Utgreiing om fripolisar og kapitalkrav

Leiar i Banklovkommisjonen, Erling Selvig, overleverte i dag ei utgreiing om fripolisar og kapitalkrav til finansminister Sigbjørn Johnsen.

Leiar i Banklovkommisjonen, Erling Selvig, presenterer utgreiing nr. 25, NOU 2012: 3 Fripolisar og kapitalkrav, til finansminister Sigbjørn Johnsen. Foto: FIN

Utgreiinga inneheld framlegg til endringar i føretakspensjonslovens reglar om fripoliser som kan bidra til å redusere omfanget av talet på fripolisar som vert utstedt. I utgreiinga gjer Banklovkommisjonen òg greie for dei utfordringane livsforsikringsselskapa står overfor ved forvaltinga av fripolisar.
- I tillegg til dei konkrete framlegga som vert gjort, utgjer utgreiinga eit godt analysegrunnlag for det vidare arbeidet med nye pensjonsprodukt, seier finansminister Sigbjørn Johnsen.

Les meir om framlegga i Banklovkommisjonen si pressemelding.

Finansdepartementet sender no utgreiinga på høyring. Departementet tek sikte på å fremje lovframlegg i løpet av hausten 2012, slik at endringane kan tre i kraft frå 1. januar 2013.