Kontantstøtte kan bli gitt for barn mellom eitt og tre år og for adoptivbarn som ikkje har begynt på skulen. Støtta blir maksimalt gitt i 23 månader, og barnet kan ikkje ha heiltidsplass i barnehage med offentleg driftstilskot.
Har du barn mellom eitt og tre år som ikkje går i barnehage med offentleg driftstilskot, kan du få full kontantstøtte. Har barnet deltidsplass i barnehage, kan du få delvis kontantstøtte.
For adopterte barn kan du få kontantstøtte i inntil 23 månader etter at stønadsperioden for fulle adopsjonspengar er gått ut, sjølv om barnet har fylt eller fyller tre år i løpet av perioden – under føresetnad av at barnet ikkje har begynt på skulen.
Det blir ikkje gitt kontantstøtte
Barnet må som hovudregel vere busett i Noreg. Barnet blir som hovudregel rekna som busett dersom det skal opphalde seg i Noreg i meir enn 12 månader.
Kontantstøtte kan i visse tilfelle bli gitt ved eit mellombels utanlandsopphald på opptil tre månader.
I enkelte tilfelle kan det òg bli gitt kontantstøtte for barn som er busett(e) i eit anna EØS-land, dersom forsørgjaren arbeider i Noreg, på norsk skip eller på norsk kontinentalsokkel, eller får pensjon frå Noreg på grunnlag av yrkesaktivitet eller er utsend arbeidstakar frå Noreg.
Bur foreldra saman, søkjer éin av dykk.
Bur foreldra kvar for seg, er det den barnet bur fast saman med, som kan søkje om kontantstøtte.
Foreldre som har inngått skriftleg avtale om delt bustad for barnet, kan velje å dele kontantstøtta. Ingen av foreldra kan i slike tilfelle nytte barnehageplass med offentleg støtte, og begge må søkje.
Søknaden sender du til Nav-kontoret der du bur.
Det er den tildelte tida i barnehagen som avgjer kor mykje du får i kontantstøtte. Det har ikkje noko å seie om barnet er mindre i barnehagen enn den tildelte tida.
Det er viktig at du melder frå dersom barnet begynner i barnehage. Feilutbetalt kontantstøtte må betalast tilbake.
Kontantstøtta er skattefri og blir utbetalt éin gong i månaden.
Kontantstøtte kan ikkje etterbetalast for meir enn tre månader før kalendermånaden du søkjer.
Avtalt tid for opphald i barnehagen (timar per uke)
|
Beløp per månad
|
---|---|
0 | 3 303 kr. |
1-8 | 2 642 kr. |
9-16 | 1 982 kr. |
17-24 | 1 321 kr. |
25-32 | 661 kr. |
33 og mer | kr 0,- |
Datoene gjelder for 2010.
Jan
|
Feb
|
Mar
|
Apr
|
Mai
|
Jun
|
Jul
|
Aug
|
Sept
|
Okt
|
Nov
|
Des
|
---|---|---|---|---|---|---|---|---|---|---|---|
27. | 24. | 29. | 28. | 28. | 28. | 28. | 27. | 28. | 27. | 26. | 15. |