Roger Solheim vart tilsett som politisk rådgivar for kulturminister Anniken Huitfeldt 28. oktober 2009. Solheim kom frå stillinga som informasjonssjef i Norges Fotballforbund. Frå 13. januar til 16. august 2010 var han konstituert statssekretær i Kulturdepartementet.
Solheim har avslutta sitt arbeidsforhold til NFF som følgje av den politiske rolla si i Kulturdepartementet. For å unngå spørsmål om habilitet vil Solheim i dei fyrste 6 månader i departementet ikkje delta i førebuinga av saker der NFF er part.
Solheim har også tidlegare hatt politiske stillingar for Arbeidarpartiet, som politisk rådgivar i Sosial- og helsedepartementet og politisk sekretær i Troms fylkeskommune. Solheim er cand.mag. med offentleg politikk og administrasjon, sosialøkonomi, matematikk og statistikk. Han har i tillegg utdanning i informasjon og informasjonsleiing frå BI (del av Master of Management).
Yrkeserfaring:
2000 - 2009 Informasjonssjef Norges Fotballforbund
1997 – 2000 Informasjonssjef/-rådgivar AS Vinmonopolet
1994 – 1997 Politisk rådgivar Sosial- og helsedepartementet
1993 – 1994 Politisk sekretær for fylkesordføraren i Troms
Utdanning:
2007 Master of Management, delkurs i Informasjon og informasjonsleiing
1999 Sosialøkonomi mellomfag
1998 Semesteremne i matematikk og statistikk
1992 Sosialøkonomi grunnfag
1990 Offentleg politikk og administrasjon, mellomfag
1989 Offentleg politikk og administrasjon, grunnfag
1988 Examen Philosophicum
1988 Examen Artium. Samfunnsfaglinja med fordjuping i bedriftsøkonomi
Organisasjonserfaring/tillitsverv:
2009 Leiar for BI Alumni Kommunikasjon.
1991 – 1999 Medlem av kommunestyret i Tromsø
1990 – 1994 Nestleiar i Tromsø Arbeidarparti
1990 – 1991 Leiar av Troms AUF, medlem av AUF sitt landsstyre
1987 Delegat til landsmøtet i NGS frå Tromsdalen videregående skole
