Repän

1. Repän löüdse jämme künnäpuu alt oosõ, kaib' maa sisse kooba ja tekk' sinnäq hindäle pesä.
2. Ütel suvõpääväl, ku päiv paist', sündü rebäsel neli poiga.
3. Nääq ommaq nii ilosaq: kõrvad ommaq näil teräväq, nõnaq ja huulõq mustaq, hannaq kõlladsõq, a hannaotsaq valgõq, jalaq väikugõsõq, küüdseq ohkugõsõq.
4. Rebäseimä kaes näid ja timä süä om rõõmsa.
5. Ja rebäseimä otsust' näüdädäq ummi latsi kõigilõ, kiä elliq mõtsan ja lakõ pääl.
6. Tä süüt' ummi latsi, juut' näile piimä, hiidäs' esiq pikäle ja pand' nääq hindä kõrvalõ.
7. Nääq jäiq pia magama. 8. Imä tull' üles, lakk' kõiki nelä pääd uma peenükese keelega ja läts' pesast välja.
9. Päävävalgusest lätsiq rebäsel silmäq kinniq.
10. Tä kai ümbre ja näkk' korgõ kuusõ ladvan oravat, kiä kor'as' talvõs siini.
11. «Oravagõnõ, oravagõnõ, tulõq kaema, määntseq karvadsõq pujakõsõq mul sündüq».
12. «Peränpoolõ, ma ripuda seeneq ossõ külge ärq, sis roni puu otsast maaha».
13. Ja repän läts' ärq.
14. Lätt mõtsa piten tammi vaihõl.
15. Timä iin naas' paistma järv.
16. Tä saisaht' järve veeren, kaes vette.
17. A sääl om nätäq sinine taivas ja pilveq nigu valgõ lumi.
18. Timä manoq ujjo kalakõnõ ja küsse: «Midä sa otsit siist, repän?»
19. «Ma tulli sinno otsma.
20. Hummõn ooda sinno hindäle küllä».
21. «Ma tulõsiq külh, a ma saa-ai jalaga tullaq».
22. «Sis ma saada sullõ perrä kaarna. Timä vii sinno peräle», ütel' repän ja juusk' minemä.
23. Tä joudsõ lakõ pääle.
24. Kaes, tii veeren kivi takan istus hiirekene.
25. Tuu jürä olõkõrt, teritäs hambit.
26. Hiir näkk' rebäst, hiitü ärq ja ronõ umma pessä kivi alaq.
27. «Mille sa hindä ärq käkeq, hiirekene?»
28. «Ku ma olõsi-i hinnäst ärq käknüq, sis sa olõsiq minno tervehnä ärq söönüq kõgõ pää ja jalgoga, soolikidõ ja massaga, karvo ja verega».
29. «Peläku-ui minno, hiirekene.
30. Süü-üi ma sinno ärq.
31. Tulõq mullõ hummõn küllä latsi kaema».
32. «Tiiä-äi maq, kuna tuu «hummõn» om.
33. «Kaeq, tulõ üü, lätt pümmes.
34. Sa läät magama.
35. Perän tulõt üles ja sis tulõq muq manoq ».
36. «Sai arvo, ma tulõ».
37. Repän juusk.
38. Kaes, tii veeren määnegi mütsäk.
39. Kumbaht' tuud mütsäkut käpäga ja tsusas' umaq varbaq veritses.
40. Samal aol ai mütsäk hindä sirgu ja repän näkk' jalgo, kõttu ja pikkä nõnna.
41. Repän' hiitü ärq, karas' kavvõmbahe.
42. Sais, hingäs rasõhõhe, tunnõki-i midägi.
43 Sis ütel' peenükese helüga: «Mille sa minno niimuudu hiidütät ja tsuskat?
44. «Maq es hiidüdäq», ütel' siil, «ma magasi ja õkva heräsi üles.
45. A mul ommaq teräväq nõglaq.
46. Oll' päävä allaminemise aig.
47. Naas' kibõhõhe pümmes minemä.
48. Taivahe ilmuq täheq, nõssi helle kuu.
49. «Ku kavva ma jo olõ käünüq», ütel' repän ja läts' vahtsõt, lühkümbät tiid piteh kibõhõhe ärq kodo.
50. Tii veeren kasviq kõoq, pähnäq, haavaq ja pihl.
51. Puu alt löüdse tä viis pihlõmarja.
52. Tä võtt' üte suuhtõ, haugas' ja saa-as alla neeldäq — nii hapu oll' pihlõmari.
53. Visas' ülejäänüq maaha.
54. Tälle jäi üts kunt jalgo.
55. Repän võtt', haard tuu hambidõga kõvva kinniq ja vei umma pessä.
56. Kodo man jäi tä saisma ja kuuld': sääl kaibliq timä latsõq uma nelä nõrga helüga ku mehiläseq.
57. Järgmäne päiv kogosi rebäse kodo ümbre pall'o küläliisi.
58. Kõik tõiq tälle kingitüisi.
59. Kahr tõi tälle terve pütü mett.
60. Kunn ja hiir tõiq pannkuukõ.
61. Kõgõpäält panti rebäsepoelõ nimeq: Üts, Kats, Kolm, Neli. Sis naksiq kõik koogõlõ võidu pääle määrma, kuukõ miiga süümä ja rebäsepoigõ kitmä.