Stresserpit?
Stresserneq, ulapaarpallaarluni eqqissiveerunneq - ajortinneq - nuanninngilaq misigalugu.
Inuilli ulluinnarni assut atugaraat oqassallutik stresserlutik. Stressili nappaataavoq ilumoortoq, atorlugulu nuanninngeqisoq.

Ilumut stressernerlutit paaserusukkukku nakorsamik oqaloqateqartariaqassaatit, ilisarnaatilli ilaat aaku:

Stressernermut ilisarnaatit assigiinngitsunut pingasunut agguagaapput, qorsuk = sakkukittumik stresserneq, taama ingerlaannarallarsinnaavutit sivikitsumilli - sivisuumik taamakku stressernermut ilisarnaatit atorukkit stressernerit ulorianarnermut pisinnaammat. Orangiaq = unikaallattariaqalernermut takussutissat, stressernermut ilisarnaatit orangiamiittut arlaat atugarigukku eqqarsarluarit, inuuninni allanngortitassaqaruit ajortivinnginninni iliuuseqarit. Aappaluttoq = iliuuseqarit, stressernerit ulorianarpoq, nakorsamut saaffiginnigit!!

Qorsumi ilisarnaatit makkuupput:
Ilaanneeriarluni uummatip kassussuaalertarnera
Ilaanneeriarluni sajulertarneq, imaluunniit taama piniarnani qisuariasaartarneq
Kiagunneq
Qarsunganeq
Panertoorneq
Pissangaammertarneq
Qunuummertarneq
Querusunneq
Orangiami ilisarnaatit makkuupput:
Qasoqqaneq
Sinnarlunneq
Timimi eqqissisimannginneq
Ilukkut/Eqqarsaatikkut akiuunneq
Puffajaneq
Arnat: qiaqqajaaneq
Angutit: Matoqqalerneq/Oqaaseqarpiassaarneq
Aappaluttumi ilisarnaatit makkuupput:
Puujortalerneq / Eqqarsaatit allamiittarneri
Eksemeqaraanni / nappaateqaraanni sakkortusineri
Nassuiaatissaqanngitsumik anniarneq
Inuit akornaniikkusukkunnaarneq
Qiimmassaatinik atuinerulerneq
Kamajalerneq
Naarlunneq erlavilunneq
Arnat: Aaqarnerup allanngornera
Stressersorinnginneq
Kikkulluunniit eqqugaasinnaapput, sivisuallaammik ulapaarneq kingunerlussinnaavoq - ulapputeqarsimatillutit eqqissisimaartarnissat eqqaamajuk! Eqqissisimaarnitsinnimi ulapeqqinnissatsinnut nukissaneqqittarpugut, eqqisisimaartanngikkaannili ulapinnissamut nukissaarukkaluttuinnalernarpoq... Ulapittuarsimagaanni ajortissanani eqqissisimaarnissaq pisariaarussorinartarpoq, tamannali ulorianarpoq - eqqissisimaalaarnissarmi pisariaqartuarpoq, nukissaqarumagaanni!

Immissinnut paaralusi - eqqissisimaalaartarlusilu - ulapaarluarnissassinnik kissaappassi ;)

paasisaqarnerorusukkuit www.forebygstress.dk takuuk :)