Medlemskap i folketrygda er nøkkelen til rettar frå NAV. Det er ikkje avgjerande at du er norsk statsborgar, registrert i folkeregisteret eller betaler skatt til Noreg. Det som er avgjerande, er at opphaldet i Noreg er lovleg.
Noverande eller tidlegare medlemskap i folketrygda er ein føresetnad for at ein skal få trygderettar. Enkelte rettar kan likevel bli gitt til ein familiemedlem av ein medlem av folketrygda.
Kva ytingar du har krav på, kjem mellom anna an på kva dekning medlemskapen gir.
Enkelte trygdeytingar krev at du har vore medlem i folketrygda ei viss tid. Du kan lese meir om det under kvar enkelt yting.
Når er du medlem i folketrygda?
Busett i Noreg – pliktig medlem i folketrygda
Er du busett i Noreg, er du som hovudregel medlem i folketrygda.
For å bli rekna som busett, må du opphalde deg i Noreg i minst tolv månader. Når du flytter til Noreg for å vere her i minst tolv månader, blir du medlem frå innreisedatoen.
Dersom du ikkje bur i Noreg
Sjølv om du ikkje bur i Noreg, er du medlem i folketrygda dersom du
Frivillig medlemskap i folketrygda under opphald i Noreg
Dersom du skal opphalde deg i Noreg i tre til tolv månader utan å arbeide her og har sterk tilknyting til Noreg, kan du etter søknad bli medlem i folketrygda.
Frivillig medlemskap i folketrygda under opphald utanfor Noreg
Dersom du er medlem i folketrygda og skal opphalde deg i utlandet, kan opphaldet i utlandet medføre at medlemskapen i folketrygda tek slutt. Du kan då søkje om frivillig medlemskap i folketrygda.
Trygdeavtale
Noreg har trygdeavtalar med fleire land. Den viktigaste avtalen er med EØS-landa. Dersom du er omfatta av ein trygdeavtale, kan denne avtalen bestemme i kva land du skal vere medlem i trygda. Det som er nemnt ovanfor, kan då bli urett. Du bør undersøkje om ein trygdeavtale gjeld i ditt tilfelle.
Trygdeavgift
Å vere medlem i folketrygda inneber at du må betale trygdeavgift.
Kor mykje du skal betale i trygdeavgift, er avhengig av
Når tek medlemskapen slutt?
Arbeid eller opphald i utlandet kan føre til at medlemskapen i folketrygda tek slutt.
Konsekvensar av ikkje å vere medlem i folketrygda
Når du ikkje er medlem i folketrygda, har du ingen rettar etter folketrygdlova.
Det vil seie at du heller ikkje skal betale trygdeavgift.