Reindrift er ei lita næring i nasjonal målestokk, men i både samisk og lokal samanheng har ho mykje å seia - når det gjeld økonomi, sysselsetjing og kultur. Reindrifta har alltid vore oppfatta og akseptert som ei heilt spesiell samisk næring. Reindrifta er difor ein viktig del av det materielle grunnlaget for samisk kultur.
På bakgrunn av nasjonale skyldnader, etter Grunnlova og reglane i folkeretten om urfolk og minoritetar, ser me på reindriftspolitikken i ein generell same- og samfunnspolitisk samanheng. Reindriftspolitikken er difor bygd på to sjølvstendige grunnlag: ein næringspolitisk produksjonsverdi og ein samepolitisk kulturverdi.