Kunuuti Kleemann 2.S 17/9-12

Ilinniartuuneq 

Aallaqqaasiut: Uani eqqartussuara ilinniartuuneq. Ilinniartuunerup ukiut 15’it iluanni ineriartornissaa allaaserissuara. 

Nunatsinni ilinniartuusimanissaq pingaarutilerujuuvoq. Nunatsinni Hjemmestyret ullutsinni suliaasa annersaasa ilaraat ilinniarnikunik amerlanerpaanik pilersitsiniassallutik. Tassami ukiuni kingullerni suliffeqarfiit amerlanerpaat piumasaraat, ilinniarsimasunik sulisoqassallutik. 
   Ullutsinni kalaallit ikippallaarujussuarput ilinniarnikut, imaluunniit gymnasie naammassiinnariarlungu ingerlaqqinneq ajuleqqasunik. Oqartoqartarpoq gymnasie naammassingaanni aatsaat tassa ilinniarneq aallartittartoq. Isumaqarpunga kalaallit eqqarsartariaasiat aaqqittariaqartoq ilinniarnerup tungaatingut. Assersuutigiinnarlugu eqqaariikkattut gymnasie naammassigaanni eqqarsartariaaseq imaalerluni aatsaat ilinniarluni aallartissinnaanngorlungu. Gymnasie-mi tassaavoq ilinniarfinnut ammaassisartoq, uangut kalaallit amerlanerit eqqarsartaratta gymnasie naammassigutsigu tassa piareerluta sumiluunniit sulisinnaanngorluta. Soorunami aamma suliffinni minnerulaanik ammaassisartuuvoq soorlu vikar meeqqat atuarfianni imaluunniit arlaanni suliffeqarfinni annerni nutserisoq. Tamakku atorfiit kalaallit nunaata namminersulernissaanut annikippallaarujussuarput. Taama kalaallit ikitsigaluta ilinniakkamik naammassinninnissaq pingaarnerpaajuvoq.
  Ukiut 15-innit iluanni ilinniarnerup annertusinissaannut tamakku aaqqeqqaartinnagit sukkasuumik siuariartorneq aallartissinnaanngilaq. Immaqa eqqarsartarpungut ukiut 15-it qaangiuppata kalaallit ilinniartitsisut qallunaat Danmark-imiit tikisittakkaniik amerlanerulissasut. Soorunami tamanna pisinnaavoq tamatta kalallit suleqatigiikkutta eqqarsartariaatsigullu ilinniarnerup tungaatigut aaqqikkutsigit. Illuatigut ineriartorneq nikinngeriataarsinnaavoq , ukiullu 15-innit qaangiuppata ullumikkutoqqissaaq suli ingerlalluta. 
  Eqqartoriikkakka eqqarsaatigigaanni isumaqarnarsinnaavoq piviusorsiornerunngitsoq ukiut 15 iluanni kalaallit ilinniarnikut ima amerlatigilersimassasut allaat Kalaallit Nunaata namminersulernissaanut naammattunik. 
  Uanga takorloorpara siuariaateqarujuttuussaasugut naak inuusuttut amerlasuut nalorningaluartutilinniaqqinnissap tungaatigut. Kisianni pilerisaarinikkut ilinniaqqusinerullu ingerlannerisigut tamakku qaangilertorneqarsinnaapput. 

Naggasiut: Misigaanga ilisimasakka eqqartorneratigut isummersuutimmalu aniasinnerasigut ilinniarnikkut periarfissat amerlanerit paasisimallugit.
Ilumoorpoq ukiut 15 qaangiuppata taamatut pisoqaratarsinnaasoq.