Komisuuhniin kuuluu yks puhheenjohtaja, seittemän jäsenettä ja yks kanslia ja jokhainen esitethään tässä alla.
Elisabet Fura
Elisabet Fura oon komisuunin puhheenjohtaja. Elisabet oon jyristi ja oon ennen ollu pääjystiitieasiamies, tuomari ihmisoikeusille Eurooppatuomioistuimella ja puhheenjohtaja Ruottin atvokaattiyhistykselle. Elisabet oon kunniatohturi jyritisellä fakylteetilä Stokholmin yniversiteetilä. Hään oon innostunnu kysymyksistä joilako oon yhtheys ihmisoikeuksitten kansa ja hään oon ollu jäsen Ruottin atvokaattiyhistyksen oikeusturvakomiteassa ja sen komiteassa ihmisoikeuksille. Paitti ette hään oon ollu matkassa useamassa valtiolisessa tutkimuksessa Ruottissa Elisabetilla oon kansa usea kansanvälinen tehtävä takana. Hään oon muun muassa ollu puhheenjohtaja kansanvälisessä atvokaattiyhistyksessä ja ollu matkassa eri avustusprojektissa oikeutheen kuuluvalla aluheela esimerkiksi Ryssässä, Laoksessa ja Vietnamissa.
Kontakti: elisabet.fura@regeringskansliet.se
Jäsenet
Malin Arvidsson
Malin oon fil. dr histuuriassa ja toimii opettajanna ja tutkianna Osastolla ihmisoikeuksille, Histuurialisella laitoksella, Lundin yniversiteetilä. Malinin tutkimus oon suuntautunnu histuurialisheen oikeuenmukhaisuutheen. Hään oon muun muassa tutkinu prosessista ette kompenseerata niitä jokka oon pakolisesti steriliseerattu ja kompensasuunista henkilöile joitako oon pahoinhoijettu ko net olit siotettu sosiaalin lastenhoithoon.
Lars Elenius
Lars oon professori emeritus histuuriassa Luulajan teknisellä yniversiteetilä. Lars oon hänen tutkimuksessa muun muassa tutkinu minuriteettipolitiikan ja kansalisitten minuriteetitten itenttiteettiluomisen yhtheispeliä histuurialisesta perspektiivistä.
Kenneth Hyltenstam
Kenneth oon professori emeritus kakskielisyystutkimuksessa Stokholmin yniversiteetilä. Hänen julkasut koskevat muun muassa kielivaihtelua ja kielisäilyttämistä minuriteettikielissä ja kakskielisessä koulutuksessa.
Bengt Niska
Bengt oon entinen kunnanneuvos Pajalassa ja entinen puhheenjohtaja Svenska Tornedalingars Riksförbund – Tornionlaaksolaiset.
Kaisa Syrjänen Schaal
Kaisa oon jyristi ja senioori policyneuvonantaja Ruottin kirkossa ja ekspertti minuriteettikysymyksissä. Kaisa oon ollu töissä minuriteettikysymyksitten kansa Hallituskansliassa, valtiolisessa tutkintojärjestelmässä ja siviliyhtheiskunnassa. Kaisa oli pääsekreteerari Tutkinossa minuriteettipolitiikan ylösseurauksesta ja Tutkinossa suomalaisista ja eteläsaamelaisista kielistä.
Sia Spiliopoulou Åkermark
Sia oon tusentti kansanoikeuessa ja tirektööri ja tutkimusjohtaja Ahvenanmaan rauhainstityytilä. Sia oon tutkinu kansalisista minuriteettikysymyksistä ja hään oon ollu monivuotinen jäsen Euroopparaatin neuvonantajassa komiteassa kansalisille minuriteetile.
Josephine Ylipää
Josephine oon fil. mag. ja tutkimusasistentti kestävyystietheessä ja entinen puhheenjohtaja nuorisojärjestössä Met Nuoret.
Sekretariaatti
Stefan Aro
Stefan Aro oon sekreteerari komisuunissa. Stefan oon pappi, toimii Övertorneån seurakunnassa ja oon osalistunnu minuriteettikysymykshiin kaikila tasoila Ruottin kirkossa. Hään oon kehittänny oppimateriaalia meänkielelä ja ollu matkassa käänösprojektissa. Julkasu Ette tohtia olla oma itte – en samtalsbok om språk, tro och identitet i Tornedalen (2018) oli merkkipaalu kirkon sovintotyössä. Hään oon johtanu projektia Pohjoskalotilla koulutuksessa ja kielirevitaliseerinkissä ja ollu töissä minuriteettikieliyhtheensovittajanna kunnassa.
Kontakti: stefan.aro@regeringskansliet.se
Pernilla Krusberg
Pernilla Krusberg oon sekreteerari komisuunissa. Pernilla oon jyristi ja hällä oon monivuotinen kokemus työstä useamalla valtiolisella virastolla, liittojyristi Ruottin Kunnat ja Rekiuunit/Sveriges Kommuner och Regioner ja lapsioikeusjyristi Rädda Barnen:issa. Hään oon mm ollu sekreteerari Tutkinossa ette laittaa Korvauslautakunnan ja Tutkinossa pakkohoijosta lapsile ja nuorile. Pernilla oon erityisesti innostunnu kysymyksistä siotetuitten lapsitten ja nuoritten oikeuksista ja elämisolosutheista.
Kontakti: pernilla.krusberg@regeringskansliet.se