Hortiba ka second opinion
Kana hin staudas aro doktori ta líjal jek nsvalibako phukiba so mienila te sterdola angnal bare medicikane agoriba hin hortiba te lel jek nevo medicinkano kavieriba pa jek vauro doktori, aja khardo second opinon. Douva mienila te hin vojiba te avel dikhimen pa jek vauro doktori ka dóleske risadas pes sikide. Mieniba te lel jek second opion hin te avelas sigurno pa arakhiba so siomsyla fendide peske.
Jek second opinionske hin hortiba kana
- hin jek drúvalo vaj jek vauro tšatšuno nasvaliba vaj dabiba ta
- diagnosi vaj arakhibosko alsiba vojbuvel rálavel spesijalne rizutno vaj lel mieniba aro dživibako slágake.
Sar eksemplura hin vojiba te lel jek second opinon kana hin rako vaj džiko vauro nasvaliba aro nervisistemi. Sárenes hin vojiba te puchel pa pesko doktori te hinko vojiba te lel jek second opinion.
Douva phuvjakotingi kaj dživela presavela
Butvare hin manera te lelas arakhel jek doktori vaj jek arkhibosko skokha aro jek vauro nasvalibako tšér ke douva so hin staudas vágunes aro douva puhvjakotingi kaj dživela. Kana hin kamjiba te avel ka jek spesijalo doktori vaj klika aro Svedo hin phuvjakotingi dochvalo te frestavel te lelas avel dóri. Douva iego phuvjakotingi hin dochvalo te presavel jek vauro medicinkano kavieriba, vahka douva mienilas te mote drades aro jek vauro phuvjakotingi Douva phuvjakotingi kaj dživela presavela nina dromeskopresiba.
Kaj hin vojiba te risavel pes?
Kana kameha te ródel jek second opinion hin vojiba te puchel pa pesko doktori vaj vauro angleskero pe douva centrali katar hin líjal váguno medicinkano kavieriba ka kaj hin vojiba te risavel pe pesko puchibaha.
Nína hin vojiba te lel kontakti pe pasijentengo konsilijake vaj pasijetengoangleskero aro dauva phuvjakotingi kaj dživelas te lel džaniba kaj risavelas pe te lelas jek second opinion.
Draba butide: Kana ná kamligo pe arakhibaha
