Regjeringa har nedsett ei styringsgruppe som skal utgreie og foreslå utforming av minnesmerke etter angrepa 22. juli.
Styringsgruppa blir leidd av Åse Kleveland. Dei andre i gruppa representerer ulike involverte. Gruppa består elles av:
Kristin Berge, Kulturdepartementet
Ingrid Vad Nilsen, Fornyings-, administrasjons-, og kyrkjedepartementet
John Hestnes, lokal støttegruppe for 22. juli i Regjeringskvartalet
Tonje Brenna, AUF
Trond H Blattmann, Nasjonal støttegruppe etter 22. juli-hendingane.
Styringsgruppa skal fremje forslag til utforming og plassering av minnesmerka og skal leggje fram innstillinga si til Kulturdepartementet innan 1. april 2012.
Kunst i offentlege rom (KORO) vil vere involvert i dette arbeidet.
Regjeringa har avgjort at det skal vere to minnesmerke etter 22. juli, både i Oslo og ved Utøya. Minnesmerka skal heidre omkomne, overlevande, hjelpemannskap og frivillige.