Du er her:
Pressemelding, 08.10.2012
Nr.: 98/12
Statsbudsjettet 2013:
Auke til nasjonale kulturbygg på 27 millionar kroner
Kulturdepartementet gjer framlegg om 195,5 millionar kroner i tilskot til nasjonale kulturbygg. Auken er på om lag 16 prosent samanlikna med løyvinga i 2012.
Løyvingsframlegget gjeld følgjande prosjekt:
- Kilden: 64 millionar kroner. Kilden vart opna 7. januar 2012.
- Stavanger konserthus: 39 millionar kroner. Konserthuset vart opna 14. september 2012.
- INSPIRIA science center: 4 millionar kroner. Senteret vart opna i mai 2011.
- Kulturkvartalet i Bodø: 35 millionar kroner. Kulturhuset Stormen skal etter planen stå ferdig i 2014.
- Aust-Agder kulturhistoriske senter: 20 millionar kroner. Senteret skal etter planen stå ferdig i 2014.
- Bergen Kunsthall: 4 millionar kroner. Prosjektet femner om ombygging av eksisterande bygning.
- Vestfoldmuseene: 2,5 millionar kroner. Prosjektet vil fullføre tidlegare ombyggingar.
- Notodden Bok- og Blueshus: 4 millionar kroner. Bygget skal etter planen stå ferdig ved årsskiftet 2013/2014.
- Romsdalsmuseet: 4 millionar kroner. Bygget skal etter planen stå ferdig i 2015.
- Østfoldmuseene: 3 millionar kroner. Bygget skal etter planen stå ferdig i 2016.
- Jærmuseet – Vitenfabrikken: 4 millionar kroner. Bygget skal etter planen stå ferdig i 2015.
- Mjøsmuseet: 1 million kroner. Prosjektet skal etter planen stå ferdig i 2014.
- Norsk Folkemuseum: 4 millionar kroner. Prosjektet skal leggja til rette for at bygningen Bybygg kan gjenopnast for publikum.
- Regjeringa har også tilrådd 7 millionar kroner til prosjekteringa av nytt bygg for
Norsk Bergverksmuseum.