Statens innkrevjingssentral (SI) blei oppretta som eit særorgan under Politiavdelingen i Justisdepartementet 1. juli 1990.
Etaten ligg i Mo i Rana.
Oppgåva var den gongen å krevje inn økonomiske straffekrav frå politiet og domstolane. I tillegg til å effektivisere bøteinnkrevjinga, var det eit viktig mål å sikre lik behandling og fullføring av straff, samt å betre den skadeliden si stilling.
Etter kvart har SI fått tilført nye oppgåver og krevjar i dag inn ei rekkje statlege fordringar; gebyr, avgifter og gjeldskrav. SI har også ansvaret for å drifte økonomisystemet for heile politi- og lensmannsetaten.
Talet på tilsette har auka frå 65 i 1990 til 315 i 2005. Totalt kravd sum har auka frå 355 millionar kronar i 1991 til 12,2 milliardar kronar i 2005.
Med verknad frå 1. januar 2001 blei SI overførd frå Justisdepartementet til Finansdepartementet.