Р и в е з ь

1. Мусь ривезесь эчке укштор алдо ундо, чувсь модас латкине ды тейсь тозонь эстензэ пизэ.
2. Кизэнь маней чистэ чачсть сонзэ ниле левксэнзэ.
3. Сынь истят мазыйть: пилинест пштить, судынест ды турвинест раужот, пулынест тюжат, а пуло пенест ашинеть, пильгинест вишкинеть, кенжинест човинеть.
4. Ваны ривеськесь лангозост ды седеензэ парксомтни.
5. Ды арсесь ривезесь весе вирень ды паксянь эрицятненень левксэнзэ невтемест.
6. Сон андынзе левксэнзэ, симдинзе ловсодо, мадсь сонсь ды мадстинзе сынст ваксонзо.
7. Сынь курок матедевсть.
8. Аваст стясь, нолштынзе весе ниленест човинька кельсэнзэ пря куншкас ды лиссь пизэстэнть.
9. Чивалдодонть ривезенть сельмензэ кончтавсть.
10. Сон варштась пертьпельга ды сэрей куз чувто прясто неизе урнэнть, конась теленень пангт анокстась.
11. «Урнэ, а урнэ, сак ваныть, кодат понавнэть левкскень чачсть».
12. «Ужо, тонго-несынь пангтнэнь тарад ланга, сестэ валган чувто прясто».
13. Ды тусь ривезесь.
14. Моли вирьга, тумо юткова.
15. Икелензэ лиссь эрьке.
16. Эрьке чирес лоткась, ваны ведентень.
17. А тосо неявить сэнь менелесь ды ашо ловонь кондят пельть.
18. Уйсь малазонзо калнэ ды кевкстизе: «Тон мезе тесэ вешнят, ривеське?»
19. «Мон сынь тонь кисэ.
20. Ванды карман эйсэть инжекс учомо».
21. «Мон савлинь, ансяк ялго а пачкодян».
22. «Сестэ мон тонь кисэ вараканть кучса. Сон ветятанзат», — мерсь ривезесь ды тусь ардозь.
23. Сась паксяв.
24. Ваны, ки чиресэ кев удало ашти чеерь.
25. Сон олго порни, пеензэ пштилгавты.
26. Неизе ривезенть чеернесь, тандадсь эйстэнзэ ды совась кевенть алов пизэзэнзэ.
27. «Тон мекс, чеерне, кекшить?»
28. «Бути аволинь кекше, тон монь сэвевлимик прянек-пильгенек, сюлонек-максонек, чернек-вернек».
29. «Иля пеле, чеерне, мондень.
30. Мон а сэвтян.
31. Сак монень ванды инжекс, вансыть левксэнь».
32. «Мон а содан, зярдо «вандысь» карми улеме».
33. «Вана сы весь, карми улеме чопода.
34. Тон мадят удомо.
35. Мейле стят ды сак монень».
36. «Чарькодинь, сан».
37. Арды ривезькесь.
38. Ваны, ки чиресэ кодамо-бути сюлмине.
39. Токавтызе пильгензэ сюлмонтень, ды верьс лазовсть суронзо.
40. Те шкасто сюлмось видемсь, ды ривезесь нейсь пильгть, пеке ды кувака судо.
41. Ривезесь тандадсь, кирнявтсь ве ёнов.
42. Ашти, стакасто оймензэ таргси, ёжозояк маштсь.
43. Мейле мерсь човине вайгельсэ: «Тон мекс истя тандавтнят ды пельнят эйсэнь?»
44. «Мон эзинь тандавтне, — мерсь сеелесь, — удынь ды ансяк сыргозинь.
45. А салмуксон монь пельницят».
46. Ульнесь чивалгома шка.
47; Кармась куроксто чополгадомо. 
48. Менельсэнть появасть тештть, лиссь валдо ковось.
49. «Кода кувать мон якан», — мерсь ривезесь ды од киява, конась ульнесь седе нурькине, капшазь тусь кудов.
50. Ки чирева кассть килейть, пекшеть, пойть ды пизёлкст.
51. Чувто алдо муйсь вете пизёлт.
52. Саизе вейкенть кургозонзо, сускизе, ды эзь нилеве тензэ — истямо чапамо ульнесь пизёлось.
53. Ёртынзе кадовикстнэнь мода лангс.
54. Пильгензэ алов понгсь ловажа.
55. Ривезесь саизе, пейсэнзэ кеместэ сускизе ды кандызе пизэзэнзэ.
56. Кудонзо вакссо лоткась ды кунсолы: тосо ниле човине вайгельнесэ, прок мекшт, цийнесть левксэнзэ.
57. Омбоце чистэ ривезенть кудонзо перька промсть ламо инжть.
58. Весе кандсть тензэ казнеть.
59. Овтось кандсь тензэ пешксе парь медь.
60. Ватракшось сееленть марто кандсть пачалксеть
61. Васня лемдизь ривезь левкстнэнь истя: Вейке, Кавто, Колмо, Ниле. Мейле весе кармасть пачалксетнень ойсэ ваднеме ды медь марто ярсамо ды ривезь левкстнэнь шнамо.