Innvandring og inkludering
Regjeringa vil føre ein heilskapleg innvandrings- og flyktningpolitikk forankra i Noregs internasjonale forpliktingar. Regjeringa vil ha ei balansert og kontrollert innvandring og ein konsekvent asylpolitikk.
Regjeringas integrerings- og inkluderingspolitikk bygger på likeverd, solidaritet og rettferd. Alle som bur i Norge skal ha same plikter, rettar og moglegheiter til å bidra og delta i felleskapet.
Det er Justisdepartementet som har ansvaret for innvandringspolitikken. Arbeidsdepartementet har ansvaret for arbeidsinnvandring og Barne-, likestillings- og inkluderingsdepartementet har ansvaret for integrerings- og inkluderingspolitikken.
På denne sida finn du informasjon og dokument som handlar om innvandring og inkludering på eit overordna nivå. Du kan utforske temaet meir i menyen til høgre.