Tilknytta verksemder

Mattilsynet

Mattilsynet, med hovudkontor i Oslo, er ein felles etat under Landbruks- og matdepartementet, Fiskeri- og kystdepartementet og Helse- og omsorgsdepartementet. Mattilsynet har ansvar for å føre tilsyn med tryggleik og kvalitet av sjømat. Mattilsynet har 8 regionkontor og 64 distriktskontor over heile landet. Nasjonalt senter for fisk og sjømat ligg i Bergen.

Garantikassa for fiskarane

Garantikassa for fiskarane ligg i Trondheim og administrerer dei sosiale ordningane til fiskarane.

Nettsida til Garantikassa for fiskarane

Nofima

Nofima driv forsking og utvikling for akvakulturnæringa, fiskerinæringa og matindustrien.

Nettsida til Nofima

Eksportutvalet for fisk

Eksportutvalet for fisk (EFF) i Tromsø har ansvar for felles marknadsføringstiltak for fisk og fiskeprodukt i utlandet og innanlands. Eksportutvalet har utsendingar i viktige marknader.

Forskingsrådet

Noregs forskingsråd i Oslo forvaltar ein omfattande del av fiskeriforskingsmidlane etter retningslinjer gitte av Fiskeri- og kystdepartementet.

Innovasjon Noreg

Innovasjon Noreg er ein sentral reiskap i arbeidet med marin innovasjon og verdiskaping. Her blir økonomiske verkemiddel administrerte overfor flåte, havbruk og fiskeindustri etter overordna retningslinjer gitte av Fiskeri- og kystdepartementet.

Forskingsfondet til fiskeri- og havbruksnæringa

Forskingsfondet til fiskeri- og havbruksnæringa (FHF) er eit fellesorgan for næringa sitt forskingsengasjement.

Veterinærinstituttet

Veterinærinstituttet er eit leiande institutt innan dyrehelse og mattryggleik knytte til landbruksbasert matproduksjon og helse hos akvatiske organismar for Landbruks- og matdepartementet og Fiskeri- og kystdepartementet.