Avdelinga har ansvar for å utforme og samordne den generelle barne- og ungdomspolitikken. Under dette høyrer barnevern, adopsjon og lovgjevning på området, samt tilskot til barne- og ungdomsorganisasjonar, internasjonal ungdomsutveksling og barne- og ungdomstiltak i større bysamfunn.
Ansvarsområda til avdelinga er forbrukarpolitikk, forbrukarinformasjon, hushaldsøkonomi, berekraftig forbruk og forsking på forbrukarspørsmål.
Integrerings- og mangfaldsavdelinga arbeider med integrerings- og inkluderingspolitikken overfor innvandrarbefolkninga.
Avdelinga samordnar den offentlege likestillingspolitikken, medrekna likestilling mellom homofile og heterofile. Avdelinga har vidare ansvar for å utvikle samlivspolitikk og barne- og familierett og dessutan å forvalte lovområda til avdelinga.
Barne- og likestillingsdepartementet legg vekt på openheit og skal syte for korrekt informasjon til rett tid. Avdelinga tek initiativ til kommunikasjonstiltak og har oppdaterte meldingar på www.bld.dep.no. Avdelinga handterer dessutan medieførespurnader og kommunikasjonsspørsmål kontinuerleg.
Avdelinga har service- og støtteoppgåver for dei andre avdelingane i departementet. Avdelinga har vidare stabs- og samordningsoppgåver for departementet.
