Ruottinsuomalaiset, juutalaiset, roomit, saamelaiset ja tornionlaaksolaiset on Ruottin kansaliset vähemistöt eli minuriteetit. Se merkittee ette heilä on pitkänaikanen kieli- ja kulttuurinen yhteenkuuluvuus kansalisessa yhteisössä. Se on jokhaisen henkilön asia ette päättää jos sitä kuuluu yhteen näihiin kansalishiin vähemisthöön eli ei. Kyse on minkä porukan kans sitä itenttifieeraa itteä ja tuntee yhteenkuuluvuutta.
1999 valtiopäivät tunnustit nämät viis porukkaa kansalisena vähemistönä. 2010 tuli uusi laki joka vahvistaa kansalisitten vähemistöitten oikeuksia ja vähemistökielitten asemaa.
1177 Huolto-opas ja Umo.se julkasevat tekstiä terhveyvestä, huolosta ja oikeuksista hoijossa kahelatoistala tunnustetula varieteteetilä viien kansalisen vähemistöitten kielistä.
Met olema seuranheet Kieliraatin rekomentasjuunia kun olema tehneet käänöksiä, ja tekstit on tarkistettu yhteisymmäryksessä vähemistöitten eustajitten kans.
