Leiingas sekretariat legg til rette, kvalitetssikrar, samordnar og prioriterer, på vegne av departementsråden, saker som vert lagt fram for statsråden.
Kommunikasjonseininga i Forsvarsdepartementet er organisert som eige stabselement under departementsråden. Eininga har ansvaret for fagleg koordinering i forhold til det andre kommunikasjonsarbeidet i Forsvaret, også Forsvarets mediesenter og bladet F.
Internrevisjon skal bidra til at Forsvaret når sine mål, gjennom å gje leiinga støtte i Forsvarsdepartementet si styring og kontroll med underlagde ledd.
Avdeling for personell og fellestenester omfatter ei rekkje forskjellege fagområder, så vel administrative som meir utviklingsprega.
Avdeling for tryggleikspolitikk har ansvaret for handsaminga av tryggleikspolitiske spørsmål, samt for departementet si internasjonale verksemd og relasjonar på det tryggleikspolitiske området.
Avdeling for økonomi og styring har hovudansvaret for planlegging og utvikling av Forsvaret si verksemd, organisasjon og struktur innanfor den enkelte langtidsplanperiode. Vidare skal avdelinga drive overordna styring og kontroll av verksemda i underlagde etatar.
Avdeling for forsvarspolitikk og langtidsplanlegging har ansvar for strategisk analyse, overordna langsiktig policyutvikling og planlegging for forsvarssektoren.