П. ГЛУХОВ
КЕДРОВОЙ ПЕШТЬ
I
Колмо кочкамот Дёбаень Микол ульнесь велень советэнь председателькс. Председательнень велесэ ламо тевть. Оймсима шкаяк Микол а неиль. Эрявсь каявтомс продразверстка, усковтомс волостев пенк. Атятнень эрьва чистэ савкшнось панемс улавс. Сы Микол советстэ кудов, яла теке а кацызь. Вейкесь цёранзо марто эри беряньстэ—председательтеме а явовить. Чии кодамояк авине—мирьдезэ тури, председательтеме мирьдесь киненьгак а кардави.
Не читьнестэ ульнесь велень промкс. Атятне кадызь Миколонь оймсеме, кочкасть лия председатель. Вечки Микол велень тевсэ роботамо ды кудосонть тевтне пупорькшнэме кармасть — роботамс акинень: низэ Маря ниле иесэ церьгаест Палько марто пек ламонь синдеме а кенери. Максынзе Дёбаень Микол советэнь тевтнень Аповниця Иваннэнь—од председателеньтень. Сонсь кавто-колмо чис витинзе-петинзе кудонь тевензэ ды кармась сырьгамо тайгав ур мельга. Анокстызе ружиянзо. Маря пештизе котуманзо кошкседе, пуць сал, тувонь сывель, ванькс пракстат.
Микол саизе кедезэнзэ Пальконь.
— Ну, Палько, моньтемень иля кольне. Молян тайгав, кандан кедровой пешть, урт. Мазы шапка тонеть статанок.
— Тетяй, кедровой шишкаяк туят?
— Туян. Покш шишка кандан—пеште марто.
— Микол ёвтнизе Марянень, мезе эряви теемс кудонь перька, серьгединзе кисканзо ды сырьгась вирев.
Омбоце недля Дёбаень Микол тайгасо. Аламо те сёксестэнть уртнэде. Нать кизна вирень пожартнэ васов панизь уртнэнь. Микол чавсь ансяк сядошка ур. Ней капши мекев кудов. Ютась уш уронь чавнома шкаськак. Читне экшендясть. Течи-ванды лов. Пувить якшамо вармат. Прок якшамодо сормавозь, лопавтомо сорныть Сибирень тоща килейтне. Ансяк пичетне, кедратне ды кустнэ аштить лембестэ оршазь. Сынь а пелить сёксень кежей варматнеде, а пелить Сибирень телень якшамо читнеде. Юты Дёбаень Микол вирьганть ружия марто. Копорьсэнзэ сюлмазь котумазо. Бокасонзо *содозь вишка ведрынезэ. Икелензэ чиить кавто кисканзо—Бертяз ды Волчок. Бертяз сырець уш. Чийнеме а вечки. Волчок кискась од. Друк кирнавтнезь чийсь Волчок кедра чувто алов. Кармась онгомо. Бертязгак прок удомсто сырьгойсь, чийсь тозонь, Тайгань келес кавонест онгить. Чийсь мельгаст Миколгак. Кедрань тарад ланксо вере ур неяви. Саизе Микол кедезэнзэ ружиянть, лець. Велязь-велязь прась алов якстере пуло марто мазы урнэ. Пулинесь вицтэ сельмс понксь. Ваткизе Микол кеденть. Сывеленть явтызе кавтов ды ёртызе кискатненень. Уронь кеденть тонгизе карксонзо экшс.
Озась Микол сяворезь чувто ланкс, таргизе пипканзо, кармась таргамо. Арьсезевсь семиядонзо. Тошнакаць Палько мельга, Пешть эряви пурнамс Пальконень, — арьси Микол.
Стясь, кармась пурнамо кедра-шишкат. Сорновць вейке чувто, верьде ламо прасть шишкатнеде. Вачкинзе сынст ве куцяс, сайсь эчке тарад ды кармась тапамост. Шишкатне коськ, пештне певерсть куроксто. Пурнынзе пештнень мешокс. Сельмезэнзэ понксь вейке мазы покш шишка.
— Вана косо Пальконень гостинецесь. Вана радуви... Микол путызе кедра-шишканть мешокс, уронь кетьнень вакс.
— Ну, Волчок, месть кеверькшнят, айда икелев,—пшкаць Микол кискатненень,
— Мейсь келеть нолдык, Бертяз? Сизить, нать. Ванды кудосо ульдянок, кармат оймсеме.
Бертяз прок чаркоць, мезде корты Микол. Варштась азоронзо ланкс ды пулонзо юхаезь кармась онгомо. Сонськак Микол пек сизесь. Тайгасо китне арасть. Течи чоп савсь якамс лутконь-латконь, кундонь-кандонь трокс.
Куйсть сэрей пандо пряс. Васов перть пелев 'неяви. Ков а варштат, яла вирь. Тайганть прок лезэяк косояк арась. Алкукскак, ютак те таркастонть пелеве ёнов сядо вайгельбеть, эрицят а вастат: ютак ветесят, тысча вайгельбе—виренть пезэ яла а машты. Касыть чувтнэ сядонь-сядонь ие, ломань узерень апак варша. Пингест печтясызь—сяворить, наксадыть. Кулозь чувтонть кияк рунгонзо а токасы. Чуросто ансяк охотник эли овто эскельди троксканзо.
Чизэ кармась чопотеме. Нусмакацть чувтнэ, прок кежейстэ ваныть ютковаст молиця ломаненть ланке. Микол соды, аволь васоло те таркастонть лей чиресэ ули кудыне, козонь лотксить удомо охотникт ды кедровой пеште мельга якиця ломать. Валксь Микол пандонть алов,муизе кудыненть. Канць коське тарат, тейсь кудонть куншкас тол. Ведрынензэ ведь марто ладизе тол вельксс, сонсь маць нар ланкс. Кисканзо ушосот,
Друк Бертяз ды Волчок кармасть онгомо. Лиссь ушов Микол. Марясы аволь васоло тожо киска онги. Аламос аштезь, чувтнэ ютксто лиссь ломань киска марто. Ломанесь сэрей, здоров, сакалонзо раужот.
— Шумбраят!—эчке вайгельсэ пшкаць ломанесь.
Микол ваны лангозонзо, косто бутн некшнизе ломаненть, мельс кодаяк а леди.
— Тон аволь Керязь- пиле Тёпунь, цёразо?—кевкстизе Микол.
— Сон. Чей тельня эщо улавс I якияь тынк велес. Тон сестэР председателысс ульнить. Лемем Кирё.
Совасть кавонест кудынентень.
— Тонть чаетькак уш путозь,—мерсь Кирё.—Парсте минь течи ярстанок. Монь, ванат, сувозеем чавозь ули. Ваньськавт эйсэнзэ, мон молян ведь кандан. Микол кармась сувозеенть ваньськавтомо. Кирё канць ведь. Сувозееньть путызь пидеме.
— Микол, тонь улить табакот?
— Таргак, монь ламо эщо кисетсэнть.
— Вана косо таланось. Мон кисетам козонь бути ёмавтыя. Омбоце чи якан апак тарга. Превстэнь таргамось чоп а лисьни.
— Микол, тон умок кудосто?
— Омбоце недля якан тайгава.
— Э..! Тонтеметь нать весе тевтне ульнесть велесэнк?
— Кодат тевть?
— Ютась недлясто велесэнк бандит I ульнесть, маштызь председателенть.
— Ну!?. Тон косто содат?—Микол мик ловташкаць.
— Велесэнек тынк велень ломать ульнесть, ёвтнесть. Паро-араселеть кудосо. Тон коммунисту—васняяк тонть чавовледезь.
— Вана сволочт кадат! — кроязевсь МиКол. гСынь яла истя эцить тайга ало глухой велетненень*
— Те Лапшов чей отрядонзо марто пани мельгаст,—мерсь Кирё.—Тунда Донскоень бандазо лоткакшнось минек вакснэ Бессоновка велес. Колмосят ломать ульнесть бандитнэде. Пачкоць куля бандитнэнь кувалма Лапшовнэнь. Сон колоньгемень ломань марто ашолгадмо ланга кода эци виренть ёндо веленть ланкс! Бандитнэ арьсесть сядошка ломань эцить лангозост. Удомоет пачк ки ков понксь орголесть. Сестэ чавсть бандитнэде кемнилее ломань ды колоньгеменьшка лишметь сайсть. Якстереармеецнэ бандитэнь лишметнень весе явшизь бедной эрицятнень ланга. Бандитнэде пелезь, васня эсть сайть ломатне лишметнень. Мейле вейкесь веши, омбоцесь веши. Паро улевель максовольтьдеряй моненьгак лишме. Монь лишмем нуйма ланга кулось, ней пе сась лишмевтеме. Рамамс— вием а саты.
— Кирё, тон эзить маря монь семиядонть, мезеяк эсть тейть мартост бандитнэ?
— Арась, Микол, мезеяк эсть корта семият эздэ.
Миколонь седеезэ кармась ризнэме: шумбрат ли кудосонть? Эзизь машт ли бандитнэ?
— Вана шкат састь — велева фронт теевсь!—таго кармась "Кирё кортамо. Мон пелян ней винтовка марто ломаньде. Ве ёндо ваномс—а содави ломанесь: та миньсинек—-якстере, та бандит. Марить, чей, кизна Рютина велесэ мезе ульнесь? Недлячистэ пурназель велень промкс. Продагентэсь кортнесь каявкснэнь кувалма. Совасть промкс кудос колмо военной ломать винтовка, револьвер марто. Грутьсэст якстере панкскеть. Вейкесь сэрей, рижой, парсте оршазь. Те рижойсь ютась икелев. Здоровась атятнень марто ды кевксць: „Ули тесэ кияк коммунист, монень эряволь мартонзо кортамс бандитнэнь кувалт?" Продагентэсь мерсь: „Тесэ мон ансяк коммунистан". Мейле рыжойсь мери „Тон аздасамак киян мон? Мон бандит Чернов". Весе атятне тандацть. Продинспектордонть аместь кортамскак. Саизь сонзэ, ливтизь ушов ды маштызь. Васня пек муцясть эснэнзэ: кедензэ керизь, сельмензэ таргизь. Мейле, кода куловтызь, ёртызь Ангара лейс.
Кире варшизе ямонть,
— Ямось пись, давай ярстанок. Кирё саизе толонть вельксстэ ямонть. Пуць коське тарат толонть ланке—седе валдо улезэ, ды кармасть кавонест ярсамо. Кода ярсавсть, Кирё ловажатнень каинзе кискатненень. Совась мекев.
9 — Весь паро. Маниньдясь. Таргатанок, Микол, эщо весть вензэ ланке.
Микол таргизе кисетэнзэ. Пештизь табакто пипкаст, Миколнэнь пипказояк эзь прядовт — сизимань пачк сеск матидевсь. Матидевсь курок Кирёяк. Кискатнеяк ушосо маднесть кудыненть ёжова.
Весь маней. Менелесь пешксе тештеде, пельиеяк косояк а неяви. Тайгась оймась. Чувтнэяк прок удыть. Маряви ансяк аволь васоло кр-кр, кр-кр сыре чувто нури ды, вишка эйкаш лацо, аварьди покш пря корш.
Эщо тештнеяк эсть кенерть менельстэ кекшеме, кавонест охотникне ульнесть уш пильге ланксо. Сынь лакавцть чай, ярсасть аламнеде ды сырьгасть эрьвейке эсь кияванзо. Микол кисканзо марто тусь кудов, Кирё тусь эщо вирьганть якамо.
II
Обед малав Микол пачкоць велес. Муя веленть весе ниленьгемень кудонзо аштить Муя леенть кувалт. Ало педе аволь васоло ашти Дёбай Миколонь кудозо, Микол капши, юты веленть удалга. Кирёнь ёвтниматнеде мейле Миколонь седеезэ а таркасо. Вана сонзэ кудынезэ. Совась кардайс. Латало ашти лишмезэ. Лйшмесь ве ёндо содызе азоронзо, кодак неизе—цяхазевсь. Микол мольсь лишменть ваксс, хлопаизе грива ланга ды совась кудос.
Маря столь экшесэ озадо, варьгат коды. Палько кудосонть а неяви. Маря кода неизе
Миколонь, варьганьтькак ёртызе эземс.
Палько, ваныка ки сась.
Палько лиссь цюлансто, чиезь чийсь тетянзо ёнов:
— Тетям сась!..
— О, кода тон касыть. Аштек гостинецть максан теть.
Микол саизе лавтом ланксто котуманзо, путызе ружиянзо уголс, каинзе суманензэ.
— Вана, Палько, тонеть кедровой пешть. Ве коморсо Микол пештизе Пальконь элензэ пештеде.
— Шишка эзить тук, тетяй?
— Туинь, кода эно...
Микол таргизе котумастонзо кедровой шишканть. Радувась Палько, пештензэяк элестэнзэ чамдынзе эземс, кармась ур лацо налксеме шишканть марто.
Мейле Пальконень лець мелезэнзэ сонсинзэ од кулязо.
—; Тетяй, адяка невтян теть мезенек ули.
— Невтика, мезеть истя ули, — мерсь Микол ды мольсь цёранзо мельга цюланс. Палько комась, варштась потмар алов ды салава тетянстэнзэ:
Удыть...
Микол ваны — потмар ало левксэнзэ марто псака мадезь ашти. Левкснэ сокорт эщо.
— Эге-ге, мезеть улить! Илить токше. Палько, кадык удыть.
Маря пурнась обед. Микол прок верьгиз вачомсь, озась ярсамо. Маря кармась ёвтнеме, кода Миколонь туймадонзо мейле сакшность велес бадитнэ ды кода маштызь председателенть.
— Паро се шкане вирьсэлить — маштовлидизь тонть. Марясть тайгав туить, эсть вешнеяк эйсэть.
— Ней а марявить косот бандитнэ?
— Арась. Ютась недлястонть, ёвтнесть ломать, турсть сынь Усть-Уда веле вакссо. Тосо сынь арьсекшнэсть кооперативенть ды заготконторанть грабамо ды эзизь нолда. Пек, коля, турсть.
— Кинь ней председатёлькс аравтызь Иванонь таркас?
—- Атятне таго тонть аравтыксылидизь. Знярс кочксизь Цинай Игонь.
— Эх, жаль Каряз Иван. Месть карми ней тейнеме низэ колмо эйкакш марто?
Ярсамодо мейле Микол маць таркас оймсеме. Палько куйсь ваксозонзо. Миколонь ёжозо паро. Кудосо весе шумбрат, семиянзо марто меньгак берянь арасель. Тайгастояк аволь чаво сась. Комсь урт пани разверсткас, колоньгеменьшка ур максы кооперативс порохонь ды лия долконь кис. Кадовить уртнэ эщо мезень-мезень рамамскак.
Маря столенть нардызе ды лиссь кардазов. Микол кармакшнось уш матедевеме. Чиезь чийсь Маря кудос.
— Микол, стяк седе курок! Веленть пелев ласте ардыцят неявить: та якстереть, та бандит., Курок пачкодить...
Микол ёртозь ёртовсь таркастонть. Седе курок тонгинзе лембе кемензэ ды прась вальмантень. Нейсы-окульцятнень виц пачкодить ластетне.
— Неть бандит, Маря! Таргик седе курок винтовкам. Ков кекшемс? Кардайсэ — аков, вирьс чиемс, пиреванть чиемстэ нейсамизь. Каськас кекшан. Велесэнть а содыть вирьстэ самодон. Бандитнэ кармить кевксниман —мерьть тайгасоян.
Вальмаванть неявить ульцява ардыцят. Маряви лоткасть зняро бутим ломать Миколонь кудонть икелев. Панжизь ортатнень. Бертяз ды Волчок онгить совицятнень ланкс, а нолдыть кардайс. Маряви, Волчок цийнеме кармась, нать, пек керизь ногайкасо.
Микол седе курок валксь каськас.
— Маря, максык монень уртнэ марто мешоконть ды ружиянть.
Маря чийни кудованть. Палько не тевтнень ланкс ванозь чаркоць, тевтне аволь парт—кармась аварьдеме.
Ансяк кенерсь Маря каська-кенкшенть Микол мельга пекстамо, кудос совась винтовка марто ломань. Оршазь паро шинельсэ, бокасонзо револьвер. Ломанесь алкине, усанзо ды сакалонзо ваньксстэ наразь, Мельганзо совасть эщо кавто ломать. Вейкесь сэрей, рябой. Омбоцесь сакалов, рижой. Кавонест кецэ винтовкат, карксозост содозь кавтонь-кавтонь гранат. Ансяк совасть кудос, револьвер мартось вицтэ Марянень:
— Мирьдеть косо?
— Арась кудосо, тайгав тусь...
— Кенгелят! Ёвтак, яла теке мусынек. А ёвтатдеряй, машттадызь.
— Месть кенгелемс? Учан вана эйсэнзэ, не читнестэ самаль уш тензэ.
— Чиеде кардайс! — мерсь револьвер мартось,—вешнинк седе парсте.
Кавтотне сеске лиссть. Курок мекев мурдасть.
— Господин взводной, арась кардайсэ косояк, весе таркатнень ваннынек. Каськас эзь кекшт ли сон.
Празь прась Марявд» седейзэ. „Мусызь бандитнэ Миколонь, маштнисамизь весе",— арьси Маря,
— Меринь тенк арась кудосо—вирьсэ сон! Эцеде каськаскак...
— Панжик каськанть!—серьгець сакалов бандитэсь Марянень.
Марянь кедензэ-пильгензэ кармасть сорномо, тандаць, сонсь тандадыкс пря а невти.
— Кепедик каська кенкшеньть, — таго сергець секе бандитэсь.
Маря панжизе каськанть.
— Ванодо!
Сакало марто рыжой бандитэсь комась, ваны каська варяванть.
— Тон каськас эцек! — мерсь тензэ взводнойсь.
Бандитэсь пелезевсь чопуда каськас валгомо.
— Арась, тосо а неяви, алкукскак нать, вирьсэ. Пекстык каськанть.
Маря путызе каська кенкшенть. Шождынестэ таргизе оймензэ.
— Андымизь мездеяк! — мерсть Марянень бандитнэ.
Маря радувась — бандитнэ каськас эсть эце, мирьдензэ эзизь мук. Эряскадозь *) кармась путомо самавар. Каштомсто таргась сьшель ды путызе столанкс.
Палько озадо ашти кашланксо **). Васня сон -пек тандадокшнось. Мейле вансы аванзо эзизь чавт. Лоткась аварьдемеде, кармась чулгонеме пешть.
Маря путызе столанкс самаваронть. Бандитнэ котумастост таргасть сахор ды озасть ярсамо. Палько ваны кашланксто ломат-
*) Эряскадозь—капшазь. **) Кашланго—пецька ланго.
нень ланке ды яла пелезь ашти. А вечкевить тензэ не ломатне, кежевть, сахоросткак ули, Пальконень а максыть. Пальконь мельсэнзэ ашти: умок, кизна эщо совсесть тенст колмо салдат ружия марто. Сетнень весемень картузост ланксо педявтозельть мазы-мазы якстере лентат. Вадряльть ломатне. Палько марто яла налксесть. Сахор сонензэ макснесть. Тантей сахорось. Вейкесь якстере лентаяк макссь Пальконень. Тетязояк сетнеде эзь кекшекшнэ. Вечкевсть Пальконень салдатнэ. Неть вана а вечкевить. Палько Ьаршты лангозост кашланксто ды мекев уголс эци. Кедровой шишканзояк кекшизе эстэдест ташто лембе кем поц.
Пальконь авазо ведра марто лисиксэль кудосто. Палько ^судонь келес кармась рангомо.
—- Тон мейсь аварьдят? Кода тонеть а вис^кс?—^^мерсь рижой сакало марто бандитэсь. Стясь столь экшстэ, мольсь Палько ваксс,
— Вана сахор теть, иля аварьть ансяк... Палько сельведень пачк.саизе сахор по-
коленьть, кармась поцемензэ.
— Паро цёрась —- а й'аварьди. Кода леметь?
«— Палько...
Бандитэсь неинзе кедровой пештнень.
— Пештеть зняро! Макета моненьгак аламнешка пешть. Палько коморнэсэнзэ максь бандитэнтень ветешка пешть. Бандитэсь несынзе- -пештне аволь умок вирьстэ туезь— апак костяяк.
Пальконень рижой сакало марто ломанесь марявсь аволь беряньгак: а тури, сахор вана макссь тензэ. Палько кармась мартонзо кортнеме:
— Мейсь тынк якстере лентанк арасть? ёмавтынк штоли?
— Превтемеят, цёра,—пеедезевсь бандитэсь. Лентатнень минь ёмавтынек.
— Ков ёмавтынк?
— Вирьс ёмавтынек.
— „Невтемс эряви ломанентень кедровой шишканть,—арьси Палько,—эзь некшне, чей, сон истямо мазы шишка". Палько таргизе кемь поцто шишканть.
— Монь вана мезем ули.-
— Эге-ге, кодамо покш ды мазы шишкась. Косто саик сонзэ?
—- Тетям тайгасто туизе. Нона бандитнэ маризь не валтнэнь. Ярсамодояк лоткасть, кунсолыть. Рыжой бандитэсь пееди.
— Кенгилят тон, Палько. Тетят араськак кудосо.
— Кудосо, сон каськасо.
— Мариде?—мерсь рыжой сакало марто бандитэсь.—Коммунистэсь каськас эцесь.
—У-у, сволоч!—буркстась револьвер мартось,—минь сошаэ тосто таргасынек.
Бандитнэ стясть столь экшстэ, саизь винтбвкаст.
Палько зйкакшонь превсэнзэяк чаркоць— беряньстэ тейсь ды кармась аварьдеме.
Те шкйне совась кудос Маря ведра марто.
— Мирьдеть эйсэ кекшнят, стерва! — сергець лангозонзо рыжой бандитэсь,—каськасо сон, тон сёпат эйсэнзэ!
Тулкадизе Марянь. Маря прясонзо кенкш косякс эшкевсь, ведрась прась кецтэнзэ. Ведесь киякска валовсь.
— Каськанть пайжомс!—серьге ць револьвер мартось.
Сэрей рябой бандитэсь панжизе каська кенкшенть.
— Э> тон якстере сволоч, листь каськастонть. А лисятдеряй, кудоткак пултасынек.
— Эряви граната тов ёртомс,—мерсь рыжой бандитэсь.
Микол кода валксь каськас, маць чопуда уголсо модамарь куця экшс. Винтовканзо ладизе каська кенкшенть ёнов. „ Ансяк эцест каськас,—арьси Микол: вейте-вейте весе чавносынь". Кода панжизь кенкшенть, Микол кеместэ кундызе винтовканзо. Учи...
— Граната ёртомс, граната!—мари Микол кудостонть.
Те шкане ульцясо кудонть икелев виевстэ арць ласте ломань. Стукаць вальмантень:
— Лиседе седе курок — якстеретьне сыть!—сергець тандадозь вайгель ды седеяк пек ардозь тусь ульцяванть.
Веленть пестэ, марявсь, кармасть леднеме.
Колмонест бандитнэ чийнить кудованть: капшазь оршить шинелест, вешнить шапкаст.
— Ёртодо каськас гранатат! — сергець револьвер марто бандитэсь, сонсь пря каясь ушов. Сэрей рябой бандитэсь юкстизе карксстонзо гранатанть ды ёртызе каськас.
— Адя седе курок кудостонть! — сергець рыжой бандитэнтень.
Кавонест кирнявтозь кирнявцть кенкшканть кудыкелев.
Гранатась прась каськас модамартнень юткс. Капшамонь пачк бандитэсь стувтызе гранатастонть кольцянть таргамо. Гранатась эзь сезевть. Микол седе курок чийсь каська варянтень, кона лисиль кардайс. Варись нула-валасо потомдазель. Панжизе варянть, ладизе винтовканзо, ваны кардайс. Нейсы: револьвер марто бандитэсь ласте озась уш ды кармась ардомо ортатнень пелев.
Микол сметясь лангозонзо. Бах!.. лець. Бандитэсь пряс понксь: аволдавсь кетьнесэ ды винтовканзо марто ресьтедевсь мастор ваксс. Рижой бандитэнть лишмезэ а йашти, бандитэсь ласте а озави кодаяк. Зэрь!— Микол лець омбоцеде. Рижой бандитэсь понксь копорьс. Пултокс сяворсь бандитэсь. Лишмесь ардозь тусь ульцяв... Рябой сэрей бандитэсь, кона ёртызе каськас гранатанть, лишмензэяк кадызе латалов содозь, вицтэ чийсь ульцяв.
Велесэнть кепетець покш шум. Бандитнэ, кона ласте, кона ялго оргодить виренть пелев. Аволь ансяк веленть ютксо, пиресэнтькак, маряви, кармасть леднеме. Микол вансы ульцяванть чиить якстереармеецт. Седе курок лиссь каськастонть ды чийсь ушов. Понавсь сонгак якстереармеецнэнь юткс и кундась леднеме бандитнэнь мельга. Бандитнэ вергиз лацо оргоцть вирентень.
* *
Маря течи колмоцеде столь пурны. Миколнэнь совасть инжеть: Лапшов ды эщо кавто якстереармеецт, Лапшов ялгась сэрей, раужо, сельмензэ ваныть пштистэ. Сакалонзо ваньксстэ наразь, кадозь ансяк нирькине усынеть.
Маря марто Миколт аздытькак, кода седе парсте каванямс вечкима инжетнень. Маря рестась сывель, таргась велькс марто топо.
Якстереармеецнэ налксить Палько марто, кортнить мартонзо. Палько ванны кодат мазыть якстере лентат сюлмазь шапказост, кедровой пештензэяк стувтынзе.
Лапшов саизе Пальконь кавалалдо ды потолокс кепедизе:
— Палько, той большевикат?
— Аволь. Мон коммунистан
Весе пейдезевсть. Те шкане кудос совась якстере армеец.
— Камандир ялгай, эщо кавто бандит кундынек ды колмо лишметь камбраз марто понксть. Монь лишменть лавтом лангонзо пек чавовсть, мерят чей полавтомонзо бандитнэнь лишме ланкс?
— Бандитнэнь пекстынк весе ве таркас!— мерсь камандирэсь. Ванстодо эйсэст седе парсте. Эряви улавт вешемс советстэ ды виемс бандитнэнь ошов.
— Иляст орготь ки ланксо!—мерсь якстере армеецэсь.
— Оргодеме кармитьдеряй, якстереармеецнэ иляст удо—винтовкаст кецэст. Кундазь лишметнень мон монсь мейле вансынь. Седе партнэнь сайсынек эстенек, берятнень явшесынек велев беднойтне ланга.
— Кувать тесэ аштитянок?
— Аволь. Лишметнень анцынек ды сырьгатанок.
Якстереармеецэсь; лиссь кудостонть. Лапшов ялганзо марто озасть ярсамо. Эсть кенерть эщо якстереармеецнэ столь экшстэнть стямо, Микол несы ульцява кавто улавсо ускить бандитнэнь. Колмонь-колмонь бандит озадо эрьва улавсонть. Улавтнэ вакссо ласте молить ниле якстереармеецт. Микол ваны вальмаванть: вейке бандитэсь тензэ прок содавикс. Те бандитэсь улавсонть озадо ашти Миколонь кудонть ёнов удало пельде. Чамазо Миколнэнь парсте а неяви. Бандитэсь велявтызе прянзо ды варштась Микол ёнов. Микол дивадо пешкець. А
I — Те Тёпунь Кирё. Кода сон понксь бандитнэнь юткс?—арьси Микол.
— Лапшов ялгай, лоткавтытькак улавтнэнь. Вейке ломань, неяви, стяко понксь бандитнэнь юткс, сон аволь бандит.
— Азё чийть, сергець тенет, лоткаст!— мерсь Лапшов вейке якстереармеецнэнь.
Якстереармеецнэ кавонест чиезь тусть ульцяв. Улавтнэнь лоткавтызь. Камандирэсь Микол марто лиссть кудосто. Ваны Микол, алкукскак улавсонть озадо Кирё, конань марто сон ютась венть вейсэ печтизе тайгасо.
— Тон кода понгить тей?—кевкстизе Микол.
Кирё радувась: неизе Миколонь.
— Тон содасак те ломаненть? — мерсь Лапшов Миколнэнь.
— Кода эно? Ютась венть минь вейсэ тайгасо удынек. Сон аволь минек велень. Эри пек беднойстэ—лишмезэяк арась.
Улавтнэ бандитнэнь марто сырьгасть икелев. Кирё кадовсь.
— Евтник» кода тон истя понгить бандитнэнь юткс?—кевкстизе Микол.
— Мон тондеть мейле аволь куватьс якинь тайгаванть ды сырьгинь тынк веленть ланга кудов. Ансяк карминь вирьстэнть лисеме, маряса велесэнть леднить. Кекшинь седе васов. Мейле, кода оймасть леднемеде, карминь вирь чиреванть ютамо. Ванса: монь пелев ве ломань чии, мельганзо кавто ласте панить. Мон вирь поц чиезь туинь, ружиямгак тарад алов ёртыя. Ласте ардыцятне кармасть леднеме. Чиицянть чавизь. Редимизь моньгак. Кармасть мельган панеме. "Кода ледить мельган винтовкасо, мон лоткинь ды кедень кепединь, арьсян: куть чийть, куть иля—яла теке сасатадызь ды ломатнеяк, арьсян, паряк, миньсинек. Арцть ваксозон. Ванса, ломатне алкукскак миньсинек—якстереармеецт, якстере лентат шапкасост. Кортан тенет:
— Мон аволь бандитан. Сынь а кемить: „Мейсь, кортыть, эно чиить пек эстэденек? Эрьва бандитэсь, кода понги, сёпи эсь прянзо ды кецэтькак неинек ружия ульнесь". Ветимизь велес ды озавтымизь монь бандитнэнь марто ве утомс.
Микол ды якстереармеецнэ пеедить.
— Вана, иля чийне пек —- понгонить бандитэнь таркас.
— Васолдо эсть содавт якстере армеецнэ, секс чиезь тукшнынь эстэдест. Вана косо, цют стяко эзинь ёма!..
— Мон маринь, лишметь арась тонть?— мерсь Кирёнень камандирэсь.
— Арась лишмем, Лапшов ялгай. Кизна кулось, ней кодаяк вием а саты лия лишме рамамс.
— Макстанок лишме тонеть, ансяк иля сёвно эйсэнек стяко тандавтумат кис.
— Адядо соватанок кудос!—терьдинзе Микол,—чайде симдянок.
Аволь кувать аштезь, Лапшов отрядонзо марто сырьгась бандитнэнь мельга.
Кирё чокшнэнь пелев ансяк тусь эсинзэ велев. Алонзо ульнесь бандитэнь алаша.