Lääninhallitus Stockholmin läänissä oon yhessä Saamekäräjitten kans saanu tehtäväksi seurata lakia kansalisista minuriteetistä ja minuriteettikielistä joka astu voihmaan 1 janyaari-/tammikuuta 2010.
Lääninhallitus ja Saamekäräjät pitävät joka vuosi tehä kootun arvioinin siittä mitenkä lakia nouatethaan ja ilmottaa siittä hallituksele.
Lääninhallitus pittää kans Saamekäräjitten kans yhessä koortineerata työn minuriteettipoliittisitten tavotheitten puolesta kansalisela tasola. Se tarkottaa esimerkiksi ette met tulema tekehmään informasjuuni-insatsia ja tukehmaan kuntia ja minuriteettiä siinä työssä ette neuotteluja saahan aikhaan kunnan tasola. Tehtävhään kuuluu kans ette Lääninhallitus ja Saamekäräjät pitävät jakkaa valtiontuen niile kunnile ja landstingile jokka kuuluvat hallintoaluheishiin.