Om departementet

Samferdselsdepartementet har det overordna ansvaret for rammevilkår for post- og televerksemda, for luftfarts-, veg- og jernbanesektoren og for riksvegferjene.

Arbeidsområdet til departementet omfattar langtidsplanlegging, utgreiing og analyse samt lov- og forskriftsarbeid og budsjettsaker innanfor desse sektorane.

Departementet har etatsstyring av Statens vegvesen, Jernbaneverket, Luftfartstilsynet, Jernbanetilsynet, Post- og teletilsynet, Taubanetilsynet samt Statens havarikommisjon for transport. Vidare forvaltar departementet staten sine eigarinteresser i Avinor AS, Posten Norge AS, NSB AS og Baneservice AS.

Oppgåvene til Samferdselsdepartementets

• Politikkutforming: Førebuing av saker som skal leggjast fram for Stortinget, blant anna statsbudsjettet med revisjonar, forslag om lover og lovendringar, planar for samferdselssektoren og saker som gjeld organisering og form for tilknyting for dei verksemdene som er underlagt departementet.
• Styring av etatar og verksemnder: Iverksetjing av retningslinjer og krav som Stortinget fastset for dei forvaltningsorgana og selskapa som departementet har ansvar for. For forvaltningsorgana består styringa i oppfølging og kontroll av at løyvingar blir nytta etter føresetnadene, at lov- og regelverk blir følgde og at forvaltningsorgana har ein organisasjon som er tilpassa oppgåvene. Departementet har ansvaret for å forvalte staten sitt eigarskap av selskapa på ein måte som varetek både bedriftsøkonomiske omsyn og omsynet til samfunnet.
• Forvaltning: Behandling av saker etter gjeldande lov- og regelverk innanfor ansvarsområdet til departementet eller for statsforvaltninga allment. I tillegg blir forespurnader frå enkeltpersonar og institusjonarbehandla , saker som er sende ut for kommentarar frå andre departement mv.