Funksjonshemma
Personar med nedsett funksjonsevne skal ha høve til personleg utvikling, deltaking og livsutfolding på linje med andre samfunnsborgarar. Alle skal ha like rettar og så langt som mogeleg kunne fastsetje over sitt eige liv.
Regjeringa vil leggje til rette for at personar med nedsett funksjonsevne kan vareta sine rettar og pliktar som samfunnsborgarar. Regjeringa legg prinsippet om samfunnsmessig likestilling og universell utforming til grunn for arbeidet sitt. Personar som lever med funksjonsnedsetjingar må sikrast levekår og livskvalitet på linje med den andre befolkninga.