Norsk havbruksnæring er ei moderne og internasjonalt konkurransedyktig næring som produserer sjømat på ein effektiv måte. Produkta frå akvakultur utgjer om lag halvparten av den samla verdien av norsk fiskeeksport.
Laks og aure er dei dominerande artane i norsk havbruksnæring. Det er likevel sett i gong eit omfattande utviklingsarbeid med sikte på å drive akvakultur på artar som torsk, kveite, steinbit og skjel. Av desse artane er det torsk som i dag har kome lengst i forhold til kommersialisering.
For å starte havbruksnæring i Noreg blir kravt det løyve frå styresmaktene. Det blir også stilt strenge krav til drifta. Miljøomsyn og arbeid med fiskehelse, fiskevelferd og mattryggleik har høg prioritet både i næringa og forvaltinga, og er viktige vilkår for havbruksnæringa si konkurranseevne.