Fornyingsdepartementet har etablert ei mellombels støtteordning for breibandsutbygging. Ordninga skal stimulere til utbygging i område som ikkje er kommersielt lønsame å byggje ut. Føremålet er å sikre fleire husstandar tilgang til internett. Støtteordninga har ei ramme på 15 millionar kroner. Søknadsfristen er 15. februar 2012.
- Regjeringa har som mål at innbyggjarane skal ha tilgang til breiband. Denne støtteordninga vil tette nokre av dei siste hola i breibandsdekninga. Eg vonar vi får inn mange og gode søknader, seier fornyingsminister Rigmor Aasrud.
Midlane er lyste ut som prosjektmidlar i regi av Noregs forskingsråd. Alle kommunar og fylkeskommunar i landet kan søkje. Det kan søkjast om inntil 60 prosent av totalkostnaden for utbyggingsprosjektet.
Rapporten Bredbåndsdekning 2011 viser at om lag 7000 husstandar i dag manglar eit grunnleggjande breibandstilbod (0,64 Mbit/s bandbreidd). 99,7 prosent har i dag eit grunnleggjande breibandstilbod, 94 prosent har tilgang på minimum 4 Mbit/s, mens 67 prosent har tilgang til minimum 25 Mbit/s bandbreidd. Rapporten er utarbeidd av Nexia på vegner av Fornyings-, administrasjons- og kyrkjedepartementet (FAD).
Utlysninga og søknadskriteria finst på Forskingsrådets nettstad.
Kontaktperson i Forskingsrådet er Vemund Riiser, tlf: 9288654, 
