Du er her:
Pressemelding, 07.09.2012
Ragnhild Vassvik Kalstad ny statssekretær i FAD
Ragnhild Vassvik Kalstad (46) er i statsråd i dag utnemnd til ny statssekretær i Fornyings-, administrasjons- og kyrkjedepartementet (FAD).
- Eg ser fram til å setje i gang med jobben, og eg vil gjerne vere ein samtalepartnar for alle gruppene eg no har eit ansvar for. Som statssekretær ønskjer eg å vere med på å finne dei gode løysingane i tilhøvet mellom samar, dei nasjonale minoritetane i Noreg og storsamfunnet, seier Ragnhild Vassvik Kalstad.
I tillegg til samar og nasjonale minoritetar, skal Ragnhild Vassvik Kalstad ha ansvar for fylkesmennene, personvern og Statsbygg.
Ragnhild Vassvik Kalstad kjem frå stillinga som avdelingsleiar ved Senter for samisk helseforsking ved Universitetet i Tromsø.
