Ruotti ratifiseerasi Euroopparaatin raamikonvensuunin suojasta kansalisille minuriteetile ja europpalaisen säätänön maanosa- elikkä minuriteettikielistä vuona 2000. Siinä yhtheyessä panthiin toihmeen minuriteettipolitiikka omana politiikka-aluheena. 1 tammikuuta 2019 minuriteettilakia vahvistethiin.
Päämääränä Ruottalaisele minuriteettipolitiikale oon ette antaa suojaa kansalisille minuriteetile, vahvistaa niitten maholisuuksia vaikutusvalthaan ja tukea histuurialisia minuriteettikieliä niin ette net piethään elävännä. Ruottin kansaliset minuriteetit oon tornionlaaksolaiset, juutalaiset, roomit, ruottinsuomalaiset ja peruskansa saamelaiset.
Ruotti pittää turvata ette kansalisitten minuriteetitten oikeuksia nouatethaan, joka muun muassa seuraa kansanvälisiä sitomuksia ihmisoikeuksista.
Saamenkielet, suomenkieli ja meänkieli täyttävät vaatimuksia histuurialisesta jeukraaffisesta kuuluvaisuuesta kielilain mukhaan.