Bájkkeavijssa NuorttaSállto

Tæksta: Børge Strandsko

Jårggålibme: Idar Kintel

Preben Johnsen 5. klássan le riek dudálasj. - Mån riek buoragit dási lijkkujiv, lij suohtas ájádusájn ståhkat ja buktet juojddáv dassta. Vuostatjin jáhkkiv dåssjedis áhta galgaj sjaddat, valla ajtu juojddá sjattaj, javllá sån.

Oahppe 3. – 10. klássajn li dahkam girjjetsaggev, uksakloahkov, serviæhttabisodiddjev ja bijlav. Vuostatjin barggin ájádusáj gåktu sijá bijla galggin sjaddat. Dan mannela páhpermodellav hábbmijin, åvddål praktihkalasj bargguj álggin duola dagu suoddamijn ja såjodimijn plástas. Gå karosserija lij gergas, vierttijin elektronihkalattjat ja mekanihkalattjat barggát. Oahppe mihttijin plána milta, gånnå motåvrrå, bádnejuvlla ja ledniga galggin liehket. Vierttijin aj loaddit. Mannela li oahppe sierra diedádusáv bargo birra tjállám.

Máhtti iesj materiálav válljit, valla dan diehti gå plássta le nav vuogas giehtadallat, de dav válljijma, javllá Solstrøm. j j

Hábbmimprosæssa le dagu bálkká ájádusás gárves buvtaj, ja oahppe bessi dán ådå fáhkasuorgen hábbmit ja ietjasa teknologalasj buktagijt dahkat. Elektrihkalasj boarranábár, loaddaboallta ja ietjá vædtsaga aneduvvi. Elektrihkalasj oase biejaduvvi, håjggåmmásjijna dagáduvvi ja gæhttjaluvvi, ja plásstapláhta sjaddi ávkálasj ja tjáppa adnogávnnen. Skåvlå åhpadiddje li kursan læhkám ja bukti oahppijt bagádallat.

Fága matematihkka ja luonndofáhka li vædtsakfáhkan teknologijan ja hábbmidimen, madi duojen le stuorra oasse praktihkalasj estehtalasj vuojnno. Gå buktaga lidjin gárvvása, de li oahppe aj prosjæktadiedádusáv tjállám. Låhpan lij aj gilposvuodjem lásjmudallamlanján.- Oahppe ettjin rat lijkku gå biejvve någåj, ja vuojnnet lij gárvvása ådå dahkamusájda tjavtja rájes, hæjttá dudálasj rektor.

Ávkálasj árkkabiejvvegávne. Fága matematihkka, luonndofáhka ja duodje aneduvvi buvtav gárvedittjat. Nyttige hverdagsting. Fagene matematikk, naturfag og kunst og håndverk brukes for å komme frem til et ferdig produkt. jjj j