Landbruks- og matdepartementet har ansvar for matpolitikk og landbrukspolitikken.
Matpolitikken skal sikre forbrukarane trygg mat av rett kvalitet gjennom ein sunn matproduksjon, og leggje til rette for eit ernæringsmessig fullgodt kosthald. Landbruks- og matdepartementet har i samarbeid med Fiskeri- og kystdepartementet og Helse- og omsorgsdepartementet ansvar for utforming av matpolitikken og forvalting av matvaresystemet frå primærproduksjon fram til forbrukarane. Regjeringa har starta eit omfattande arbeid for å forenkle og forbetre lovverket og tilsynet. Samtidig vil ansvarsfordelinga mellom dei tre departementa bli klarare.
Landbrukspolitikken omfattar arealforvalting, jord- og skogbruk, husdyrhald, reindrift og utvikling av nye næringar med utgangspunkt i landbruket. Landbrukspolitikken skal sikre ressursgrunnlaget for landbruksproduksjon, utvikle kunnskapsgrunnlaget og medverke til verdiskaping og sysselsetjing i heile landet med utgangspunkt i landbruket og landbruksbaserte produkt.
Sentrale rammevilkår for mat- og landbrukspolitikken er den generelle økonomiske politikken, marknaden og handelspolitikken som følge av WTO-avtalen og EØS-avtalen, og Stortinget si behandling av:
Mat- og landbrukspolitikken baserer seg på to grunnleggande forhald:
- Ei forbrukarorientering av all verksemd innanfor dei områda der Landbruks- og matdepartementet har forvaltningsansvar.
- Ein effektiv og framtidsretta næringspolitikk som ser samfunns- og næringshensyn i samanheng.