Wp/gld/Main Page-cn. Main Page （西里尔文字）— Main Page （汉语） 欢迎使用赫哲语（Nanai language）维基百科！ Wp/gld/Main Page-cyrl. Main Page (Кириллица)— Main Page (Китайский язык) Ирусу На̄ни Википедиячи! Суэ на̄ни хэсэдиэни Википедиява ичэйпу. Андана, нирусу гисурэмбэ, ниӈмамба, мэдэвэ, мурумбэсу на̄ни хэсэдиэни. Эгдилэ нирухэмби осини, на̄ни (хэдзэ) хэсэдиэни гэсэ википедиява ангойпу. Добро пожаловать в Нанайскую (Nanai language) Википедию! Эта серия страниц для пробного раздела Википедии на нанайском языке. Ваш вклад в создание нанайской Википедии будет высоко оценен. Просьба о создании нанайской Википедии будет утверждена, когда будет достаточно содержательных статей. Когда она будет одобрена, всё здесь содержание будет перенесено в фактическую Википедию. Поскольку это пробная вики, все статьи здесь необходимо начать с формата Название статьи. Например, статья о Нани – «нанайский язык» – должна называться здесь как На̄ни хэсэни. (Конечно, в фактической Википедии, статья будет с названием, как На̄ни хэсэни.) "Участникам, владеющим нанайском языком, предлагается создать столько высшего качества статей, насколько это возможно." Это главная страница нанайской пробной Википедии. Хэм на̄ни хэсэдиэни Википедияду ичэури All categories of Nanai Wikipedia Все страницы Википедии в нанайском Wp/gld/Албан. Албан боаду гурумбэ дэрийни. Дюлэ найсал нучи хопанди балдичи, гой найсалба ва̄хачи. Тотара поан албансал осини: Никан албан, Балапчи Египет албан, Балапчи Грециэ албан. Тэй гурун долани поани найсал баянди осихачи, гучи тэй дзянгиан осихачи. Эси-тани дюэр минган (193) албан боаду би. Wp/gld/Ама. Ама - пиктэку хусэ най. Туй хисаӈгоми ая: "Амимби". Бай дёӈканду амаду асини - эниэ. Wp/gld/Амба. Амбан — эй согдён-сахарин бэюн. Пурэнду балдийни Амба, эси эгди очини. Ои бичи, эси-тэниэ, тэнг ебэ — Лазо райондуни, Хабаровскай крайду. Тотапи Приморский крайдуэни, Пожарский райондуэни Красный Яр ихон бинигуэ. Амба бидуэни, тэй бэунду эгди нэктэ би. 2018—2019 туэду симата дэӈ-дэӈ би, нэктэсэл хурэн хуэл чочахачи, эм эктэ пиктэку амбан ихондола пулсихэни, эгди индасалба сиахани. Тэй пиктэ эм айӈани сэ̄ни бичи, таони дюэр ини эм индава сиахачи. Wp/gld/Амбан. "Амбан" - эй согдён-сахарин бэюн. Пурэнду балдийни Амба, эси эгди очини. Ои бичи, эси-тэниэ, тэнг ебэ - Лазо райондуни, Хабаровскай крайду. Тотапи Приморский крайдуэни, Пожарский райондуэни Красный Яр ихон бинигуэ. Амба бидуэни, тэй бэунду эгди нэктэ би. 2018-2019 туэду симата дэӈ-дэӈ би, нэктэсэл хурэн хуэл чочахачи, эм эктэ пиктэку амбан ихондола пулсихэни, эгди индасалба сиахани. Тэй пиктэ эм айӈани сэ̄ни бичи, таони дюэр ини эм индава сиахачи Wp/gld/Боа. Боа - эй ялопу, дёгду ана. Тэй хэсэ лоча хэсэдоани абани. Wp/gld/Бола. Буэ хэвэн гэрбуни Болонь, наниди - Бола - сонкта, эгди согдата бэу! Эй хэвэм беэскэ, тэнг эрдэнгэ бэу - тэлунгувэ даи гурунсэл гусэрэхэчи, нёандучи даи-даи гурунсул гусэрэхэчи! Джуенделэ эм эктэвэ, агасални огдади гиаматади олбиндичи, тэй Подали бэунчи(Амурск нынче, напротив города стоит остров Сахаля, тэй Ядася мапангуни) Энэе, энэе гёлими огдади - дюэр огда - эму даи огдаду, мэнэ Ядася тэсини, бая эктэ бичини, хайвада хэм, мэндии олбинди - тэтуэнидэ эгди, ихоранида эгди, полтасал, сэврэмэ босо! Огдададони олгиада бичи, тэнг бая эктэ бичинигуэ! Саманкуни да бичи, нёандуни, тэнг маси эктэ! Найсали тыас, тэй хэвэ киралчини нехэчигуэ, тэй гиаматава ичедигуй! Сим боада бичи, сиундэ гарпай, муэ дэ сим бичи! Айяяй, пукси манга хэдулухэ, вата хайда даила очинигуэ, туй хэдудидуэни, Ядася апуни тухэ, гэ - хэмту най ичехэчи - Ядася нуктэ ана, дилини моло-моло би! Найсали тэйвэ ичерэ, хэмтунэй инектэлухэчи! Иламо хайда, Ядася нуктэ ана!!! Инектэйчигуэ, найсали!!! Гэ, Ядася аякталуха, найсали киралду илисиха, хэм деломаниа очихачи!!!! Нэргуль тэнеэ - най унди тагуй, Болонь ихончи дуэрэм энэми, хэм дёломани очихачигуэ!!! Тэй Ядася, мэнэ дэ, тэнг дёломаниа, боачан очинигуэ! Тэй хэвэнду Болонь, Джуен дякпадоани илиси! Wp/gld/Бури. Бури ― даи хотон, Даи маӈбо кирадоани би, Уссури Да̄доани. Лочади гэрбуни "Хабаровск". Бури Хабаровскай краива да̄лани, чаду краи дяӈгиансал, даламдисал тэ̄сичи. Wp/gld/Бэюн. Бэюн - хуеди даи дяка, пурэнду дуэнтэду балдийни. Поалдоани туй гурбуни даи дякава: нэктэ, амбан, мапа. Wp/gld/Гурун. Гурун - найсал дидя боаду, дидя колиди, дидя хэсэдиэни хисаӈгоми балдичи. Wp/gld/Дава. Дава - согдён согдата, эй Даи маӈбо пиктэди энэйчи. Омиду пиктэвэ ба̄ричи. Давава болоду, хэм нанисал Мангбо кираду бисэли, Мангбо барони ботамди энэй! Балана, буэ амисалпо, колхозаду дёбойдуи, хэм гэсэ Николаевский район барони сусуй бичи - катерсал, пантонсали, оялани огдасали, най тыас энэй бичингуэ! Таду ботам ходипи, эуси хэмтунэй дидюй бичи, согдатади - давади, гэсэ тогой! Сентябрь эйду гэсэ, колхозаду ботай, дёкчи да олбингуй! Давава даусанди тэнг улэ пирпэли бочкаду, тотам колхозаду энюэсэл хонида даи бичи, дегду тани нучилэ би! Хоняда улэ ичедими дэ бичи - хэм дёсал дякпадоани пэулэ эгди, гултухисэл дэ эгди - тыас огасал, нгалама, сигдэ, макори - хэм сэгдеэмэни! Давава, экэсэл хэм дёбогой бичингуэ! Wp/gld/Дада. Дада (нāн. - Дā)- эй Нанайскай район ихонэни Хабаровскай крайду. Эй “Ихон Дада” ихоӈкāн поселение административнай центрэни. Эй населеннай пункт эй поселениеду 1 би. Эй нāни национальнай ихон. Дада ихон Гассинскэй дā ангиа кирадоани би. Эй Дāи Маŋбо ангиа дāни. Wp/gld/Даи маӈбо. Даи маӈбо балдихани Хэнтай хурэнду, Монголия албанду Охотскай намочи хэейни. Дюлелэ нучи бирака дэрэни Унгуйджийн-Гол. Туй тапи они очини гэрбуни Онон Ингода гэсэ хэеми дэрухэни. Мангбокан Шилка очини. Шилка Аргуньди гэсэ хэелухэчи. Туй мангбо Амур очини. Поалдоани маӈбо Россия, Никан албан кирадоачи би Хабаровскай крайду маӈбо кирадоани на̄ни, хэдзэ, гой-гой гурунсэл балдичи. Нанисал упьчисэл, нивхисэд, удэгисэл, негидалсал, никасал, лочасал, монгосал гучи гой-гой найсал. Мангбоду 108 хачин согдатани бии: даи согдата - адин, неандиани нучилэ би- кумду, тотапи лаха - солдатава - хоняда даи! Кэчи, кирпу, таундиа, сахари кари, ауха, амур, качакта, гучидэ би! Эм тангу гочи хамачада хэм согдата, Мангбоду би! Деа таондоани Дава намодиа ирини Мангбо дэрэнчиэни солойни. Ми сарии, тэй Николаевскаду нивхэсэл бивэчи, нянга уелэ Булаваду, Богородсаду - ульчисэл балдичи! Хэсэпу нанисал бунечкэче би! Отолёори хисангой осини, буэ нёандичи диай диава! Тотапи нянга уйси энэй осини Нижний Халбоду, Комсомольскаду, Амурскай районду - буэ, нанисал балдипу! Бунду - кирпу, гэрбуни нучилэби кумдукэ! Онгбохамби, аодя - аоха, бунду дэ! Wp/gld/Джари. Джари — эй Нанайскай район ихонэни Хабаровскай крайду. Эй “Ихон Джари” ихоӈка̄н поселение административнай центрэни. Эй населеннай пункт эй поселениеду 1 би. Эй на̄ни национальнай ихон. Джари ихон - эй Троицкое ихон спутникэни. Троицкое - Нанайскай район административнай центрэни. Джари ихон Да̄и Маӈбо а̄нгиа кирадоани би. Wp/gld/Дубо́вый Мыс. Дубо́вый Мыс эй Нанайскай район ихонэни Хабаровскай крайду.Эй Дубовомысскэй ихоӈкāн поселение административнай центрэни. Дубо́вый Мыс ихон Гассинскэй дā ангиа кирадоани би. Эй Дāи Маŋбо дāни. Wp/gld/Дучиэкэн. Дучиэкэн - сиасин тай дяка, эмун топтокан гучи мо̄ма боӈгал нэмдэ мо̄ди. Дучиэкэнди дярими ая. Wp/gld/Дуэнтэ. Дуэнтэ - боа, чаду манга мо̄ бичи. Гой мо̄ма боа - эй пурэн. Wp/gld/Дярин. Дярин - дилганди хайва-да гисурэури, гой-гой сиасинди таори. Wp/gld/Дяӈгиан. Дяӈгиан - балана тамача найсал гой найсалба оркин-ну, ая-ну тавачи хисаӈгохачи. Эси-кэ хай-да хэм даи, даламди дёбонду, гурунду "дяӈгиан" гэрбусийчи. Wp/gld/Дёбон. Дёбон ― най дихагойба ба̄гори эйвэ эрдэлийчи. Буэ сиагой ба̄гори усимбэ тарипу. Кружокду нучикэндюэнди дёбоми ая. Дяриори, тэпэтэури. Буэ диасилди. Wp/gld/Коли. Коли - хайва найсал тул-тул тайчи. Хони согдатава ва̄ори, хони илгава анговори, хони гиаматава таори Эси-дэ̄ эгди на̄ни коли калайчи: маси яло, лоча колисал би, гучи на̄нисал нёамбачи эгди тэй колива дяпахачи. Эгди найсал хотонсалду гой (лоча) найсал тэечи балдичи. Wp/gld/Лоча. Лоча (Лоча хэсэни: Россия, Российская Федерация)- пэрхидиади диури гурун. Ча̄гдян нантади найсал, лоча хэсэдиэни хисангойчи. Wp/gld/Мапа. Мапа - даи хэрсиури бэюн. Wp/gld/Маӈбо. Маӈбо - эгди муэ элкэ хэейни. Кира алдандолани даи. Маӈгбо тэ̄с а̄мбохани. Даи маӈбо чаӈкай бай маӈбо гэрбусихэчи. Wp/gld/Муэ. Муэ - Хайва омичи. Холмогосидуэчи гэлэйчи. Wp/gld/Най. Най. Найсал мурунку, хэсэку. Нёанчи гурунди балдичи. Дёбойчи. Боава сарилохачи. Wp/gld/Намо. Намо - даи, дарами муэ боа. Чаду муэ даосонди. Хэм ялоду ичи ана муэ. Wp/gld/Нанай хэсэдини газетасални, журналсални. ои "Анюйские перекаты" газетаду на̄ни хэсэдиэни нирухэчи. Эси-дэ нируэси Wp/gld/Нэктэ. Нэктэ - эй кури де̄рао̄-де̄рао̄ бэюн, дуэнтэду балдини. Нэктэ, гиу уликсэни амтаси бичи. Дюлэ нанисал нэктэ талава депчичи. Wp/gld/Поя. Поя - нучи пиктэ дёӈканду. Туй улэсидуэчи хисаӈгойчи. Wp/gld/Пурэн. Пурэн - эй сӣктэку мо ӯрэдоани боа. Wp/gld/Синда (Хабаровскай край). Синда — эй Нанайскай район ихонэни Хабаровскай крайду. Эй Синдинскай ихоӈкāн поселение административнай центрэни. Эй нāни национальнай ихон. Синда ихон Синдинскэй дā кирадоани би. Эй Дāи Маŋбо дāни. Wp/gld/Согдата. Согдата муэду энэйни. Тэй гӯчэ̄н, кэчӣ, дава, адин... Лочи хэсэ "кета" на̄ни хэсэдиэдини "киата". Эй эрдэӈгэ! Wp/gld/Хабаровскай край. Хабаровскай край - эй Россия субъектани. Дюлэхи кира намо гучи Сахалинскай область, да̄дидиа кира Приморскай край гучи Еврейскэй автономнэй область, пэрзи кира Амурскэй область гучи Саха (Якутия) республикэ, о̄чи кира - Магаданскэй область. Хабаровскэй крайду Даи маӈбо би, чаду хэдзэ, на̄ни, лоча гучи гой-гой гурун бичи. Чӯ даи хотон - Бури. Wp/gld/Хотон. Хотон — эгди найсал даи дёгду балдидоари боа, чаду гурун коли бай биаси. Тэй гурун тамача дёбонду дёбойчи, гойдами тачиочиндайни мутэйни. Wp/gld/Хэвэн. Хэвэн - эй муэ боани, хэе абани "Неӈнеду, дюкэ энучини, хэвэнду Боланьду, Сияду - хэм хусэсэл, буэ ихондопо, ботам энэй огдади! Кэчивэ, гой согдатасалба дидянди варичигуэ! Тотапи, тэй вахам согдатава, экэсэл хэм сигдэвэ, таксава ангосисигуэ! Тратаниа, гултухи тыас ловойчигуэ! Эсимдэ туй би, буэ боадупу!" Wp/gld/Хэсэ. Хэсэ - туй гой-гой гэрэн гурун хисаӈгоми ая. Най хэсэни аолиасини. Ялоду надан миӈган (7000) хэсэ би. Wp/gld/Чаи. Чаи - никан боаду аӈгохан дяка. Эйвэ туй тайчи: пэкэси муэвэ чичийчи, тотара ниӈга халачиусу, тотами омиусу! Wp/gld/Эниэ. Эниэ - пиктэку эктэ най. Туй хисаӈгоми ая: "Энимби". Wp/gld/Яло. Яло - хэм боа, поани маӈбо, пурэн, намо чаду би. Хэм на̄.