I OEP kan du søkje i brev og dokument frå statlege verksemder og bestille dei du ønskjer innsyn i. Ved å bruke OEP har du høve til å følgje den politiske beslutningsprosessen på Internett på tvers av verksemdsgrensene. Dei statlege etatane publiserer sine offentlege journalar via OEP. Dine bestillingar blir sendt direkte til verksemda.
Kva er OEP?
Offentleg elektronisk postjournal er ei felles publiseringsteneste for postjournalane til statlege verksemder. Verksemdene nyttar publiseringsløysinga til å gjere sine eigne postjournalar tilgjengeleg på Internett for alle. Dei ulike postjournalane blir deretter samla i ein felles database som blir gjort søkbar for brukarane. Brukarane kan søkje etter informasjon gjennom OEP og bestille innsyn i den informasjonen dei finn interessant. Denne bestillinga blir sendt til den verksemda som er ansvarleg for journaloppføringa. Deretter blir bestillinga behandla av verksemda som eit innsynskrav, og brukaren får svar direkte frå verksemda.
Søk i OEP
