Avdeling for formuesforvaltning blir leidd av ekspedisjonssjef Martin Skancke. Avdelinga blei oppretta hausten 2006.
Avdeling for formuesforvaltning har ansvaret for Finansdepartementets arbeid med Statens pensjonsfond og Statens obligasjonsfond. Statens pensjonsfond består av Statens pensjonsfond utland (tidlegare Statens petroleumsfond) og Statens pensjonsfond Noreg. Finansdepartementet er ansvarleg for fonda, og den operative forvaltninga er delegert til henholdsvis Noregs Bank (Statens pensjonsfond utland) og Folketrygdfondet (Statens pensjonsfond Norge og Statens obligasjonsfond).
Den samla verdien av Statens pensjonsfond var omlag 2 360 milliardar kronar ved inngangen til 2009, og det er forventa at fondet vil vekse raskt dei neste åra.
Avdeling for Formuesforvaltning blei oppretta for å styrkje forvaltninga av Statens pensjonsfond, som er ei sentral oppgåve for Finansdepartementet. Oppgåvene til avdelinga omfattar bl.a. arbeid med investeringsstrategien, arbeid med oppfølging av Noregs Banks og Folketrygdsfondets operative forvaltning og oppfølging av dei etiske retningslinjene for Statens Pensjonsfond utland.
Finansdepartementet sin ambisjon er at Statens pensjonsfond skal vere verdas best forvalta fond.
