Målet for kyrkjepolitikken er å leggje til rette organisatoriske og økonomiske rammevilkår for Den norske kyrkja slik at ho kan leve og verke som ei vedkjennande, misjonerande, tenande og open folkekyrkje.
Fornyings-, administrasjons- og kyrkjedepartementet har etatsansvar for presteskapet, biskopane, bispedømmeråda, Kyrkjerådet, Restaureringsverksemda ved Nidaros Domkyrkje, Det praktisk-teologiske seminar og Opplysningsvesenets fond. Departementet har òg ansvar for utanlandske krigsgraver i Noreg og norske krigsgraver i utlandet.
Departementet forvaltar eit omfattande kyrkjeleg lov- og regelverk, medrekna kyrkjelova, gravferdslova, lov om Opplysningsvesenets fond og heilagdagslova.