![](https://www.str-t.com/wp-content/uploads/2019/06/moa-sandgren-och-karin-juntti-e1560412572820-scaled.jpg)
Kuvassa: Maja Mella, Karin Juntti, Moa Sandgren ja Börje Rytiniemi. Kuva: Privaatti
En del av Tornedalen UF oon tuottanu ja myyny Tornionlaaksosta inspireerattuja afisia ja tauluja. Tuotheet oon arvostetut ja ajankohtasia sillä ko net nostava minuriteettikieltä meänkieltä.
Moa ja Karin oon erinomhaiset ampasatöörit meänkielele, Gränsälvsgymnasiele, Matarinkile, Tornionlaaksole ja Norrbottenile ko net oon olheet osanottajinna mässoissa nuoritten yrityksessä paikkakunnala, rekiuunialuheela ja kansalisela tasola.
Moa ja Karin oon näyttänheet hyvvää entreprenöörin kykyä asiakhaitten hyvän kohelun ja palvelun kautta. Sitä paitti net oon olheet hyvät tekheen reklaamia omasta yrityksestä mässoissa ja sosialisitten meetioitten kautta, mikä oon johtanu siihen ette En del av Tornedalen UF oon myyny enniiten kaikista UF-yrityksistä Matarinkissä.
Moa ja Karin – teän yritys inspireraa meitä!