Entreprenørskap er viktig for å utnytte ressursane til folk, for å skape attraktive arbeidsplassar der folk bur, og for å auke verdiskapinga.
Kommunal- og regionaldepartementet ynskjer å leggje til rette for at folk skal kunne realisere ideane sine og etablere ny verksemd. Dette er særleg viktig i område med einsidig næringsmiljø for å sikre ein meir variert arbeidsmarknad og for å utvikle gode og dynamiske næringsmiljø.
Departementet har fire sentrale innsatsområde innan entreprenørskap:
• Kultur for entreprenørskap
• Rettleiing og auka kompetanse
• Finansieringsordningar for bedrifter i tidleg fase
• Infrastruktur, tilrettelegging og nettverksarbeid
Unge og kvinner
Regjeringa legg særleg vekt på at det blir lagt til rette for at unge og kvinner får høve til å skape sin eigen arbeidsplass. Regjeringa ynskjer at ungdom som vil det, skal ha reelle moglegheiter til å arbeide og busetje seg utanfor tettstader eller større byområde. Kvinner og unge utgjer ein viktig ressurs som kan medverke til verdiskaping og utvikling av attraktive lokalsamfunn. Regjeringa lanserte i 2008 Handlingsplan for meir entreprenørskap blant kvinner med ei rekkje konkrete tiltak for å styrke entreprenørskap blant kvinner. I 2009 vart det lansert ein handlingsplan for entreprenørskap i utdanninga.
Gjennomføring
Dei konkrete tiltaka blir i hovudsak gjennomført av lokale, regionale og nasjonale aktørar. Mykje av arbeidet blir finansiert med midlane som er kanalisert via fylkeskommunane.
Aktuelle tiltak:
