GOLLEGIELLA – Tâ´vvjânnmlaž sää´mǩiõl ǩiõllcistt jue´jjet čâhčča 2014 
GOLLEGIELLA – Tâ´vvjânnmlaž sää´mǩiõl ǩiõllcistt jue´jjet kuuđad vuâra čõhčča 2014 sää´maa´šši va´stteei ministrivui´m da sää´mtee´ǧǧ saaǥǥjåå´đtee´ji kaaunõõttmõõžžâst He´lssnest.
Cistt miõttât privatoummid le´be õhttsažkoo´ddid Taarrâst, Ruõccâst, Lää´ddjânnmest le´be Ruõššjânnmest sää´mǩiõl ooudâsviikkmõõžžâst.
Ciist sää´maa´šši vuâđđeem diõtt lie älttääm Taarrâst, Ruõccâst da Lää´ddjânnmest va´stteei minister da tä´st peäggtum jânnmi sää´mtee´ǧǧ saaǥǥjåå´đteei.
Ciist juõ´ǩǩeš vuõssmõs vuâra ee´jjest 2004 da tõn puä´đet jue´jjet juõ´ǩǩ nuu´bb ee´jj.
Cistt lij šorradvuõđâst 15 000 eu´rred.
Ǩiõllciist täävtõs 
Ǩiõllciist täävtõssân lij jällted pue´rben sää´mǩiõl ooudâsviikkmõõžž le´be ruõkkmõõžž Taarrâst, Ruõccâst, Lää´ddjânnmest da Ruõššjânnmest.
Ǩii vuäitt vuäǯǯad ciist? 
Ǩiõllciist miõttât privatoummid (ml. joukk) le´be õhttsažkoo´ddid (ml. õhttõs, strooi´tel), kook lie o´nnstam tuejjeed sää´mǩiõl ou´dde miârkkšõõvvâmnallšem tuâi ǩiõl ooudâsviikkmõõžžâst, jälltumuužžâst le´be ǩiõl seillmõõžžâst.
Ciist vuei´tet miõttâd ouddmiârkkan ǩe´rjjlažvuõđ, njaa´lmilaž le´be jee´res o´nnstumuužživui´m, kook sâjjdâ´tte veeidlânji da puârast jee´res tuåimmvuu´did.
Cistt vuei´tet jue´ǩǩed jäänbi vuõi´ttji kõõskâst.
I´lmmet jiijjad võboršee´ǩǩ! 
Privatoummu, joouk le´be õhttsažkåå´dd Taarrâst, Ruõccâst, Lää´ddjânnmest da Ruõššjânnmest vuei´tte tuejjeed e´tǩǩõõzz ee´jj 2014 ciist vuäǯǯjest.
E´tǩǩõs ciist vuäǯǯjen da jäänmõsân 1-2 seeid ǩe´rjjlaž vuâddjurddi â´lǧǧe tuåimtet mââimõõzzâst vue´ssmannu 30. peei´v 2014 räjja addrõ´sse: 
e-påå´št: info@samediggi.fi Gollegiella - ärvvtõõllâmjoukk Sää′mte′ǧǧ/Saamelaiskäräjät SAJOS 99870 Anár/Inari, Finland Puh. +358108393100