Kommunikasjonseininga i Forsvarsdepartementet er organisert som eige stabselement under departementsråden. Eininga har ansvaret for fagleg koordinering i forhold til det andre kommunikasjonsarbeidet i Forsvaret, også Forsvarets mediesenter og bladet F. Eininga tar også hand om informasjonsfagleg samarbeid mot andre etatar under Forsvarsdepartementet. Eininga er såkalla dobbelthatta. Det vil si at eininga skal gi støtte til statsråden og anna politisk og administrativ leiing og til forsvarssjefen. Talsmannsfunksjonane blir tatt hand om med separate talspersonar for forsvarsministeren og forsvarssjefen.
