Reʼbbi

1. Reʼbbi līediz sūr kīndabǟ allõ ȭn, ta kǭpšiz mǭ siʼzzõl ouk ja tei sīņõ eņtšõn pǭʼdõz.
2. Pǟvaļikkizlis sõʼv pǟvan sīndizt täʼmmõn nēļa rebīzpȯigõ.
3. Ne seļļizt knašīd: kūorad näntõn vaimstiz iʼllõ, nanā ja ūld mustād, tabārd vīʼrizt, bet tabār tutkāmõd vāldad, jālgad piškizt, kīndõd pīentõd.
4. Reʼbbi vaņțlõb nänt pǟlõ ja sidām täʼmmõn um rīemzi.
5. Ja reʼbbi arriz näʼgțõ eņtš läpši amād nūrmõd ja mõtsād jelānikādõn.
6. Ta sīetiz eņtš läpši, jūotiz nänt sēmḑaks, laškīz īʼž, ja paʼņ nänt eņtš jūʼrõ maʼggõm.
7. Pakānd ne inīzt.
8. Nänt ǟma nūziz iʼlzõ, nūoliz eņtš nēļa pūogan pēḑi ja lekš pǭʼdõst ulzõ.
9. Pǟvaļikīz sieldõmõst rebīzõn lekštõ sīlmad viʼzzõ.
10. Ta vaņțliz amā immõr ja sūr kūzõ ladās neiz vȯrābikīzt, kis tǭla tagāvarāks sēņi kūoŗiz.
11. “Vȯrābikki, vȯrābikki, tuʼl vaņțlõm mingizt karrizt lapst miʼnnõn sīndizt!”
12. “Pieʼrrõ, nǟd, ku ma līb siskõn sīend oksād tutkāmõ, siz ma ropūb pūstõ mǭʼzõ.”
13. Ja reʼbbi lekš jedspēʼḑõn.
14. Lǟʼb piʼds mõtsõ, tǭmõd vaʼil.
15. Täʼm jeʼdsõ pāistiz jǭra.
16. Īeb jǭra kūolta pǟl paikõl, vaņțlõb vieʼd siʼzzõl.
17. Bet sǟʼl um nǟʼdõb siʼņņi touvõ ja nemē luʼm vāldad pīlad.
18. Vȱigiz täʼm jūʼrõ kalālikki ja kizīz täʼm käʼdstõ: “Mis sa sīʼḑš vȯtšūd rebbikki?”
19. “Ma tulāb siʼn jūʼrõ.
20. Mūpõ ma vȯʼdlõb sīnda killõ.”
21. “Ma tulks kiʼl, bet jālgiņ ma äʼb kǟʼ.”
22. “Siz ma sǭtõb siʼn tagān karnõ, ta tūob siʼn,” kītiz reʼbbi ja kierdõ jūokšiz jedspēʼḑõn.
23. Tuʼļ nurm pǟlõ.
24. Vaņțlõb: riekaigās kiʼv pǟl istāb īrki.
25. Ta purūb vȱlgta, ambidi kõvīstõb.
26. Īr kāipiz rebīzt, ädāgiz täʼmstõ jarā ja pugīz eņtš pǭʼdõzõ kiv alā.
27. “Mikšpierāst sa ūrgizt jarā, īrki?”
28. “Až ma äʼb urgõks, sa sīekst miʼn aʼmnäʼmniz amā pǟkõks, jālgadõks, sūoldkõks ja maksāks ja kǭradõks ja vieʼrkõks.”
29. “Alā kartõ mīnda īrki.
30. Ma sīnda äʼb sīe.
31. Tuʼl mūpõ miʼn jūʼrõ killõ miʼn läpši vaņțlõm.”
32. “Ma äʼb tīeda kunā mūpõ līb.”
33. “Nǟd, tulāb īe, līb piʼmdõ.
34. Sa laškūd maʼggõm.
35. Pieʼrrõ siedā nūzõd iʼlzõ ja tuʼl miʼn jūʼrõ.
36. “Ma sai arū, ma lǟʼb.”
37. Jūokšõb reʼbbi.
38. Nǟb: riekaigās um ätsmingi pōna.
39. Pūtiz käpāks pounõ ja siskīz eņtš sūormõd verīzõks.
40. Siz īʼž pōna vienīz kūʼoḑizõks ja reʼbbi kāipiz jaļgi, maʼggõ ja pitkõ naʼnnõ.
41. Reʼbbi kukīz, īekiz kilgõ.
42. Pīʼlõb ja lǟlamstiz jēngõb, īʼž nǟrbiz jarā.
43. Sis kītiz pīentõ īelkõks: “Mikšpierāst sa neʼi ädāgtõd ja siskād mīnda?”
44. “Ma iz ädāgt,” kītiz tsīļ, “ma magīz ja ni set vīrgiz.
45. Bet nõʼggõld miʼnnõn ātõ vaʼimizt.”
46. Vȯļ pǟvalūojõlēmiz āiga.
47. Pakānd īrgiz īedõ piʼmdõks.
48. Touvõ jūʼrõ sugīzt tǟʼdõd, kārgiz sieldi kū.
49. “Kui kōgiņ ma kǟʼb immõr,” kītiz reʼbbi ja rūoikiz piʼds ūdtõ riekkõ kuodāj, mis vȯļ ku‘oḑiņ.
50. Riekaigās kazīzt kõuvõd, pǟrnad, ǭbõd ja pīʼlgõd.
51. Pūd allõ ta līediz vīž pīʼlgõmaŗŗõ.
52. Võtīz īʼd sūʼzõ, jāmstiz kațki ja iz või mǭʼzõ nīelõ – neʼi appõn vȯļ pīʼlgõmǭŗa.
53. Ta viskīz pǟlõ īenõd mǭʼzõ.
54. Jālgad allõ täʼmmõn sugīz lū.
55. Reʼbbi võtīz sīe vizāstiz ambõd vaʼilõ ja vīž eņtš pōʼdõzõ.
56. Ta ei eņtš kuoʼd jūʼrõ paikõl ja kūldõb: sǟʼl nēļa pīentõ īelkõks nemē niʼgļizt p	pīukizt täʼm lapst.
57. Tuʼlbiz pǟvan immõr rebīz kǭrand tuʼļ kuʼbbõ pǟgiņ kilāliži.
58. Amād tuoitõ täʼmmõn āndõkši.
59. Okš tuoi täud pit mietā.
60. Kūona tsīļõks tuoitõ plädīņi.
61. Īrgandõksõs reʼbbi nutīz nei: Ikš, Kakš, Kuolm, Nēļa. Pieʼrrõ amād īrgizt plädīņd pǟlõ võidõ vȭita ja mieʼdkõks sīedõ ja rebīzt kītõ.