Landbruket endrar seg sterkt som følgje av m.a. endringar i forventingane og krava til mat frå forbrukarane og internasjonale rammevilkår. Det er difor naudsynt med nyskaping, marknadsretting og betre lønsemd i produksjonen av landbruksbaserte varer og tenester. For å få til dette må det utviklast eit landbruk som tek i bruk nye marknadsmåtar.
Landbruks- og matdepartementet arbeider for å etablera næringsaktivitetar, i og i tilknyting til landbrukseigedomane, som representerer noko nytt i høve til det tradisjonelle landbruket.