so sum Power BI og kunnleika til R, SQL og dátugrunnar, er hetta eisini ein fyrimunur. Hagtølini á Hagstovuni byggja á altjóða ásetingar, so tølini eru sambærlig við onnur lond. Starvið krevur, at tú ert før/ur fyri at seta teg inn í neyðugar allýsingar, hugtøk, flokkingar og hagfrøðilig háttaløg. Hagtøl um búskaparlig viðurskifti fevna vítt og týdningurin av búskaparhagtølum er stórur hjá breiðum skara av brúkarum. Tað er neyðugt, at tú dugir væl at samskifta, bæði skrivliga og munnliga. Ein partur av arbeiðinum er eisini at samskifta og gera samrøður við fjølmiðlar. Tú ert tí sinnað/ur at menna tínar samskiftis- og miðlaførleikar. Tað hevur týdning, at tú ert pragmatiskur liðspælari og trívist væl at arbeiða í einum tvørfakligum umhvørvi. Vit vænta, at tú dugir at fara niður í smálutir, men samstundis hevur yvirskipaðu heildina í huga. Tú ert fyrikomandi, forvitin, spyrt tá ið tú ikki veitst, dámar væl fakligar avbjóðingar og ert opin fyri áhaldandi at førleikamenna teg. ## Setanar- og lønartreytir Starvið verður sett eftir sáttmála millum Fíggjarmálaráðið og avvarðandi yrkisfelag. ## Umsókn Send umsókn við prógvum, lívsrensli og øðrum viðkomandi skjølum til starv@hagstova.fo og skriva "Búskaparfrøðingur" sum evni. Fleiri upplýsingar fáast við at venda sær til Kára Holm Johannesen, deildarleiðara á Hagdeildini, á 352809 ella á khj@hagstova.fo. Fleiri umsøkjarar kunnu setast. Umsóknarfreistin er mánadagin 21. februar 2021 á midnátt. ## Stutt um Hagstovuna _Hagstovan tekur pulsin á føroyska samfelagnum og hevur hagfrøðiligu vitanina um fólk, samfelag, vinnu, búskap og umhvørvi í Føroyum. Hagtøl geva innlit og vitan at taka avgerðir, granska og kjakast, og eru týðandi lutur í einum framkomnum fólkaræði._ _Persónlig og faklig menning eru fyritreyt fyri ein vælvirkandi stovn, og tí leggja vit stóran dent á at menna førleikarnar hjá leiðarum og starvsfólkunum. Vit stimbra eina mentan, har dentur verður lagdur á dygd, samstarv og álit._ _Á Hagstovuni eru í løtuni 17 fólk í starvi._ 


KT-mennari til Hagstovuna

C#, Python, R og SQL Server er kjarnan í okkara KT-skipanum. Harumframt brúka vit React.js til at menna okkara brúkaraflatur við. Felags fyri okkara KT- skipanir er innheintan av dátum, dátuviðgerð, samanseting í talvur og útrokningar til hagtalsútgávu. Tín leiklutur verður millum annað at forrita transformatión av rádátum til struktureraðar hagfrøðiligar dátur. Harumframt verður ein av uppgávunum at forrita góðskumetingarskipanir av dátum. Vit brúka altjóða leist at menna okkara hagstalsskipanir eftir, har starvsfólkini á Hagdeildini hava hagfrøðiligu ábyrgdina og eru oftast product owners. Samstundis brúka vit ein agilan arbeiðsleist í mun til uppgávustýring. ## **Um teg  ** Vit ímynda okkum, at tú hevur útbúgving innan KT, t.d. verkfrøði, cand.merc.it ella datalogi. Nýútbúgvin eru eisini vælkomin at søkja. Tað er ein fyrimunur, um tú hevur royndir við at forrita í C#, Python, R, SQL ella líknandi forritanarmálum. Tað er somuleiðis ynskiligt, at tú kennir til git versiónstýring. Tað hevur týdning, at tú ert ein pragmatiskur liðspælari og trívist væl at arbeiða í einum tvørfakligum umhvørvi. Vit vænta, at tú dugir at fara niður í smálutir, men samstundis hevur yvirskipaðu heildina í huga. Tú ert fyrikomandi, forvitin, spyrt tá tú ikki veitst, dámar væl fakligar avbjóðingar og ert opin fyri áhaldandi førleikamenning. ## **Vit bjóða  ** Vit leggja dent á góðar arbeiðsumstøður, soleiðis at tú fært hugsavnað teg um at menna - uttan óneyðugt órógv. Nýumvældu og opnu hølini hjá Hagstovuni við tvímans-skrivstovum eru sniðgivin til endamálið. Vit hava felags matstovu saman við hinum fakstovnunum í bygninginum. Vit bjóða eitt starv, har tú fært møguleika at menna KT-skipanir, sum taka pulsin á føroyska samfelagnum. Tú fært góðar møguleikar fyri fakligari og persónligari menning. Tú verður partur av einum royndum og dugnaligum toymi á KT-deildini, sum hevur ábyrgdina at menna KT-skipanir til hagtalsframleiðslur. Starvið gevur harumframt eitt altjóða útsýni við tætta samstarvinum, sum vit hava við hagstovurnar í londum kring okkum. Lønin er sambært galdandi sáttmála millum Fíggjarmálaráðið og avvarðandi yrkisfelag. Hevur tú spurningar um starvið, løn ella onnur viðurskifti, kanst tú venda tær til Egil Hofgaard, leiðara á KT-deildini, á 352807 ella egil@hagstova.fo. Umsóknin skal vera Hagstovuni í hendi í seinasta lagi mánadagin 21. februar 2021. Umsóknin skal sendast til starv@hagstova.fo. Fleiri umsøkjarar kunnu setast. ## **Stutt um Hagstovuna** _Hagstovan tekur pulsin á føroyska samfelagnum og hevur hagfrøðiligu vitanina um fólk, samfelag, vinnu, búskap og umhvørvi í Føroyum. Hagtøl geva innlit og vitan at taka avgerðir, granska og kjakast, og er ein týðandi grundarsteinur í einum framkomnum fólkaræði._ _Persónlig og faklig menning eru fyritreyt fyri ein vælvirkandi stovn, og tí leggja vit stóran dent á at menna førleikarnar hjá starvsfólkunum og leiðarunum. Vit stimbra eina mentan, har dentur verður lagdur á dygd, samstarv og álit._ _Á Hagstovuni starvast 17 fólk, fimm teirra starvast á KT-deildini._ 


1. januar búðu 53.664 fólk í Føroyum

Gongdin í fólkatalinum í 2021 líkist nógv gongdini í 2020. Hesi bæði árini er fólkatalið vaksið við millum 1,4% og 1,6% fyri hvørt 12-mánaðar-skeið. Tað er eitt sindur lægri enn í 2018 og 2019, tá ið vøksturin fyri hvørt 12-mánaðarskeið lá millum 1,6% og 1,8%. Í 2020 og 2021 løgdust í miðal 65 fólk aftur at um mánaðin. Fólkatalið verður ávirkað av nettoflyting (munurin millum tilflyting og fráflyting) og burðaravlopi (munurin millum fødd og deyð). Vøksturin seinasta árið kemur av einum burðaravlopi á 249 fólk og eini nettoflyting á 516 fólk. Sí fleiri tøl í talvuni. ## Nettoflytingin økti fólkatalið við á leið 44 fólkum mánaðarliga í 2021 Trendurin í myndini niðanfyri vísir, at bæði tilflytingin og fráflytingin minkaðu nakað í 2020. Av tí at tilflytingin minkaði nakað meiri enn fráflytingin, minkaði íkastið frá nettoflytingini úr 47 fólkum um mánaðin í 2019 til 40 um mánaðin í 2020. Víðari vísir trendurin, at gongd aftur kom á flytingarnar í 2021, og hóast tilflytingin ikki er á sama stigi sum frammanundan, er íkastið til fólkavøksturin frá nettoflytingini seinastu tíðina komið upp á umleið 44 fólk mánaðarliga. ## Burðaravlopið økti fólkatalið við gott 20 fólkum mánaðarliga í 2021 Talið av deyðum hevur ligið í fastari legu hesi seinastu árini og telur um gott 30 mánaðarliga. Trendurin vísir, at gongdin í tal av deyðum minkaði nakað í 2020, men kom í 2021 aftur í somu legu sum árini frammanundan. Talið av føddum børnum var javnt vaksandi í árunum fram til 2020, tá gongdin broyttist meira enn vanligt. Um ársskiftið 2019/2020 minkaði talið av føddum úr 60 niður í 50 mánaðarliga, og fram móti heysti í 2020 øktist gongdin síðani aftur, heilt upp móti 65 børnum um mánaðin. Ein orsøk var, at heili 79 børn vórðu fødd í oktober í 2020. Høga føðitalið helt tó ikki fram, men minkaði aftur til sama stigi sum árini frammanundan, og í 2021 løgdust aftur millum 55 og 60 børn afturat mánaðarliga. Ískoytið til fólkavøksturin frá burðaravlopinum í 2021 var soleiðis gott 20 børn mánaðarliga. ## Størstu kommunurnar vaksa mest í tali Størstu kommunurnar vaksa mest í tali.  Av bygdunum í kommunum er størsti vøkstur í tali í Tórshavn, Hoyvík, á Argjum og á Toftum. Í 10 av 29 kommunum minkaði fólkatalið. Størsta minking var í Kvívíkar kommunu, og av bygdunum í kommununi minkaði fólkatalið mest í Kvívík. Sí fleiri tøl í talvuni niðanfyri, sum vísir fólkatalið í hvørjari kommunu við tilhoyrandi bygdum 1. januar 2021 og 2022. 


26.800 løntakarar í januar - 1,2% fleiri enn í fjør

Samanborið við sama mánað í fjør er tó øðrvísi. Í januar-mánað í ár vóru stívliga 400 fleiri løntakarar í mun til januar í fjør. Tað svarar til ein vøkstur upp á 1,2%. Trendurin, sum lýsir rákið í løntakaratalinum, vísir, at vøksturin sum seinastu mánaðirnar hevur verið avmarkaður, tykist nú aftur at vera tiltakandi. Fallið, sum sæst í grafinum, er í aprílmánaði í 2020, tá landið var farið niður í ferð. ## Bæði fleiri menn og kvinnur í løntakaraskaranum Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali, og sterku strikurnar vísa gongdina ella trendin. Í januar vóru 13.600 menn og 13.200 kvinnur í løntakaraskaranum. Tað er um 200 fleiri menn og 200 fleiri kvinnur enn sama mánað árið fyri. 50,8% av løntakaraskaranum eru menn og 49,2% eru kvinnur. ## Gongdin ymisk í vinnugreinunum Tær báðar myndirnar niðanfyri vísa løntakaratalið og gongdina í teimum fýra høvuðsvinnugreinunum mánaðarliga. Trendurin vísir ein javnan vøkstur í 'almennari o.a. tænastu' og 'privatu tænastuvinnunum'. Løntakarararnir í 'privatu tænastuvinnunum' eru nú fleiri, enn teir vóru áðrenn koronufarsóttin rakti. Í byggivinnuni minkar løntakaratalið. Talvan niðanfyri vísir løntakaratalið í ymsu vinnugreinunum, sum hoyra undir vinnugreinabólkarnar. 


Innflutningurin methøgur í 2021

Innflutningsvirðið á brennievni o.t. er vaksið yvir 400 milliónir krónur í 2021. Hetta svarar til góð 43%, hóast nýtslan er áleið tann sama í 2021 sum í 2020. Eisini var stórur vøkstur í innflutninginum av rávøru til fiskavirking og 'maskinur og onnur útgerð'. Her vaks innflutningurin ávikavist 234 milliónir krónur og 237 milliónir krónur. ## Innflutningurin úr Asia og Afrika veksur Um ymisku landaøkini verða samanborin, vaks innflutningurin úr Asia mest í 2021. Tó er innflutningurin úr Afrika vaksin lutfalsliga mest seinastu árini. Seinastu 10 árini er innflutningurin úr Afrika vaksin við í miðal 20% árliga. Innflutningurin úr Afrika er nú næstan á hædd ið innflutningin úr Asia, og vøksturin stavar frá innflutningi av brennievni. ## Nógv innflutt av rávøru til fiskavirking Lutfalsliga er rávøra til fiskavirking vaksin mest, nevniliga yvir 60%. Innflutningurin av feskum og heilum frystum fiski til virkingar vaks ávikavist 150 og 140 milliónir krónur í 2021. 


Útflutningurin av fiskavørum vaksin 1,5 milliardir krónur

Tað er vøkstur í flest øllum vørubólkum og í virði er tað serliga útflutningurin av laksi, sum ger mun. Har er vøksturin 1,2 milliardir krónur. Útflutningvirðið av upsa er minkað eitt lítið vet, ella 3,5%. ## Vøkstur í útflutninginum til Amerika Amerikanski marknaðurin er lutfalsliga vaksin mest, har útflutningsvirðið er hækkað 50% í 2021. Mesti vøksturin stavar frá laksaútflutninginum. ## Fiskavøruútflutningur Útflutta nøgdin av upsa er minkað við 12% niður í 9.556 tons, sum er tað lægsta nakrantíð. Hóast nøgdin av sild er minkað við 10,3% er útflutningsvirðið hækkað 14,2%. 


Slakar 820 milliónir í lønum í januar

Trendurin lýsir rákið í lønargjaldingunum við at reinsa fyri árstíðarfrávik og aðrar tilvildarligar broytingar. Trendurin vísir, at lønargjaldingar fóru at vaksa aftur á heysti í 2020 og vøksturin í lønargjaldingunum hevur verið rættiliga javnur síðani. ## Menninir 485 milliónir og kvinnurnar 332 milliónir Myndin niðanfyri vísir lønargjaldingarnar fyri kynini bæði. Kámu strikurnar vísa útgoldnu lønirnar, og sterku strikurnar vísa gongdina ella trendin. Í januar áttu menninir um 485 milliónir av lønargjaldingunum, ið svarar til 59% av útgoldnu lønunum. Tað eru 32 milliónir fleiri enn sama mánað í fjør. Kvinnurnar áttu 332 milliónir, sum eru 15 milliónir meira enn sama mánað í fjør. ## Vinnugreinabólkar Trendurin vísir, at lønargjaldingarnar í 'almennari o.a. tænastu' nú ikki vaksa við somu ferð sum áður. Í 'privatu tænastuvinnunum' er vøksturin hinvegin tiltakandi. Í 'byggivinnu o.a. tilvirking' eru lønargjaldingar minkaðar síðani 2020, men nú vísir trendurin, at lønargjaldingarnar ikki minka longur. Í talvuni niðanfyri eru lønargjaldingarnar seinastu 12 mánaðirnar taldar saman og samanbornar við sama tíðarskeið árið fyri. 


Gistingarnar kvinka spakuliga uppeftir

Í januar 2022 vóru 6.903 gistingar á føroysku gistingarhúsunum. Tað eru knappliga 1.400 ella 25% fleiri gistinætur samanborið við sama mánað í 2021. Gistinætur telja, hvussu nógvir og hvussu leingi persónar gista á gistingarhúsum. Føroyingar áttu bróðurpartin av gistináttunum á gistingarhúsunum í januar, ið vóru yvir 3.800 í tali. Talið av gistináttum hjá føroyingum minkaði tó eitt vet við 5% í mun til januar í 2021. Ímeðan talið av gistináttum hjá dønum vaks við 62%, meira enn tvífaldaðist talið av gistináttum hjá fólkum úr øðrum londum enn Danmark samanborið við í januar í fjør. ## Innskrivingar Innskrivingarnar vóru stívliga 3.600 í tali í januar 2022, hetta er 19% hægri enn í januar í fjør. Innskrivingarnar vísa talið av ferðafólkum á gistingarhúsunum, sama hvussu leingi tey gista. Nú er talið av fólkum úr øðrum londum enn Føroyum og Danmark farið at vaksa aftur. Tað er nærum trífaldað síðan januar í 2020. Hóast tað enn restar nakað í at koma upp á sama stig sum í 2019. Talið av føroyingum, ið gista á gistingarhúsum, er á leið tað sama sum í januar í 2021, og føroyingar eiga tríggjar fjórðingar av innskrivingunum í januar í ár. ## Nýtslustig Nýtslustigið vísir, hvussu stórur partur av tøku kømrunum verður brúktur. Góð 23% av kømrunum vórðu brúkt í januar, samanborið við 17% í januar í fjør. 


Arbeiðsloysið 0,9% í desember

Arbeiðsleys eru tey, sum eru skrásett hjá ALS og Almannaverkinum, ið ikki at hava arbeiði, eru fult tøk at arbeiða og eru virkin arbeiðssøkjandi. Myndin niðanfyri vísir arbeiðsloysið og gongdina í arbeiðsloysinum. Káma strikan vísir arbeiðsloysisprosentið og sterka strikan vísir gongdina ella trendin í arbeiðsloysinum.   Arbeiðsloysið var 0,9% í desember, ið svarar til knappliga 255 fulltíðararbeiðsleys. Tilsamans vóru 302 persónar raktir av arbeiðsloysi. Arbeiðsloysið var til samanberingar 1,3% sama mánað í 2020. Trendurin vísir, at arbeiðsloysið er støðugt minkað seinasta árið. Í desember var arbeiðsloysið 0,9% hjá monnum og 0,8% hjá kvinnum. Sama mánað í 2020 var tað 1,3% hjá monnum og 1,4% hjá kvinnum. Landkortið vísir arbeiðsloysið eftir øki. Arbeiðsloysið er lægst í Norðurstreymoy við 0,4%. Í Norðoyggjum og Eysturoy er arbeiðsloysi 0,5%. Í Suðurstreymoy er arbeiðsloysi 1,1%, í Sandoy 1,4% og í Suðuroy 1,9%. Myndin niðanfyri vísir, hvussu leingi fólk hava verið arbeiðsleys. Í desember vóru 19,2% av teimum arbeiðsleysu langtíðararbeiðsleys. Tað vil siga, at tey høvdu verið arbeiðsleys meira enn eitt ár. Sama mánað í 2020 vóru 11,3% langtíðararbeiðsleys. 


Bruttotjóðarúrtøkan í ársins prísum minkaði 2,8 prosent í 2020

Tað er ymiskt, hvussu virðisøkingin innan ymsu vinnurnar broyttist í 2020 í mun til 2019. Størsta afturgongdin var innan fiskiveiðu og fiskaaling, sum í mestan mun framleiða vørur til útlendskar marknaðir, umframt flutnings- og goymsluvinnu. images/220302%20Tj%C3%B3%C3%B0arroknskapur%201998-2020%20T1.png) Havast skal í huga, at talan er um tjóðarroknskaparuppgerð í ársins prísum, t.v.s. ein lýsing av ymsum mátum, ið er samansett av prísum og mongdum ár fyri ár og ikki um mát fyri mongdarbroyting. images/220302%20Tj%C3%B3%C3%B0arroknskapur%201998-2020%20M1.png) Bruttotjóðarúrtøkan í marknaðarprísum verður gjørd upp sum virðisøkingin í øllum vinnugreinum samanlagt og við at leggja meirvirðisgjald og aðrar vøruskattir afturat hesum. Myndin omanfyri vísir bruttotjóðarúrtøkuna árini 1998-2020 og talvan niðanfyri vísir virðisøkingina í ársins prísum, skift á vinnugreinabólkar árini 2017 til 2020. Virðisøkingin minkaði stívliga 730 milliónir krónur ella 3,8 prosent í 2020 samanborið við 2019. images/220302%20Tj%C3%B3%C3%B0arroknskapur%201998-2020%20T2_1.png) Millum annað sæst fyri byggivinnuna, at virðisøkingin heldur á fram at vaksa og var 8,5% hægri í 2020 enn í 2019. Galdandi fyri hesa vinnu er, at hon í størstan mun framleiðir vørur og tænastur til innlendska nýtslu og íløgur. Í 2020 minkaði virðisøkingin í alivinnuni við næstan eini helvt. Gongdin í alivinnuni hevur annars verið góð seinastu árini, undantikið eini lítlari afturgongd í 2018 vegna eini samanseting av lægri prísi og nøgd av útfluttum laksi, umframt øktar útreiðslur í sambandi við vaksandi lúsatrupulleikan. Matvøruvirking, sum í stóran mun fevnir um virking av vørum úr fiski til útlendskar marknaðir, hevði hinvegin bert eina lítla minking í virðisøking á -0,3 prosent í 2020 í mun til 2019. Í vinnugreinini 'Annar ídnaður', ið m.a. fevnir um skipasmíð og framleiðslu av metalvørum, pakningi og aðrari útgerð til m.a. fiskiveiðu og alivinnu, er virðisøkingin eisini vaksin lutfalsliga nógv seinastu árini. Fyri flestu tænastuvinnurnar minkaði virðisøkingin nakað í 2020 samanborið við 2019, og lutfalsliga stór minking sæst í flutnings- og goymsluvinnuni. Koronufarsóttin ávirkaði gistihús og matstovur í stóran mun orsakað av færri útlendskum ferðafólkum, ímeðan føroyingar nýttu fleiri pengar í Føroyum, sum økti smá- og heilsøluna. Vinnugreinin 'Smá- og heilsøla, gistihús og matstovur' hevði samlað eina minking í virðisøkingini á 4 prosent. Hinvegin hevur vinnugreinin 'Kunning og samskifti' havt størri virðisøking í 2020 í mun til 2019. images/220302%20Tj%C3%B3%C3%B0arroknskapur%201998-2020%20M2.png) Myndin omanfyri vísir vakstrarískoytið fyri hesar yvirskipaðu vinnubólkarnar árini 2013 til 2020. Myndin vísir, hvussu stóra ávirkan ymsu broytingarnar í serliga tilfeingisvinnunum hava á samlaðu árligu broytingina í virðisøking, og hesin vinnubólkur er tann, ið sveiggar mest. Vinnubólkurin 'Ídnaður, orka og bygging' hevur positivt vakstrarískoyti øll árini frá 2013 til 2020. 


Fólkatalið var 53.752 tann 1. februar 

Ein triðingur av vøksturin kemur av einum burðaravlopi á 246 fólk, og tveir triðingar koma frá eini nettoflyting á 538 fólk. Burðaravlopið er munurin millum fødd og deyð, og nettoflytingin er munurin ímillum til- og fráflyting. Trendurin á myndini niðanfyri vísir framhaldandi vøksturin í fólkatalinum. ## Seinasta árið Fólkatalið hevur í longri tíð verið javnt vaksandi, men stórur munur er á økjunum kring landið. Seinasta árið hevur fólkavøkstur verið í øllum økjum uttan Sandoyar. Størsti vøkstur á 2,1% var í Suðurstreymoyar og Eysturoyar økjum. Minkingin í Sandoyar øki seinasta árið var 2,2%. Burðaravlopið var positivt í øllum økjum uttan Sandoyar og Suðuroyar, og samlaða nettoflytingin var positiv í øllum økjum uttan Norðstreymoyar og Sandoyar. ## Gongdin seinastu 10 árini Samanborið við 1. februar 2012 er fólkatalið vaksið í øllum økjum norðanfjørðs. Størsti vøksturin hevur verið í Suðurstreymoy og Eysturoy við 15-16%, síðani í Vágunum, Norðoyggjum og Norðstreymoy við 5-11%. So gott sum ongin broyting hevur verið í Suðuroyar øki, og Sandoyar øki hevur sum tað einasta havt eina minking í fólkatalinum á umleið 5%. Prosentvísa gongdin síðan 2012 sæst í myndini niðanfyri. Ójavna býtið av fólkavøkstrinum kring landið hevur ført við sær eitt sindur av broyting í økisbýtinum av fólkatalinum. Í mun til somu tíð fyri 10 árum síðani búgva nú lutfalsliga fleiri íbúgvar í Suðurstreymoyar og Eysturoyar økjum. 


Miðalaldurin er øktur við hálvsjeynda ári síðani 1985

Tað hevur ikki gingið javnt á hetta tíðarskeiðið. Tey fyrstu tíggju árini øktist miðalaldurin við 3 árum, har serliga tey sváru kreppuárini fyrru helvt av 1990-unum gera stóra munin, tá nógv ung fólk fluttu av landinum. Gongdin er greið á myndini omanfyri, ið vísir hvussu miðalaldurin er broyttur hjá ávikavist mannfólki og konufólki øll hesi árini. Gongdin er á leið tann sama hjá báðum kynum - ein munur í miðalaldri, sum var umleið 1 ár í 1985 og er tann sami nú. Stóra økingin í miðalaldrinum var í kreppuárunum fyrru helvt í 90-unum, tá í túsundatali, serliga ung og barnafamiljur, fluttu av landinum. Síðani er ein spakulig jøvn gongd tey næstu 12 árini, til fíggjarkreppan frá 2009 aftur førdi til fráflyting - og harvið hækkandi miðalaldur. Síðani sæst, at støðan broytist 2014, har fráflytingin úr Føroyum vendir til eina stóra árliga tilflyting, sum ger at miðalaldurin ikki longur veksur í sama lag, serliga hjá konufólki. ## Miðalaldurin vaksin nógv mest í suðurøkinum, minst í miðøkinum Stórir munir eru í gongdini í ymisku økjunum. Her fylgjast Eysturoy, Suðurstreym, Norðstreym og Norðoyggjar. Av hesum hava Eysturoy og Suðurstreym hava lægsta miðalaldur. Í Vágum er gongdin heilt serstøk við miðalaldri í ovasta endanum til síðst í 1990-unum, fyri síðan at lækka og halda seg á tí sama heilt fram til nú. Tvey øki skilja seg burtur frá hinum frá ár 2000 og fram - tað eru Sandoyarøkið og Suðuroy - við tí hægsta miðalaldrinum. Munurin millum økini í landinum er serliga sjónskur í myndini omanfyri, ið samanber 1985 og 2022. Her sæst til dømis, at miðalaldurin í Sandoyarøkinum hækkaði 10 ár, tvífalt so nógv sum í Vágaøkinum. Lægsti miðalaldur í landinum er í Eysturoy og í Suðurstreymoyarøkinum, bæði í 1985 og í 2022. ## Ógvislig broyting í aldurssamansetingini Orsøkin til stóru hækkingina í miðalaldrinum kemur av stórum broytingum í aldurssamansetingini.  Frá 1985 til 2022 vaks fólkatalið í Føroyum við góðum 8.300 fólkum. Hesi árini er hend ein ógvislig broyting í aldurssamansetingini. Hetta er sera sjónskt í talvuni niðanfyri, ið vísir broytingina í fýra aldursbólkum. Tá 1985 verður samanborið við 2022, er fólkatalið hjá teimum, sum eru yngri enn 40 ár, minkað við umleið 1.800 fólkum, meðan tey ið eru 40 ár og eldri, eru blivin meir enn 10.000 fleiri. Støðan er tó munandi broytt tey síðstu 8 árini. Sum talvan vísir, vaks fólkatalið frá 2014 til 2022 við góðum 5.200 fólkum. Her var tann størri vøksturin í yngra ættarliðunum, har tey yngru enn 40 ár vórðu umleið 3.000 fleiri og tey eldru umleið 2.500 fleiri. ## Hvat eru orsøkirnar til broytingarnar í fólkatalinum? Tað eru tvær orsøkir til fólkavøkstur eins væl og til fólkaminking. Tær eru burðaravlop (munurin millum fødd og deyð) og nettoflyting (munurin millum flyting til landið og flyting av landinum). Taka vit alt tíðarskeiðið 1985-2022 sæst, at burðaravlopið gav ein vøkstur á góð 11.600 fólk. Nettoflytingin minkaði um fólkavøksturin hetta tíðarskeið við stívliga 3.300 fólkum. Hetta er eitt langt tíðarskeið við stórum broytingum í samfelagsgongdini, sum hava havt ógvisligar ávirkanir á gongdina í fólkatalinum. Størstu ávirkanina hevði kreppan fyrru helvt av 1990-unum. Síðani var ein lutvís endurreisn næsta tíggjuáraskeiðið til 2003/2004. Síðani var aftur eitt 10-ára tíðarskeið heilt fram til 2013/2014 við stagnatión og fíggjarkreppu. So vendi gongdin aftur við stórum framburði, stórari tilflyting til Føroyar og stórum fólkavøkstri, sum hevur verið tey síðstu 8 árini. Hetta sæst í talvuni niðanfyri, har íkastið til vøksturin í fólkatalinum er umleið 2.100 frá burðaravlopinum og knappliga 3.500 frá nettoflytingini. Hetta er orsøkin til, at vit ikki hava sæð eins stóra hækking í miðalaldrinum síðstu 8 árini, sum alt tíðarskeiðið frammanundan. ## Hvussu er aldursbýtið broytt í høvuðsøkjunum kring landið? Við sonevndari aldurspýramidu ber til at gera eina einfalda greining av aldurs- og kynsbýti. Í pýramidunum niðanfyri síggja vit, hvussu býtið var í 1985, og hvussu tað er nú í 2022. Vanligt er at hava yngstu aldursbólkarnar niðast sum grundarlagið í pýramiduni, og síðani teir eldru bólkarnar at tynnast uppeftir til tey elstu. Við demografisku broytingunum síðstu nógvu árini er hetta gamla mynstrið fullkomiliga broytt. Nú er tódnað meir og meir í teim yngru aldursbólkunum, meðan teir eldru aldursbólkarnir fylla meir og meir, og nógvastaðni eru teir eins stórir um ikki enn størri enn teir yngru. Hetta er gongdin um allan heimin, ið sum heild kemur av hækkandi livialdri og minkandi føðitíttleika. Í Føroyum er føðitíttleikin størri enn í øðrum evropiskum londum, men serliga fráflytingin ávirkar skapið. So hóast at pýramiduskapið í Føroyum og øðrum londum líkjast, eru tað ymsar orsakir til skapini. Tað eru stórur munur á, hvussu hendan gongdin rakar ymisk lond - og eisini ymisku høvuðsøkini í Føroyum. Tað er lýst í fólkapýramidunum niðanfyri, ið samanber støðuna í 1985 við støðuna í dag. Fyri alt landið sæst ein lítil minking í yngru og ein stórur vøkstur í eldru ættarliðunum. Tað hevur tó ikki havt nakrar broytingar við sær í kynsbýtinum. Av góðum grundum líkist gongdin í Suðurstreymi mest gongdini fyri alt landið, tí nógv tað mesta fólkið býr har. Tó er ein høvuðsmunur millum Suðurstreym og øll hini høvuðsøkini. Tað er, at Suðurstreym er einasta økið, har vøksturin hetta drúgva tíðarskeiðið ikki bara er í teim eldru men eisini teim yngru ættarliðunum. Í Norðoyggjum er aldurspýramidan nógv broytt frá 1985 til nú, munandi minking hjá teim yngstu og stórur vøkstur hjá teim eldru. Í Eysturoy er enn ein tann yngsta aldurssamansetingin í landinum. Har er vøkstur ikki bara hjá teim elstu men eisini hjá teimum í ungum árum 20-39 ár. Í Eysturoy kunnu vit enn tosa um eitt pýramiduskap, sum er breiðast í neðra og so smalkast spakuliga uppeftir. Í Norðstreymi er tað mesta av pýramiduskapinum horvið. Botnurin, tey yngstu, er tó størstur enn, men annars er pýramidan koppað á og veksur uppeftir frá teim 20-39 ára gomlu til tey elstu. Í Vágum er mynstrið nakað tað sama. Tó er vert at leggja til merkis , at har er eisini ein vøkstur hjá konufólki í teimum yngru ættarliðunum. Tá tað snýr seg um føroysku demografiina, gongdina í fólkatali og fólkasamanseting, er afturvendandi niðurstøða, at tey bæði sunnaru økini í landinum eru nakað fyri seg. Tað sæst eisini her, har aldurspýramidurnar púra eru koppaðar á høvdið. Har eru flest í teim elstu ættarliðunum, og so smalkar pýramidan niðureftir móti teim ungu. Órógvandi má vera, at tann ungi aldursbólkurin 20-39 ár, við teim ungu fólkunum, ið skulu tryggja sonevndu reproduktiónina, t.v.s. skipa familjurnar og seta nýggj ættarlið við, er tann minsti bólkurin av øllum. Kanska ein lítil bati er at hóma, at yngsti aldursbólkurin ikki er minkaður eins nógv og kann rætta nakað upp á støðuna. 


Skattatrýstið veksur

## Skattainntøkurnar met stórar hóast koronufarstótt Føroysku húsarhaldini og fyritøkurnar rindaðu slakar 9,3 milliardir krónur í skattum og avgjøldum í 2020. Samlaða framleiðslan í samfelagnum, bruttotjóðarúrtøkan, var sama tíðarskeiðið 21,2 milliardir krónur. Tað gevur eitt skattatrýst á 43,8 prosent. Skattainntøkurnar tilsamans eru vaksnar øll árini frá 1998 til 2020 undantikið í 2003 og 2009. Hóast koronufarsóttin rakti í 2020, øktust skattainntøkurnar. Tað vóru serliga framleiðslu- og innflutningsskattirnir, ið vuksu.   ## Skattatrýstið tað hægsta í 10 ár Tað er ymiskt, hvussu skattatrýstið verður gjørt upp í ymiskum londum, og tí skulu samanberingar av skattatrýstinum millum lond gerast við fyrivarni. Tann mest vanligi uppgerðarhátturin, ið verður nýttur í altjóða samanberingum, er, at allir skattir og øll avgjøld verða roknað í mun til bruttotjóðarúrtøku í marknaðarprísum. Skattatrýstið hevur sveiggjað millum 39 og 46 prosent av bruttotjóðarúrtøkuni árini 1998 til 2020. Skattatrýstið var 43,8 prosent í 2020, sum er tað hægsta síðani 2011. Orsøkin til at skattatrýstið veksur er, at skattainntøkurnar vuksu 3,0 prosent, meðan bruttotjóðarúrtøkan minkaði 2,8 prosent. ## Inntøku- og ongarskattur telur mest Inntøku- og ognarskatturin telur størsta partin av samlaðu skattainntøkunum nevniliga sløk 58 prosent. Inntøkuskattur fevnir í høvuðsheitum um persónligan inntøkuskatt og partafelagsskatt, meðan ognarskattur fevnir um m.a. vektgjald. Framleiðslu- og innflutningsskattur telur næststørsta partin, sum svarar til 29 prosent. Her er meirvirðisgjaldið, sum er eitt avgjald á flestu vørur og tænastur, størsta skattainntøkan. Kravd sosial tryggingargjøld, sum fevna um eitt nú gjald í Arbeiðsmarknaðareftirlønargrunnin, arbeiðsloysistrygging umframt gjald til barsilsskipan og Heilsutrygd, telja um 13 prosent av samlaðu skattainntøkunum. Kapitalskattur telur minni enn 1 prosent, og talan er í høvuðsheitum um arvaavgjald. ## Rættað skattatrýst lægri enn vanliga skattatrýstið Ymisk mát fyri skattatrýst og tey eru lýst í gráa kassanum niðanfyri. Rættað skattatrýst er skattur í prosentum av tøku bruttotjóðarinntøkuni. Tøka bruttotjóðarinntøkan er størri enn bruttotjóðarúrtøkan øll árini frá 1998 til 2020, sostatt er rættaða skattatrýstið lægri enn vanliga skattatrýstið. Rættaða skattatrýstið var í 2020 40,6 prosent, sum er stívliga 3 prostenstig lægri enn vanliga skattatrýstið. Munurin millum vanliga og rættað skattatrýst var góð 6 prosentstig um aldarskiftið. Rakstararflytingarnar úr útlondum fyltu ein lutfalsliga størri part av tøku bruttotjóðarinntøkuni í nítiárunum enn í dag. Tillagað skattatrýst er tøk almenn bruttoinntøka í prosentum av tøku bruttotjóðarinntøkuni. Øvugt vanliga og rættaða skattatrýstinum, so fellur tillagaða skattatrýstið í 2020. Tað kemur av, at tøka almenna bruttoinntøkan fellur meira enn tøka bruttotjóðarinntøkan. Faktorskattatrýstið, sum er skattur í prosentum av bruttofaktorinntøkuni, fylgir somu gongd sum vanliga skattatrýstið. Tó liggur faktorskattartýstið á einum hægri støðið. ## Skattatrýstið í Føroyum høgt Vanliga skattatrýstið í Føroyum er høgt samanborið við hini Norðurlondini. Danmark hevur hægsta skattatrýstið á góð 47 prosent. Í øllum Norðurlondum er skattatrýstið tó omanfyri 30 prosent. Í Finnlandi, Noregi og Íslandi er skattatrýstið undir 40 prosent, meðan skattatrýstið í Svøríki er stívliga 40 prosent. Føroyar hava sostatt næst hægsta skattatrýstið í Norðurlondum. Samanberingar av skattatrýsti millum lond skulu gerast við fyrivarni, tí ymiskt er, hvussu lond skipa sína skattaskipan. Eitt nú er ymiskt um inntøkuflytingar verða skattaðar, ella skattafrádráttir verða latnir. 


Gistingarnar kvinka spakuliga uppeftir

Í februar 2022 vóru 9.010 gistingar á føroysku gistingarhúsunum. Tað eru knappliga 1.600 gistinætur fleiri samanborið við sama mánað í 2021. Tað svarar til ein vøkstur upp á 21%. Gistinætur telja, hvussu nógvir og hvussu leingi persónar gista á gistingarhúsum. Flestu gistingarnar eru í Tórshavnarøkinum. Í februar vóru 94% av gistingunum á gistingarhúsum í Tórshavnarøkinum. Føroyingar áttu bróðurpartin av gistináttunum á gistingarhúsunum í februar, sum vóru gott 5.200 í tali ella 58% av gistingunum. Talið av gistináttum hjá føroyingum var áleið tað sama sum í februar í 2021. Ímeðan talið av gistináttum hjá dønum vaks við 66%, nærum tvífaldaðist talið av gistináttum hjá fólkum úr øðrum londum enn Danmark samanborið við í februar í fjør. ## Innskrivingar Innskrivingarnar vóru knappliga 4.800 í tali í februar 2022, sum er 14% hægri enn í februar í fjør. Innskrivingarnar vísa talið av ferðafólkum á gistingarhúsunum, sama hvussu leingi tey gista. Talið av ferðafólkum úr øðrum londum enn Føroyum og Danmark er farið at vaksa aftur. Tað er meira enn ferfaldað síðan februar í 2021 og innskrivingarnar eru nú næstan 500 í tali. Enn restar nakað í at koma upp á sama stig sum í februar 2020, tá tær vóru 800. Talið av føroyingum, ið gista á gistingarhúsum, er á leið tað sama sum í februar í 2021. Føroyingar áttu tríggjar fjórðingar av innskrivingunum í februar í ár. ## Nýtslustig Nýtslustigið vísir, hvussu stórur partur av tøku kømrunum verður brúktur. Góð 31% av kømrunum vórðu brúkt í februar, samanborið við 24% í februar í fjør. 


27.200 løntakarar í februar - 0,8% fleiri enn í fjør

Seinastu tvey árini hevur vøksturin verið avmarkaður. Gongdin í løntakaratalinum hevur ikki verið tann sama sum undan koronufarsóttini, men nú tykist løntakaratalið aftur at vera vaksandi og vøksturin tiltakandi. Tað bendir trendurin á, sum lýsir rákið í løntakaratalinum. Fallið, sum sæst í grafinum, er í aprílmánaði í 2020, tá landið var farið niður í ferð. ## Bæði fleiri menn og kvinnur í løntakaraskaranum Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali, og sterku strikurnar vísa gongdina ella trendin. Í februar vóru knappliga 13.900 menn og 13.300 kvinnur í løntakaraskaranum. Tað er um 50 fleiri menn og 200 fleiri kvinnur enn sama mánað í fjør. ## Gongdin ymisk í vinnugreinunum Tær báðar myndirnar niðanfyri vísa løntakaratalið og gongdina í teimum fýra høvuðsvinnugreinunum mánaðarliga. Javnur vøkstur er í 'almennari o.a. tænastu' og 'privatu tænastuvinnunum'. Í byggivinnuni minkar løntakaratalið framvegis, men tó sær minkingin nú út til at vera avtakandi. Innan 'fiskivinnu o.a. tilfeingisvinnu' eru sveiggini í løntakaratalinum størri enn í hinum vinnugreinabólkunum, men síðani aldudalin í 2011 sæst ein greiður vøkstur. Hesi árini er løntakaratalið í hesum vinnugreinabólkinum vaksið við umleið 600 - úr 3.500 upp í 4.100. Talvan niðanfyri vísir løntakaratalið í ymsu vinnugreinunum, sum hoyra undir vinnugreinabólkarnar. Talvan vísir løntakaratalið í februar í mun til sama mánað í fjør. 


900 milliónir í lønum í februar - varin vøkstur

Lønargjaldingarnar fóru at vaksa aftur á heysti í 2020. Seinastu hálva árið hevur ferðin í lønargjaldingunum verið avtakandi og vøksturin hevur ikki somu ferð, sum undan koronufarsóttini. Tað bendir trendurin á, sum lýsir rákið í lønargjaldingunum. ## Menninir 560 milliónir og kvinnurnar 340 milliónir Myndin niðanfyri vísir lønargjaldingarnar fyri kynini bæði. Kámu strikurnar vísa útgoldnu lønirnar, og sterku strikurnar vísa gongdina ella trendin í lønargjaldingunum. Í februar áttu menninir 560 milliónir av lønargjaldingunum, ið svarar til 62% av útgoldnu lønunum. Tað eru 10 milliónir fleiri enn sama mánað í fjør. Kvinnurnar áttu 341 milliónir, sum eru 14 milliónir meira enn sama mánað í fjør. ## Gongdin ymisk í vinnugreinunum Lønargjaldingarnar í 'almennari o.a. tænastu' vaksa nú við somu ferð sum áður. Í 'privatu tænastuvinnunum' er vøksturin hinvegin tiltakandi. Í 'byggivinnu o.a. tilvirking' eru lønargjaldingar minkaðar síðani 2020, men nú vísir trendurin, at lønargjaldingarnar ikki minka longur. ## Lønirnar seinastu tólv mánaðirnar Í talvuni niðanfyri eru lønargjaldingarnar seinastu tólv mánaðirnar taldar saman og samanbornar við sama tíðarskeið árið fyri. 


Innflutningurin heldur fram at vaksa

Innflutningurin í januar er nú uppgjørdur, og í talvuni niðanfyri ber til at síggja innflutningin seinasta 12-mánaðarskeið samanborið við undanfarna skeið. Innflutningurin av brennievni er vaksin 507 milliónir krónur, sum í høvuðsheitum stavar frá prísvøkstri. Um januar 2022 verður samanborin við januar 2021, er prísvøksturin umleið 70%. 'Rávøra til fiskavirking', t.e. heilur feskur og frystur fiskur, er vaksið 87%, meðan innflutningurin av maskinum og aðrari útgerð til vinnulívið er vaksin 33%. 


Útflutningurin heldur fram at vaksa

Útflutningurin í januar er nú uppgjørdur, og í talvuni niðanfyri ber til at síggja útflutningin seinasta 12-mánaðarskeið samanborið við undanfarna skeið. Vøksturin stavar í størsta mun frá størri útflutningi av laksi. Nøgdin er vaksin 40% og virðið 45%. Útflutningsvirðið av makrel og sild er vaksið ávikavist 202 og 142 milliónir krónur og útflutta nøgdin av svartkjafti er farin niður í helvt. 


Arbeiðsloysið 1,0% í januar

Arbeiðsleys eru tey, sum eru skrásett hjá ALS og Almannaverkinum, ið ikki at hava arbeiði, eru fult tøk at arbeiða og eru virkin arbeiðssøkjandi. Myndin niðanfyri vísir arbeiðsloysið og gongdina í arbeiðsloysinum. Káma strikan vísir arbeiðsloysisprosentið og sterka strikan vísir gongdina ella trendin í arbeiðsloysinum.   Arbeiðsloysið var 1,0% í januar, ið svarar til knappliga 286 fulltíðararbeiðsleys. Tilsamans vóru 345 persónar raktir av arbeiðsloysi. Arbeiðsloysið var til samanberingar 1,5% í januar í fjør. Trendurin vísir, at arbeiðsloysið er støðugt minkað seinasta árið. Í januar var arbeiðsloysið 1,0% hjá monnum og 0,9% hjá kvinnum. Sama mánað í 2020 var tað 1,4% hjá monnum og 1,6% hjá kvinnum. Landkortið vísir arbeiðsloysið eftir øki. Í januar var arbeiðsloysið lægst í Norðurstreymoy og í Norðoyggjum við 0,5%. Í Suðuroy er arbeiðsloysið 2,0%. Myndin niðanfyri vísir, hvussu leingi fólk hava verið arbeiðsleys. Í januar vóru 17,4% av teimum arbeiðsleysu langtíðararbeiðsleys. Tað vil siga, at tey høvdu verið arbeiðsleys meira enn eitt ár. Sama mánað í 2021 vóru 9,4% langtíðararbeiðsleys. 


Sølan av klæðum og fótbúnaði vaks 29 prosent

Søla í virði og umroknað til mongdir fyri smásølu av trimum vørubólkum er gjørd upp fyri 4. ársfjórðing í 2021. Tølini eru býtt í vørubólkarnar 'matur og alkoholfríar drykkjuvørur', 'klædnavørur og fótbúnaður' og 'húsbúnaður og húsarhaldsútgerð'. Seinastu árini hevur verið vanligt at sæð søluna hækka, tá samanborið verður frá ári til ár, men fyri allar tríggjar vørubólkarnar er sølan lækkað frá 4. ársfjórðingi 2020 til 4. ársfjórðing 2021. Orsøkin er nokk tann, at korona hevði við sær, at møguleikarnir at ferðast uttanlands 4. ársfjórðing 2020 vóru sera skerdir. Skerdu møguleikarnir at keypa uttanlands høvdu so aftur við sær, at innanlands sølan vaks 4. ársfjórðing í 2020 í mun til somu tíðarskeið undanfarin ár. Sum árið í fjør leið, vóru nógvar koronuavmarkingar linkaðar, og tí kann hetta aftur hava ávirkað, hvar føroyingar hava valt at brúka pengarnar. ## Sølan av mati og alkoholfríum drykkjuvørum hækkaði 6% Fyri matvørur og alkoholfríar drykkjuvørur var sølan 6% hægri frá 3. ársfjórðingi til 4. ársfjórðing 2021. Frá 4. ársfjórðingi til sama tíðarskeið í 2020 er sølan lækkað 2%, meðan prísirnir hava staðið í stað. ## Sølan av húsbúnaði og húsarhaldsútgerð hækkaði 26% Minkaða sølan samanborið við undanfarna ár heldur eisini fram fyri húsbúnað og húsarhaldsútgerð. 4\. ársfjórðing 2021 var sølan 1% lægri, og prísurin hækkaði 2% samanborið við sama tíðarskeið árið fyri. Tó so, eins og vanligt hækkaði sølan frá 3. ársfjórðingi til jólasøluna 4. ársfjórðing 2021, hesa ferð við 26%. ## Sølan av klæðum og fótbúnaði hækkaði 29% Eins og fyri húsbúnað og húsarhaldsútgerð, so er vanligt, at sølan av klæðum og fótbúnað hækkar frá 3. ársfjórðingi til jólasøluna 4. ársfjórðing. Í 2021 var hækkingin hetta tíðarskeiðið 29%, meðan hon frá 3. til 4- ársfjórðing 2020 var 50%. Men eins og við bæði mati og húsbúnaði, so ávirkar óvanliga høga sølan, ið vit sóu 4. ársfjórðing 2020, eisini klæðir og fótbúna, tá sølan í 2021 verður samanborin við søluna í 2020. Sølan lækkaði 8% frá 4. ársfjórðingi 2020 til 4. ársfjórðing 2021. Prísurin lækkaði hetta tíðarskeiðið 2%. 


14.000 tinglýsingarskjøl í 2021 - 6% fleiri enn árið fyri

Áðrenn fíggjarkreppuna øktust tinglýsingarnar støðugt til tað mesta í 2008 við 22.000. Men so fór tað næstan niður í helvt árið eftir og minkaði niður í 9.500 í 2012. Talið av tinglýsingunum vaks síðani spakuliga aftur, og síðstu 5-6 árini hava tinglýsingarnar verið millum 12.000 og 14.000. Nógv flestu tinglýstu skjølini eru um fastogn so sum skeyti og øðrum ognarheimildarskjøl og lániskjøl. Hesi eru 73% av øllum. Lániskjøl og annað viðvíkjandi akførum eru 25%, og síðstu 2% eru viðvíkjandi leysafæ. 


53.800 fólk búðu í Føroyum 1. mars - vøksturin er 1,4% 

Fólkatalið fór at vaksa aftur fyri á leið átta árum síðani. Vøksturin setti met í 2019, tá yvir 900 fólk løgdust aftur at í einum 12-mánaðarskeiði. Síðani tá er vøksturin viknaður nakað, soleiðis at millum 700 og 800 fólk nú leggjast aftur at fyri hvørt 12-mánaðarskeið. Sostatt heldur fólkavøksturin fram, og 1. mars búðu 53.792 fólk í Føroyum. Trendurin í myndini niðanfyri vísir gongdina í fólkatalinum síðan 1985. Fólkatalið verður ávirkað av nettoflyting, sum er munurin millum tilflyting og fráflyting, og burðaravlopi, sum er munurin millum fødd og deyð. Vøksturin seinasta árið kemur av einum burðaravlopi á 216 fólk og eini nettoflyting á 514 fólk. Í mun til undanfarna tíðarskeið er nettoflytingin størri, serliga av at tilflytingin vaks meiri enn fráflytingin. Burðaravlopið er væl minni enn í undanfarna tíðarskeiði. Minkingin kemur bæði av, at færri børn vórðu fødd seinasta árið, og at talið av deyðum seinastu mánaðirnar hevur verið hægri enn vanligt. Sí fleiri tøl í talvuni niðanfyri. Trendurin í myndini niðanfyri vísir gongdina í tilflytingini og fráflytingini. Bæði tilflytingin og fráflytingin minkaðu nógv í 2020. Síðani tá er tilflytingin nærum komin aftur á sama stig, so at knappliga 150 flyta til Føroya mánaðarliga. Fráflytingin er eisini komin á sama stig sum áðrenn - og eitt sindur meira enn tað. Trendurin vísir, at fráflytingin, sum taldi 108 fólk áðrenn 2020, nú telur á leið 113 fólk mánaðarliga. Trendurin í myndini niðanfyri vísir gongdina í tali av føddum og deyðum. Trendurin vísir ein lítlan vøkstur í deyðatalinum seinastu tíðina. Tal av deyðum, sum í 2020 var minni enn vanligt, er nú vaksið til á leið 35 fólk mánaðarliga. Eftir ein vøkstur í føðitalinum í 2020 er tað nú aftur á umleið 55 børn mánaðarliga. 


Stór miðsavning av landbúnaðargørðum síðstu 10 árini

Framleiðslan í landbúnaðarvinnuni er ikki nógv økt síðstu tíggju árini. Í 2012 var mjólkarframleiðslan 6,8 milliónir litrar frá 1.138 mjólkkúm og í 2021 var hon 7,5 milliónir litrar frá 1.147 mjólkkúm. Framleiðslan av neytakjøti var 46 tons frá 153 neytum í 2012 og 64 tons frá 203 neytum í 2021. Hendan uppgerðin fevnir bert um tann skrásetta partin av vinnuliga landbúnaðinum, ið fevnir um framleiðsluna av mjólk og neytakjøti. Mjólkkýrnar vóru mest sum líka nógvar í 2021 sum tíggju ár frammanundan - einans 9 fleiri í 2021. Men tær hava mjólkað meira, frá 6.000 litrum fyri hvørja kúgv í 2012 til 6.600 litrar í 2021. Tað er framleitt nakað meira av neytakjøti hesi tíggju árini. Í 2012 var úrtøkan 46 tons og tá vórðu slaktað 153 neyt, og í 2021 var hon 64 tons og slaktað vórðu 203 neyt. Landafrøðiliga hava verið stórar broytingar hesi tíggju árini sum sæst í talvuni niðanfyri, ið vísir hvussu nógvir garðar við mjólkkúm, hvussu nógvar mjólkkýr eru og hvussu úrtøkan er broytt hesi tíggju árini. Garðarnir við mjólkkúm eru fækkaðir úr 28 niður í 16. 7 av teimum eru nú í Streymoyar sýslu, 4 í Eysturoyar, 4 í Sandoyar og 1 í Norðoya sýslu. Í Vága og Suðuroyar sýslu er ongin garður longur við mjólkkúm. Garðarnir eru sostatt blivnir munandi størri. Hetta sæst m.a. tá vit rokna nøgdina av innvigaðari mjólk fyri hvønn garð. Tá er nøgdin vaksin við 93% fyri alt landið. Serliga stórur er vøksturin fyri hvønn garð í Norðoya og Streymoyar sýslum. 


920 milliónir í lønum í mars - eingin vøkstur

Lønargjaldingarnar fóru at vaksa aftur á heysti í 2020, men seinasta árið hevur vøksturin ikki havt somu ferð, og nú sæst eingin vøkstur í lønargjaldingunum. Tað vísir trendurin, sum lýsir rákið í lønargjaldingunum mánað fyri mánað. Í mars vórðu um 920 milliónir útgoldnar í lønum. Tað er eins nógv, sum sama mánað í fjør. ## Lønirnar hjá monnunum vaksa ikki longur Myndin niðanfyri vísir lønargjaldingarnar fyri kynini bæði. Kámu strikurnar vísa útgoldnu lønirnar, og sterku strikurnar vísa gongdina ella trendin í lønargjaldingunum. Seinasta árið hevur vøksturin í lønargjaldingunum hjá monnum verið avtakandi, og nú sæst ikki longur ein vøkstur. Hinvegin hevur verið vøksturin varisliga tiltakandi hjá kvinnum sama tíðarskeiðið. Í mars áttu menninir um 560 milliónir av lønargjaldingunum, ið svarar til 61% av útgoldnu lønunum. Tað eru 26 milliónir færri enn sama mánað í fjør. Kvinnurnar áttu 355 milliónir, sum eru 16 milliónir meira enn sama mánað í fjør. ## Gongdin ymisk í vinnugreinunum Lønargjaldingarnar í 'almennari o.a. tænastu' eru vaksnar við umleið somu ferð seinastu tvey árini. Í 'privatu tænastuvinnunum' vaksa lønirnar framvegis, men seinasta hálva árið hevur vøksturin verið avtakandi. Í 'byggivinnu o.a. tilvirking' eru lønargjaldingar minkaðar síðani 2020, men nú vísir trendurin, at lønargjaldingarnar ikki minka longur. ## Lønirnar tilsamans seinastu tólv mánaðirnar Í talvuni niðanfyri eru lønargjaldingarnar seinastu tólv mánaðirnar taldar saman og samanbornar við sama tíðarskeið árið fyri. 


Brúkaraprísirnir øktir 4,4 prosent seinasta árið

Eftir einum ári eru prísir í heili 11 av 12 vøru- og tænastubólkum øktir, meðan prísir á útbúgving standa í stað. Tað er serliga prísvøksturin á 14,3 prosentum á vørubólkinum 'býli', ið er orsøk til broytingina í prístalinum. Aftan á hesum koma prísir á vørum og tænastum innan 'húsbúnað, húsarhaldstólum o.l.', 'samskifti' umframt 'klædnavørum og fótbúnað', sum eru øktir við ávikavist 5,4, 4,5 og 3,9 prosentum. Undan koronufarsóttini lá árliga broytingin í samlaða brúkaraprístalinum í Føroyum - eins og í miðal í Evropa - millum eitt og tvey prosent, men nærkaðist óbroyttari árligari prísgongd meginpartin av 2020, tá koronufarsóttin leikaði harðast á. Uppgerðirnar av brúkaraprístalinum í Føroyum eins og aðrastaðni í Evropa vísa nú aftur ein lutfalsligan stóran vøkstur. Vit skulu leita aftur til tíðina beint undan fíggjarkreppuni fyri at síggja líknandi árligan vøkstur í brúkaraprístalinum. ## Býlisútreiðslurnar størst vøkstur Vørubólkurin býli fyllir mest aftan á mat og drekka, tá brúkaraprístalið verður roknað. Undan fíggjarkreppuni var brúkaraprístalið fyri býli í hæddini, nevniliga 135,2, meðan tað fyrsta ársfjórðing í 2022 er 125,7. Sostatt er tað ikki á sama stigi sum tá, men vøksturin hevur av álvara tikið dik á seg síðan fyrsta ársfjórðing 2021. Tað er prísvøkstur á brennievni til upphiting av býlum, sum er høvuðsorsøkin til samlaðu broytingina í prístalinum hesaferð eins og við seinastu uppgerðunum undan hesari. Men eisini er stórur prísvøkstur á eitt nú tilfari til viðlíkahald av bústøðum. Saman við brennievni til upphiting av býlum telur brennievni til akfør lutfalsliga stóran part av samlaðu nýtsluni hjá einum miðal føroyskum húsarhaldi. Eftir at prísir á hesum vørum minkaðu lutfalsliga nógv fyrsta árið við korunu, eru prísirnir øktir áhaldandi seinasta árið. Prísurin á brenniolju til føroysk húsarhald er seinasta árið øktur heili 40,0 prosent. Uppgerðin av somu vøru fyri 27 ES-lond vísir miðal árligan vøkstur á 43,6 prosent. Høvuðsorsøkin til minni vøkstur í samlaða brúkaraprístalinum fyrstu tíðina eftir at korona gjørdi um seg, var lutfalsliga stóra fallið í altjóða oljuprísinum. Samstundis er lutfalsliga stóri prísvøksturin á brenniolju frá seinastu uppgerðunum ein av høvuðsorsøkunum til tann samlaða vøksturin í prístalinum. Tað er eisini vorðið dýrari at keypa fleiri vanligar gerandisvørur. Matur og drekka er vørubólkurin, sum fyllir mest. Í miðal eru matvøruprísirnir øktir 2,7 prosent í mun til fyrsta ársfjórðing 2021. Tað eru serliga vørur sum matolja og pasta, ið eru vorðnar dýrari, men eisini nýggj og fryst frukt og nýtt grønmeti eru dýrari. Ársbroytingin á eitt nú pastavørum er 7,9 prosent, meðan matolja er vorðin heili 30,9 prosent dýrari seinasta árið. ## Lakari vøkstur enn onnur lond í Evropa Í mun til onnur lond, ið vit vanliga samanbera okkum við, so er seinasta uppgjørda árliga broytingin í brúkaraprístalinum á 4,4% á sama støði sum í Finnlandi, Svøríki og Íslandi. Í Danmark  er árliga broytingin í brúkaraprístalinum nakað hægri á 5,3%  meðan árliga broytingin í Noreg er nakað lægri á 3,5%.   ## Størsti prísvøkstur millum tveir ársfjórðingar Nýggjasta uppgerðin av brúkaraprístalinum vísir eisini, at í miðal eru prísirnir øktir 2,3 prosent í mun til fjórða ársfjórðing 2021. Tað er størsti prísvøkstur, ið er máldur millum tveir ársfjórðingar. Annan og triðja ársfjórðing í 2008, beint undan alheims fíggjarkreppuni, var hesin vøkstur 2,2 prosent. Miðalprísurin fyri fyrsta ársfjórðing 2022 verður roknaður úr prísum, sum fyritøkur og stovnar hava latið Hagstovu Føroya um miðjan februar 2022, og er sostatt beint undan russisku innrásina í Ukraina. Brúkaraprístalið er yvirskipað sett saman av 12 vøru- og tænastubólkum. Tað er ymiskt, hvussu stóra ávirkan ymisku vørurnar og tænasturnar hava á brúkaraprístalið. Býtið av nýtsluni hjá brúkaranum er avgerandi fyri, hvussu nógv vørurnar og tænasturnar ávirka prístalið. 


11.800 gistingar í mars -  23% fleiri enn í fjør

Gistinæturnar vóru góðar 2.200 gistinætur fleiri samanborið við sama mánað í 2021. Gistinætur telja, hvussu nógvir og hvussu leingi persónar gista á gistingarhúsum. Flestu gistingarnar eru í Tórshavnarøkinum. Í mars vóru 95% av gistingunum á gistingarhúsum í Tórshavnarøkinum. Føroyingar áttu gott 4.600 ella 39% av gistináttunum á gistingarhúsunum í mars. Talið av gistináttum hjá føroyingum minkaði við 22% í mun til mars í 2021. Hinvegin tvífaldaðist talið av gistináttum hjá dønum, og talið av gistináttum hjá fólkum úr øðrum londum enn Danmark vaks við 62% samanborið við í mars í fjør. ## Innskrivingar Innskrivingarnar vóru knappliga 5.700 í tali í mars. Tað er 15% fleiri enn í mars í fjør. Innskrivingarnar vísa talið av ferðafólkum á gistingarhúsunum, sama hvussu leingi tey gista. Talið av ferðafólkum úr øðrum londum enn Føroyum og Danmark er farið at vaksa aftur. Innskrivingarnar eru meira enn ferfaldaðar síðan mars í 2021. Tær eru nú yvir 900 í tali, og nærkast nú sama stigi sum í mars 2019, tá tær vóru beint omanfyri 1.000. ## Nýtslustig Nýtslustigið vísir, hvussu stórur partur av tøku kømrunum verður brúktur. Góð 39% av kømrunum vórðu brúkt í mars, samanborið við 29% í mars í fjør. 


Vinningsbýti á 8,5 milliardir krónur árini 2016 til 2020

Fyri at geva eina neyvari mynd av virkseminum og fyri ikki at gera dupultteljingar, eru úrslit av kapitalpørtum, t.e. dótturfeløg og atknýtt feløg, ikki tikin við í ársúrslitunum, ið verða greinað niðanfyri. Nýggju hagtølini vísa millum annað, at úrslitið í høvuðsvinnugreinabólkinum 'Flutnings- og goymsluvinnan' í 2020 var minus 324 mió. kr., ið er 480 mió. kr. minni í mun til 2019, tá úrslitið var 156 mió. kr. í yvirskoti. Úrslitið fyri 'Gisting og matstovuvinnu' var minus 19 mió. kr. í 2020 í mun til 30 mió. kr. í yvirskoti í 2019, t.v.s. ein minking á 49 mió. kr. Í 2020 var úrslitið fyri 'Landbúnað og fiskiveiðu' 499 mió. kr., sum er 551 mió. kr. minni í mun til 2019, tá úrslitið var 1,05 mia. kr. ## Aling á sjónum minni yvirskot Í 'Fiskiveiðu og aling', ið er ein undirbólkur til ' Landbúnaður og fiskiveiða', sæst millum annað, at úrslitið hjá vinnugreinini 'Aling á sjónum' árini 2019 og 2020 var ávikavist 794 og 220 mió. kr. Yvirskotið var sostatt 574 mió. kr. minni í 2020 í mun til 2019. Í vinnugreinini 'Fiskiveiða til ídnað' gekk tó hinvegin, og har var úrslitið árini 2019 og 2020 ávikavist 213 og 222 mió. kr. - ein hækking á 9 mió. kr. ## Onkrar vinnugreinar meint raktar av koronu Nýggju hagtølini vísa harumframt, at úrslitið í vinnugreininini 'Flutnings- og goymsluvinna' í 2020 var minus 324 mió. kr., ið er 480 mió. kr. lægri í enn í 2019, tá úrslitið var 156 mió. kr. Úrslitið fyri 'Gisting og matstovuvinnu' var minus 19 mió. kr. í 2020 í mun til 30 mió. kr. í 2019, t.v.s. ein minking á 49 mió. kr. Í 'Gisting og matstovuvinnu' sæst millum annað, at úrslitið hjá vinnugreinini 'Gistingarstøð' árini 2019 og 2020 var ávikavist 14 mió. kr. og minus 28 mió. kr. í 2019 og 2020 - ein lækking á 42 mió. kr. Úrslitið fyri 'Matstovur, matútbering og gøtumat' var 14 mió. kr. og 9 mió. kr. hesi árini - ein lækking á 5 mió. kr. Úrslitið fyri 'Vertshús, kaffistovur, dansistøð v.m.' lækkaði eisini hesi árini frá 1,3 mió. kr. í 2019 til minus 500 t. kr. í 2020 - ein lækking upp á 1,8 mió. kr. ## Fiskiveiða og aling 3,7 mia. kr. í vinningsbýti árini 2016 til 2020 Í hesi dagførdu útgávuni av roknskaparhagtølunum eru postarnir 'Vinningsbýti' og 'Nettoíløgur' gjørdir upp fyri fyrstu ferð. Fyri at forða fyri, at innanhýsis útlutanir av vinningbýti koma við eru, vinningsbýtini í 'Virksemi í høvuðssæti hjá fyritøku' ikki við í greiningini niðanfyri. Frá 2016 til 2020 vóru tilsamans útlutaðar 8,5 mia. kr. í vinningsbýti fyri allar vinnugreinarnar. Hesi árini hava vinnugreinar innan fiskiveiðu og aling, heil- og smásølu; umvæling av akførum og byggivinnuni útlutað mest vinningsbýti. Uppgerðin vísir, at frá 2016 til 2020 er í vinnugreinini 'Fiskiveiða' útlutað 664 mió. kr. í vinningsbýti. Hægsta útlutanin av vinningsbýti var hesi árini í vinnugreinini 'Aling á sjónum', ið útlutaði 3 mia. kr. í vinningsbýti. Vinnugreinarnar 'Fiskiveiða' og 'Aling á sjónum' hava tilsamans útlutað 3,7 mia. kr. í vinningsbýti árini 2016 til 2020. Í høvuðsvinnugreinabólkinum 'G Heil- og smálsøla; umvæling av akførum' eru eisini fleiri vinnugreinar, ið hava útlutað vinningsbýti árini 2016 til 2020. Hesar eru 'Heilsøla við øðrum matvørum, heruppií fiski, skeljadýrum og bleytdýrum', 'Heilsøla av brennievni og líknandi, í føstum, flótandi og gassformi', 'Heilsøla av timbri, byggitilfari og sanitetsútgerð' og 'Søla av bilum og øðrum løttum motorakførum', ið tilsamans hava goldið út yvir 1 mia. kr. í vinningsbýti árini 2016 til 2020. ## Nettoíløgurnar hægst innan fiskiveiðu og aling Samanbering av nettoíløgum í vinnugreinabólkum vísir, at frá 2016 til 2020 eru flest nettoíløgur gjørdar í høvuðsvinnugreinabólkinum 'Landbúnaður og fiskiveiða'. Her vóru nettoíløgurnar 3,8 mia. kr. frá 2016 til 2020. Nýggju hagtølini vísa harumframt, at bæði 'El-, gass- og fjarhitaveiting' og 'Framleiðsluvinnan' høvdu nettoíløgur somu árini fyri omanfyri 2 mia. kr. Tilsamans fyri allar vinnugreinarnar vóru nettoíløgur fyri 12 mia. kr. árini 2016 til 2020. 


Livialdurin longist alsamt - men stórir munir eru millum heimsins lond

Samanborið við støðuna í 1985/86, tað vil siga fyri 35 árum síðani, so er miðal livialdurin hjá kvinnum nú longdur við 6,9 árum og hjá monnum við 9,5 árum. Munurin millum kvinnur og menn í livialdri, sum tá var knappliga 7 ár, er í hesum tíðarskeiði minkaður niður í 4,4 ár. ## Livialdur frá lívsbyrjan Livialdurin verður kallaður væntaður miðal livialdur, og er tey ár, mannfólk og konufólk í miðal kunnu vænta at liva, roknað út frá tí deyðatíttleika, sum í uppgerðarárinum er fyri fólk í aldursbólkunum frá nýføddum upp til tey elstu. Livialdur verður oftast roknaður frá lívsbyrjan. Tað eru tey ár, sum ein nýføddur drongur ella nýfødd genta í miðal kunnu vænta at liva. Hetta sæst í myndini omanfyri og eisini í vinstru síðu í talvuni omanfyri. ## Eftirverandi livialdur frá 65 árum Livialdur kann eisini roknast sum eftirverandi livialdur. Tað eru tey ár, ein maður ella kvinna í til dømis 65 ára aldri í miðal kunnu vænta at hava eftir at liva. Er mann komin upp í slíkan aldur, er komið um nógvar vandar, sum kunnu vera í yngri árum. Av hesi orsøk leggjast tí nøkur ár aftrat tí livialdri, sum annars er fyri ein nýføddan. Hetta sæst í myndini niðanfyri og eisini í høgru síðu í talvuni omanfyri. Her sæst, at ein 65 ára gamal maður í miðal kann vænta at hava 19,5 liviár eftir. Tað vil siga ein væntaður livialdur á 84,5 ár. Tað eru gott 3 ár longri enn væntaði livialdurin fyri ein nýføddan drong, ið sum nevnt er roknaður til 81,4 ár.   Somuleiðis kann ein 65 ára gomul kvinna í miðal vænta at hava ein eftirverandi livialdur á 22,0 ár. Tað vil siga ein væntaðan livialdur á 87,0 ár. Tað eru 1,3 ár longri enn hjá einari nýføddari gentu, har livialdurin er roknaður til 85,7 ár. ## Stórur munur í livialdri millum heimsins lond Um vit samanbera livialdurin í Føroyum við livialdurin í øðrum av heimsins londum, liggja Føroyar í ovasta endanum. Í talvuni niðanfyri sæst miðal livialdurin, roknaður fyri bæði kyn, í 190 av heimsins londum, sambært UN Population Division. World Population Prospects: 2019 Revision, dagført 15.02.2022 Talvan vísir livialdurin í 1990 og umleið 30 ár seinni (2019-21). Londini sett upp í raðfylgju frá stytsta til longsta livialdur í 2019-21. Longsti livialdurin er í Hong Kong, Macao, Føroyum, Japan og Sveits við 84-85 árum. Síðani koma 32 lond við livialdri 80-83 ár. Her eru øll Norðurlondini, Ísland, Noreg, Svøríki, Finnland og Danmark, umframt Australia, Ísrael og flestu ES-londini. Eitt vet aftari liggja til dømis USA og Kina við ávikavist 79 og 77 árum. Í niðaru helvt eru Russland og Ukraina við ávikavist 73 og 72 árum. Grønland liggur niðarliga á listanum sum nummar 125 við 71 árum í miðal livialdri. Stytsti livialdurin er í nøkrum afrikanskum londum sum Mali, Suður Sudan, Somalia, Nigeria og Sierra Leone, har livialdurin er niðan fyri 60 ár. Livialdurin er lægstur í Sentral Afrikanska lýðveldinum við 53 árum. Stórir munur eru tó eisini millum lond í Afrika, har Algeria og Tunisa hava sama livialdur sum til dømis Kina við 77 árum. Stórir munir eru eisini í Evropa, til dømis 84 ár í Føroyum, 72 ár í Ukraina og 71 ár í Grønlandi. Av tí at tað kunnu vera stórir munir millum londini í einstøkum heimspørtum, kann tað vera misvísandi at vísa til nakað miðaltal fyri heilar heimspartar. Í Ásia er livialdurin til dømis 84 ár í Japan og 65 ár í Afganistan . Í Suður- og Miðamerika er til dømis Kili, har livialdurin er 80 ár og í Haiti 64 ár. Í Afrika er 77 ár í Algeria og 55 ár í Nigeria. Í Kyrrahavinum er hann 83 ár í Avstralia og 63 ár í Papua Nýguinea. At rokna eitt miðaltal fyri livialdur í heimspørtunum kann tí vera misvísandi. Sambært ST og Heimsbankanum er størri samanhangur millum livikor og inntøkugrundarlag og livialdur. ST og Heimsbankin hevur flokkað heimsins lond í 4 nøkulunda javnstórar inntøkubólkar:   \- tey við háinntøkum   \- tey við ovaru miðalinntøkum   \- tey við niðaru miðalinntøkum   \- tey við láginntøkum Hagtølini vísa, at jú betri inntøkugrundarlag, tess hægri miðal livialdur. Betri inntøkugrundarlag merkir betri livikor og betri heilsuviðurviðurskifti, og harvið ein hægri livialdur. Tó at munurin enn er stórur - frá 64 árum í láginntøkulandabólkinum til 81 í háinntøkulandabólkinum - er tað sjónligt, at størsta økingin í livialdri síðstu tríati árini er hjá teimum londum, har livialdurin frammanundan var lægstur. Livialdurin er i láginntøkubólkinum øktur 13 ár, meðan økingin í háinntøkulondunum er 6 ár.   Síðstu tríati árini hevur broytingin verið stór í livialdri í øllum heimsins londum. Um hesi 190 londini verða flokkaði eftir livialdri, sæst at í 1990 høvdu 52 av teimum ein livialdur, sum var styttri enn 60 ár. Nú tríati ár seinni eru bert 12 lond í hesum bólki. Nú er sama tal av londum, 52 í tali, í bólkinum, har livialdurin er 75-79 ár. Tað vil siga ein livialdur, ið er meir enn 15-20 ár longri. 


Útflutningurin til Russlands minkaði í mars

Útflutningurin í mars er nú gjørdur upp, og í talvuni niðanfyri ber til at síggja útflutningin seinasta 12-mánaðarskeiðið samanborið við undanfarna tíðarskeiðið. Meira var útflutt av øllum týðandi fiskasløgum. Útflutningur av laksi vaks við slakari hálvaaðru milliard krónur. Tað svarar til ein vøkstur á 45%. Nøgdin er hækkað nærum 19 túsund tons ella sløk 30% hetta tíðarskeiðið. Næststørsti vøkstur er makrelur. Útflutningurin av makreli vaks 451 milliónir krónur. Tað er ein vøkstur á 65%. Í nøgd vaks útflutningurin av makreli 60%. Útflutningurin av toski vaks 248 milliónir krónur. Tað svarar til ein vøkstur á 32%. Nøgdin vaks 15%. Talvan niðanfyri vísir útflutningin í nøgd frá apríl 2021 til mars 2022 samanborið við undanfarna skeið. ## Útflutningurin til Russlands minkaði í mars - til Evropa hevur hann ongantíð verið hægri Útflutningurin til Russlands minkaði í mars. Útflutningurin í mars var 74 milliónir krónur. Í mars í fjør var útflutningurin 217 milliónir krónur. Hinvegin vaks útflutningurin til Evropa (uttan Russland) munandi. Útflutningurin til Evropa hevur ongantíð verið hægri ein einstakan mánað. Útflutningurin til Evropa var 740 milliónir krónur. Í mars í fjør var útflutningurin til Evropa 445 milliónir krónur. Myndin niðanfyri vísir mánaðarliga útflutningin til Russlands og Evropa. Útflutningurin til Russlands hevur seinastu árini verið nøkulunda javnt býttur millum alifisk og uppsjóvarfisk, men í mars var eingin útflutningur av alifiski til Russlands. Útflutningurin av uppsjóvarfiski til Russlands er ikki steðgaður upp, men er minkaður nógv samanborið við marsmánaðirnar seinastu árini. Í mars var útflutningurin av makreli, sild og svartkjafti til Russlands 17 milliónir krónur. Í mars í fjør var útflutningurin 46 milliónir krónur. Sum sæst á myndini niðanfyri sveiggjar útflutningurin av uppisjóvarfiski væl meira enn útflutningurin av alifiski og er ofta lægri í tíðarskeiðnum frá umleið apríl til august. Útflutningurin av øðrum fiski, sum m.a. fevnir um ídnaðarfisk, herundir lodnu, var 36,5 milliónir krónur í mars. Í mars í fjør var útflutningurin av øðrum fiski 80,9 milliónir krónur. Í mars í 2020 var útflutningurin av øðrum fiski 0,3 milliónir krónur. Vørubólkurin "aðrar vørur" fevnir fyri tað mesta um sølu av olju til russisk skip, ið leggja til kei í Føroyum. Í mars var útflutt 20,4 milliónir krónur av øðrum vørum. Í fjør var útflutningurin av øðrum vørum 28,1 milliónir krónur. 


Innflutningurin vaksin 1,8 milliardir krónur

Innflutningurin í mars er nú uppgjørdur, og í talvuni niðanfyri ber til at síggja innflutningin seinasta 12-mánaðarskeið samanborið við undanfarna skeið. Innflutningurin av brennievni er hækkaður 570 milliónir krónur hetta tíðarskeiðið, serliga vegna hægri prís á brennievni. Tað svarar ein vøkstur upp á 63%. Innflutningurin til beinleiðis húsarhaldsnýtslu er einans vaksin 45 milliónir krónur ella 2,4%. Innflutningurin av maskinum, útgerð og tilfari annars til vinnuna (hav- og landbúnað, fiskavirking og aðra framleiðslu), er vaksin við slakari milliard ella 26%. Vøksturin í innflutninginum av byggitilfari hetta tíðarskeiðið er einans 37 milliónir krónur ella 4,5%. 


13% fleiri viðtalur hjá kommunulækna í 2021 enn áðrenn Covid-19

Samanborið við 2019, tað vil siga áðrenn Covid-19, vóru 13% fleiri viðtalur í 2021. Í mun til árið fyri eru viðtalurnar 1% fleiri. Samanumtikið eru høvuðstølini fyri 2021:   * Í miðal vóru 3,4 viðtalur hjá kommunulækna fyri hvønn íbúgva í landinum. Tá útlendingar eru taldir við, er talið 3,5   * Konufólk vitja kommulæknar oftari enn menn, har teirra partur av viðtalunum er 56% mótvegis 44% hjá mannfólki   * Børn í skúlaaldri vitja kommulæknan minst   * Fólk yvir 70 ár vitja kommulæknan mest, roknað eftir fólkatalinum   * Flestu viðtalur í dagtíð vóru í Suðuroy og Norðoyggjum   * Nógv flestu viðtalur fyri hvønn íbúgva vóru í Sandoyarøkinum og fægstu í Suðurstreymi og Suðuroy Uppgerðin fevnir ikki um fyribyrgjandi ella sonevndar profylaktiskar viðgerðir, so sum koppsetingar, upplýsing um gitnaðarfyribyrging, heilsukanningar av barnakonum og læknakanningar av børnum. Upplýsingarnar, ið Hagstova Føroya hevur frá Heilsutrygd, fevna um virksemið árini 2016-2021 og lýsa býtið av viðtalum í kommunulæknaskipanini eftir bústaðarøki, vakttíð, aldri og kyni. Samband við kommunulæknan umvegis telefon ella teldu er heldur ikki roknað við í yvirlitinum. Tó eru viðtalur, avgreiddar umvegis telefon orsakað av Covid-19 smittuvanda, taldar við. Tær vóru 25.000 í 2020 og 9.000 í tali í 2021. ## Áleið sami títtleiki í øllum økjum, uttan í Sandoyarøkinum Seta vit talið av viðtalum hjá fólki við bústaði í Føroyum í mun til fólkatalið, svarar tað í 2021 til 3,4 viðtalur fyri hvønn íbúgva í landinum. Í 2019 var tað 3,1 fyri hvønn íbúgva. Í øllum høvuðsøkjum í landinum uttan í Sandoyarøkinum er talið av viðtalum fyri hvønn íbúgva á leið tað sama, millum 3,1 og 3,4 í Suðurstreymi, Suðuroy, Norðstreymi og Eysturoy, og 3,7 í Norðoyggjum og Vágum. Sandoyarøkið skilir seg heilt burturúr, har tað vóru 7,4 viðtalur fyri hvønn íbúgva. Tað sæst eisini í talvuni omanfyri, at tað eru stórir munir millum bústaðarøkini, um 2019 verður samanborið við 2021. Í Sandoyarøkinum vóru viðtalurnar 64% fleiri, 23% fleiri í Norðoyggjum, 13% fleiri í Eysturoy og 12% fleiri í Suðurstreymi. Í hinum økjunum var bert lítil broyting - í Vágum var ein minking við 4%. Her skal viðmerkjast, at tað hevur stóra ávirkan, at kommunulækni fer úr starvi í einum øki, og í staðin koma skiftandi avloysarar, eins og tað øvugta, tá fastir kommunulæknar koma í starv. ## Býtið millum vakttíðir Nógv tann størsti parturin av øllum viðtalum, svarandi til 94% fyri alt landið, fer fram í dagtíð, sum er mánadag til fríggjadag millum kl. 8 og 16. Restin er javnt býtt millum A-vakt, sum í høvuðsheitum er um kvøldarnar, og B-vakt, sum í høvuðsheitum er um næturnar og í vikuskiftinum. ## Stórir munir millum høvuðsøkini í landinum Munur er millum høvuðsøkini, tá hugt verður eftir hvussu stórur partur av viðtalunum fer fram í dagtíð og hvussu stórur partur fer fram uttan fyri dagtíð. Serliga skilja Suðuroy og Norðoyggjar seg burturúr við ávikavist 98,5 og 98,4% av viðtalunum í dagtíð, samanborið við eitt nú Suðurstreym, har knappliga 90% vóru í dagtíð ella 10% uttan fyri dagtíð. Hjá útlendingum vóru knappliga 84% í dagtíð og sostatt 16% uttan fyri dagtíð. ## Býtið av viðtalum eftir aldri og kyni Verður hugt eftir viðtalum eftir aldri og kyni, sæst, at stívliga 24 túsund fleiri viðtalur eru við konufólk enn við mannfólk. Býtið er 56% av viðtalunum við konufólk og 44% við mannfólk. Upp til 15 ára aldur er javnt býtt millum kynini, men síðan er størri parturin av viðtalunum við konufólk. Myndin omanfyri vísir stóru økingina í talinum av viðtalum frá 2019 (tað vil siga áðrenn Covid-19) til 2020 og 2021. Økingin er í øllum aldursbólkum oman fyri 10 ár. Størsti munurin millum kynini er í aldurbólkunum frá 20-árunum upp í 60-árini. Teirra millum er aftur nógv størsti munurin í 20- og 30-árunum. Um talið av viðtalum verður roknað fyri hvønn íbúgva í hvørjum aldursbólki, sæst at fægstu viðtalurnar í 2021 eru hjá børnum í skúlaaldri millum 5 og14 ár við umleið 1,5 fyri hvønn íbúgva. Títtleikin so hækkar líðandi og fer upp um 6 viðtalur fyri hvønn títtleika íbúgva hjá fólki eldri enn 75 ár. Talið av borgarum oman fyri 95 ár er sera lítið, og tí sveiggjar teirra títtleiki av viðtalum nógv fyri hvønn íbúga í hesum aldursbólkinum. 


Fólkatalið  veksur framvegis, men við lægri ferð

Fólkavøksturin er minkaður nakað seinastu mánaðirnar. Í 2020 og 2021 lá árligi fólkavøksturin millum 1,4% og 1,6% fyri hvørt 12-mánaðar-skeið, og seinastu 12 mánaðirnar var hann 1,3%. Hetta hómast í myndini niðanfyri, har trendurin vísir gongdina í fólkatalinum síðan 1985. Fólkatalið verður ávirkað av nettoflyting, sum er munurin millum tilflyting og fráflyting, og burðaravlopi, sum er munurin millum fødd og deyð. Talvan niðan fyri vísir, at vøksturin seinasta árið kemur av einum burðaravlopi á 167 fólk og eini nettoflyting á 520 fólk. Íkastið til fólkavøksturin frá nettoflytingini var størri enn í árinum frammanundan. Tilflytingin er vaksin, meðan fráflytingin ikki er vaksin eins nógv. Verri var við íkastinum frá burðaravlopinum. Í mun til fólkatalið er burðaravlopið tað lægsta síðan 1985, tá vit byrjaðu at gera fólkatølini upp sambært Landsfólkayvirlitinum. Lága burðaravlopið seinasta árið kemur av, at færri børn eru fødd, samstundis sum munandi fleiri eru deyð seinastu mánaðirnar í mun til undanfarin tíðarskeið.   Trendurin í myndini niðan fyri vísir gongdina í tilflytingini og fráflytingini. Bæði tilflytingin og fráflytingin minkaðu nógv í 2020. Síðani tá er tilflytingin komin aftur á sama stig sum í 2019, so at gott 150 flyta til Føroya í miðal mánaðarliga. Fráflytingin er eisini komin aftur á sama stig sum í 2019 - gott og væl - og nú flyta gott 110 fólk av landinum í miðal mánaðarliga. Trendurin í myndini niðanfyri lýsir gongdina í tali av føddum og deyðum. Eftir at føðitalið vaks í 2020, vísir trendurin, at tað er aftur á sama stigi sum frammanundan, og nú verða umleið 55 børn fødd mánaðarliga. Talið av deyðum hevur verið hægri enn vanligt seinastu mánaðirnar, og tað sæst týðiliga aftur í trendinum. Trendurin vísir, at nærum 50 fólk eru deyð mánaðarliga seinastu fýra mánaðirnar, og tað er umleið 15 fleiri enn gongdin seinastu árini hevur verið. Burtursæð frá 2020, tá færri fólk doyðu enn frammanundan, hevur gongdin verið, at millum 30 og 35 fólk doyggja um mánaðin.   


27.800 løntakarar í apríl - 1,8% fleiri enn í fjør

Seinastu tvey árini hevur vøksturin verið avmarkaður. Gongdin í løntakaratalinum hevur ikki verið tann sama sum undan koronufarsóttini, men nú tykist løntakaratalið aftur at vera vaksandi og vøksturin tiltakandi. Tað bendir trendurin á, sum lýsir rákið í løntakaratalinum. Fallið, sum sæst í grafinum, er í aprílmánaði í 2020, tá landið var farið niður í ferð. ## Bæði fleiri menn og kvinnur í løntakaraskaranum Myndin niðanfyri vísir løntakaratalið fyri bæði kyn. Kámu strikurnar vísa løntakararnar í tali, og sterku strikurnar vísa gongdina ella trendin. Í apríl vóru um 14.200 menn og 13.600 kvinnur í løntakaraskaranum. Tað er um 260 fleiri menn og 220 fleiri kvinnur enn sama mánað í fjør. ## Gongdin ymisk í vinnugreinunum Tær báðar myndirnar niðanfyri vísa løntakaratalið og gongdina í teimum fýra høvuðsvinnugreinunum mánaðarliga. Javnur vøkstur er í 'almennari o.a. tænastu' og 'privatu tænastuvinnunum'. Tað hava verið færri løntakarar í byggivinnuni seinastu árini, men trendurin bendir á, at løntakaratalið ikki minkar longur. Innan 'fiskivinnu o.a. tilfeingisvinnu' eru sveiggini í løntakaratalinum størri enn í hinum vinnugreinabólkunum, men síðani aldudalin í 2011 sæst ein greiður vøkstur. Hesi árini er løntakaratalið í hesum vinnugreinabólkinum vaksið við umleið 600 - úr 3.500 upp í umleið 4.100. Talvan niðanfyri vísir løntakaratalið í ymsu vinnugreinunum, sum hoyra undir vinnugreinabólkarnar. Talvan vísir løntakaratalið í apríl í mun til sama mánað í fjør. 


Upplagið av tíðindabløðum minkað úr 46.650 niður í 11.500 eintøk seinastu 20 árini

Í 2001 vóru 16 blaðútgávur um vikuna. Tað árið var upplagið tilsamans 46.450 eintøk. Í 2006 var upplagið tað størsta nakrantíð upp á 50.700. Í 2008 fóru blaðútgávurnar og uppløgini at minka ógvisliga. Blaðútgávurnar minkaðu niður í fimm. Í 2015 var upplagið komið niður á 12.000 eintøk. Í 2021 vóru blaðútgávurnar bara fýra í tali og upplagið 11.500 eintøk. Í 2001 hevði VikuBlaðið størsta upplagið av teimum átta bløðunum við 16.000 eintøkum. Síðani Dimmalætting við 10.000 og Sosialurin við 7.300. Av teimum trimum bløðunum, sum komu út í 2021, hevði Sosialurin størsta upplagið á 5.500 eintøk við tveimum útgávum um vikuna. Dimmalætting og Norðlýsið høvdu eina útgávu hvør um vikuna og eitt upplag á 3.000 eintøk hvør. 


Deyðatíttleikin av krabbameini hjá monnum øktur síðstu 20 árini -  hjá kvinnum er hann minkaður

Nýggjastu tølini um deyðaorsakir vísa stóran mun millum kynini. Nógv fleiri mannfólk enn konufólk doyggja av krabbameini. Av hjarta- og æðrasjúkum er javnari millum kynini eins og av øðrum deyðaorsøkum. Eitt er, at livialdurin framhaldandi økist. Í ár 2000 var væntaði miðal livialdurin hjá nýføddum dreingjabarni 77,4 ár. Nú er hann 82,1 ár, ið er næstan 5 ár longri. Hjá gentubarni var væntaði livialdurin 83,6 ár í ár 2000, og nú er hann 85,6 ár, ið er 2 ár longri. Munurin í væntaðum livialdri hjá einum dreingjabarni og gentubarni er sostatt minkaður nógv í hesum stutta tíðarskeiði. Øktur livialdur merkir millum annað, at talið av eldri fólki framhaldandi fer at vaksa og harvið eisini deyðatíttleikin. Broytingar eru eisini hendar í teimum orsøkum, sum vit doyggja av. Nógv færri doyggja nú av hjarta- og æðrasjúkum, sum var mest vanliga høvuðsatvoldin. Hjá mannfólki er tað nú krabbamein, sum er nógv tann vanligasta deyðaorsøkin. Hinvegin er talið av teimum, sum doyggja av hjarta- og æðrasjúkum nú farið niður í helvt, bæði hjá mannfólki og konufólki. Av teimum tilsamans 363 deyðaorsøkunum í 2020 vóru 167 ella 46% krabbamein og hjarta- og æðrasjúkur. Av teimum 348 deyðaorsøkunum í ár 2000 vóru 227 ella 65% krabbamein og hjarta- og æðrasjúkur. Hetta vísir eina størri spjaðing í deyðaorsøkum, tí aðrar deyðaorsakir, sum í 2020 vóru 35%, eru nú størra helvtin. Tað skal havast í huga, at hesi 20 árini er fólkatalið vaksið munandi og harvið eisini talið av eldri fólki. Frá 2000 til 2020 eru vit vorðin stívliga 6.800 fleiri fólk í Føroyum, 3.500 fleiri mannfólk og 3.300 konufólk. Tað kann tí geva eina rættari mynd at samanbera deyðatíttleikan í ár 2000 og 2020 í mun til fólkatalið. Tað er gjørt í myndini niðanfyri, har vit samanbera deyðatíttleikan fyri krabbamein og hjarta- og æðrasjúkur sum tal av deyðum pr. 1.000 íbúgvar í ár 2000 og 2020. Her er sjónligt, at deyðatíttleikin hjá mannfólki av krabbameini er øktur úr 1,7 fyri hvørji 1.000 mannfólk til 2,2, ið má sigast at vera ein munandi vøkstur. Samstundis er deyðatíttleikin hjá konufólki av krabbameini minkaður úr 1,9 fyri hvørji 1.000 konufólk niður í 1,3, ið hinvegin má sigast at vera ein munandi minking. Hjá báðum kynum sæst stór minking í deyðatíttleikanum av hjarta- og æðrasjúkum, har títtleikin í 2020 er farin niður um helvtina av tí, hann var 20 ár frammanundan. Í myndunum niðanfyri sæst gongdin ár fyri ár frá 2000 til 2020. Hóast sveiggini eru stór frá einum ári til annað, er trendurin kortini greiður.   Spjaðingin av deyðaorsøkum er vorðin nógv størri við, at tær deyðaorsakirnar, ið eru savnaður undir felagsheitinum "Annað", nú koma næstan líka so ofta fyri sum tær báðar høvuðsdeyðaorsakirnar, hjarta- og æðrasjúkur og krabbamein. Hjá konufólki er deyðaorsakirnar undir felagsheitinum "Annað" enntá farnar langt upp um hinar báðar stóru høvuðsdeyðaorsakirnar. Undir "Annað" eru tað ikki nakrar serstakar sjúkur, ið serliga gera meira um seg. Deyðaorsakirnar eru bara meira ymiskar enn tær hava verið. Niðanfyri er eitt yvirlit, ið vísir hvørjar deyðaorsakir eru flokkaðar undir heitinum "Annað". 


Inntøkubýtið nakað javnari

Fleiri mát verða brúkt lýsa árliga inntøkubýtið í einum landi. Tvey av teimum mest kendu eru gini-talið og fimtingslutfallið. Grundarlagið undir mátunum er javnvirðisinntøkan, sum er ein roknað inntøka hjá hvørjum borgara eitt heilt ár. Sí meira um  _javnvirðisinntøku_  (video). ## Gini-talið frá 22,0 niður í 21,1 Gini-talið lýsir ójavnan í inntøkubýtinum í javnvirðisinntøku. Um øll hava somu inntøku, er talið 0, og hevur eitt húski alla inntøkuna í samfelagnum, er talið 100. Í 2020 var gini-talið 21,1 í mun til 22,0 árið fyri.   Myndin niðanfyri lýsir Gini-talið í ES og Norðurlondum. Av Norðurlondunum er inntøkubýtið minst javnt í Grønlandi, har gini-talið er 34,9 (2020). Síðani koma Áland har gini-talið er 27,9 (2019), Danmark 27,3 (2020) og Svøríki 26,9 (2020). Í Íslandi og Føroyum er inntøkubýtið nakað javnari enn í hinum Norðurlondunum. Í Íslandi var gini-talið 23,2 í 2018. Í ES var gini-talið 30,0 í 2020. Fleiri tøl eru at finna í Norðurlendska hagtalsgrunninum. ## Ovasti fimtingurin hevur 2,9 ferðir so nógv sum lægsti fimtingurin í inntøku Fimtingslutfallið ella 80/20-mátið vísir, hvussu stóran part av javnvirðisinntøkuni ovasti fimitparturin ræður yvir samanborðið við tann lægsta fimtapartin. Í 2020 átti ovasti fimtiparturin 2,9 ferðir so nógv sum lægsti fimtiparturin. Í 2019 var talið 3,0.   Talvurnar omanfyri vísa gini-talið og fimtingslutfallið fyri alt landið. Gini- talið, fimtingslutfallið og onnur javnbýtismát finnast í hagtalsgrunninum býtt á aldur, húskisslag og øki. Sí fleiri grafar o.a. á síðuni um _inntøkubýti_ , har greitt eisini er nærri frá allýsingini av fimtingslutfallinum í einum video _._ 


Sami partur í fátækaváða

Talvurnar við hagtølum og hagtalsmátum um inntøkuviðurskifti hjá føroyingum eru dagførdar í hagtalsgrunninum til og við 2020. Fátækaváðin, á enskum "at-risk-of-poverty", er eitt altjóða mát, ið lýsir borgararnar í samfelagnum við lutfalsliga fækstu nýtslumøguleikum. Grundarlagið undir hagtølunum er javnvirðisinntøkan, sum er ein roknað inntøka hjá hvørjum borgara eitt heilt ár. Sí meira um  _javnvirðisinntøku_  (video). Fátækaváðin sigur, hvussu stórur partur av borgarunum í samfelagnum hava eina javnvirðisinntøku, sum er lægri enn 60% av miðjavnvirðisinntøkuni í samfelagnum.   Sum sæst í talvuni omanfyri, so hevur  prosentpartur av teimum í fátækaváða ligið um 10% flestu árini. Tó var eitt fall frá 2018 til 2019 úr 9,9% niður í 7,7%. Í 2020 var parturin av fólki í fátækaváða 7,6%, sum er næstan sama stigi sum í 2019. Atvoldin til fallið frá 2018 til 2019 var einamest, at aldursbólkurin 67 og eldri, sum í stóran mun hevur verið undir hesum markið fór fyri ein part uppum markið í 2019 og heldur seg eisini omanfyri í 2020. Tað vóru einamest tey ið eru 67 ár og eldri, har tey vóru tvey ella fleiri í húski, sum fóru uppum markið í 2019. Hinvegin er støðan hjá teimum støku 67 ár og eldri áleið tann sama í 2020, sum hon hevur verið, har væl meira enn helvtin av teimum enn eru undir fátækaváðamarkinum. Talvan omanfyri vísir samlaða prosentpartin fyri alt landið undir fátækaváðamarkinum, men støðan og gongdin hjá ymsu bólkunum og økjunum er ólík. Fleiri útgreinað tøl býtt á aldur, kyn, húskisslag og økir eru at finna í  hagtalsgrunninum. ## Fátækaváðin í ES og Norðurlondum Myndin niðanfyri lýsir fátækaváðan í ES og Norðurlondum. Í ES er parturin av fólki í fátækaváða 16,7%. Av Norðurlondunum er parturin av fólki í fátækaváða størstur í Grønlandi (2018) og Svøríki (2019), har ávíkavist 16,8% og 16,1% eru í fátækaváða. Fæst eru í fátækaváða í Føroyum og Íslandi. Í Íslandi eru  8,8% í fátækaváða (2018). Fleiri tøl eru at finna í Norðurlendska hagtalsgrunninum. Sí fleiri grafar o.a. á síðuni um fátækaváða, har greitt eisini er nærri frá allýsingini av hugtakinum í einum video. 


Fólkatalið nærkast 54.000

Fólkavøksturin er minkaður nakað seinastu mánaðirnar. Í 2020 og 2021 lá árligi fólkavøksturin millum 1,4% og 1,6%, og seinastu árið var hann 1,3%. Hetta hómast í myndini niðanfyri, har trendurin vísir gongdina í fólkatalinum síðan 1985. Fólkatalið verður ávirkað av nettoflyting (munurin millum tilflyting og fráflyting) og burðaravlopi (munurin millum fødd og deyð). Vøksturin seinasta árið kemur av einum burðaravlopi á 168 fólk og eini nettoflyting á 519 fólk. Í talvuni niðan fyri sæst millum annað, at meðan nettoflytingin var eitt sindur hægri enn í undanfarna tíðarskeiði, so minkaði burðaravlopið niður í helvt. ## Varin vøkstur í nettoflytingini Trendurin í myndini niðanfyri lýsir gongdina í tilflytingini og fráflytingini. Eftir eina minking í 2020 vísir trendurin, at gongd aftur kom á flytingarnar í 2021. Síðani tá hevur gongdin í tilflytingini verið spakuliga vaksandi, meðan gongdin í fráflytingini ikki er vaksin eins nógv. Nú flyta gott 160 fólk til Føroya í miðal mánaðarliga, meðan knapt 115 flyta av landinum. Íkastið til fólkavøksturin frá nettoflytingini seinasta árið var gott 40 fólk í miðal mánaðarliga. Hetta er ein lítil øking samanborið við undanfarna tíðarskeið. ## Burðaravlopið nógv minkað Trendurin í myndini niðanfyri lýsir gongdina í tali av føddum og deyðum. Eftir at føðitalið vaks í 2020, vísir trendurin, at tað er aftur á sama stigi sum frammanundan, og nú verða umleið 53 børn fødd mánaðarliga. Burtursæð frá 2020, tá færri fólk doyðu enn frammanundan, hevur gongdin verið, at millum 30 og 35 fólk doyggja um mánaðin. Seinastu mánaðirnar hevur talið av deyðum tó verið væl hægri enn vanligt. Hetta skiftið sæst týðiliga aftur í trendinum, og seinastu mánaðirnar eru umleið 46 deyð mánaðarliga. Íkastið til fólkavøksturin frá burðaravlopinum seinasta árið var sostatt í miðal 14 børn mánaðarliga. Samanborið við undanfarna tíðarskeið, tá tað tó var hægri enn vanligt, er burðaravlopið seinasta árið minkað niður í eina helvt. ## Størstu kommunurnar vaksa mest í tali Av kommunum vaks fólkatalið seinasta árið mest í Tórshavnar kommunu og hevur nú rundað 22.900. Næststørsti vøkstur var í Eysturkommunu og síðani í Nes, Runavíkar og Klaksvíkar kommunum. Í 12 av 29 kommunum minkaði fólkatalið. Størsta minking var í Sands kommunu. Av bygdunum vaks fólkatalið mest í Tórshavn, Hoyvík, á Argjum og á Toftum, meðan størsta minking var á Sandi og í Runavík. Sí fleiri tøl í talvuni niðanfyri, sum vísir fólkatalið í hvørjari kommunu við tilhoyrandi bygdum 1. mai 2021 og 2022. 


Innflutningurin vaksin 2,2 milliardir krónur seinasta árið

Innflutningurin í apríl er nú uppgjørdur, og í talvuni niðanfyri ber til at síggja innflutningin seinasta 12-mánaðarskeið samanborið við undanfarna skeið. Størsti vøksturin stavar frá innflutningi av brennievni, ið er vaksin 625 milliónir krónur ella 66,4%. Skipainnflutningurin er vaksin 552 milliónir krónur. Innflutningurin av "maskinum o.a. útgerð", tilfari "til aðra framleiðslu" og "rávøru til fiskavirking" er vaksin 899 milliónir krónur ella 28%. 


Útfluttu fyri 10,8 milliardir krónur seinasta árið

Útflutningurin í apríl er nú gjørdur upp, og í talvuni niðanfyri ber til at síggja útflutningin seinasta 12-mánaðarskeið samanborið við undanfarna skeið. Tað er meiri útflutt í flestøllum vørubólkum. Laksaútflutningurin vaks hálvaaðru milliard krónur ella 43%, hóast nøgdin einans vaks 23%. Útflutningurin av makreli er vaksin 77%. Útflutningurin til Russlands er komin niður á 31 milliónir krónur í apríl 2022. 21 mió. kr. stava frá sølu av brennievni til russisk skip.