Norsk husdyrbruk er prega av å vera småskalaføretak baserte på familiebruket. Helsetilstanden i norsk husdyrbruk og dyrehald elles har tradisjonelt sett vore svært god. Den gode helsetilstanden har me greitt å halda oppe i ein ny situasjon med opnare grenser. Dyrehaldet i Noreg vert regulert sterkare og sterkare av internasjonale avtaler gjennom regelverk i EU og Europarådet, som me følgjer opp.
Det er ein klår målsetnad at helsetilstanden og velferda i dyrehaldet vårt skal vera mellom dei beste i verda. Dette skal gjelda for alt dyrehaldet vårt, frå produksjons- til sports- og familiedyr.