Eqqissillunga inooqataarusuppunga
Piffissaraasiit kingulleq suna tamarmi sukkaannaq ulapiinnarlu atornikuullugu tassanngaannaq uneriasaarnerup kingorna eqqarsaatersuutit assigiinngeqaat.

Qaammat kingulleq piffissaq annertooq atorlugu inuusuttunik aatsitassarsiorneq pillugu isumasioqatigiisitsinissaq pilersaarusiorsimavara(varput), arfininngormat sapaatiummallu tamanna ingerlanneqarpoq, soorunaluni aamma ullut taakku ulapeqaanga - ingammik ulluinnarni inuunera suli aamma inissaqartinniarsaralugulu pigama - tassa ilinniarfinni {allaaserisisassat}${typo,si-0|allaaserisassat}, suliffinni suliassat, ilaqutakkalu takunissaat aamma inissaqartinniarnikuugakkit uffa suliamik annertuumik ingerlataqarlunga.
Isumasioqatigiisitsineq iluatsilluaqisumik ingerlavoq inuusuttullu peqataasut assut pissarsiaqangaatsiarlutik. Ataasinngornerlu ataatsimeersuarnerup ulloraa, ataatsimeersuarneq sioqqullu aaliangereersimavunga siulersuisuuffinnit tamanit tunuarniarlunga, tassa IAS-ip siulersuisuinut ilaaniarnanga aammalu IAK-p siulersuisuinit taarserneqarnissara anguniarniarlugu, tamannalumi iluatsingajappoq. Tassaana qasusimanermit tamakku nakeriunnaavinnikuugakkit, piffissaqarfiginngitsutut misigisimaleraluttuinnarama. Nutaanilli qinersisoqalermat innersuunneqaqattaarama naaggaaqattaaraluarlunga ilagut oqalulermata siulersuisut aamma tamarmik nutaaginnaviissappata arlaatigut ajutuutallannermik kinguneqarsinnaasoq akuersaaginnarsimavunga.... Assut ilaarusunngikkaluaqalunga ilanngullunga ataatsimeeqqaaratta ajukujussimavunga kisiannili tullissaanik naapikkatta malugalugu uanga suna tamaat nammattariaqanngikkiga assut qungujulallunga issiaqataarujoorsimavunga :) nuann tassa taamaassaaq :)

Aammaana ilinniarnera assut eqqarsaatigilersimagiga, ilinniarninni aallarteqatikka tamarmik bacheloritut qangalili naammassereernikuupput, massakkullu specialiliorrallutik, uangaluunniit suli bacheloritut naammassissutissara eqqarsaatigilernagu...
Kinami ilaa oqarami qanorluunniit piffissarititaasoq malillugu ingerlassasunga.
Uanga arnaavunga naliginnaanngitsoq taamaattumillu aamma naliginnaasut malinnagit inuunera ingerlappara :) hihi tassa ilumoortoq!

Naammassinissaraasiit kinguarteqqippara, sulisitsisussama tamanna akuerisinnaassanerpaa? Kisiannimi uanga nuannaaruma silarsuarmi pingaarnerpaasutut isigaara :D

Eqqissillunga inooqataarusuppunga, tuaviinnaq ingerlananga maannali inooqataallunga. Ilaquttakka piffissaqarfigerusuppakka, nalunartaqaarmi susoqariasaarsinnaanera. Ilinniarnera uanga temponnik ingerlakkusuppara taannaannavik silarsuarinnginnakku, ikinngutikka piffissaqarfigerusuppakka aamma pisariaqartittarakkit. Minnerunngitsumilli asasannguara aamma piffissaqarfigerusuppara taannami siunissanni ilaasoq nalunnginnakku :)

Suliffissaqartuarpunga, sullarikkama - suliffik suugaluarpalluunniit iluamik sulinissara pingaartittarakku.
Angerlarsimaffeqarpunga - mikisunnguugaluartoq najugaqannginnermiit pitsaanerujussuummat.
Inooqataavunga maannakkut.

Imminut nalunngilanga, nalunngilara sunikuunerlunga - nalunngilara maanna qanoq inuunerlunga - nalunngilara siunissami suniarnerlunga - imminut nalunngilanga, inuimmita allat taama oqarsinnaappat?

Immissinnut paarigisi, eqqaamallugulu aamma ullumi inuuneq malugissagassiuk
-Tika