Tikap silarsuaa
Ullormut Tikap silarsuaani eqqarsaatit pisullu assigiinngittaqaat.

Qaammaterpassuit qivittulersaarutit pillugit allaaserisara kiisami naammassileqaaq, qaammaterpassuit ingerlatiinnavinnikuunngilara piffissaqaleraangamali aatsaat aallunniakujuttarlugu.

Maannalu aamma allaaserisassama aappaanut piareersarlunga atuarniaalukkaluarlunga, taanna oqaatsinut tunngammat sukkanermik suliarisinnaasoriniarlugu sunaaffa aamma tassa atuagassakka pikkunaanngaarmata, nutaarsiassartaqanngingaarmata, arriikujuttumik suliarinialerakku :)

Kalaallisut ilinniartitsinera aasaanerani unikkallarpoq, oqaasileriffimmili sulinera aasaanerani uninnavianngilaq.

Oqaasileriffimmi oqaaserpassualerinermik suliaqarpunga, taasalu kalaallit oqaatsivut uiguutai qarasaasiamit atuarneqarsinnaanngorlugit suliaqarlunga.

Ullormut ilikkakkanik ulikkaartuaannarpunga, ullumilu ilikkagara tassaavoq binærsystemit qanoq systemeqarneri... uagut kisitsilerinermik nalorsakujuttartugut tamakkuninnga paasiniaanerput ilaanni sivisulaartarami hehe :)

Una sapaatip akunnera naappat Inuusuttut Ataqatigiit Suleqatigiiffiannit inuusuttunik nunatsinni aatsitassarsiorneq pinngortitarlu pillugit isumasioqatigiisitsinissarput kiisami piareerpoq :) piareersaatit tamakkipajaarput nuann!! :)
Taamaammat Nuummiikkuit isumasioqatigiinnermut peqataasinnaavutit. ;)

Allaaserisakka ingerlateqqilaariarlugit, nuanneqaaq allamut saasalaarluni :D

Qilaliarluarisi, meeqqallu ulluanni pilluaritsi
-Tika