Reboi

1. Lʼöydi reboi noran sangien väzin al, kaivoi muah haudažen i lʼuadii ičelʼlʼeh pezän.
2. Kezäžel päiväl, päivypastol, sai häi nʼelʼlʼi poigaštu.
3. Ned moizet čomažet oldih, korvažet teräväžet, nenän nʼokkažet da huulet mustažet, händäžet žoltoit, a hännän nʼokkažet valgiet, jalgažet pikkaražet, kynzyöt hoikkažet.
4. Käččou heih reboihut i iče on hyväl mielʼel.
5. Sit tahtoi reboi ozuttua omii poigii kaikilʼe peldolois da mečäs elʼäjilʼe.
6. Häi syötti omat poijat, imetti maijol, iče vieri muate i panʼi poijat ičen rinnale.
7. Hyö terväh i uinottih.
8. Heijän muamah nouzi, nuoleldi kaikkii heidy nʼelʼlʼiä omal hoikkažel kielʼel piälakkažeh i lʼähti pezäs päi.
9. Päivypastos reboil salbavuttih śilʼmät.
10. Häi kačahtih ymbäri i korgien kuuzen ladvas dogadʼii oravažen, kudai talvekse sapuasʼii gribua.
11. Oravaine, hoi oravaine, tules kaččomah, mittuat karvažet minul poijat roittiheze.
12. Jälʼlʼespäi tulen, vuota vai grivat panettelen oksažih, sit heitämös puus päi.
13. Sit reboi lʼähti iäres.
14. Kävelʼöy meččiä myö duubien keskes.
15. Hänen edeh tulʼi järvi.
16. Azetui järven rannale, kaččou vedeh.
17. A siepäi nägyy sinʼiine taivas i valgien lumen jyttyöt pilʼvet.
18. Uidi reboilluo kalaine i kyzyi, midä sinä täs ečit, reboihut.
19. Tulʼiin sinulluo.
20. Huomei rubien sinuu gosʼtʼih vuottamah.
21. Minä tuližin, ga jallai en piäze.
22. Sit minä työnän sinule varoin. Häi sinun tuou, sanoi reboi da lʼähti nʼelʼlʼuomah.
23. Tulʼi pellole.
24. Kaččou, dorogan rinnal kiven tuan ištuu hiiryt.
25. Häi olguttu jyvöy, hambahii hivou.
26. Nägi hiiryt reboin, pölʼlʼästyi händäh i peittiiheze omah pezäh kiven alle.
27. Sinä mikse peitiitös, hiiryt.
28. En olluš ku peittynyh, sinä minun ollužit syönyh pien-neh dai jalloineh, suonien dai maksan ke, karvoineh dai verineh.
29. Älʼä varua minuu, hiiryt.
30. En minä sinuu syö.
31. Tule huomei minulluo gosʼtʼih, kačahtat minun poigažii.
32. Minä en tiije, konzu huomei roiteheze.
33. Vot roiheze yö, roiheze pimei.
34. Sinä viäret muate.
35. Sit nouzet dai tule minulluo.
36. Elʼlʼendiin, tulen.
37. Juoksou reboi.
38. Kaččou, dorogan pielʼes on mittuine ollou uzlaine.
39. Kosketaldi luapal uzlua, dai veressäh sormuat omat pysti sih.
40. Sil kodval uzlu oigenʼi, dai reboi dogadʼii jallat, vačan i pitkän nenän.
41. Reboi pölʼlʼästyi, hyppäi lappieh.
42. Seižou, odva hengie suau, kielʼen m//lʼettäh on.
43. Sit vienožel iänyöl sanoi: sinä midä nenga pystelʼet da pölʼlʼättelʼet minuu.
44. Minä en pölʼlʼättänyh, sanoi joža, minä magain i vaste havačuin.
45. A nʼieglažet minul ollah pystäjät.
46. Päiväine olʼi laskemižilʼlʼeh.
47. Rubei ylʼen terväh pimenemäh.
48. Taivahale roittiheze tiähtet, kuuldamaine rubei ylʼen helhottamah.
49. Vot min hätkyön minä kävelʼen, sanoi reboi i kiirehel lʼähti kodʼih uuttu, lʼyhembiä dorogua myöte.
50. Dorogan pielʼes kazvettih koivut, nʼiinet, huavat i räbin. 
51. Puun al häi lʼöydi viiži räbinän muarjua. 
52. Otti yhten suuh, puri sen hambahil i ei voinnuh lainata, moine kargei olʼi räbinän muarju. 
53. Lʼykkäi dostalʼit muah. 
54. Hänen jalgoih puutui kui ollou luu. 
55. Reboi otti hambahih i toi omah pezäh. 
56. Oman kojih luo seižatui i kurondelou: sie nʼelʼlʼäl vienožel iänyöl, kui kimalehet, vidžištih hänen poijat. 
57. Toššupiän reboin kojin luo kerävyi äijy gosʼtʼua.
58. Kaikin tuodih hänelʼe tuomaštu. 
59. Kondii toi hänelʼe tävven taiginažen metty. 
60. Šlʼöpöi da joža tuodih blʼinua. 
61. Ezmäi reboin poigažilʼe annettih nʼimet: Yksi, Kaksi,  Kolme, Nʼelʼlʼi. Sit kaikin ruvettih blʼinoi voidamah voil i syömäh mejen ke da reboin poigažii kiittämäh.