Det samla jordbruksarealet i Noreg er 10,3 millionar dekar, eller 2,1 dekar pr. innbyggjar. Jordbruksarealet utgjer om lag 3 prosent av landarealet, mot 57 prosent i gjennomsnitt i EU. Produktiv skog dekkjer 70 millionar dekar eller 22 prosent av landarealet, medan 75 prosent er fjell, vatn og utbygde område.
I jordbruksavtala vert det lagt viktige føringar for dei økonomiske rammevilkåra i jordbruket. Avtala er ei tinging mellom staten og jordbruket om prisar på jordbruksvarer og andre føresegner for næringa. Samla sett er det inntektsoppgjeret til landbruksnæringa.
Rammevilkåra til jordbruket rettar seg òg etter internasjonale handelsavtaler.