Kaikki asukhaat Luulajassa saattavat kääntyä sosiaalipalvelhuun ette saaja tukea ja apua hankalissa tilantheissa. Se saattaa olla tilapäisestä rahalisesta tuesta, prupleemista väärinkäytön kansa elikkä psyykkisesta toimintaestheestä. Se saattaa kansa olla kysymyksissä jokka koskevat lapsia ja nuoria.
Jos sie olet akytin sosiaaliavun tarpheessa elikkä jos sinun asia koskee lasta ja sie halvaat neuvonantamista elikkä tehhä ilmotuksen sie otat yhtheyttä Luulajan kunnan kansa numerolla 0920-45 30 00.
Jos tarhvit akyttia apua illoila, vöilä ja pyhäsaikoina otat yhtheyttä numehroon 114 14.
Sosiaali peretskaappi koskee ensi siassa lapsia jokka kärsivät elikkä tarttevat suojaa ja täysiä jokka ei pysty pithään ittestä huolta.
Tähhään sitä soittaa jos sitä oon akytissä hätätilantheessa ja tarttee apua varsin. Riippuen mistä oon kyse sitä saattaa saaja apua ampulansilta, palovoimalta elikkä polisilta.
Polisin telefooninumero asioile jokka ei ole akyttiä, esimerkiksi polisi-ilmotus. Sitä saattaa soittaa tähhään missä tahansa maassa sitä oon ja sitten liitethään likkiimphään polisivirasthoon
Vastaa sinun kysymykshiin, arvostellee sinun hoitotarvetta, antaa neuvoja ja viittaa sinua oikehaan hoitovasthaanothoon ko niin tarttee. Täälä oon töissä saihraanhoitajia joilako oon korkea kompetensi ja pitkä kokemus. Saihraanhoitoneuvonantaminen oon auki vuorokauvet ympäri.
Tartteks sie elikkä joku sinun likisyyessä kätevää psykiaatrista apua niin sie käänyt psykiaatrisheen akyttivasthaanothoon. Se oon auki vuorokauvet ympäri.
Bris:hiin saattaa soittaa jos sitä halvaa puhua jonku täyven kansa. Puhelua ei näy telefooniräkinkissä.
Bris täysittentelefooni lapsista 077-150 50 50
Bris ottaa vasthaan puheluja täysiltä jokka tarttevat puhua jonku kansa kysymyksistä ja kiusoista jokka koskevat lapsia.
Kansalinen tukitelefooni sille joka oon uhattu, jollekko oon tehty väkivaltaa elikkä jotako oon seksyaalisesti pahoinpietty. Omhaiset ja likhiiset saattavat kansa soittaa. Sitä saattaa soittaa vuorokauvet ympäri ja puhelu oon ilhmainen. Puhelua ei näy telefooniräkinkissä.
Rikosuhrisjuuri antaa tukea henkilöile joilekko oon tehty rikos, joka oon nähny rikoksen elikkä oon omhainen elikkä likhiiinen rikosuhrile.
Tähhään sitä saattaa soittaa ette saaja neuvoja ja tukea jos oon psyykkinen kriisi elikkä jos sitä oon muussa hankalassa elämäntilantheessa.
