Abortti
Abortti merkittee ette keskeyttää raskhauen. Jos ajattellee ette tehhä abortin saattaa olla paljon kysymyksiä. Mutta saattaa aina kohata jonku keltä saattaa saa vastauksia kysymykshiin. Se koskee kans sellaista joka on tehny jonku raskhaaks.
» Abortti
|
|
Ahistus
Ahistus on voimakhaat tuntheet rauhattomuuesta ja pölöstä, joita saattaa tuntea koko ruuhmiissa, ja sitä suuriin osa kokkee joskus. Ahistus saattaa olla ilkeä ja epämielyttävä, mutta silti pittää yrittää tehhä sitä mistä sitä tykkää eikä välttää tilantheita missä sitä uskoo antaa ahistusta.
» Ahistus
|
Alkkuhooli
Alkkuhoolila meinathaan juomia kun ööli, viini ja viina. Moni juopi sitä koska se on makea eli ette tulla päihiin. Mutta alkkuhooli saattaa kans olla vaaralinen monela tavala.
» Alkkuhooli
|
|
Akyytti-p-pilleri
Akyytti-p-pilleri on tapletti minkä tyttäret saattavat ottaa ettei tule raskhaaks. Se ei ole suoja raskhautta vasthaan sen tavalisessa merkityksessä, siis sitä ei käytetä suojana ennen eli samlaakin aikana. Akyytti-p-pilleriä pittää käyttää vain hätäratkasuna ja ei säänölisesti suojana raskhauesta.
» Akyytti-p-pilleri
|
Ittentunto
Ittentunto koskee niitä ajatuksia mitä on ittestä ja kuka sitä on. Sillä ei ole mithään tekemistä sen kans jos sitä on hyvä eli huono tekemhään eri asioita, se koskee sitä ette tuntea ette sitä on arvokas vain siittä ette on olemassa. Tunne ette sitä kelpaa mennee träänata ylös ja tehhä paremaks.
» Ittentunto
|
|
Jos kokkee mobbausta
Kun kokkee mobbausta on helppo tuntea ette sitä alkaa olheen levoton ja voipi kehnosti. Välistä se vaikuttaa elämhään niin paljon ette saapi huonoman ittenluottamuksen ja yrittää välttää tilantheita missä saattaa kohata niitä jokka mobbaavat. Mutta ei kukhaan tartte piilota sen takia ette muut mobbaavat.´
» Jos kokkee mobbausta
|
Kontoomi
Kontoomi on yks pieni pussi joka on tehty ohusta laateksista (kymmi), ja jonka saattaa vettää peeniksen pääle eli on seksileeksaakki jos aikoo pittää seksiä.
» Kontoomi
|
|
Matalapaine eli alakulonen
Se on luonolinen osa elämästä ette välistä tuntea matalapainetta, surua, levottomuutta, eli kokea toivottomuutta. Usseimiten tuntheet menevät yli vähän aijan päästä. On asioita mitä itte saattaa tehhä ette alkaa voimhaan paremin, ja on olemassa apua jos tarvittee sitä.
» Matalapaine eli alakulonen
|
Mensi
Mensi on se vuoto kohtusta (livmodern) jokka tyttäret saavat enemän eli vähemän säänölisesti pyberteetistä lähtien. Mensi on ruuhmiin malli näyttää ette sitä on sukupuolen kypsä.
» Mensi
|
|
Mobbaus eli mobbinki
Kun ihmiset ympäristössä kohtelevat jotaki muuta ilkeästi sitä kututhaan mobbinkiks. Yks yksityinen ilkeä asia ei räknätä mobbinkiks. Se on kun se tapahtuu monta kertaa ja saapi sen, jota kohelthaan ilkeästi, voimhaan huonosti. Sillon se räknäthään mobbaukseks.
» Mobbaus eli mobbinki
|
Muiskuja, pyssiä ja kuhertelua/ honglaamista
Muiskia, pyssata ja kuhertella eli honglata on jotakin mistä pruukathaan tykätä. Jos ei ole tehny sitä piian sitä fanttiseeraa siittä ja kaipaa sitä. Samala se saattaa tuntua vähän nervöösiltä ensi muiskun aikana eli kuhertelussa. Kuinkas sitä oikhein tekkee kun sitä kuhertellee?
» Muiskuja, pyssiä ja kuhertelua/honglaamista |
|
P-pilleri
P-pilleri on preventiivimeeteli/ preventiiviaine/ ehkäisyväline tyttärile taplettimuoossa. P-pillerillä meinathaan usseimiten sitä joka oikeasthaan on kombineerattu p-pilleri. Net sisältävä kaks eri hormoonia, östrojeeniä ja gestajeeniä (gulkroppshormon), joka muun muassa tekkee ette eisaa ovylasjuunia (ägglossning), siis munasolu ei löysää.
» P-pilleri
|
Polttaminen eli tupakointi
Kun polttaa tupakkaa sitä immee keuhkoin tuhansia myrkylisiä ainheita. Polttaminen saattaa antaa erilaisia vahinkoja ja tautia, ja suunile joka toinen henkilö joka polttaa kuolee aiemin kun mitä se olis tehny ilman polttamista. Silti on tavalista ette alethaan polthaan sen takia ette olla tyffi eli komea.
» Polttaminen eli tupakointi
|
|
Pyberteetti
Joskus kun on 10 ja 13 vuoen iässä sitä usseimiten pruukaa tulla pyberteethiin. Pyberteetin aikana ruumis kehittyy lapsesta raahvaaks. Esimerkiks ääni ja sukupuoli muuttuvat, sitä saattaa saa finniä ja pruukathaan alkaa kiinostumhaan seksistä.
» Pyberteetti
|
Seksiä ensi kerran
Kohta kaikin on pruukanheet unaneerata ennen kun heilä on seksiä jonku muun kansa. Sen ensimäisen seksuaalisen kokemuksen suuriin osa on saanu ittensä kansa. Se on tavalista ette on paljon ajatuksia ja ototuksia kuinka se tullee olemhaan kun ensi kerran pittää seksiä jonku kansa.
» Seksiä ensi kerran
|
|
Seksuaalinen taipumus – biiseksuaalinen, hetero, homo
Seksuaalinen taipumus eli luone koskee sitä mikä sukupuoli sillä on johonka sitä rakastuu, eli kiimaintuu. Sitä saattaa olla biiseksuaalinen, heteroseksuaalinen eli homoseksuaalinen.
» Seksuaalinen taipumus – biiseksuaalinen, hetero, homo
|
Svamppia sukuelimessä, eli alapäässä
Svamppia on kohta kaikila luonolisesti alapäässä. Välistä se lissäintyy ja sillon se saattaa antaa prupleemia. Se on hyvin tavalista tyttärillä. Svamppi on vaaraton mutta saattaa olla raskasta koska se pruukaa kutistaa ja kirventellä.
» Svamppia sukuelimessä, eli alapäässä
|
|
Testata itteä
Jos on pitäny seksiä ilman suojaa se on aina hyvä testauttaa itteä sukupuolitauvista. Kuinka testi toimii riippuu siittä mitä sukupuolitautia sitä testaa itteä. Useasti sitä saapi jättää yhen kusi- eli veripruuvin. Jos sitä testaa yhtä sukupuolitautia joka kuuluu tartuntalakhiin sillon sitä ei tarvitte maksaa mithään.
» Testata itteä |
Tipsiä kuinka parantaa ommaa ittentuntoa
On paljon keinoja millä parantaa ja vahvistaa ommaa ittentuntoa. Täälä joku keino mitä saattaa pruuvata
» Tipsiä kuinka parantaa ommaa ittentuntoa
|
|
|