Te mukhel hurdijakofrestiba
Jek gynekologikano frestiba hin jek frestiba so lelas pa douva téluni dieli pa dajanibako mén so kharelas dajanibakostokos ta so barjuvelas avri aro vagina. Frestiba vojbuvela sikavel pes sígas ka hin hurdijakpariba so vojbuvela ingarel ka dajanibakoménesko rako. Butvare hurdijakopariba so avela phukimen sígas pariba save sastavela korkones, nebi jek dieli mote les nikhi. Frestiba vojbuvela nína sikavel rako,vahka douva hin but binormalno.
Kana mukhelas regulikanes hurdijakofrestiba lelas jek džoralo arakhiba kajo dajanibakoménesko rako dženom te hurdijakopariba lahelas anglal douva anglavel rakeske.
Hurdijako fresiba lelas katar téluni dieli pa dajanibakomén,dajanibako tapi so.
Livmoder = Dajaniba, Äggstock = Járeskogóno, Livmoderhals=Dajanibakomén, Livmodertapp=Dajanibakostokos, Slida=Vagina
Regulikano kontroli
Jek gynekolokano hurdijakofrestiba rálila ari dóla sastibakokontroli, sar khardo sceening,sar džúvja aro Svede kharelas kaj regulikanes. Dženom ta hurdijakopariba vojbuvelas hokavel ta arakhes sikide, ka douva ingarelas te dajanibakorako hin avlo but binormalno télal 40 bereha.
Hurdijakofrestiba apo vaure tíji
Jek genekologikano hurdijakofrestiba vojbuvelas nína mukhel kana avelas aro bijandžika vaj gynekologi džana dženom gynekologikano dikhiba pa vaure doch. Onivar vojbuvelas hurdijakofrestiba áchel jek dieli pa gynekologikano ródiba kana sar eksemplura hin but ratvariba, nebi douva vojbuvela áchel jek tšihko tíja te mukhel jek screenibakofrestiba. Douva vojbuvel áchel tšihko endo tíja te mukhel jek frestiba,vaj ka hin nahudo sigide hurdijakofrestibako kontroli.
Hurdijakopariba ta rako
Hurdijakopariba vojbuvela dochavel pa jek hojiba aro ligalo so dochavelas pa bakteri vaj jek tíjakano virusikano infeksija. Douva hin normalno tipi pa hurdijakopariba so vojbuvela korkokanes sasjuvel.Vaure hurdijakopariba so vojbuvela ingaravel dajanibako méneskorako, vojbuvelas te lel nikhi pe jek lokho tšenjiba.
Kana hin jek hurdijakofrestiba so ná normalno tšërelas butvares jek ródiba tála avela bichiba kaj doktorikanodikhibake. Tála vojbuvela lel alsiba te hurdijakopariba mote lel nikhi vaj ventaven ta dikhel ka pariba sasjuvela pes korkorikanes.
Douva lelpe langhtotíja te bohlavelas dajanibakoménesko rako,butvares deh ka dehopanghto bereh. Douva hin but binormalno te rako so hin bohlo openbárilas apo hurdijakofrestiba,nebi douva fanula disave jekutno var. Tála hin butvares rako aro angluni nivo ta arakhiba vojbuvel avel lokhide pe kutide angouviba.
Sakho bereh lela kutide ke 450 sveitiko džúvja dajanibako ménskorako but butide, kutide 30 000 džúvja, lena te džanel te lenge hin hurdijakopariba.