1	КОСО ВАНЯ?
2	Ваня марто Марят садпиресэть. Течи чизэ вадря, пек лембе. Исяк тень таркас пек кельмель! Сестэ Ванят-Марят эзть лисеве ушов налксеме. Сынь пек вечкить налксемс, налксить свал вейсэ пиресэ покш кудонть икеле.
3	Ваня -- кото иесэ вишка цёрынка. Тейтернесь сазорказо, сонзэ вете иензэ. Ванянь ули вишка кисказо, сонгак ней пиресэ. Кискиненть мельс туи неть эйкакштнэнь марто налксемась. Сонгак ней пек кенярды.
4	Маряньгак кисказо ули? Арась, Марянь кисказо арась, сонзэ ули псаказо. Кудосо ней псакась, уды.
5	Ванянь-Марянь аваст кудо потсо псаканть марто, аваст вальмава неи кода Ванят-Марят налксить. Ваня чии бойкасто сыре, покш чувто ваксс, сон кекши Марянь эйстэ. Содат мейсь? Маря ашти озадо, ды кедьсэнзэ пекстынзе сельмензэ. Сон мезеяк а неи, лови. Мекс истя теи? А Ваня мезе теи чувтонть вакссо?
6	Налксема. Зярдо Маря прядсынзе ловоманзо, сон варшты пертьпелев. Вешни Ванянь: ков тусь? Неик сонзэ?
7	Маря а содасы косо Ваня. Кевкстни кисканть: "Тон Ванянь неик?". А кискась, кода содатано, а машты кортамо! Истя Марянь кевкстемазо лияды апак пандо. Ломанень кевкстеманзо свал лиядыть апак пандо, зярдо кортыть киска марто!
8	Маря ваны аванзо вальмань пачк, авазо раки. Маря арси, тона неизе ков Ваня тусь: "Ёвтак монень косо Ваня!", тейтернесь пшкади аванстэнь. "Арась, Маря, а маштови ёвтамс тонеть косо сон!", мери авазо. Паряк, маряви, авазо соды косо цёрынькась, арась мелезэ ёвтамс.
9	Маря юты састо садпиреванть. Сон паро мельсэ муевлизе Ванянь. Варшты столь алов, стултнэнь алов, Ваня тосо арась. Маря вешни эрьва кува, ансяк Ваня тензэ а муеви.
10	Мейле мари кашторкс, кашторксось каяты сыре покш чувтонть удалдо. Паряк те Ваня? Таго кашторкс! Сон парсте кунсолы. Те аволь нармунь, аволь лия ракша. Ней мари вадрясто. Те Ваня и ули!
11	Мейле неи вишка кедне, Маря моли седе малас, неи цёрыньканть прянзояк! Маря раказевсь ды мери: "Мон тонь муитинь!". Сынь кавонест кецить, молить кудос, шказо сась ярсамс мездеяк ды симемс аламошка ведне!